رواية عشق فى قلب صعيدى الفصل السادس عشر بقلم اسماء السيد
وبعد وقت عند سليم كانت عشق نايمه في حضنه والحارس
اتصل وقاله ان الاكل وصل قام سليم اخد شاور ونزل تحت وعشق دخلت الحمام وسليم جاب الاكل وطلع وعشق لسا في الحمام وراح سليم خبط عليها
سليم:يلا يا عشقي الاكل وصل.
عشق:حاضر يا قلبي جايه اهو
وبتطلع عشق وهيا لابسه قميص اسود من بتوع سليم وسايبه شعرها.. وراحت قعدت جمبه علي الكنبه
سليم بضحك:تاني يا عشق قميصي تاني
عشق:ياسولم يا حبيبي انا بحب قمصانك لي مش عارفه
يمكن عشان بحبك وبحب ريحتك
سليم :ياراجل كولي بعقلي حلاوه ياست عشق
عشق:تصدق اني غلطانه تب كل ياسليم واسكت
سليم:خلاص ياسيد ياقماص بهزر.. وقعدو يضحكو
بعد 15ساعه
سليم:ايه رايك في زوقي
عشق:لا بجد تحف تسلم يا أحلي سليم في الدنيا
سليم:تب يلا بقا عشان انا فصلت وعاوز انام
عشق:يلا انا كمان عاوزه انام
وبالفعل اتجه سليم وعشق ونامو علي السرير
وعشق نامت في حضنه .....بعد شويه
سليم:عشق انتي نمتي يا حبيبتي
عشق بنوم:اممم
سليم:انا عاوز اسألك سؤال مهم
عشق: في حاجه يا قلبي ولا ايه
سليم:انتي بتحبيني ياعشق
عشق بضحك:ايه ياعم الشغل دا المفروض ان انا الي يجيلي الهرمونات مش انتا يا سولم ههه
سليم بجديه:عشق انا مبهزرش
عشق قامت قعدت علي السرير وبصتله بحب
عشق: انتا بتسأل ليه ياسليم عموما انا مش بحبك
سليم بصدمه:اايه
عشق:انا بعشقك وبموت فيك ياسليم ارتاحت
سليم بإبتسامه: بتتكلمي جد انتي بتحبيني اوي كدا
عشق:ايوا والله بحبك يا سولم بحبكككك
سليم:وانا كمان بحبك اووووووي ياعشق
عشق:يلا ننام بقا يا قلب عشق وروحها
سليم :اكيد بس عاوز حاجه يا عشقي ممكن
عشق برفعه حاجب:هيا ايه
سليم:عاوز انام في حضنك يا عشقي
عشق بحب:اوي اوي يا حبيبي
ونامت واخدت سليم في حضنها وهوا مسك فيها كانها هتهرب.. وبقت تقرأ قرأن علي دماغه لحد مانام وهيا نامت
@@@@@@@@@@@@@@@@@@@@@@
تاني يوم الصبح
بيكون عشق وسليم نايمين ولسا سليم في حضن عشق
بس فجأه الباب بيخبط وعشق بتصحي وسليم نايم فتحاول تفلت منه لحد ما عرفت وراحت لبست اسدال وفتحت.. وكان رامي
رامي:صباح الخير يا عشق
عشق:صباح النور في حاجه ولا ايه
رامي:سليم فين
عشق:سليم لسا نايم اصلنا جايين متأخر
رامي:تب صحيه عشان عندنا جلسه والبلد كلها مستنياه
عشق:جلسه ايه هوا لازم هوا الي يحضر
رامي:ايوا لازم مش هوا العمده وكبير البلد يلا انا نازل صاحيه بسرعه
عشق:حاضر...
وبالفعل بينزل رامي وعشق بتقفل الباب وبتدخل تقلع الاسدال واتجهت لسرير وبدأت تصحيه بكل رقه
عشق:سليم يا حبيبي سليم
سليم بنوم:امممم
عشق:يلا عشان عندك جلسه
سليم فتح عينه :جلسه ايه. اه افتكرت
عشق:صباح الخير يا قلبي يلا قوم بقا
سليم:صباح الفل والعسل يا عشقي
عشق بإبتسامه:تب يلا عشان الناس مستنيه تحت
سليم بإبتسامه:متجيبي بو"سه
عشق بضحك وضربته في كتفه:يلا قوم ياسليم هوا دا وقته الدنيا بتولع تحت
سليم بضحك:ااه قاسيه يابت
عشق :يلا يا عم الحنين.... وقامت شدته وبقت تزقه عشان تدخله الحمام وهوا ميت من الضحك ..
