رواية تاج الفهد الجزء الثاني (ابناء السيوفي) الفصل الثلاثون
جميله وهي مبرقه عيونها بصدمه:سعد ؟!!!
رفع عينيه من الأرض وهو بيبص ملامحها وبيفتكر:جميله هانم اخت تاج هانم مرات فهد باشا الله يرحمه؟؟؟؟
جميله بلهفه:انت تعرف عنهم حاجه واي اللي جابك هنا ..طب تعرف هما ساكنين فين مكانهم اي حاجه
ادم كان واقف بيبصلهم بعدم فهم الا والدته كانت فاهمه كل حاجه لما سعد جاب اسم عيله السيوفي لانه حكالها ع اللي حصل زمان .
ناديه (أم ادم):استهدي بالله ياهانم بس واهدي
ادم:هو ف اي انتو تعرفوها منين يابابا ؟
جميله :أبوك كان اليد اليمين لاجوز اختي والحارس الشخصي بتاعه .
سعد:طب اقعدي ارتاحي ونتكلم..
قعدت جميله وجواها امل ان سعد هيساعدها توصلهم .
سعد:أنا مش فاهم حضرتك كنتي فين كل السنين دي كل اللي فاكره انك اتخطفتي وقت الحاد"ثه ؟
جميله:فاروق اللي كان خاطفني وللاسف حاولت اهرب كتير وفشلت أو بالمعني الصح أن انا اللي مكنتش حابه اهرب بعد مافقدت كل الشغف بعد مو"ت اهلي واحفادهم
سعد:بس الاحفاد عايشين انتي قصدك أن فاروق ابن عم فهد باشا هو اللي ورا كل حصل ده ؟؟!!!
جميله:عرفت من يومين أنهم عايشين وده اللي خلني اهرب مهما كان التمن ..ايوه هو ورأس الحيه اللي معاه ..بس معني انك عارف انهم موجودين اكيد عارف حاجه عنهم ولي جيت ع اسكندريه
سعد:أنا اهلي كلهم هنا واصلي اسكندراني بعد الحاد"ثه والمذ"بحه اللي شوفتها ف اليوم الملعو"ن وخساره فهد باشا الدنيا اسودت ف وشي بعد التحقيق ف القضيه وقفله لضد مجهول بعد شهور بيتحقق فيها خدت ناديه مراتي وابني ادم وجيت ع هنا وبعدت عن شغل الحراسه ده خالص لان بعد اللي شوفته خلاني شخص ضعيف معرفتش احافظ ع الراجل اللي لحم خير من كتافه ولا ع بيته .
جميله:متقولش كده أنت عملت كل اللي تقدر عليه ومقصرتش ف حاجه ،ومشاء الله جايب راجل اخلاق الدنيا فيه
سعد:ربنا يخليكي ياهانم..تعرفي أن زين باشا اخو حضرتك لسه بيدور عليكي لحد دلوقتي ؟
جميله ضربات قلبها زادت بفرحه:زين اخويا بجد يعني مفقدتش الامل
سعد:لا أنا متابعهم من وقت لتاني كده وعرفت بالصدفه أنه بيدور عليكي بس من غير مايلفت نظر الأولاد علشان اللي فهمته أنهم ميعرفوش حاجه عن اللي حصل زمان
جميله:ازاي فاروق الز"فت قالي أن ورد اللي مربيهم اكيد حكتلهم
سعد:هي فعلا مدام ورد اللي ربتهم بس معرفش هي حكيلهم اي
جميله:طب هي سيا فين لي مربتهمش معاه ؟
سعد:للاسف مدام سيا ف نفس اليوم ف المستشفى فقدت الوعي ورفضت الواقع تماما بعد موتهم واهي لحد دلوقتي زي ماهي
جميله:عيله كامله ادمرت علشان طمع وجشع اتنين ميعرفوش الرحمه .
