رواية اقتحمت غرورى الفصل الرابع عشر بقلم منى مجدى واية عماد
فى صباح جديد تصحا حياه وتقوم تاخد دوش وتصلى وطلعت جهزت الفطار ودخلت تصحى زين
فتحت الاوضه ودخلت لقتو واقف قدام المرايه بيظبط لبسو
حياه: صباح الخير
زين: صباح النور
حياه: الفطار جاهز
زين: مليش نفس افطرى واجهزى عشان نمشي
حياه: بس انت م اكلتش من امبارح وكدا مينفعش
زين: قلتلك مش جعان ويلا عشان منتاخرش
حياه بدموع: طب كل حاجه خفيفه طيب انت ماكلتش وهتتعب كدا
زين بعصبيه: قلت مش واكل واخلصى بقا
طلعت حياه من الاوضه راحت رجعت الاكل المطبخ تانى وهى بتعيط ودخلت لبست وطلعت لقتو قاعد مستنيها
حياه: انا جاهزه
زين مردش واقام ونزلو ركبو العربيه وراحو الجامعه
بقلم منى مجدى وايه عماد
فى الجامعه مليكه قاعده فى الكافتريا وبتكلم حازم
ودخلت عليها حياه
حياه: صباح الخير
مليكه: صباح النور
مليكه ل حازم طب انا هقفل بقا عشان حياه جت وقفلو
حياه كان باين عليها انها زعلانه
مليكه: مالك فى اى
حياه: مفيش انا كويسه
مليكه: عنيكى حمره وشكلك باين انك متضايقه فى اى
حياه: مفيش بجد ويلا عشان منتاخرش على المحاضره وزين مش هيدخلنا
مليكه وهى حاسه انو فى حاجه: تمام يلا
ودخلو المحاضره وشويه وزين دخل وطول المحاضره حياه عينها عليه وهو بيبص عليها بس مش مبين
وخلصت المحاضره وزين راح مكتبو
بقلم منى مجدى وايه عماد
فى مكتب زين دخل وقعد وفجاه لقا تليفونو بيرن برقم باباه زين اتعصب وقال اه يابنت الكلب اكيد قولتيلو وبعدين فاتح الخط
زين: الوو صباح الخير
والد زين: صباح النور اى الى سمعتو ده
زين: سمعت اى
والد زين بعصبيه: زين متستهبلش انت عارف انا بتكلم عن اى وازاى تتجوز وانا معرفش
زين: احم هى جات فجاه كدا وكنت هقولك
والد زين: هى اى اللى جات فجاه هو ده فيه فجاه وازى تروح وتتقدم ل اهلها وتتجوز وانا مش معاك
زين: قلتلك هى جات كده وكل حاجه جات بسرعه
والد زين: اه ومين بقا صاحبه الحسن والجمال وياترى من عيله مين
زين: من عليه بسيطه جدا وهى بنت كويسه وميفرقش معايا اى كان هيا بنت مين
والد زين: اه عشان كدا لقوك فرصه ف مسالوش عن اهلك وقالو المهم يتجوزو وياترى بقا جايبها من انهى مصيبه
زين بعصبيه: مسمحلكش دى مراتى واحترمها من احترامى
والد زين بنفس العصابيه: اه ومالو هى لحقت تقويك بس جه بقا الوقت نشوفها ونتعرف عليها جيبو هدومكم وتعالو هتقعدو فى الفيلا عندنا
زين: لا احنا قاعدين فى الشقه وكويسين كدا
والد زين: انا قلتها كلمه تجيب مراتك وتيجى تقعد فى الفيلا انا عاوز حفيد وانت عارف كدا
زين: بس
والد زين بمقاطعه: مبسش اسمع الكلام
زين: حاضر
وقفلو وزين كان متعصب جدا وفضل يخبط على المكتب من كتر العصبيه
