رواية فاتورة قلب الفصل الثانى بقلم چنا عطية
ومش مركزة كان في شاب سايق عربية واتصدم بيها
سلسبيل بصريخ: اااااااااه
الشاب حاول السيطرة على نفسه وداس فرامل على آخر وقت
سلسبيل كانت واقفة حاطة ايدها على ودنها ومغمضة عينها برعب وهي مستسلمة لقدرها بس بعدين فتحت عينها لما العربية وقفت
سلسبيل بعصبية وصوت عالي : انت متخـ،،ـلف مش تركز وانت بتسوق يا جدع انت ولا ماشي كدة وخلاص
يونس نزل من عربيته وهو بيبصلها بصدمة: انا متخـ،،ـلف!
سلسبيل بنفس الصوت العالي : اه متخـ،،ـلف و ستين متخـ،،ـلف كمان لما تمشي كدة في الشارع سداح مداح وارواح الناس لعبة بين ايدك
يونس بهدوء : اولا تكلميني بأسلوب احسن من كدة
ثانيا انتي اللي غلطانة يا آنسة انا سايق وانا مركز في طريقي وماشي بالسرعة القانونية
انتي اللي ماشية مش مركزة وكمان بتعدي من غير ما تبصي قدامك
كنت سايق لاقيتك مرة واحدة قدامي والحمدلله ان محصلكيش حاجة
سلسبيل سابته ومشيت وهي متدايقة ودموعها محبوسة في عينها وماشية بتفكر في مصيرها
يونس بصلها بتفكير وحس انها متدايقة من حاجة عشان كدة ماشية مش مركزة بعدين ركب عربيته ومشى هو كمان
استغفر الله العلي العظيم واتوب اليه🦋
♕♕♕♕♕♕♕♕♕
بقلمي جنى احمد🤍
بعد مرور ساعتين
كانت سلسبيل وصلت البيت ودخلت قابلتها نهاد بإبتسامة
نهاد بإبتسامة: ايه يا حبيبتي جيتي احضرلك الغدا؟
سلسبيل بحزن: لا مش عايزة يما هدخل اريحلي شوية
نهاد بتساؤل وهي بتطبطب عليها: قوليلي يا نن عيني لاقيتي شغل ولا لا؟
سلسبيل بحزن: كان نفسي يما اقولك اني لاقيت بس لا ملقتيش كل المحلات يا مش محتاجين يا العدد اكتمل.
نهاد زعلت بس خفيت الحزن عنها: مش مهم يا حبيبتي ولا تدايقي نفسك ايه المشكلة يعني ربك هيحلها،
المهم دلوقتي هتقومي تغيري وتاكلي انتي ماكلتيش حاجة من الصبح على لحم بطنك
سلسبيل بإبتسامة باهتة: ماشي يما جهزيلي الاكل.
بعد مرور ربع ساعة...
كانت سلسبيل قاعدة على ترابيزة الاكل وبتاكل بجوع وبعد ان انتهت لمت الاطباق وغسلتهم وطلعت قعدت مع مامتها
سلسبيل بهدوء واضح منافي براكين الحزن التي بداخلها : انتي كلمتي عمك يما اللي بتقولي غني دة
نهاد بحيرة: لا مكلمتوش على اساس انك بتدوري على شغل بس مش عارفة اكلمه دلوقتي ولا ايه؟
سلسبيل وهي بتبص على الساعة: يادوبك دلوقتي احنا مدخلناش في الليل يعني كلميه قبل ما الوقت يتأخر
نهاد بتنهيدة: طيب هاتي التليفون من جمبك
وبالفعل رنت نهاد على عمها وتنتظر منه رد
نهاد بإبتسامة: الو السلام عليكم عامل ايه يا عمي اخبارك ايه!.