سعد:طب حضرتك دلوقتي هتعملي اي ؟
جميله:هنزل القاهره من بكره كل اللي عايزه منك تقولي عنوانهم بس
سعد:أنا هنزل معاكي ياهانم متشغليش بالك والعنوان قصر السيوفي
جميله:قصر السيوفي ؟؟!هما جددوا بعد الحاد"ثه ؟
سعد:لا ده قصر السيوفي الكبير جد فهد باشا وفاروق .
جميله:هنعرف نوصله ؟
سعد :أنا عارف طريقه بس لازم افهم ناويه ع اي ؟
جميله بعصبية:ناويه اهد الدنيا ع دما"غهم واشفي غليلي من فاروق اعرف الأولاد الحقيقة اجيب حقهم انت ناسي أن القضيه لسه مسقطتش !!
سعد:لا مش ناسي بس ياجميله هانم انتي بتلعبي باالنا"ر وفاروق هيقلب اسكندريه عليكي ..والاولاد مش هيصدقوا اي كلمه ف حق فاروق لأنهم بيحبوا لدرجه انتي متتخيلهاش
جميله بصدمه:بيحبوا ازايي
شاور سعد لادم يجب فونه :افتح ياادم صفحات النت ع اولاد السيوفي كده
ادم كان واقف بيبصلهم ومصدوم من اللي بيسمعه..فنادا عليه سعد تاني
ادم:حاضر يابابا ..اتفضل .
فتح الفون ع صفحه ايوب وجميله خدته وبتقلب ف وهي بتبص ع الصور بذهول وهو ف حضن فاروق وكاتب عليها ابويا ،وصور تانيه كتير مكتوب عليها شكر وحب ف فاروق ..فتحت صفحه اسيا ولقيت نفس الكلام قلب ف صفحتهم كلها كان نفس الحب لفاروق ماعدا فهد اللي مفيش ولا صوره لي مع فاروق غير ف المناسبات وحاطط عليها قلب اسود بس ....عيون جميله كانت بتلمع من الدموع :بيحبوا اللي قت"ل اهلهم وحرمهم منهم معقول ؟
سعد:لأنهم ميعرفوش حاجه وفاروق الصراحه هو بيحبوهم وده شئ واضح لانه وزع كل الأملاك اللي خدها زمان وادهلهم حتي الشركات بعد عنها .
جميله:وده مش عذر علشان يغفرله مهما عمل مش هيعرف يعوضهم عن اهلهم ..بس انت ملحظتش حاجه ؟
ادخل ادم ف الموضوع:بصي أنا شخص فضولي واسمحيلي اقول راي
جميله:قولي ياحبيبي براحتك .
ادم:حضرتك لحظتي أن فهد مش زي اخواته وان كل صوره مع فاروق ف المناسبات فقط وأن واضح من الصوره الرسميه اللي بينهم صح معني كده أن الدنيا بينهم مش تمام
جميله:ابنك اذكاء منك ياسعد ماشاء الله..لأن فهد مشاء الله ذكي زي فهد خاله واكيد فاكر اللي فاروق كان بيعملوا
ادم:ربنا يخليكي ياهانم بس ...
قطعته جميله بحزم:أنا قولتلك اسمي اي ياواد
آدم بتردد:جميله
ناديه:عيب ياادم كده
جميله:هو اي اللي عيب بس ياحجه الله يكرمك ..متسمعش كلام الست امك جميله وبس .
ابتسمت جميله بمحبه وسعد بص لجميله:طب دلوقتي هنبدا بفهد؟
جميله:أن شاءالله هنزل القاهره بكره بس لازم أقابله بعيد عن القصر
ادم:هو بكره مينفعش لأنهم منزلين صور ليهم وهما مسافرين شرم الشيخ.
جميله:منزلين صوره دلوقتي ؟وريني كده .
خد جميله الفون وهي بتبص ع الصوره ومتجمعين فيها مع بعض .
خدت جميله الفون وهي بتبص ع الصوره ومتجمعين فيها مع بعض .
ف استراحه ع الطريق ...
ايوب:بت يافجر متسر"قيش الصوره يختي اعمليها شير من عندي
فجر:واعملك شير وانفعك علشان البنات اللي عندي يعملولك فولو بعينك ياايوب
ايوب:القلب مفهوش غير واحده بس حلوفه ..وبرضو ده ميمنعش أن القلب يحب الزياده .
