رواية ليله واحده لا تكفى الفصل الواحد والعشرون 21 بقلم ايلا ابراهيم

لبنى اول ما شافت سراج جاي ناحيتهم خافت من رد فعله 

لكن سراج ما أظهرش أي ردة فعل لكنه تجاهل وجود اسر وقرب منها ومسح خدها بكفه وقال ايه ياروحي بتصل بيكي بقالي كتير مش بتردي خير انت كويسه.. قلقتيني عليكي

لبنى بتوتر اه اصل الدكتور قالنا نعمله صامت قالت كده وهي بتخرج فونها وبتتأكد واتصدمت لما شافت مكالمات كتتير ورسائل من سراج.. 

لبنى ايه المكالمات دي كلها في حاجه .

سراج مسح وشها برقه وقال قلقت عليكي بس .

كل ده واسر بيبص ناحيتهم بغيظ والتاني متجاهل وجوده..

اسر بص للبنى وقال أنا همشي دلوقتي .. متنسيش الكلام اللي قلته لك ماشي .

لبنى بصت لسراج بخوف وهزت رأسها..

اسر ابتسم بخبث ومشي .

لبنى حاولت تبرر هما كان بيقولوا ايه.. لكن سراج تجاهل الموضوع وقال لو خلصتي خلينا نمشي. 

لبنى باستغراب بس اتكلم مع الدكتور بتاعي وأبلغه اني مروحه. 

سراج انا هستناكي في العربيه متتأخريش قال كده ومشي وسأبها وهي بتبصله مستغربه بروده وأنه متعصبش زي عوائده ... لكن سراج صح ما سألهاش هي لكنه خرج من المستشفى يجري عشان يلحق اسر. ومسكه من دراعه ولفه ليه في الغراج بتاع العربيات ومسكه من همومه بعد ما لزقه في الحيطه..

اسر بخضه في ايه مالك 

سراج بغضب عايز ايه من مراتي مش هتشيلها من نفوخك بقى. 

اسر قول الكلام لنفسك مش انت دخلت مابينا..

سراج بانفعال متفهم يا اخي هي مش عايزاك..

اسر لو مظهرتش في حياتها انت كانت هي دلوقتي مراتي..

سراج بانفعال ده لو .. انت مش شايفه دلوقتي مراتي على اسمي وكمل بتحذير اسر بلاش تخليني انسى انك اخويا .. وأقسم بالله هتندم انا ماسك روحي عنك بالعافيه .. ابعد عن لبنى . ابعد عنها عشان مش هتبقى ليك... وخليك مع أناس. البنت بتحبك حرام تعمل فيها كده..

اسر انتو اللي خليتوا اناس ضحيه مش انا ... واي حاجه بتحصل هتكون بسببكم انتوا.

سراج مسح وشه بغيظ وقال ابعد عن طريقي انا ومراتي بلاش تعمل كده انا مش عايز اخسرك..

اسر منتا اخسرتني.. من ساعة ما خدتها مني..

سراج يعني ايه .

اسر يعني احنا دلوقتي مش اخوات احنا أعداء والشاطر فينا اللي يفوز بيها..

سراج بغضب وصدمه انت اتجننت دي مراتي..

اسر ببرود مؤقتا. .. مراتك وهتطلقها انا متأكد من ده ليبعده عنه والآخر بصدمه وهو يقول سلام.. أما سراج فهو مازال تحت الصدمه..

**********

لبنى انت واخدني فين ياسراج..

سراج هنعدي على اخوكي اتصل من امبارح وعزمنا عالغدا عنده .

لبنى بسعاده بجد وانت وافقت 

سراج لو كنت أعرف أن دي حاجه تخليك مبسوطه كده وأشوف ضحكتك كنا زرناه من زمان. اخوكي محظوظ فيكي على فكره..

