رواية اغفري لي الفصل التاسع والعشرون بقلم أوتار حزينة
طلعت من الغرفه رحت للمطبخ
وكفت وگلبي هبط من سمعت رانيه
كالت
«،،،،عرفت والله كوثر راح تتطلك من وره
لسانها
هوسه صارت بالمجلس والحجي يصيح رجعت
لغرفتي وكفت يم الباب شفت بيبي وعمه راحن علي رانيه طلعت شافتني وكالت
«،،،تعالي خلي نشوف هاي شمسويه حتى
تتطلك وهي ماصارلها سنه من
ازوجت
مشيت وياها وكفنا يم الباب عمو مهدي
سال
««««وليش صاحب طلگها
ابوها رد بعصبيه
««،،طالبه من فلوس ومو راضي ينطيها ومجاتله
ويا وطاگها من وره هالسالفه وهاي
مو اول مره يسويها اكثر من
مره يطگها وتجي زعلانه
الحجي جاوبه
««،،بنتك جاسره على الولد وابوه ياصالح وكايله
انه لو ادري انت فگر ابن فگر جان مااخذتك
واخذت حمزه ابن عمي
رانيه فگت عيونها وباوعت عليه كالت
«،،،عزه العزاج شلون حجت هالكلام جدام
زلمتها
اخوها قاسم كال بعصبيه
«،،،،غير داس بطنها وجسرت علي وحجت
هالكلام
«،،،بله صدك تحجي
حمزه نتر وكمل
«،،،يعني عادي عندك حرمتك تصيح على
ابوك وعليك وتجسر وتعيرك بواحد
ثاني
حمزة
ابن عمي سكت كملت بغضب
«،،ها اشوفنك سكتت وبعدين هي شلون اجيب
سيرتي وانه تزوجت وهي
هم صارت بذمته مو عيب
عليها مااستحت تحجي
هيج جدامه
«،،،مدري انه ماقبلت الها السوته لچن هو هم
تسرع وطلگها شنهي جانت
كاعده عاريه عنده
عاينت لعمي وكلت
«،،،،عم انه مو اخذتك لزلمتها وكعدنا
ويا وگلك هي ماتحترمه لا هو
ولا اهله وكلت جدامه
اذا عادتها راح
تكسر راسها
سكتت انتظره يرد ماحجه شي انه كملت
«،،،وكلك انه زلمه جنت العب بالفلوس لعب
لچن الحال تبدل والماده صارت قليله
وهم كال هو مو مقصر وياها
بشي لچن كلشي اله
حد
رد علي
«،،،وحجيت ومافاد بيهم لهل العرمه الكلام
وماجازت الا انهجم بيتها وعگبت
النا بسواد الوجهه
وهسه انه مااعرف شاسوي
وشلون راح اعگبها اله
وهو طلگها
جدي حجه
«،،،مهدي شور عليه انت وحمزه
جاوبته
«،،هسه الحديده حاميه من وره سالفتها
وجسرتها علي وعلى ابوه خلو
يهدأ جم يوم واكعدو ويا
ويا
عمو مهدي كمل
«،،،،اي خلو النفوس تهدأ ونحجي ويا
هو اكيد راح يتندم لان تسرع بطلاگها
«،،،،وانت ماتكعد ويانا
عمه صالح ساله جاوب بغضب
«،،،لا عم انه مااكعد ولا ادخل روحي بهل السالفه
مادام جابت اسمي يم زلمتها واسمعها
مني لو انه مچانه لصاحب وحرمتي
اجيب طاري زلمه غيري
وحگ هو الله الا
اخلي چيله براسها
واسگنها الكبور
غاده
سمعته شحجه
واجه بالي من جبت اسم،،،معتصم كدامه
شلون تخبل عليه وصار فد مره
رجعت للغرفه طبيت وسديت
الباب ظليت اروح واجي مااعرف ليش توترت
وروحي اختنكت ولا ليش خفت من
هالشي معدتي كامت توجعني
هي وبطني كعدت اريد
اهدي روحي ماكدرت
خفت من طلاك هااي وكلت رجعت كدام عيونه
واكيد هسه راح ياخذها لان جان يحبها
ورايدها الباب انفتح هو
طب مبين علي الغضب
وعاكد حواجبه
حمزة
سمعت الصاير بنت عمي وماتفاجأت لان من
گلتي على سالفتها ويا رحت اله
وحجالي شمسويه بي
هو واهله
لاعبه بيهم فلك وماتحترم لا ابوه ولا امه وتطلب
هوايه هو صح جان عنده وحاله تبدل لچن مو مقصر وياها بشي ويجيبلها الي تريده ومو راضيه عليه وتنقص من قدره جدام اهله والناس
عمامي كامو وطلعو من يمنا مشيت ضايج من هالكلبه الي جابت سيرتي يم صاحب وهو
صديق ومن العمام وعيب بحگها
وحگنا تنحجي هالسالفه
جدامه
عاينت،،،،للمطبخ
ادور غاده ماهيه رحت للغرفه طبيت
شفتها مو على بعضها سالت
«،،،هاي شبيج يوجعج شي
«،،،،لاا
صوتها من ردت طلع مخنوك وانتبهت الوجه
صاير دم وتجنب تعاين عليه كعدت
يمها كلت
«،،،لچن انه اشوفنج تعبانه ومالج خلگ
«،،،مابيه شي
صفنت عليها لا رفعت راسها ولا خلت عيونها
بعيوني سالت
«،،غاثج احد
«،،،لاا
جاوبت بصعوبه كلت
،،،بويه شبيج تره انه اعرفج مو على بعضج
احجيلي يوجعج شي احد غاثج
ضايجه من شي
«،،،تعبانه شويه
«،،،اوديج دكتوره
«،،،لااا مايحتاج
«،،«اكيد غاده
««،،اي حمزة
جاوبت عمه طبت كالت بضوجه
«،،شفتها لهاي المگموعه بنت برنو ماسكتت
الا هجمت بيتها
«،،،طووبها طوبه من ايدها مااحترمت زلمتها
واهله
«،،،،تربيه برنو بعد لا ولد بيهم خير ولا بنات
وهذا عبيس شوفه لا يلفي ولا
يكعد بيت دايح باربيل
ومن تحجي بيهم
اطلعهم اولياء
صالحين