تيام بهمس لغزل:أختك مش ملاحظه حب ايوب ليها ولا بتستعبط ؟
غزل وهي بتشرب من العصير:بتستعبط دي واقعه اصلا ليل نهار سهرانه بتتفرج ع صوره بس هي اللي بارده
فريده كانت واقفه ع جمب بتلعب فى فونها فاتبعتلها مسدچ من حمزه الاسيوطي ع الواتس .
حمزه: طلبت ايدك من عيسي اخوكي بس هو قالي انكو مسافرين طب كنتي بلغيني اجيب عومتي واجي معاكوا
فريده وشها احمر من الكسوف فاكتبتله:جبت رقمي منين ؟
حمزه:أنا حمزه الاسيوطي مش اي حد برضو ..بعتلها ف اخر الكلام ايموشن بيغمز بعينه ..
عيسي :اممم وشك ماله احمر كده لي ؟
اتخضت فريده وهي بتبص جمبها: براحه ده انا عيسي قوليلي اي اللي مخليكي مكسوفه ووشك احمر كده
هزت راسها برفض أن مفيش حاجه..
عيسي :ماشي بس لما يبقا ف حاجه قوليلي أنا صحبك برضو..
قطع كلامه صوت رنه موبيله ..ف بصله تيام بستغراب :هو اي حكايه موبيلك النهارده بتحب جديد ولا اي ؟
بصله عيسي بتجاهل ورد ع موبيله:أنا عيسي السيوفي ..فارس الاسيوطي مين ؟
بصت فريده لعيسي بستغراب..فجر كانت قاعده ف وش ايوب وبتشرب مياه تفتها كلها ف وشه لما سمعت اسم فارس .
ايوب :يخربيت ايامك ارميكي ف الجبل واخلص منك طيب
كمل عيسي كلامه وهو بيبص لفجر بيأس:انت اخو حمزه مش كده.. تمام تعاله شرفني ف القصر بعد يومين ان شاء الله.
قفل عيسي موبيله والكل بيبصله بفضول .
تيام:هو اي حكايه القصر ده ف ايي؟
عيسي:شكلي اشتغلت خاطبه وانا معرفش
فجر:كان عايزك ف اي الراجل المتخلف ده ؟
عيسى:لما نرجع هنعرف بس اي يافجر شكله نفس الجنان بتاعك فوله واتقسمت نصين .
فجر :سيبك من الجنان بتاعه .. مشوفتش انت بقا عينه ولا عضلاته ولا..
كتم ايوب بؤها باايده وهو بيتكلم جمب ودنها:يخربيتك ده عيسي مش انا علشان تقوليله كده
بصتله فجر بخو"ف وهي بتبلع ريقها ومره واحده طلعت تجري :طبعا لو حلفتك ان عمياء اصلا مش هتصدقني
اسيا:بقولك اي ياعيسي سيبلي البت دي أنا اللي هر"بيها
طلعت اسيا تجري وراها وفجر بتصوت وكل اللي ف المكان بيتفرج عليهم
عيسي بسخرية:تربيها؟والله ماحد عايز يتربي غيرك
تيام بصوت عالي :يلا انتو الاتنين علشان هنتحرك
جم فجر وآسيا وهما بيضربوا ف بعض وفهد بيفصل بينهم .
اسيا:فهد أنا اللي هسوق المره دي
فهد:اتفضلي ياحبيبي براحتك خالص
ايوب:براحتها اي اسيا لو ساقت روحنا هتبقي ف عدد المو"تي
فهد:الحته تعمل اللي هي عايزا .
ركبوا الكل العربيه وتيام ساق مكان عيسي .
عيسي كان ماسك كيس كبير ملئ اكل :اتفضلي ياست تاج كل دول علشانك .
