رواية معشوقه الضابط علي الفصل الثاني 2 بقلم ارسلان جاف

داده نشر بين يوم ويوم وبس انريد تفاعل منكم حبايب

مــســاء ملــــون بألوان الزّهـــــــور الجميلـــــــــة

مســــــاء السّعـــــــــادة والمحبــــــه الصادقــــــــة

مســــاء جميــــــــل كـجمــــــــال نفوسكــــم الطّيبـــــة

اللّهـــــم مثلمــــا أضــــأت الكـــــون بنور شمــــــس هذا المســـاء

فــأضئ قلــــــــوب أحبّتــــى بنور حبّــــــك ضيــــــــاء لاتنطفئ أبــــدا

أسعــــــد الله مسااائكـــــــــم بكــــــل خيــــــر 

قلبيـہ متهشم وباليـہ ولـا يقوۍ علۍ تحمل المزيد، نعم اعترف ٲنّي امہﺭ في حالـﮪ ضعف شديدﮪ ولڪن مـن سيهمهہ امريـہ في هذا الوقت"؟ حسناً لـا بئس وڪان شيئاً لم يحدث، وڪٲني لست حزينهہ، وڪٲن الحياﮪ جميلهہ والايا۾ ورديهہ؛"کل شي۽ ؏ مـا يرام🙇‍♀🖤!" 

هناس... دخلنا البيت اجو البنات ركض على ماما حضنوها ويبجون بديت ابجي ما اعرف اخاف اخسرها ونضيع من دونها 

هبه.. ماما حبيبتي ماما شلونج هسه خوما تعبانه 

هدى.. حياتي يمه متت خوف عليج والله 

نور.. ليش محد خبرنا مثل النار اهنا ما نعرف المستشفى 

هناس... كافي خل ترتاح تعبانه لا تخافون بس تعب من الشغل ضغطها نازل خل ترتاح 

فاطمه.. لآ تخافون عليه رويحاتي بخير بس اريد انام جسمي مكسر ام حسام ضلي يمنا تعبتج وياي 

ام حسام.. صدك جذب يمعوده شعندي غيركم جار عزيز عليه والله صار عمر وياكم هسه عبير وشمس بل البيت اضل يمكم تدللون انام على كلبكم 

هناس.. هههه فدوه لقلبج خاله البيت بيتج دخلو فرشت فراش الماما نامت كعدنا كلنا 

هبه.. ماما تعبانه بنات بديت اخاف عليها راح اترك دراسه ما مستعده اخسر ماما خل تعوف الشغل وتكعد بل البيت 

هناس.. اي والله تعبانه دكتور كال لازم ترتاح حايره مثلكم ولي بكيفج تعوفين دراسه لعب جهال هيه 

ام حسام.. اذا تركت الشغل بشنو تعيشون لا هبه هذا مو حجي مو حل الله يساعدكم عمك ما يجي يساعدكم 

هدى... عمي ابنه مريض يريد يطلع للهند حاير بهمه الي بي مكفي خابرني ابن عمي كال يجي علينا هو وجديتي ما اعرف اشوكت 

هناس... عفتهم ورحت لغرفتي احس روحي مسؤليه برأسي اخواتي كومه لحم ماما تعبانه مريضه حايره شلون اكول لاخواتي هبه جاي تدرس نور دورات سادس شغلي اني وهدى بس مسواك البيت خياطه قليل شغلنا راتبي قليل 

ام حسام.. يلا من رخصتكم اروح هسه البنات يحجن عليه 

هبه.. اخذي راحتج خاله الله وياج راحت خاله ام حسام ماما نايمه بنات خل نروح نشوف هناس دخلت الغرفه شكلها دايخه امشو 

هدى.. امشي هناس شبيج ما عجبتني من اجيتي لحد الان صافنه ماما بيها شى احجي هناس احجي. 

