رواية قضية شرف الفصل التاسع عشر بقلم زينب نور
البيت حزين... الجوو خنكه
عبره تاخذني... عبره ترجعني
نسوان تبجي.... وحده تصرخ
الجده تعاتب بيه.... كلامها يبجي الصخر.... اخته خووله مصدوومه.. الجهال يتباجوون منين يعرفوون الموووت وهم ماكملوو 9 سنووووات .... هذا وضعنه احنه شبعنه مووت وقهر
الزلم راحووو ومارجعووو لهسه
كل عائله منهم راح تجيب جثه ابنهم الي ضايعه منه رجل اوو ايد ... او راس ماكووو
كل واحد منهم. تنتظره ام
تنتظره زووجه وطفل بحضنها.... طفل ينتظر ابووه ببطن امه مايعرررف هوو جاي لدنيا يتيم.... راح يعيش محرووم من كلشي......
راح يعيش فاقد احلئ احساس احله كلمه <بابا>
ليش هجي جاي يصيرر بينه
حبيبه مثلي تنتظر حبيبها يجمع مهرها .... راح يدافع هناك حته ياخذ حبيبته بالحلال
الي متئ....??
الي متئ نبقي هجي مابقه بعدد دمع بينه
انتظر يجيبوون جثه سجاد... شنوو راح يكوون شعووري
ياربي اخذ عمري .. قبل لا اشوووف هاي اللحضه
لاا ماكدر انتظر
وين ارووح
اريد اطلع من البيت كله
مااكدر ابجي ..... راح الصوووت .....نشف الدمع
اريد اعاتبه.... ليش هجي عافني
سجاد.... وينك .... ليش هجي رحت
ما التفتت عليه... ماكلت وين اخليها....... سجاد يانبضي وينك... كلبي ينبض بيك وبحبك... لاتتركني امووت بدووووونك.... سجاد ماكدر ابجي
اني بحلم اي اكيد بحلم.....
كعدووني... وين امي حسن تعالووو كعدووني من حلمي
اني هسه داخل كابوووس فضيع
اريد اصحئ منه...... ضليت ادووور والتفت كلها تبجي
محد منتبه اليه.. كلهت ملتهيه بمصيبتها
كلها تحبه .... مو بس اني
كلها عدها قصه.... وموقف حلووو وياه
كله عدها سالفه وضحكه وياااه
اكلج سعاد كعديني من حلمي.... جميله وينج ضربيني هذا الحلم .... مااريده
جاي احاول اعدل الحلم بكيفي ... احاول اغير الحلم واخلي سجاد يلاكيني واني اتلكاه وافرررح واروح اله اركض
واشبكه كل قووووتي
سجاد.... ضليت ابجب طلع الدمعع مني والصوووت
يمه .. راح سجاد
يمه حاجيني جابوووه لوو بعده
يمممه اني احبه
امي/// تبجي علئ بجي النسوان ..
تبجي علئ حال العراق يووميه الف عائله بالعراق تمر بلي مرينه بيه احنه
هذا واقعنه وهاي حياتنه
ابجي وابجي بس مايفيد شئ
شيفيدد غير الدمع يووكع منه حته نرتاح
بس عمر الدمع مارجع الرراح
ولا اكوو ميت كعد من صرخه اوو دمعه اوو عتاب من اهله اهله..
سجاد* راح بس ترك بكلبي صددمه جبيره
ترك بكلبي اثرر ..
. ترك بخدي قبله ماانسااها
شسوووي ... اني مااشووف
ليش ماشوووف
وكعت بالكااع... مااكدر احس بشئ
بس صووت مثل الصدئ
اشووف وشيش اشووف ضباب
اريد افتح عيني ماكووو ..ماكدر افتحه ...راح الي كان مضوي عليه حياتي.. راح الي واعدني يعوضني كلشي مر بحياتي
راح الي حبيته من كل كلبي... راح ابوو كلب الطيب
راح ابوو ضحكه الحلوووه
راح وحته ماودعني .....راح ماكالي شئ
سجاد....... ثكل لساني .... فقدت ماحسيت بشئ
نمت ساعات.....مااحس بشي
مر عليه كلشي حلوو عشته وي سجاد مثل الشريط...
اخ يايمه وين ارووووح
نمت واتمنه مااكعد بعد... اريد اروح لناس الي عافووني واني امس الحاجه
بابا الي عافني بدون مايساعدني
سجاد الي عافني بدوون مايعوضني
خل ارووح يمهم هناك واتعاتب وياهم ... ماريد هالدنيا
مااريد هالدنيا تحرمنه من اعز الناس عدنه
مرت ساعات واني ماحس بشئ
ماتحملت الي صار وياي
كعدت فتحت عيني بالكووه
الناس. كلها ملتمه عليه.... وتكعد بيه وهذا الي يرش عليه ماااي
ماكدر احجي.... ابوو جاسم قريب مني
ثوووبه كل دم.... علي وحسن نفس شئ.. ملابسهم دم
علي// خل ناخذها للمستشفئ بساااع
ابوجاسم// لا جاي تكعد
كعدت شفت كلها لوجووه تنتظر بس اكعد
اني بحضن امي
يمه وين سجاد جابوووه
يمه خل اشووفه
يمه وينه .. عمووو ابوجاسم خل اودعه
هذا دمه موووو ... وينه عمي فدوووووه
ضليت اصرخ بحرركه والم
ابووجاسم... وراج سجاد ودعيه يابنيتي
اريد التفت مااكدر شسووي يمه
شلوون اودعه لا صعب .... التفت بالكوووه ... رجلي خدرت
التفتت غصب عني.... بس ماكوو شئ لا صراخ لا شئ
ليش.. شبيهم اهله معقووله شبعوو من بجي البارحه
عمي ابو محمد ومحمد واكفين.....
