رواية قضية شرف الفصل الثامن عشر بقلم زينب نور
بعد ماسمعت اعتاب وعياط عدهم..... شبيهم
طلع ابوو جاسم ضايج كلش.... طبك الباب بكل قوووته لاكاني وجهه بووجه وحته ماسلم عليه... شبيه
ضلت تتعالئ الاصووات ... مااكدر حته ادخل عليهم
بقيت واكفه ماعرف شكوو .. شسووي اصيح حسن يشوف شبيهم.... هم يكول شدخلنه احنه
طلع سجاد ..... كان ضايج كلش ولازم جكاره بيده
اني// شكووو سجاد خوو ماكو شئ
سجاد// ماكووو شئ
اني// خووو ماكوو شئ ليش هجي عدكم صياح
سجاد// بصووت عالي ((( ماكوو شئ ))
اني// شبيك سجاد وبعدين ليش تعيط
دزيتلك رساله اريد احجي وياك ومن الساعه 12 لهسه انتظرك وماكوو ....
سجاد// ماكو داعي نحجي
اني// ليش ماكووو داعي
شبيك اكووشئ ... اني فهمت قصدك غلط...وانت اعذرني
بس والله احبك سجاد.... وماعندي شئ ابالي.... ولا هذا القصر ولا فلووس اهلي... ولا هذا العز بعيني بس انت .... ليش هجي انفعلت بسااع.... خل احجي وياك خل نرووح هناك خاف احد يشووفني هنا
سجاد// لا مااكدر وراي سفر بعد سااعه
اني// وين 😳😳
سجاد// لسوووريا
اني// شسوي بسووريا
سجاد///? 😒العب
اني// سجاد شبيك
سجاد// راح البس بسوورريا هناك يم السيده زينب
اني// شنوو يعني. يعني تحارب
سجاد// اي
اني// سجاد شنوو تحجي
سجاد// الي سمعتيه ريحانه
اني// ليش تروح لاتشاقئ سجاد الي بيه مكفيني والله
سجاد// ماجاي اشااقه والله
اني// لاترووح سجاد ترئ ما اليه غيررررك
ااني هستوني تحسنت حالتي لمن تعرفت عليك . ,اذا ترووح امووت ما اليه غيرررك
سجاد// انتي السبب ... من اجيتي لهنا تغيرتي
وين قبل كنتي بلبيت مالتنه..... وين ريحانه وشقاها.
وين قبل البساطه مالتج.... وين قبل انتي وين وين و وين
اني// اني نفسي ماتغيرت.... كتلك فهمت قصدك بالغلط واجيت هسه اعتذر منك ... سجاد ارجوووك لاتجرح كلبي فوووك ماهووو مجروح
كنت اريدك وياي كل لحضه....... بعد يومين المحكمه مالت الولد....... واريدك وياي
لزمت ايده سجاد لاتتركني.... عوفني هسه اني
شلووون تترك اهلك ..... شلوون تترك امك
شلووون تروح لسووريا وهناك محد يجي بس جثث تجي
منوو راح هناك واجه عدل..... سجاد احبك انت وبس اذا رحت امووت والله امووووت
ريحانه****** من كالي سجاد راح اسافر ..... اووف روحي انطعنت بسكين مو جسمي.. هسه كلبي لمن ارتاح وفرح هجي يصير بيه...
توسلت بيه... لمن مليت ماكوو فايده.....
اني صح غلطت وفهمت قصده غلط.... بس ندمت واريد اتعذر منه... ماانطاني فرصه.....
ضلينه كاعدين اخر شئ
سجاد ودعني وداع بسيط وراح .....
ضليت بمكاني بقيت اريد اتاكد صدك يروح لووو كذب....
بقيت كاعده يم بابانه علئ الكراسي مالت الحديقه ماكووو
صارت ب3
البيت مفتوحه الاضواء مالته....مبين كاعدين
طلع سحاد وبيده جنطه سفر زغيررره
طلع صدك كلامه للاسف..... عافني وراح
طلع وراه ابو سجاد وابووو جاسم والنسوان
يوودعوونه... والجده لازمه بيدها طاسه ماي تريد تذبها وراه
كمت علئ حيلي ..... معقوووله
رحت عليه ركض
اني// سجاد لاترووح... ارجووووك
كلهم ضلووو يباوعوون اليه...
اني// سجاد اني احبك واسفه اسفه اعتذر فديتك سامحني
سجاد*** ضل صافن بوووجهي ومتعجب من كلامي كدام اهله
ضليت اتووسل بيه كدام اهله .. وكلهم متعحبين مني
سجاد// انتي ماحافضتي عليه
الجده// انت مو كنت ضايج عليها وكلت ماتريدها هسه بطل وعووف هاي الروحه يمه.. والبنيه هم طلعت تريدك بعد شتريد
يمه والله بعد ماترجع اليه.... منوو راح لسوريا ورجع لامه
ابوسعاد// منو خلاها ابالك.... دعوف هالسالفه انت هنا تشتغل خير من الله والجماعه مامقصرين ويانه....
سجاد// خلص جماعتي ينتظروني....
سجاد ودع امه وباسها براسها ....وودع اخووانه والنسووان
وراح .... باوعلي بنظره وداع وحزن. وراح
راح وكلبي راح وياه..... شسووي حته يرجع
ضليت ابجي بصوووت عالي
سجاد لاتروح تعرف بيه احبك
صحت واني ابجي .....
