رواية احببت من لا يراني الفصل الثامن و العشرون 28 والاخير بقلم سحر السحرتي

: طبعا يا قلبي انا مش عايز اكون غير معاكي 

:خلاص نتقابل عند مامتك واعرف قرارك و هبلغك بالطريقه  اللي تقدر تقف بيها جمب لمياء من غير جواز

:بس من غير ما نجرحها مش عايز حالتها تتدهور بسببي

:اكيد صحه المريض اهم خلي عندك ثقه فيا 

:كل الثقه يا حبيبتي .. طب ما ينفعش اجي اخد حضن يصبرني اليومين دول 

:هتيجي مشوار عشان حضن

:لا و كلمتين حلوين اصلي معاكي قلبت مراهق 

:طب يا مراهق كلها يومين عشان اوحشك

:هتوحشيني قوي لولا انك عايزه تستريحي و تطمني كنت رفضت اله-بل ده

: لازم تاخذ المراه على قد عقلها

:بس انا حبيبتي عقلها يوزن بلد 

:عارف الخدمه الوحيده اللي قدمتها لي لمياء من الحوار ده كله ايه

: ايه يا حبيبتي

: انك بقيت رومانسي وكل يوم تبعت لي بوكس ورد و شوكولاته غير لما جيت وانت مشتاق قوي ليا

:انا عارف اني كنت مقصر معاكي

:لا بعد اللي عشته اليومين دول انت طلعت كنت مقصر جدا هههههه 

:حقك علي اشوفك بعد يومين

:سلام يا حبيبي هتوحشني 

*في الموعد المحدد كانوا جميعا ينتظرون حضور ادهم ولمياء والتوتر يبدو على وجه سماء 

*حاولت سماح تهدئتها 

:في ايه يا سماء اهدي انت عارفه انه مش هيفرط فيك 

:برده قلقانه انا عشت فترة طويلة معتقدة أنه بيحبها وهيختارها

: اهدي كلنا شايفين حب ادهم لك  دلوقتي في عينيه وتصرفاته وانت بنفسك قلتي الفترة اللي فاتت حسيتي من مكالماته انه بيحبك ومش بيتاخر دقيقه عن معاد مكالمتكم ده دليل انه بيعشقك

: عندك حق انا ههدي نفسي اهدي يا سماء... اهدي يا سماء 

*رن جرس الباب ودخل ادهم وكانت لمياء تمسك يده محاوله منها لاثاره غض-ب سماء ... فاستعجب سلطان انها عادت 

:ازيك يا بابا وحشتني

فوزيه بح-دة :هي لمياء ماسكه ايدك كده ليه يا ادهم

:هنقعد و نشرح كل حاجه يا ماما 

: طب سيب ايديها على ما تشرح يا روح ماما 

*وبعد ان قص عليهم ما حدث وجد الحزن يسيطر على عمه 

:ما تزعلش يا عمي هتتعالج و تخف أن شاء الله 

:عشان خاطري خليك جنبها يا ادهم 

سماء :ادهم مش هيسيبها يا بابا اطمن ... لكن انا محتاجه اعرف قرارك في اللي طلبته يا ادهم 

فوزيه:طبعا هيختارك انت ام اولاده واحنا كلنا جنب لمياء ومش هنقصر معاها 

سلطان :كلام ايه ده يا ام ادهم طبعا هيختار لمياء ... انت يرضيك يا سماء ان اختك تمو-ت 

سماء :انا اللي من غير ادهم ممكن ام-وت .. وطبعا انت عايزه يختار لمياء اللي مش اختي على فكره ولا عمري حسيتها