تاج بفرحه:ليا أنا بجد لوحدي
عيسي :اها لوحدك وكل ماننزل ف استراحه ع الطريق هجبلك زيهم
تاج بابتسامة واسعه:شكرا اوي ياعيسي شكرا بجد
عيسي:شكرا ع اي ده كفايه أن اسمك ع اسم الغاليه .
ركب عيسي جمب تيام واتحركوا ..وآسيا ركبت مكان فهد ف كرسي السواق وجمبها فهد وايوب قاعد ورا جمب فجر ماسك ف ايديها وبيتشاهد وموج جمب الشباك من الجهه التانيه
اتحركت اسيا بالعربيه بسرعه رهيبه وكل شويه تعكسي اتجاه العربيه .
ايوب بصوت عالي:براحه هنموت نزلوا البت ديييي ابو اللي دخلك شرطه وعملك السواقه الغبيه دي .
فجر بصويت:هرجع مش قادره اركني ع جمب منك لله يا فهد انت اللي نفخها علينا
موج بخوف:براحه يااسيا احنا طالعين رحله مش طالعين نتحاسب براااااحه
فهد:دوسي ياحته ميهمكيش
اسيا زودت ف السرعه اكتر ..وتيام وراها بيحاول يتفادها
عيسي:ماشي يااسيا ع جنانك ده
تاج:دي مجنو"نه فعلا
عيسي:العيله دي كلها مجانين حتي فيروز وفريده الهادين دول بيجي عليهم وقت ودماغهم بتضرب
بصتله فيروز بصرامه وفريده ابتسمت بهدوء ورجعت نامت ع كتف فيروز .
بعد ساعتين وصلوا كلهم قدام شاليه كبير خاص بيهم ..
فجر كانت قاعده ف الأرض جمب العربيه وجمبها ايوب :احنا كنا هنموت البت بنت المجانين خدت الطريق هوا
اسيا:بس اي رايكوا جبتكوا بدري
ايوب:انتي كنتي هتودينا بدري فعلا بس مش هنا لا ع الاخره
عيسي:السواقه دي متنفعش يااسيا
اسيا:انتو مكبرين الموضوع لي مش جيتوا باالسلامه
موج:جينا بس بعد ماشرم الشيخ كلها سمعت صر"يخنا ده احنا كنا هنمو"ت !!
ايوب :بعد الشر عليكي احنا لسه مدخلناش دنيا ياموجه
نفخت موج بغيظ وهي بتبصله من تحت نضاره بقرف ..
تيام:ده احنا هنتهان ف المرور اهانه
فهد:مش مشكله أنا هظبط الدنيا
عيسي :طب يلا ادخلوا علشان نرتاح ونلحق نصحا نشوف هنعمل اي لاننا هنرجع بكره بااليل علشان اشغالنا
دخلوا كلهم الشاليه بتعب وهما بيرموا شنطهم ف الأرض
تيام:ف اربع اوض بس الجيش ده كله هينام فين
اسيا:انا هنام ف حضن فهد وانتو ف اي حته مش فارقه
فهد:وحضن فهد مفتوحلك ياحته
عيسي:انتوا الاتنين لو معملتوش كنترول ع كلامكوا واحترمتوا نفسكوا هعيد تربيتكوا اللي متربتوهاش من جديد
فهد:ولد!!!اوعي تنسا أن أنا الكبير هنا .
خبطه ايوب ع قفا :طالما كبير يبقا تتربي .
فهد:هعديلك اللي عملته ده دلوقتي بس متزعلش لما ازعلك واحطك ف الانفرادي
فيروز:بس كلكوا ..اسيا وفجر وتاج مع بعض ..أنا وفريده وغزل وموج مع بعض ف الاوضه الكبيره..فهد وايوب مع بعض ف اوضه وعيسي وتيام مع بعض ف الاوضه التانيه
عيسي:تمام كله يطلع حاجته فوق ويرتاح والساعه 4هنصحا علشان ننزل .
ف اسكندريه ..
