رواية تاج الفهد الجزء الثاني (ابناء السيوفي) الفصل السادس عشر
دخلت سماح المكتب وهي بتبص لعشق ببرود:وانتي فكره أن فهد غبي لدرجه اللي اتخلي يحط ورق مهم ف مكتبه ؟!!
عشق بغضب: فهد اللي انتي مستقويه بي ع الكل ده وفرحانه بي هخليكي تتحصري ع روحه.
سماح باستهزاء لكلامها:ده لعاش لكان اللي يمس ابني قبل ماتفكري انك تضري بحاجة روحك هتكون بين ايديا ..
عشق بتحدي:هنشوف مين اللي هيعيط ف الآخر بس خليكي فكره زي ماقعدت ف قصرك غصب عنك هاخد منك كل حاجه وغصب عنك برضو ..
سابتها وخرجت من المكتب وسماح واقفه مكانها بتفكر ف كلامها بقلق ع فهد ...
_____________
"ف المستشفى"
تاج:مبروك ياحبيبتي زي القمر مشاء الله.
ورد: الله يبارك فيكي تاج
فهد :مبروك ياحسام مبروك ياأم فريده .
ورد بابتسامه بسيطة:الله يبارك فيك.
فهد:هننزل الكافتيريا تحت ونسيبكوا ع راحتكوا .
فهد خرج من الأوضه وهو بيبص لتاج بغضب لاحظوا سليم وحسام ف نزلوا ورا ..
ورد:لااقعدي بقا واحكيلنا ف اي أنا اول مره اشوف فهد بيبصلك كده
سيا:ده غير واحنا كمان جايين متكلموش مع بعض حرف ودي مش عاده فهد أن تاج تبقا معاه وميكلمهاش ولا يبصلها حته ف اي ..
قعدت تاج ع الكرسي:ولا حاجه زعلان علشان هخلف .
ورد بعدم فهم:تخلفي ازاي مش قصدي بس احنا عارفين انك ...كملت ورد كلمها بارتباك علشان مشاعر تاج:مش قصدي والله حاجه بس...
تاج بابتسامة:اتكلمي براحتك أنا كمان كنت فاكره زي كده اني مبخلفش.
ورد:أنا مش فاهمه حاجه خالص .!!!
سيا:انا كل اللي فاهمها لحد اللي عرفته امبارح ان فهد كان بيديكي حاجات تمنع الحمل اي اللي حصل بعد كده بقا؟!
شهقت ورد بفزع:ازاي بيديكي موانع حمل ؟!!!!
تاج بصتلهم الاتنين بهدوء وبدأت تحكلهم كل اللي حصل .
"تحت ف الكافتيريا"
حسام:انت غلطان من الاول يافهد مكنش ينفع قرار زي ده تاخده من غير موافقتها .
فهد:كنت خايف عليها وكنت عارف انها تصمم علشان تخلف واللي خايف منه حصل .
سليم:قصدك اي ؟!
فهد:تاج نفذت اللي ف دماغها غصب عني ومش بعيد ف اي لحظه القيها بتقولي أنها حامل .
حسام:معتقدتش أن ممكن حمل يحصل بعد الموانع اللي انت كنت بتدهلها .
فهد :كلمت الدكتور وقالي ممكن ميحصلش واحتمال يحصل
سليم :ولو حصل اي الحل.
فهد:مش هيحصل ولو حصل هيبقا ف تصرف تاني أنا مش هسيبها تضيع حياتها باايديها لمجرد أنها عايزه تسعدني بطفل .
فهد وقف بعصبيه وهو بياخد مفاتيح عربيته وسابهم ومشي .
حسام بترقب:ربنا يستر ف اللي جي ..
______
ورد:أنا شايفه أن فهد مغلطش ف حاجه هو بيحبك ومش هيتحمل أنه يشوفك بتتعرضي للخطر ويسيبك
سيا:ورد كلامها صح مش لازم ياتاج موضوع الخلفه ده انتي كده هتخسري نفسك ؛وبعدين ياستي انتي عندك تيام اهو زي القمر وولادي وولاد ورد ولادك وانتي اللي مربيهم لي تضيعي كل ده .
تاج بدموع:علشان احس بشعور الجنين ف بطني تحسي أن ف حته من جوزك ف بطنك تحافظي ع نفسك 9شهور علشان بيبي صغير جواكي مسئول منك علشان كل شهر تحسي أن بطنك بتكبر وأنه خلاص قرب يجي تتحملي الم الولاده والتعب علشان خاطر تجيبي روح تانيه لدنيا ..كل ده نفسي اجربه غريزه الامومه اللي عندي اقوي مني حتي لو هخسر روحي..فهد عوضني عن كل حاجه وانا معرفتش اعوضه بطفل صغير يشيل اسمه صليت ودعيت من ربنا كتير أنه يديني طفل واحد بس واحد مش عايزه غيره افرح بي قلب فهد ،وعلشان كده لو هخسر روحي هخلف البيبي اللي نفسي فيه.
ورد وسيا كانوا بيبصلها بحزن كبير لأنهم مقدرين شعورها كاامهات ...
______________
ف مكتب فاروق دخلت عشق ببرود وقعدت قدامه واتكلمت بثبات:هقتل فهد .
فاروق بنفاذ صبر :من الواضح انك مبتفهميش اني عمري ماهشارك ف حاجه زي دي .