:انت عندك ولادك انما هي لا زوج ولا اولاد

: وهو مين اللي عمل فيها كده ولا لسه مصدق ان انا خط-فته منها 

:غلطت هنعلق لها المش-نقه ودلوقتي مريضه وممكن تم-وت 

:لا يا بابا بس من حقي اختار اكمل او لا

: خلاص انت حره في اختيارك اتحملي المسؤولية ما تضغطيش على ادهم 

*ص-دمت سماء من كلامه 

: يعني ايه كلامك ده 

:يعني لو طالبه الطلاق هخلي ادهم يوافق وده يكون اختيارك انت

ادهم :بس يا عمي انا هختار سماء انا ما اقدرش اعيش من غيرها

:ولمياء يا ادهم هتطلقها 

:سماء وعدتني انها هتوافق اني اقف جنبها في جميع الحالات

:بس سماء رافضه تبقى لمياء ضرتها

: حقها واظن ما حدش يقدر يجبرها تتنازل

:انا عمك اللي ربيتك تعمل مع بنتي كده 

فوزيه :انت ربيته اه وهو عمل بأصله معاك وعمل كثير كمان اكثر من اللي ولادك عملوه ... واظن فاكر اللي بنتك عملته فيه خليته فرجه للناس لما كان معلم كبير اظن كفايه كده مش مطلوب منه يخرب بيته عشان يرد جميلك .... حتى سماء شالتك وانت مريض اكثر من بنتك ولا نسيت  ....ودلوقتي بتتعامل معاها كزوج ام 

:لا انا بتعامل كأب له بنتين واحده حظها احسن من الثانيه

:هي مين دي اللي حظها احسن من الثانيه دي لمياء دي واحده جب-روت بهدلت سماء وعملت فيها كتير ما تغالطش نفسك ... انت عايز مصلحه بنتك انا كمان هقف مع مصلحه ابني وبنتي إذا انت نفضت ايدك من مسؤولية سماء فأنا بعتبرها بنتي وهشيل مسؤوليتها

ادهم :اهدي يا ماما انا خلاص قررت 

سماء :وعشان ضميرك يستريح احب اقول لك ان لمياء كدا-به والتحاليل و الاشعه دي مزوره 

لمياء : انت اللي كد-ابه بتقولي كده عشان يسيبني ... لو عايزه نعيد التحاليل موافقه

: اصل لو التحاليل دي صحيحه يبقى ما فيش غير احتمال واحد انك بنت ح-رام ... فتحبي تطلعي ك-دابه ولا تطلعي  بنت ح-رام 

ادهم : يعني ايه كلامك ده دي اعراض يا سماء

:اتفضل الاشعه والتحاليل اللي كانت في الفيلا لواحده فصيله دمها لا تمط بصله لفصيله دم المعلم سلطان وانا عارفه فصيله دمه كويس طبعا لما كنت هتبرع له يبقى ده معناه ايه 

*نظر ادهم بغض-ب للمياء وعليها ان تفسر ما حدث فتوترت

: انا ... انا... ما اعرفش يمكن غلطوا وادوني تحاليل غلط 

فوزيه :شفت يا معلم سلطان الى الان ابني ما سلمش من اذيه بنتك عايزه تخ-رب بيته وبتدعي ان هي مريضه

سماء : لا يا طنط ما هي للاسف فعلا طلعت مريضه الك-ذبه اتقلبت حقيقه والتحاليل الحقيقيه انا وصلت لها هي ما كلفتش خاطرها تبص فيها لكن انا بصيت ومن كرم اخلاقي حجزت لها في المستشفى واول علاج كيماوي بكره و هزود من كرمي و اسيب لك جوزي يروح معاكي ... وبعد الجلسه ادهم يطلقك عشان يقف جنبك كزوج وبعد كده هيبقى بس ابن عمك 

لمياء : انت كذ-ابه انا مش مريضه

:مش انت دكتوره اتفضلي انا خليت حمايا بعت تحاليلك من باره 

سلطان :سماء ارجوكي انت بنتي بلاش تعملي في لمياء كده سبيها متجوزة ادهم 

*ردت بحزم 

:اسفه يا معلم سلطان انت بقيت بالنسبه لي عم جوزي وكنت جوز امي لانك اخترتها وفضلتها علي اكثر من مره وانا سامحت كتير وبعد اللي حصل بطلت اسامح في حقي وادهم ده حقي وبما أنه اختارني مش هفرط فيه .... انا داخله اشوف الاولاد خليك مع عمك يا ادهم