نروح عند حياه ومليكه كان عليهم محاضره خلصوها وطلعو
مليكه: تعالى نقعد فى الكافتريا شويه
حياه: لا بلاش النهارده انا مش قادره ومصدعه
مليكه: مش هتقولي مالك
حياه: صدقيني مفيش
مليكه: هحاول اصدق تعالى اوصلك فى طريقى بقا
وطلعو ركبو ومشيو وحياه وصلت البيت وطلعت بدلت لبسها ودخلت تجهز الغداء على امل انو زين يرجع يتغدا
لقت بابها بيرن
حياه: الوو حبيبى يابابا عامل اى
والد حياه: بخير انتى عامله ايه ياحبيبتي
حياه: بخير ياحبيبى
والد حياه: انتى فى البيت انتى وجوزك
حياه: ايوا انا فى البيت وزين شويه وجاى فى حاجه يابابا
والد حياه: لا يا حبيبتى كنت جاى ازوركو
حياه بفرحه: تنور طبعا ياحبيبى امته جاى
والد حياه: هجهز واجى على طول انشاء الله ويكون جوزك رجع
حياه: تمام ياحبيبى تيجى بالسلامه
وقفلو حياه رنت على زين وقالتلوا يرجع البيت دلوقتي عشان فى حاجه مهمه بعدها بى نص ساعه زين رجع قال لحياه خير
حياه بابا جاى انهارده يزورنا وكنت محتاجه منك خدمه
بصلها زين ببرود وقالها قولى
ردت حياه مش عاوزه بابا يعرف حاجه عن المشاكل اللى بينا عوزه يشوفنا زى اى اتنين متجوزين طبيعى ارجوك يا زين انا مليش غير بابا وخايفه يتعب تانى مصدقت رضى عنى
رد زين مهوا كدا كدا هيعرف انتى مش كنتى عاوزه تطلقى
ردت حياه باليل بعد ما بابا يمشى هنتكلم سوا ينفع
رد زين ببرود ينفع
دخلت حياه تكمل تجهيز الاكل وهى مبسوطه ان بابها جاى يشوفها وخلصت ودخلت اخدت دوش ولبست بيجامه وسرحت شعرها وطلعت تستنا بابها
.......... بقلم منى مجدى وايه عماد
عند مليكه وصلت الييت وطلعت اخدت دوش وبدلت لبسها ورنت على حازم
حازم: اى ياروحى عامله ايه
مليكه: بخير الحمدلله انت اى الاخبار
حازم: بخير لم سمعت صوتك اى رواحتى
مليكه: ايوا وصلت من شويه
حازم: يومك كان عامل اى احكيلى
مليكه: مفيش كان عندى محاضرتين حضرتهم وجيت على طول مفيش اى حاجه
حازم: ودلوقتى بتعملى اى
مليكه بضحك: برضو مفيش حاجه جيت وبدلت لبسى ورنيت عليك انت بتعمل اى
حازم: كنت فى اجتماع ولسه طالع من ربع ساعه وبخلص شويه ورق عشان الباشا زين مش جاى النهارده
مليكه: يعنى انا عطلتك
حازم: لا يعمرى طبعا ولو مش فاضى افضالك
ونسيب العشاق دول مع بعض ونروح عند حياه
كانت قاعده ولقت الباب بيخبط ف راحت على الباب وقالت مين طبعا ف رد عليها بابها ف فتحتلو ودخل
حياه وهى بتحضن بابها: وحشتيني اوى يابابا
والد حياه: وانتى كمان ياحببتى وحشانى اوى
حياه: حبيبى تعالا اتفضل ودخلو وحياه عملت لبابها قهوه وقعدو مع بعض وشويه وزين جه من جوه اوضه المكتب
زين وهى بيدخل: السلام عليكم
والد حياه: وعليكم السلام عامل اى زين باشا
زين وهو بيسلم: زين بس ياعمى انت زى والدى وكمان حمايا