فاروق كان بيدور ف كل مكان علشان يلاقي جميله وف نفس الوقت مش عايز يلفت الإنتباه لي علشان محدش يشك في ..كان متعصب وبي"كسر ف كل حاجه حواليا ..مكنش خا"يف من الحب"س أو الإعد"ام كله اللي كان همه ف اللحظه دي أنه مش هيشوف جميله تاني والاولاد ..تخيل فاروق جميله وهي بتحكي ليهم عن أنه السبب ف مو"ت اهلهم تخيل نظرات الكر"ه ف عيونهم اتجه ف ز"عق بعصبيه:لا ياجميله متعملييييش فيااا كده أنا ندمت والله يارب ندمت وبحاول اعوض ولادهم عن اللي عملته أنا مكنش قصدي اقت"لهم أنا توبت وجتلك ندمان عاقبتني اني متجوزش الإنسانه . الوحيده اللي حبيتها وحمدت ربنا أنها قدام عيني وبشوفها اتنازلت لأولادهم عن حق اهلهم ورديته كله ليهم حتي نص املاكي كتبتها بااسمهم علشان تغفرلي ...يارب أنا راضي با اي عقا"ب تعقبوهلي بس متحرميش من جميله والاولاد ياارب متخلهمش يكر"هوني أنا بحبهم ومستعد أضحي بروحي علشانهم .
وقع فاروق ف الأرض ولا اول مره يعيط وهو بيترجاء ربنا أنهم ميكر"هوش ..
ف قصر السيوفي ..
ماسه وورد كانوا قاعدين جمب سيا ف ع السرير ..
ماسه: طولتي اوي ياسيا قومي بقا وفرحينا وشوفي ولادك وولاد اخوكي بقوا عاملين ازاي
ورد :مفيش يوم بيعدي غير لما بحملها عنهم بس تقريبا كده هي معندناش اعز من اللي راحوا علشان كده استسلمت
ماسه:تفتكري هيجي اليوم اللي ممكن تفوق وترجع تاني؟
ورد:ربك العالم ..بس أن شاءالله هتقوم عندي امل أنها هترجع وتفوق .
ماسه:نفسي اوي بجد تقوم بالسلامه علشان تشوف ولادها ..جميله لما كانت بتيجي عندي قبل خطوبتي من زين حكتلي عن كل اللي ف العيله قالتلي ع سيا أنها كانت دلوعه اوي وطلباتها ديما مجابه وكمان من حبها ف سليم الله يرحمه اتجوزته من ورا اهلها لأن كان بينهم مشاكل
ورد:تعرفي أن اصلا بسب جوازه من سليم ف السر تاج وفهد الله يرحمهم اتجوزه
ماسه:بجد؟طب اي العلاقه ؟!!
ورد:هحكيلك ....
ورد بدأت تحكي لماسه من اول ماتاج نزلت الشركه عند فهد لحد جوزاهم وماسه بتسمعها باهتمام ..
ف شرم الشيخ...
اتسحب فهد براحه من جمب ايوب وخرج من الاوضه ونزل ع تحت ع الريسبشن وهو بيرن ع فون اسيا ..
نزلت وهي بتبص حواليها علشان محدش يحس بيها لحد ماوصلت للريسبشن.
اسيا بهمس:احنا بنعمل اي هنا
فهد بنفس الهمس :هنقعد مع بعض شويه بقالنا كتير مقعدناش سوا
اسيا:ده هو يوم واحد وكمان كنت معاك
فهد:انتي بتوحشيني وانتي معايا وقدام عيني اصلا
اسيا :وانا بحبك اصلا ..بس هو احنا لي بنتكلم كده ؟؟؟!
فهد :تصدقي اي الهبل ده هما هيسمعونا ازاي اصلا وهما فوق
اسيا:غبي بجد
فهد:مش اغبي منك يختي..قوليلي كنتي بتعملي اي شكلك منمتيش
اسيا:لقيت مهرجان جامد من كذا سنه بالصدفه وانا بقلب كنت بسمعه
فهد بستغراب: مهرجان اي ده ؟
اسيا:عقباوي تيجي اعلمك؟
فهد بحماس:موافق بس اقفلي الباب الكبير ده علشان الصوت
صقفت اسيا باايديها وراحت قفلت الباب وفهد شغل المهرجان ع اللاب توب ..
