رواية أسرار الهاربة الفصل الخامس عشر بقلم موفا
سما فى المستشفى
نايمة على السرير وبتعيط بهستريا
الدكتور ماينفعش كدا لازم تهدى شوية
سما أنا تعبت خلاص ياريت أموت وارتاح بقى
الدكتور بصلها واداها حقنة مهدئة ونامت على طول
روح علاء وحكى كل إللى حصل لبدر وسحر
بدر يعنى هتخرج يا علاء
علاء أيوة بكرا هروح القسم وهجبها معايا اهدا بقى
بدر مش ههدا غير بكرا لما اشوفها قدامى
كان ليل طويل على بدر وهو مش عارف إيه بيحصل لسما
أما فى اوضة سحر وعلاء
علاء بحدة مبسوطة من إللى حصل
سحر بتوتر وأنا كان قصدى كل دا يحصل
علاء يعنى تتصرفى من دماغك وتقولى مش قصدى اعترفى بغلطتك
سحر بحزن غصب عنى والله إللى حصل
علاء ممنوش فايدة خلاص المهم نطلع البت الغلبانة من إللى وقعت فيه
سحر ان شاء الله تطلع بكرا
علاء اتنهد وسابها ونام
_________________________
تانى يوم
_________________
فى المستشفى كان في عسكرى هياخد سما يوديها القسم
سما واقفة قدام الظابط
سما بتعيط بهستريا أنا معملتش حاجة والله
الظابط اوووف هو إنتى اسكتى بقى الوقت حد يجى يضمنك
سما واخرج
الظابط بصلها باستغراب
فجأة دخل راجل ماسك عكاز أنا عايز اضمن سما
الظابط بص لصاحب الصوت انت مين بقى
سما بصت لصاحب الصوت وواقغة مصدومة وهو كمان بيبصلها
الظابط مقولتيش أنت تطلع مين وتقربلها إيه
صاحب الصوت أنا جوزها والصدمة أنه كان راضى إللى كان جوز ام سما وجوزها فى نفس الوقت
سما واقفة مصدومة
الظابط إيه جوزها
راضى ايوة جوزها واتفضل قسيمة الجواز اهى
الظابط قرا قسيمة الجواز وبص لسما إللى مش حاسة بالدنيا كلها
الظابط دا جوزك
راضى بص لسما
سما ساكتة وواقفة مرعوبة
راضى قرب من سما ردى على حضرة الظابط
سما بصت الظابط
الظابط بعصبية خلصينا دا جوزك
راضى قولى انا جوزك ولا لأ
الظابط انطقى وخلصينا جوزك ولا لأ
سما بالدموع بصت اراضى ورجعت بصت للظابط
الظابط هااا هتنطقى ولا تدخلى الحجز
سما بالدموع بصت للظابط و هزت راسها ااه
الظابط بحدة تعالى امضى وخدها وامشى وانتى على الله اشوفك هنا تانى يلا مع السلامة
راضى مضى ومسك ايد سما وخرجوا من القسم
راضى واقف هو وسما قصاد القسم
راضى اتنهد بصوت عالى وبص لسما
سما بتعيط بهستريا
راضى عارفة ولا على ايه مش وقته الكلام هنا لسة الكلام هيبدا لما نروح ومسك ايديها ودخلها العربية
سما فتحت عيونها مرة واحدة لما شافت علاء جوز سحر بيقرب على القسم
راضى ساق العربية وسما لسة بتبص على علاء وبتعيط على حظها إللى مش عايز يتعدل ابدا
راضى طول طول الطريق يبص لسما إللى بتعيط من غير ما تنطق بكلمة
___________________
فى بيت علاء
روح علاء مصدوم لما عرف ان سما خرجت بضمان جوزها
بدر أول ما شاف علاء قرب منها بالكرسى المتحرك
بدر فين سما يا علاء
علاء بص لبدر
سحر فين سما يا علاء
علاء بتوتر سما خرجت من القسم
سحر خرجت ازاى ومين ضمنها
علاء بتوتر احممم خرجت بضمان جوزها
سحر لطمت على وشها إيه
بدر ضحك بصوت عالى يا سلام على هزارك يا علاء ولسة بيضحك
عبير خرجت على صوت ضحك بدر
سحر إيه الكلام دا يا علاء
علاء زى ما بقولك كدا سما مشيت مع جوزها
سحر أنت مين قالك الكلام دا
علاء الظابط نفسه هو اكدلى ان جوزها ضمنها وورااه قسيمة الجواز بتاعتهم وخدها ومشى
بدر بصوت عالى وعصبى أنت اكيد اتجننت يا علاء إيه الكلام الفارغ دا
عبير قربت من بدر
سحر اهدا يا بدر وهنفهم كل حاجة
بدر نهدا ونفهم إيه ما خلاص بيقولك روحت مع جوزها جوزها إللى قالت أنها قتلته صح هى قالت كدا يا سحر قالت أنها قتلته وهربت طلعت كدابة كبيرة ومثلت علينا كلنا أنها غلبانة وملهاش حد الوحيد إللى فهمها بابا
ااه بابا طلع كل إللى عمله صح وبقى يكلم نفسه ودخل اوضته وقفل الباب جامد