ليش كلساع ربي ياخذ مني الي احبهم .... ليش الله كاتبلي اتعذب ...... سجاد حموت من دووونك
كافي عليه فراق ابوووي لاترووح... والله احبك
ابجي واصرخ وكلهم يبجوون وياي
نزلوو. اهلي وكلهم اجوووو ... علئ الهوووووسه
علي// شكوو شبيكم
حسن// خيررر
امي// يمه ريحانه شبيج
ابووسعاد// ماكوو شئ.. بس سجاد سافر لسووريا
وطلع تووه
علي// وشنووو دخل ريحانه بسالفه..... وشبيج هجي متاثره بله
دخلي جووه بساع والنووب طالعه كدامهم هجي لا احجاب ولا شئ
بس لا يكووون بينكم شئ
ريحانه// اي بينه شئ
علي// شنوو ولج وشوووو تحجينه بوجهي
ريحانه// اني ابحي اي احجيها بووجهك اني احبه وبسببي راح .. وليش تحاسبني وانت شمرتني يمهم شمرت الكلب
اي احبه عندك مانع
وهسه راح ولوو يرجع لوو مايرجع
موو انت حبيت وخطبت وراح تتاسس حياتك
ليش اني وحد يعني
اني الي صار بيه ... مو بسببك لووو اني غلطانه
اي احبه وهسه راح ......... وراح كلبي وفرحتي وياه.... نزلت لجوه الكاع واني ابجي
اجت جميله كوومتني.... ودخلتني لجوووه لبيتنه
دخلت الغرفتي... ابجي.... ليش خيريه عوود ليش ماسمع كلامي وماقبل اعتذاري...
مووو كتله اسفه..... كتله اعتذر ماكوو خله وراح عني
منووو يكوول يرجعلي بعدد
راح علموود يجيب كم ورقه من سوريا... ليش وحبي اله وينه ليش راح وعافني
بعد مرور يومين صارت محكمه حسام الي ااغتصبني وانحكم 15 سنه.... بقضيه خطف واختطاف....واخوووه الحبير 7 سنووات..... الحمدلله اخذلي حقي
.سجاد ميروح من بالي ابد ابد...
كل وقت اسال عنه واروح لبيتهم بس حته اسمع اخباره وسحاذ جهازه مغلق بس كل 3 ايام اوو 5. يتصل مره
مرت اسبووعين بعدد سجاد ماكوو جهازه مغلق
ضلوو بقلق وضلينه بقلق... امه بس تبجي واخوانه حالوو يجبوو اخباره وماكووو
اهله يتصلووون علئ جماعته وماكووو
كاعدين كالعاده بالصاله
سمعنه صراخ اريد اكووم من مكاني ماكدر
اكيد اجاهم خبر سجاد بصرخه وحده الف فكره اجتني
لا مستحيل معقووله سجاد
رحنه نركض لبيتهم .... االنسوووان تبجي
الجده تصرخ
ابووو سعاد كاعد مخلي ايده علئ راسه
ابو جاسم.... يتصل بشخص بس مايجاااوب
اوووف كلبي معقوله
لاااا مستحيل. ......
كلبي راح يوووكف من منظر اهله وحالتهم امي توواسي امه وتحاجيها
مااسمع شئ من كلامهم من صوتهم
ضلت الدنيا تفتر بيه
ابووو جاسم اتصل علئ واحد بسووريا وبالكووه الا حصله
ابووو جاسم// الوووو ... ها اني اخوو سجاد
شخباره......
شنووووو.......
منوو ماتعرف......
اي اسمائهم شئ......
من يامحافضه.......
لاحووول ولا قووة الا بالله
الجده// ها يمه كوووول
ابوووجاسم// شكوو يمه..... الولد هذا مايعرف يكول المكان الي بيه سجاد كله انقصف ومايعرفوون منوو الي بيه
وكال طلعووو جماعه ويانه اليوم اخذوو جثت الشهداء مالت العراق بعد يوومين يوصلوون الكم.... وتعرفووو عليهم
لاااااا
سجاد مايموت ويعووفني وحدي هووو واعدني وكال اعووضج.... كلشي..... عموو ابوووجاسم الله عليك تاكد
ضليت ابجي الليل كله... والبيت كله يصرخ ويبجي.....
مااعرف شسوي وين اروح اسال منوووو .... اخابر منووو موبايله مغلق ...... يااربي شسووويت عندك لاتحرمني منه سجاد لاتعووووفني... شوكت يخلصن اليومين واشووف منوو الميت ... وسجاد وياهم لوولا..... حسبي الله ونعم الوكيل عليكم. ...
سجاد ياريحانه كلبي لاترووح وتتركني ....لهسه كلامك وحبك وغزلك وقبلتك بخدي
عبرن اليووومين والناس تتنتظر لحضه لخضه واجه اليوم
ابوجاسم وابوووسعاد راحو يتلكوون الجثث حته يتعرفوو عليهم
بس ابووجاسم مكسور .... حته الفقر مالت قبل ماكسره وضوجه هجي.... راحوو وننتظر يجووون
يارب مايجي سجااد وياهم.. كل احنه كاعدين بالحديقه وكلووبنه نار يااربي شسووي اذا كان وياهم وين ارووح اعاتب منووو.. اعاتب الحكام مالت العراق لوو احاكم داعش لووو احاسب الضلام الس ضلمووو بلدنه العرراق اعاتب منووو
اعاتب كلبي الي ضوجه وكسرت بخاطرره
اعاتب منو روحي الي زعلته منووو اعاتب كلولي
اعاتب الي ضحوو بشبابنه وهم متونسين وعايشين حياتهم
كم وحده ترملت كم وحده تيتمت ..... كم طفل ماعنده اب بسسبهم... ,كم روح بريئه راحت بسسبهم.... الله لاينطيكم يلي دمرتووو العراق..... حسبي الله ونعم الوكيل
شكرا لزيارتكم عالم روايات سكيرهوم
