رواية زواج إنقاذ الفصل التاسع عشر بقلم جمانه السعيدي
ياس لليل ام شمس حيل تعبت واني اصريت عليه تروح للبيت هي ماقبلت بس اني بقيت اللح عليها
كالت اغسل وابدل وارجع كتله لا الصبح ارجعي هي هسه ماخذه ابره ويجوز تبقى نايمه
الصبح ارجعي الها
ام شمس ياس ولله ما اعرف شلون اجازيك لو انطيك عيوني ما اوفيك حقك
ياس لا عمه لاتكولين هيج اصلا اني كلوش مستحي منكم كل الي صار بسبب امي
ام شمس الي صار مقدر ومكتوب جنت شايله هم اليوم الي تعرف بي شمس الحقيقه الحمد لله انشاء الله تعدي على خير
راحت ام شمس وبقيت وحدي يمها
شويه وخابرتني نور كالت بابا سمع امي مخابره على شمس
وتعارك وياها وهسه طلعت زعلانه راحت البيت اخوها
ياس..زين سدي التليفون هسه اني اخابره
اجيت اخابر لكيت ماعندي رصيد نزلت اشتري من محلات اباب المستشفى
اشتريت ورجعت بسرعه لان شمس بقت وحدها واخاف عليها
صعدت بلمصعد على السرعه بس طلعت من المصعد ما اعرف شنو خلاني التفت الجهة الدرج
جان اشوف شمس نازله بلدرج
واني رحت راسا وراها واصيح شمس اوكفي
شمس دقيقه وين رايحه
بس هي ولا ردت عليه لحكته ولزمت ايدها
بس هي ماقبلت سحبت ايدها مني
بقيت امشي بصفه واني ساكت
طلعنا من المستشفى وبدت تمشي ويه الشارع بس حالته حاله
شعرها مخربط راسها مربوط بسبب الجرح
ولابسه تراك وتكرمون نعال اصبع برجلها
مشينا شويه وكالت انت ليش جاي وياي
...احبج تعرفين شنو احبج
...اني وياك بعد منصير البعض
...لا نصير ونرهم ولايكين على بعضنا وراح نزوج ونجيب دسته جهال بس اول وحده بنيه واسمها شمس
...ياس عوفني اني ما اريد اكمل وياك
...اني اريد اكمل وياج اني لزكه
...طلكني وخليني ارتاح
...يعني انتي ترتاحين واني اتعذب اسمعي مني وفهمي كلامي عدل
الانسان ينولد بلحياة لايختار اهله ولايختار اسمه
هذني الله سبحانه وتعالى يقدرهن اله
بس يكدر يغير هواي قرارات بحياته يكدر ينجح يكدر يختار صح
عندج اني مثلا اسمي ياس خضر من اكول اسمي كله تتعجب واكو يصنفون عليه بلبدايه جنت اضوج بس بعدين من كبرت عرفت الانسان مو باسمه ابد
الانسان بلعمل الي يقدمه
حتى اهلي اني ما اختاريتهم اجيت للدنيا ولكيتهم كدامي
انتي ضروفج هواي احسن من ضروف ناس عايشين ويه اهلهم ومآ مرتاحين لو اهلهم معذبيهم
عندج اب يموت عليج
وعندج ام ملاك نازل من السما
لوشايفه حالهم شلون عليج اني الصراحه خفت على عمي
اجا يموت بسببج
الي عندا اهل مثلهم يحمد الله ويشكره الف مره
اكو بنات يكبرن بدار الايتام وبعدين يبيعوهن للملاهي
مو بارادتهن بس ماكو احد يحميهن
انتي اهلج ذهب ومستعدين يفدونج بروحهم
احمدي ربج وشكري وخلي هدف الحياتج وكوني انسانه مميزه بلمجتمع
...ياس انت شني ذنبك امك راح تكهرك بسببي
...اني اكلج شنو ذنبي
