رواية اشتغالة الفصل الثانى بقلم ليل ادم
زين : مساء الورد ياست الكل ياقمر انتى
الأم: جاي بدري ليه
زين : النهارده عيد الفلاح علشان كده خدنا شغل نص يوم
الأم: كل يوم ترجع بدري ومره تقولي عيد الفلاح ومره عيد تحرير البحرين ومره عيد ميلادك حاسه انك بتشتغلني يابن الجزمه
زين : فكك بس الوقتي المهم أنا جبت البكوتشه اللي قولتي عليها
الأم: ياض اسمها كابوتشه مش بكوتشه
زين : ياستي أنا آسف ليها ( وباس الكابوتشه) خشي بقا فحفحي كده ودلعيني
الأم: خلاص اهو بطلع البطاطس
زين : احب فيكي ذوقك العالي لازم بطاطس جمب الأكل طبعاً علشان تفتح النفس كده
الأم: اقعد افتح الفينو عبال ما اجيب البطاطس واجي
زين : عيوني ياست الكل ( وبكل حماس عمال يفتح في سندوتشات جابت الأم البطاطس و قعدت وزين فتح الفينو كله ) اقوم اجيب أنا باقي الاكل شكلك تعبانه النهارده
الأم: باقي أكل اي
زين : اللي جبت علشانه بكوتشه و وفينو
الأم: لا ما هو كده الأكل مفيش حاجه تانيه
زين : (بيضحك ضحك هستيري وبيخبط ايده على السفره وقام دخل المطبخ تفاجأ فعلاً أن مفيش أكل تاني غير البطاطس)
زين : هو الكفر ده بجد
الأم: مالك ياواد في اي
زين : يعني أنا جايب البتاعه دي والفينو وكاتشب ومش عارف اي علشان البطاطس
الأم: ياواد لقيت الشيف حسن عامل الاكله دي قولت أجرب
زين : يعني الشيف حسن بياخد في الحلقه الوحده يجي ١٠٠ ألف جنيه علشان يعمل بطاطس دا عم شكري المعفن اللي تحت البيت بيعمل نفس السندوتش ده من ١٤٠ سنه ومحدش بيشتري منه
الأم: يا مغفل ما كان عامل معاهم كبده بقا وهمبورجر وحاجات تانيه
زين : انتي بقا السندوتش الوحيد اللي عجبك فيهم سندوتش المرار الطافح ده صح منك لله
الأم: اتفوه على تربيتك
زين : وربنا منا واكل وداخل انام كمان
الأم: نام كتك وكسه عيل تسد النفس
زين : أنا اللي سديت نفسك مش البطاطس بالخس حد يحط خس على بطاطس ولا حد يعمل بطاطس كده وقف لوحدها
الأم: انت عارف الكيلو بكام ياللي متربتش انت
زين : ولا عايز اعرف تصبحي على خير
الأم: هو اللي يشوف خلقتك دي يشوف خير وش فقر
ومع طلوع الفجر كان والد زين رجع من السفر
الأب : وحشتيني اوي يا وجيده
الأم: وانت كمان يا اسماعيل ليك وحشه كل ده بعيد عننا قلبك جابك تقعد كل ده
الأب: الواد زين فين وحشني ابن الكلب
الأم: استنا أصحيه
الأب: اه جايبله هديه معتبره
الأم: وأنا
الأب: هو أنا اقدر انساك يا جميل
الأم: يخليك لينا يا حبيبي واد يا زين انت يا مدهول
زين : اي ياما مين مات تاني
الأم: ياض قوم قامت قيامتك ابوك جه
زين : (قام وقف علي السرير ) بتتكلمي بجد
الأب : طبعاً بجد يا حبيبي
زين : أبويه ( وبعد الاحضان الطويله و السلامات )
الأب : تعالي عامل لك مفاجاه
زين : ياعم والله ملوش لازمه اهم حاجه انك جيت بالسلامة
الأب: والله ابدا تعالي ياض
زين : ياحجوج بقا متكسفنيش
الأب: عيب بقا امسك
زين : خودي من الحج يا ماما
الأب: لا دي الهديه بتاعتك انت امسك يا حبيبي
زين : اي ده يا حج بلح كرتونتين بلح هيا دي الهديه بتاعتي هو انت علشان جاي من السعوديه جايب معاك شول بلح مفيش سبحه مفيش جلابيه مفيش حتى لبس أحرام
الأب: اي مش عاجبك البلح
زين : هو أنا مريض وبتعالج وبعدين ليه التبذير كان كفايه كرتونه واحده هو أنا نازل أتاجر في
الأم: مش بقولك مش متربي
زين : نورت مصر ياحج
الأب: وحشني وامك وحشتني من النهارده خلاص مفيش شقا تاني عايزك تدلع نفسك يا حبيبي
زين : (بفرحه كبيره) يعني مش هروح الشغل وهيكون ليا بزنس خاص
الأب : طبعا يا قلب ابوك
زين : يا حبيبي يا بابا
بعد سهره طويله دامت الي قرب طلوع النهار دخل زين ينام فتح عينه على والدته في الساعه العاشره
الأم: واد يا زين فوق الساعه عشره
زين : أول مره أصحا مبسوط اوي كده اخيرا بتصحيني علشان أفطر مش علشان اروح الشغل أنا بفكر اعملهم بلوكات كلهم الهي تولع بيهم كلهم