عشق بسخريه:لي خايف عليه مثلا؟
فاروق:أنا مبكرهش ف حياتي قد فهد اتمني أنه يتعذب ميه مره بس كله الا اني اقتل
عشق بثبات:ع العموم يابيبي أنا مش جايه اخد رايك أنا ارويدي نفذت خلاص لاني مش هتحمل فهد يقف ف وشي كتير
اتنفض فاروق من مكانه :نفذتي اي؟!!! انتي قتلتي!!!
عشق :أنا مقتلتش أنا بعت واحد هو اللي هيخلص عليه بطلقه صغيره .
فاروق باانفعال:يانهارك اسود ازاي تتصرفي بدون علمي وتعملي كده ..وقفي كل حاجه فورا .
عشق:مش هينفع كلها دقايق وهتسمع خبر موته
فاروق كان خارج بسرعه من المكتب بس عشق شدته بسرعه من ايده ع جواه وقفلت الباب كويس .
عشق :لازم تهدأ بحالتك دي مينفعش تخرج من المكتب كده كل الشكوك هتكون حواليك ووقتها هيتاكدوا انك انت اللي عملت كده
بصلها فاروق بغضب وقعد وهو حاطط وشه مابين ايدي مش عايز يخسر اسمه وكل اللي بناء بسبب واحده زي عشق متهوره وعليه..
عشق ببرود:موته هيكون افضل طول مااهو موجود مش هنعرف نحط أيدينا حاجه خصوصا بعد ماعرفت أن مراته المصون تقدر تجبله وريث وياخد كل حاجه.
بصلها فاروق بذهول:وانتي عرفتي كل ده ازاي ؟
عشق بسخرية:ماهو حضرتك عاشق ولهان مش فاضي اللي احنا موجودين ف القصر علشانه ف لازم حد فينا يكون متابع كل حاجه بتحصل سوا ف القصر أو الشركه ....
فاروق بغضب :نخلص من اللي احنا ف ده وواعدك هندمك ع كلامك ده..
بصتله عشق بغموض وهي بتفكر تخلص منه بعد ما تخلص من فهد ....
________________
ف عربيه فهد كان سايق وتفكيره مع تاج لمح عربيه ماشيه ورا من لما خرج من المستشفى حاول يفلت منهم بالعربيه لانه مش معاه حراسه سابهم مع تاج وسيا ..بدأ يضرب عليه نار والوضع بقا اسوء فتح التابلوه وطلع سلاحه اللي ديما بيخلي معاه ف العربيه علشان لو حصل اي حاجه يكون مامن نفسه ..فضل يضرب علي نار عليهم وهو سايق لحد مالراجل صواب عليه وجت طلقه ف ايده وقعت المسدس بره ،فهد اتعصب وطلع فونه بسرعه وهو بيرن ع سعد ..
فهد :سعد تعالالي بسرعه ع طريق ****ف عربيه ف اتنين بيضربوه عليا نار ومش معايا حد من الحرس .
سعد بخوف :فهد باشا انت كويس متقلقش انا ع الطريق حالا..
فهد لسه هيرد العربيه بتاعته كانت اتقلبت والخط فصل ..
العربيه التانيه وقفت بعيد والراجل اتكلم ف الفون :حصل ياهانم .
_______
ف مكتب فاروق ..عشق وهي بتكلم ف الفون بسعاده:باقي فلوسك هتوصلك بعد ساعه .
قفلت وهي بتبص لفاروق :لازم نمشي علشان نلحق مجهز لعزاء ابن عمك لحد مايخلصوا إجراءات المستشفى علشان نبدا ناخد كل حاجه من عيلته.
فاروق:حصل؟!
عشق:اكيد سمعت المكالمه وعرفت أن خلاص فهد انتهاء .
خرجت من المكتب بدلع وابتسامتها مش عارفه تخبيها..فاروق كان واقف مكانه خايف من اللي جي وأنه ممكن يتهم ف قتله..
_________
الناس اتلمت ع عربيه فهد والعربيه بدأت تولع كان بيحاولوا يطلعوا لحد ماعربيات الحرس بتاعته جت سعد نزل بخوف وهو شايف العربيه بتولع جري بسرعه ومع الحرس وبيطلعوا فهد وخدوا بعيد بسرعه بعد لحظات كانت العربيه كلها موالعه ..
سعد بخوف حقيقي عليه:فهد باشا انت مينفعش تقع علشان خاطر عيلتك فتح عينك .
حازم المساعد لسعد :خلاص ياقائد قربنا ع المستشفى شوف النبض بتاعه ؟
سعد :النبض ضعيف حاول توصل اسرع ياحازم .
حازم كان بيسوق بسرعه عاليه جدا كان بيكسر اي اشاره المهم أنه يوصل المستشفى علشان حياه فهد..
___________
تاج:أنا من راي لحد ماولدتك ترجع تعالي القصر عندنا علشان نعرف نهتم بيكي وبفجر هانم.
ورد:تسلميلي ياتاج بس ماما بعد ساعه هتكون وصلت وانا كمان لازم اقعد ف الفيلا علشان لو حد جه .
تاج هزت راسها بتفهم وفتحت شنطتها وطلعت سلسله صغيره وحلق لفجر ..
ورد:تعبتك نفسك ياتاج دي بنتك ياحبيبتي مش مستهله كل كده.