ايمن بصوت ملىء بالدفىء : وعليكم السلام يا بنتي الحمدلله بخير انتي عاملة ايه وبناتك عاملين ايه
نهاد بهدوء: الحمدلله كلنا بخير وصحة وسلامة
ايمن بتساؤل: خير يابنتي كنتي عايزة حاجة
نهاد بخجل: بصراحة اه كنت محتاجة من حضرتك مبلغ صغير كدة
ايمن بإبتسامة: مبلغ كام يعني؟ + محتاجاه ليه لو مفيهاش احراج
نهاد بتنهيدة : لا والله ولا احراج ولا حاجة انا بس كنت عايزة ادفع ايجار المحل والظروف مش احسن حاجة هوعدك اول ما اخد الايجار هرجعلك الفلوس تاني
ايمن بحنية: اخص عليكي ترجعيها ايه بس دة انتي بنت الغالي طب بقولك ايه انا عندي فكرة حلوة
نهاد بحيرة وهي بتفكر ايه ممكن تكون الفكرة: اتفضل
ايمن بإقناع : انتي عارفة اني عايش مع احفادي يونس واخته ايه رايك تيجي تقعدي معانا اسبوع واهوا بالمرة تغيري جو وكمان اشوف بناتك انا مشوفتهومش من وهما قد كدة
نهاد بنفي: والله يا عمي انا مش عايزة اتقل عليك وكمان حضرتك بتقول انك عايش مع حفيدك يونس فأنا محتاجة المبلغ وبس
ايمن بسرعة: لو على يونس حفيدي فهو عايش معايا هو واخته وبينزل الشغل الصبح بدري وبييجي متأخر وهو محترم جدا والله وبيصلي الفرض بفرضه والمصحف مبيفارقش ايده يعني مستحيل يبص لبنت من بناتك لو خايفة
نهاد بحيرة: والله يا عمي انا مش عايزة ابقى عبء عليكوا
ايمن بسرعة: عبء ايه بس دي لو مشالتكوش الارض نشيلكوا احنا
نهاد بخجل: والله يا عمي اللي تشوفه
ايمن بإبتسامة: يبقى ان شاء الله اشوفكوا بكرة واشوف بناتك دي احنا نفرشلك الارض بالورد
نهاد بخجل: بس ياعمي انا مش عايزة اكسرلك كلمة عشان كدة هاجي اقعد معاك زي ما قولتلي اسبوع بس يا عمي
ايمن بإبتسامة : منتظركوا بكرة ان شاء الله
وقفلت المكالمة وهي مبتسمة وبصيت على سلسبيل اللي على وشها علامات التعجب
سلسبيل بفضول: ايه قالك ايه وافق يديكي المبلغ صح؟؟
نهاد بإبتسامة : اه الحمدلله وافق وطلب مني ان نروح نقعد معاه اسبوع
سلسبيل بتعجب: دة ليه يعني نروح نقعد معاه اسبوع!!
نهاد وهي بتشرح لها : هو كان عنده ابن وحيد اتجوز وخلف يونس وعائشة بس للاسف عملوا حادثة جامدة وهما طالعين رحلة لوحدهم و اتو،،فوا للاسف ومن صغرهم عايشين مع جدهم
سلسبيل بحزن: ربنا يرحمهم ويغفرلهم يارب
نهاد بتكملة لكلامها: وكمان عمي اتكسر جامد من بعد وفاة ابنه الوحيد عشان كدة هو بيحب اللمة وبيحب الناس تيجي تزوره وكدة
سلسبيل بتنهيدة : حاضر هنروح نقعد معاه اسبوع وهنجيب مذاكرتنا معانا
نهاد وهي بتتاوب: طيب روحي نامي دلوقتي عشان هنصحى بدري الصبح وجهزوا حاجتكم قبل ما تناموا
وبالفعل قامت سلسبيل وجهزت حاجتها هي وضحى اختها وكذلك نهاد ودخلوا يناموا ليستعدوا ليوم جديد
استغفر الله العلي العظيم واتوب اليه🦋
♕♕♕♕♕♕♕♕
بقلمي جنى احمد🤍
ايمن وهو بيعدل قعدته وبيشيل السبحة : يونس ... يونس
يونس بإحترام وهو بيقبل ايد جده: نعم يا جدي اوامرك
ايمن بإبتسامة : الأمر لله وحده يابني حاول تأخد اجازة بكرة يابني عشان في ضيوف جايلنا بكرة
يونس بإحترام وهو بيقعد جمبه: والله يا جدي صعب دلوقتي اخد اجازة لكن ممكن اجي من الشغل بدري لكن اجازة صعب