هناس... لآ تخافون ماكو شي بس عندي موضوع ماما مريضه عدها عجز بل القلب شغل مو زين عليها تعب نفسها 

هدى... شنو مستحيل ياربي امي شلون لا بعد ما نخليها تشتغل والله اموت إذا صار شي على امي 

هبه.. ياربي ليش هيج ان شاء الله ما بيها شي هناس طمنني فدوه بديت اخاف والله 

هناس.. اجو بحضني اش خلص ما بيها شي خل نروح يمها رحنا عليها نور نايمه بحضنها هيه كاعده ها يمه شلونج هسه 

فاطمه... تعالوو لاتخافين عليه ما بيه شي ليش تبجن عليه 

هناس... يمه ديري بالج على نفسج ما نكدر من دونج والله مو زين عليج الشغل كلبج تعبان 

هبه... كلام هناس صحيح ماما نخاف عليج 

هدى.. عندي فكره خل وحده من عدنا تشتغل بمكانج هيج ما راح نخسر شغلج وهبه تكمل دراستها وانتي ترتاحين شكلتي ماما 

فاطمه... لآ ماما ما اقبل وحده منجن تشتغل يم الناس تنظف وتطبخ لا ناس ما ترحم يضلون يحجون عليجن لا اشتغل لا تخافون عليه 

هناس... ماما مثل ما انتي ضيعتي شبابج شغل وتنظيف وخياطه ما خليتنا نحتاج احد وهسه انتي تعبانه ومريضه نخاف عليج لازم وحده من عدنا نكمل عنج الحمل بس اني ما أكدر شغل مختبر خل هدى دور شغل سكرتيره اي شي 

هدى... اني. ما أكدر اشتغل متعلمه اشتغل بل البيت متعلمه ما اطلع اووي 

فاطمه... خلص كافي روحو هسه بعدين ادز عليكم خل افكر يلاا 

هناس ... ماشي ماما اخذي راحتج رحنا نمنا بغرفتنا نور نايمه بحضنها شلون هسه بنات اني حجيت بس ما اكدر اشتغل انظف واطبخ يمه وشغلي المختبر 

هبه.. ولا. اني ما أكدر الجامعه مالتي 

هناس.. لعد اني أكدر انهزمتَو منها شلون لعد عيشه صعبه نروح لبيت جدي نعيش يمهم كل وحده تكول ما عليه لعد شلون 

هدى.. كل عقلج تحجين ومشاكل يوميه صارت عقده نفسيه منهم مرت عمج ألبومه كامت تغار عبالها عمي يتزوج امي كبر حتى كبور ما مستعده نرجع مشاكل واخسر خالد 

هناس.. صدك كلامج اووف حيره بس هممج خالد والله دايخه راسي راح ينفجر من التفكير والله شوفو حل 

نور... هناس امي تصيحج تكول خل هناس تجي 

هناس.. ماشي خل اروح اشوف شنو قرارها عزاا بس لا اني 

فاطمه.. تعالي هناس يمه هنوسه تكدرين تشتغلين بمكاني فتره لما اصير زينه خاف اخسر الشغل وهاي اختج اخر سنه واني ما بيه والله. ادري بيج سباعيه اختاريتج من دون اخواتج لان عندي ثقه بيج ما ينخاف عليج 

هناس.. بس ماما ما اعرف حايره وشغل مختبر شلون ما أكدر اعوف شغلي 

فاطمه... تروحين الصبح وترجعين وره الظهر والعصر تروحين لمختبر فتره لما اصير زينه علمود دورات اختج نور 

هناس... احس مجبوره ماكو بل اليد حيله ماشي ان شاء الله الي تريدي يصير بس انتي تكونين بخير الباقي مو مهم تمام يا روحي انتي 

فاطمه.. فدوه لبنوتي الحلوه بس اكو شغلات لازم احذرج منها. داخل البيت ماشي 

هناس... شنو ماما ما فهمت قصدج 

فاطمه.. راح تفهمين من تروح تشتغلين يعني اذا تسمعين كلام من هاي وذيج طنشي خلي بهاي عجين وبهاي طين ابنهم هذا الي جابنا اليوم هو خوش ولد حباب بس ديري بالج والله خايفه عليج ما اوصيج هناس 

هناس.. لآ تخافين عليه ماما ان شاء الله اكون عن حسن ظنج بيه لا تفكرين اروح اجيبلبج العلاج رحت جبت العلاج هاي اخذي ونامي وارتاحي تمام اخذي راحتج يمه 

