رواية بيوت الصفيح الفصل الثاني والعشرون 22 بقلم زهراء السراي

اختنگت كمت أحاول أسحب النفس بالگوة

تقدملي بيده گلاص المي

سحبته من أيده شمرته على وجهي وصدري

بجيت بقلة حيلة اهمس بعتب 

-اني مووووو قوية مثل ماظنيت

اني تلبست هالقوة لأن مضطرة

البس درررع حديد اواجه دنيتي

اجيتك بدون هالدرع شوفتك كل نقاط

ضعفي وللأسف استخدمت قوتي ضدي

تركتة ورحت للحمام شگد محاولت اسكت

ماگدرت الدموع تنساب بلا امر مني

طلعت وهو واگف يم البلكونة التفت واجاني

بيده روب دافي حاوطني بي

خلاني اهدأ وهو يغلي النسكافي ويخلي

گدامي بعد ساعة هدوء ثگيل يلف الغرفة واحس گلبي متخم  بالغصة

المرايا گبالي عيوني حمر  شعري مفكوك

وهو گاعد ساند نفسه على ايدي باوعلي

-هديتي حتى نحجي 

-احجي

يباوعلي عيونه تعبانة وصوته خافت يحاول يبرر

بس كذبته واضحة 

- الموضوع  مو مثل ما تتصورين

-لا تكذب سنتين مخطوبين وحب سنين شنووو اللي مو مثل مااتصور 

سنتين تدرس وانت كل ثلث اشهر تسافرلها

لأن متصبر على فراقها اذا هذا مووو حب لعد شنو فسره اليه سمي 

تنفست لحظة بجيت بسرعة مسحت دموعي 

-شلون عرفتي

-عرررفت بعد ماكو حاجة تعرف شلون

يحاول يبرر  صوته مهتز

-بس صِبى أنتهى الموضوع والله

هي ما كانت تتحمل ظروفي جانت رقيقة زيادة وبسرعة تنهار  

ما جانت نمودج زوجة أگدر أعتمد عليها

-بس اني اتحمل اني جنت بديل اقوى 

جنت حل لأزمة

جنت الأمان الواگفة الصلبة العقل الواعي الجبير

هز راسه يأمن على كلامي

-هذا اللي اگووووله ليييش تزعلين منه

اشوووفج حضني سندددددي صِبى استوعبي

احبج الج والله وعيونج

-اني جنت طول سنين الام والاخت والقوة والسند بس من حبيتك ردت اصير ولو لمرة نبض

حبببب مووووو اكثر مطالب انثووووية بحتة ردت اكون بحضنك انثى

وصدگني جنت راااااح ابقى قوية بيك

والك واسندك بدوووون اي مقابل 

-انتِ كل شي والله حبيبتي وانثاي وجميلتي

وسندي

-للاسف اكتشفت إني جنت القرار اللي فرضه عليك تعبك

نزل راسه مالگه جواب 

گعدنه كل واحد بجهة ومرت الدقايق

بصمت يحير بين نظراته النادمة ونظراتي الحزينة 

وگف تقدم فجاة ناحيتي وحجه بتعب وعصبية

-كافي صِبى مااعرف ان مدحي لقوتج راح

يتحول ذم اني اعتتتذر مجنت متوقع ان 

فخري بقوتج راح يكون نقطة انكسار بالنسبة

الج بسسس فهمي هسه بعيدا عن كل الاعتبارات

إنتِ مرتي وهاي ليلتنا 

تقدم بقوة لزمني من اكتافي وفتح دگم

القميص بقوة وتساقطن مگطوعات بارجاء الغرفة

اخذني لحضنه بقوة يبوسني

دفعته ابتعد واني دموعي تشرح

الوضع

- لا تلمسني لا تتقربلي وأنت بعدك مو نضيف من حبها

شلون تگدر تلمسني وأنت هذا حضنك حتى

تشرد من وجعك مو حتى تحتويني

تقدملي خطوة بغضب عيونه تتوهج

بين التوسل ان ننهي هالمأساة وبين التهور

رجعت خطوة ليوره

حجه بصوت متوتر وغاضب 

-صِبى اني زوووووجج استوعبي هاي ليلة

عررررسنا وهذا حقنا نبدي ببناء علاقة

حتى لو غضبانة منيييييي 

- شلون تريدي تبدي وياي 

وانت بعدك تخاف على رجفة جسد غيري 

أني مو جسد تكمل بي دورك كررررجل أني روووح  مو غرض

اخذني بين احضانه واخذ يبوسني بقوة متمسك