خيريه وجميله وام سعاد وخوووله كلهم واكفين ويضحكون
سعاد منئ هههههه
اني بحلم موووو لوو شنوو
معقووله كنت احلم مساع... لو اني هسه بحلم
كمزت بساع اريد اشوف شنو وراي
😰😰😰😰
التفت وراي سجاد
كمزت من مكاني... يمه اني كنت
احلم
سجاد راسا كام ولاكاني
سجاد.... حمدلله عالسلامه
من كد الشوووق ولهفه الي بيه
البجي الي بجيته والقهر ماحسيت علئ نفسي لزمته من ايده
سجاد انت عايش
سجاد// لعد منو الي كدامج
لاااا سجاد اني احلم موووو
لا يكلبي موو حلم... اخ
شبيك
ماكوو شئ
شبيها ايدك
لا بس مصووووبه
شنوو مصوووبه..يعتي متاذي .... ضليت ابجي
اتمنئ احضنه واشبكه واشمه كل قوووتي بس ماكدر كلها يمي
الجده.//. .. الله يجمعكم سووه ويفرحني بيكم
الباقي// امين......
لعد منين هالدم....
ابووجاسم// سجاد. وجماعته جابوو الشهداء وياهم
اووف منظرهم ومنظر اهلهم يكسر الكلب
اووف الئ متئ هجي حياتنه
وحده جاي تلاكي زوجها لان كالووو الها زوجج سجاد عايش وجايه فرحانه هيه وجهالها
اوووف بعدين طلع زوجها مستشهد....
مو هم اثنين سجاد زوجها وسجادنا
منظرهم يكسر باب الكلب تبجي الصخر هيه وعتابها
حته لبنيه الزغيره اعتابها لابوها مال وحده 20 سنه
سجاد// اي هذا من النجف اجه علمود ياخذ لفلوووس ويشتري بيهم بيت
ويكوول اجت المدرسه وجهالي ماعدهم ملابس للمدرسه
اوووف... راح وما حقق حلمه ولا اشترئ ملابس لجهاله
الله اكبر
اوووووف
طلعنه اني واهلي... حته ياخذون راحتهم وي سجاد
صار الليل.. انتظر سجاد بلكي اشوووفه
اخ شكد مشتاقه اله
يارب كون يطلع هسه واشوووفه
جهازه ضايع هناك بسووريا
وماعنده جهاز هسه
طلعت للحديقه....,رتبت نفسي توووب
طلعت انتظر وماكووو .......??
صارت ب1. وماكوووو
كلت اكيد تعبان راح ادخل افضل االيه
لا خل ابقه ل2 شوووي
سجاد***** قررت اروح لسوريا حته اكووون نفسي هناك
رحت زعلان صح .... ردت استقر واجمع كم فلس ردت اشووف ريحانه.... راح تنتظرني لولا....
رحت لحدود سوريا .. ومناك لسيده زينب عليها السلام
شفت المووت بعيوووني
شفت مأساة حقيقيه
شفت جماعتي تمووت كدام عيني بس مااعرف شسويلهم
ناس تموت يمي ... ماكدر اساعدهم
متنه جووع وعطش
داعش مارحم بينه
يخطف نسوان وبنات مثل الورد
بس مانكدر نساعدهم.... سوينه كل الي نكدر عليه بس ماكدرنه اكثر....
اطفال بشوراع... ماتعرف دربها
ام ميته بنص الطريق وطفل يمها يبجي مايعرف امه راحت لربها... مايعرف الموت خطف امه وبقه وحيد
مايعرف الدنيا ماتعرف احد.....وماترحم احد
مايعرف راح يبقه يتيم ومحد اله
ناخذهم نحتار وين نوديهم
بيهم هم ياخذوهم
الله يعلم شيسون بيهم.. يربونهم لمن يكبرون يقاتلووون
اووو ياخذون اعضائهم...مدرب يخلونهم يجدوون بالشوارع
مدري يبيععوونهم
الله اعلم
شفت مأساة هناك كددام عيني
ماشفتها لافيس لا تلفزيوون لا اخبار
شفتهم بعيني بعد
شفنه جووع وعطش مامر علئ احد
بيتوووت تتقصف ... سرق نهب خطف اوووف شحجي
عشت واقع للاسف
ذوووله شلوون يقنعون نفسهم هم اسلام ماعرف
رحت اجمع مهر ريحانه بتعب واجي
جبت وياي كم شهيد وياي..حته اسلمهم لاهلهم
لكيت الجو مختبص بالبيت
لكيت ريحانتي .. شبه ميته
هسه عرفت حبها اليه وتاكدت منها
لكيته ورده ذابله وفاقده .... كانوو يحسبون اني من الضحايا الي راحوووو .....
رجعت لاهلي الحمدلله وهس كاعد بغرفتي
خل اطلع للحديقه اتمشئ شووووي
طلعت شفت القمر نازل لجوووه وكاعد بالحديقه
شفت كلبي وروحي وريحانة عمري
اكيد تنتظرني
لمن اشووووف عيووونها روحي تذبل
كلبي يخفق
اه يالعشك
رحت للموت حته اجمع مهرج وجبته من تعب صحيح تعب
موو بس حجي ينكال
رحت الها ركض حته اطفي النار الي بكلبي والشوووك