فاطمه... ماشي يروح امج روحي نامي لا تشتغلين خياطه وراج كعده من الصبح ماشي يمه 

هناس.. ماشي عيوني رحت لكيت اخواتي نايمات غطيتهم بستهم مسحت على شعرهم خايفه افقد امي مسؤليه جبيره برأسي اخواتي وامي كلشي بحياتي ياريت محمد ضل عايش يمكن يتحمل مسؤولية عني من يكبر الله يرحمك برحمته نمت واني افكر بل الي الجاي وشنو راح يصير بحياتنا 

ليان... اكلج بان صدك تحبي هذا مصطفى كل عقلج اهلي يقبلون همه ريناد الف ويلاه يلا قبلو 

بأن.. إن شاء الله يقبلون متفائله اني شكو بي ليان ولد حباب حياه مو بس فلوس وغني اهم شي الروح انتي قلبج طيب لا تخربين نفسج بشويه فلوس 

ليان. منو كلج تهمني الفلوس بس ما احب ارتبط ما اعرف احس زواج فاشل كرهت زواج من وره امي وابويه 

ليان. منو كلج تهمني الفلوس بس ما احب ارتبط ما اعرف احس زواج فاشل كرهت زواج من وره امي وابويه بس مشاكل اريد اروح اعيش يم بيت جدي شتكولين 

بان.. لآ تخلين مشاكل امي وابويه تأثر على حياتج اختاري إنسان يفهمج اخواني عايشين حياتهم لان اتعودو على مشاكلهم يوميه هذا ابويه ما يتغير اهم شي عنده شغله خبله انتي وامي علمود تنخبل وجدي يضل يسألج ليش وليش  

ليان.. كاافي راسي طك اني نايمه باجر ما اروح لا تكعديني تمام ما اروح 

بان... ماشي على راحتج تصبحين على خير حياتي 

ليان.. وانتي بخير حبي 

بان... طلعت من غرفه مالتها داما احاول انصحها بس بسبب مشاكل امي وابويه هيج يصير بيها طبعا ابويه وامي ما متفاهمين بحياتهم السبب امي ما اعرف يمكن العيب بيهم اثنيهم 

ريهام ... شبيك حياتي صافن من اجيت الظهر وانت ما عاجبني بس صافن شكو صار شي بل الدوام 

سيف . لآ ماكو شي لا يضل بالج نامي وارتاحي ماشي حبيبي لا تخافين 

ريهام .. ماشي عيني تصبح على خير 

سيف .. وانتي من اهله من رجعت من المستشفى عقلي يمها مو هناس ملاك مفروض يسموها يا اخي شنو من محسن وأخلاق اووف لو ما متزوج ههههه 

علي... أفكر بقرار بابا ادري ما راح يصير خير وضع مو امان تهمه بس الفلوس تعبان من حياتي خلص لازم اكون نفسي إلى متى اضل هيج لا مره لا طفل احجي ويه اهلي خل اتزوج كاافي وبعدين اروح اشوف اهلي 

ساعه ٧ صباحا 🌝☀️ 

هناس... كعدت من النوم على صوت توقيت تلفون كعدت عزاا ساعه ٧ يلا بنات هبه هدى اكعدوو ما ضل. وكت اني رايحه اكعد نور يلا عشر دقايق ريوك جاهز بسرعه 

هبه.. اووف اشكد مزعجه خلينا نايمين اووف اشوكت اخلص واشبع نوم كعدت هدى اكعدي هدى 

هدى.. عوفوني نايمه شعدكم الي ما عندي لا دوام لا شي خليني نايمه فدوه 

هناس.. يلا كومو عاد نور نور يلا ما ضل وقت على مدرستج صباح الخير ماما 

فاطمه.. صباح الخير بنتي اخواتج كعدن ما تجبيلي العلاج راسي طك من الوجع 

هناس.. ماشي سلامتج ماما هاي علاج من رخصتج رايحه ابدل علمود اروح 

فاطمه.. ماشي بنتي امج تعبانه والا ما اخليج تشتغلين اعتمد عليج هناس 

هناس.. لآ تشيلن هم ان شاء الله اكون كد ظنج بيه من رخصتج ماما رحت للغرفه طلعت هدوم هبه هدى شنو البس حايره هدى انطيني هذا القميص نيلي فدوه 

