رواية كوميديا سوداء الفصل الخامس عشر بقلم ليل ادم
الدكتور علي: أنا مش عايز حضرتك تقلقي على ابنك احنا بنعمل كل الفحوصات والإجراءات الممكنه والحمد لله ابنك فاق ورجع ل وعيه
الأم: اقدر ادخل اشوفه
الدكتور علي: طبعاً اتفضلي
بعد خروج الام
جميله: تحاليل وفحوصات علي طلعت
احمد : طب كويس وريني (وبدأ احمد يشوف الفحوصات وكان بيظهر على وجهه علامات استعجاب من حاله الطفل )
الدكتور علي: وريني يا احمد في اي
احمد : اتفضل
الدكتور علي: (بعد ما شاف الفحوصات) كنت عارف أن خالد مش هيسيب المسابقه كده وخلاص اكيد وراه مصيبه (وفتح باب المكتب وخرج)
جميله: وبعدين يا احمد انت شايف اي
احمد : أنا مش عارف اقول اي كفاءة قلب راجل عنده ٩٠ سنه هتكون اقوي من كفاءة قلب علي اللي عنده ١٢ سنه الموضوع معقد اوي
جميله: تفتكر حاله الاغماء اللي حصلت معاه نتيجه المجهود اللي عمله النهارده
احمد : في حاله على مجرد السلام مجهود كبير عليه (وفتح باب المكتب وخرج )
في جانب آخر
الدكتور خالد: اتفضل
الدكتور علي: انت مش ناوي تنضف بقا يا اخي احنا بنكبر مش بنصغر انت بتعمل كل ده ليه
الدكتور خالد: مالك بس يا دكتور علي اعتبره حاله دخلت الطوارئ عالج الولد
الدكتور علي: انت عارف أن الولد ده ميت ميت ومع ذلك حطيت اسمي واسم المستشفى تحت الضغط الرهيب ده انت مدرك الولد ده عنده كم مشاكل أد اي في قلبه
الدكتور خالد: لا بصراحه ولا مدرك ولا عايز أدرك حتا مش معاك الاستاذ احمد صاحب الموهبه الفولاذية خليه يشوف حل
الدكتور علي: عمرك ما هتنضف هتعيش وتموت بسمك (وخرج على مكتبه)
جميله: كنت فين يا دكتور علي
الدكتور علي: مش مهم المهم الوقتي انا عايز حلول ها احمد فين
جميله: خرج من شويه وكان كلمه محبط اوي
الدكتور علي: اكيد في غرفه الاستراحة تعالي
في جانب آخر
الدكتور خالد: كده تقدر تقول على الدكتور علي والطقم بتاعه باي باي
منير : (مساعد الدكتور خالد) اقل واجب بعد القلم ده بس اهم حاجه يدخلوا العمليات ب الولد إنما لو مات من غير اي تدخل منهم هيكون قضاء وقدر
الدكتور خالد: احمد هياخد الولد ده على غرفه العمليات أنا عارف أنا بقولك اي وكفاءة قلب الواد ده ولا تستحمل نص ساعة حتا في غرفه العمليات إلا في حالة وحده
منير : اي هيا يا دكتور خالد
الدكتور خالد : هقولك بعدين
في جانب آخر
الدكتور علي: هو حضرتك سايب الدنيا تضرب تقلب وقاعد هنا
احمد : أنا مش قاعد بلعب أنا بشوف حل
الدكتور علي: ولقيت
احمد : لا بس اكيد في حل
جميله: المشكله أن اي حل مينفعش يستمر في غرفه العمليات اكتر من نص ساعة ممكن يموت مننا
الدكتور علي: علشان كده أنا بقول نعتذر عن الحاله دي
جميله: دا اسلم حل
باب الغرفه بيخبط
الدكتور علي: اتفضل
ام الطفل: ممكن اتكلم معاكم شويه
الدكتور علي: أتفضلي
الأم: أنا عارفه سبب الحزن اللي على وشكم وعارفه أن حاله ابني مفيش منها أمل وعارفه أن ابني قصاده ايام أو شهور بس أنا لما ورقي دخل في وسط حالات المستشفى عرفت أن ربنا بعتلي فرصه مش بس كده أنا شوفتك في الحلم من شهر بنفس شكلك ده والله
