رواية انتقام ال شهم الفصل السابع عشر بقلم أمينة
اوس :أخذته وهوا يميل عليه مو ثابت بخطواته كبل طلعنه للمركز هيه من ل10 ماكو وهمه له 24 ساعه يله يكومون يدورون ع معارفي ولحمدلله قبلو اخذت دوريه وبلغو تكثر من دوريه بديالي وانطوو صورتها وشنو لابسه شهم كاعد مرجع راسه ع كشن طلعت ع شارع العام ونزلنه ندور صار كدامي المجسر تمنيت ربي ماتجي هنه تمشينه نشوف لازم كلبي بيدي والله بس لا هنه موجوده اباوع كلمن شايل بطل مال شرب وكاعد هوا وجماعته وضحكهم ليون واصل دورنه ماكو هنه طلعنه مشيت ع شهم كوه واكف ع حيله سندته ورجعنه ندور ماكو ناس قليله مالكينه شي وجانت هل لليه سوده علينه والله سوده ماكو كلبنه عليه ماكو طر الفجر واحنه نبشنه بعقوبه نبش لا خلينه شارع لا فرع كله دورنه ماكو شهم غده فدنوب يعني لو ماااسنده يوكع ع وجه مشينه واني سانده ورجعنه للبيت بكل كسره مالكينه شي صعدته لغرفه ضل عندي امل بالدوريات لي جاي يدورون عليه بلكي الله ويلكوها كعد بلكاع وضهره الجربايه وصافن ع ميز مال المرايه مالته قراصتها موجوده صافن عليه شهك بوجع وكال بكل كسره عيونه حمر دم يرجف وكال بكسره
شهم :بيها شي والله بيها شي ولك اوس شسويت شسويت اني راحت من يدي كلبي ما مرتاح كلبي ياخويه ما مرتاح بيها شي والله بيها شي
اوس :يرجف ويحجي ويده ع صدره كعدت يمه امسح ع شعره مال نفسه عليه راسه صار ع صدري وهوا يلوم بنفسه واني اصبر بي لن اعرف اذا يبقه هيج ينجلط والله ينجلط صارت بل 6 كبل كمنه ثنينه والله لكمه ماداخله بطونه ولا حته مي ولا نوم ورجعنه ندور من جديد كل مكان رجعنه عليه والله ماكو ابد وهيه لا شايله فلوس لا عدها شي.
يمامه :ماحس له جسمي كله كزبر والله وهل يوم بعمري ماانسه الهوا البارد كله ع وجهي يضرب احس كانو شي وصار حاجز بيني وبين الموت أدركت اني شنو اريد اسوي اني راح اخسر كلشي كلشي اخسره كله يروح صلاتي إيماني واروح لنار وماا اشوف بابا شنوو اريد اسوي لهل درجه لهنه وعرفت غلطي فريت نفسي ورفعت رجليه ع حواف مال السياج مال شارع حديد ونزلت ع كيفي وعبرت ع شارع باوعت ع النهر ورفعت راسي لسمه احس فشلت من ربي من هيج سويت والله فشلت من روحي شلون لي هل جرائه شلون ردت اسوي هل غلط هاذ مشيت ومشيت صارت نزله كدامي نزلت ع كيفي بيها ضلام وحدي وأصوات الجلاب عاليه هواي صار كدامي ملعب مال طوبه حتاريت شلون ادخل اريد باب ماشفت لميت نفسي وره وكعدت واني حيلي مهدود جوعانه وعطشانه الجو حارر والأصوات مخيفه لدرجه
صرت اردد
"وهوا معكم اين ما كنتم "
"ماذا لو ان القلب الذي كسرته" يحب الله "
" اني مهاجر إلى ربي انه هوا العزيز الحكيم "
"اللهم بحق ياسين والقرآن الحكيم وبحق طه والقرآن العظيم يامن يقدر عله حوائج السائلين يامن يعلم مافي الضمير يا منفس عن المكروبين يا مفرج عن المغمومين يارحيم الشيخ الكبير يا رازق الطفل الصغير يا من لا يحتاج اله تفسير "
"وجعلنه من بينه ايديهم سدن ومن خلفهم سده "
يمامه :ضليت اردد بكل دعاء حافضته لحد ما سمعت صوت الجوامع صارت تأذن نزلت دموعي عاجزه شلون اصلي وصار لفجر يطر ومم اولها بلشت امشي اريد مكان صارت العالم هاذ لي عنده دوام وهاذ لي يروح الشغله مشيت صار كدامي زلمه شايل صونده يرش بلباب مالته وكفت كدامه وكالت له عمو اريد مي اشرب وخبزه ماماكله من لبارحه
الرجال :ادللي ابويه اكعدي يمج هسه اجيب لج واجي