«،،،اي واخوج هم ماعرف يربي
جاوبتها وكملت
،،،،الي يجي من ايده الله يزيده خلي تفيدها
كويتها هسه زلمتها وطلگها ومااظن
يعكبها بعد وها شوفي السيره مالتها راح
تصير على كل لسان وبعد منو يجي
عليها وياخذها ويلفيها بيته عگب
مايعرفون هي شمسويه
بيت ابو صاحب
حجيت هيج وشفت غاده تعاين عليه
والعيون مغورگه نزلت
راسها بسرعه
عمه اجت ليمها سالت
«،،،،غاده بيج شي
«،،،تعبانه ومالها خلك
«،،،ها يمه مو كتلج ماعليج بشغل الغرفه راح
تتعبين من الوكفه وهاج شوفي بين
عليج هسه
«،،،مابيه شي هسه وره العشه اخذ دوه
واصير زينه
«،،،اي تعشي واشربي دواج
واستري علينا انتي مابقالج غير
شهر وتذبين حملج
عمه حجت وكملت
«،،،ظلي هينه هسه اجيب الكم العشه
«،،،تمام عمه
جاوبت طلعت من يمنا كمت وكلت
«،،مددي رجليج وارتاحي
مددت رجلها
عقجت وجهها وگضت بطنها
سالت بسرعه
«،،،هاي شبيج
«،،،،هاا ماا
سكتت وغدت دم انتبهت على بطنها تتحرك
گلبي فز وكلت
««،،شنو عندج ولاده
«،،،لاا
«،،،چا شكاعد يصير بيج
«،،هووو يعني جاي يتحرك
ردت بخجل وغطت روحها اشوفنها تعقج وجهها كل مشوار ردت اخلي ايدي على ابني
احس بحركته لچن ماكدرت
اسوي هالشي كلت
بتردد
«،،جاي تتأذين منه موو
«،،،لااا
عيوني ظلت عليها وهي منزله راسها من
طولت رفعته والعيون التقت
كلت مبتسم
«،،،بس لا يطلع ابني وكح مثلي
غاده
جنا يوميا نكعد سوه نتعشه ونحجي ونضحك
بس من كمت احس بهل المشاعر كلشي
تخربط عندي توترت من قربه
وحسيت بروحي كمت
مااعرف افكر ولا
شلون اجاوبه
سكتت من كال ابني راح يطلع
علي وكح بالي كله يم كوثر تطلگت واعرفه
يحبها ويريدها ورغم الحجاه كدامي
كلت اكيد هسه راح
ياخذها
الباب اندك طبت عمه شايله
الصينيه هو كام
كمت اخذها منها بيبي طبت وياها رانيه
هم حجن عليه لان تحرگت هوايه
بهل كم يوم طلعن من يمنا
وظلينا وحدنا
كال
«،،،يله بويه تعشي واخذي دوه وتمددي
حمزه
حجيت هيج وشفتها ماتكدر اكلها
صارله جم يوم مو تمام ولا جاي تسولف وياي
غير قليل غسلت
وشربت دواها
وكالت
«،،اريد انام
عفتها ورحت كعدت يم جدي وجعفر
سال
«،،ها شلونها ام علي هسه
««،مالها خلگ وتعبانه
جدي كال
«،،لاتخليها تتعب لايروح ضناك
ابتسمت لان رجع يمنا وتغير شويه من يمها
مو مثل قبل يحجي وضايج منها
جعفر سال
«،،،شراح نسوي بسالفه هاي العرمه
«،،،مااظن زلمتها راح يعگبها لان داست بطنه
بسالفه حمزه
جدي جاوبه وكمل
«««الزلمه كلشي يقبل من حرمته الا من تكعد
تقارنه بزلمه ثاني يتخبل ويكوم
يكرهها
اسمع الحجي وبالي يم غيده ماعجبني
وضعها هالايام لان شفتها رجعت تحجي
وياي قليل وتجنب تخلي عيونها
بعيوني اجه براسي طلاك
كوثر وكلت خاف من
وره هالشي هي
تغيرت لان عرفت بيه جنت اريدنها
بس لا هي قبل هالشي تغيرت
كلت يجوز من وره الحمل
جنات
عبالي الي صار بيني وبين كريم راح
يعرفون بي الموظفين لان عمو جمعه اجه
هو والامن وشافوا يمي واكيد
سمعو من كام يصيح
هو واستاذ ارشد
بس من دوامت ثاني يوم ماحسيت احد
عرف بالصار الشي عادي حتى
عمو جمعه تصرف طبيعي
وياي
واستاذ ارشد مادز عليه ولا حجه شي اني
هم ماحجيت الصار لاسماء لان تعبت من الحجي
بهل الموضوع الي مانشفت دموعي من
وراه
كاعده بالدوام وصافنه على كوب الجاي افكر بحالي والجرح الي خلاه كريم بيه جان كلش جبير لان غدرني مرتين مره من ازوج عليه بدون ماادري ومره اللخ من اخذ بيتي مني
وهو اصلا مو بحاله لان يكدر
يشتري غيره بس عرفته سوه هيج
حتى يحرگ گلبي لان
خلعته وتطلگت منه
هالشي خلاني اكرهه بعد اكثر واحقد علي
اختي كالت ارفعي علي دعوه
واحنا شهود علي بس
شيفيد والبيت هو
مسجل باسمه
ذبيت حسره اسماء كالت
«،،شسويتي على بيتج
«،،،،مااكدر كلشي اسوي لان البيت باسمه
صفنت عليه بقهر وكالت
««،مااريد الومج لان البيج مكفيج
«،،اي وقهري راح يگتلني اسماء اني هيج
يسوي بيه يروح يزوج عليه من ورايه وفوكاها
ياخذ بيتي الي هو يعرف اني لحد هسه
ادفع اقساطه من راتبي
عم جمعه طب كال
«،،،ست جنات استاذ ارشد يريدج ويكول
خلي تجييب وياها ملفات الجرد
حجه هيج وطلع اسماء كالت
«،،،،ست بهيجه مجازه اليوم ولازم انتي تاخذيهن
لان انتي وياها اشتغلتو بيهن
خجلت اروح اله من وره الصار بس
كمت وكلت
«،،،تمام