مسكت اسيا ايد فهد وهي بتعلمه ازاي يرقص الرقصه دي واتعلم بسهوله..وبقا يرقص هو و اسيا وبيضحكوا بصوت عالي المهرجان اتغير وجه بداله مهرجان غيره ..طلع فهد ع التربيزه وهو بيرقص بكل احترافيه وآسيا قاعده ع ركبها وبتصقفله ..
فوق ف الشاليه .
صحي عيسي بقلق فأحس بي تيام وهو بيتقلب : مالك ياعيسي ؟
عيسي:سامع الصوت اللي أنا سامعه ده ؟
تيام بتركيز اتجهه مصدر الصوت:ده جي من تحت
عيسي :قوم نشوف مين من البهوات عامل الدوشه دي والكل نايم .
طلع عيسي وتيام من الاوضه ولقي ف وشه ايوب
ايوب:مشوفتش فهد فين صحيت اشرب مياه ملقتهوش .؟
عيسي بسخرية:انت مش سامع الدوشه اللي تحت البيه فاكر نفسه ف كبا"ريه
جه ينزلوا البنات فتحوا اوضهم بانزعاج
فيروز:اي يجماعه الصداع ده احنا عايزين نرتاح شويه
ايوب:البيه اخوكي اللي عامل كل الصداع ده
تاج:هي اسيا فين ؟
فجر:كانت نايمه جمبنا بس قامت من شويه .
عيسي :لو اللي ف دماغي صح هخلي اسيا تحصل ابوها وامها
نزل عيسي ع تحت والكل ورا ..فتح الباب براحه وهو بيعملوا اي وكلهم واقفين ورا بيبصوا بذهول.
ايوب بهمس :بقولك اي يادوله سيبك من العيال دي أنا قولت هننزل نقفشهم ف حضن بعض طلعوا عبط وواقفين يعقبوا زي العيال التوت
تيام:سبحان الله ياأخي واحنا اللي دماغنا راحت ف حته غلط وهما اصلا اتفه من كده
فجر :اخوكي بيرقص يافيروز احسن مني
فيروز:والهانم بتنقطوا كمان
موج:طب اي هنفضل بنتفرج كده كتير مانقتحم
غزل :لا لا استنوا نصورهم دي فرصه متتعوضش .
طلعت غزل فونها من جيب البيجامه بتاعتها وهي بتصورهم ڤيديو والكل مبتسم بخبث ...قفلت الفون وشالته وهي بتشاور لعيسي يقتحم ..
فتح الباب مره واحده فاشهقت اسيا وهي بتقف ع الكرسي وقدامها فهد .
فهد بعصبية مصتنعه:ف حد يدخل ع واحد وواحده كده من غير مايخبطوا افرض الشيطا"ن بينهم مش عيب ..اي مفيش احترام مفيش ادب مفيش باب غير ده اهرب منه ؟!!!
عيسي:أنا كنت ناوي أنزل اخبط راسكوا انتو الاتنين ف الحيط ..بس بعد اللي شوفته ده الواحد بيشفق عليكوا انتو هتبقوا كا"رثه لو اتكاثرتوا متخيلين يبقي ف منكوا اطفال ؟!!!
اسيا:اللاه لي كده ياعيسي ياأخي خطيبي وبعلمه ازاي يعقب ومشاء الله قمر ياناس بيتعلم بسرعه .
فهد :بجد عجبتك ؟
اسيا:انت عجبني من غير حاجة..هات بوسه وانت زي القمر كده يخربيت حلاوتك
تيام:يابنتي مش كده اعملي احترام أن ف تلات رجاله اسمهم اخواتك واقفين
اسيا:يعني ينفع ابوسه من وراكوا ؟
خبط ايوب كف ع كف :متربتيش والله ماتربيتي
اسيا:يعم فلقتني كل شويه متربتيش ..ماانا عارفه اني متربتش مش محتاجه حد يقولي انت غريب جدا .
