رواية كريات الدم السوداء الفصل الثاني والعشرون بقلم زحل
بنين.
_حجاها وطلع ضليت حايرة شسوي وهو تصرفاته
تخوف طلعت لان امي تصيح.
وفيه:بعد وكت .
_اشتغل وبالي يم
الصار كل شويه امي تنبهني لشغله لان اتصفن.
وفيه:صفناتج كثرانه بيج شي.
_تهربت من سؤالها الي تكرر
مريم ماجنها تسمعنا ردت بس انفرد بيها ماصار مجال
اجن اخواتي والتهينا بالعزيمه وبنفس اليوم راحن رغم امي رادتهن يباتن
بيداء:مااكدر عمتي وحدها.
وفيه:الله يرضى عليج
هله هله بيها ترى يرجعج بااولادج
شكو عمل تعملي.
_بس طلعن اختفت مريم
كفيت المواعين ،، تعبتت من التفكير احس بروحي مرضت كملت شغلي ودخلت للغرفه كعدت محتارة رفعت راسي اباوع دخلت امي .
وفيه:شنو الي صاير ؟
ولا تكولين ماكو شي.
_لا يمه مو هيج .
وفيه:جا شلون غير نعرف شنو الي بينج وبين مريم ،،ولج احجييي شمفينات من مصيبه ؟.
2 ت
_ اباوع الها تحجي بااعصاب
مو مال اجذب عليها لطمت عله رجلها .
وفيه:انخرستي .
_كمزت مبتعده
دنكت اعصر بأاديه شكول وهو وصاني وترني نضراتها تباوعلي بشك هزت راسها بمعنى شنو،،مابيها مجال اتهرب لو اجذب ،،حجيت الها كلشي وانه مدنكه رفعت راسي اريد اشوف رد فعلها ماحسيت اله الراشدي اجاني غفل ،،مانطتني مجال احجي استلمتني كفخ اول مرة تمد ايدها عليه ضليت مصدومه .
3 ت
_تحجي وتكفخ بيه
كل ما اريد احجي ،اشرتلها بيدي بس اطيني خل افمهمج يمه بس سمعيني .ترجع تكفخني
واتاشر لاتطلعين صوت
وفيه:اشش اش صوتج مااسمعه
ابد ،،ليش هيج ليش بشنو قصرنا وياجن .
3 ت
_كعدت فحطانه
وكل شويه ولطمت لو تعض اصبعها
حجيت وانه ابجي يمه ترى انتي فاهمه غلط بس اسمعيني خل احجيلج .
وفيه:شسمع ولج شسمع .
جا ماحجيتي من جابت المصيبه
وضمتها عندج ماجيتي وكتيلي .
_مصيبه شنو يمه هو جهاز
قابل شضامه وحته ماتخابر بي .
وفيه:جا المن جابته تقيس بي حرارتهالو توقته للصلاه ولج ابنينه اموتج شسوي
كليلي ،،شلون كلب ثابت هسه الله يعلم مشتعل نار.
1 ت
_يمه لو شايف غلط
بالنقال جان ماسكت اصلا هو وصاني مااحجي
،،التفتت عليه صفكتني .
_ كامت تفتر بالغرفه وهيه تحجي.
وفيه:كتله يارجال كفني من مرايم
صيحني ولكم ماارتاح الها محد قبل عليه .
شسوي شلون تنسد،،ليش هيج لو جايه كايلتلي من اول يوم ،،جان اخذته منها وكلت لامها لحكت السالفه ،،
2 ت
_ضليت حايرة مااعرف شنو احجي بعد
وشكد جنت خايفه ،،امي زادت خوفي اباوع عليها
مرة تخلي اديها عله راسها ومره تفرك وجهه بقوة وتسغفر التفتت عليه .
وفيه:نفس مو حرف
ماريد يطلع وحته هو هم لاتكليله امي عرفت
ابد خل اشوف شنو الحل بلكي الله ويخيب ضني وتطلع ماعدها سالفه عوجه بالنقال ولج خو انتي مالج ايد رقم رساله معجب..
_انتفصت بخوف
لا يمه شنو هل حجي .
وفيه :اي جا هايشة البواكه تريدلها رفاكه
اكيد مرايم جرتج وياها جا شلون ضمت سكوتج
والله ياابنينه لو طلع الج شي وياها اذبحج بسجين عميه ومااحزن عليج .
_نقذني صوت ابوي
طلعت وهيه تحذرني.
وفيه:خمدي ماريد اشوف وجهج.
_احس كلبي انمرد
اول مرة امي تمد ايدها عليه
وتحجي وياي هيج ،،والمصيبه سالفة الكلاده
الدوختني التفكير طير النوم من عيني
انكسر واهسي من كلشي حته النقال ماتقربت عليه
مدري شلون نمت ،،كعدت مالي خلك خايفه اطلع والكه السالفه كبرانه لحد ماسمعت صوت مولي طلعت
صبحت عليهم و عيوني لمريم وثابت حمدت الله
من شفتهم كاعدين يتريكون يعني ماصاير شي ونفس كل يوم يخلصوها ابوي وثابت سوالف عن العشيرة والشغل كملنا كامو يردون يرحون للشغل وصل للباب والتفت عليه من صاح بأاسمي احس كلبي وكف .
ثابت:ابنينه شقررتي ياقسم.
_بلعت ريجي ودرت وجهي لامي
الي ماباوعت عليه من كعدت لهاي الحظه .
ثابت:ترى انتي ادرسين
اختاري التخصص الي حابته .
_مااعرف
يعني ماريد قسم صعب شو مابيه حيل .
ابو اسعد:اذا تردين شوري
تصيرين مدرسه افضل .
ثابت:شوفي الي يناسبج
معدلج يدخلج حته المجموعه الطبيه
اذا كليه اهليه
وهواي اكو اقسام حلوة وسهله .
مولي:لا مستحيل .
_التفتو عليه مستغربين.
ابو اسعد :ها ليش.
_مولي يابه يعني تقبلها هيه تصير دكتورة سونار لو تحليل وانه ممرض واكيد الحظ يخليها بنفس المكان الي انه بي.
ثابت:كل واحد وعمله.
ابو اسعد:ويجوز افتح الها عياده خاصه
اكيد انته موضف استعلامات
تسجل اسماء المراجعين .
_مانطو مجال يرد طلعو
وهو التفت عله امي بزعل.
وفيه:ولك عليمن زعلان شفايتلك
وتصير مثل ابو حسن جا فتحتلك من الحديقه مكان.
_صفن شويه
اشرتله شنو .
مولي:غير لو انه مثل ابو حسن
هيج والله يفتحها بوجهي ،حته الي ماخذ شهادة الدكتورا مو مثله ،مااعرف شنو اختصاصه .شو الي اذانه توجعه يروح لابو حسن .مدري مطهرجي .مجبرجي .
تداوي حروق جروح .خو امي وعماتي مايطيبن اله يمه .
9 ت
وفيه:الله يوفقه ويستر عليه
صدك ايده شفى .جا يفتهم عليمن نروح للدكتور ونخسر كومه فلوس اشعه وتحليل وسونار وتالي نفس العلاج الي هو يكتبه النه .
