رواية أسرار الهاربة الفصل الثانى بقلم موفا
نامت سما مجرد ما فردت جسمها على السرير
------------------------------
في أوضة هلال
نجاة إيه حكاية سما يا هلال
هلال بتوتر مافيش حكاية ولا حاجة البنت غلبانة وكانت محتاجه مكان تقعد فبه بعد ما سابت بيت جوز أمها
نجاة البت دى بجد صعبانة عليا أوى
هلال اتنهد بصوت مسموع ربنا معاها
نجاة يآرب
----------------------------
تانى يوم
--------------------
صحيت سما متأخرة بعد نوم عميق
قاعدة سما على السرير تكلم نفسها يا ترى هعمل إيه فى إللى جاى وياترى لو الناس إللى هنا ولا البوليس عرفوا انى أنا اللى قتلت عم راضى ياترى هيحصلى إيه يارب أنا موته غصب عنى مكنتش قادرة أتخيل أنى اتجوزه اتجوز جوز أمى إللى في مقام ابويا صعب إللى بيحصلى دا كله ياربى وعيطت
اتفزعت سما لما سمعت خبط على الباب
سما بصوت مبحوح مين
صوت نجاة من برا أنا يا بنتى
سما قامت بسرعة فتحت الباب
نجاة بابتسامة إيه يا حبيبتى أخيرا صحيتى
سما معلش يا خالتى نمت محستيش بنفسى
نجاة بابتسامة مافيش حاجة ما انتى كنتى تعبانة من امبارح
سما واقفة ساكتة
نجاة بقولك إيه
سما نعم
نجاة نعم الله عليكى تعالى الأول كوليلك لقمة واشربى كوباية شاى وبعدين نشوف هنعمل إيه
سما حاضر
نجاة يحضرلك الخير يا غالية
نزلت سما هى ونجاة دخلوا المطبخ
نجاة تعالى كولى وقعدت تحضرها اكل وعملتلها الشاى
سما كتر خيرك يا خالتى
تعبتك معايا
نجاة مافيش تعب ولا حاجة
قوليلي بقى انتى كنتى عايشة مع جوز امك
سما بتوتر هزت رأسها
نجاة متقلقيش عمك هلال قالى كل حاجة
سما بخوف قالك إيه
نجاة طبطبت على ضهرها بحنية متخافيش يا بنتى
عمك هلال قالى انك كنتى عايشة مع امك وجوز امك وبعد ما امك ماتت مشيتى من عند جوز امك
سما هزت رأسها
نجاة بس عارفة انتى عملتى الصح مكنش ينفع تقعدى معاه لوحدكم كدا
سما بتوتر أيوة عشان كدا مشيت من عنده
نجاة عين العقل
المهم قوليلى نعمل أكل إيه النهاردة
سما بصتلها باستغراب
نجاة أيوة فكرى معايا
سما لسة ساكتة
نجاة اسمعينى يا بنتى
فكى كدا
واعتبرى نفسك في بيتك
سما ربنا يخليكى يا خالتى
نجاة و يخليكى يا ضنايا
قعدت سما معاهم وكانها واحدة منهم ومكنتش بتشوف بدر خالص
عدا كام يوم والحال هادى على سما في بيت هلال بعد ما نجاة حسستها انها من أهل البيت ودا شجع سما على مساعدة نجاة في شغل البيت والمطبخ حتى نجاة سابت كل الشغل على سما كأنها بنتها بالظبط
لحد في يوم سما كانت في اوضتها تعبانة
نجاة خبطت عليها
سما بتعب ادخلى يا خالتى
دخلت نجاة اتفزعت أول ما شافت سما تعبانة وبتعيط
نجاة مالك يا سما
سما بالدموع تعبانة اوى يا خالتى هموت
نجاة بعد الشر مالك
سما بطنى بتتقطع