وبيدخل وعشق بتطلع له هدوم عباره عن جلبيه وعمه وساعه وعصايه ابوه وبتجهز كل حاجه وبتطلع هدوم ليها هيا كمان
وبعد شويه بيطلع سليم وهوا لافف فوطه علي خصره
عشق:تعالي طلعتلك هدوم تحفه ياكبير
سليم حضنها من ضهرها :اي حاجه بتعمليها عسل يا قلب الكبير بحبك يا قلب الكبير.. وباسها من خدها
عشق بتوتر :تب يلا عشان الناس تحت يا عم العمده
سليم :انتي بتهربي بس ماشي ياعشق اما أخلص بس هوريكي الوحش الي جوايا
عشق:طيب يا عم الوحش انا هاخد شاور عشان انزل معاك
سليم:تب يلا بسرعه .. وبدأ يلبس...
وبعد شويه بتطلع عشق وهيا لابسه دريس أبيض فيه ورود صفراء ولبست طرحه بيضه قطنيه وكانت جميله جدا ولبست كوتش أبيض....
وسليم لبس الجلبيه السوداء وكانت بارزه عضلاته وعطياله هيبه وكان وسيم جدا وواقف بيسرح شعره
عشق بغيره:أقلع دا ياسليم حالا
سليم برفعه حاجب :ودا ليه إن شاء الله وحشه
عشق بغيره اكبر:لا دي مخلياك قمر انا مليش دعوه
سليم بضحك:مش انتي الي طلعتيها
عشق:بس متوقعتش تحليها كدا يارخم
سليم :تب سيبني اكمل لبسي عشان اتأخرت
عشق:لاء استنا.. وراحت جابت البرفيم ورشتله وعدلتله الجلبيه. لاء الكوتش دا مش لايق انتا عاوز كوتش ابيض
سليم :مش وقته ماهوا الاسود حلو
عشق :قولت لاء... وراحت الدريسنج جابت كوتش ابيض وقعدت سليم علي السرير وقلعته الكوتش
سليم بصدمه:انتي بتعملي ايه عنك يا حبيبتي
عشق بغيره:لو انا معملتش كدا مين هيعمل اسكت بقا وانتا حلو كدا .... وسليم ضحك علي غيرتها وهيا اتغاظت ولبسته الكوتش الابيض وفعلا كان شكله لايق واجمل
(والله العظيم انتو عالم فاضيه يلا يابت انتي وهو البلد مستنيه 🥴)
سليم بخبث:كدا كويس يا عشقي
عشق بغيظ:ايوا حلو يلا يا أخويا جتك القرف في حلاوتك
سليم بضحك:يلا يا غيورة قلبي ههههه
وبالفعل سليم اخد عصايه ابوه ونزل وكان وسيم جدا وكان هيبه وعشق ماسكه ايده
@@@@@@@@@@@@@@@@@@@@@@
تحت في الصاله كان الكل متجمعين ومستني سليم
واول مانزل فضلت منار متنحه في سليم.. وعشق اخدت بالها واتغاظت ومسكت ايد سليم جامد وهوا لاحظ
مجدي:كل دا ياولدي البلد كليتها مستنيه يلا
سليم بجديه :يلا يجدي معلش راحت عليا نومه
كريم:تب يلا اتأخرنا
سليم:يلا بعد اذنك ياعشقي اعمليلي قهوه وابعتيها
عشق:من عيوني يا سليم حالا
سليم:تسلملي عيونك
عشق:مع السلامه ياحبيبي
سليم :الله يسلمك ياحبيبتي... وباسها من خدها ومشي وهيا اتكسفت ... ومنار ولعت
تاليا بضحك:ياسيدي ياسيدي علي الحب ههههه
ريحانه :بس يابت متكسيفهاش
عشق:وحياتك انتي وهيا رخمين
روح بمرح:عندك حق والله يا عشق بس بردو الحب ولع في الذره ههه
عشق:تصدقو انكم عيال واطيه اما اروح اعمل قهوه لحبيبي
ودخلت.. المطبخ
ريحانه:ماشي يا عشق ياكلبه اما تيجي بس
@@@@@@@@@@@@@@@@@@@@@@
في المطبخ عشق عملت القهوه وطلبت حد من الخدم يوديها
بس الكل كان مشغول
صفيه :معلش يابتي وديها انتي هما مشغولين دلوك في الغدا
والطلبات
عشق بصدمه :اوديها انا