اخذت الملفات ورحت لغرفته السكرتير
فتح الباب وگلي
«،،،تفضلي ست
طبيت جان كاعد ملتهي يقره بملف
سلمت
«،،،صباح الخير استاذ
«،،،صباح النور تفضلي
اشر على كرسي بدون مايباوع عليه كعدت
اتجنب النظر اله وره لحظه كال
«،،الملف وصلني على الحاسبه بس ردت ادقق
الورق لان ردت اتاكد من كلشي
يله اسلم الجرد للوزاره
«،،،اي استاذ
كمت وخليت الملفات كدامه وظليت
واكفه ردد من فتح اول ملف
«،،،تفضلي اكعدي
رجعت كعدت كال
«،،،هاي الملفات كامله مو
«،،،،،اي استاذ
«،،،هاي شنو
اشر بقلمه كمت باوعت وين يأشر جاوبته
«،،،هاي اخر هذا الشهر صار عدنا فائض
وحولنا على الفرع الثاني وانت
كلت حولو ووقعت بهل
الشي
سكت يدقق بالورق ويباوع للحاسبه
ظليت واكفه اباوع ويا
على الشاشه
شفت الامر خليت ايدي علي
وكتله
«،،،هذا استاذ شوفه
ماجاوب درت وجهي علي صافن عليه
وخرت من الميز وعبالي سويت
شي غلط هو كال
«،،،اي شفته
وقع كم ورقه وسأل كم سؤال من كملنا
كمت وكتله
«،،اترخص استاذ
«،،،تفضلي
مشيت كم خطوه كال
«،،،لحظه
وكفت انداريت تردد سألت
«،،اكو شي استاذ
«،،لا تفضلي ست
ارشد
طلعت من يمي وظليت صافن على الباب
اذكر اول مره شفتها بيها جنت
رايح للمدير مالتهم
بشغل
طبيت للبنك مشيت كم خطوه
وشفتها واكفه تحجي وي بنيه وتضحك
بوكتها جانت سافره مو محجبه
اسرت عيوني وخلتني
بس صافن
عليها لان شفتها كلش حلوه والاحلى
الضحكه
مشت والعيون تتبعت طولها وانتبهت مو
بس اني الي جنت ادحك الها
باعجاب لا اكثر من
واحد جان صافن
عليها
جنت اسمع ناس عشگت من اول نظره
وطلع صدك لان اني من اول
نظره گلبي عشگها وحبتها
عيوني
سالت ،،،،عليها وعرفت هي
مو بس حلوه لا هم ثكيله وشايله
اخلاق الكل تحمد بيها
دزيت عمتي وامي على اهلها وانتظرت تجيني
الموافقه وكلت راح توافق لان
اني ابن ناس معروفه
بعقوبه وابويه شيخ
فخذ
بس الي صار هي رفضت وهم دزيت شيوخ
عليها وناس كبار وهم ماقبلت
ابويه كام يحجي لان
انرفضت مرتين
وشافها صعبه علينا مرتين نروح عليهم
ونسمع نفس الكلام
سحبت روحي بس گلبي ظل يحبها وظليت
اتبع اخبارها من بعيد لبعيد
وبيوم تفاجأت هي ازوجت
وهالشي قهرني كلش لان صارت لغيري
واني جنت اريدها اليه وضجت منها لان فضلت
واحد عليه واني احسن منه بجثير
الايام مشت بيه وازوجت بنت خالي وخلفت
ولد وبنيه بس كل فتره جانت تجي
بالي واشوفها بين عيوني
وجابها القدر كدامي مره ثانيه من انتقلت
هنا وعرفتها وتصرفت وياها
بجفاء من سويت
هيج عرفت
قهرها بعده بگلبي وبعدني احبها وعرفت بذاك
اليوم هي تطلگت ورجلها طلع
واحد خاين وغدرها من
ازوج عليها وطلعت الخاتون ماخذه
بيت بقرض ومسجلته باسمه
ذبيت حسره ورثت جگاره وسحبت نفس
طويل دحكت للدخان وكلت
«،،،خايف يولي لا هم اتقدم عليج وترفضيني
مره ثالثه
گلبي جان يريدها بس كرامتي ادگلي لاا راح
ترفضك مثل الاول وتخليك بنفس
الموقف
كمت ورحت وكفت يم الشباج اذكر من رجعت
داومت بعد اجازه طويله شفتها
وتفاجأت بشكلها
مثل وردة وذبلت بلحظه لان شفتها ضعفانه
كلش والتعب والحزن مبين ذاك
بعيونها وملامح وجهها
وعرفت سبب هالحزن من سمعت السمعته
حجيت
«،،،لو قابله بيه بذاك اليوم جان لا هذا
حالج ولا ااني هذاا
سكتت وجرح گلبي ون بوجع ماطاب ولا
راح يطيب ابد
ليلى
من صار عندي حمل كمت احب ريحه
قائد بشكل عجيب هو اني احبه واموت علي
واحب ريحته بس الصار هو ادمان
مو طبيعي وهالشي هو
فرح بي كلش نايمه يمه
شميته بنفس طويل
وكلت
«،،،ريحتك تموت
«،،،هههه اي غير عطر بورقه
«،،،لاا ريحتك انت مو العطر
رجعت شميته وكلت
«،،اموت بريحتك
«،،،واني هم اموت بيج
جاوبني وكام يبوس بيه ضحكت
وكتله
«،،،لحظه وحده
«،،،ههه اخذي لحظات
خربت ضحك صفن بعيوني غمز وسال
بعيون تضحك
«،،،،تذكرين
«،،،،ههه اي
العيون التقت والابتسامه
انرسمت بالملامح تحجي فرحتنا
سوه
باسني من عيوني بهداوه وكال
«،،،مدري الله شخله بيج من اشوفج روحي
ترتاح واحس كلشي يطيب
بيه
جاوبته ضايعه بحبه ووجوده يمي
«،،،خله روحي بروحك والگلب صار
واحد يدك نفس الدگه
ويحجي ويكول
حبنا باقي
للابد
ضاع وضيعني ويا لحد هاي اللحظه اني
مو مصدكه اني ويا ازوجنا وراح يصير عدنا
طفل غافي وصافنه علي اذكر
عركاتنا قبل وابتسم
اذكرت من