احمد : أنا
الأم: اه والله وكل المستشفى كانت بتقولك لأ سيبه هيموت وانت الوحيد اللي كنت عايز تعالج علي ابني علشان خاطر ربنا لو تقدر تعمل اي حاجه في حاله ابني أعملها انا فعلا مش هقدر أديك اي حاجه بس اقدر اقف على سجادة الصلاة وادعي ربنا يديك كل اللي نفسك في بس حاول حاول علشان خاطري حاولوا كلكم بالله عليكم
الدكتور علي: يا مدام مي أنا مش عارف اقولك اي بس والله والله ما اقدر اعمل اي حاجه غير اني أنظم ضربات قلبه ويرجع معاكي البيت مش هقولك النهارده ولا بكره بس مقدرش اوعدك بفرصه مش موجوده
الأم: بالله عليكم خلي ابني يعيش على أمل حتا لو مده قصيره بلاش تمشيني بي
احمد : (ساب الورق على المكتب وخرج من الغرفه بعد ما حس أنه مش قادر يمسك نفسه اكتر من كده)
جميله: استنا هنا انت رايح فين
احمد : لازم يكون في حل أنا مش هسيبه يموت
جميله: تفتكر وانت بالحاله دي ممكن توصل لأي حاجه تساعد علي
احمد : أنا مش قادر اسمع منها كلمه تاني ومش هقدر ادخل ل علي إلا لما يكون معايا حل ومش هسيبه يخرج من هنا حتا لو نتيجة اللي هعمله قصادها شطبي من النقابة بس مش هسيبه
جميله: احمد علي لو حصل لي اي حاجه في غرفه العمليات انت فعلا هتتشطب
احمد : أتشطب بعد اذنك
في جانب آخر
جميله: دكتور علي احمد مصمم يكمل في حالة على
الدكتور علي: ومين مش نفسه يكمل في حالة على بس والله ما في حاجه تتعمل في ايدي احنا دكاترة مش سحره يا جميله
جميله: الولد صعبان عليا و أمه صعبانه عليا جدا جدا
الدكتور علي: خالد حطني في موقف وحش اوي هو متأكد أن احمد مش هيسكت وهيصمم يدخل ب علي العمليات علشان كده حطنا في المسابقة
جميله: وبعدين هتعمل اي
الدكتور علي: (رما القلم على مكتبه ) مش عارف
باب المكتب اتفتح بكل قوه
احمد : في حل في حل
الدكتور علي: يابني أدم خضتني قول لقيت اي
احمد : قلب على لا يمكن يستحمل اكتر من نص ساعة جوه العمليات وممكن يموت صح
جميله: صح
احمد : طب لو طلعنا القلب بره المعادله خالص وشغلنا الجسم عن طريقه
الدكتور علي: الجراحة المجازيه
احمد : بالظبط كده نقدر نوصل ضخ الدم للقلب لمدة ساعه كامله
جميله: بس بعد الساعه هيكون الخطر اكبر وخصوصاً لو جسمه مقدرش يقوم الوضع الجديد مع جراحه المجاز وضخ الدم زاد صح
الدكتور علي: هو ده اكبر مخاوفي
احمد : هيقدر اه هيقدر بس هنا كده (وفتح الفحوصات)
معدل ضربات قلبه ٢٠ دقه في الدقيقة و الديسي بي معدله في جراحة المجاز في حاله احمد ٣٣ دقه في الدقيقة يعني ٣٣ دقه في ٦٠ دقيقه يطلع ١٩٨٠ دقه ومعدل ضربات الديسي بي أثناء خروجه من جسمه هيكون
الدكتور علي: كفايه انت صح جميله روحي اندهي ام الطفل
جميله: لحظه وتكون عندك
بعد خروج جميله
الدكتور علي: احمد تفاصيل العمليه دي مينفعش مخلوق يعرفها غيرنا
احمد : تمام بس ليه
الدكتور علي: أنا معرفش خالد دماغه ممكن توصلوا ل اي بس أنا خلاص فقدت الثقه في خالد في كل شئ
احمد : مش للدرجادي يا دكتور علي
باب المكتب بيخبط
الدكتور علي: مش وقته طيب يا احمد
جميله: ام الطفل معايا
