رواية كوميديا سوداء الفصل السابع عشر بقلم ليل ادم
استاذه ريهام: حمدالله على سلامتك كده تخضينا عليكي هناخد بقا بالنا من علي ولا من أمه
الأم: ابني فين
استاذه ريهام: ابنك في غرفة الافاقه وبعد ساعه من دلوقتي الدكتور علي هيمر على ابنك وأن شاء الله تطمني عليه والحمد لله العمليه كانت ناجحه
الأم: ممكن اشوفه
الدكتور خالد: مفيش مانع بس من بعيد وخلي بالك الدكتور علي هيمنع عنه المجهود لمده شهر على الأقل وكلامه يكون قليل العمليه مش سهله انتي اكيد مدركه ده
الأم: طبعاً عارفه ربنا يبارك فيكم يارب
الدكتور خالد: بعد اذنكم
استاذه ريهام: شكراً يا خالد
خالد : على اي
استاذه ريهام: انك وفقت تتابع حاله استاذه مي علشان مفيش حد في الطوارئ فاضي
خالد : مفيش حاجه دا شغلي بعد اذنكم
(وخرج من الغرفه كان في ناس كتير وصحافه قصاد غرفه الاستراحة اللي كان فيها الدكتور علي والطاقم بتاعه )
الدكتور خالد: لو سمحتم كده مينفعش العملية انتهت وكل الناس تقريباً شافت العملية صوت وصوره ومفيش دكتور من الأساتذة اللي جوه هيقدر يتكلم معاكم الوقتي لازم نراعي القلق والتوتر اللي كانه في بعد اذنكم أنا هحدد يوم نعمل في مؤتمر صحفي نتكلم عن حاله علي وعن المجهود الرائع اللي تم داخل غرفه العمليات
بعد ما تأكد الصحافيين من وجود مؤتمر صحفي خاص ب الحاله غادروا المكان
في جانب آخر
الدكتور علي: عرفت قدر نفسك يا دكتور احمد ولا لسه
احمد : أنا لحد الوقتي مش مصدق النهايه دي انا كنت اقتنعت أن الولد مات
جميله: أنا شوفت شريط حياتي كلها بعد ما نترفض عدا قصاد عيني
الدكتور علي: أنا كنت حزين جدا بس مش على ما يترتب على خسارة العمليه أنا كنت حزين على المريض وعلى أمه
احمد : برغم أن البالتو الجديد باظ إلا أني مبسوط
الدكتور علي: أنا هجيب ليك واحد جديد اي رايك
احمد : لا ما انت كذا مره تقولي هجيب ولا بتجيب ولا بتعمل
الدكتور علي: ماشي انا مش هرد عليك لاني مبسوط منك اوي وبصراحه مش ناوي أبعت حد منكم الاستقبال النهارده علشان المجهود اللي عملته النهارده كان أكبر من أي مجهود حصل قبل كده في تاريخ المستشفى
جميله: الحق يا دكتور علي
الدكتور علي: وريني (شاف صور الدكتور علي و احمد وجميله مغرقه السوشيال ميديا وعليهم كم تعليقات مرعبه وكانت كلها تعليقات ايجابية جدا )
احمد : عايز اشوف أنا كمان في اي هو أنا مش كنت معاكم
جميله: افتح تليفونك وشوف
احمد : مش معايا
الدكتور علي: احسن برضوه خليك كده (وبيضحك)
باب الغرفه بيخبط
الدكتور علي: ادخل
مس غاده: دكتور علي الطفل فاق
الدكتور علي: ياله بينا نشوف وصلنا ل اي
في جانب آخر
استاذه ريهام: أدخل
الدكتور خالد: مساء الخير
استاذه ريهام: مساء الخير اتفضل يا خالد
خالد: أنا حددت ميعاد مؤتمر صحفي مع الصحافه بكره
استاذه ريهام: طب كنت رجعت ل الدكتور علي
خالد: ارجع ل الدكتور علي ليه حضرتك مديره المستشفى وأنا نائب المدير والمتحدث الرسمي باسم المستشفى ارجع ل دكتور علي بصفته اي