ريحانه:وفيها ايه لما توديها متقلقيش سليم مش هيقول حاجه
عشق بتوتر:بس بس ممكن يزعل مني
منار بخبث وغل:خلاص هاتي اوديها انا
عشق بغيره: لاء انا الي هوديها
منار:اشمعنا دلوك انتي الي هتوديها
عشق بغيره:قولت انا حره قهوه جوزي وانا هوديها
ريحانة بضحك:والله انتي مجنونه
وبالفعل عشق اتجهت للمجلس
@@@@@@@@@@@@@@@@@@@@@@
في المجلس.. دخل سليم والكل وقف ليه احترام وهوا دخل قعد علي كرسي الكبير
سليم بجمود:خير يارجاله
رامي بتوتر:اصل حسنين ياكبير عاوز ياخد بيت ابوه وارضه ويبيعهم ويرمي ابوه في دار المسنين
سليم بغضب جحيمي :الكلام دا صح يا حسنين
حسنين برعب:اصل.اصل ياكبير
سليم بحده:انطق
حسنين بتوتر وخوف:ايوا يا كبير بس مش اكده هوا انا كنت مزنوق في قرشين وهوا مرضيش يبيع الارض عشاني و
سليم قاطعه بجديه وغضب:صوح الكلام دا يا عم حماد
حماد بحزن :صوح يا كبير بس والله انا قولتله يجي يعيش معايا هوا ومراته وولاده بس هوا الي كان هيرفع ايده عليا
سليم قام وقف بغضب ودب عصايته في الارض والمجلس كله اترعب وقال بغضب:ووه الكلام دا حصل يا حسنين انتا كنت هتمد يدك علي ابوك عشان مرتك
حسنين برعب كبير :مش . مش القصد يا كبير
سليم :اومال ايه اياك بتهزر
حماد بدموع:سامحه ياكبير عشان خاطري ابوس يدك
سليم بصله بقرف وغضب:شوفت الي كنت هتحطه في دا مسنين هوا الي بيترجاني عشانك يخص عليك ياواكل ناسك
حسنين بخوف:ايه الي يرضيك يا كبير وانا تحت امرك
سليم قعد وقال بجمود:تاخد مراتك وولادك وتروح تقعد مع ابوك وتشتغل في ارضه فااهم
حماد بسعاده:ربنا يباركلك ياكبيرنا بس مراته متحبنيش عاد
سليم :حسنين هيخليها تحبك يا عم حماد ولا ايه يا حسنين
حسنين بتوتر:واه تعامله فوق راسها بنت الرافدي ولو معملتوش حلو اطلجها
سليم بجمود :بوس علي راس ابوك وايده هم يا واد
حسنين جري عند ابوه وباس راسه وايده وحضنه :حقك علي راسي يا أبويا
حماد:ولا يهمك يا ولدي
قام سليم واتجه نحيه حسنين وبصله بنظره رعبته وهمس جمب ودنه بصوت مخيف :الله في سماه لو شميت خبر انك زعلته لكون قاتلك فاهم يا حسنين
حسنين برعب:فاهم يا كبير
سليم رجع مكانه بهيبه وقال:يلا يا حسنين خد أبوك وروح وكلامي يتنفذ
وبالفعل حسنين اخد ابوه وطلعو . . وعشق كانت داخله بالقهوه. وخبطت علي الباب ودخلت وكل الرجاله حطت وشها في الارض لانهم عارفين انها مرات الكبير معاد اتنين مكانوش عارفين وكانو مبهرين بجمالها وسليم لاحظ وكان
هيولع من الغيره
عشق:سلام عليكم
الجميع ووشه في الارض:وعليكم السلام .. وعشق استغربت
وسليم باصصلها بغضب جحيمي
عشق:اتفضل القهوه يا كبير
سليم بغضب: هاتي.. واخدها بغضب وهيا مستغربه
عشق بخوف :محتاج حاجه تاني
سليم :لا مش محتاج حاجه ارجعي القصر حالا.. وعشق لفت وخرجت وهيا مستغربه
الراجل :اومال مين القمر دي يا كبير
سليم بغضب جحيمي :نعم ياروح امك وانتا مالك وبتبصلها ليه
الراجل التاني :اصل عجبته وبيفكر يتجوزها لو متخصكش
رامي وكريم بصدمه:البس يا حلو انتا وهوا