هدى... اخذي ولج ما اعز عليج هنوسه تدللين 

هبه.. وهاي بنطلون مني شال نور حلو شتردين بعد تخبلين والله 

هناس.. فديتكم بدلت خليت مكياج خفيف عبالك شوف وين رايحه هيه شغل خدامه وتنظيف اووف والله كوه بس شسوي 

هبه.. لآ هيج تكولين ترتبيت واناقه مطلوبه مو شرط الا شغل تجنن طلعت العوبه شوفي هدى 

هناس.. عابت يلا رايحه ادعولي ما يطلعولي عكارب سود .. 

هدى.. الله وياج حبي ادعيلج يروحي انتي 

هناس.. طلعت يلا ماما اني رايحه 

الام فاطمه.. الله وياج بنتي خالتج ام حسام تنتظرج يم الباب خابرتني هيه تعرف البيت يوميه تاخذج وترجعج لا تخافين كوني قويه بس اصير زينه اكمل عنج الشغل 

هناس.. ماشي ماما لا تخافين عليه. امححح بستها وطلعت تكسي خالتي ام حسام وياي طول طريق افكر بحياتنا وخايفه 

ام حسام.. يمك ابني نازل يلا بنتي هناس ننزل وصلنا البيت شبيج صافنه هناس ولج هناس 

هناس.. نزلت ضليت صافنه هااا خاله معقوله هذا البيت موجود بغداد وااووو يجنن نيالهم والله 

ام حسام.. اي غير انتي. ما تطلعين وتشوفين هيج ناس عايشين بعزز بس ما مرتاحين صدقي كل واحد منهم عنده مشكله اسألي امج يلا ادخلي محفوظه باسم رحمن من تخلصين خابريني اجي اخذج 

هناس.. غريب. ماشي خاله ان شاء الله الله وياج راحت وصلت البيت الحارس فتحلي الباب 

جعفر... اتفضلي اختي منو رايده 

هناس.. اني بنت فاطمه الي تشتغل بل البيت هذا بيت ابو علي اجيت اشتغل بمكانها لان تعبانه ممكن تبلغ البيت أو اكدر ادخل 

جعفر.. لحظه بس أبلغهم انتظري هسه اجي 

هناس.. ماشي راح تروح ضلت عليك شدعوه هلكد يخافون شنو مثلا انتو شايفين نفسكم عابتلكم اي والله ضليت صافنه على طراز البيت والحديقه والسيارات الحديثه بل البيت اجه يركض هاا بشر 

جعفر. َاتفصلي منا اختي 

هناس.. مشكور دخلت فتح باب البيت وصلت فتح الباب دخلت الصاله. جبيره كلش كلها تخم وشي راقي مطبخ مفتوح على البيت يجنن بس مقسوم قسم منه اجتي وحده تمشي عليه 

ليان.. انتي خدامه الجديده بنت فاطمه مو بلغني حارس تعالي ورايه امي بغرفه الطعام اتحركي شكو صافنه ما شايفه 

هناس.. لآ ما بيه شي ما صافنه عوذذه نفس ماشي امشي وراها اشكد حقيره ذوق سزز وصلت الغرفه الاكل خاصه يمه ريوك يجنن يم يم عوذه منكم جعت بحياتي كلها ما شايفه هيج ويوك كمت امطك هههه صباح الخير 

رقيه... هلا صباح النور شكو جايه بكفيج امج تقرر تشغل بمكانها بناتها شعدها يابه فندق خمس نجوم لو شركه 

ابراهيم.. رقيه عيب عليج ام محمد صارلها عمر ونعرفها وثقه اكيد تعبانه دزت بتها بمكانها 

ليان.. خوش والله تعيين مباشر تتقاعد ام تستلم البنت ههههه شتسون سوو اني رايحه باي 

رقيه.. روحي الله وياج 

هناس.. اشكد كرهت روحي اكو بنيه حبابه كاعده تاكل وتباوع عليه وتبتسم كومه كامت تحجي يسووون زين يطلعونا من خشومنا علواه تطردني وارجع ميته على شغلكم ساكته انتظر قرارهم  