تاج:اديكي قولتي بنتي يعني براحتي اجبلها اللي هي أنا عايزه .
حسام خبط ع الباب ودخل هو وسليم..
تاج:امال فهد فين؟!
سليم:مشي علشان الشركه وبلغني اني اوصلك القصر انتي وسيا
تاج بصت لسليم بقلق وسكتت ..جت ام ورد بلهفه كبيره وهي بتحضن ورد وبتسلم ع الكل ...
سيا:الست الوالده جت اهي اروح أنا بقا انام شويه علشان الحق اروحلك البيت قبل ماتخرجي من المستشفى علشان استقبل جانبك
ام ورد:تعبناكي معاكي ياحبيبتي
سيا:ولا تعب ولا حاجه دي اختي ..
قامت تاج وسيا علشان يمشوا ومعاهم سليم ..
حسام علشان يسب ام ورد تقعد معاها براحتها استاذن أنه هيوصلهم..
رن فون سليم برقم سعد :غريبه سعد بيرن عليا؟!
حسام:طب رد وشوف اي !!
سليم:ف حاجه ياسعد ؟
سعد:فهد باشا عمل حادثه بعد ماف ناس هجموا وف العمليات دلوقتي
سليم بفزع:انت بتقول اي ؟!!!أمته حصل كل ده فهد كان لسه معانا من شويه!!!!
تاج رجليها وقفت بعد ما سمعت اسم فهد جريت ع السليم بخوف .:ماله فهد ف اي سعد قالك اي فهد حصله حاجه ؟؟؟؟
سيا:اخويا حصله اي ياسليم؟؟؟
سليم بعد ماتمالك نفسه:هو كويس بس عمل حادثه صغيره
تاج الكلام نزل عليه زي الصعقه طلعت تجري بسرعه وهي مش عارفه هي رايحه فين وحسام وسليم وسيا بيجروا وراها
سيا:اهدي سليم بيقول أنه كويس
تاج بعياط:وديني لي ياسليم
ركبوا كلهم العربيه وسليم ساق ع مكان المستشفى اللي بلغه بيها سعد.
وصلوا هناك وتاج اول واحده نزلت من العربيه وهي بتسأل ف الاستقبال عليه عرفت أنه ف العمليات طلعت بسرعه ع فوق وهي بدور ف الممر ع اوضه ع العمليات لمحت سعد واقف قدامها ف جريت عليه.
تاج:فهد ..فهد حصله اي وعمليات لي؟!انت قولت لسليم أنه كويس اي .
سيا جت وهي بتحاول تهديها وبتعيط ع اخوها.
حسام:اي اللي حصل ياسعد؟
سعد حكلهم كل اللي حصل لحد مااقطع كلامهم خروج الدكتور من العمليات وفهد نايم ع الترولي غايب عن الوعي
سليم: فهد مالوا ؟
الدكتور:اهدوا لو سمحت هو كويس والحمدلله مفهوش إصابات كبيره .
تاج اتنهدت بارتياح وبصت لدكتور :طب هو ف اي وغالي عن الوعي لي
الدكتور:هو واخد طلقه ف ايده وطلق ف كتفه الشمال ده غير الكدمات اللي ف جسمه بسبب أن العربيه اتقلبت بي
حسام:طب هو حالته اي دلوقتي؟
الدكتور:هو كويس لان زي ماقولتلك ف بدايه الكلام إصابته مش كبيره هو فاقد الوعي بس علشان البينج كام ساعه وهيفوا.
الدكتور :عن اذنكوا علشان اشوف باقي الحالات لو حصل اي حاجه أنا موجود
سيا: اهدي بقا هو كويس اهو وشويه وهيفوق.
سليم: احنا لازم نعرف مين اللي عمل كده؟
حسام بشك: تفتكر فاروق ؟
سليم:معتقدتش يخاف ع اسمه .
حسام:امال مين فهد طول عمره مالوش ف المشاكل وجو الاكشن ده بالعكس ديما بيحب الهدوء والسلام رغم العداوات اللي عنده
سليم:عدواته كلها بتكون بسبب الشركات والمناقصات اللي هو شغل البيزنس عادي بس متوصلش للقتل .
حسام:لما يفوق هتعرف منه اللي حصل بالتفاصيل يمكن نوصل للعمل كده .
سيا :لازم ماما تعرف بااللي حصل لأنها لو عرفت من حد تاني او الصحافه هتتصدم وممكن تتخيل أنه لقدر الله حصله حاجه اكبر
سليم : معلش ياسعد هتروح الشركه لسماح هانم وتبلغها كل اللي حصل بهدوء وتعرفها أنه زي الفل وتجبها ع المستشفى من غير ما حد من الموظفين يحس بحاجة
سعد:تحت امرك ياسليم باشا ..
تاج راحت ع الأوضه اللي فيها فهد قربت منه وهي بتقعد جمبه وعيونها بدمع حطت ايده ع شعره وباصه لوشه:كده تخوفني عليك ،وانت عارف ان لو حصلك مش هقدر اعيش من غيرك ده انت روحي يروحي.
فتح فهد عيونه ببطئ وهو بيبصلها بابتسامة وبيتكلم بتعب:ده انا احساسي لما بفكر اني ممكن اخسر احنا روحنا متعلقه بعض ع الأقل أنا لما حصلي كده كان غصب عني إنما انتي عايزه تبعدي عني بارادتك.