نجاة ازاى أنتى حتة مكلتيش حاجة خالص النهارده
سما بتتوجع
نجاة قومى اوديكى مستشفى
سما لا مالوش لازمة بس لو تشوفيلى مسكن للمغص
نجاة ابتسمت ااه هو الموضوع كدا
سما ااه
نجاة طيب اهدى هجبلك مسكن
سما خالتى
نجاة أيوة
سما بكسوف معلش أنا كنت عايزة
وسكتت
نجاة عايزة إيه
سما باحراج عايزة حاجة من الاجزخانة
نجاة باستغراب حاجة إيه
سما عايزة حاجة كدا
نجاة ابتسمت طيب هجبلك بس قوليلي بتجيبى اى نوع
سما أى نوع مش مشكلة
نجاة طيب خليكي هنا وأنا هروح واجى بسرعة
سما سرحت فى راضى لما قالها أنه عارف حتى نوع الفوط الصحية إللى بتجيبه
رجعت نجاة بالمسكن والفوط الصحية لسما
نجاة خدى يا حبيبتى
سما كتر خيرك يا خالتى ابتسمت لسما
نجاة استنى هرجعلك تانى لحظة واحدة
خرجت ورجعت بسرعة
وكانت معاها هدوم لسما
نجاة بصى الهدوم دى بتاعتى بس لما كنت سمبتيك كدا زيك ههههههه
سما ابتسمت انتى زى القمر
نجاة تصدقى انتى اللى قمر
المهم بصى خدى الهدوم دى وادخلى استحمى عشان تفوقى كدا وتنعنشى
سما بكسوف استحمى
نجاة أيوة يلا قومى الماية السخنة هتفوقك
سما بس استحمى ازاى وعمى هلال وكمان استاذ بدر
نجاة مافيهاش حاجة واصلا عمك خرج وبدر ابنى كدا كدا مش هيخرج من أوضته قومى بقى وانا هدخل المطبخ عقبال ما تخلصى
سما حاضر وفعلا دخلت الحمام
خرجت سما بعد ما استحمت وغيرت هدومها ودخلت لنجاة المطبخ
نجاة نعيما
سما ابتسمت الله ينعم عليكى
نجاة كويس الهدوم جات على قدك بالمظبوط
سما كتر خيرك
نجاة دا كله خير ربنا تعالى اقعدى هنا واشربى الكوباية دى كلها
سما إيه دا
نجاة دا اعشاب عشان تريحك شوية
سما ابتسمت كتر خيرك يا خالتى اول مرة احس الإحساس دا من زمان
نجاة إحساس إيه
سما احساس ان أمى موجودى من تانى
نجاة قربت من سما وطبطبت عليها يا حبيبتى يا بنتى
سما ربنا يخليكى يارب
نجاة تسلمى يا حبيبتى يلا اشربى بسرعة واطلعىى ارتاحى شوية عقبال ما اعمل الأكل
سما أنا بقيت كويسة ينفع اساعدك
نجاة بلاش تتعبى نفسك
سما مافيش تعب ولا حاجة أنا اخدمك بعنيا
نجاة تسلم عينك يا حبيبتى وقعدوا يعملوا الأكل ويتكلموا
----------------------------
بتعدى الأيام على سما في بيت هلال بكل حب وحنية من نجاة وهلال
لحد في يوم حصلت حاجة غريبة
نجاة قاعدة هى وسما في الجنينة تحت تكعيبة العنب
نجاة عارفه يا بت يا سما
سما بصتلها
نجاة انتى عوضتينى عن بناتى اللى متجوزين بعيد عنى
سما ربنا يهدى سيرهم يارب
نجاة يارب
فجأة بدر فتح شيش البلكونة بتاعته
نجاة ابتسمت لبدر
بدر انتى فين يا ماما
نجاة انا هنا يا حبيبي عايز منى حاجة
بدر الواد عمر بيرن عليكى من بدرى
نجاة عمر طيب متصلش على تليفونى ليه
بدر يا ماما بقولك بيرن عليكى ولما مردتيش عليه اتصل عليا انتى تليفونك فين يا ماما