مولي:بعد يومين تلكينه جايب جهاز ايكو وتخطيط يمه بروح ابوج يعني المن تدرس الاطباء
اذا هيج خو يصيرون تمريض وانتهى الامر غير الدكتور يشخص الحاله المن سموها اختصاص .
_ضل يداهر ويه امي
لحد ماطردته ،بس طلع اتقربت عليها احجي بصوت ناصي لان مريم بالصاله .ها يمه شفتي ترى مبين ماكو شي بين ثابت ومريم شنو كتلج .التفتت عليه والجلافه مال المواعين بيدها خزرتني رجعت ليورا ..
وفيه:ابنينه اتسكتين لو اغسل حظج بهاي الجلافه ،وروحي ساليها شنو صار.
5 ت
_هزيت راسي بقبول
كملت شغلي وطلعت للحديقه ،،لكيتها فاتحه الماي وتغسل رفعت راسها تنضر بزعل لا وانوب انتي الزعلانه .
1 ت
مريم:اكيد لان اعرف النقال
عندج ولاتكولين ماشفته .
1 ت
_اي مثل كلادتج
هم عندي مو ._وياريت ماتلكينه
لان هسه يله عرفت خطر الموضوع.يعني لو نفرض ثابت اكتشف شراح يكون موقفنا.
2 ت
مريم:ترى فعلا اكلادتي ضاعت.
_اكيد مو يمي .
مريم:مااعرف بعد بس
ثابت كال تولي اجيبلج غيرها.
_فكيت حلكي لا صدك زودتيها
شكد ندمانه عله ثقتي بيج
حجيتها ومشيت عفتها تباوع وراي ،،
دخلت لكيت امي كاعده بدون ماتسالني سولف الها.
هاي هيه يمه مادام الموضوع انسد وهو ماحجه انه بعد مااتقرب الها ولا اخليها بعد تدخل غرفتي بعدم وجودي واصلا راح التهي بالدوام،،احجي وهيه صافنه بغير جهه
اشرت بيدي كبال وجهها يمه انتي وياي .
1 ت
وفيه:وهذا الي يخوف
مادام ماحجه وتكتم عله السالفه
اذن اكو غلط ،،اعرفه كلش زين .
_يمه لو حاس عدها شي
مستحيل يسكت عله الاقل جان كال لابوي.
وفيه:كومي من يمي ولج كومي
شدعي عليج ،اخخخخ ياابنيه لو اكسرج مايبرد كلبي.
_عفتها وكمت
ومر اليوم والبعده وثابت ابد ماجاب سيرة.
معدلي يقبلني اكثر من قسم تالي اقتنعت بكلام ابوي .
ابو اسعد:يابابا لو عليه اكلج طبيه
بس منو يكول الشخص الي تكونين من نصيبه راح
يتقبل اكيد لازم خفارات ومبيت خارج بيتج صعب.
_هاي هيه
تربيه افضل .
ثابت:تمام ان شاء الله باجر اقدملج.
_طلع قبولي والدنيا ماسايعتني
جهزت ملابس وكل شي وماباقي شيء
للدوام ،،ومثل كل يوم عيني لشباك المطبخ
لان يطل عله الحديقه طلع ثابت تلفونه عله اذن
فتح الباب تفاجئت بدخول علاء هيج وقت ضليت واكفه اباوع بتركيز مااسمع حديثهم بس مبين عليهم
يحجون بااعصاب شويه وثابت جر علاء من ياخته
ركضت للصاله بلغت ابوي طلع يركض .
16 ت
وفيه:خير شبيهم .
_مااعرف
شو جانو يحجون وبالحظه تكامشو
وفيه:الله يستر.
_بعدنه واكفين بالصاله وعله صوتهم طلعت امي تبعتها التفتت عليه خزرتن ضليت بالمطبخ والضاهر مريم هم سمعت لان اجت وجهه ينطي الوان .
مريم:شكو شبيهم .
_تحجي وتمشي متوجهه للحديقه
لحكتها اباوع ابوي يرزل بيهم دار وجه متوجه للاستقبال واشرلهم يتبعو .التفتت علينا امي انه شردت ومريم ضلت .
وفيه:شكو شعدجن طلعتن .
مريم:غير نعرف شصاير
ترى اخوي وزوجي .
وفيه:قبل مايصير زوجج هو ابن عمه وصديقه شنو الجديد دوم يتحاجون هسه يطلعون جن ماصاير بينهم شي مادام السالفه ماتخصج وانتي مو سبب المشكله لادخلين نفسج.
_دارت وجهها مريم ماقابله
وامي توجهت للطباخ خلت القوري
ركضت حضرت الصينيه وطلعت ماي الفضول يقرء الف بس نبع الحنان جرت الكرسي وكعدت باب المطبخ يعني ماكو مجال نتسمع اجه مولي
ونضراته كلها تسالات ويهز براسه شكو .
وفيه:ماكو شي اخذ الجاي والماي للاستقبال وتعال اريدك .
مولي:يمه ترى كبرت
يعني مو مال هاي سوالفج من جنت بالابتدائيه
اطيحين رجليه جاي ماي وتقشمريني تعال اريد بشغله.
وفيه:الديوان اسرار مو كل شي لازم ينعرف اذا ثنين بينهم خلاف وهمه اخوه لو ولد عم يحلونها بينهم ،،
_شال الصينيه وهو مامقتنع.
شويه ورجع كعد كبالها واشرلي جاي .
مولي:يمه لو كلامج صح
شلون بعض الامور مثل النهيبه والزنه والسرقه
وحته مرات خيانه النساء وهم توصل للديوان وتدخل بيها هواي ناس والاغ تصاب وغيرة يدخل بيها اكثر من طرف وناس من غير عشائر.
وفيه:هذا اذا غربه مو اهل
وهم اكو مشاكل صارت وانحلت بستر بالاخص الي تخص الشرف ،،لان السمعه تعم عله الكل والانسان مو معصوم ان كان رجل او مراءة ،،الله يستر علينا وعله امة محمد من التايهات والمشاكل الي تسبب القطيعه.
2
مولي:امين رب العالمين.
_شدني الحديث وصفنت
لحد ماسمعت صوت ابوي وهو يودع علاء
طفرت مريم تباوع ،،دخل ثابت وكانو ماصاير شي.
مريم:ها شنو صار
شبي علاء .
ثابت:ماكو شي .
_وهذا طبع اهلي مستحيل
يحجون بشيء يمنا ،،اشرلها تعاي وتوجه لغرفته
اجه ابوي ونفس الشي مااطرق لموضوع وامي
ماسالته ضل مولي يباوع بوجهم ،ضحكت عله شكله.
1 ت
مولي:والله يحسسونك انو
انته شبح ماموجود ،،لا يبررون ولا يفهمونك .
4 ت
ابو اسعد:شوف ولك
اذا عرفت بيك ماخذ السويج وطالع
باليل اخلي ثابت يزينك كرعه ويحرمك شوفت التبليط.
كعدت انسق الحجابات ويه
البس وكل شويه راكضه للمرايه
اشوف الون عله وجهي ،،اندك الباب التفتت اكيد ثابت هاي طريقته يطرق الباب بااطراف اصابعه صحت مسمعته تفضل .
