رواية تاج مصر الفصل الثانى بقلم ليل ادم
سيف : تاج اهدا بلاش تسرع
تاج: متدخلش الاوضه ورايا ممكن يكون مفخخ نفسه
سيف: تاج مش
تاج : ( بنظره حاده) اسمع الكلام ياعم
سيف: تحت امرك يا فندم
تاج: ( حط ايده على سلاحه وفتح الباب بكل حذر شاف واحد قاعد جمب العنصر المصاب في حادث التفجير وماسك ساعته ينظر إليها )
ابو القاسم: متأخر عشر دقائق يعني لو كنت داخل اقتله مكنش حد مناعني
تاج : (شد أجزاء سلاحه وقرب من ابو القاسم) عايز تفهمني اي لما تدخل لحد هنا اللي مشغلك عايز يوصل لنا انكم مش خايفين تبقا عبيط
ابو القاسم: أنا مفيش حد مشغلني انت لولا غالي عندي كنت عرفتك معنا تمد ايدك على ابو القاسم اي (ولف وشه ل تاج)
تاج: (أول ما عرف أن ده ابو القاسم عرف أن في كمين كبير معمول )
ابو القاسم: مش فاكرني يا تاج بيه
تاج: انت مين
ابو القاسم: اقعد
تاج: خلص ياض انت مين
ابو القاسم: رصيدك يسمح لك تتكلم معايا كده
تاج: انت تعرف اسمي منين
ابو القاسم: ذاكرتك مش قويه يا تاج
تاج: أنا اعرفك صح
ابو القاسم: من خمس سنين كان عندي أوامر تدمير مبنا الوزارة ولما وصلت كنت أنت موجود كنت معجب بيك جدا الطلقه ب راجل قلبك حديد صفيت المجموعة كلها إلا طفل صغير كان عمره ١٦ سنه أول ما عينك جت عليه ولقيته بيعيط قلبك الحديد بقا لان وطلبت من الطفل ده يمشي بعيد ومن يومها وصورتك في بالي مش عايزه تطلع لو كنت يومها قررت تصفيني زاي باقي المجموعة مكنش الوقتي في ابو القاسم عرفت أنك حظك حلو ولو كان حد غيرك دخل كنت خدت روحه
تاج : ( في صدمه من أمره لما عرف أنه كان السبب في كل جرائم ابو القاسم لما قرر يسبه)
ابو القاسم: الوقتي بقا أنا هاخد الراجل ده وأخرج من هنا ولينا لقاء تاني ووعد مني ليك هسيبك تاخد الفرصه كامله لحد ما اقفل ايدي عليك
تاج : (حط سلاحه في رأس ابو القاسم)
ابو القاسم: كنت متأكد انك هتعمل كده علشان كده عايز ترفع عينك كده على المبنى المهجور ده (وأشار إلي المبني اللي كان في واحد من التكفيرين وقف مفخخ)
تاج : ( في جزء من الثانية كان رفع سلاحه وضرب العنصر بالرصاص)
ابو القاسم: ( بحماس شديد) برافو عليك لسه ايدك مظبوطه على الشعره
تاج : امشي قصادي
ابو القاسم: لحظه واحده كده (ورفع جهاز في ايده داس على زرار انفجر العنصر التكفيري في المبني ضمر المبني بالكامل ) كنت عارف برضوه انك هتعمل في كده
تاج: والطلقه الجايه في راسك
ابو القاسم: في تسعه كمان في محيط المستشفى الجهاز اللي في ايدي ده في منه اتنين كمان خارج المستشفى يعني لو حبيت تتفرج على مسرح البالون أنا بحب كده أصلا
تاج : (بصوت عالي) والله ما هسيبك يابن الكلب
باب الغرفه اتفتح
تاج : محدش يضرب نار محدش يضرب نار
ابو القاسم: تاج معايا لحد العربية انت شايف أيد فيها الريموت وايد فيها المجاهد بتاعي اللي خارج بي من وسطكم
تاج : والله وعد مني هخدك من وسط جماعتك وبنفس الطريقة
ابو القاسم: وأنا مستنيك بس برضوه مش هعمل معاك زاي ما انت عملت أنا هعتبرك ضيف وبعدين أقتلك (وبيضحك)
بعد خروج ابو القاسم من المستشفى ومعاه العنصر التكفيري
تاج: (علي اللاسلكي) تاج ينادي
تاج ينادي
احد الأفراد: تحت امرك يا فندم
تاج : اقفلي كورنيش المعادي و طلعه الدائري والشوارع الجانبية في تسع عبوات ناسفة ماشيه في الشارع وسطنا الحذر كل الحذر انت فاهم
سيف : تاج نعمل اي
تاج : تعالي معايا
في جانب آخر
ابو القاسم: يا شباب بارك الله فيكم اخلوا جميعاً بحذر شديد الوقتي حالا هيكون في تشديد أمني اي حد يقع منكم يفعل المتفجر وأنا هفجر من بعيد الله اكبر الله اكبر حور العين في الانتظار حور العين بتستنا يا شباب
في جانب آخر
سيف : انت جبتني هنا ليه
تاج : لو نزل من المبني اوعي تقرب منه هيفجر نفسه فيك
يوسف: هو مين