الدكتور علي: خليها تدخل
الأم: أنا حاسه ان في حاجه جديده عندكم
الدكتور علي: اقعدي يا مدام مي
الأم: حاضر بس لو في اي كلام غير اني امشي يكون افضل بالله عليكم
الدكتور علي: الدكتور أحمد دماغه ناشفه اوي هو مصمم على إجراء صعب ومعقد ولازم كل حاجه تتحسب في بالثانية والثانية تفرق في حياه ابنك لدرجه لا تتخيليها
الأم: نسبه النجاح أد اي
جميله: ممكن اتكلم يا دكتور علي
الدكتور علي: اتفضلي
جميله: للأسف نسبه النجاح واحد في المئه الإجراء ده تم في لندن ونجح علشان هناك في امكانية ل ده وللأسف تم في كذا دوله وفشل
الأم: (سرحانه وبتبص على احمد )
الدكتور علي: كده احنا قولنا كل حاجه الأمر متروك ل ربنا ثما ليكي
الأم: أتكلم انت انا عايزه أسمع منك قول اي حاجه
احمد : (بص في الارض)
الأم: يعني أوفق ولا أرفض هخرج معايا ابني ولا لأ قولي اي حاجه
احمد : وفقي وأنا بوعدك مش هخرج من العمليه دي خسران لو كلفني الأمر اي
الدكتور علي: انت بتقول اي اذاي تضغط على ام الطفل
الأم: وأنا موافقه على كلام الدكتور أحمد
جميله: بس حضرتك كده بتحطي الدكتور أحمد في مسألة وممكن توصل ل حد الشطب
احمد : وانا موفق
الدكتور علي: (بكل غضب خبط على المكتب)
الأم: وأنا موافقه على العمليه
جميله: تمام ممكن حضرتك توقعي هنا وتقدري تقعدي جمب ابنك لحد ما نطلب حضرتك
الأم: (بعد التوقيع مسكت احمد من ايده ) أنا وثقه في ربنا ثما فيك وعارفه انك هتعمل كل حاجه ممكن تتعمل علشان ابني
احمد : أن شاء الله خير
بعد خروج الام
الدكتور علي: اي اللي حضرتك عملته ده
احمد : اللي حضرتك سمعته
جميله: انت ضيعت نفسك وضيعت الدنيا الإجراء كان ممكن يمشي من غير ما تحط نفسك في وش المدفع
احمد : وأنا مش هخرج من غرفه العمليات إلا منتصر بأمر الله أنا مش دكتور علشان اكتب ل واحد علاج سخونيه وبرشام ضغط وابره تخسيس أن أصلا دخلت كليه الطب علشان على واللي زاي على ولو مقدرتش أساعد علي يبقا مش عايز اكون في المجال ده
الدكتور علي: جميله اقفلي الموضوع ده خلاص الموضوع انتها الوقتي احنا عايزين نشتغل على الحاله دي مفيش مجال ل اي خطأ عايز كل حاجه يكون معمول حسابها
احمد : من فضلكم محتاج وقت مع نفسي
الدكتور علي: اتفضل بس ياريت يكون الوقت ده علشان الحاله مش جلد زات على كلامك قصاد ام الطفل
احمد : يا دكتور علي انا عمري ما اقول كلمه و ارجع فيها أنا مدرك أنا قولت اي بعد اذنكم
في جانب آخر
منير : الورقه دي من مكتب الدكتور علي على مكتب حضرتك طازه
الدكتور خالد: ورقه اي دي
منير : عمليه قلب مفتوح ل الطفل بتاع المسابقه مش بس كده تحت اشراف عام كامل ل الدكتور أحمد
الدكتور خالد: مش قولتلك مش هيسكت و هيصعب موقف الدكتور علي
منير : هيوحشنا
الدكتور خالد: بس أنا عايز اعرف هيعملها ازاي احمد مش عبيط احمد دكتور جامد جدا واكيد عنده الخطه
منير: ولا خطه ولا حاجه انتوا اللي نفختوه والله
الدكتور خالد: علشان انت بتغير منه يا منير إنما أنا لو عندي مرض مميت وعايز تدخل جراحي مش هتردد لحظه أن احمد يكون الدكتور اللي يعملي العملية دي