نجاة يووو دا في اوضتى علي الشاحن
هروح اشوفه
سما كانت هتمشى معاها
نجاة خليكى انا هرجعلك نكمل كلامنا
دخلت نجاة
و سما قعدت مكانها
كل دا ولسة بدر قاعد مكانه على الكرسى المتحرك
سما قاعدة تبص بعيد
لكن بدر بيبصلها بتركيز
فجأة نجاة رجعت بسرعة وهى ملهوفة
نجاة شايف يا بدر اختك
بدر مالها سحر
نجاة شايف اختك بنتها عيانة ومكنتش عايزة تقولى الواد عمر هو اللى اتصل بيا من وراها وعرفنى
بدر بقلق مالها عبير بعد الشر
نجاة هتعمل عملية اللويز
بدر حرام عليكى يا ماما وقعتى قلبى دى عملية اللويز هى دى فيها حاجه تخوف
نجاة لا اخويا الواد عمر بيقول أن الدكتور قال ان العملية للكبار بتتعب اكتر من الصغيرين
بدر متخافيش يا ماما بتكون سهلة وشوية ايس كريم تاكلهم وتخف على طول اطمنى بقى
نجاة انا مش هطمن غير لما اروح لاختك عشان اكون جمبها وجمب بنتها
انا هتصل بابوك يجى بسرعة هو انا هسيب اختك لوحدها
سما بحنية ربنا يطمنك عليها يا خالتى
نجاة يارب يا بنتى يآرب
بدر بسخرية انتى هتعملى من الحبة قبة ليه يا ماما دى لويز يعنى مش حاجه كبيرة
نجاة ماليش دعوه انا هتصل بابوك يودينى وخلاص انا هروح أتصل بيه وسابتهم ووقفت تنكلم في التليفون
بعد شويه جه هلال
نجاة بخوف هتودينى ولا اروح لوحدى
هلال يا نجاة اهدى شوية دى لويز يعنى عملية سهلة
نجاة ما اهو انتم يا رجالة قلبكم جامد لا حد فيكم ولد ولا رضع عشان تحسوا زى الام وبصت لهلال وبدر
بدر ابتسم بسخرية
هلال طيب أنا هوديكى بس استهدى بالله والصباح رباح
نجاة سبحان من هيصبرنى لبكرا
انا هروح احضرها شوية حاجات اخدها معايا بكرا تعالى يا سما
سما حاضر يا خالتى ودخلوا المطبخ سوا
هلال امك دى بتعمل من الحبة قبة
بدر ابتسم ماانا قولتلها كدا بردوا
هلال معلش هى خايفة على عبير بنت أختك
ربنا يطمنا عليها يارب
بدر اتنهد بصوت عالى يااارب
بعد ما نجاة حضرت نفسها عشان تسافر لبنتها
فى اوضة هلال
هلال خلاص هديتى
نجاة أيوة ولا تكون رجعت في كلامك
هلال لا هوديكى الصبح بس انتى نسيتى حاجة مهمة اوى
نجاة نسيت ايه بقى
هلال نسيتى ابنك اللى هيقعد لوحده لحد ما ترجعى
نجاة ماانت موجود ربنا يخليك لينا وبعدين انا هقعد لحد ما اطمن على البت وارجع على طول
هلال نفخ في الهوا
نجاة في ايه تانى
هلال انتى نسيتى بردوا أنى مسافر يوم الجمعة
نجاة يووه وبعدين بقى
أنت بتقفلها ليه في وشى ماانا لازم اسافر اطمن على عببر
واكون جمبها وجمب سحر
هلال والحل
نجاة طيب هقولك انا هاجى قبل ما تسافر
هلال اذا كان كدا زى بعضه يلا نامى عشان نصحى من بدرى اوصلك والحق ارجع
نجاة طيب
ياترى إيه هيحصل لعبير ؟
وسما هتعمل ايه ونجاة مش موجوده ؟