بية حد الوجع

- گلتلك لاااااااااا

مو هيج  مو بالغصب مو وأني موجوعة

احترم قهري من اللي سمعته احترم مشاعر حزني

وكسرة كلبي 

تشتهيني سيطر على رغبتك واثبتلي إنك تحبني لروحي 

ما أريدك تلمسني بدون مااحس بيك

افهمني اسدددددددد 

ما أريد أكون جسد تسكن بيه لأنك تايه

أريد أكون وطن مو مهرب من ذكرياتك ويه صفا 

تقدملي تراجعت سحبني من ايدي

لف الروب حواليه وهو يغطي اللي

ظهر من جسمي تركني وراح اخذ

سويج سيارته وطلع من الغرفة

كلها

وأخيراً حسيت حمل انزاح من گلبي

بعد هالأنفجار العظيم

حسيت بتعب ودوخة تمددت عالسرير

وهدوء اجتاح اوصالي فعلا مثل ماگال ايمن

اني غير مجبرة أن اسوي شي على حساب

گلبي شلون أكون جسدياً ويا وروحي

نافرة من كلامه

اخذتني الغفوة وحسيت علي وهو

يزيح اللحاف من الجانب وينام بالجهة

الثانية ورجعت لغفوتي گعدت على صوت تلفوني

فزيت سحبته من جانب الكومدي وفتحت الخط

-ها ياعروس صباح الخير

-حبيبتي سومة صباح النور

-بشريني

-تمام

-عفية بالسبعة يلا تهنو انتِ وعريسج

سدت التلفون وگعد هو باوعلي وصبح

عليه

-صباح الخير

-صباح النور

طلعتله ملابس وخليتهن واتصلت بخدمة الغرف

لازم ياكل ويشرب علاجه

طلع من الحمام بعد ماغسل 

-هاي ملابس اذا تريد تسبح

-لا ماكو حاجة

اندگت الباب وراحلها دخل الريوگ

انواع الاجبان والبيض والجاي والحليب

وگفت سويتله كوب حلاته زايدة وخليته

گدامة

طلعت علاجه من الجنطة وخليت الحبتين

على قطعة كلينكس

باوعلي ونزل راسه

شرب الجاي بس ومد ايده للحبتين

-لتشرب

-ايدج من رخصتج وانطيني العلاج

-اكل فد شي يلا

-مااشتهي الاكل صِبى جيبي

مديتله ايدي بلفتي اللي جاي اكلها

اخذها اكلها وشرب الحبتين 

وگام فتح البلكونة ووگف بيها

گعدت اني على جهة بيدي تلفوني

و غِنى تراسلني حاجيتها هي و مُنى

وگمت طلعت ملابس ودخلت للحمام

بس خضيت جسمي وطلعت لافة شعري

ناشف

باوعلي وسد البلكونة

-سشوري لا تتمرضين

-ناشف شعري افتحها براحتك

باوعلي بنظرة عدم رضا واجه وگف يمي

-حضري الجنط نرجع للبيت 

-تمام 

گمت احظر الجنط واني جنت متوقعة هالشي بعد

مارفضت نتمم ليلتنا الاولى رغم هو حاجز يومين

لبست ملابسي وهو كذلك غير ملابسه

وطلعنا للبيت طول الطريق ساكتين

دگ الجرس ودخلنا تفاجئت أمه بدخلتنا

حضنتة وسلمت عليه

-بيك شي يوم

-لا بس عطل بمنظومة التدفئة بالفندق

گلت نرجع للبيت أفضل

-دخلوو دخلو

طلعن اخواته وارتفع صوت الهلاهل من

ام قمر سلمن علينا بلغهن ان احنه متريگين

وطلعنا للغرفة فوگ

دخلت ويا اخذت الجنط گعدت رتبتهن

كل شي بمكانه وهو واگف عصبي

ويفتر تقدم وشدني من ايدي بعصبية

-اضطريت اكذب حتى اخفي خيبة

هالليلة حلوووووو موقفي گدامهم

-مابي شي موقفك وعادي

-انتتتتتتتِ انتتتِ …………

يحجي بعصبية ماگدر يكمل

-شبية اني

-دمااااااااغج حجرررررر

-والسبب

-مافهمتي كلامي للولد ومافهمتي

شلون جاي ابينلهم ان حبي الج

ماجاي من فراغ

-الحب بلا مبررات وأسباب أسمى

غايات الحببببب وانت حبيتني لسبب

ولو ساكت وممبرر لحمزة وفقار جان اضمحلت فكرتك عني بعشرتك وياي ونسيت كل شي بلا ماانجرح