1 ت
ثابت:ها باجر تبلشين ان شاء الله .
_اي ان شاء الله
بس حايرة ماعرف يعني لان ماكو وحده من زميلاتي وياي.
ثابت:كلنا هيج اول يوم كليه
عبالك اول يوم ابتدائيه
تحس بغربه وتوتر وخوف وحته خجل
بس ثاني يوم تلكه نفسك وسط مجموعه تسولف وتضحك ،،
_كعد عله طرف الجربايه
ويسولف .
ثابت:وهذا الي جابني حته افهمج
بنونه مو كل شيء يلمع هو نضيف
ولا كل الكلام انصدكه ولانثق ،
خلي علاقتج سطحيه بالناس ولا تستمعين بعمق
وتحذري لا تامنين ولا تنطين سرج لشخص .
_ان شاء الله.
ثابت :انه ماعقبتج عله غلطج.
_يعني مصدك انو كلادتها عندي.
بيش احلفلك ،قاطع كلامي وهو يكوم .
ثابت :اتمنى الي صار ويه مريم يكون درس تعلمتي منه،لنفرض مولي داخل غرفتج ولاكي النقال بأيدج
وقتها حته لو كلتي مال مريم محد يصدكج،،
وان صدكو هم راح يلوموج وجان صارت مشكله ،،وارجع اوصيج مااريد اي شخص
يعرف،وادري هيه سألتج مرة ثانيه عله النقال .
_متهمتني
اخذته ولحد الان تكول
كلادتي ضاعت.
ثابت:سهله ،يله نامي باجر مولي يوصلج
لان انه اطلع للزيارة .
_مقبوله ان شاء الله
وادعيلي وياك.
ثابت:الله يستر عليج.
_طلع وهو يتحسر
شكد لمت نفسي ،،وثاني كعدت يوم من الصبح ابدل وارجع اغير مااقتنعت ولحد ماصاح عليه مولي يله طلعت اركض وحجابي بايدي.
مولي:كل هذا وبعدج مالابسه .
وفيه:من اذان الفجر وانتي تلبسين .
1 ت
_درت وجهي عليها بصدمه
يمه صدك تحجين ،،ضحك ابوي
طلعت بدون ريوك
ومولي الطريق كله هو يحجي .
مولي:ترى مطروده
مابيها مجال حيل ويفشلج الدكتور
كدام الطلاب ،،
_من كد ماوترني بجيت.
التفت عليه ميت ضحك .
مولي: خاب نزلي
لا ادفرج لا وتريد تصير مدرسه.
_نزلت امسح بدموعي شلون الطفل
اول يوم مدرسه ،،امشي واتلفت لحد ماوصلت قاعتي
دخلت بخوف واتفاجى كاعدين سوالف وضحك لا دكتور ولا شي اجت بنيه كعدت يمي سالتها اذا المحاضرة خلصانه .
!!لا اصلن اليوم تعارف .
تنفست براحه وهيه
هم حست بيه خايفه طمنتني لحد ماخلص الدوام اتصلت عله مولي اجاني واخذته الطريق كله اصنف عليه قبل لا يدخل السيارة للكراج نزلت ،،يمه ميته جوع ..
وفيه:صبي احنه تغدينه.
_التفتت ادور،،شو مريم ماكو .
وفيه:من الفجر طلعو للزيارة .
_نزلت الصينيه للكاع وانه احجي
اي همزين الله يسعدهم الضاهر عرفت غلطهاوجاي تحاول تصلح علاقتها بي ..
وفيه:ان شاء الله
بس انه مامطمنه .
5 ت
سلالسل .
_رفعت راسي اباوع اله
هزيت ايدي وانه ادير وجهي مبتعده منه.
محابس:ها شكلتي.
_لا حلال ولا حرام
وخر خليني اطلع وكافي سوالف ماصخه
ترى تعبت منك ومن الدنيا كلها .
محابس:مايحبج كثر حبي صدكي.
_ياحب ها ياحب
مو كتلك امشينا نشرد ونطلع منا
ولك ياحب وانه صرت نقطه ضعف
وطعم لغازي حته يلزمك .
محابس:اصبري بس هاي الفترة
بس اصفي اموري ولج مااكدر اتحرك
اسمي مدكوك بكل سيطرة .
_خوش خوش هسه خليني
اروح ،،تلكه سليمه هدت عله مديحه.
محابس: انسي اطلعين منا
_لا انته مو صاحي ولك وخر
شنو تحبسني لو شنو .
محابس:ماكو غير حل
حته لو رفضتي سليمه راح تبيعج.
_يحجي ويتقدم عليه
تلفونه ماسكت رد بصياح
محابس:يمي لادورين .
_عرفتها سليمه
صحت مسمعتها تعاي اخذيني
بسرعه سده وجرني عليه .
محابس:اذن انتي الي ماترديني
وكلامها صح عشكتي وغرج بكلامه.
محابس:اذن انتي الي ماترديني
وكلامها صح عشكتي وغرج بكلامه.
1 ت
_ههههه
كل عقلك.
محابس:اي هيه ماتجذب
انتي الي تعمدتي تلفتين انتباهه من غنيتي
اطلعين مواهبج كدامه من ركصتي بالمزرعه.
_يحجي وينكت بيه
احس الصايه صارت مكلوبي
من كثر ماعتني منها،،
4 ت
_صفنت يعني هيه الي كايلتله ،،اكيد محد غيرها
زين ليش هيج سوت،،دفعني ودنك يفرك بوجهه
اول مرة اشوفه بهيج حاله حاير مكسور حزين خايف.
1 ت
محابس:حقج هو وين
وانه وين اكيد تختارينه.
_كعد مسند نفسه عله حايط
جر التلفون من جيبه فتح خط وشمرة كباله اجا صوت كفه.
كفه:ترى سلوم سحلت
مديحه سحل .
محابس:عبالها تعرف مكاني
عوفهن لاتدخل،بس وصي النصافات لايخلنها
تطلع الصعده .
محابس:هسه.
_كمت منتفضه
شنو فرقك عنهم.
محابس:عمر وانه بطرك روحي
ماانطيت لزمه ولا واحد كدر يلوي ذراعي
ماحبيت ولاتزوجت حته لا انوجع لو تنوخذ ضدي نقطة ضعف،،مالي عنوان ولا اهل ولا يعرفون
عني شي.،منين اجيتي وشلون هيج حبيتج .
6 ت
_دار وجه يتهرب
من نضراتي خاف الاحظ دموع بعيونه.
محابس:ردتج اهل
وعائله وبيت ردت اعيش حالي حال الناس غرتني نضراتج وعبالي تحبيني ردتج توبه اكفر بيها عن الفات،،ماصدكت من كالت سليمه
عشكت غيرك .حته من كالت ركصت وغنت ضحكت رغم نار كلبي بس كتلها،، جاهله وبدون عقل .
محابس:غصبن عنج
وحته لو كايله لا هم اتزوجج.
_كمت وانه انكت بصايتي
دخليني اطلع خلص راح اكلهم بطلت وانته حضر امورك .
محابس:محضر كلشي
وهسه نتزوج.
_اشرلي اسكتي ودنك عله نقاله
بسرعه اتصل وخلاه عله اذنه.