والد حياه: حبيبى تسلميلي وقعدو كل ده وحياه وقفه مبسوطه من معمله زين لبابها
والد حياه: انا بشكرك يابنى على وقفتك مع حياه ومسعدتك ليا لولاك كان زمانى ميت
زين: بعيد الشر متقوليش كدا ربنا يديك الصحه يارب وبعدين انا معملتش حاجه كل الى دفعتو كان مهر حياه
زين: تشكر يابنى يارب وقعد يتكلمو شويه وبعدين
زين: حياه جهزى الاكل عشان ناكل مع بعض
حياه: حالا
والد حياه: حببتى متتعبيش نفسك انا شويه وماشى
حياه: ياحبيبى تعب اى هتتغدا معانا وتقعد معايا ملحقتش اشبع منك
ودخلت جهزت الاكل واكلو ودخلو الصالون يقعدو وحياه عملت قهوه وجت قعدت
والد حياه: تسلم ايدك ياحبيبتى الاكل كان جميل
حياه: حبيبى يابابا
وفضلو يتكلمو كتير بقا وبعد شويه استاذن والد حياه ومشى
وزين دخل اخد دوش وبدل لبسو لبنطلون بيتى مريح اسود وتيشرت اسود وطلع لقا حياه قاعده علي السرير
زين قعد جمبها وقالها قوليلى انتى عاوزه اى بالضبط
قالت حياه زين انا اسفه على الكلام اللى قلتلوا م،،،مكملتش كلامها زين شاور بأيدو بمعنى اسكتى قالها انا مش قابل اعتذارك ومش دا اللى جاى اتكلم فيه انا جاى اتكلم فى حاجه تانيه خالص قالت حياه بس احنا صعب نتطلق دلوقتي هقول اى لبابا قالها زين انا دلوقتي صعب اطلقك اصلا وخصوصا بعد مع ابويا عرف انى متجوز بعد ما زفته جيجى قالتلوا وعارف انك صعب تقولى لباباكى انك هتطلقى ومش هتعرفى تقوليلوا السبب عشان كدا انا شايف ان الافضل نكمل فى الجوازه دى قالتلوا حياه موافقه
قالها لسه مكملتش كلامى ابويا عاوز حفيد ومش هيسيبنى غير لما اجبلوا الحفيد
حياه والمعنى قالها انا وانتى لازم نخلف ومتفكريش انى عاوز اقرب منك مثلا او حاجه انا اصلا مش طايقك بس لو مجبتلوش الحفيد بابا مش هيكست وهيشك فى جوازنا وخصوصا انو طلب نعيش عندو فى الفيلا ودا معنه انو مش هيشيل الموضوع من دمغوا وبعد ما نخلف وقتها لو عاوزه تطلقى اتطلقى لو عاوزه تقعدى تعيشى مع ابنك معنديش مانع
قالتلوا حياه ولو موفقتش على شرطك ؟
قالها زين تعتبرى نفسك طالق
قالتلوا حياه بكسره للدرجادى مش فرقلك
قالها انتى اللى عملتى كدا فيا وفيكى
قالتلوا كل دا عشان عوزك تحبنى زى اى زوج بيحب زوجته قالها زين قلتلك مفيش حاجه اسمها حب وقلتلك يكفى انى بكون مبسوط وانا معاكى واعتقد دا كفايا لكن انتى مصره تصدقى كلام اهبل ملوش وجود ملحوظه ( الواد زين دا مستفز اوى الصراحه) نرجع
قالتلوا حياه الحب عمرو مكان كلام اهبل انك تحب شخص وتهتم بيه وقلبك يدق اول ما يقرب منك تحس انك مش حاسس بالوقت وانت قاعد معاه عاوز الزمن يقف بيك يكون بيهمك سعدتو اكتر من نفسك بتغير عليه وبتعشقوا كل دا بالنسبابك كلام اهبل
قالها زين ببرود اه اهبل.