عمو غانم،،،،،عزمنا على زواج اخوه
جان بالگاع مالتهم ماقبل اطلع لبره وخنگني
خنك عاندته وطلعت
وكفت ويا البنات
اباوع للدبكه
شافني خزرني اشر براسه طبي جوه
تجاهلته وظليت واكفه مكاني
شفته مشى مسافه
جهازي دك
هو
مادرت بال رجع اتصل هم مافتحت خط
اجت رساله گلبي فز من الخوف
من قريت
«،،،طبي جوووه لا اجي اسحلج من عطوبج
كدام الكل واسوي فضيحه كشره
كلت ماراح يسويها جاوبته
بتحدي
«،،،،تكدر موو قائد
«،،،اي اكدر واسويها ولج اذا ظليتي
واكفه والعيون عليج
صدك جان اكو كم واحد من اقربائهم
اكلوني بعيونهم مادرت بال
كتبت اريد استفزه
«،،مااريد اطب وشتريد تسوي سوي
مادز شي من بعيد شفته جاي باتجاهي
والخلقه مگلوبه گلبي هبط
وكلت راح يسويها من
صدك
مشيت بسرعه ردت اطب للبيت صارت هوسه
يم الباب ونسوان سدن الطريق
عليه انهزمت لوره البيت
مشيت مسافه
صاح من شاف
ماكو احد
«،،اااكفي ليلى ووج ااكفي مو جاي احجي
وياج
مادرت بال لصياحه ولا لغضبه باوعت ليوره
جاي عليه يمشي بسرعه والغضب
تارس ملامحه ويخزر بيه
من خوفي منه انثولت وومااحس غير رجلي
تلتوي بحفره واوكع على وجهي
عطت من الالم وصل ليمي وشالني
بخفه وكال
«،،حيل وابو زايد بيج هاااي حوبتي بيج
اجعلج بالكسر الما دكومين منه
دفعته بغضب وصحت بي
«،،،عووفني لاتلزمني
رجعت ليوره ابجي من وجع رجلي هو تقدم
الغضب بوجهه وكال
«،،،يولي اني شوكت مااريد اكضبج لان
انتي حلالي
وصدك صرت حلاله والله جبر خاطري وخاطره
ورجعنا سوه
«،،،،هاي اني هيج حلو وصارلج ساعه صافنه
بوجهي
«««هههه لا مو حلو بس ريحتك حلوه
شميته للمره الالف حظني وكال
يضحك
««،منا الما اجيبين هالزعطوط اني خلصان
ومنتهي
««،،يعني ماتريد اشمك
جاوبته بزعل ضحك ورد
«««لا شمي يابه اني وين لاكيها اصلا اطرب
على هالشي
«،،هههه لعد اسكت ولا تظل تتعزز عليه
«،،،عبالك اني جاي اتعنف هالايام
خربت ضحك سند راسه على ايده صفن
عليه بنظراته الحلوه كمل
«،،،صايره مستبده ياشريان گلبي
ابتسمت وسالت
««،،بعدك تسمع كاظم الساهر
«،،اي نعم
««،،وجي فاير هم
«،،،اي موديلي قديم شاسوي
اذكرت من جنا نحجي اني ويا اسمع
كاظم يمه وهو يغني ويا سالته
«،،،تذكر من جنت تغني وي كاظم
««،،اي وجنتي تعيبين على صوتي
«،،هههه
خربت ضحك كمل مبتسم
«،،،،بس مو صوجج صوجي اني الجنت اريد اعيشج بجو رومنسي
بصعوبه سكتت مسحت دموعي جاوبته
«،،تريد الصراحه
«،،،لااا
هم ضحكت هو كمل
«،،،اعرف شتريدين تحجين واسكتي
واستري على روحج لا اسحلج من هاي
عطوبج الحلوه
««،،هههه
ضحكت وحجيتله الي تذكرته صفن عليه
وكال
««،وصرتي حلالي غصبا ما على الكل
غاده
صارت ساعه 3 واني مو نايمه ولا غفت عيوني
من الي عرفته وحسيته تجاه حمزه
خربط عالمي وحسيت عقلي تشوش
وكمت مااعرف شلون
افكر
احساسي كلي هو هم يحبني شفته من
نظرات اكدت هالشي بس
عقلي ماجاي يصدك
هالشي ويرجع
يكول هذا
تكفير عن الذنب هو ماحب ولا راح يحب
غير بنت عمه كوثر دمعتي
نزلت وبجيت بخنكه
لان كلت راح ياخذها لان تطلكت من رجلها
سمعت خطوات بره مسحت
دموعي غطيت وجهي وسويت روحي
نايمه
الباب انفتح فتحت شويه جان هو غمضت
بقوه وگلبي كام يدك سريع حسيته
صار قريب وارتبكت كلش
سمعته ذب حسره
وراها اللخ
حجه بصوت ناصي بس سمعت
جمره گلبي
وضعي كله تخربط لان عرفته ديحجي
وياي كال بصوت مخنوك
وناصي بس
سمعته
«،،،لا عيوني جاي تنام ولا گلبي جاي يهدأ
ياجمره گلبي
سكت وون
«،،ااخ بيه حسره لو اجرها احفر لروحي گبر
هم ذب حسره وردد
«،،،ساكت بين الناس بس حتى
سگوتي يسولف بيج اعاند روحي مااريدن
اجي واكعد جدامج والشوگ تالي الليل
يذبحني ويجيبني عليج
سكت بس اني صارت هوسه بعقلي وگلبي
لان عرفته يحبني مثل مااني حبيته
ردت اگله واني هم احبك واموت عليك
بس ماطلع اي شي من حلگي
وكتمت الي بيه وكدرت اسكت بس
بداخلي صارت شهگات تعبت روحي وگلبي
كام وطلع من يمي وره هاي اللحظات الطويله
الي عذبني بيها الكتمان
شهگتي طلعت
بصوت قوي
وكمت
ابجي
مااعرف من فرحتي بي مااعرف من قهري
من نفسي،،،،الي فرحت من شافت
الي اعتدى عليها حبها
حرب صارت بداخلي احاول ارجع اكرهه
ماجاي اكدر شفت نفسي اكثر من
مره اروح لحظنه اريد الامان
لان اعرف بروحي راح
الكي بحظنه
وهو نفسه هذا الامان تحول لحب جبير