ايمن بتفهم: حاضر يابني بس حاول تيجي بدري بكرة
يونس بفضول: بس مين الضيوف اللي جيلنا بكرة يا جدي؟
ايمن بإبتسامة: دي بنت اخويا جاية هي وبناتها الاتنين
يونس بغيرة وتحذير: يعني مافيش ولاد يعني يا جدي متأكد عشان مش هينفع عائشة تقعد في وسطهم وفي ولاد
ايمن بتفهم غيرته بإبتسامة: لا متخافش مافيش ولاد
يونس بخجل: طيب يا جدي ينوروا والبيت بيتهم
ايمن وهو بيربط على كتفه بحب: عرف اختك بردوا ان في ضيوف جايين بكرة وعرف الخدم انهم يجهزوا البيت ويعملوا اكل مش عايز حاجة ناقصة
يونس بضحك: لا دول شكلهم فعلاً ناس مهمة وماله ياجدي نقول احنا عيونا ليك يا كبير انت
ايمن بضحك: طب يلا يا بكاش روح عرف الباقي
ابتسم يونس وراح لغرفته اخته خبط الاول ودخل
عائشة اول ما شافته جريت حضنته: يونس اخيرا جيت من الشغل وحشتني اوي
يونس بغمزة اظهرت وسامته: انتي هتضحكي عليا لحقت اوحشك يعني
عائشة بحب أخوي: والله بجد وحشتني حاول تاخد اجازة يوم وتقضي اليوم دة معايا
يونس وهو بيتنهد بتعب: حاضر هحاول والله بس انا عندي ضغط شغل وورايا قضية صعبة بشتغل عليها عشان كدة معنديش وقت
عائشة بإبتسامة: عادي ولا يهمك يا حبيبي ربنا يقويك
يونس وهو بيضمها لحضنه وبيقبل راسها كإنه بيقولها انتي فيكي حنان الأم المفتقده من واحنا صغيرين
كإنه بيقولها انه لما بيرجع وشايل تعب الشغل والهموم والتعب حضن واحد كفيل انه يشفي كل التعب دة وطلع من حضنها وهو بيظبطلها شعرها
يونس بحنية: اعملي حسابك ان في ضيوف جايلنا بكرة انا بعرفك بس عشان تعملي حسابك يعني
عائشة بإستغراب: ضيوف؟!
ضيوف مين اللي جايلنا بكرة احنا حد يعرف اننا عايشين اصلا
يونس بضحك مفرط: لا دول قرايب جدي بيقول انه بنت اخوه وبناتها بس
عائشة: طيب كويس انك قلتلي بردوا يلا تصبح على خير عايز حاجة
يونس وهو بيقوم وقبل راسها: عايز سلامتك يا حبيبتي
طبطت عليه بحب وهو طلع من الغرفة وقفل الباب واتتاوبت عائشة بنوم واستغطت ونامت
اما بالنسبة ليونس دخل اخد شاور وطلع وهو لابس البنطال فقط وشعره المبلول نازل على صدره المشدود وعضلاته المبروزة وجسمه الرياضي
قعد يونس في السرير بتعب وهو بيقلب في الموبايل بزهق لحد ما غلبه النوم وظبط المنبه على صلاة الفجر ونام
لا إله إلا الله وحده لا شريك له🦋
♕♕♕♕♕♕♕♕
بقلمي جنى احمد🤍
بعد مرور 4 ساعات
رن المنبه وقام يونس من نومه وصحى عائشة وجده ايمن واتوضوا وكان يونس الإمام وصلوا وكان يونس صوته جميل في قراءة القرآن وبعد ان انتهوا من الصلاة
ايمن بإبتسامة: تقبل الله منكم صالح الاعمال يا حبايبي
عائشة بإبتسامة: منا ومنكم يا جدي
يونس ابتسم ليهم وقام قبل ايد جده واستأذنه انه يطلع ينام وكذلك عائشة اللي طلعت تنام
يونس كان بيفكر في سلسبيل والطريقة اللي كلمته بيها وقد ايه كان باين عليها انها متدايقة
يونس بتنهيدة وهو بيروح في النوم: ربنا يسهلها
♕♕♕♕♕♕♕♕
في تمام الساعة العاشرة صباحاً
اشرقت الشمس لتعلن يوماً جديداً
استيقظوا جميعاً وصلوا الصبح وجهزوا الفطار وفطروا ولبسوا هدومهم وقفلوا الشقة ونزلوا