لبنى انا اللي محظوظه فيه .. ايهم ضحى بسنين عمره كلها عشاني. عشان ابقى في المكان ده... ايام الامتحان كان بيسهر معايا يذاكرلي. وكأنه هو اللي بيمتحن انا مش هعرف انسى. اللي عمله عشاني..

سراج ربنا يخليكم لبعض..

لبنى يارب..

بصت ناحيته شويه هو كان مركز في السواقه وسألت هي مامتك صعبه كده دايما..

سراج بابتسامه هي عاوزه كل حاجه تمشي بمزاجها. غير كده هي طيبه اوووي

لبنى بس انا حاسه انكو مش زي الابن وامه ..

سراج بمقاطعه وتهرب وقف العربيه وقال بابتسامه مش هتشتري حاجه لاخوكي مينفعش ندخل عليه وادينا فاضيه..

لبنى .بصت ناحيته باستغراب..

سراج حابه اجيب حاجه معينه والا على ذوقي..

لبنى اللي تشوفه..

سراج ماشي مش هتأخر..

ونزل سراح وجاب معاه حجات كتير منها فاكهه وحلويات ورجع لقاها سرحانه .

ابتسم وقال الجميل سرحان بأيه .

لبنى هااا

سراج بقولك سرحانه بأيه

لبنى لا والله ولا حاجه بصت للحجات وقالت بس ده كتتير اوووي

سراج مش كتير ولا حاجه دي اول دخله ليا على نسايبي لازم ابيض وشك..

لبنى..

عدى اليوم وقضوه مع ايهم وكانوا مبسوطين اوووي سراج في اليوم ده حاول يقرب من ايهم اكتر ويصلح علاقته بيه وفعلا ده حصل بجد..

رجعو البيت وكانت لبنى مبسوطه اوووي.. اول ما دخلت اوضتها قلعت الحجاب بتاعها ورمت نفسها على السرير.. وهي مبسوطه اوووي واخيرا اخوها فك شويه من ناحيتها .. مكنتش واخده باللها من اللي دخل وراها وكان بيراقبها. هي سابته يتكلم مع أبوه .. حست بايديه بتحاوط خصرها وبتشدها ليه ولسا هتصرخ كتم بقها وبقى فوقيها وهو بيقول اشششش ده انا بلاش فضايح..

لبنى انت بتعمل ايه.   

سراج ايه رأيك بعمل ايه قال كده واديه على جسمها بتتحرك.

لبنى بتهرب انا تعبانه.. ياسراج

سراج مش هتعبك انتي سيبيلي نفسك بس..

ولسا هتبعده ي.....

********

خرج من الحمام ينشف شعره وهي كانت خدت شور وقاعده في البلكونه..وسرحانه لما حست بيه بأسها ووشه كله ميه ...

سراج الفتره دي بتسرحي مني كتتير مالك .

لبنى انت مسألتش اسر كان عاوز مني ايه..

سراج مش مهم..

لبنى متأكد...

سراج ابتسم وقعد مقابل ليها وقال لو السؤال ده اتسألته قبل مده من النهارده كنت هقولك لا .

لبنى اشمعني..

سراج لسا هيرد فونه رن برساله وصلته وقتها اتغيرت ملامحه وقال أنا هنزل عندي حاجه مستعجله. 

لبنى هتتأخر..

سراج بغمزه ايه هوحشك.. 

لبنى انا كنت بس بسأل..

سراج باس شعرها وقال مش هتاخر سلام.

لبنى مع السلامه.

سراج غير بسرعه ونزل اول ما نزل وخرج من البيت وهي شافت عربيته بعدت جريت بسرعه وفتحت الباب وكان اسر مستنيها ..

اسر انتي جاهزه ..

لبنى بخوف ايوا جاهزه

اسر يلاا بينا..

لبنى بس انا خايفه. 

اسر متخفيش يلااا بسرعه .انا وعدتك النهارده هتنتهي معاناتك قبل ما تبدأ. 

وفعلا لبنى نزلت معاه وووو

الفصل الثاني والعشرون من هنا