محابس:شيخنا
انه سامع للضرورة احكام شتكول لو تعقد النه
هسه وانته بمكانك وبعدين نجيك ونجيب شهود.
_اتقربت عليه
لزمني من ايدي وكمل كلامه.
محابس:لا لا بس احنه انحب بعض
واهلها رافضين وانه اخذتها يمي فليش نطيح
بالحرام تعرف الشيطان شاطر.
_طكيته عله ايده الي لازمني بيها
ولا تحرك وذاك مدري شنو يحجي ويا .
محابس:لا مو قاصر ،تمام دقايق واتصل بيك.
_بس سده النقال صحت بي
ولك ياموقاصر اجذب انوب .
محابس:مو اذا عرف عمرج
هسه يكول اله ولي امرها ،،عباله ابوج شريف
مايدري اذا واحد اطا مبلغ زين حته مايساله شسمك.
_تحسرت بقهر
ورديت عليه اي بس ترى بس نعقد وعود انته قنع
سليمه وهيه تقنع ابوي يعني مو عبالك هسه نتزوج،ضحك وجرني لحظنه .
محابس:دخل نعقد قبل ماسلوم
تدخل علينه .
_اتصل وفتح الصوت
وشكد انه جريئه بس من حجه وياي الشيخ احس بروحي عركت ،،لحد ماكلت نعم اكلت نص اضافيري تشكر من الشيخ ونهى مكالمته كمت وانه احجي يله بعد المن حابسني .
محابس:الحياة فرص
واذا مانتمم زواجنا سلوم ماتعتقج .
وسهل تطعن بالعقد.ويجوز ابوج يشتكي عليه .
_خجل خوف
ماعرف الي خلاني اتلعثم حس بيه
تقدم حظني مااعرف شلون وشوكت صار كلشي
بهل سرعه ،،وكانو جنت غايبه عن الوعي انفاسه بوجهي الغرفه ضلمه وهو حاضني وعبالك يريد يدخلني بكلبه .تلفونه ماسكت اخر شي طفاه احساس الندم بده يسيطر عليه رغم راحتي بقربه.
من صوت المناشير عرفت صار الصبح ابتعدت عنه
كام وهو يضحك ،،ويمكن تركلي مجال البس واللم لم نفسي اجه ينشف بشعره ماخليت عيني بعينه جرني .
38
محابس:محد يموت ناقص عمر
والصار بالحلال لا غلطتي ولا اهلج خوش ناس وعصيتيهم ان عشت انه احبج وان متت سامحيمي.
_ابتعدت ضايجه من كلامه
يله افتحلي الباب خل اروح اكيد هسه تتلكاني سليمه اطين عيشتي.
محابس:كفه والولد بالشارع اي شي
يصير انطيهم خبر .
_دفتح الباب معود
هز راسه بمعنى اي
ودنك اخذ قميصه ونقاله
طلعت وانه اعض بشفتي ماعرف ليش خفت.
وصلت للباب الكراج .صاح وراي التفتت اباوع عليه.
محابس:بس تعبرين الباب
راح يصيبج ندم واكيد سلوم راح تلقي تعويذتها بااذنج ،،ويجوز تاخذين الصار عذر
تكرهيني بي ،،بس ابقه احبج مهما كان قرارج.
3 ت
_ضليت صافنه
اشرلي روحي وانطاني ضهره
ودخل . طلعت اتلفت خوفي من كلامه مدري من سليمه امشي واحجي بكلبي ،،مااكلها عله الصار اي منا عله ما هو يحل الموضوع وياها.الباب مفتوح دخلت بخطوات بطيئه .اتمنيت المسافه طول لحد مااوصل الصاله جريت شالي من شعري .وافتح بدكم الصايه
اريد الهي روحي رفعت راسي كاعده وناركيلتها كبالها
ومن نضراتها عرفت مانايمه من امس .
سليمه:منين ماجيتي ترجعين.
_ضليت متصنمه
كامت وهيه تشيل الناركيله متوجه بيها للمطبخ ودتها ورجعت ماجنها تشوفني ذبيت الوم بي. حجيت وانه اعصر بالشال .ترى هو اخذني من الركن وماخلاني وقفل عليه الكراج يعني شسويله .
_حاولت امتص غضبها
واهدي السالفه رديت عليها اي خوش هسه اخابرة يجي يقنع امي وابوي واذا مارضو بعد ماله شغل بيه ،،يعني شبيدي قابل متواعده وياه،خلص هاي اخرفرصه ،،
مارهمت كلمن يذكر صاحبه بخير واتزوج صاحب الباشا .
باوعت عليه اشرت دخلي مشيت وانه اسب بروحي .بس عبرت عتبة اللغرفه هجمت عليه .
سليمه:بله شو صدكتج صدكتج
ولج تضحكين عليه ام اعطوووووب .ضحك عليج قشمرج .
1
_اريد اخلص شعري من ايدها
ماكدرت اصيح بعلو صوتي لا لا ماقشمرني.بس هديني خل احجيلج .شمرتي
وانتجت عله الكنتور فحطانه .
سليمه:اعرف المرة من مشيتها
الحامل اعرفها بيا شهر .ولج مو راح تعمين علييييه .
11 ت
_ردت جلبت بشعري
احس فروة راسي انشلعت كرهت
روحي وكرهته .ترفس بيه شلون الحيوان
اطك بدون رحمه هلكت مابيه اشيل ايدي واحمي
روحي اخر شي دنكت عضتني باايدي احس الحم
صار بسنونها صرخت من كلبي مو وجع لا قهررر .
سليمه:كومي ماريد اشوف خلقتج
امشي انكلعي ويا حته تموتون سوى .
_جرتني تسحل بيه
شمرتني بالطارمه ودخلت وسدت باب الصاله
الكاع بارده احس البرد بعضامي بجيت لحد ماتعبت
مر اكثر من ساعه وهيه ماطلعت زحفت ادك بالباب.
سليمه:انكلعي روحي خل يشوفلج
زويه يحطج بيها .
_بس اطيني نقالي اخابرة.
فتحت الباب ودنكت جرتني .
سليمه:خل اخابر امج وابوج اول مرة حته يسلمونج باايده لا بعدين نجيه تسويج عليه
الفقيرة الي ماتندل الباب .
1
_تحجي وتفتر بالصاله وكل شويه
راده عليه رافستني .احس صفحتي انشلعت
دنكت شنو هل ذل ليش هيج بس انه من دون البشر
خلص هو يتحمل الصار كوى سندت روحي دخلت للعرفه ادور نقالي وين راح .دخلت وراي وهيه تغلط.
سليمه:ولج شكد شفت عرمات مثلج ماصادفت ،شسوي بيج ويبرد كلبي .
_لا تسوين
راح اطلع هاي هيه بعد مشكلته
وين مايحطني لو اكعد بالخرابه.
سليمه:ويخلونج ولج لو يعرف
جان من زمان تزوج بت الكلبببب
تردين اتسلمينه الهم جاهز .
_شسوي شسوي
ماخلاني اطلع بيش تامنين بشنو تصدكين توسلت بي وردت اقنعه ماخلاني اوصل الباب.
سليمه:اششش صوتج مااسمعه.
_للضهر وهيه تفور
اباوع عليها مااستقرت والخوف واضح عليها.