-لهسة ممستوعبة اني جاي امدحج مو اذمج

ولا استغلج

-تمنيت أسمع نبرة الحنية اللي حجيت

بيها عن ضعف صفا بكلامك عني

مسمعت بس اصرارك على وضعي بخانة

البطلة الخارقة بس بالحقيقة

اني مجرد بنية ماتجاوزت ٢٤ سنة

حبيت اضعف بحضنك وتعرف عذاباتي

وسنين ادعائي للقوة اللي سلبت

استقراري وحتى نومي 

-احجيلي هسه اني اكون قوتج

-فات الوقت بعد

-صِببببببببببى

گالهة بنفاذ صبر

-أسد الله تحبني اذا صدگ تحبني

خليني انسى بس فترة 

-شگدددددددد حددي

ابتسمت بمرار

-لحد ماانسى

-يجووووز سنة متنسين شنسوووي

باوعتلة صفح ومشيت

-نصبررررررر

تركني ورگع باب الغرفة وطلع

شوية واندگت الباب دخلت ام

قمر وام نسرين وسناء اختهم الصغيرة

سلمن وبيدهن علب هدايا

حجت ام قمر مستهلة الحديث

-الف مبروك يجعلها زواجة الدهر

مدتلي هديتها فتحتها واثنيت على جمال

الگلادة اللي جايبتها

وام نسرين مدتلي العلبة

-مهنايين أن شاء الله دللي

أسد يستاهل الدلع والدلال

ويه كلمتها دخل گلتلها

-بعيوني أسد

باوعلي بنظرة ساخرة وگعد بصفي حضن

اكتافي

-بالله شوفيني هدية ام فقوري

فتحتله العلبة سوار مرتب مطعم بمينا

سناء مدت العلبة ومگالت غير

-مبروك

-الله يبارك بيج

-الدلوعة بالله شنو هديتج

-مدالية بالحرف اللي تحبه

غيم وجه اسد واني تعمدت افتح العلبة

مدالية بحرف S

ضيعت عليها فرصة أزعاجي وابتسمت بوجها

وضغطت على كف أسد

-حلوووة عاشت ايدج يمكن بالمستقبل نجيب

طفلة نسميها سارة وتكون هالمدالية اجمل هدية

من عمتها

انكبست وگامت سلمن البنات وطلعن

خليت الهدايا عالميز وهو اجه ناحيتي

-متقصد شي سناء

-حتى لو تقصد فأكيد تعرف بمعزة صاحب

الحرف يمك

شال المدالية وگطع الزنجيل وكسرها نصفين وشمرها من شباك الغرفة ناحية

الحديقة الخلفية

-وهيج ارتاحت اعصابك

-لااااااااااا هيج ترتاح اعصابج انتِ

شترررررردين فهميني

باوعت بوجهه حتى انهي هالصراع

-أستحق حبي اللي بدون مقابل الك

-وشلووون بالله

-متحتاج دليل ولا خارطة اذا تدعي

انك تحبني صدگ گلبك راح يدليك

تركته ودخلت للحمام وگفت گدام المرايا وقررت من أطلع من هالباب بعد مااحجي اي شي بخصوص الموضوع ادري بي حبني بس لاااازم يغير هالفكرة