تاج :مش وقته الكلام ده دلوقتي المهم انك بخير
فهد حاول ياخد ف حضنه بس اتالم..
تاج بضحك:بتعمل اي بس هو ده وقته وانت بالحاله دي
فهد:اي مدهور خالص
تاج:ع الآخر
سليم دخل وهو حسام وسيا بعد ماخبطوا .
سليم:هو البنج بيضحك كده ولا اي!!
فهد: طلعي جوزك بره ي
ياسيا أنا مش فايقله دلوقتي
سيا وهي بتضحك:بيحب ينغشك حمدالله ع سلامتك ياحبيبي
فهد:الله يسلمك ياحبيبتي
حسام: حمدالله ع سلامتك يوحش
فهد:انت سايب مراتك لوحدها وجي ليي؟!
حسام: متقلقش والدتها معاها وبعدين أنا مقدرش اقعد جمبها وانا عارف انك اتعرضت لحادثه زي دي
سليم:مين اللي عايز يقتلك يافهد؟
فهد:مش عارف للاسف
حسام:طب معرفتش تاخد نمر العربيه او تشوف وشهم
فهد:العربيه كانت من غير نمر ووشهم كان متخفي .
حسام:تفتكر فاروق لي يد ف اللي حصل ده؟
فهد:لا أنا عارف فاروق كويس اوي بيخاف ع روحه واسمه يخاف يخاطر بحاجة زي دي
سيا بتفكير:وممكن تكون الصفره اللي متجوزه ع راي جميله
فهد:مش عارف بس اكيد هنعرف ...
الباب اتفتح باندفاع ودخلت سماح وهي بتجري ع فهد بخوف :انت كويس ياحبيبي اي اللي حصل
فهد: اهدي ياامي والله انا كويس وقاعد قدامك اهو حاجه بسيطه بس
سماح بغضب:حسام اللي عمل كده لازم يتجاب مهما كان التمن سامعني
حسام:من غير ما تقولي انا بدأت تحرياتي.
فهد:بلاش خوف ياامي انا بخير والله
سماح:يارب ديما ياحبيبي تبقا خير ويبعد عنك ولاد الحرام
_________________
ف القصر فاروق كان رجع من الشركه بعد ماعرف أن فهد مامتش دخلت عشق عليه بتسامه واسعه .
عشق:متعرفش لي لحد دلوقتي ماعلنوش عن خبر موته!!ممكن يكونوا لسه بيستوعبه الصدمه مثلا ؟ولا مخلصوش الإجراءات بتاعت الدفن والحاجات دي .
فاروق كان بيشرب قهوته ببرود وهو بيبصلها بسخرية.
عشق:انت مبتردش عليا لي؟!!!
فاروق:اصل مش فهد السيوفي اللي يموت بحتت مسدس ولااي
عشق بعدم فهم:انت بتقول اي ؟!
فاروق:بقول أن فهد عايش ويدوب كام طلقه طايشه ف كتفه ع شويه كدمات بسيطة
عشق بصدمه:انت بتقول اي مستحيييييل !!!!
فاروق:قولتلك مش هيموت باالسهوله دي .
عشق سابته دخلت اوضتها وهي بتكسر كل حاجه فيها :لو عديت منها المره دي مش هتعدي المره الجايه مش هسيبك يافهد ..
____________
زين:يعني هنروح امته؟
مصطفي:انت مالك واقع ع بوزك لي كده
زين:يعني عجبك قعدتي من غير جواز طول السنين دي حاج
صفاء: خلاص بقا يامصطفي ريح قلب الواد وقوله
مصطفي:أن شاء هنروح بكره بعد المغرب ارتحت كده
زين اتنفض من مكانه بسعاده وهو بيبوس مصطفي :ع الطلاق انت رجوله
قام يجري وهو مبسوط علشان يبلغ ماسه ف اتخبط ف جميله وهي نازله
جميله:هو الجواز جننك ولااي الله يخربيت هبلك
باسه زين ف خدها :مش هرد عليكي عارفه لي علشان أنا واحد فرحان ومش عايز انكد ع حد
سابها وطلع أوضته وهو بيغني وجميله وقفت قدام ابوها وامها باستغراب:ابنك اتجنن ياحاج الجواز لحس دماغه
صفاء:عقبالك انتي كمان لما تتجنني زيه .
جميله تلقائي افتكرت فاروق ونسيت نفسها ...
صفاء:روحتي لحد فين كده؟!!
جميله فاقت من شرودها:ها ولا وصلت ولاقفت انتي عايزه تخلصي مني علشان تستفردي باالراجل بس بعينك هفضل قاعدلك.
مصطفي ضحك ع كلام جميله:مش هتتغيري ياجميله
جميله باست ايده وصفاء كمان :ربنا ميحرمنيش منكوا
صفاء:ولا يحرمنا منك يانور عيني .
مصطفي:امال انتي رايحه فين كده
جميله:رايح لتاج اطمن عليها وأشوف تيام
مصطفي: ماشي ياحبيبتي سلميلي عليها وبلغيها هي وفهد علشان يجوا معانا بكره علشان خطوبه اخوكي
جميله:من عيني يابشا..