بدون ماادري ليش يجوز لان لگيت
بي شي ماشفته باي احد
بس جانت بدايتنا غلط وهالشي
هو الي خلاني اسكت مااحجي
الي بگلبي
هم مانمت وماكدرت ادوام قدمت اجازتي
من وكت لان حسيت التعب زاد
عليه من وره الحمل
والتفكير
وره ايام صار عرس رغد اخت رانيه ورادتني
وياها بكلشي لان تعرف ذوقي
حلو اختاريت الها جنط
من بيج هديه مني الها
وفرحت بيهن كلش
اني ورانيه وخواتها رتبنا جهازها وطلع يخبل
وصار عرسها والحنه بنفس اليوم
مارحت للصالون من ورة وضعي
كلت اني ارتب روحي
خليت مكياج فاتح
وبرزت عيوني
لبست بدله نازكه مال حوامل طلبتها من بيج
سرحت شعري على طوله وشلته من
الصفحتين بورد نفس اللون شفت
روحي طلعت حلوه كلش
وتمنيت يجي ويشوفني
ردت اشوف بعيونه نظراته الي افتهمتها
هاي نظرات حب لان سمعته شحجه
الباب اندك عبالي هو عمه
طبت شايله عبايتها
شافتني كالت
باعجاب
«،،،صلاوت على الرسول شلون طالعه تخبلين
«،،،تسلمين عمه
جاوبتها بخجل كالت
««،،يله البسي عباتج جعفر راح يودينا
««،ليش حمزه وينه
سالت جهازي دك رحت علي جان هو
فتحت الخط حجه
«،،،غاده رحتي بعدج
««،لا بعدني
«««چا خوش اني جاي لاتروحين الما اوصل تمام
«،،،تمام
سد الخط وكلت لعمه
«،،حمزه يكول لاتروحن الا اجي
«،،ها زين انه راح اروحن وي الحجيه للبيت
مهدي لان تاخرن عليهم
وانتي الحكينا ويا
«،،،اي

طلعت من يمي وسدت الباب وراها ارتبكت
لان راح يجي مرة اكول خلي البس
البشت ومره اكول
لا خلي يجي
ويشوفني
ارتب بالغرفه واني مااعرف شاريد
اخر شي رحت طلعت بشت من الكنتور سديته
وانداريت هو طب شايل علاكه وكف
وصفن عليه ماتحركت ولا
غطيت روحي گلبي
كام يدك بجنون
من شفته ظل
واكف بمكانه وعيونه عليه ملامحه
تغيرت والنظرات فضحته بس دار
وجهه وسد الباب حجه
بس صوته متغير
«،،،جبتلج هديه
««،،تسلم
صوتي طلع يرجف
وكف يم الميز مال تواليت وانطاني ظهره
باوع عليه بالمرايه وطول وخله گلبي يدك
بجنون،،،،طلع
علبه جبيره اندار واجه
ليمي فتحها شفت
تخم ذهب يخبل صفنت علي
وبعدين باوعت اله العيون جانت تباوع
لجتفي وبعدين ركزت بملامحي
بشوگ ولهفه ذب حسره
وسال
«،،عجبج
نزلت راسي وجاوبته
««،اي بس مو غالي هذا
«،،الغالي للغالي يرخص
گلبي كام يدك بجنون من رد هالرد لحظه
صمت صارت بينا وتوترت كلش
وخفت من وجودي ويا
وحدنا واني هيج
بس مو ذاك الخوف الي جنت احس بي
لا اكو شي اختلف بيه وبي
كال وره لحظه
«،،البسي وخلي نروح
انطه اليه اخذته وطلع من يمي صفنت
على الباب وحسيته انهزم من شعوره تجاهي
واني هم مااعرف بشنو احس
اريده ومااريده شنو
هالشعور ياربي
والله كمت مااعرف نفسي ولا بشنو
جاي احس او افكر
عيوني غورگت جهازي دك جانت رانيه
فتحت الخط كالت
««،ولج هااي وينج ماتجين عاد
«،،،جايه هسه
،،،،يله بسرعه الحفله بدت صارلها ساعه
«،،،اي رانيه هسه اجي
«،،،انتظرج حبي
سدت الخط رحت لبست السيت وفوك
الفستان بشت وشال وطلعت
رحت للمبطخ هو
كاعد وصافن من شافني
كام وكال
«،،،يله امشي
رحت ويا كل مره يوكف يمي اصعد
يله يروح لمكانه كعدت سد الباب اجه كعد
وحرك ماحجه اي شي وتجنب يباوع
عليه حسيته بصراع وي
نفسه شلون اني
هم جنت احارب شعوري ونفسي
قبل لانوصل كال
«،،،غاده لاتخلين احد يصورج ولا تركصين
«،،،اي
انتبهي بويه راح تصير هوسه وجهال صغار
وبايدهم اجهزه ويجوز يصورجن بدون
ماتدرن
«،،،،لا راح انتبه على هالشي
وصلنا وهو نزل اخذني لجوه طبيت بيت
عمو مهدي ام رانيه استقبلتني بعيون مغوركه
لان رغد راح تروح من يمها بوستها وباركت
الها هي اجت فاحطه من
الركص كالت
«،،تعالي بدلي بغرفه البنات
اخذتني لجوه ذبيت البشت والشال من
شافتني صوفرت وكالت
«،،ولج طالعه تخبلين صلاوات على النبي
والبدله طالعه تخبل عليج
غمزت وكملت
«،،شافج ولج ابو جمره
خجلت ومارديت ضحكت بصوت وكالت
«،،،،خربطتي حاله هسه وخليتي يجر حسرات
صفنت عليها من حجت هيج صاحوها كالت
«،،،يله امشي شوفي رغوده شلون طلعت تخبل
طلعت وياها افكر بكلامها هي تدري بيه يحبني
واكيد الكل هم عرفو بي الكاعد
يسوي اليه حب مو بس
تكفير عن ذنب
سلمت على رحمه من اجت عليه واميره
هم طبيت الاستقبال العيون صارت عليه برنو
وسعده نسوان عمامها فصلني تفصل
كوثر جايه واكلتني بعيونها