لازم من خلال تصرفاته يبنيلي اني الاولى

والاخيرة بحياته اتخذت القرار وطلعتله بعد ما غيرت ملابسي لگلابية

مرتبة ظفرت شعري وطلعت لگيته

متمدد عالسرير وبيدة تلفونه سحبته من ايده

وگومته

-خل ننزل جوه زحمة

-ندعي ان احنه زوجين طبيعين

-ليش عندك شك بهالشي

باوعلي مستغرب وأشرلي على راسي

-لو اعرف بهالراس شكووو

-كل خير

طلعت ويا ونزلنا جوة الكل موجود ام فقار

وبناتها الثلاثة سناء وبناتها الاثنين وابنها

الصغير قمر وامها وخالاتهم اثنين كبار بالعمر

الكل گاعد كفه بكفي گعدنة بالصالة جابولنا عصير

قدم الگلاص گدامي

-شربي حبيبتي

-عاشت أيدك 

باوعتلة خالت جبيرة بالعمر ضحكت وحجت 

بتلاعب

-ولك أسد وين لگيت هاي النويعمة

جنها عصفووور بيد صياد

نطت نسرين

-بالشركة ………

خزرها أسد وكمل

-موظفة ويايه سددت سهمي وصبت الهدف

وخطفتها

-معدل ووووولك حليوووة على گد ايدك

ضحك واني مافهمت شنو معنى كلامهت لمن هو

سند نفسه عليه وهمس يم اذني

-الحجية مصدگة عبالها طامس بالعسل

ماتدري البارحة فاتحين جبهة وصارت دگ

كلات

ضحكت على كلامه وهو انطلق من ضحكت

سوالف وضحك لحد الغدة 

امة گالت اخذو راحتكم بغرفتكم ادزلكم الغدة

وفعلا دزته بيد ستيفاني

خليت الغدة بالصينية بالگاع

-خلي عالطاولة اريحلج

-الگاع اريح تعال تغده

فتحت اللبن خليته گدامه وبدينا

ناكل بهدوء خلصنا صعدت ستيفاني نزلت

الصينية غسلت وطلعتلي دشداشة خفيفة

بسيطة لبستها رشيت معطر وتمددت عالسرير

واگف ومتخصر وعينه مني ميگدر يسوي

شي نزع تشيرته وتمدد بصفي سحب اللحاف

علينة انطيتة ظهري لأن صدگ نعسانة

امتدت ايدة احتضني بدون اي كلام

وغطينا بالنوم گعدت العصر هو ماكو

والباب مال الغرفة جاي تندگ 

صحت منو لأن لبسي مو مستور اجاني صوت

قمر

-اني خالة

-تعاي دخلي حبيبتي

باوعتلي خجلانة

-خااااالة خلي اليوم نجيب مُنى حبابة

-هي متقبل تگول اسبوع واجي

-حباااااابة قنعيها والله حتى الغرفة رتبها

اليه خالو حمزة صاررررت تجنن

-لخاطر هالعيون التضحك جيبي التلفون اتصلت

بيهم استغربو وجودي بالبيت حجيت

وية غِنى و مُنى وافقت گالو باجر الصبح نجيبها

حتى غِنى ترجع لأربيل لأن أيمن تأخر

طلعت قمر تگمز واني غيرت ملابسي

على اعتقادي ان أسد بره

اجاني صوته من باب الحمام

-جان عررررض مذهل اللون الأسود لطالما جان

حلوووو علييييج

خزرته باوعلي بلا مبالاة وطلع بره الغرفة

-تعاي للمكتب بما اني محظووور في ليلة الزواج

خل نكمل الدعاوي اللي عدنا

-نعم حضرتك

هز ايده وطلع لبست حجابي

ونزلت ورا گعدنا بالمكتب منا لوقت العشه

يلا طلعنا وتعشينا وياهم وراحن

البنات كل وحدة لبيتها بس نسرين

واختها الصغيرة بقن

گعدنا وأسد گام عندة اتصالات من المركز فقار ميگعد راحة يسولف

وناصب على اخواته وقمر وحمزة ويا

عجيييب حمزة بالحقيقة يختلف جذرياً

شقايجي وضحوكي 

حجت قمر ويايه

-خااااالة سألي خالو حمزة الغرفة شلونها

باوعلي وضحك محرج

-عدلتها لخاطر البنات صارت عبالك طالعة

من فيلم اميرات ديزني

نسرين رفعت حاجبها

-اي خالو انتم للغربة ماشاء الله توگفون

مثل حد السيف 

خزرها واني رديت

-ان شاء الله ماكو غربة وماغريب الا الشيطان

قمر همست

-بووووم بالگصة

سكتت نسرين ودخل أسد

-صباوي تعاي محتاجج بالمكتب

راح ولحگته

بس فتت جرني بسرعة باسني حيل

لمرحلة الأذى وتركني

-اللي مايجي بالطيب ينأخذ بالقوة

مسحت شفافي وهو خزرني

جر وجهي باسني حيل

رجعت مسحته عيونه طيرت شرر جر وجهي