عيسي:طب اعملك فيكي اي طيب مش لاقي معاكي حل
اسيا:ولا حاجه ابوس فهد وهبقا محترمه بعد كده
فهد:وانا عايزك قليله ادب ع طول ياحته .
عيسي :شيلوا الاتنين دول من قدامي بدل ماخلص عليهم
فجر:طب اي كده هنام ولا هنعمل ايييي
عيسى:هو اللي عنده حد زي اسيا وفهد يعرف ينام جهزوا نفسكوا هنطلع رحله باليخت
طلعت اسيا ع ضهر عيسي وهو واقف وبتبوسه ف خده :بحبك اوي ياعيسي
عيسي بحنان:رغم انك قليله ادب بس معنديش اغلي منك للاسف
اسيا:طب يلا طلعني لحد اوضتي زي ماكنت بتشلني كده واحنا صغيرين .
عيسي:حاضر يااسيا
طلع عيسي وهو شايل اسيا ع ضهره وهي بتبوسه كل شويه ف خده ووراهم تيام
فهد:وانتي اي مش عايزه تتشالي كده
فيروز:أنا لو عليا هشيلك من ع وش الدنيا ..ياحبيبي انت رائد قد الدنيا واكبر واحد فيهم لي قله القيمه اللي عامله ف نفسك دي
فهد:هو علشان ظابط لازم ابقي مكشر. ضار"ب بوز مترين وانا قاعد مع عيلتي ..كفايه تكشيرتك انتي علينا مش عارف ازاي أنا وانتي كنا ف بطن واحده
سابها فهد ومشي خطوتين ورجع تانى وهو بيبوسها ف خدها وبيغمز بعينه:بس تكشيرتك زي القمر ياحلو انت
ضحكت فيروز غصب عنها وسابته وطلعت تجهز علشان يروحوا اليخت ..
بعد وقت كبير.
كانوا الأربع شباب واقفين جمب عربياتهم منتظرين البنات
عيسي:هما اتاخروا كده لي
فهد:بنات شئ طبيعي يتاخروا .
خرجت تاج وهي شيله شنطه كبيره وبتمشي بصعوبه..قرب عيسي عليها بسرعه وخدها منها .
عيسي:فيها اي دي ؟
تاج:اكل اكيد
عيسي:طب لي ماليخت هيكون ف كل حاجه وانا مظبط الدنيا
تاج:عارفه بس برضو دول اتسلي فيهم
عيسي:تتسلي ف كل دول ؟!!!
تيام وفهد وايوب كانوا واقفين بيضحكوا ..بصتلهم تاج بضيق وركبت ف عربيه عيسي .
خرجوا باقي البنات وهما شايلين شنط صغيره خاصه بيهم علشان البحر .
ايوب:اسيا فين ؟
نزلت اسيا من شباك اوضتها ع ماسوره موجوده جمبه وهي تكلم بصوت عالي:اناا اهوووو
عيسي:هو مش ف سلم جوا وباب مش هتطبلي تنطي من الشبابيك زي الحراميه كده
اسيا:تؤ بحب ادخل وأخرج من الشباك
فهد وفيروز بصوا لبعض وعقلهم فكرهم بموقف مشابه لكده بس عقلهم مشوش عليه ..
فهد بنبره هاديه: الموضوع وراثه متقلقش
ايوب:وراثه اي بس معندناش حد بينط من شبابيك غيرها هي فكره نفسها قرد ف حديقه الحيوا"ن
فيروز :بابا الله يرحمه كان ديما بينزل ويدخل من شباك اوضه ماما كنت انا وفهد بنشوفه وهو بيتحسب ع المواسير بتاعت القصر ويدخل اوضتها برغم أنه كان يقدر يدخل من الباب عادي .
مسك ايديها عيسي باطمئنان:ربنا يرحمه ..يلا نتحرك
هزت فيروز دماغها بنعم وهي بتمسح دموعها وركبت ف عربيه عيسي هي وفريده جمب بعض .
أتحركوا العربيتين جمب بعض لحد ماوصلوا البحر..ونزلوا ركبوا اليخت بتاعهم واتحركوا بي ..