ريهام: بصفه صاحب الليله هو لو كان الولد مات وأنا نهيت العمليه زاي ما حضرتك طلبت كنت هتقعد قصادي الوقتي تطلب انك تكون المتحدث الرسمي عننا ولا كنت هتهرب من الحديث وتحط استاذ علي في وش المدفع
خالد : اه افهم من كده انك عايزه علي يكون المتحدث الرسمي بكره
ريهام: انت لو شايف غير كده يبقا عندك مشكله
خالد: لا تمام بس ابقي ديري انتي المؤتمر لاني مش هكون موجود
ريهام: لا متقلقش خالص ساره من النهارده هتتولي تسويق المستشفى وإدارة الأعمال الاحترافية كامله
خالد: أوكيه أوكيه
ريهام: اه معلش يا خالد التيم بتاعك النهارده هيكون عنده نباطشيه مباشره على الطوارئ علشان الدكتور علي و مساعديه مكملين مع حاله علي لحد ما يطلع من المستشفى
خالد: اه طبعاً ما احنا هنعيش اللي باقي من عمرنا على حس العمليه دي
ريهام: اكيد طبعا هو انت شايفهم كانوا في عمليه زايده دي اهم عمليه في القرن العشرين يا دكتور خالد
خالد: اه ماشي بعد اذنك
ريهام: اتفضل
في جانب آخر
جميله: المؤشرات الحيوية كلها تمام التمام
احمد : ونسبه كفاءة القلب رفعت الي ٧٠ في المئه ومع اتمام الشفاء للآخر ممكن نوصل الي نسبه ٩٥ في المئة
الدكتور علي: تسلم أيديكم يا شباب
احمد : على انت كويس حاسس بأي حاجة
على: (هز رأسه تأكيد على أنه في أحسن الأحوال)
الدكتور علي: جميله دخلي مدام مي
جميله: (فتحت باب الغرفه ) تعالي ادخلي
الأم: (جريت على الدكتور علي) اي الحمد لله بقا كويس
الدكتور علي: اي رايك يا دكتور احمد
احمد.: والله يا دكتور علي أقل من حمام محشي وورق عنب ما هاكل عندهم
جميله: أنا شايفه كده برضه
الأم: يعني اي يعني هيروح المدرسة ويلعب مع أصحابه
احمد : ويتجوز كمان شهر لو عايزه ويهد العماره على اللي فيها
الدكتور علي: (بيضحك) ربنا سمع دعواتك و استجاب ليكي والحمد لله ابنك بقا عال العال هو بس محتاج يقعد تحت عنينا يومين كمان ويخرج معاكي لمده شهر مش عايز اي مجهود و كلامه يكون قليل لحد ما يكون حاسس أنه قادر وجسمه قابل أنه يعمل مجهود
الأم: أنا مش عارفه اشكر حضرتك ازاي
الدكتور علي: متشكرنيش الشكر لله ثما الدكتور أحمد لولا وجوده معانا في غرفه العمليات كان احتمال خسارة علي هتكون مئه في المئه
الأم: أنا شوفت العمليه وانا قاعده على التلفزيون هنا و شوفت اللي انت عملته ربنا يبارك فيك وتحقق كل أحلامك و أشوفك اكبر دكتور في العالم
احمد : ربنا يخليكي والف سلامه ع علي
الأم: الله يسلمكم
الدكتور علي: ياله بينا يا شباب بعد اذنك
الأم: تفضلوا
مس غاده: دكتور علي
الدكتور علي: نعم يا غاده
مس غاده: استاذه ريهام بتقولك قبل ما تمشي عايزك ضروري
الدكتور علي: تمام جاي وانت يا احمد ياله انت وجميله ع البيت بكره عندنا شغل كتير
احمد : تمام ماشي يا استاذ علي
جميله: استنا خدني معاك يا احمد
احمد : مستنيكي في الجراچ
في جانب آخر
استاذه ريهام: أنا كده قولتلك كل اللي حصل
الدكتور علي: هو خالد للدرجادي عديم الدم يعني غير الضغط اللي حطني أنا والتيم بتاعي في كمان عايز يحط أسمه في مشهد النهايه عايز ياخد حق الناس اللي تعبت وطلع عنيهم