حيل وغرگة ببوسات قوية ووخر

مديت ايدي امسح وجهي حلف

-والله العظييييم بس تمتد ايدج تمسحين مكان

بوستي هنا وهسه اتمم ليلتنا

دفعته وردت اطلع

-گعدددددددي وانجبي

عززززززززززززة صفنت بوجه اول مرة

يغلط عليه

ضحك واهتز صدرة من الضحك

-كااااافي عناد گعدي السالفة مطولة

-شنو

-بالعمارة لازم باجر قضية محتاجيني هناك

-خير يارب

-اجتج من الله

-ليش شنو راح تبقى

-عالأقل أسبوع

-جيد

-ايييييي جيد جدا عندج اكيد

-ليش هالگد

-القضية جبيرة واخجل ارفض طلب للقاضي

عبد الرحمان تعرفين شگد هالرجل سهلي امور

-خير ان شاء الله

طلعنا من المكتب بلغ أهله

امة ماقبلت لأن عريس بس

هو رفض لأن هذا شغل صعدنا

وگعد يوجهني طلعتله ملابس واحذية

وكل شي يحتاجه واگف بصفي

واشرحلة

-شوف كل قاطة رتبت قميصه ورباطة ويا

الجواريب كل قاط بجيبه زوج جواريب يناسبة

-الله واكببببببر حتى الجواريب ازواج الا اني

وحييييد

-ركزززز الاحذية خليتلك ملمع شفاف حتى

متتدمر وخليتلك غيارات هااااا ومنشفة وفرشة

اسنان ومعجون وصابونة وليفة

بعد اكو شي ناقص

-خليلي نفسج بالجنطة حتى كل شي يكون

كامل

باوعتلة صفح

-علاجك خليتلك شريطين للضرورة

انطيني جهازك

فتحت الجهاز القفل ملغي بدون قفل باقي

سويتله منبه لسبع ايام لأوقات العلاج

-باوع هيج مراح تنسى ولازم تاكل قبل لتشربه

-تمام

گالهة وشمر نفسه بالسرير

وحجة بنفاذ صبر

-شايفة العطشان والمي گدامه

-اي شايفه

-ايييييي حسي

-نام وراك طريق

طفيت الأضوية ورحت مددت عالسرير

نفس الحركة شمر التيشرت وتمدد

بقى يتگلب وينفث نفس عالي

مديت ايدي لصدره هدأ وسكن

-اهدأ وكافي تحوس خل ننام

دفعني واخذ نص السرير ونام

بعد خباثات ومحاولات نام

واني غطيت من النوم بعده

بحدود الساعة ٦ الصبح حسيت

علي يبوسني بخفة ويتحرك من الغرفة

رجعت نمت بالتسعة دگ تلفوني غِنى

والبنات اجو

للأمانة ام اسد استقبلتهم احسن

استقبال ورحبت بيهم قدمولي

الهدايا فلوس ومقبلو يبقون للغدة

غِنى من يمي وطلعت لأربيل و مُنى 

خجلانة مستحية اخذتها قمر للغرفة

ورحت وياهن الغرفة بلون بنفسجي

فاتح سريرين مرتبات نفس اللون

وكنتور صغير وميز مرايا ولوحات بناتية

-يلا يا اميرات اروح اني

مُنى اخذي راحتج ويا قمورة ولتستحين

اول مدخلت الغرفة اتصلت بي بأول رنة

فتح الخط

-ها أسد وصلت

-ها حور وصلت صار هوايه

وهسة مشغول بالمركز من اطلع

للفندق اتصل بيج 

-تمام لتنسى الي گتلك علي

ودعني وراح وگعدت اكتب بدفتري

كل شي يجول ببالي

اليوم الاول مر اتصل اتصال صوتي

ثاني يوم بالسبعة الصبح اتصل فيديو

شعري مهوس ولابسة ثوب نوم بسيط ربع

ردن نازل من جهة من كتفي

صفن عليه گتله

-صباح الخيير

-ياصباح هذا صِبى وانت حارمتني منج

عدلت الثوب وعدلت شعري

-شجاي تسوي

-عدنة شغل هواية ولازم ب٨ نكون بالمركز

وبعدها للمحكمة

-تريگ

-بس شووووفة جهرتج كافي

باوعتله مستغربة

-راحت حلاوة البدايات خل ابينلج وجهي الحقيقي

غمز باس الشاشة وودعني تركت كل شي

ورجعت للنوم مرت هالايام بين اتصالاته

وكلامه اللعوب الغريب على مسامعي

ورجعته باليوم الثامن جان منهار من التعب

وگضة يوم كامل بالنوم وهيج مر ١٠ أيام على

زواجنا وصار لازم نرجع للشغل مُنى هادئة

وويه قمر يگومن ويگعدن سويه

داومنا بالشركة شغل عادي ومغازلات

من بعيد منه وصمت تام مني رجعنا

للبيت وهالايام تعودت امد ايدي

واشتغل رغم رفض الحجية بحجة

وجود ستيفاني لكن جاي اشتغل