يمامه :شفت طابوكه بلكاع كعدت انتضره دخل وطلع بيده بطل مي وكرصه مال خبز انطانياهن كبل فتحت البطل وشربت بساع من العطش كال الرجال لي
الرجال:بويه انتي مضيعه اهلج لو شنو
يمامه :هزيت راسي بي رجع كال
الرجال :منين انتي عمي
يمامه :من كنعان اصلي وساكنه بعقوبه
الرجال :انتي من بعقوبه بعد شجابج هنه بويه
يمامه : اريد ارجع لبيتنه عمو لي بكنعان
الرجال :بويه وين الدنيه مكلوب كلاب بكنعان وين ترحين
يمامه :ماعرف عمو اريد بيت عمي بلكي الكه ماحجه تشكرت منه ورجعت امشي واكل بلخبزه من الجوع بساع خلصت ولمى هم كل شويه اشرب وضليت امشي لشمس براسي ماحس له صوت انفجار هزت الكاع لي واكفه عليه اني صفنت ع كل شي وحدي ماكو بشر يمي شارع عام َقصف "هاونات" جسمي يبس من الخوف لي شفته ماحسيت له صوت حيل حيل قريب صرخت بصوت عالي شهممم ماجنت الكه احد يمي وحيده بدون سند نزلت دموعي صرت اشهك بصوت عالي وكملت الطرق الي كدامي بشر ماكو كلهم ببيتهم يم احبائهم واني بدون احد بشارع افتر هواي هواي مشيت صارت كدامي سيطره مال شرطه بدون احس الدوخه لزمتني جوع وعطش دنيه الضهر واني وحدي راسي احسه يريد يطك من الوجع عيوني تغوش ماحس له سياره عالي صارت كدامي وكفت ونزل ولد منها لابس بنطرون وقميص ونضارات ضخم رفعت راسي له تقرب وكال
عمو شعندج هنه وحدج
يمامه : من الخوف انعكد لساني
شبيج عمو ما تحجين
يمامه : عمو ا اني مضيعه اهلي كوه كلتها من الخوف كال
وين اهلج عمو بيت منو
يمامه : اهلي من كنعان جنت ساكنه بعقوبه واجيت هنه
تردين ترحين لكنعان مشي ؟ خبله عمو انتي لو شنو
يمامه : هوا اريد اروح لن يكولون الأوضاع من زينه عمو
عمو هيه غير ناس تاكل بناس امشي اخذج لبيتنه لو لبيتكم لي بعقوبه
يمامه : لا لا فدوه ماريد
عمو والله العظيم ماادنالج اختي امشي وياي اخذج يم امي ماكو بس امي والله ضلي يمها بين ما اني ادور اهلج لج واخذج عمو الدنيه الضهر تدري بيش الساعه بل2 ونص وانتي تفترين بالشارع وحدج
يمامه : عمو احلف احلف ابد مااتاذيني
والله العظيم ماااطخج امشي عمو امشي
يمامه : صعدت ويا ليوره السياره بارده سالني نوب وين بيتنه بالضبط بعقوبه ماعرف والله اني طلعت وحدي
شلون خيتي وحدج اهلج وين لعد شارده
يمامه : صفنت بوجها شكول له احجي الحقيقه كالت له عمو اني متربيه بيت ناس لن بابا ميت عمامي خلوني يمهم من عمري 6 سنوات
يي كملو خيتي
يمامه :يي وهمه كبروني واني طلعت ادور ع عمامي
ليش طلعتي خيتي لو باقيه يمهم شكد صارلج وحدج
يمامه :من لبارحه صبح
يعني من البارحه تفترين بالشارع ؟
يمامه :يي
وين نمتي لعد
يمامه :مانمت لن اخاف
استغفرالله ربي يا خيتي لو واحد سوه بيج شي وهمه هنه كلهم طائفه واحد ياكل بلثاني شلون هيج تامنين ع روحج يخيتي هسه اخذج يم امي منه لمن اعرف عمج وين نشالله منقصر
يمامه :شكرا عمو هواي
اسمي علي خيتي كولي بس علي
يمامه :لا عمو لن أكبر مني
علي :بكيفج خيتي نامي اذا تردين والله مااا باوع عليج بغير نضره عده خيتي لا تخافين بركبتي ومن عرضي منه لمن تطلعين من لبيت
يمامه :شكرا هواي عمو وين بيتكم
علي :احنه هم بعقوبه هم خيتي
يمامه : عمو اخاف يلكوني ماريد ارجع لهم حباب
علي :لا خيتي والله له لمكان لي انتي تردين بي يله أخليج بيت منو همه
يمامه :بيت ابو شهم مصار هواي من جينه هنه
علي :بربج ولج اعرفهم غير الشيخ شهم بدر مهاب من عشيرة ال....