بقلمي سحر السحرتي 

*اسرع خلفها ولم يهتم بامر احد غيرها فهو يعلم انها ستبكي من ظ-لم عمه المستمر 

*دخل واخذها داخل حضنه 

:انا معاكي سيبك من الدنيا كلها 

:للمره الكام يختارها طول عمره كان حنين معايا وعوضني عن الاب اللي ما شفتوش غير مره واحده عشان كان طمعان في دهب امي .... الحياه قاس-يه قوي يا ادهم لامتى ... انا اتحرمت من حاجات كتير وهو يقول حظي احسن من حظها ازاي قولي بإمارة ايه 

:انا معاكي دلوقتي وده المهم وهعوضك عن الاب والاخ وكل الدنيا 

:بجد يا ادهم اخترتني من قلبك 

:الدليل اني سبتهم كلهم بره وجيت وراكي اخدك في حضني عشان عارفك و حافظك ... بس ليه ما صارحتنيش ان لمياء بتك-ذب

:عشان اقفل الباب ده وما تفتحوش ثاني ولسه محضره لها بكره حاجه تأدبها انا مش هسيب حقي بعد كده

: انت ناويه تعملي ايه 

:خليك بعيد عن اللي هعمله و اعرفه زيك زيهم بس ناوية اعلمها درس عمرها 

*في اليوم التالي ذهبت لمياء بصحبه ادهم للعلاج في المستشفى التي اختارتها سماء كانت منك-سرة ومهمومة

*بعد جلسه العلاج توجه ادهم الى منزل العائله كما اتفقت معه سماء 

*حضرت سماح هذا التجمع لترى ما ستفعله سماء 

*كانت لمياء تجلس حزينه مكس-وره بسبب مرضها فتحدثت سماء

:احب اقول لكم خبر سعيد 

فوزيه :خير يا بنتي حامل ما هي دي الاخبار اللي تفرح

:لا يا طنط لمياء طلعت مش تعبانه ... بس انا حبيت اديها درس تفكر بعد كده قبل ما تك-ذب لان ممكن ينقلب السحر على الساحر 

*ص-دمت لمياء وث-ارت بغض-ب عارم

: ايه مش تعبانه و خلتيني اخذ جلسه كيماوي غلط 

:انت دكتوره وعارفه ان جلسه واحده ما تأثرش على الانسان زي امي اللي كانت حامل وعادي تعمل عمليه 

:انت بتس-تهبلي ازاي ما تأثرش انا هوديك في داهيه انت واللي ساعدوك في المستشفى و هحب-سك 

:هو انت لما قت-لتي امي انا حب-ستك ... غير ان ما فيش دليل اني عملت كده ... انت ناسيه انك موقعه على اوراق وانت داخله المستشفى بتعفيهم  من اي مسؤوليه ... وزي ما قلتي زمان مين هيشهد معاك لا جوزي ولا حماتي حبيبتي ولا سماح

:انت انسانه منح-له و مريضه 

:هو اللي ياخذ حقه دلوقتي بقى من-حل ومريض في نظرك ... عموما انت ما اخذتيش كيماوي ده كان محلول فيتامين مغذي مش كل الناس في اخلاقك ... بس حبيت اعرفك ان كان ممكن تاخدي جزائك واني مش هسكت مره ثانيه لو فكرتي تقربي من بيتي وجوزي فاهمه لان العلقة اللي بض-ربها لك مش كافية عشان تبعدي

*رن جرس الباب 

: افتح يا ادهم ده المأذون عشان تطلق طلقة أبدية و هدومك يا أبلة هتلاقيها في شقة ابوكي لان الفيلا اللي كنت قاعده فيها هتقعد فيها طنط وسماح عشان يبقوا قريبين مننا اصلنا عيلة بتحب بعضها ... انت بقى تقعدي هنا و تهتمي بأبوكي زي ما فهمتيه