ريهام: علشان كده مش عايزه حضرتك ترفض انك تكون المتحدث لو رفضت هكون مضطره احط خالد مكانك وبصراحه حرام دا يحصل وناس تانيه تتحط في الصورة على حساب الناس اللي تعبت و عملت المجهود ده كله
الدكتور علي: وليه مش الدكتور أحمد
ريهام: احمد بالذات لأ احمد لا ينطبق عليه اي مواصفات المتحدث احمد مبيعرفش يتكلم جد أصلا
الدكتور علي: بس هو فعلاً صاحب الإجراء ده وهو أهم حلقه في سلسلة العمليه كلها
ريهام: وأنا معنديش مانع انك تقول كل ده بكره بس أن احمد يكون المتحدث الرسمي لا
الدكتور علي: تمام يا ريهام اللي تشوفيه بعد اذنك
ريهام: اتفضل
بعد رجوع احمد الي منزله
احمد : اي يا ست الكل عامله اي
الأم: عامله اي دا انا طبعت صورتك اللي على النت كبيره وهعلقها على بيتنا من بره
احمد : شوفتي علشان تعرفي بس جوزك بقاله مليون سنه دكتور ومحدش شافه في طبق اليوم حتا
الأب: (خد التليفون) انت بتقول اي ياض أنا سمعتك امك فاتحه السماعه
احمد : هو أنا أقدر اتكلم يا عم راشد
الأب: رفعت راسي وشرفتني أنا كنت قاعد بموت في جلدي بس كنت واثق في ربنا و فيك كنت عارف انك هتعملها
احمد : ربنا يخليك ليا يا حبيبي انت شوفت العمليه بجد كلها
الأب: اه طبعا هو في حد مكنش مهتم ب العمليه دي في مصر كلها من امبارح وكان في خبر في الجريده لقيت اسمك فرحت اوي بس لما عرفت حاله المريض قلقت الموضوع مستحيل بجد انا فخور بيك
احمد : وأنا مبسوط اوى اوى
الأم: انت جاي امتا يا تحفه وحشتني
احمد : حاضر والله يا حبيبتي هحاول اخد اجازه علشان فعلاً وحشتيني اوي
الأب: تحب أكلم حد من عندك تاخد اجازه خلي بالك أنا عرفت الطقم اللي عندك كلهم حبايبي بالذات الدكتور خالد
احمد : يا خبر انت تعرف الدكتور خالد
الأب: دا دفعتي كان زميل يابني وتخرجنا مع بعض كمان
احمد : دا سم ناقع
الأب: مين ده
احمد : طب لحظه علشان الباب بيخبط يا بابا اقفل وهكلمك
الأب: ماشي
احمد : جاي ياعم ياللي على الباب (وفتح الباب)
احمد : مين حضرتك
الساكن : أنا الراجل اللي مراته مقرطسه يا حيلتها تعالي معايا (وشد احمد )
احمد : ياعم وحيات امك اليوم ماشي تمام مش جايه معايا ولا اضرب النهارده ولا اروح القسم
الساكن : وحيات امك منا سايبك
احمد : ياعم والله أنا آسف أنا فهمت الموضوع غلط
الساكن : بعد اي انت عارف انا خسرت كام علشان ارجع بسبب كلامك يا ابن -----------
احمد : ياعم حقك عليا شوف خسرت كام وأنا أدفع بس ذوق معايا اليوم
الساكن : وربنا ما سايبك غير في القسم
وصمم فعلاً الساكن وخد احمد علي القسم
بعد الوصول إلى القسم
الساكن : هو ده الراجل اللي كلمني يا بيه وقالي مراتك بتخونك
ظابط المباحث: انت تاني
احمد : وربنا قولتله بلاش بس هو ماشاء الله عليه عنده اسرار رهيب اني اجي معاه القسم
ظابط المباحث: مش انت الدكتور اللي صورك مغرقه الفيس بوك
احمد : اه والله وبكره عندي شغل مهم لو نمت عندكم هنا و مروحتش الدكتور علي هيعمل مني كفته ومن غير ملح
