رواية تاج الفهد الجزء الثاني (ابناء السيوفي) الفصل الثالث والثلاثون
عيسي :فهد السيوفي ابونا..وجميله الدالي خالتكوا .
اسيا بسخريه:انت جي تهزر ع المسا وانا مش فاضيلك ..خد ضيوفك والحج ابو شعر ابيض ومسمسم ده ومعاها البطه اللي جمبه واقعدوا ف اي حته القصر كبييير ..
جميله وهي بتشاور ع نفسها بهمس:أنا بطه ؟!!!بنتك بتقول عليا بطه ياابو نسب .
تيام بإحراج: احنا بنعتذر لحضرتك بس هي اسيا اختي بتحب تهزر بس .
بصله فهد السيوفي وعيونه مدمعه:انت تيام مش كده ؟
هز تيام دماغه بموافقه وبص لعيسي بعدم فهم .
ايوب :اسيا عيسي مش بيهزر ده فهد السيوفي فعلا .
ابتمست اسيا وهي بترجع شعرها الأشقر لورا:بطلوا مقالب سخيفه انتو الاتنين ...
عيسي :اسيا افهمي احنا مش بنهزر ولا بنعمل مقالب أنا مقدر صدمتك بس ..
قطعته اسيا وهي باصه لفهد اللي واقف مركز ف ملامحها وعيونه بتلمع من الدموع:وحتي لو مش مقلب انتو مجا_نين من أمته المي_ت بيرجع .
فهد السيوفي :مش لما يكون ما_ت اصلا ؟
تيام بعدم فهم:هي فزوره مافهمونا ف اي ؟؟؟
بص فهد ف اخر الريسبشن وهو شايف فيروز قدامه بتعيط بصمت وبتحرك راسها برفض ف ابتسم ابتسامه باهته:عرفتيني يافيروز مش كده ؟مش هتيجي ف حضني يابنت الغالي !!
فيروز صوت شهقاته عياطه بقت عاليه :مستحيل لاااا
فهد السيوفي :لا لي يافيروز طب بنتي اللي من د-مي وحقها متعرفنيش لأنها عمرها ماشفتني انتي بقا مربيكي ع ايدي معقول نستيني ؟
اسيا بعصبيه:انت بتقول اي ياجدع انت بنت مين ومربي مين ...انتو ازاي تدخلوا واحد بينتحل شخصيه ابوكوا القصر .
تيام:ف اي ياعيسي انت وايوب هو اي حد يقولكوا أنا فهد السيوفي وعايش تصدقوه وكمان تدخلوا بيتنا ؟!!
ايوب بعصبية:افهموا بقا ...ده فهد السيوفي هو مما-تش اصلا علشان يعيش ...والسبب ورا اختفاؤء طول السنين دي عشق واهلنا كلنا ما-توا ع ايد عشق وفاروق قتلو-هم ف قصر فهد السيوفي .
حاله من الصدمه والرفض ع الكل فريده واقفه بتسمع كل اللي بيتقال وهي عندها امل واحد بس أن ابوها عايش وموجود .
ضحكت اسيا بشكل هستيري وهي بتخبط كف ع كف وفهد وجميله بيبصلها بحزن كبير ...سكتت وهي بتبص لأيوب :انت اتجننت مش كده حرمانك من أبوك خلاك تقول كده ع فاروق اللي رباك وكبرك وخلاك راجل مش كده ؟!!بصت لعيسي بسخرية:وأنت ياكبير ياعاقل ماشي ورا اخوك وبطبله ع كلامه هو ده رد المعروف ياولاد السيوفي ؟!!
فهد السيوفي وهو بيقرب منها:يابنتي ...
قطعته اسيا بصر-اخ :متقربش مني أنت مش ابويا وانا مش بنتك ..انت واحد نصاب جي ينتحل شخصيه راجل اسمه كبير وتتهم ابن عمه ف قت-له يابجحتك .
فهد بدموع :مش صح ..أنا ابوكي يا اسيا أنا ابوكي صدقيني خليني اخدك ف حضني يابنتي كفايه اللي اتحرمته منك.
تيام وهو بيشد اسيا من ايديها وبيوقفها ورا :اطلع بره ياراجل انت وخد الست اللي معاك دي بدل ماهتصرف تصرف ميلقش بسنك.