يمامه :يي
علي لا تخافين خيتي اني صدك اعرفهم حق المعرفه بس ابد ما اجيب طاريج والله وبذمتي خطيتج اذا حجيت لاحد
يمامه :يي حباب رجعت راسي للكشن وبالي شهم دور عليه شدعي وشحجي ع كسرت روحي منه هواي شلون اعاتبه واوكف كباله والله شلون بس بنفسي اوكف كدامه واكله شذنبي دمرتيني اريد اعاتبه بس شحجي له مسحت دموعي النزلت غمضت عيوني تعبانه هواي هواي تعبانه الشمس اخذت ثلثين حيلي غفيت ما حسيت بشي من التعب عبالك َميته ذبيت روحي
اوس :بعد معانات هواي كدرنه نعرف مكانها وين رايحه بساع رحنه اني وشهم وياي لصديقي وكلنه امل نلكاهااا وصلنه وحسب ماعرفه وهل خبر هدنه هد من كالو حسب ما شايفين واحد من الجنود لي بنقطه ال.... ع طريق خرنابات شابفيها وحدها تمشي وبساعات متأخره من اليل بالف ياعلي يله حصلت الكامرات مال الشارع ومال النقطه كوه والله مايصير ينطونهن الاي احد ان سريات ربطت الكامرات ع حاسبه بساع شوارع فارغه ماكو بشر ابد ولا هيه ضليت امشي شوي شوي بس حته اشوف وين بالضبط جانت خابرت صاحبي ياس يبلغ اريد كامرات الجسر مال ديالى رفض هل شي لن محد يكدر ينطي هذني سريات كوه قنعو كوه والله ربط صاحبي الكامرات وضلينه تنتضر المكان لي ع اساس شايفيها بي ماجاي اكو اي شي مشو شويه ماحس له صارت كالته وحدها بليل يبس الدم بجسمي من بل1 ونص وحدها تفتر ولا تخاف شنو هاي عبرت الكامرات وبعد ماشفناها ابد كعد شهم مهدود حيل حقه والله حقه صعب هواي ورجعنه للبيت بيتنه انكلب كباب والله كله حزن ماكو فرح ابد كلمت صافن بمكان وأكثرهن شهم شهم اخ باشهم والله يكعد مابي يكوم له يترجه ع شي وينطق كلمت ياعلي هواي تعب مرن 4 ايام بل ضيم والله عايشين ماعد خابرني ياي صاحبي وكلل
ياس :اوس لبنيه لي تدور عليه موجوده بمستشفه عام بعقوبه اني شفت الصوره مالتها وهيه بالضبط
اوس :كمت بساع من جوه صحتت شهمم شهممم لاكيتن يمامههه شهممم تعال أمشي باوع ياس ابد مااتخليوهم يطلعون دير بالك راقبهم من بعيد عليك علي جايك اني والله جايك اخذت شهم وكبل رحنه
علي : أني علي محمد الدوام بكليه الرافدين عمري 25 سنه اني جدي سيد ورثت هل شي منه لحمدلله والشكر بنيت جامع بسام والدي الله يرحمه لن لو مهوا مااصير هل جامع عايش اني وامي بس ماعندي خوات ولا خوان اني وحيدهم صادف سوم من الايام الوضاع كلش مو زينه بديالي طلعت من دوامي ورحت لبيت صاحبي ع ملازم انطي لن حالته مو شي صادفلي بنيه صغير تطلع بل 12 سنه بلشارع لابسه عبايه سوده وشال اسود ملامحه حلوه الله يستر عليه نزلت من سيارتي وتمشيت لها وجها احمر دم بالأساس مو يطلع من البيت للشارع بهيج وقت سالت وعرفت سالفتها اخذتها بنص الطريق نامت نزلت انضاري عليه وكملت طريقي لبيتنه وصلت لبيتنه بعد طريق طويل فتحت