ظابط المباحث: يا استاذ اااا
الساكن : كمال اسمي كمال
ظابط المباحث: يا استاذ كمال أنا خدت عليه محضر عدم تعرض وزوجه حضرتك كانت هنا وشافت المعامله اللي أتعامل بيها مرمطه ما بعدها مرمطه
احمد : اه والله استاذ سردينه خد مني كل حاجه وكنت هتربط جوه
كمال : مليش في مش سايبه
ظابط المباحث: منا عايز اقول ل حضرتك اني لو خدت الدكتور أحمد هكون مضطر ابعت قوه من القسم تجيب المدام والاتنين ينزلوا نيابه بقا ومعاكم ربنا
احمد: لا وربنا ما ينفع
ظابط المباحث (غمز ل احمد علشان يسكت)
احمد : ولا اقولك أنا موافق ابعت بعد اذنك يا باشا هات مراته وننزل نيابه وخلي العالم كله يعرف القصه
كمال : لا ومراتي مالها
ظابط المباحث: مش طرف تاني في المحضر يبقا لازم تيجي
كمال : لا لا خلاص يا بيه كده كده انا ارتحت لما عرفت أنه أتهان عندك هنا
احمد : اه حصل
كمال : خلاص يا بيه أنا مش عايز حاجه
ظابط المباحث: تمام تقدر تمشي انت
احمد : وأنا
ظابط المباحث: استنا انت
بعد خروج كمال
ظابط المباحث: أنا عملت حوار علشان أطلعك منها إنما المفروض اخدك ارميك في الحجز من غير ما اجيب لا مراته ولا غيرها بس علشان اللي عملته النهارده مش عايز أنكد عليك
احمد : اجدع من ابويا وربنا بعد اذنك
ظابط المباحث: اتفضل
في اليوم التالي
احمد : ( دخل المستشفى شامم ريحه نضيفه المستشفى كلها لبسه جديد والشكل حلو )
احمد : في اي يا مس غاده عندكم فرح ولا اي
مس غاده ؛ دكتور احمد النهارده في مؤتمر علشان العمليه بتاعت امبارح
احمد: علشان كده وخدين بالكم من المستشفى اوي
مس غاده: اه وسع بقا بص رجلك عملت اي
احمد: ياساتر بالراحه دا انتي تقطعي الخلف بعدين اشمعنا أنا مخدتش بالتو جديد
مس غاده: في مكتب الدكتور علي وسع رجلك بقا في اي
احمد : خلاص دا انتي وليه لئيمه
مس غاده: انت بتقول اي
احمد : بقولك انتي ذات قيمه
مس غاده: طب ياله
جميله: صباح الخير
احمد : صباح الورد انتي هنا من بدري ولا اي
جميله: اه ادخل الدكتور علي جوه عايزك
احمد : رايحه فين
جميله: هجيب قهوه
احمد : اعملي حسابي معاكي
مس غاده : يا عم انت رجلك بقا
احمد. : ما جميله وقفه هو أنا كنت بلعب في التراب يعني
مس غاده: اللهم طولك ياروح
احمد ؛ وليه مبالغ فيها
مس غاده: بتقول اي
احمد : بقول مش خساره الفلوس فيكي ( ودخل مكتب الدكتور علي)
الدكتور علي: لسه جاي
احمد : لا دا انا هنا من الساعه اربعه الفجر
الدكتور علي: أنا سامع صوت غاده وهيا نازله دعك فيك بره وعارف انك لسه جاي بطل كذب
احمد : اه فعلاً انا لسه جاي بصراحه يعني
الدكتور علي: اعمل حسابك في مؤتمر صحفي النهارده
احمد : اعمل اي يعني
الدكتور علي: تعمل حسابك انك تحضر
احمد : لا والله هو أنا ممكن ادخل اقعد كده عادي ومحدش هيقولي اطلع بره ولا جاي تعمل اي
الدكتور علي: لا متقلقش محدش هيقولك حاجه
احمد : لا حيث كده بقا هات البالتو الجديد علشان لو الكاميرا جت عليا بالغلط اعمل ل امي باي باي