ابراهيم ََ.. يا مره تاالي وياج روحي بنتي شوفي شغلج بنتي بان علمي البنيه على شغلها شنو اسمج بنتي 

هناس.. عمو اسمي هناس 

ابراهيم. َشنَو شنو شنو اسمج عيدي 

هناس.. عمو اسمي هناس 

ابراهيم.. اول مره اسمع هيج اسم عاشت الاسامي يخبل اسمج عمو روحي شوفي. شغلج 

بان.. يخبل اسمج هناس يجنن غريب 

هناس.. تسلم عمو مشكوره 

رقيه.. والله وبسرعه كدرت تضحك عليكم بنت فاطمه الخدامه شلون اسم امشي ولي شوفي شغلج يلاا 

هناس. َمشيت اشكد حقيره رحت للمطبخ بديت اغسل المواعين نظفته ورتبته خليت الغدا على الطباخ نزل ولد. من فوك 

سيف ... بان اريد ريوك ريهام نايمه ما احب اكعدها خاله فاطمه اجت خل تسويلي ريوك منو هاي بل المطبخ 

بان.. لآ والله خاله فاطمه مريضه وتعبانه هاي بنتها هناس تشتغل بمكانها

بان.. لآ والله خاله فاطمه مريضه وتعبانه هاي بنتها هناس تشتغل بمكانها 

سيف .. معقوله التفتت شافتني نزلت راسها مو حرمات بنت مثل ورده يخلوها تشتغل والله جريمه ضليت صافن عليها الا حسيت على نفسي رحت كعدت يمهم 

ابراهيم... خلص ريوك مالتك جدك دز عليك عنده موضوع وياك وانتي بل الجذب روحي لبيت اهلي 

رقيه.. ماشي شعندي قبل يومين جنت يمهم عاد ابوك اشكد يحبني 

سيف... ماشي حجي والله اني هم مشتاق لعمامي َعماتي يزعلون عليه 

رقيه.. انتي شنو اسمج هناس تعاالي اخذي مواعين ريوك ونظفي المكان يلاا هسه يجون بيت اخواتي يلاا اتحركي 

هناس.. حاضر رحت اشيل مواعين بس سيف كاعد عيونه عليه كرهت نفسي احس نفسي محط أنظار للكل اتحمل علمود نعيش زين شفته كام بدل وطلع ابوهم راح للمكتب خلصت المواعين طبخ كمت اغسل البيت  

رقيه.. هلا ام حيدر هلا بنتي طيبه هلا أطياف شلونجن عيني 

أطياف.. هلا خاله شنو جايبن خدامه جديده اول مره اشوف خدامه شابه بهيج عمر شنو ما عندج اهل انتي 

هناس.. بلي عندي كلمن ويركض وره عيشته اخذت ماسحه مشيت من يمهم دخلو غرفه الضيوف اخذت عصاير وشغلات رحت قدمت الهم عيونها عليها تريد تاكلني تفضلي خاله تفضلي عيني 

أطياف. والله اخر زمن ههههه صدك خاله علي اشوكت ينزل علمود اكوله يطرد هيج حثاله من البيت قحط كومه خدم اكو ضاله مزبله 

رقيه... بكيفكم يقرورون هيه وامها وحده تبطل والثانيه تشتغل وابو علي بسلامته ما قبل الا تبقى بس ما اخليها انتظر علي ينزل 

طيبه... ههههه اشبعي كلام حلو حبيبتي إذا عندج كرامه روحي من هسه احسن الج 

ام طبيه.. خل تولي ما تخافين على ولدج من هيج بنات كلشي يسون هذول 

هناس... كومه حجو احس. روحي اريد انفجر يالله شلون جنتي متحمله ماما الله يساعدج رحت المطبخ خل اخابر البنات الو هدى شلونكم 

هدى.. الحمد لله تمام اني وماما جاي نلف جدر دولمه احنا وخالتي ا م حسام انتي شلونج شلون الوضع 