تمددت بمكاني كبال باب الغرفه وهيه كاعده
بقلق وكل ماتخلص جكارتها تشعل غيرها عيوني
تنسد من وحدها غمضت واسمع نقالها دك شلت راسي وكل ضني هوه صفت تباوعلي ثواني وسدته بدون ماتحجي .
كامت دخلت لغرفتها شويه وطلعت تفتر بدون تركيز تدخل للمطبخ وترد تكعد عله القنفه تالي
خلت اديها عله وجهها ودنكت فكيت اعيوني حيل اريد اتاكد هيه تبجي لو شنو ركزت اجتافها تهتز مال واحد يبجي كمت وانه انعل بروحي وبمحابس وكفت كبالها
1 ت
والعبرة خانكتني بجيت بصوت عالي لحد ماتعبت
كرفصت يم رجليها وحجيت بقهر خلص لو شما اسوي ابقه مصيري مثل كل وحده هنا،،هاي هيه لاتبجين انتي سويتي العليج راح اروح يمه وين ماتوصل بينا الدنيا خليها،، درت وجهي اريد ادخل للغرفه جرتني لحظنها وبجت بصوت عالي استغربت ومااجه ابالي غيرة بعدت عنها وانه اسال هااا كتلو .
سليمه:روحي غسلي بين مااطلعلج ملابس.
_ دفعتني وكامت
لحكتها،، احجي بروح امج لزمو لو كتلوالتفتت عليه ودموعها تنزل .رمشت بعيوني اريد استوعب كلامها اذني صفرت اضحك وادموعي تصب شكيت الدشداشه واملخ بروحي مااعرف شسوي
سليمه:منيتها ويومها.
9 ت
_صرخت جا ليش
ماخله يومي وياهم ليش هيج ليييش خلي يخاذ روحي ويخلصني تعبتتتت تعبت تعبت .
سليمه:مكتوب عليج التعب.
كومي بلكي نلحك عليهم وياخذونج للدفن.
_تجر بيه طلعنا وبس قفلت الباب اشرت للولد وبس نزلنه الدجه التمو الجوارين ،بلغتهم هيه اجت ام دعدوش تركض سندتني وياها وتلكتنه صوله تلف بشالها وصلنه للركن خابرت مديحه كالت الها تعاي التمن بدقايق اجرن كيه اصرخ واتعب واسكت لحد ماوصلنه بيت خالي الصريخ يرعب دخلنه .
مديحه:الله يساعدهم .
_لطمت لطمت بقوى
نسوان ملتمه مرت خالي تصرخ من كلبهامحد منتبه لوجودنا الكل يبجي لحد ما صاحو عليهن
يله وصلو للمغيسل كامن واحنه حالنه حال الناس طلعنه ،،مديحه لازمتني هيه وام دعدوش وسليمه وصوله يباوعن بيا سيارة نصعد وكفنه كبال كوستر توني اريد احط رجلي وانجريت مالحكت التفت صارت هوستهن فوكي جروني من جوة رجليهن مرت خالي وسليمه متكامشات والنسوان تفرغ بيهن هدو اهلها علينه وشبعونه غلط الجوارين صاحو عليهم وسحبو سليمه وصوله .
سليمه:ولكم وليه بسيطه لو ماادفنج بالدرب .
_كوى دفعونه للشارع
صوله وكفت سيارة صعدنه.
سليمه:وين رايح خاله
منا درب المغيسل .
_رجليه ضلن يرجفن
اول مرة ادخل للمغيسل
سليمه:وين حاطينهم .
_ضلت تسال اشرولها عله مكان بابه مسدود
التفت عليه لزمتني ودكت الباب عله
المغسله فتحته تباوع بوجهنا ..كالت الها سليمه.
سليمه:هاي البنيه نريد ندخلها لامها
تشوفها وتغسلها .
_ضلت المرة ساكته ولازمه الباب
بيدها مانعه دخولنه وتباوع لسليمه بحيرة .
سليمه:شو تعاي اكعدي هنا بس خل اشوف
يمكن مو النه هاي الجنازه.
_ركضت مديحه اخذتني منها
وهيه دخلت شويه وطلعت.اشرت لام ام دعدوش وصوله وبعدت عني لحكنها. كمت وانه ابجي ها لكيتيهم .
سليمه:شو تعاي اكعدي هنا بس خل اشوف
يمكن مو النه هاي الجنازه.
سليمه:لا يمكن ماواصلين
شو كعدي خل اخابر بله اتاكد
خاف مو هذا المغيسل.
_طلعت برى وردت
تلفونها بيدها شويه وسمعنا صوت مرت خالي
بسرعه تقدمت سليمه جرتني ودكت الباب عله المغسلجيه دخلنه .ياريت ماشوف وكون عميه
وعندي عذر ماشفتها تمنيت،، مانولدت. ولا اجيت للدنيا صرخت صرخه احس كل اوتاري تكطعت عله اثرها ماذكر شي بعد لحد مافكيت عيني بغرفتنا اتلفتت مديحه مخليه راسها بين رجليها وغافيه
صوت ابوي بالصاله سندت روحي وكمت افترت الكاع بيه فزت مديحه طفرت لزمتني .
2 ت
مديحه:وين وين تردين كليلي
اطلعج برا .
_هزيت راسي
طلعتني كاعد بالصاله وهيه مدنكه عله نقالها
لابسه اسود رفعت راسها شافتني نزلت دموعها
كامت حظنتني صرخت ها هسه وين اروح التفت
عله ابوي شنو مصيري المن خلفتوني .
راضي:كونج ميته واخلص
8 ت
_لطمت
اكتلني وخلصني جا المن خلفتني
وعليمن تحجي خاف متحمل مسؤليه
حته فاتحه ماخلوني احضر ولا خذوني
وياهم للدفن لو انته ابو مثل الناس جا ماسوو هيج.
راضي:انعل ابوج لابو ساعة السوده
الصرتي بيها .
_هد عليه
دفعته سليمه .
سليمه:اطلع اطلع مالي خلكك
ترى كلش تعبت .
_صحت ورا تعال خل اكلك هو انه راح اخلصك
بسرعه مديحه خلت ايدها عله حلكي وجرتني دخلتني للغرفه ،،اون مابيه حته ابجي.كعدت اعتب عله الدنيا ليش هيج وياي معاديتني حالفه عليه اعيش المر والقهر وينه خل يجي بعد مااخاف من شي اول وتالي اموت .كامت سدت الباب ورجعت كبالي.
مديحه:اسكتي معوده
هاي ام دعدوش
اجت لاتسمعج .
_خليها تسمع عليمن ضامينها بعد
ياريت ننكتل انه ويا ،وينه هو خابري كومي جيبي تلفوني.
مديحه:مغلق من امس نخابر
عليه ،،ماندري تصوب ميت عدل.
_شنو يعني.
مديحه:امس بليل اجه
وانتي فاقده بعده ماكعد والشارع صار نهار
من الرصاص ماندري حكومه احد تابعه لعبو لعب
صعدته سليمه للسطح وطفر لبيت نوشه ومناك شرد
ولحد هسه ماكو خبر منه بس الصبح سمعنا كفه متصوب برجله .