وركزت على الذهب الي
لابسته سلمت من بعيد
ورحت بست رغوده وباركت الها سوتلي مكان
وكعدت يمها البنات علكن الجو اني
بس اصفك واباوع الهن مبتسمه
والعيون هي نفسها ماانشالت
من عندي
وره مشوار كالو العريس راح يجي كمت
وطلعت من الاستقبال لبست البشت
والشال ورجعت كوثر يم
الباب هي وخواتها
الهول جان مابي احد لان الكل طب
لجوه
كلت
«،،،شويه بس اطب لجوه
«،،،وعلى شنو طابه عيني بنت عم بنت خال حتى
تحضرين عرس بنت عمنا
كوثر ردت بنتره جاوبته بنفس
الاسلوب
««،،والله رجلي يصير ابن عم العروس وهذا
بيت عمه ومثل مالج حق تجين
اله اني هم اليه حق
اجي
خزرتني بكره وحقد بتول ردت بنغزه
«،،،مصدكه بروحج انتي صرتي حرمه لابو جمره
وانتي تعرفين شلون خذاج
خليت ايدي على بطني وجاوبتها
بروده
«،،اعرف بروحي شلون اخذني وشلون صارت
قسمتنا بس بعدين
سكتت ومسحت على بطني وكملت
مبتسمه
«،،،بعدين ياعيني صرنا احباب والروح وحده
نغزتهن بالكلام وتعمدت احجي هيج كدام
كوثر عمه طلعت من وجهها عرفت
سمعت الكلام
وسألت
««،،خير صاير شي
«،،،لا عمه سوالف بايخه ماتنحجي
وخرتهن بايدي وطبيت لجوه وكفت يم رانيه
اباوع لرغد ورجلها خجلانه منه كلش
وهو مبتسم كل ساع يباوع
عليها
اخذو صور الهم
وراها طلع هي لبست بدله العرس وكعدت
وهم اشرت اليه كعدت يمها
اشوف نظرات الحقد
بعيون الي يكرهني
تعمدت اهلهل
وجريتها
رانيه ورحمه اخذني لنص الاستقبال
وركصت وياهن على اغنيه ساريه
بس اسمع مني وكمت اهز جتف اني وياها
وخرت مني تهلهل وسون حلقه واني
بنصهن اتمايل بهداوه
عمه طبت وره مشوار
شافتني اجت بسرعه عليه لزمتني
وكالت
«،،،ولج امشي اكعدي واستري علينا
ماعافتني الا كعدت يم رغد بس هم ظليت
اني كاعده اهز
كايده العذال وقارهتهم
بس بداخلي جنت مقهورة لان عيرني
بالسواه بيه
عمه تأشر اليه خايفه عليه هدأت من ظلت
تلح عليه بالنظرات وره مشوار كالو
يله خلي نزفهم
رحت لبست البشت والشال يمي رانيه
هي واميره ورحمه كالت
«،،،انه راح اروح وي جعفر وياي خواتي
انتي روحي وي حمزه لان اجه وينتضرج
بره
«،،،تمام
مشيت من يمهن ورحت للمطبخ كوثر وامها
وخواتهن كاعدات من شافني الخلقه
انگلبت بتول سألت
«،،،حمزه اجه
«،،اي ليش
«،،نريد نروح ويا بالزفه
شلون عين صلفه قبل شويه تعاركتن وياي
وهسه تريدن تجن وياي جاوبت
«،،السياره قبطت
طلعت هو واكف مسافه يدخن شافني
اجه بسرعه عليه مشى بصفي
هوسه جانت بره وهوايه
رجال خله ايده على جتفي
وصاح
«،،سووه درب بوويه خلو النسوان تاخذها
راحتها
وخرو مسافه اخذني للسياره صعدت
اشوفه يفر براسه على الرجال
سد الباب بقوه گلبي
هبط كلت راح
يتعارك لان
جماعه العريس رجعوا وكفو يم البيت
والبنات كامن يطلعن بس شفته حجه وياهم
وظل واكف ويا جعفر الما طلعت رانيه وخواتها
والبقيه طب جوه ،،،،،،ورجع وراه بنات عمه
فاضل كوثر تمشي بصفه وعينها علي شباب
يركصون صاروا كدامهن صاح بيهم
صاير نار
وخرو مشى وهي لازكه بي ولا شالت
عيونها منه صعدن وي واحد من
ولد عمهم واجه عليه
من شفته شسوه صرت نار وضجت وانقهرت بعد
اكثر لان شفته شلون مهتم بيها ويمشي
وياها صعد يمي حرك وطلعنا وره الزفه
كال مبتسم وعيونه تتفرس
بملامحي بنظرات
مفضوحه
«،،وهاي راح نروح بزفه رغد واعوضج عن
زفه حرمه قائد
نترت بي
«،،مااريد اروح رجعني للبيت
صفن عليه وسال
«،،،خير بويه شبيج صاير شي
«،،،،لااا
«،،چا شبيج انهدتي بيه وانه ماحجيت شي
يخليج تعصبين عليه
درت وجهي منه كاتمه دموعي
«،،غاده احد غاثج
«،،،لاا منو يكدر يغثني غير ادوس بطنه
وبطن الي جاوبوه
جاوبت بغضب وكملت
«،،وديني للبيت مااريد اروح بالزفه
«،،،ياغضب الله شبيج هم الهرمون ضرب
عندج
««،،اي ضرب كلشي بيه وهسه ترجعني مااريد
لا احضر زفه ولا صخام
دار سيارته والغضب ترس وجهه ردد
«،،موو صاحيه انتي وحگ هو الله لو كل النسوان
تحبل مثلج وتتخبل على الزلم جان
محد ازوج واصخم
«،،محد كلك اخذني ولا ردت اصير حامل منك
من شفته صفن عليه وجهه انطعن عرفت
بروحي جفصت بطنه سكت واني
هم درت وجهي ودموعي
نزلت
ردت اصلح الموقف بس ماعرفت شاحجي
وصلنا لان بيتنا قريب نزلت قبله
طبيت اشهك بالبجي
رحت لغرفتي سديت الباب بقوه
وذبيت البشت والشال وكعدت ابجي بصوت