هناس.. ضليت ساكته ما اكول احسن اتحمل لخاطر اخواتي وامي مريضه لا ألحمد الله لا يضل بالج بخير 

هدى.. ألحمد الله امي تسلم عليج تكول خل دير بالها على نفسها تمام 

هناس.. ماشي بوسيها فدوه اخذي راحتج حياتي 

هدى.. ماشي حياتي الله وياج يوصل 

هبه... جنت اشكد مرتاحه ما مرتبطه بس هذا الشخص بدا يضايقني يوميه جاي سألت عليه ما يدوام اهنا هو شكله جبير عمر ٣٠ ما انكر احس مشاعر تجاه كاعده اني وصديقتي عبير اجه هو 

فارس .. ممكن بلا زحمه عليج اريد صديقتج اشويه عندي كلام وياها 

عبير.. ماشي اخي اتفضل اني رايحه هبه حبيبتي 

هبه.. وين رايحه ولج راحت عبالك اخذت روحي وياها اجه كعد بصفي بعدت عنه يشرب جكاير ويحجي عفوا شرايد انت منو انت تجي تكعد بصفي كمت لازمني من ايدي قوي المني كلش 

فارس .. هبه لا تعاندين اخليج تندمين والله خليج حبابه وياي اني رايدج يا بنت الناس 

هبه... واني ما أريدك يا ابن الناس لو تبقى اخر شخص على كره ارضيه تدري ليش 

فارس ... ليش 

هبه.. لان اكره شخص يهدد احسه عديم رجوله قطره رجوله ما عنده الي يهدد افتهمت لو اشرحلك مره ثانيه 

فارس .. منو عديم رجوله ولج بنت.... 

هبه.. انت احترم احنا بوسط عام بشرفك هاي كل ألفاظك لا متعب نفسك وجاي ورايدج يا بنت الناس عبالكم بنات الناس لعبه بيدكم اتقوو الله يا أخي روح مشيت وخليته صار بركان 

فارس ... راحت بس صدكتي الا اخليج تتندمين على اليوم الي صرتي بي الا اكره نفسج اني عديم رجوله من عيني اشوفج منو ما عنده رجوله اصبري رحت وعفت كليه خابرت صديقي لؤي ولك اريد منك رقم هاي الي وياكم بل كليه اسمها هبه عرفتها مو 

لؤي.. هاي الي تدرس ويه كاظم اي عرفتها شتريد بي والله ما عندي 

فارس .. ما عليه أريده من جوا الكاع من صديقه الك ما عليه اموتك هسه أريدها افتهمت 

لؤي... حاضر هسه اشوف صديقتها حبيبتي احاول وياها وتدلل 

فارس.. لؤي ما اريد. احد يعرف افتهمت بس اني وياك 

لؤي.. حاضر اتدللل من عيوني 

ليان... انتي هناس مو اسمج اصعدي نظفي الغرف مالت اخواني غرفه غرفه تنظيف زين تمام يلا اصعدي 

هناس.. حاضر الله يساعدج ماما ظهري انكسر ياربي اخذت منظفات وصعدت فتحت الغرفه خلصت على الثانيه نايمه يمكن هذا سيف إلى متزوج واجيت غرفه بيها سرير مالت طفل زينه مو متخربططه نظفتها وطلعت بقت اخر غرفه فتحتها احلى غرفه شفتها نازكه كلش اخشاب تركي لون اسود فحمي جراجف لون؛ ابيض بيها مكتبه صغيره بديت اقرا كتب احب اقرا الكتب الله الكتب الي احبها يااي كتابي مفضل اخذني وقت واني اقراا عزاا ما ضل وكت كمت امسح مكتب جان زجاج وخشب يخبل رتبته بدلت جراجف غيرته ديكور تحفيات 

كله راقيه ونازكه ما اعرف لحني فضول اشوف كنتور فتحته هبت عليه نسمه عطر من كنتور 

سطرتنتي سطر اويلي خرب اشكد يستخدمون عطور هذول أشكد مرتب وحلو زين غرفته نظيفه ما تعبني بل التنظيف احسن من إخو سيف وأخواته بس تراب يمكن ما يتواجد بل البيت هذا اكيد دايح اغنياء ما يكعدون بل البيوت اخذت منظفات طفيت اضويه ونزلت جواا.... كروب قصص عراقيه كان يا مكان 