احمد بإبتسامة واسعة: هاتي عنك يا آنسة سلسبيل
سلسبيل من غير ما تبص له: شكراً يا احمد ليك روح شوف شغلك
احمد وهو بيتلكك : مش مهم شغلي يا ست هانم مينفعش تشيلي الشنط دي لوحدك وانا موجود
سلسبيل بتنهيدة وهي بتحاول متزعقش: قولتلك شكراً يا احمد روح شوف شغلك احنا هنركب من على اول الشارع مش محتاجة حاجة شيلاك للتقيلة
احمد وهو بيحك راسه بخجل: طيب يا ست هانم براحتك
ومشيت سلسبيل هي وضحى ونهاد وركبوا العربية وضحى كانت نايمة متأخر فنامت في العربية وسلسبيل كانت بتقلب في فونها بدون جدوى وكل شوية تسأل نهاد فاضل قد ايه ويوصلوا
سبحان الله وبحمده سبحان الله العظيم🦋
♕♕♕♕♕♕♕♕
بقلمي جنى احمد🤍
في مركز الشرطة تحديداً في مكتب يونس
كان يونس قاعد ماسك ورق قضية ومركز فيه جامد وبيحاول يوصل لحاجة معينة وقطع تفكيره صديقه ادهم
ادهم بعملية: معلش يا يونس دخلت عليك من غير ما اخبط بس انا معايا حاجة مهمة جداً بخصوص القضية
يونس وهم ضامم حواجبه بتركيز: وريني كدة
ادهم بتركيز وعملية وهو بيشغل الفلاشة: بص دي كاميرات الفيلا جبناها من صاحب الفيلا
هما بيقولوا ان البنت دي كانت قاعدة لوحدها وان حد جالها وبعد ما طلع سمعوا صوت ضر،،ب نا،،ر
يونس بتركيز: والكاميرا مبينة التوقيت اللي الراجل طلع فيه طالع الساعة 3:45 وصوت ضرب النا،،ر كان 3:47 واقوال المتهم بتقول انه مقتـ،،ـلهاش وانه راح لقى واحد ضربها بنار وهرب بس بيني وبينك مستحيل يطلعلها ويقعد معاها ويسهيها ويقتـ،،ـلها كل دة في دقيقتين الكلام لا يعقل وكمان الكاميرات مش مبينة ان في حد نزل مثلاً بعد وقوع الحادث او كدة
ادهم بحيرة: ما هو دة اللي هيجنني الكاميرات مش مبينة حاجة وكمان حارس العقار قال ان مافيش حد طلع الفيلا دي في اليوم دة وزي ما انت بتقول كدة اصل يعني اكيد مش هيقتلها من على الباب
وسكتوا للحظات قليلة وهما بيفكروا وفجأة كلهم تعابير وشهم اتغيرت
يونس: اكيد في كاميرات تانية تثبت ان كان في حد تاني موجود في الفيلا
ادهم: ممكن تكون في كاميرات ورا الفيلا او كاميرات للفلل التانية ظهرت شخص ممكن يكون نط من الشباك او كدة
يونس بعملية وهو بيقوم من على المكتب: اعمل كل تحرياتك عن الموضوع دة لأن انا للاسف لازم امشي دلوقتي
ادهم بإبتسامة: تمام يا حضرة الظابط يونس ولو في اي تغيير هبلغك
اومأ له يونس وطلع ركب عربيته واتجه الى الفيلا
اللهم صلي وسلم وبارك على سيدنا محمد🦋
♕♕♕♕♕♕♕♕
بقلمي جنى احمد🤍
كانت عائشة بتاخد شاور وطلعت لبست فستان واسع ومحترم وسرحت شعرها وفردته على ضهرها واكتفت بوضع مرطب لوشها ومرطب لشفايفها وحطت برفان خفيف ونزلت
في الوقت دة كان جه يونس وركن عربيته وطلع يجهز نفسه
مرت نصف ساعة
جرس الفيلا كان بيخبط،
اتجمعت عائشة هي ويونس وايمن
والخادمة فتحت الباب ودخلوا واول ما سلسبيل دخلت،
الشنطة وقعت من ايدها وهي بتبص ليونس بصدمة
ويونس كذلك بيبصلها بصدمة
ايمن وعائشة وضحى ونهاد لاحظوا علامات التعجب اللي على وجههم،
سلسبيل اللي اترسم على وجهها علامات الصدمة : انت!!
يونس كذلك: هو انتي!!