:وانت بقى اللي هتنظمي لي حياتي

:لا انا بقترح عليك بعد ما اتط-ردتي من شغلك بره و اطلقتي كمان ... فحاولي تعدلي من سلوكك و تكفري عن اخطائك ... اصل حمايا يا حبيبي جاب لي كل المعلومات عنك وانا قاعده في مكاني وحاطة رجل على رجل ... اه صحيح بيقول لك ما تفكريش تسافري عنده ثاني لانه مش هيستقبلك مراته رافضه حتى تلمحك عملتي ايه فيها هي كمان خليتي الست هتطق منك ... دى احنا مصريين مستحملينك بالعافيه حتى الأجنبية ما سبتيهاش ... اسفه يا طنط عارفه انك مش بتحبي تسمعي عنها 

: ولا يهمك يا حبيبتي انا جهزت الشنط يلا عشان نمشي 

سلطان :هتسيبوني لوحدي

فوزيه : ماهي بنتك معاك يا معلم والولاد هيزروك من وقت للتاني بس انا محتاجه اكون جنب احفادي

سلطان : سماء خديني معاكم يا بنتي عارف اني غلطت بس انا اب ومهما يحصل من ولاده بيسامح انت عندك اطفال دلوقتي و هتقدري كلامي

: حاضر يا عمي هدخل اوضب شنطتك وتنورنا في الفيلا بتاعتنا

:مش هتقولي بابا وتسامحيني

:خليها للايام

لمياء : انت هتسيبني يا بابا هنا لوحدي

 :انت اللي عملت في نفسك كده وياما سبتيني لوحدي ... انت كبيره بما فيه الكفايه تقدري تشيلي مسؤوليه نفسك كل مرة اسامحك تعملي غلطة اكبر من اللي قبلها

*دخل ادهم خلف سماء وهي توضب حقيبه سلطان 

*امسك يدها وقبلها

: متشكر انك قبلتي عمي يعيش معانا ده جميل عمري ما هنساه

: مهما عمل مقدرش انسى جميله عليا رباني وعلمني حتى لما سافر للعلاج كتب الشقة باسمي يبقى من غلطة أو اثنين امسح ده كله انا مش قليلة الأصل انا زعلت منه بس لانه ما كانش عادل معايا

: انا محظوظ بك

*قبلها قبلة عرفان وحب فابعدته

: ادهم اتلم حد يدخل علينا

: خلاص لما نروح هشكرك بذمة

*احتضنته بقوة 

: وجودك في حياتي اكبر شكر اوعي تسيبني 

:انا هموت وانت مراتي 

*وضعت يدها على فمه وهي تبكي 

: بلاش الكلمة دي ارجوك 

: مالك فيها ايه مش فاهم 

: كريم قالهالي قبل ما يم-وت بيوم واحد ومن يومها وانا بخ-اف منها

: ربنا كرمنا ببعض اكيد هيرزقنا بسنين كثير حلوة نعيشها سوا

: يا رب يا حبيبي 

: خلصي بسرعه بيتنا وحشني 

*انصرف الجميع وتركوا لمياء وحيده

بقلمي سحر السحرتي 

*لم تجد عمل بداخل اي مستشفى فهي لا تحمل شهاده خبره ففتحت عياده في منزل العائله وكانت اسعارها رمزيه 

*بدات لمياء في التغيير فقد شعرت بمعاناه الناس الغلابه 

*كانت دائمه الزياره لوالدها ومشاهده سعادته مع ادهم و اطفاله 

*عندما تزورهم كانت سماء تظل داخل المنزل طوال فتره زيارتها لكنها لم تمنع اطفالها عنها وكانوا ينادونها عمتو لومي

*عشقت لمياء الاطفال وغمرتهم بالحب 

*عادت الحياه كسابق عهدها بين ادهم وسماء ولكن العلاقه قد اصبحت اقوى بعد احساس ادهم بالذنب انه ظلم-ها فبدا في تعويضها بطرق مختلفة 

*تمت دعوه لمياء في احد التجمعات العائليه داخل مزرعه النعام الخاصه بسماء وعمار بعد سنتين مما حدث فقد شعرت سماء انها تغيرت فعلا 