هدى... ماما عمي ياسر وجديتي اجوو  

فاطمه.. َهلا بيهم اتفضلوو هلا عمه هلا ابو خالد اتفضل 

ياسر.. شلونكم شلونج ام محمد ان شاء الله بخير سمعت مريضه وتعبانه 

نعيمه.. شلونج البنات شلونهم نور هبه هناس وين لعد 

فاطمه.. اي والله تعبانه هناس موجوده راحت هيه واختها نور للمدرسه رايدين ولي أمرها 

نعيمه.. هاا خير ان شاء الله نتظرهم اريد اشوفهم 

هدى.. عزاا خل أبلغ هناس تجيب نور وياها علمود ما يشكون بينا يفضحون امي والله 

هناس.. كاعده احضر عصير برتقال طبيعي سمعت صوت سياره انخبصَو كلهم من اجتي هاي سياره ام كامت مثل مصروعه بنت الخاله عبالك شيطانه عوذه تريدك واحد نيته مو شيطانيه ماكو كلها شايفها نفسها اجتي حده حبابه 

بان... اني بان اعتبرني مثل اختج اني موجوده بل المناسبه لا عليج ب ليان ترا وكحه اختي واعرفها اوك 

هناس.. تسلمين حبيبتي لا ما عندي شي وياها 

بان.. ماشي حياتي اني رايحه اخويه علي اجه وهذا جياته قليله للبيت كملي شغلج 

هناس.. ماشي.. راحت شفته دخل كل

هناس.. ماشي.. راحت شفته دخل كلهم استقبلوا منطيه ظهري بس اسمع صوتهم 

رقيه.. َهلا بيك وليدي نورت البيت هسه ولك حقير ما تكول عندي ام اسأل عليها بذات 

علي.. ههههه يروحي انتي حقج عليه شلون ما اسأل عليج نبع الحنان شلونج خاله شلونج طيبه أطياف شلونج 

أطياف. َبخير يروحي اذا انت بخير 

ام طيبه. َ الحمد لله يروح خالتك تعال اكعد ارتاح 

علي.. اخذ حمام ارتاح وانزل صدك ماما جوعان اريد غدا ميت جوع ماشي 

رقيه.. تدلل جاهز الاكل روح اسبح وتعال اكلك جاهز يلا يمه 

علي... صعدت لغرفتي فتحت كنتور اخذت ملابسي انتبهت على غرفه ديكور تحفيات مغير لمسه حلوه بل التغير مكان كتب مالتي هم خاله فاطمه ما عليها بهيج شغلات معقوله بنات خالتي دخلو غرفتي ليان ليان ليااااان ولج غضب وينج كم مره منبه عليج محد يغير شيء بغرفتي 

ليان.. خير ان شاء الله هااا اخي شكو 

علي.. اني اسأل من داخل غرفتي منو منظفها هاي مو تنظيف خاله فاطمه  

لياان.. ليش رايحلك شي بسم الله اليوم اجت 

علي... شنو قصدج ليان ما فهمت منو اليوم اجت 

لياان.. اممم اكو غيرها هيه وبتها بكيفهم يقررون هيه تبطل من الشغل والله مريضه تعبانه دز بتها بمكانها وابويه ما قبل امي تطردها ضلت تشتغل هيه نظفت غرفتك ليش رايحلك شي 

علي... انجبي ليش هيج تحجين عليها صارلها عمر تنظف بهذا البيت شكو بيها يجوز مريضه صدك لا ما رايح شي بس استغربت تغير ديكور يلا ولي من كدامي صوجي دزيت عليج 

لياان.. رايحه عيني اخذ راحتك حمام الهنا مقدما 

علي.. لآ يلا ولي راحت عجبني ديكور الغرفه والتغير زين اكو ذوق بهل الزمن الي طايح حظه دخلت الحمام اخذت دوش وطلعت بدلت ونزلت.......

شكرا لزيارتكم عالم روايات سكيرهوم