سحر واقفة مش عارفة تصدق كلام علاء
علاءقرب منها مبسوطة الوقت كل إللى حصل دا بسببك لا واللى لسة هيحصل واصبرى لما ابوكى يعرف إللى عملتيه
سحر واقفة مكانها زعلانة
عبير قربت من علاء لو سمحت يا بابا ممكن اتكلم
علاء بصلها وسكت
عبير أنا عارفة أن إللى حصل دا كأنه فيلم بس ماما كان قصدها تسعد خالوا بدر أنت مشوفتش حالة خالوا اتغيرت ازاى وهى أبلة سما معانا بس خلاص إللى حصل حصل واهم حاجة الوقت خالوا بدر أنا حاسة أنه مدمر اوى
سحر وعلاء بصوا لعبير
عبير لازم نخلى بالنا منه لحد ما نعرف هنعمل إيه معاه ارجوكم انسوا أى مشاكل بينكم أنا بجد خايفة اوى على خالوا وبصت على أوضة بدر وقررت أنها تدخله وقبل ما تدخل
سحر أنتى رايحة فين
عبير هدخل لخالوا
علاء مش هينغع الوقت وهو فى حالته دى
عبير بحزن دا اهم وقت لازم نكون جمبه
وسابتهم وخبطت ودخلت أوضة بدر
بعد مشوار طويل أخيرا وصل راضى قدام عمارة طويلة
سما مش حاسة باى حاجة
راضى خرج من العربية وفتح الباب لسما وخرجها من العربية ومسك ايديها جامد ودخل العمارة وطلع الدور الخامس
وفتح شقة ودخل
كل دا سما مش حاسة بنفسها ولا بلى بيحصل واقفة
راضى قرب منها وبص فى وشها أخيرا لقيتك كدا تهربى منى يا سما تهربى منى يا بنت قلبى تهربى منى بعد كل إللى عملته عشانك ليه تعملى فيا كدا قوليلى على حاجة احتاجتيها ومجبتهاش ليكى واتنهد بصوت عالى اااه لو تعرفى انتى عملتى فيا إيه لما هربتى
وبص على سما إللى واقفة متنحة مش حاسة بيه ولا أى حاجة
راضى قرب منها وضم وشها بايده وبص فى عيونها مش مصدقة طبعا أنى لقيتك ورجعتك تانى بس لازم تصدقى عشان دا حصل خلاص ورجعتيلى تانى اهو والمرة دى مش هتعرفى تهربى منى مهما حصل سامعة مهما حصل وبقى يهز فيها جامد فجأة سما صوتت بصوت عالى واترمت فى الأرض
فاقدة الوعى
دخلت عبير أوضة بدر
لقت بدر ضامم وشه فى كفوف ايده
عبير قربت منه ولمست كتفه
بدر اتفزع وبص عليها
بدر كان بيعيط
سما بحزن للدرجة دى بتحبها
بدر بعصبية أنتى مالكيش دعوة بالموضوع دا ومش عايز حد يتكلم معايا
عبير بلاش تبقى ظالم يا خالوا
بدر بصلها بصدمة ظالم أنا ظالم
عبير بحزن لا يا خالوا وأنا عارفة أنك مظلوم بس هى كمان مظلومة حرام نيجى عليها كفاية إللى هى فيه
بدر بصلها باستغراب أنتى قصدك إيه أنتى تعرفى حاجة ومسك ايديها جامد اتكلمى يا عبير
عبير سرحت لحظة وقررت تغير فكرة بدر عن سما
بدر اتكلمى متخافيش
عبير بتوتر أيوة اعرف
بدر تعرفى إيه اتكلمى
عبير أعرف ان ابله سما بتحبك اوى
بدر ضحك بسخرية بتحبنى ازاى بس وهى رجعت مع جوزها
عبير بسرعة يا خالوا سما كانت عايزة تسلم نفسها للبوليس وتقول أنها موتت جوزها يبقى ازاى رجعت معاه أكيد فى سر فى الموضوع دا
بدر سر يعنى إيه
عبير يا خالوا هى بتحبك أوى وكان نفسها تتجوزك بس كانت خايفة عشان قتلت جوزها والوقت حد خدها ويبقول جوزها يبقى مفتاح السر حاجة من اتنين يا دا واحد كداب ومش جوزها يااما وسكتت
بدر يا أما إيه يا عبير اتكلمى
عبير بتوتر يأما دا جوزها ومماتش وهى هربت قبل ما تتأكد أنه مات ايوة هو دا إللى حصل
بدر أيوة كلامك صح هى قالت أنها ضربته بالسكينة وهربت على طول يعنى ممكن مايكونش مات
عبير صح يا خالوا وكدا أبلة سما فى خطر عشان ممكن الراجل دا
وسكتت
بدر ممكن إيه يا عبير
عبير بكسوف الراجل دا جوزها وهى هربت منه والوقت لقاها بعد كل إللى عملته فيه يعنى ممكن يعاقبها وبصت فى الأرض
بدر اتصدم لما فهم قصد عبير
بدر يا نهار اسود احنا لازم ننقذ سما منه لازم واتحرك عشان يخرج زقته عبير وخرجوا لعلاء وسحر
يا ترى هيحصل ايه لسما بعد ما راضي لقاها ورجعها تانى
توقعاتكم وارائكم الحلوة 😘😘