قالت حياه ماشى يا زين براحتك وانا موافقه على عرضك وصدقنى فى يوم من الايام هثبتلك ان الحب موجود ومش مجرد كلام اهبل وسابتوا وراحت تنام
تانى يوم
صحيت حياه لقت زين فاتح لاب تبوا وقاعد عل السرير جمبها
زين من غيرم يبصلها: جهزى لبسنا عشان هنروح نقعد عند بابا فى الفيلا
حياه: حاضر بس هنقعد كام يوم عشان اعرف احط لبس قد اى
زين ببرود: معرفش حطى لبس كتير عشان مش عارف المده قد اى وغير كدا انا عندى لبس هناك
حياه: تمام
زين: واعملى حسابك مفيش جامعه انهارده
حياه: حاضر
ودخلت جهزت الشنط وطلعت لقتو زى ما هو شغال على الاب توب راحت وقفت قدامو
حياه: محتاجه حاجه اعملهالك
زين: لا مش عايز
حياه براحتك
.......بقلم منى مجدى وايه عماد
نروح فى الفيلا عند والد زين رجع من الشغل واتغدا وقال للخدامه تنضف غرفه زين عشان هو جاى
مليكه: بجد يابابا زين جاى
والد زين: ايوا وهيقعد هنا هو ومراتو
مليكه بفرحه: ياسلام يعنى حياه هتبقا هنا معايا فى البيت انا فرحانه اوى
والد زين: اى ده انتى كنتى تعرفى وكمان عارفها ده انا لوحدى الى مش عارف
مليكه بتوتر: يابابا لا مش كدا بس حياه صحبتى ومعايا فى الجامعه اصلا وكمان يابابا دى عسوله اوى وطيبه جدا ووالله هتحبها اوى
والد زين: لم نشوف بكره الايام تبين
مليكه: هتشوف وهتحبها اوى وهتقول مليكه قالت
والد زين بضحك: ماشى يالمضه
حياه بضحك: ماشى يلا انت هطلع انام بقا
كل ده وهتقولولى فين جيجى هقولكو زى كل يوم سهرانا بره ومش بترجع غير اخر الليل
عند زين وحياه جهزو
واخدو حاجتهم وراحو على الفيلا
وصلو الفيلا ووالد زين ومليكه كانو مستنينهم وطبعا جيجى نايمه
مليكه وهى بتجرى على حياه: حياه انا مبسوطه اوى انك هتقعدى هنا ومعايا
زين: طب وانا مش فرحانه انى جاى اقعد هنا
مليكه: لا طبعا فرحانه اوى وراحت حضنتو وبعدين زين عرف حياه على باباه
زين: حياه ده بابا سلمى عليه
حياه: وهى بتمد ايدها ازى حضرتك ياعمى عامل اى
والد زين: بخير الحمدلله
تعالو ادخلو ودخلو وندا على الخدامه
والد زين: سعديه ياسعديه
سعديه: ايوا يابيه
والد زين: جهزى الفطار يلا
سعديه حاضر يابيه
ومشت
والد زين لحياه: انا عرفت انك بتدرسى معا مليكه فى الجامعه
حياه: ايوا ياعمى
والد زين: امممم وزين طبعا الدكتور بتاعك ياترى بقا بيعملك فى الجامعه زى الطلاب ولا معامله خاصه
حياه بحترام: بيتعامل معايا زى الطلاب فى الجامعه اكيد عشان نبقا كلنا زى بعض
والد زين: كويس وانتى بقا عندك اخوات
حياه: لا ياعمى انا وحيده وعايشه انا ووالدى بس ووالدتى متوفيه
والد زين: ربنا يرحمها يارب
حياه: يارب
والفطار جهز وراحو يفطرو ووالد زين حس ان حياه طيبه وبدا يرتحلها
جيجى بتنزل وتدخل اوضه السفره تلاقى زين وحياه فى وشها
جيجى بعدم استيعاب: اى ده