سليم قام وقف واتجه عندهم والغضب عاميه وهما اترعبو من منظره
سليم بغضب وغيره جنونيه:دي مراتي ياود المركوب انت وهوا
وهما اتصدمو لما عرفو وبلعو ريقهم برعب
وسليم نزل فيهم ضرب ومحدش استجراء يتدخل لانهم عارفين جبروته. وبعد شويه بعد سليم عنهم
سليم بغضب :المجلس انتهي النهارده... وطلع واتجه للقصر
والعيله راحت وراه
سليم بغضب وصوت عالي :يا عششق عششق
صفيه بقلق:في ايه ياولدي
سليم:فين عشق
ريحانه:جوا في المطبخ
سليم بغضب:يا عششق عششق
طلعت عشق بخوف :في ايه يا سليم مالك
سليم قرب عليها وضربها بالقلم لدرجه ان شفتيها نزفت وكلهم اتصدمو ومنار فرحت
عشق بصدمه:انتا بتمد ايدك عليا يا سليم
سليم والغضب عاميه:انتي ازاي تتجرأي وتدخلي المجلس قدام كل الرجاله دي
عشق بعصبيه وصوت عالي :انتا بتضربني عشان جبتلك القهوه لييه
سليم ضربها بلقلم تاني بس أقوى لدرجه انها وقعت علي الارض وعشق اتصدمت
سليم بغضب وبلهجه صعيديه:انتي بتعلي صوتك علي جوزك
يابنت الرافدي لا انا الظاهر اني دلعتك كتير بس لازم تتربي
مجدي بجمود :سليم انتا ازاي تمد ايدك عليها وه ياولدي احنا ربيناك علي كده
سليم بجمود:محدش يتدخل بيني وبين مراتي انا هربيها
عشق قامت وقفت وقالت بقوه وحزن :اسمع ياسليم انا ممكن اكون غلط لكن غلطتي مكانتش تستاهل كل دا بس صدقني يابن القناوي مش هسامحك انا بكرهك بكرهك ياسليم عشان انتا زيهم انابكرههك
وطلعت تجري علي فوق وسليم استوعب الي عمله وكلمه بكرهك وجعه قلبه
سليم :يا عشق استني ياعشق
مجدي:انتا غبي اديك هتخسرها
سليم بجنون:لاء لاء انا مش هخسرها دي ملكي ونور عيني
وطلع يجري علي فوق والعيله كلها حزينه الامنار هيا الي هتموت من الفرحه
@@@@@@@@@@@@@@@@@@@@@@
عند عشق دخلت الاوضه قلعت حجابها واترمت علي السرير ودفنت وشها في المخده ومنهاره وحالتها لا حول ولا قوه
دخل سليم وراح عندها وهوا هيموت من الرعب لتسيبه بجد
سليم بحزن:عشقي
عشق بعصبيه ودموع. وقامت من علي السريربلا عشقي بلا زفت ابعد عني ابعد
سليم بحزن:انا اسف يا عشق والله غصب عني ياقلب سليم
عشق بدموع :انك تضربني وتقل مني وتكسرني وترجع تقول انا اسف لاء ياسليم وانا مش متقبله أسفك اطلع برا
سليم قرب منها وحضنها وهيا بتحاول تبعده بس مقدرتش بس استسلمت لما تعبت
عشق:ابعد عني يا سليم ابععد
سليم :لاء انا مش هبعد يا عشق انا بعشقك ومش هسيبك
فاهمه ودي كانت غلطه سامحيني ياعشق انا مقدرش اعيش من غيرك انا بحبك اوي
عشق:والي بيحب حد مبيكسروش ياسليم انا مغلطتش
سليم :لاء بس لما يقولولي مين القمر دي جوزهالي اقولهم ايه يا عشق لو انتي مكاني هتعملي ايه
عشق استوعبت بس بردو لسا زعلانه
عشق:وانا ذنبي ايه ياسي سليم ابعد عني عشان اغور من هنا
سليم بعد عنها وهيا دخلت الدريسنج وجابت شنطه وبقت تحط هدومها
سليم بغضب:انتي بتعملي ايه
عشق بعصبيه ودموع:راح عند بابا انا مليش مكان هنا
سليم قرب عليها وشد منها الهدوم وقرب منها
عشق:سليم ابعد عني وسيبني الم هدومي وام......