_ قطع حديثنا دخول سليمه
وبدون مقدمات كالت لمديحه
سليمه:تلفونج وين اطينيا.
مديحه:جا انه شعليه .
سليمه:اذا مالكفو سونه
انتي الطعم الاحتياط ،،احسن الج تبعدين
ولا تخلين عين عليج لحد مانشوف الي صار البارحه موهين دخلت الحكومه ،،وربع غازي بنفس الوقت
معناها الواشي منا وبينا.
مديحه:انه لا من ذول ولا ذول
اذا عله نقال يولي بس يكدرون
ياخذوني من الشارع.
سليمه:مااطلعين هاي الايام اكعدي.
_ضل وجهه مديحه ينطي الوان
شمرت نقالها عله سليمه وكامت.
سليمه:الي ماعاجبها كلامي
تتوكل تطلع من الصعده وعسى ما تروح لجهنم مالي شغل بس مال اضحي بواحد من ولد الشارع لا تفكرن
عندي استعداد اموتج بيدي واخلص .
_طلعت مديحه
وانه ضليت اصفن اي يا سونه
شتسوين وينه الي دك صدرة
خلي يحمي روحه وياريت جاي وماخذني .
ايام وليالي خوف قلق الشارع كله داخل انذار
ابوي يجي يوم واسبوع مانعرفله مكان
ومرت فترة وشبعت نوح ولطم بيوم الاربعين
سليمه:بس خل تهدء الامور
واخذج .
_ولشوكت اضل
محبوسه بالغرفه.
سليمه:لازم تتعودين ويجوز هسه افضل
بس اذا رحتي ويا دوم لبسي اتراك
وحضري روحج لطفرات السطوح
انه مابلغت ابوج بالصار كلت انتي تحجين ويا.
_هو وينه حته احجي
غير كون يجي حته يحلها ويه ابوي
سليمه:هاي بعد وينه مااعرف
عدل ميت هم ماعندي علم.
_شويه شويه
هدء الوضع بس ضلو ولد الصعده مختفين
كعدت عله صوت ام طيبه طلعت كامت سلمت
عليه اباوع الصاله متروسه علاليك مسواك وقبل مااسال ردت عليه.
ام طيبه:خطيه علاء وداني اطمن عليجن وصاني اتسوك ويسلم عليج هواي يكول ماكدرت اجي لان همه عدهم مشكله وخاف احرجهم.
_خذتلها مشوار سوالف وراحت
كامت سليمه عزلت المسواك .
سليمه:لازم نرجعله خبر
حته لايكول ضحكتو عليه .
_الندم اشد انواع الالم
بوقت الي تحس بغلطك جبير
ومايرهم اله اي تصحيح تعجز عن الشتات
توكف عاجز امام خراب ودمار سببه انته
الحيرة هدت حيلي حزني عله روحي لو عله امي واخواني ايام وسمعنا ابو السيارة الي سوى الحادث
فاصل خوالي والضاهر مسكتين ابو بشكم فلس
اخذتني سليمه ازورهم ونفس روحتي لجويسم
رديت اجر بذيال هدمي محابس ماله خبر والباشا
دز عله سليمه لبيت ام طيبه.
19 ت
سليمه:شلون اروح واخليج
معوده امشي وياي وضمي روحج بالقاط الفوك
_مالي منيه عليها
ولا من حقي ارفض كمت
وطول الطريق عيوني دورة.
سليمه:لو ادري بي خير الج جا انه دورته.
_هاي هيه
هو لو انكتل بسببه
لو انتحر ورا.
سليمه:محد مات ويا المات
كبلج انه وهاي شوفت عيج عشت .
_لحد ماخلصت سهرتهن
عيوني طفت كل كلمه من موال توجع كلبي
عرفت الي يغني حملي بس شجابه.ولو مااتعجب
سليمه اذا رادت تأمرهم،، قبله الملا الي محد كدر يطلعه بمزرعه هسه يدك بيت ام طيبه، طلعنه نتختل وكلوبنه ادك ويه كل خطوه للصعده كرهت المكان .
سليمه:مجبورين وين انروح
مو اجتج الفرصه ورفستيها
كتلج استغلي وخليلج مكان وخلصي منا.
_من اكلج ماخلاني اطلع ماتصدكين.
سليمه:هسه كليلي
شنو ارد عله علاء الي موتني .
_ماادري
بعد انتي شلون ترهمينها
خو اول وتالي يعرف اكيد .
سليمه:خاف ناويه تحجين
يعني كل عقلج ولج انتي شنو فلمج انه اسدده بيها وانتي تفتكين روحي دوري عليه بعيد عني لاتهجمين الشارع عله ناسه.
_ولشوكت نضم.
سليمه:شوفي ليش ماتاخذين
احجايتي خل نستغل الموضوع
وبلكي غازي تجي مصيبه . نعلن نخطبتي لعلاء
وهيج نضمن محد يتعرض النا ومحابس يضطر
يصفي امورة وعود بعدين اطلعي منا بسكته
وانتي عله اسم علاء شكلك رجلها اخذها .
_كعدت كبالها
شنو لعب شبيج اكلج عقدنا.
سليمه:اذا عله العقد سهله .
_وبله استاذ علاء سوه روحه العاشك
وراد زواج وخلالي بيت شسوي.
سليمه:غير الله مباوع لحالج
ولج يامحابس ياابوج بوسي ايدج وجهه وكفه.
جا شتردين احسن من هيج اله انتي حابه الشغله.
_دنكت امسح بدموعي
تحسرت اي وينك كتلي تندمين
ماندمت بس انته عفتني .
سليمه:مو كلشي الحب
صدكيني ولو تحبينه ابعدي عنه.
_مايطلكني .
سليمه:يطلك وعينج تشوف.
_كمت وانه ادعي كون ماتحصله
نهار وليل اتامل جيته. طلعت تلبس بصايتها
صحت وراها وين رايحه شكو .
سليمه:متعاركين يم الكراج.
_طلعت تركض
كمت بسرعه لبست صايتي ولحكتها
الكل يركض ونفس هداتهم كل واحد بيده شغله
هاد بيها كوى وصلت يم الكراج غمضت اعيوني
من منضر حملي وجهه عبارة عن نافورة مال دم .
وكل عاده لحد مايتقاتلون يله تجي النجده جرو حملي لربيع وبقيه الولد شردو
سليمه:المن طلعتي بت التالف.
_شبيهم عليمن متعاركين
وشلون هيج فاتحين وجهه .
سليمه:دمشي امشي .
_قفلت البيبان
وثعدت للبيتونه قفلتها
شبيج ترى خوفتيني همه بالشارع احنه شكو.
سليمه:غازي متاكد البضاعه
ماطالعه الصعده وهاي رساله لمحابس حته يخلي ينبش الحيطان ويطلعها اله.
1 ت
_وليش ماتكولين
متاكد من محابس يعرف البضاعه عدمن،،التفتت
عليه مستغربه رفعت حاجبي ونضرتلها بتحدي .
سليمه:لو يعرف مايسكت
وحته وان كلامج صح هم
مايسلم الجاني لغازي.
_خابري خلي يطلكني
حجيتها ودخلت للغرفه ضلت تغلط وتفشر.