ياس عفته ورحت وكفت بنص الشارع وصحت احبج احبج شمس
شمس يمعود لاتندعم
ياس اريد اندعم واموت انتي تردين تعوفيني المن باقي بلدنيا
شمس ياس فدوه تعال اجت سياره
ياس ما اجي اله تكولين ما اعوفك ابد
شمس ما اعوفك لاتندعم
ياس كولي احبك وابقى وياك العمر كوله
شمس تقدمت وكمت اسحب بي من نص الشارع
احبك ولله احبك ما اعوفك لاتموت يمعود
رجعت عليه وحضنته ولله احبج شلون تردين تعوفيني
شمس خل نرجع راسي يوجعني
ياس اشيلج
شمس لا اكدر امشي صار خمس ايام نايمه تكسرت
رجعنا للمستشفى الساعه ١٢ لكينا الممرض يدور عليه يريد ينطيها العلاج
اخذت علاجها وتمددت
ياس تدرين صار خمس ايام منايم خاف انام وتختنكين
شمس لاتزعل تعال نام يمي
ياس خوش فكره صعدت على السرير وحضنتها
افيش ريحتج طيبه
شمس يمعود كلي ريحة ديتول
ياس حتى الديتول عليج ريحته طيبه
شمس اريد باجر اسبح وغير ملابسي ياريت يكتبولي خروج من المستشفى
ياس انشاء الله ماتخليني اني اسبحج
شمس لاولله لوتموت ما اخليك تشوف اي شي اله ليلة العرس
ياس زين خل نزوج بسرعه مو كطعتي كلبي صار ثمن اشهر مزوج مع وقف التنفيذ
شمس وفعلا ثاني يوم طلعت من المستشفى وقررت ابدي حياتي من جديد وحمدت ربي وشكرته عندي هيج ام واب وحبيب مثل ياس صبر عليه وتحملني وساندني باصعب الضروف
ورا شهرين ازوجنا اني وياس وفعلا سوالي عرس ماله مثيل
وقبل زواجنا بيومين راح صالح امه وعزمه على عرسنا بس ماقبلت تحضر ليلة عرسنا مالها مثيل ولاحتى بلقصص
بلبدايه ازوجنا ابيت اهلي بلطابق الثاني
وبعدين امي سلمى انطتني الذهب والفلوس الي ماما خالتهن يمها
هدمنا بيت امي القديم وبنينا بي من جوه مجمع
اني بعد التخرج اديره خلينا بي ورد ومزهريات وتحفيات
والطابق الثاني بنينا بي شقه سكنا بيها
واجت شمس الزغيره للدنيا وياس طاير بيها
احنا هسه نهاية ٢٠٢٠ اني تخرجت واشتغل بلمحمع حيل حابه شغلي
وياس حصل الماجستير والدكتورا وتعين بلكليه معيد
ومن يرجع يساعدني بلمجمع
اما شمس هسه عمرها سنتين ونص
ومخبله ابوها خبال ماتقبل اني انام يم ابوها لو ابوسه
بليل تنام بحضنه واشيله للسرير مالته الي هو بصف سريرنا
تكعد بليل وتجي تعبر فوكي وتنام بحضن ابوها
ابوها يكوله تحبيني لو ماما تكول اعبك ماما كخ
طبعا مو صوجها صوج ابوها خبلها
من نولدت رحنا للناصريه اني وياها وابوها وراضينا ام ياس
الي فرحت من شافت شموسه
ااما ايمان انخطبت وزوجت واحد من اقاربهم
وامي طلعت تقاعد وكاعده اداري بابا بلبيت
يموتون على شموسه ماما تكلي انطنياها وسوي طفل جديد
الحكمه لاتزعلون من الاقدار لكن حاولو تغيروها
خلو احلامكم اهداف وحاولو تحققونها
لاتخافون من الفشل لان الفشل درس نتعلم منا
حتى نوصل للنجاح
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