الأم: فطار مين وبلوكات مين قوم روح شغلك يا حبيبي قوم الله يهديك
زين : اي ده هو أنا كنت بحلم
الأم: لا مش بتحلم ابوك رجع فعلاً بس هو خايف عليك عايزك تروح شغلك
زين : خايف عليا عايزني اروح الشغل انتوا بتهزروا ولا اي اللي خايف عليا يقعدني من المكان ده مش يقولي روح الشغل
الأم: اسمع انت تروح شغلك معنديش رجاله تترزع في البيت ياله يا اخويا
زين : طب أفطر
الأم: قوم أفطر ياله
زين : كئبه كده وضيق تنفس مره واحده حاجه طين
الأم: كفايه برطمه لبست
زين : اخد زفت دش
الأم: طب أنجز
بعد ما خلص زين كل حاجه راح يفطر علشان ينزل
الأم: أفطر
زين : نفس البطاطس ونفس البكوتشه ونفس القاعده اقولك حاجه والله منا فطران أنا متنيل نازل
الأم: لا انت بقيت غريب الحمد لله أن ابوك جه
زين : سلام
الأم: سلام
بعد وصول زين الي المكتب
زين : صباح الفل على اخوتي اللي مني بجد
محدش رد على زين
زين : اي ده في اي
اسماء: أنا تعمل فيا كده تبعتني عند الدكتور فاطمه اقعد شغاله عندها لحد الساعه عشره ونص بليل
جوده : دا انا فضلت في المكتب لحد الساعه سته علشان الشغل بتاعه والآخر طلع بيضحك عليا وكمان رايح يقول اني معمولي عمل أنا يا زين تعمل معايا كده
زين : خلاص كل واحد منكم قال اللي عنده
جوده : اه طبعا
زين : اللي مكنتش عايز اقوله غير لما يتم علشان مفاجأة أنا امبارح كنت ماشي بدري علشان اروح اجيب بابا من المطار
اسماء: اي ده بابا رجع بجد
زين : اه والله وصل ومعاه هدايا كتير اوي هروق عليكم كمان
اسماء: لا بقا حيث كده أنا مش زعلانه
زين: (فتح كرتونه بلح ) ياله كل واحد يمد ايده علشان يدوق البلح على أصوله
في جانب آخر
عم محمد: استاذ زين ممكن اخد شويه بلح للبيت عندي
زين : هو أنا تاجر ياعم محمد خدي ياعم الكرتونه كلها كده كده ابويا جاب بفلوسه كلها بلح متقلقش
عم محمد: ربنا يخلهولك يارب يا استاذ زين
زين : اللهم امين
كاميليا: زين بتعمل حاجه
زين : بفرق بلح اتفضلي
كاميليا: اي ده هو احنا في شهر كام
زين : لا لا دا ملوش علاقه ب برمضان دا دادي رجع من السفر
كاميليا: حمدالله على سلامته
زين : الله يسلمك
كاميليا: يعني معندكش شغل
زين : للأسف لأ
كاميليا: و للأسف ليه اتفضل ملف جمال عيد اشتغل عليه
زين : طب ليه منا مبسوط كده
كاميليا: منا عارفه علشان كده حبيت أنكد عليك اشتغل ها اشتغل
زين : حاضر هاتي
بعد خروج كاميليا
زين : يعني يوم ما تبعت ملف تبعت ملف في ولا ٣٠٠ مستند دا انا هشتغل في لحد ما القيامه تقوم
جوده : من أعمالك اشتغل
زين : ( خد الورق ورجع على مكتبه بعد ما تأكد أن مفيش مفر من أنه يشتغل عليه وبعد يوم شاق وبعد انتهاء زين من العمل أثناء العوده الي المنزل )
زين : فيصل ده لو سمحت
السواق : اه اركب
واحد من الركاب : خد يا نجم واحد من ٢٠٠
زين : طب لمو الاجره مع بعض
الراكب : مبعرفش ألم الاجره أنا
زين : هو أنا علشان محاسب هشتغل حتا وانا راجع البيت اي المرار ده
راكب اخر : خد واحد من خمسين
راكب اخر : واحد من مئه
زين : اي ياجدعااااااااااان هو أنا بلم جمعيه ناقص واحد يطلع الف جنيه يقولي واحد من الف
راكب قدام زين : خد معاك واحد
زين : ياعم السواق قصادك هو السواق راكب وره علشان ترجع الاجره على ورا
الراكب : خلاص ياعم من غير زعيق
زين : ( طول الطريق عمال يحسب لكل واحد فلوسه ومشكله بين الركاب على باقي الاجره ) على جمب ياسطا بعد اذنك
بعد نزول زين : ربنا يولع فيكم طلعتوا عيني
عم شعبان : زين يا زين
زين : شعبولا عامل اي
عم شعبان: الحمد لله تمام هو صحيح ابوك رجع
زين : حصل
عم شعبان: محدش شاف وشه ليه كده
زين : خايف ياخد عين بيقولي الناس في الشارع هنا عنيها توقع الجبل
عم شعبان: عنده حق والله بس كان رن عليا حتى اطلع اقعد معاه
زين : يقولك ازاي بس يا شعبولا هو خايف غير منك الفصل الثالث من هنا