الباب روحي من هل دنيه دخلت السياره ع كيفي ونزلت لروحي بوست اديها وراسها وبساع حجيت لها ع هل بنيه مستحيل اضم شي ع امي تمشيت امي لها فتحت لباب وكعدتها ع كيفها صفنت لبنيه بوجه امي ماتعرفها مستغربه حجيت امي وياها ونزلت ويا امي بس واضح تعبها لو مرضها صعدت لغرفتي كبل سبحت احس روحي حمضت من لحر وكفت اصلي صلاة الضهر لن مالحك بالدوام وطبيت روحي ونمت ما نزلت هلي البنيه تتعود ع امي واصلن أكبر حرام عليه لو باوعت لها بنضره شنو النضره حرام يعتبر إثم عليه مثل ما مذكروه بلقران الكريم اغظ نضري عليه واني من الاول حللتها عليه باخت لي من صلب امي لي حته لا انضرر لها نضره مو زينه طفيت الاضائه ونمت
يمامه :كعدت ومره كدامي واضحه حبابه هواي بس خوفي اخاف منها نزلت وياها دخلت لبيت حلوو وكبير هواي دخلتني لغرفه حلوه جابت لي مي واضح حاجي لها لن كبل خطيه حطت لي اكل من جوعي ماكدرت أرفض اكالت بساع لمن شبعت وهيه حته لا استحي منها طلعت اكالت براحتي كلش طيب أكلها اكالت لمن شبعت كمت ع كيفي واني بودي اغط بهدومي من المستحه لي حسيت بيها تلكتني بوجها النوراني كبل كالت
ام علي :هلا هلا يمه كملتي شبعتي
يمامه :يي خاله اريد اغسل دلتني ع مغسله كمت غسلت ع كيفي ورجعت فرشت لي فراش وكعت يمي واني هم وكالت لي بكل حنآن
ام علي :نامي ع رجلي يمه خلي أقره عليج
يمامه :استحيت افشلها نمت ع رجلها صارت تقره عليه قرآن صوتها يخبل كبل غفيت من التعب كعدت ماعرف شكد مار وقت بس هواي راسي يوجعني والله تمشيت لبره الغرفه ماشفته اجاني صوت التفت بساع خايفه منه
علي :اسم الله الزهره ام الحسن شبيج خيتي
يمامه :ك ككبيت ععمو
علي :لا خيتي لا تخافين امي بلمطبخ
يمامه :كبل مشيت لها للمطبخ شفتها هواي تطبخ اكل صفنت همه يس نفرين شدعوه انتبهت لها تخلي بعلب سفري اكل كعدت يمها صارت تحجي وياي وتكول لمن عرفت عدهم جامع وينطَون للفقراء والمساكين كلش حبيت هل شي اخذني ال واهس كبل كمت اسوي وياها بكل حب وحماس دخل عمو علي كال
علي :عشتي خيتي عشتي ماتلحك امي وحدها بس لا تعبين نفسج
يمامه :لا عمو اني احب هيج اسوي
علي : عفيه عليج خيتي منو ميحب هل شي
يمامه :راح هوا واني كبل اخذت عليه بطبعي مو متكبره ولا فرفوشه لا اني طبعي اجتماعي اختلط بلناس بساع كملنه كلشي صرت وياها بعد ما مرن 4 ايام اني يمهم كلش حلوو خاله ام علي تقره ع عالم وهمات تاخذ خيره وعلي يدرس حوزاء وهم يقره بالجامع عائله تجنن طول هل ايام وراسي ماهده روحي تطلع ع سهم انتذكرن وحجاياته لي شكن كلبي طلعت من الحمام انتهيت من البجي ساعه وماعرف شكد خليت هدومي بل غساله ماحس له ضرب واسي دوران اريد شي الزم بي ماكدرت طحت ع وجهي بعتبت الباب احس خلكي نمرد وخشمي كبل صار ينزف َ.....
بنات عذروني