والبنات هم يساعدن ام اسد بطبعها

هادئة تقضي وقتها بالصلاة والادعية

واتصالات اخواتها وبناتها ماعندي

هووايه كلام وياها بس هاليوم

بالليل گالت عزيمة عند بيت اختك

ام فقار

غيرت ملابسي لبست شي انيق

ومحتشم مكياج خفيف وطلعنا

الحجية والبنات بقو بالبيت 

وصلنا بيتهم مرتب بمنطقة راقية

دخلنا بعد ترحيبها بينا

ومجاملات قدمت عصير وسوالف

بعدين بدو يرتبون العشة فجأة

دخلت صفا وياها نسرين وبين

سلام وكلام خلو العشه هو بصفي

يخلي گدامي اكل واني عيني

من صفا اللي تسترقلنا النظرات

وگفت حامدة ربنا عالنعمة وگامت

وياية ام فقار وجهتني للحمام

اني ماعندي كلام سابق وياها بس

خلصت تنشيف ايدي سحبتني بهدوء

وطلعت بيه للحديقة گعدت على ميز

موجود واشرتلي اگعد

-گعدي احجي وياج

-تفضلي ام فقار

-گليلي نضال حتى احس اني صغيرة

ابتسمت وهي باوعتلي

-عيونج لا تطيريها على اي وحدة

يعرفهة رجلج

هزيت راسي غير مستوعبة اللي تگوله

-مافهمت

-باعيلي الرجال اذا يعرف وحدة قبل

لو عندة علاقة بيها يفرح من يشوف زوجته

مهتمة وكاتلة نفسها وهي تحاول تبعدها عنه

وهيج هو راح يتمادى

نزلت راسي خجلانة

-حجالي فقار هواي سوالف لتبقين تفكرين

لو رايدها جان رجعلها مو

-صح

-انت مبينة سبعة لا ترجعين تخلينها براس

اسد اببببببد لتحجين بيها بينج وبين

نفسج ميخالف بسسس ويا لا سوي نفسج

ولا مهتمة

اجانا صوت اسد وهي ربتت على كفي وگمنا

-يلا جايييج الثگيل ام فقوري

رجعنا دخلنا للبيت صفا ونسرين واخواتها

گاعدات واحنه هم سولفو بسوالف قانونية

وأسد كل شويه موجهلي الحديث اتناقش

وياهم لحد منطت نسرين

-خالوووو شعجب مارحت شهر عسل

امسك بكفي ورد عليها

-هي بس خل تأمر وين تريد نروح

ضحكت صفا وباوعتله

-اخذها لأستراليا تتذكر الساحل

وجماله هناك

مارد عليها اني انقبض صدري بس

بينت وكأني غير مهتمة

رجعت وجهتلي الحديث

-سألي اسد الحياة هنااااك غييير البحر رهييييب

سيدني مدييينة الاحلام

تتذكر أسد جان كل ميجي يجمع قواقع

وحصى حلو يحتفظ بي هههههههه

ومرة لسعة قنديل البحر تتذكررر

ضحك بفشلة مني ورد عليها

-اكيد احتاجيت ادخل طوارئ بسببه

نطت نسرين

-خالو مو بنفس السفرة دگيت التاتو

والتهب وهم دخلت طوارئ

نزلت ايدي من ايده ووگف ينهي الحديث

-احنة نترخص

دخلت ام فقار بصينية الجاي

-وووووين اگعد ششفت منك 

-هم يالله ورانا دوام

-أسد جايتكم باجر عندي قضية لازم

نحجي بيها

-هلا بيكم

سحبني من ايدي وودعهم اني شكرت ام فقار

-شكرا ام فقار عالعشه الرائع وبيت العامر

ان شاء الله

-هلا بيكم كل خطوة بألف هلا

طلعنا ودعناها ودخلنا السيارة

درت وجهي عالجامة احاول جاهدة انو

ماابجي لحد موصلنا دخلت الغرفة بدون

مااحجي حرف ويا غسلت اسناني

ولفيت راسي ونمت وهو منعا للمشاكل نزل

لمكتبه الصبح گعدني غيرنا ملابسنا وطلعنا

للشركة والغريب لگينه صفا گدامنا

اول مدخلنا مدت ايدها مصافحة اسد

-بعد منبوسك خاف زوجتك متقبل

ابتسمت ورديت

-لا عني اني عادي اقبل بس الدين شيگول

اختفت الابتسامة من وجها وهو ارتفعت شواربه

وية ابتسامته

گعدت هوست المكتب بملفاتها واني

گاعدة انقل ملفات للحاسبة وعيني

منهم كل شويه هو يباوعلي ابد

مشاركت بحديثهم قبل لتكمل وگفت

سلمت 

طلعت للباب ورجعت للمكتب تقربت لمكتب

أسد حجت بهمس وطلعت

وگفت وحيييل غثتني الحركة جاي اطلع من المكتب

وگفني

-رادت رقم مؤتمن عدهم شكوى يردون يلقون القبض

على شخص