خرجت جميله من الڤيلا وركبت عربيتها وهي مستغربه نفسها لي افتكرت فاروق ولي ف كل مره بتقف معاه قلبها بيدق جامد وبتحاول تخبي توتورها قدامه ..أضيقت من نفسها انها بتفكر ف بعد كل اللي بيعمله ف فهد .
فوق ف اوضه زين بيتكلم ف الفون مع ماسه.
ماسه:يعني بجد يازين وافقوا
زين:ورحبوا بيكي كمان ياقلب زين
ماسه بتوتر:بس أنا معنديش حد غير عمي
زين:وده كفايه انا هبقا كل اهلك ياماسه وصدقيني عمري ف يوم ماهزعلك هشيلك ف عيني
ماسه بكسوف: واثقه فيك يازين انت مفيش ف حنيتك
زين :حنيتي بس ؟!
ماسه:انت فاضي وانا عندي شغل
زين: ف عروسه خطوبتها بكره وتنزل شغل
ماسه:لا ماهو اسمع بقا حتي لما نتجوز هشتغل برضو
زين:اهدا يوحش هو انا قوللتك تقعدي بس ع الأقل النهارده وبعدين احنا هنتجوز ف خلال اسبوع وبعد كده هاخدك ونسافر انجلترا علشان انا اللي همسك اداره الشركات هناك وهشوفلك شغل اكيد بشهادتك هناك مش بعد كل التعب ده وهتقعدي ف البيت أنا بقدرك كويس ياماسه لانك ماسه فعلا.
ماسه: طب أنا موافقك ف كل ده بس مش شايف أن اسبوع بسرعه اوي
زين:وهنستنا لي؟انا مش هقدر ابعد عنك اكتر من كده ياماسه
ماسه:اللي تشوفه يازين .
________
سماح:يعني اي تخرج النهارده لا طبعا مفيش خروج
فهد:ياامي انتي بنفسك سمعتي الدكتور قال إني اقدر أخرج والحمدلله اصاباتي بسيطه وانتي عارفه اني مبحبش قعده المستشفيات
تاج:خلاص يا ماما خلي يخرج وانا هفضل جمبه لو احتاج اي حاجه ع الأقل هيكون مرتاح ف القصر افضل
سماح بصت لتاج بزعل لأنها لسه زعلانه منها عشان عصت اؤمرها:اللي تشوفه اعملوه المهم صحته تكون بخير .
________
دخلت جميله القصر وكالعادة لقيت فاروق ف وشها أو هو بيكون قاصد يكون متواجد ف القصر علشان لو جت ف اي وقت يشوفها
جميله بصتله وقلبها ضرباته بدأت تزيد بصت ف الأرض وتجاهلته بس نادا عليها ...
جميله:نعم ف حاجه ؟
فاروق:لا ابدا مفيش كنت بس عايز اطمن عليكي
جميله:تتطمن عليا لي هو انا كنت بموت ولو برضو احنا ف بينا كلام علشان تطمن عليا انت عبيط ياقرني !!!
فاروق باندفاع:لا علشان حبيتك
جميله بتوتر:نعم !!!!
عشق كانت خارجه وسمعت كلام فاروق ف جريت بسرعه مسكت ايد فاروق :اي يابيبي واقف مع الناس دي لي مش قولتلي هنخرج!
جميله بصت ع ايديها وهي ماسكه فاروق وحست بغيرها نظراتها لعشق كانت قادره تموتها بس اتكلمت بجمود:وانتي كده خارجه بقميص النوم ده !!!ولا صحيح اصل البيبي لسه مكبرش علشان يقولك كده حرام ..
جميله مستنتش تسمع ردها ودخلت جوا ..فاروق زق عشق عنه بعصبيه:انتي هتستهبلي اي اللي عملتي ده
عشق:عملت اللي المفروض كان يتعمل انت كنت هتبوظ الدنيا كلها علشان مجرد شويه مشاعر عندك ملهمش اي لازمه المفروض اني مراتك قدامهم ازاي تروح لعدوتنا وتقولها بحبك
فاروق :انتي كنتي بتراقبيني !!
عشق:لازم اعمل كده لانك مبقتش قادر تتحكم في نفسك لازم تبعد عن البت دي لانك لو حبيتها فعلا هنخسر كل حاجه.
فاروق بسخرية:ملكيش دعوه أنا المسؤل قدام نفسي لو حاجه حصلت مش ع اخر الزمن فاروق السيوفي هياخد تعليمات من واحده ست ويارتها ست عدله .
عشق داست ع سنانها بغضب وخرجت من القصر ..فاروق وقف يتأمل الكلمه اللي قالها لجميله بابتسامة.
جوا القصر ...
جميله:حادثه اي مين ده اللي عمل حادثه وأمته وازاي ده حصل!!!!!
الشغاله كانت هترد بس قطع كلامها صوت فهد وهو بيضحك:كل دي اسألها طب سؤال سؤال .
جميله لفت وراها بسرعه وسليم وحسام مسندين فهد لحد مااقعد:يانهار اسود!!!! مين اللي عمل فيك كده ؟
فهد بهمس لتاج:أختك دماغها هربت خالص
تاج ضحكت ع كلامه :اهدي ياجميله الحمدلله هو كويس
جميله:كويس ازاي ده متشلفط ولا أكان عربيه نص نقل عدت عليه !!