تاج:بس كده اليل هيجي واحنا ف عرض البحر
عيسي: متقلقيش من حاجه احنا مع بعض ،وبعدين معانا تلات ظباط اهم
ابتسمت تاج وقعدت ع الترابيزه ف اليخت وهي بطلع اكل من الشنطه بتاعتها وبتاكل ،وفريده قاعده بترسم وع وشفايفها ابتسامه صغيره ..وفيروز واقفه بتتكلم مع فهد وتيام وايوب وعيسي تحت ف اليخت بيصطادوا ..وغزل وفجر وآسيا بيستعدوا علشان ينزلوا البحر ..وموج قاعده بتقرا الكتاب بتاعها وف ايديها عصير.
اسيا :هنزل البس المايوه بقا ونستعد
غزل:تمام..
شدها فهد من أيدها بعصبيه:مايوه اي يمرااا اللي تلبسي
اسيا:انت بتقولي أنا كده نهار امك مش معدي ياابن سليم
طلع ايوب وعيسي ع الصوت وتيام بيحاول يهدي اسيا .
عيسي : ف اي انتو الاتنين
فهد:الهانم قال اي هتلبس مايوه وتنزل البحر شايفنا بقرو"ن
ايوب بعدم فهم:طب اي المشكله مش فاهم
فهد بذهول :انت بتقول اي انت مش مظبوط ياض
ايوب:مش قصدي بس اكيد هي قصدها المايوه المقفول ده اسمه اييي
غزل:اسمه بوركيني .
فهد:لايخفيف أختك مش هتلبس بوركيني دي ف دماغها حاجه تانيه
برق ايوب بصدمه وهو بيبص لآسيا:يومك مش فايت يابنت السيوفي النهارده
اسيا:اللاه هو انا غلطت ف حاجه مش كلكوا اخواتي ومفيش حد حوالينا
فهد: وبالنسبه بقا اني مش اخوكي ولسه مش جوزك وحتي لو برضو انتي نفسك هتتكسفي تقف قدام اخواتك بي
عيسي:اسيا أنا مش هحذ"رك تخلي بالك من تصرفاتك تاني بلاش شغل الطيش ده انتي مش صغيره.
اسيا :طب ع فكره بقا أنا كنت نازله البس مايوه بوركيني مش بيكيني معرفش اي اللي خلي فهد يفكر كده فحبيت استفزه مش اكتر
غزل:هو فعلا كده
ايوب بهمس لفهد:البس ياعم شهر نكد لقدام
كل واحد رجع لمكانه وآسيا واقفه بتبص لفهد بغيظ
فهد:طب اعمل ماانتي اللي قولتي مايوه موضحتيش نوعه
اسيا:لا ده علشان انت اللي دماغك قذراه
فهد:خلاص بقا ياحته قلبك ابيض
اسيا:تيام واقف مراقبنا احترم نفسك
فهد بصوت عالي:تيام ياحبيبي روح شوف غزل بدل ماتتجنن وتلبس بكيني
تيام باستفزاز:لا متقلقش خطيبتي وعارف هتلبس اي ..أنا واقفلك ريح نفسك
فهد:مشاء الله اخواتك ر"خمين اوي
اسيا:مش ارخم منك ياحبيبي
سابته اسيا ونزلت غيرت واستعدوا لنزول البحر ..وبعد شويه الكل نزل ماعدا تاج رفضت لأنها بتخا"ف من المياه ..طلعوا كلهم لما الليل بدأ يليل قعدوا كلكوا واتلموا حوالين بعض وهما مشاغلين مزيكه هاديه وبيلعوا مع بعض كوتشينه.
اسيا وهي بتبص اتجاه البحر بتركيز:فهد مش ملاحظ أن اليخت اللي هناك ده بيقرب علينا اوي
فهد قام وقف وهو بيمسك المناظر بتاع موج وبيشوف ف ايي بص ورا لاقيهم كلهم واقفين بتوتر ..فاتكلم بنبره جاده :كل اللي اقدر اقوله أننا ف خطر ....