-واني مسألت

ابتسمت بوجه ورجعت بعد مخلصت الشغل

طلعت كتبي اراجع للأمتحان مالتي

رجعنا للبيت واليوم جر أيام من الصمت بينا

يومي يمر بين دراستي وشغل البيت البسيط

ودراسة قمر و مُنى اللي توليت مهمتهة

اقتل فراغي من يوم عزيمة ام فقار 

بعد محجينا بسبب موقف وكلام صفا ونسرين

واخيرا عزمتنا سومة رحنه اني والبنات

وأسد تغده هو وراح والبنات يلعبن بره

بالحديقة واني نمت على رجلها رفعت راسي

وباوعت بوجهي

-شمسوي بيج اسد ليش وجهج طافي من الحزن

غطيت راسي بكفوفي وبجيت هوووايه

-شبييييج ولج وعلي انعلج والدي

ضحكت ويه دموعي مسحتهن وسألتني

-هذا الكتمان بطلي لا تطگين وتموتين

وانطلقت حجيتلها كل شي وهي

انطلقت تهلهل بالكلام مخلت حجاية

مگالتها

-ولج عشررررين يوم وساكتة وشگد بعد

لعمليته

-تقريباً ١٢ يوم

-ولج ومخلية الولد صايم

ضحكت وهي كملت

-تردين تسمعيني لو لا

-اسمعج

-والله مدام اختارج معناها ناسيها

-بس يخاف عليها

-الخوف مو مثل الحب عادي

اي شخص ممكن يخاف حتى لو على غريب

-وكلامه عني

-ثبتيله انج اصيلة وبدون مقابل تسندي

-اثبتتله بس هو كسرني بكلامه

-ليش مابطلتي ولغيتي العرس

باوعت بعيونها وبجيت

-لأن أحبه

-وشمنتظرة

-منتظرة يحبني لذاتي

-تردين احجيلج الصدگ ولتزعلين

-ماازعل

-ولج حببببج وانت عاااااملة نظاااااااافة

لعد الحب شلون يكوووون بس فهميني

اكو ناس التكبر ماشي بخلاياهم هو العكس

من عاملة لسكرتيرة وخلي ببالج شي

-شنوووو

-النكران بزلة وحدة نكرتي وگفاته وياج

صفنت بكلامها وهي تنصحني

-سمعي كلامي وكلام حماتج عييين العقل والله

شمري كل شي وراج وروحي اليوم تزيني وترتبي

خطيه الولد ينتظر انت بادري ببداية

جديدة انت حطي القواعد والشرووووط

باست راسي وگومتني

-هسة تخابرينا يجيج

-لا مااااريد

-لا تقدمينه لهاي البربوگ على صحن

من ذهب ماتعرفين النسوان يموووتن عالمتزوج

عبالك بي حلاوة بنيتي اختي صديقتي

كلهن انت سمعيني وشاركي بروحج 

ربنا ليش حلل هالشغلة تزيد من عمق العلاقة

والحب فهمتيني

هزيت راسي وهي حضنتني

-بروح اخوج عيشي ولج مو تردين تسمين

فرقد لعد منين يجي الطفل من شيب امي

ضحكت وجرتني گعدنا يم البنات

گعدت افكر بكلامها وگلت هاي هي ابدي

بداية جديدة مااخلي بعد اي شخص

ينغص حياتي

اجة بالليل اخذنا صعدت بالسيارة البنات

ورة يسولفن هدوء شغل موسيقى

كل شوية يصد بنظراته اليه

مديت كفي بتردد على كفه

ضغط بصدمة على كفي وتخللت اصابعه

بين اصابعي رفع كفي باسه بهدوء

دخلنا البيت البنات راحن لغرفتهن

وهو صعد وياي

بس دخلنا الغرفة حضني افتر بيه

-انفك الحصار

ضحكت وهو يفرني نزلني بالگاع

وايده تتحرك بسرعة يفتح ملابسي

-دقيييقة اسد

-شنووو

-مجاهزة بس انطيني مجال

-نازل للمكتب لأن أياد گال جايك علمود

فلوس المنظمة ساعة بالهواي اجيج

ضربني ضربة خفيفة على خدي وطلع

بديت ارتب أموري طلعت ملابس العرس

ودخلت للحمام سبحت وسويت اللازم

لفيت نفسي بالبرنص ورحت للكنتور

اطلع من الخانة مالتة شموع معطرة

اخذت من عطره رشيته سحبت الشموع

اكو علبة خشب صغيرة مرسوم عليها

رمز القانون الميزان بفضول فتحتها

وگعت ايدي واني أشوف الحصى الملون

والقواقع شلتهن جواهن كارت معايدة

علي دار الأوبرا فتحته

بي صورة صغيرة صفا واگفة بدون حجاب

ببنطرون جينز وتيشرت ابيض وهو كذلك نفس

اللبس جان أصغر وشعره عالي 

واگفين عالبحر 

الكارت مكتوب علي

(ولأنك هنا بهذه اللحضة فقط بدأ قلبي ينبض)