فهد :طلعوها بره طب قولي حمدالله ع سلامتك ولا اي كلمه كويسه بدل ماانتي نازله فيا غسيل كده
جميله:مش قصدي والله ياابو نسب بس من خضتي عليك
فهد ابتسم: متقلقيش ياستي انا كويس
جميله:برضو اي اللي عمل فيك كده
فهد:واحد كان عايز يقتلني وضرب عليا نار لحد مالعربيه اتقلبت بيا .
جميله شهقت بفزع:يانهار اسود
فهد :هو شكله نهار اسود فعلا .
الكل كان واقف بيضحك ع كلام جميله وفهد لأن ديما كلامهم مع بعض بيكون لطيف ..
جميله:طب وبعدين اي اللي حصل
فهد:هو انا بحكيلك فيلم !!!ماكيد روحت المستشفى
جميله:كل ده حصل ف كام ساعه بس وطلعت ف وقتها كده عادي؟!
فهد:بدأنا الحسد اهو بقا
تاج:طب نكمل كلامنا فوق علشان فهد يطلع يرتاح ف الجناح
سليم وحسام قربوا يسندوا علشان يطلعوا فوق وسماح بعد ماطمنت ع فهد راحت الشركه ...
سليم :بقولك اي انت مش ظابط ؟
حسام وهي ماسك فهد:عايز اي ياسليم
سليم:ماتشيلو لحد فوق ؟
حسام:أنا ظابط اها بس اكيد مش ونش!وبعدين العضلات اللي عندك دي كلها ماتشيلوا انت ولا هما نفخ يخويا ..
فهد بصوت عالي:حد ينادي سعد يساعدني اطلع ويمشي الاغبياء دول من جمبي
جميله بصوت عالي وهي تحت:اجي أنا اساعدك يابو نسب؟
فهد :ياااارب أنا متحاوط بالغبياء كده ع طول ليييي
سيا وهي طالعه ع السلم جمب فهد:شوفت أنا اهو اللي مفتحتش بؤقي كلمه
فهد:وانتي ف زيك ياست البنات
سليم:مراتي ياعمهم خليك ف مراتك .
فهد:اخرس واخلص طلعني انت وهو علشان تعبت منكوا.
طلعوا فهد فوق وحطوا ع السرير دخلت تاج ومعناها جميله وهما شايلين فراخ مسلوقه وشوربه خضار .
تاج:يلا ياحبيبي علشان لازم تاكل كويس علشان الدواء.
فهد :هو انتي لي محسساني انك جايبه الاكل لواحده والده حبيبتي انا عادي اكل اي اكل مش لازم مسلوق
جميله وهي بتضحك:تعرف يابو نسب طول عمري نفسي اتجوز علشان أخلف ويعملولي فرخه كامله اكلها لوحدي .
حسام وهو بيحاول يتكلم من الضحك:أنا كده اطمنت عليك الحق بقا اروح لمراتي علشان زمانها قالبه عليا الدنيا ...
سليم:خدني معاك ياض علشان عندي شغل ..وكمل كلامه بصوت عالي وهو بيجري ورا حسام:اشوفك بليل يافهودييييي
فهد بنفاذ صبر: داهيه ف غباوتكم .
تاج:خلاص مشيوا كل بقا علشان خاطري .
فهد :علشان خاطر عيونك هاكل من المسلوق ده
جميله:انا هنا ياابو نسب
فهد بابتسامة مزيفه:منوره القصر كله
جميله بنفس الابتسامه :ده نورك الي منور..بس تعرف مين اكتر واحد هيزعل عليك اوي علشان مصلحته
فهد:مين؟
جميله:الواد زين ..خطوبته بكره والاكيد إن بابا هياجلها .
تاج بفرحه:هو خلاص هيخطب !!!
جميله:اها والفرح بعد اسبوع وهيسافروا انجلترا علشان يمسك الفروع بتاعت الشركه هناك الواد واقع يختي
فهد:ومين قال إنه هيجل حاجه ؟؟
جميله:أنا اللي قولت مستحيل نفرح وانت ف الحاله دي
فهد:وانا حالتي كويسه وهحضر كمان خلي كل حاجه تمشي زي ماهي .
تاج:تحضر فين انت تعبان
فهد: لا مش تعبان والحاجه وبعدين زين ده اخويا الصغير ومصدقنا أنه هيتجوز
جميله:ربنا يخليك لينا يابو نسب ..،هروح أنا مشوار صغير كده مع جماعه صحابي وهرجع اطمن عليك تاني
فهد:جميله بلاش تقولي لوالدك عن اللي حصل مش عايزو ياجل الخطوبه .
جميله بتردد:بس ...
فهد:اسمعي الكلام بقا
جميله بابتسامة:ماشي علشان خاطر الواد زين بس
جميله سابتهم ومشيت وتاج بصت لفهد ...
تاج:هقوم احضرلك لبس علشان تنام شويه ..
فهد مسكه من ايديها :لسه زعلانه مني ؟
تاج بصتله وسكتت وهو كمل كلامه بحنان:صدقيني خفت عليكي لما تعرفي الحقيقة لاني كنت واثق انك هتاخدي نفس القرار اللي خدتيه امبارح وانا مقدرش اخاطر بيكي ياتاج ..
تاج :مش زعلانه يافهد أنا بس كنت بحاول استوعب اللي حصل ..بس ده ميمنعش اني لسه مصره ع قراري
فهد بصلها بضيق وسكت وهي قامت تحضرله لبس ..