*حاولت لمياء التقرب من سماء فرحبت لكنها كانت حذرة لم تعطها الامان الكامل 

*تعرفت لمياء على دكتور مشرف في المزرعه وبدأت مشاعرها في الانجذاب باتجاهه

*لاحظت سماء ذلك فكانت تدعوها بشكل مستمر الى ان اعترف لها بحبه ولكنه ارمل ولديه طفله ... فرحبت لمياء  لتعوض حرمانها من الامومه 

*كانت حنونة جدا على طفلته واحبتها كثيرا 

*تزوجت لمياء هذه المرة عن حب واقتناع وبدأت في تحمل المسؤولية بشكل جدي

*في اول يوم من رمضان اجتمعت العائلة عند ادهم كما كانوا يفعلون عند سلطان فقد اصرت سماء الا تقطع هذه العادة ليتعود اطفالها على التجمع العائلي الرائع 

سماح: رمضان اللي جاي عندي 

سماء: لا كل اول يوم في رمضان عند كبير العيلة المعلم سلطان وبعد عمر طويل المعلم ادهم 

ادهم: ياااه من زمان ما سمعتش معلم ادهم دي

سماح: ليه يا غلسة مرة عندك ومرة عندي 

سماء: لا اعزمينا عندك في اي يوم بس اول يوم ليا انا حجزته من زمان ... وبعدين انت عايزة تفهميني انك هتقومي بالعزومة لوحدك 

: وانت روحتي فين انا هغير البيت انما الشيف واحد

*ضحك الجميع وكانت من اجمل اللحظات عند اجتماعهم 

*ذات مره وهم في التجمع في المزرعة سمع ادهم سماء تص-رخ 

 :انت يا عنتر الكلب يلا عشان نروح 

*لم يستجب عنتر وجلس ولم يتحرك

: في ايه يا سماء صوتك عالي 

:الكلب ابن بسبوسه ده مش عايز يروح معانا

:طب ما تكشفي عليه يمكن تعبان 

:لا يا سيدي انا كنت مفكره انه بيجي معانا يغير جو اتاريه اتلم على كلبه زيه و الهانم ولدت وعايز يفضل جنبها 

*ضحك ادهم بطريقه هستيريه فامسكت بحجر صغير و قذف-ته عليه بغ-يظ 

 :اي ... انت عاملاها مشكله راجل وعايز يقعد جنب عيلته 

:انت عارف مش بعرف استغنى عنه ومش هينفع اخدهم كلهم

:خلاص سيبيه دي سنه الحياه ابنك كبر وعمل اسره 

*وظل يضحك

 :انت بتهزر طب عقابا لك هاخدهم الفيلا بقى واقلبها مزرعه كلاب 

:طب ما تجيبيهم هي ولدت كام يعني 

:ارنبه يا سيدي جابت خمسه

: لا خليهم سبع كلاب البيت فعلا هيبقى مزرعه كلاب... بسيطه مش انت بتيجي ثلاث ايام في الاسبوع ابقي شوفيه ... ونبقى ناخد حد من عياله نربيه مكانه في البيت أما يكبر شويه 

*بدأت في البكاء 

:بس انا بحبه قوي

*احتضنها :دي سنه الحياه افرحي له هو ياما وقف جنبك 

*اشارت لعنتر ان ياتي و احتضنته 

:هتوحشني يا كلب خلي بالك من نفسك 

*تفاجأت  بادهم يحملها بين يديه 

:تعالي ندخل جوه اصالحك وافهم منك بتحبي مين فينا اكثر لاحسن انا بقيت بغير منه 

*التفتت يدها حول رقبته 

:اكيد انت طبعا بس بالراحه عشان الحمل بقى متعب 

: صحيح الواد اللي جوة ده مش عايز ينزل بقى

: شكله بيعند مع بنت سماح ومحدش فيهم عايز ينزل الاول

:سيبك يجي براحته ...زمان كنت بتقولي احببت من لا يراني

 :لا خلاص ده كان زمان دلوقتي  ...احببت من لا يرى سواي 

*غابا في قبله طويله لتستمر الحياه كل منهم يعلم قيمه الاخر ويقدر حبه 

تمت