قوي اعرف بروحي جرحته وماردت هالشي
بس غيرتي خلتني احجي هيج
وكمت اموت من
هالشي السويته
والي كمت
احس
بي
حمزه
حالي تخردل من شفت غاده شلون طالعه
گمر وتخبل من حلاتها هي حلوه
بس من شفتها لابسه
هالثوب والجتف مدلع
والشعر نازل للمتن
دخت وتعب گلبي لچن تماسكت گوه
وانطيتها هديتها لان انه من اخذتها ماجبت
الها شي يسوه وهسه اريدن اعوضها
عن كلشي سويته بيها اخذتلها تخم وانطيته
الها اعاين عليها بلهفه والشوك
الها ذبحني ذبح
خايف اگضها واشوف دمعه العيون وذيج
الساعه انذبح من جوه واكومن اموتن
من قهري
عگبنا من الزفه وانه حالي حال كل ساع
اعاين الها دايخ بعطرها وتفاصيل
حسنها
لچن هاللحظه راحت من تعاركت وياي بالسياره
وسمعتني كلام يذبح
نزلت من يمي وطبت جوه مارحت وراها خفت
لا هم اسمع كلام يذبحني اكثر مو انه
مذبوح نزلت وره مشوار
ورحت لغرفتي
كعدت هناك مهموم ومقهور من الي
سمعته منها
«،،محد كلك اخذني ولا ردت اصير حامل منك
ونيت وگضيت راسي اون
«،،اخ اخ يابويه مقهور وقهري راح يچتلني
غاده
بعد الي حجيته وي حمزه ابتعد عني وكام
مايجي يتعلل يمي مثل قبل يطلع من
الصبح مايرجع لنص الليل
مر كم يوم وهو بهل الحاله والكل انتبه علينا
سالني كلت
«،،،مشغول بشغل
ماردت احجي جفصتي ويا لان راح اسمع
كلام يقهرني واني مو عايزه قهر
ردت اعتذر منه بس ماكدرت خفت لا احجي
وابررر وافضح حبي اله بس شوگي
اله خلاني اراسله من سمعته
طب لغرفته
كتبت
«،،حمزه اني اسفه واعتذر والله ماجان قصدي
احجي هيج
شافها مارد رجعت كتبت
«،،اني ماادري شبيه تعرف بيه من اختنك
احجي شلون ماجان
هم شافها ومارد
دموعي نزلت وكمت ابجي ماعرفت شاكتب
بعد كلت راح يجي مثل كل مره
بس هو مااجه
نمت دمعتي بعيوني واشهك بالبجي ثاني
يوم جانت جمعه هو موجود كعدت
كباله تجاهلني اكل شويه
وكام
العيون علينا مااكلت شي رحت لغرفتي
دمعتي بعيوني بيبي اجت ورايه
سالت
«،،،يمه شصاير بينكم
«،،ماكو شي
«،،،شلون ماكو شي ومن عرس رغد وانتو مو
على بعضكم
رانيه طبت سمعت اخر الكلام ردت
«،،،عين وصابتهم عمه ماشفتيهن ماشالن
عيونهن منها
«،،،،اي مامرت بسلامه
جاوبتها رددت
«،،ماكو شي هو تعبان من سالفه واني هم
طبيت شهري والتعب زاد
سكتن ماحجن شي شلت فرشتي ولهيت
روحي بيها طلعن من يمي وسدن
الباب دموعي نزلت
وبجيت من قهر
السويته بي
طلع وعرفت من عمه هو راح يبات بره
حاولت اتصرف طبيعي بس جان
واضح عليه القهر لان
مااكلت شي
لا بالغده ولا بالعشه سحبت روحي بحجه
تعبانه ورحت تمددت بغرفتي ظليت
الوب هناك من السويته
بي عرفت بروحي قهرته كلش واذيته
بالكلام
دمعتي بعيوني واريد اتصل علي احجي ويا بس خفت مايفتح خط ويجاوبني
وذيج الساعه اموت
من قهري بعد اكثر
بس اتصلت علي ماجاوب هم
دكيت علي طلع مغلق
دموعي نزلت وكمت ابجي اختنكت وكعدت
لا عيوني غفت ولا كدرت انام
كمت ساعه ب12 طلعت
باوعت لغرفته الباب مفتوح طبيت وسديت
الباب طفيت الضوه وتمددت
بفراشه جريت المخده
لحظني شميتها بنفس
طويل ابجي
بشهكه
حمزه
سحبت روحي من غاده وكمت مااروح يمها ولا نكعد سوه مثل قبل لان تعبت من كلامها الي كل فتره تحجي وتأكد هي مستحيل راح تنسى
السويته بيها راسلت واعتذرت ماجاوبت
لان جنت مقهور منها كلش
ومقهور من نفسي لان
حبيتها
واعرف هالحب ماراح اشوف منه غير العذاب
والقهر
الجمعه طلعت وكلت اباتن بره يم ولد صديق
لچن ماكدرت ابات روحي اختنگت
يمه وعگبت للبيت
طبيت ساعه وحده شفت عمتي بالمطبخ
تشرب مي كالت
«،،،ها حمزة اشوفنك عگبت خما بيك شي
كعدت ساكت وصافن هي اجت يمي
وكالت
«،،،،شبيك يمه اشوفك مهموم ومقهور صارلك
كم يوم وغاده هم مثلك
ذبيت حسره طلعت نار من گلبي
كملت
«،،،اوف تذب حسره طويله يبعد عمتك هيج
انت مقهور ومهموم
«،،،انه شسويت بروحي يمه وشلون راح ااطيبن
من هال
سكتت ماكدرت اشكي الي بگلبي هي كالت
بحنيه
«،،تطيب لان هي هم تحبك
صفنت عليها كملت مبتسمه
«،،اي غاده تحبك مثل ماانت حبيتها
گلبي فز وحالي تخردل وسالت بسرعه
«،،هاي حجت الج
،،،،لا يمه لچن سمعت منها شي اكد اليه
هي تحبك وتهواك مثل ماانت
تهواها
«،،شنو عمه الي سمعتي
بعرس رغد گوثر تعاركت وياها هي وبتول
وعيرتها بيك وشلون خذيتها لچن هي
ماسكتت الهن رزلتهن وداست