__________
عدا اليوم وتاج طول اليوم مع فهد ف الجناح وجميله روحت علشان تكون جمب زين وحسام بيعمل تحرياته عن اللي حصل لفهد وسيا نايمه طول اليوم بعد يوم طويل عدا عليها وورد خرجت من المستشفى وسليم مشغول ف الشركه علشان يعوض غياب فهد ،وعشق سهرانه ف البار اللي بتسهر متعوده تسهر ف ع طول لما بتنزل مصر،وفاروق مش مركز ف حاجه غير جميله وبيجمع كل حاجه عنها ..
_____
تاني يوم الصبح فهد نزل يتمشا ف الجنينه وسعد ليساعده.
فهد:مش عارف اشكرك ازاي ياسعد لولاك كان زماني ميت
سعد:متقولش كده يافهد باشا المهم عندنا سلمتك أنا لما استلمت الشغل معا سعادتك كنت بشتغل علشان ده واجبي بس بعد ماعرفت حضرتك افديك بحياتي انت شخصيه محترمه والكل بيحترمه
فهد:تسلم ياسعد ...امال مين فاروق وعشق مش سامع صوتهم لي كده
سعد:عشق رجعت الفجر من بره وهي سكرانه واتخنقت هي وفاروق بيه ودخلت أوضتها وتقريبا لحد الان نايمه وفاروق بيه خرج ع شركه حضرتك من نص ساعه
فهد بشك:الغريبه أن فاروق سايبه كده رغم أن دمه حامي ع بيته من واحنا صغيرين ازاي سايبها كده..اوقات بحس أن الموضوع ف حاجه غلط
سعد:مع الوقت كل حاجه هتتكشف .
________
ف الشركه الموظفين كانوا واقفين قدام مكتب سليم وهو بيتخانق مع حسام.
سليم وهو بيضربه بالبوكس:ورحمه امي ماهسيبك انت اللي ورا كل اللي حصل لفهد
سليم:وانا يوم ماافكر اقتله هقتله بالطريقه العبيطه دي
سليم خنقه ف الحيطه :أنا اللي هقتلك يوم ماتفكر تقرب لحد ف عيله السيوفي .
سماح دخلت الشركه باستغراب لما شافت الموظفين واقفين كده دخلت لمكتب سليم وزعقت بصوت عالي :سيييبه ياسليم بقولك
سليم بعد عنه بغيظ وبص لسماح ...
سماح بعصبية:وانتو واقفين تتفرجوا ع اييييي كل واحد ع شغله
الكل انسحب وهي قفلت الباب وبصت الاتنين:عجبوكوا اللي بيحصل قدام الموظفين ده حلو الفاضيح دي !!!
فاروق بصوت عالي:هو اللي هجم عليا بدون سبب كل ده علشان قولتله فهد عامل اي بعد الحادثه
سليم بسخرية:يعني عايز تفهمني انك هزيت طولك وجيت لحد مكتبي علشان تتطمن عليه!!! لي بتخاف عليه.
سماح بصت لفاروق بغضب:صدقني لو عرفت انك ورا حادثه فهد ابني هوديك ورا الشمس أنا لو ساكته ع عمايلك دي ف ده علشان خاطر الدم اللي بينك وبين ولادي وعلشان خاطر المرحوم عمك اللي كان بيعزك بس ياخساره انت مقدرتش كل ده .
فاروق بص الاتنين بحقد وخرج من المكتب وسماح بصت لسليم بضيق:مبسوط والموظفين واقفين يتفرجوا عليك كده ؟
سليم:أنا مكنش قصدي بس حسيت أنه هو اللي وراها مقدرتش اسيطر ع اعصابي .
سماح بحذم:اللي حصل ده ميتكررش تاني مهما كان السبب فاهمني ياسليم .
سليم هز رأسه بهدوا وسماح راحت ع مكتبها..
_________
عند زين كان بيجهز نفسه وجميله معاه .
زين بضيق:يعني انتي جايه قبل معاد الخطوبه بساعه وتقوليلي؟!!
جميله:أنا المفروض مكنتش اقولك خالص لاني وعدت فهد بكده بس قولت اعرفك علشان لو مقدرش يجي متزعلش
زين: وانا مقدرش اعمل الخطوبه وهو تعبان أنا هكلم ماسه واقولها اللي حصل وهي بنفسها اللي هتقولي ناجل الخطوبه
جميله شدت من الفون :انت مش هتكلم حد ولا هتكسر فرحاتها فهد لو عرف انك هتاجل الخطوبه هيزعل من نفسه اوي وكمان هيضايق مني اني قولتلك...واتفضل البس بدلتك لحد ما نزل اشوف الهدايا جت ولا لا مش عايزين نتأخر ع العروسه .
_____________
"ف قصر السيوفي "
تاج: ياحبيبي لو مش قادر بلاش نروح وزين لما يعرف مش هيزعل
فهد: ياتاج أنا كويس وكمان سعد معايا وحسام وسليم هيكونوا موجودين يعني مفيش قلق ..ووعد ياستي لو حسيت بتعب هبلغك نمشي
تاج:ماشي يافهد ينفع بقا تقعد علشان اعرف البسك القميص كويس .
___________
تحت عشق كانت بدأت تفوق من النوم ودماغها مصدعه فتحت عينيها شافت فاروق كالعاده ماسك اللاب بتاعه وبيخلص شغل تبع شركته .