سليمه:وطلكج وبعدين .
_اطلع منا واشتغل ويه الفرقه.
سليمه:ويهدج لو يصعب عليه
مكان ،خو اقبلي بعلاء اقلها يحميج .
_مديت راسي عليها
وشكله قشمرت عليك جنت متزوجه غير كون تعلنين وهيج اخلص .
سليمه:واذا عرف بيج مزوجه
وشلون زواج هذول مايدنون لوحده مسلمه روحها لغيرة وبالاخص هو شاك بيج
تحبين محابس انوب يشد وياج.
_خلص اطلع منا وشيصير خل يصير.
سليمه:هينه عبالج العيشه بالشارع
وحدج لا اهل لارجل .جا غيرج اشطر،،
_خلي لحد مايلكفني غازي .
ويكتله ويكتلني.
سليمه:اتحط ايدها بنار وتصح انجويت ولج بت الصخل فتيتي كلبي كنالج اقبلي بالولد خلي نامن وعود بعدين تشاطري .
_ترى حيرتيني
اكلج هيج تكليلي هيج.تقدمت عليه جرتني
مطلعتني من الغرفه كعدت وكعدتني كبالها
دكت عله راسي بطرف اصبعها.
سليمه:هذا عقل لو كوم نعل هنا
ولج اطلكج من قنادر وفرصه حزنج عله امج
تخلصين العده واذا شفنه الولد رايدج الف طريقه
اكو مانخلي يعرف بيج .
_وهيج ضامنه يطلكني.
سليمه:اي غصبن عليه
انه اكلج هسه وصله خبر حملي
واكيد راح يخاف عليج عاد نقنعه بس حته تحمين روحج .
_هيه تسولف وانه بالي
راح ليوم الي خطفني غازي وكلامه يعني صدك محابس
عنده علم بالي اخذ البضاعه واكيد يخصه ولهذا السبب
ساكت ،،غمضت اذكر ليلتي ويا شلون حاضني نزلن دموعي بكسرة معقوله بس ليش هيج ..
سليمه:اذا الج نصيب بي
ماتصيرين لغيرة.بس فكري تشوفينه مذبوح مثل ماشفتي جويسم لو تتاملين يجي يوم ويدخل يخلص الحكم العليه ويطلع .
_تحجي وكل عقلها
مصدكه كلامها اتاكدت هيه هم تعرف ولهذا السبب
تريدني ابعد حته لا يضطر محابس يكشف المستور
هزيت راسي اي .وكمت
سليمه:هذا افضل حل .
_اسمعها تحجي ويا
يعني يرد عليها جا ليش مااتصل بيه .
اي ثاري امي تعرفكم احجي وافتر بالغرفه
احس نار وشبت بصدري .دخلت والتلفون بيدها .
سليمه:احجي ويا.
_بلعت غصتي
ورديت عليه.
محابس:احبج
_اثبتها.
محابس:ماكو مجال جا اجيت واثبتلج
شكد مشتاقلج .
_سلم غازي الي اخذ البصاعه.
محابس:غير لو اعرفه.
_غضيت ايدي امنع صوت شهكتي
ورديت عليه. اذا الي ذرة حب بكلبك اطلكني
اذا عندك غيرة وتكول انه رجال لان جزت روحي منك ومن قبلت عبالي اكدر اخليك تكشف الجان سبب بموت جويسم .
محابس:بت المطي شمدريني بي ياهو دازه كايله اخوج هو الباك .وهذا كلامج اعلمج عليه سهله .
_بعدت النقال من اذني
ودنكت جريت طرف كلبيتي عضيتهااحس بلعومي طك من الحركه .صاح الوو رديت عليه.
عشكته لان بي غيرة افضل منك تدري مايقبل اركص يم صاحبه ولا يقبل اغني رغم الفرق بينا بس اثبت حبه رجال مو حرس كعدات.
محابس:ابوج راضي وامج نجيه .
كواد وعلاسه شيخلفون .اخوج هو الخان وباك ورط روحه محد دازه ومنعته وحاولت احمي وخاني حته انه لان امج قرت براسه وراد يشلع بالبضاعه حته يسد حلك خالج ويخلي امج تجي وياكم شلون انتي من غنيتي وركصتي.
_ماخليته يكمل
شمرت النقال واشرتلها طلعي
اخذته وطلعت اسمعها تصيح
وهو مدري شيكلها.
سليمه:بت الصخل ياهو حارس
انعل ابوح لابو امج لابو الي يرحمج ترحين فدوى انتي وعشيرتج لاسمه.
3 ت
_مكشرة بي
وانتي روحيله فدوى نذر
بس خلي يثبت رجولته ويتفذ كلامه.
سليمه:راح اكمل معروفي وياج
ولخاطرة مو لخاطر ابوج السافل
واعقدلج عله علاء وانتي وشطارتج بعد.
_بعدها تحجي ودك نقالها.
سليمه:اي هاي يمي
_ادنت عليه وفتحت خط وكل ضني يريد يصالحني
انعصر كلبي من كال.
_بعدها تحجي ودك نقالها.
سليمه:اي هاي يمي
محابس:خل تحجي الشيخ ويانه
عله الخط ، سويت مكالمه مشتركه .
7 ت
_سمعته شلون يحجي ويه الشيخ.
الشيخ:بنتي ابغض الحلال عند الله هو الطلاق.
_ضحكت وعيوني تصب
ياحلال الي مانعرف
منه غير اسمه.ضل يحجي وحاول
يصالحنه صاح مسمعني.
الشيخ:بنتي ابغض الحلال عند الله هو الطلاق.
محابس:شيخنا مانرهم بعد لان طلعت من نفسي.
13 ت
_احس الدموع شلون التيزاب وتحرك بوجهي
خلص الطلاك ونهه حديثه ويانه الشيخ وهو يدعيلنا .
محابس:غايبج يوصلج
والزمي عده بلكي الله يباوع لحالج.
_سده بدون ماينطي مجال لسليمه
تحجي .ايام مثل ايام لوعه الي يحجون بيها من يردون يصوفون حاله او مشكله واجهوهها عسرة ومرة وصعبه
هيج ايامي ليلي نوح ونهاري نوم ندم وشوك عتب وحقد،، مرة اكول جويسم هو غلطان ومرة اقنع روحي واكول همه جرو وهيج سليت ملت مني دزت عله مديحه الي اجت وعيونها مورمه بس كعدت كبالي بجت اي هيج صايرة اكسر الخاطر .
مديحه:كافي ولج شبيدج وماسويتي .
_هواي بيدي بس يرادلي حيل.
اول ماابجي عيونه بكثر مابجيت.
مديحه:ترى ماله ايد .
_بس يعرف وحته انتي تعرفين منو.
مديحه:لا اعرف ولا شي وحته لو كتلج هاي ام دعدوش هم ماتكدرين تسوين شي اول وتالي يصفون بينهنم واحد يكتل الثاني لو ينسجنون .
_بس بردي كلبي وكليلي .
مديحه:كومي عله حيلج وبلكي الله
وهذا الي اصلا انه ماهاضمته
ولا مقتنعه بي،بلكي طلعج منا .
_نجذب الجذبه ونصدكها.