تاج : في عيل تبع ابو القاسم هنا خليك ( وتسلل تاج الي المبنى الي أعلا طابق كان العنصر في حاله هلع مش عارف طريق يرجع منه وسط مراقبه تاج ليه وفي اللحظه المناسبه كان تاج نط من على جدران السطح على العنصر وقدر يحط الكلابشات في ايده
العنصر: والله بفجر نفسي
تاج : عند امك ياض امشي ( وضرب الواد بضهر السلاح فقد الولد وعيه خده ونزل بيه )
سيف : تسلم ايدك
تاج : ع القطاع وعينك عليه تمشي على الصحراوي اهم حاجه تبعد عن المدنيين يا سيف لو الواد عمل حاجه تبقا في الصحراء
سيف : تحت امرك يا فندم
تاج : وليد
وليد.: تحت امرك يا فندم
تاج : اتحرك بالعربيه على شارع. ابو العزم اقفل على اول الشارع يا وليد متنزلش من العربية متنزلش لو لقتني بتقطع انت فاهم
وليد : تحت امرك يا فندم
تاج : ( بدأ في الجري بأقصا سرعه الي شارع ابو العزم دخل محل دراي كلين)
صاحب المحل: ( مهزوز من تاج) اي خدمه يا بيه
تاج :افتح الكاميرات دي بسرعه
صاحب المحل: (ارتبك وقع منه كيس على الارض نزل تاج يلقط الكيس شاف ليزر احمر ورا ستاره مغسله المحل اشاره الى صاحب المحل بمعنا هل العنصر جوه هز صاحب المحل رأسه )
تاج: وليد اتحرك الواد خرج من الشارع اطلع هاته من على الكورنيش بسرعه
وليد : تحت امرك يا فندم
خرج تاج من المحل لف من ضهر المحل تسلل الي نافذه صغيره في ضهر العنصر وفي أقل من لحظه كان الكلبش على ايد العنصر
تاج : امشي يابن ----------
العنصر: مليش دعوه والله هما لبسوني ده بالعافيه
تاج: وليد ارجع خد الواد بسرعه
وليد : منين
تاج : نفس الشارع أنجز يا وليد
وليد : لحظه واحده اكون عندك يا فندم
تاج : اقرب واحد ليك هنا فين
العنصر: مش عارف
تاج : لا دا انا ممكن اخليك تكره اليوم اللي امك لبسه في قميص نوم ل ابوك ( وضرب العنصر بكل قوه ) انطق ياروح امك
العنصر: في حي النرجس عمارات الواحه لسه موجود هناك
تاج: لا انطق منا مش هسحب منك واحد واحد قول ع طول
العنصر: والله ما اعرف إلا ده
وليد : تاج بيه
تاج : (طلع ابره من جيبه حقن الولد ) اسحبه على القطاع يا وليد
تاج : حد من الرجاله سامعني اللي يسمعني يتحرك على حي النرجس عمارات الواحه في عيل هناك عايزه حي محدش يضرب
عليه نار ولا يتعامل معاه أنا طالع اجيبه
احد الأفراد: تاج بيه مع حضرتك محسن مختار
تاج : اتحرك يا محسن ( وتابع تاج الركود وكان بينه وبين حي النرجس اربع دقائق فقط )
محسن: تاج بيه الواد بيهرب قصادي اتعامل معاه
تاج : محسن خليك ورا الواد ميغبش عن عينك حوليك مدنيين كتير اوعي تتعامل معاه
محسن: تحت امر حضرتك الواد لسه داخل موقف
تاج : خلاص شوفته يا محسن اقفل الاسلكي
محسن : تمام
تاج: محسن محسن استنا
محسن: تحت امرك يا فندم
تاج : العربية مفيش فيها إلا الواد اركب جمب السواق بسرعه وأنا هطلع اجيبه خليك عاقل يا محسن ل يفجر نفسه
محسن: تحت امرك يا فندم
تاج : ( اشهد ان لا اله الا الله واشهد أن محمداً رسول الله)
محسن: (ركب جمب السائق بكل حذر
تاج: (دخل أيده من شباك العربية خطف ايد الواد الاتنين وشده من الشباك)
محسن: تسلم ايدك يا تاج بيه
تاج : كلبش أمه
محسن : تحت امرك يا فندم
تاج : مين اقرب حد ليك ياض
العنصر: مفيش
تاج: (ضرب رأس العنصر بكل غل اكتر من مره لحد ما نزف من رأسه ومش عايز يتكلم )
تاج: خده على القطاع بعيد عن المدنيين يا محسن
محسن: تحت امرك يا فندم
في جانب آخر كان أبو القسم وصل لي خبر أن تاج خد تلاته من رجاله
ابو القاسم: ( مبتسم ضحكه جنونيه تحمل كل كراهية العالم )
ابو الحسن: والعمل يا ابو القاسم
ابو القاسم:ما زال يتمتع بالقوه أنا كنت عارف أنه حدد مكانهم لما شاف خريطه ريموت التفجير مبروك عليه التلاته الضربه اللي خدها اليوم اقوي صفعه في تاريخ الجيش كله يا ابو الحسن أنا اخدت العنصر من فم الأسد والحرب سجال خلينا نشد عليه كمان ونشوف تاج بيه آخره فين