بطنهن وكالت چلمه خلتني
اعرف هي حبتك
يايمه
«،،،،شنهي هالچلمه
سألت بلهفه ردت
«،،كالت الهن
بعدين ياعيني صرنا احباب والروح وحده
وهذا شنو تفسره غير غيره وحرك دم لكوثر
گلبي فز من الفرح وحالي كله تخربط
صفنت مبتسم هي كملت
««،يمه هي تعرف انت جنت تريد هالمكموعه
بنت عمك وهو هذا الي مخليها خايفه
تحجي الي بگلبها وزاد عدها
من تطلگت وعدالها
انت راح ترجع
تريدها
««،،المن اريدن يمه انه گلبي ماحب ولا راح
يحب غير غيده
جاوبتها وادعي من الله كلامها يطلع صدك
ابتسمت وجاوبت
«،،حمزه افتح گلبك الها احجيلها يمه
بشنو تحس ولا تضمه بعد حتى
انت ترتاح وهي هم ترتاح
من التفكير والخوف
بعد الي سمعته من عمتي كلت لازم احجي
واطلع الي بگلبي هي كامت وكالت
«،،،،تصبح على خير والله يبرد نار گلبك
«،،امين يمه
جاوبتها مشت من يمي وطلعت كمت وراها
مشيت احسن بروحي فرحان وگلبي
يدك دگه فرح اذكر الصار بالسياره
وعرفت سبب زعلها
رحت لغرفتها فتحت الباب ماكو بفراشها
عاينت للحمام الباب مفتوح طبيت
دورتها ماهيه طلعت بسرعه رحت
للمجلس ماكو جدي
نايم
عگبت اعاين لباب المنور مقفول درت
وجهي على باب غرفتي مدري ليش گلبي
گلي هي هناك
فتحت الباب شفتها نايمه بفراشي طبيت
بهدؤ سديت الباب عيوني عليها
حاظنه مخدتي واسمعها
تشهك بصوت مخنوك
قربت منها حست وكعدت من شافتني
كالت بشهكه
«،،،اسفه والله ماجان قصدي اجرحك
بالكلام واني والله فرحانه بابني لان انت
ابوه والله اا
اختنكت بالبجي ونزلت راسها رحت كعدت
يمها وكلت
«،،انه الي اسف لان مارديت عليج وخليت
عيونج تبجي وانه والله تعذبني
دموعج لو نزلت على
خدج
باوعت عليه صفنت بالعيون والخلقه
الي جانت تبجي من ورايه وكلت
«،،،انتي ماتعرفين غلاتج بگلبي شكد
ظلت صافنه عليه كملت لساني
يحجي وگلبي ويا
«،،،انه حبيتج ياغيده وگلبي تولع بيج
الملامح تغيرت وسالت بصوت مخنوك
«،،،وگوثر مو هم حبيتها
ابتسمت وجاوبت
«،،مااجذب عليج بالبدايه جنت اظن انه
حبيتها لچن من مر عليه الوگت طفى بيه شي
من يمها وكمت مااحسن بشي
تجاهها
سكتت وكملت عيوني بعيونها
«،،،لچن انتي الي خليتني احبنج واموتن بيج
انتي غيده الي اريدنها حبيبه وحرمه
اليه ام بيتي وولدي وروحي
وگلبي الاولى والاخيره لا قبلج
احد ولا بعدج احد
الملامح تغيرت للفرح وخلت گلبي
يدك بجنون كلت اريدن
اسمع نفس الچلمه
««،وانتي ياجمره گلبي راح تحرگيني بنارج
لو اطيبين گلبي الغادي نار
انه حجيت هيج ومااشوفها غير
تجي لحظني لميتها بي بقوه وحالي
تخردل بعد اكثر خلت وجهها
يم صدري وردت
بصوت ناصي
«،،واني هم احبك حمزه واموت عليك
انتهيت والشوگ الها خلاني ابوس الشفه
والثم رگبتها بشمه نفس طويل
كلت هايم بيها وعاشگها
عشگ جبير
«،،،عرگ جيدچ مي زمزمي
تنهدت بحظني ووخرت مني تجنب النظر اليه گضيت حالي كوه منها ماردت ازيد
خافن تنكسر هاللحظه الخجل تارس ملامحها
عاينت عليه وره لحظه
وكالت
«،،،اروح انام بغرفتي
ابتسمت وجاوبت
«،،ليش،هيج ياجمره گلبي مو جنا حلوين ليش
تريدينا نتخارب هسه
حجيت هيج وكملت من
قربت منها
«،،اليوم مااهدج اريدن انام وانتي بحظني
اشم ريحتج واغفى على صوت
دگه گلبج
وسويت هالشي تمددت واخذتها لحظني
روحي هدأت بعد ماجانت متعذبه
بحبها وعشگها وحسيت
بهاي الليله من صدك الدنيا
ضحكت بوجهي
اخيرا
مهيب
هالبنيه دخلت بعقلي،،،،، وعجبتني كلش
لان حلوه وعليها جسم يخبل حجيت
وياها اكثر من مره وشفتها
ثكيله كلش وماترفع
راسها من احجي
وياها
واني شلوني اموت بهيج وحده ومااعوفها
الا اكسر خشمها واخليها تحبني بعدين من
امل منها اعوفها
وهي خليتها براسي حالها حال غيرها وكلت
الا اجيبها للدرب واخذ منها الي
اريدها وراها اعوفها
واجت هالفرصه من رجعت من الدوام طبيت
المطبخ شفتها تمسح الميز ومنطيتني
ظهرها صفنت على الطول
والجسم
ابتسمت وسلمت
«،،،شلونج ام يمامه
فزت وباوعت عليه كلت
«،،اسم الله هاي شبيج شفتي طنطل
«،،هلا
جاوبت مختصر وراحت تغسل الخاولي
يم السنك
«،،امي وين
«،،طلعت هي وخاله للدكتور
«،،،ها ابويه وينه
«،،طلع لراس الشارع
جانت ترد مختصر ومبين عليها ضايجه ومتوتره
العب البيت فارغ وبس اني وياها
واجت الفرصه الي اريدها
شكرا لزيارتكم عالم روايات سكيرهوم