وحروفهم متعانقة برسمة حلوة

سحبت ورقة صغيرة خفيفة كأنها ورقة

زبدة مال طبخ رسمة الوشم اللي واشمه

على صدره

سحبت الصندوگ ورحت گعدت

شويه ودخل مستعجل نزع تيشيرته وضحك

عيني علي بالمراية

-شنووو هاييي ياحلو جاااهز وبالبرنص

التفتلي وعينه صدت عالصندوگ المفتوح

والحصى الملون والصدف وصورتهم اللي

گدامي

باوعلي وگعد گبالي رفعت الصورة

گدامه

-هاي شنو

هاي صورتها بعدك محتفظ بيها

وكارت بي كلام غراااام قديم بينكم 

ليش مخليهن هنا ويه أغراضك

وليش اني ماشفتهم من رتبت الكنتور

-اسمعيني ولتقاطعيني

-اسمعك

-هاي بعد مارتبتي الغراض طلبت من البنات

يجيبن محتويات المجرات اللي بالمكتب

عطوري وغراضي وهذا الصندوگ يمكن

وياهن

-ولييييش محتفظ بي

-هاي ذكريات قديييمة مو أكثر وعيونج

-الذكريات ينرادلها مقبرة تندفن بيها

مو كنتور و بين اغراااااضنا وملابسنا

-صِبى كااااافي استوووعبي حبيبتي

أحبج أنت مستقبلي هاي بس بقايا ماضي انت الحاضر

- لا تگلي بقايا أسد

لأن البقايا مرات تعيش أكثر من الأصل

- اسمحيلي أوضح صِبى لتتعبيني 

- لا توضح مااحتاج توضيح

احتاج صراحة من البداية مو كل يوم اكتشف شي

وانصدم 

ابتعدت واخذت ملابس دخلت للحمام

لبست طلعت اخذت تلفوني ورحت للقنفة

بنهاية الغرفة نمت وغطيت نفسي

حسيت بصوت الضوة وهو يطفي

وصوت نومة عالسرير غطيت بالنوم

ثاني يوم مرحت ويا للدوام بس

اتصل بيومها فقار الظهر وگال

ان اسد تخربط بالدوام

رجعو هو وحمزة للبيت لازمته طول اليوم

اكله شربه علاجة استشاريت

حمزة وحجزناله يم الدكتور

رفض يروح لمن شاف دموع والدته يلا

رجعنا بيومها للبيت مصدومين

طلب وبشكل ضروري ان نسوي العملية

رغم مباقي بس تسع ايام عليها

گال لازم هاليومين

توسلت امه بي رفض اني

ويا كلامنا شبه معدوم بالليل الكل 

نام نزلتله بالمكتب لازم تنتهي هالمهزلة

نوبتين خلال أسبوع ورافض بشكل قاطع

فتحت الباب نزل نظارته من شافني

رفعها ورجع يقره بكتابه

-أسد الله

-نعم

-اترك الكتاب خل احجي وياك

نزل الكتاب وباوعلي

-نروح نسوي العملية يوم الأربعاء

-لا مااسوي

-ليش مو اتفقنا

-اي عادي ولغيت الأتفاق

-لخاطر الحجية شوفها ليل نهار

مگابلة السجادة تدعي منتظرتك توافق 

-الله كريم عالسنة الجاية يمكن

تنرفزت ووگفت

-اسسسسسد عالسنة الجاية شنووو يگلك

الدكتور شلل تنشل اذا متسوي

وتفقد حتى نطقك

-شو عاجبني انشل

-اسسسسد كافي عناااااااد

باوعلي بسخرية

-اني اللي أعاند

-ايييييي اكبررر شخص معتد برأيه

وعنووووودي ومتعنت بآرائه انتتتتتتت

تركته وصعدت بعد مارگعت باب المكتب

وهالحركة تغثه

صعد ماشي بسرعة ورايه

-شتررررردين بالضبط

-ارررررريدك تتحسن 

-وانتتتتتتتتِ شعليج

باوعتلع شگد مستخف بيه وبحزني بسبب تعبه

-شعليه

تحشرج صوتي واني أرد

-بعدك تعتقدني قوووية وراح اقاوم 

واني اشوفك كل يوم تمووووت گدامي

وگعت دموعي واجاني يمسحهن 

-مو ماااهمج مو محسوب عالمتزوجين

وممتزوج

ابتعدت ودفعت ايده

-وانت تخلي علاقتنا الجسدية

بكفة ويا عمليتك اللي ممكن تنقذ حياتك

هز راسة موافق على كلامي

-واذا گتلك لخاطر كسرة گلبي من الغياب

مااتحمل افقدك مثل مافقدت فرقد

-أسويها

تقربلي أبتسمت واني اسأله

-أحلف

-وعيونج

گالها وبكل قوته رفعني من الگاع

حضني بشوغة ودفن راسه بنحري

يهمهم

-ومااسويها الا واني مطفي نار گلبي

ببعدج عني طووول هالشهر

-اسسسسسد مممممممااااريد

ادفع بي رافض يتركني وكأن قوته تركزت

بهالساعة على شي واحد قست أيده

وهي تسحب الثوب اللي لابسته

انشگ من جهة صدري وحز نحري بأذيه

-اسسسد كااااافي كاااافي

-انتِ كاااافي رااااح ادخل غرفة مووت

مووو عمليات مااااگدر ادخل وكل تفكيييري يمج

اررريد احس بيج وياي قببل لا أسويها اريد احس  إحنا زوج وزوجة صدگ موووو بس منظر

جان قافل عليه بقوة بين ادي

منظري مزري ثوبي مفتوح للأخير وشعري انفتح

وصار فوضى حاضني بكل قوته واديه مطبوگة على بطني واني احاول ادفعه

-لتستغل ضعفي بسبب تعبك وتسووووي

هالشي غصصصب 

- مو استغلال أني جاي اغرگ بييييج ومااتحمل

نفسج وياي بنفس الغرررفة بدون مايمتزج بنفسي

فهمييييني مستحييييل اسوي هالعملية

وانت مووووو مالتي والي وبين ادييييية

بجيت ووگعت دموعي على ذراعه اللي محتضني

-شلون تگدر تربط حياتك بهيج طلب

-ارررربط عمررررري كله بهالطلب

گالها وسحبني بسرعة للسرير دفعني وهو يطفي الأضوية سحب الباقي من الثوب ونزل يحضني 

صوت أنفاسه المتسارعة وشهگاتي امتزجت

وهو يبوسني بقوة مفرطة بعدت وجهي عنه

واني أبجي رجع وجهي ناحيتي وغاص بقبلة

طويلة لحد قطع النفس متجاهل مقاومتي ودموعي

يحاول يخليني اندمج ويا لكن جسدي رافض كأني قطعة حجررررر مااهتم لعدم قبولي واستمر باللي يسوي 

نثر أنفاسه على مسامي وبلا ميسمعني تمم

اللي يريد تحت همساتي بأذنه

-خسرتني أسد اقسم بالله خسرتني

مااهتم لكلامي وهمهمتي ودموعي

الى أن حضني لامني بين ادي يبوس

بجبيني المتعرق ووجهي اللي ماليته الدموع

سكنت روحي وجمد الدم بأوصالي

جان كل شي بالقوووة بلا ميعير اي

اهمية لرفضي ثگلت أنفاسه ونام

سحبت نفسي منه جانت لحظات أنهيار

لوحدي بجيت وبجيت لحد ماانتفخت

أجفاني اخذت مخدتي وتمددت لوحدي

عالقنفة للصبح مانمت گمت رتبت جنطته

وجنطتي وخليتهن يم السرير

گعدته بهدوء

-أسد الله أگعد

فتح عيونه وأستعدل وگعت عينه بعيوني

الورامة مد ايدة يحاجيني

سحبت ايدي

-صِبى

-گوم اسبح وبدل ملابسك وجهز اللي تحتاجه

نطلع اليوم لسليمانية للمستشفى

-اگعدي نحجي

-ماكو حجي بينا اتفاق أسد

وگف واختل توازنه انسند عليه واستعدل

بين ماسبح نزلت الجنط وهو نزل ورايه

وجان الاتفاق نروح اني ويا وحمزة

وهيج صار بعد دعاء امه ودموعها

ودعناهم وطلعنا لسليمانية

وهاياني گاعدة بباب غرفة العمليات

بأنتظار الرجل اللي حبيته

وجرحني لحد آخر لحضاتنا

من ٥ ساعات داخل غرفة العمليات

ومااعرف نهاية هالعملية

موت

ام

حياة