فاروق بسخرية:اهلا بفتاه الليل
عشق:ياريت تخليك ف حالك انت مش مسئول عني وأعتقد أن المجتمع بره ميعرفش أننا متجوزين يعني اسمك ف الحفظ والصون
فاروق بصلها بقرف ورجع يكمل شغله وعشق مسكت فونها واتصدمت أنها نامت كل ده ..
عشق وهي بتكلم نفسها:ياخبر شكلي تقلت ف الشرب للنوم ده كله
دخلت الحمام علشان تاخد دوش وتفوق وفاروق بص مكانها بعدت مامشيت:بني ادمه مقرفه...
__________
الكل وصل بيت ماسه وعمها كان ف استقبلهم ..
مصطفي:احنا يشرفنا نطلب ايد الانسه ماسه لابني زين
عم ماسه:وانا موافق المهم رأيها
ماسه بصت ف الأرض بكسوف وجميله وقفت جمبها:والسكوت علامه الرضا وببنتنا موافقه
اتفقوا ع كل حاجه وزين عرفهم أنه هيسافر بعد الفرح هو وماسه
زين :بس انا مش عايز خطوبه
الكل بصله باستغراب لحد ماهو اتكلم :بعد اذنك يا عمي انا عايز اكتب كتب الكتاب دلوقتي علشان من هنا لحد الفرح اعرف أخرج مع ماسه براحتي ومن غير ما حد يقول عليها كلمه .
عمها:بس يابني ...
مصطفي بمقاطعه:أنا شايف أن كلام زين صح وخصوصا أن الفرح هيكون بعد كام يوم ف خير البر عاجلا .
عمها:ع بركه الله
حسام:كلم المأذون وجه وكتبوا الكتاب
سليم بهمس:اسرع جوازه ف مصر انت اي يابني الجراءه دي
زين:أنا من راي تحل عني وتروح تشوف مراتك وتسبني مع مراتي
سليم بغمز:ايوه ياعم مانت مصدقت
زين بصوت عالييي:ياحسااااام تعاله خد الواد ده بقا
حسام :هو كده مبنسبهوش ف مكان غير لما يفضحنا تعاله ياحبيبي وسيب الواد ده لسه عريس مش قدك
سليم:هو انا عيل وبعدين أنا بنصحه
حسام:هو مستغني عن نصيحك..خدي ياسيا جوزك خلي جمبك شويه
سيا:الكل بيخلص منك اللي أنا ملكش غيري
سليم:وهو أنا لي غيرك ياجامدا انت
فهد:يابني احترم نفسك بقا اخوها وامها قاعدين
سليم:هو انت شايفني شاقطها دي مراتي وجايب منها عيلين
الكل ضحك ع سليم وسيا خبطته ف كتفه باحراج من كلامه قدام الكل
فهد. : مبروك يازين ياحبيبي
زين:الله يبارك فيكي ياابو نسب ...والله ماعرفت اللي حصل ده غير قبل الخطوبه بشويه صغيرين وكنت هاجل بس جميله قالت لا .
فهد: تأجل لي وانا موجود اهو ..وبعدين مين اللي قالك؟
جميله بتهرب:طب أنا هقوم اشوف الشربات.
فهد: لسانك مبيخبيش حاجه كده ابدا
جميله:هو اللي وقعني ف الكلام يابونسب والله
فهد بص لجميله وهو مبتسم ورجع بص لماسه بحترام:الف مبروك ياانسه ماسه
زين :انسه؟!!امال اللي واقف جمبها ده اي !!!
ماسه بااحراج:الله يبارك ف حضرتك يافهد باشا
فهد:فهد باشا!!ف اخت تقول لاخوها يابشا ..انتي زي سيا وجميله وورد عندي وكلهم اخواتي وانتي بقيتي من العيله يعني فهد بس بدون القاب
ماسه:يبقا انت كمان متقوليش انسه ماسه مفيش اخ بيقول لأخته ياانسه ولا اي
فهد:ماشي ياماسه.
تاج كانت قاعده بهدوهاء كالعاده..وبتبص لفهد بحب وع معاملته للي حواليه
الحفله خلصت وكل واحد روح ع بيته....
بعد يومين كان يوم الجمعه والكل متجمع ف قصر السيوفي ومعاهم ماسه..
تاج ف اوضتها وبتجهز علشان تنزل تحت فجاه حست بدوخه قعدت ع السرير علشان ترتاح شويه بس افتكرت أنها جايبه كذا اختبار حمل وشايله علشان لو حست بتعب قامت طلعته وهي ماسكه بتبصله بخوف علشان كل مره بيكون سالبي..عملته واستنت شويه وهي مغمضه عيونها بخوف ..
فتحت براحه وهي بتبص للخطوط اللي فيه بابتسامه واسعه مقدرتش تستنا فهد يطلع علشان تبلغه شدت طرحتها من ع السرير وحطتها ع شعرها بإهمال ونزلت السلم بحذر..
وقفت قدام الكل وهما قاعدين ع السفره الكبيره ..
جميله: واقفه كده لي ياتاج يلا علشان نفطر ياحبيبتي
فهد يصلها باستغراب لأنها اول مره تخرج من الجناح وهي لفه الطرحه كده..
فهد : حبيبتي انتي كويسه ؟!
تاج :أنا حامل .....