قاطعها سليم بقبله وعشق كانت بتحاول تبعده بس بعدين اتجاوبت معاه وهوا فرح جدا انها لسا بتحبه
وبعد عنها لما حس انها محتاجه للهواء وهيا اتوترت
عشق:ابعد عني ياسليم لو سمحت ومتقربش مني تاني
سليم بغضب:انتي مراتي فاهمه يعني اعمل الي انا عاوزه
عشق بغضب:وانا والله مش سلعه لحضرتك تعمل الي عاوزه
واتجهت لبرا وهيا ماشيه متجه للحمام اتكعبلت ورجلها اتلوت وصرخت بألم وسليم طلع يجري عليها ولاقها واقعه علي الارض وبتعيط جامد
سليم بخوف :عشقي مالك يا قلبي
عشق بدموع:رجلي ياسليم بتوجعني اووي مش قادره
سليم بقلق:تب تعالي نروح المستشفى
عشق بدموع:لاء مش قادره
وسليم اخدباله انها ملويه ولمس رجلها وهيا صرخت
سليم: بتوجعك اوي يا حبيبتي
عشق بدموع:اوي اوي يا سليم مش قادره
سليم بتفكير:عشق يا حبيبتي انا بحبك اوي عاوزك تسامحيني
عشق:هوا دا وقته انتا كمان
سليم: لاء ماهوا انتي لازم تسامحيني انا اسف
عشق بدموع:سليم انا رجلي بتو......
فجأه سليم مسك رجليها ولواها عدلها وهيا صرخت بألم اكبر
عشق:عااااا رجلي يا غبيي ااااه مش قادره
سليم :اهدي بس دقيقه وهترتاح انا هجبلك مرهم
وقام وشالها وهيا بتصرخ وحطها علي السرير ودخل يجيب
مرهم من الحمام وطلع وهيا لسا بتعيط وقالعها الدريس
عشق بدموع:انا مش قادره ياسليم رجلي بتوجعني اوي
سليم بحنيه مفرطه:معلش يا عشقي انا هحطلك مرهم وهتبقا كويسه ياعمري
عشق:بس انا مش قادره
سليم:اهدي يا حبيبتي..... وبدأ يحط المرهم بحنيه وهيا بدأت ترتاح بس وجعتها تاني
عشق:رجلي ياسليم وجعتني تاني.. وعيطت
سليم.. قرب عليها بحب واخدها في حضنه وهيا استسلمت
ونامت في حضنه وهوا حس ان دي اشاره من ربنا عشان متمشيش وفرح جدا
وقام دخل الحمام غسل ايده وطلع غطا عشق وباسها ونزل تحت
@@@@@@@@@@@@@@@@@@@@@@
عند منار كانت قاعده في اوضتها وفجأه تليفونها رن
منار:انا مستنياك من الصبح مرنتش ليه
محمد بقرف:اهدي كنت بجهز للخطه
منار:انهارده حصل خناقه كبيره بين عشق وسليم
محمد بفرحه :بتتكلمي جد
منار بغل:اه والله وضربها بالقلم وهيا قالتله بكرهك وشكلها مش ناويه تسمحه
محمد:وهوا مد ايده عليها والله لهوريها ابن القناوي
منار بغضب:والله لو لمسته لقتلك السنيوره
محمد:خلاص بعدين المهم دلوقتي انتي هتنفذي كمان شويه فاهمه
منار بخوف:تمام بس انا خايفه من سليم دا مبيرحمش
محمد بخوف وتوتر:لاء متقلقيش ان شاء الله خير... وقفل
@@@@@@@@@@@@@@@@@@@@@@
تحت في الصاله كان الجميع قاعدين في الصالون
نزل سليم وقعد جمبهم
صفيه:ليه ياولدي كسرت بخاطرها
سليم :حصل خير يا ما
مجدي:مكنش ينفع تمد ايدك عليها بردو ياولدي
سليم:قولت حصل خير خلاص
ريحانه:علي فكره هيا مكنتش عاوزه تيجي بس احنا الي اصرينا عليها لإن الخدم كلهم كانو مشغولين وانتاظلمتها
سليم بغضب:انا قولت خلاص الي حصل حصل بقا
صفيه:تب مش هتتغدا تب هاتها تاكل
سليم:عشق نايمه لما تصحي هتاكل عن اذنكم
وقام طلع برا القصر كله وبيجي اليل وبيرجع سليم وبيطلع اوضته وبيدور عليها مش بيلاقيها وبيلاقي ورقه علي السرير
وبيقرأها وبيتصدم وبيتعصب جدا
سليم بغضب وبصراخ:عشششق..ووووووو....