مديحه:مانصدك بس نخدعهم احنه مصدكين ولج هنه يردن بس يخلصن ترى ام طيبه لازمه سليمه من ركبتها وشنو السر ماادري بس تريد تقنعها بزواجج من هذا حته تطمن عله الباجه مالها.
_صفنت اي هسه وكتج ياسونه
طكتني تنبهي من صفنتي .
مديحه:ام اعطوب خوفتيني شنو براسج.
_ماكو شي كليلها خلي تنطي
خبر يجي حته نتفق.
مديحه:سلووووم وينج .
_اجت تعدل بدلعتها.
مديحه:حركي جيبج يله البشارة
قبلت دزي خبر لعريس الغفله.
مديحه:حركي جيبج يله البشارة
قبلت دزي خبر لعريس الغفله.
2 ت
_بعد مداهر اطتها ٢٥
راحت وهيه تدعيلي .
سليمه:خابرت ابوج يحضر
احسن حته يضطرون يجيبون شيخ اصولي
مو كلك وبدون ورقه مال عقد ، وفرصتج اطلبي مهر.
_كمت وانه ادندن
ها يروحي لخاطر الله يوم هيدي ها
يروحي الراح راح وماهو بيدي
الدنيا مااكدر عليها عليهاااا زين مني وباقي بيها
وياعيوني لو يفيد الدمع زيدي يااااعيوني
لو يفيد الدمع زيدي .
سليمه:هيج ذاكرتج قويه وحافظه
كل اغانيها سلطانه جانت تون بيهن ذني.
_لان جانت تغنيهن بقهر
وانه دوم اباوع عليها وكل حركه وسالفه
جنت اقلدها ماادري الاقدار تشابه بالامنيات جان تمنيت غير شي.
3 ت
سليمه:غسلي وغيري ملابسج
راح يجي الولد اكعدي واحجي
ويا حته تتفقون
عله كل شي .
_وليش مصدكه السالفه وانتي
طبختها جذب.
سليمه:ومرات الجذبه مثل طلقه الصيد
صدفه وتجيب طير .
_وصادت
شنكول بعدين طحت من السطح
وتعورت لو شنو.
سليمه:خل نربطه بالعقد هسه
وانتي اول وتالي لازم تسوين عمليه
هو وله غيرة مالج عذر مقبول.
_خليت الخاولي عله جتفي
والتفتت عليها .عملية شنو ؟
سليمه:عود بعدين افهمج
انجري هسه ،،راح يجي الولد وانته
خلقتج تطرد الشيطان من وكر نوشه .
_وعله اساس هو معجب بيه
ترى ادري بعناد كرايبه مدري اخو .
سليمه:مصائب قوما عند قوما فوائدو.
2 ت
_هزيت ايدي تحجي حكم
ام المصايب سهله اله اراويج الويل.
واجه علاء الي تصرفاته مال واحد زايعته الكاع
بس الي مغطي عليه شكله ولبسه وصدك لو كالو الخير يخير والشر يغير .فززني من صفنتي سؤاله الي ماسمعته.
4 ت
علاء:ها سونه شتكولين.
_هزيت راسي بمعنى اي
وانه مافاهمه شنو راد .
سليمه:هاي هيه باجر العصر
يوصل راضي وانته حضر امورك بعد .
علاء:اوك .
سليمه:بس نسيت اسالك الباشا
عنده علم لو شنو.
علاء:لا تخابرينه لحد مااجي والشيخ وياي .
_طلع حته ماالتفتت عليه
وخلصت اليل اعضعض بااديه
شبيج ياروحي ،،عليمن محتامه مو هو باعج هذا
ماحبج ولا راح يضحي بسليمه لخاطرج .وتنزل دموعي تببلل وجهه المخده .اجه ابوي وماصدك .
راضي:خابري خاف لليل يغير رايه.
سليمه:لا هو صاحب كلمه.
راضي:اي بس كليله يجيب المهر كامل .
سليمه:فلس ماتاخذ منه .
راضي:شعليج انتي وبعدين هيه شتسوي بي
ليش تخلصه حمرة وسوالف مال زعاطيط انه اضمه الها
_قطع حديثهم صوت الباب
انعصر كلبي ،،دخلت للغرفه واحس بروحي تنسحب مني رغم جان عقدي ويا بالكراج ورغم ماصارلي عرس ولابدله بس حسيت بفرح وانه بحضنه .اتقربت للشباك
دخل علاء كاشخ كل قوته شويه وبين الباشا الي عطره
سابقه ومله المكان وام طيبه ورا تكول هيه العروس .
راضي:اهلا وسهلا.
_ومثل الشيطان واولاده
كاعدين واحد يجذب عله الثاني
كام الباشا وهو يترخص عبالي يريد يطلع للحمام
التفتت عليه دخل ونفس الابتسامه بعيونه
كمت ،،اشرلي ابقي بمكانج.
الباشا:مرات الحقد يخليك
ترمي بنفسك للتهلكه.
_هزيت راسي بمعنى شنو .
الباشا:متاكده من قرارج ؟
_فرصه لكل وحده مثلي بهذا الشارع.
الباشا:هيج تشوفينها.
مو كتلج اوفرلج التردي وانطيج
الي يغنيج عن طلعتج .للمزارع.
_فرصه لكل وحده مثلي بهذا الشارع.
_وهاي بدايه اصير مالت
عاد زوجت افضل.وهم انته سبب
لان خوفهن منك وعداوتك ويه صاحبك
سهلت الامر.رفع راسه باوعلي دنكت.دك نقاله رد
وعينه عليه جان الصوت واضح وعرفت من المتصل
اسمه اسعد نهى مكالمته ودار منطيني ضهرة طلع
قفلت الباب وركضت للشباك عيوني تمطر هم جبال
عله صدري اشهك واكتم صوتي بجف ايدي بده الشيخ يحجي وهمه يستمعون لحد ماصاح .
45
الشيخ :سلاسل راضي هل انتي موافقه بالزواج من علاء .
لحظات صمت وانتضار الكل عيونه عله الشباك
لزمت دشداشتي عاصرتها من الجانب
رديت والخوف رجف حته صوتي ،،
لا شيخ غلطت بالاسم حضرتك
رفع راسه يباوعلي والتفت عليهم
الشيخ:بنتي مافهمت.
_ اسعد اسمه اسعد .
#يتبع
صباح جميل مشرق مثل وجوهكم
اتمنى تقرون بتركيز وتفهمون الغايه من طرحي لهل روايه
الي خيوطها متشابكه
وكل مانتقرب من النهايه نبدي بالغز جديد
الي حابين نكمل اكتبولي بالتعليقات
ملاحضه؛الي قارين روايتي السابقه
يعرفون سردي للقصص بدافع العبرة ومنها انو نحمد الله على حالنه احنه افضل من غيرنا بهواي
اول شي نعمة الاهل .
اما بالنسبه للبنات الي يسالن منو البطل وين البطل
ارجع واذكرم ايقونه في ميزان القاضي
كلكم حجيتو وبعدين حبيتو بطه روح الشيخه
وهسه هم اكلم انتو البطلات والنساء نصف المجتمع
والبطل يجي اول وتالي مثل بطه من جابت ابو الحكم .
شكرا لزيارتكم عالم روايات سكيرهوم