عيسي بتحذير :تياااام أنا لحد دلوقتي متحمل كلامكوا وعذراكوا كلكوا علشان حاسس بالصدمه اللي انتو فيها بس خليكوا متأكدين أن ده ابوكوا .
قربت فريده بخطوات بطيئه وهي بتقف قدام فهد وجسمها بيرتعش :بابا معاك مش كده ؟
الكل بصلها بصدمه أنها اتكلمت ف ابتسم عيسي بحنان قرب منها وهو بيشدها لحضنه وبيبوس راسها :حمد الله ع السلامه
فريده:بابا معاه ياعيسي مش كده
بص عيسي لفهد بمعني هنقولها اي ؟ف بصله فهد أنه يسكت وبص لفريده وهو بيحضنها:انتي عرفتيني مش كده ؟
فريدة بعياط ف حضنه :أنا عايزه بابا هو معاك .
شدها تيام بغضب من حضنه :لو قربت لواحده فيهم هقطعلك ايدك انت فااااااهم
ايوب :تيااااام الزم حدودك وانت بتتكلم مع ابوك .
اسيا بصراخ :مش ابونااااا ولا هي خالتنا اطلعوا بره محدش هيعرف ياخد مكان ابويااا مهما عمل ومهما قاااال ..أنا عايزه فهد يااااافهد.
فهد نصار كان نازل من ع السلم وهو حاطط ايده ف جيبه وبيصفر بروقان سمع صوت اسيا وهي بتنادي عليه ف ابتسمت بحب وهو بيهمس لنفسه:متقدرش تعيش من غيري ..كمل كلامه بصوت عالي:جيلك ياقلب فهد .
قرب فهد نصار من باب الريسبشن الكبير وهو شايف ست وراجل كبار ضم حواجبه بستغراب :ف قصرنا ضيوف ولا اييييي .
لف فهد السيوفي ورا وهو بيبص لفهد لنصار:بس انا مش ضيف ياابن سليم !!
بصله فهد بتركيز والصوت بيتكرر ف ودانه:انت مين ؟
جريت اسيا ع حضن فهد نصار وهي بتعيط : الراجل ده بيقول أنه فهد السيوفي والست اللي جمبه جميله الدالي ..ولاكبر من كل ده ان عيسي وايوب مصدقينه يافهد ومش كده بس ده بيقول أن فاروق اللي قت-لهم .
مع كل جمله اسيا كانت بتقوله كان فهد نصار جسمه بيتلج وبيقف من الصدمه ..حست بي اسيا فاطلعت من حضنه وهي بتهزه جامد :فهد رد عليااا مالك ف ايييييي
جري عليه تيام بسرعه وفيروز مكانها مش مستوعبه اللي بيحصل :فهد مالك ف اييي رد علينا .
قرب فهد السيوفي منه ووقف قدامه واتكلم بنفس نبره الصوت اللي اتكلم بيها من25سنه :ملكش دعوه ببنتي ياابن سليم بعينك لو خليتك تقرب منها بعد كده .
الكل بص لفهد السيوفي بعدم فهم ماعدا فيروز وفهد نصار اللي فاق من صدمته ع صوت فهد السيوفي .
فهد السيوفي :اتاكدت أن أنا ولاعايز إثبات اكتر من كده ياابن سليم ؟!
فهد نصار بتلقائيه اترمي ف حضنه وبيعيط :عيني مش قدر تصدق اللي شايفه بس قلبي متأكد أن انت صوتك بيرن ف ودني لحد دلوقتي انت خالي وصحبي فهد السيوفي أنا مش بحلم ولا بتخيل مش كده.
حضنه فهد السيوفي لحضنه اويي :انت مش بتحلم ولا فيروز بتحلم أنا موجود وممو-تش .
قربت فيروز وايديها بترتعش :أنا مصدقك عارف لي ؟علشان أنا وفهد فاكرين اليوم اللي هجموا علينا في.. ف القصر أنا حاسه ان انت وواثقه ف عيسي أنه مش هيدخل حد بيتنا من غير مايكون عارف ومتأكد هو مين .
حضنها فهد السيوفي وهو لسه حاضن فهد : علشان انتو اللي كنتوا كبار وقتها يمكن الصدمه اهون عليكوا من الباقي يافيروز .
صرخت اسيا بصوتها كله وهي بتكسر ف كل حاجه حواليها :انتو كدابين أنا ابويا ما-ت وشبع مو-ت ..فاروق مش قا-تل مستحيل فاروق يعمل فينا كده ويحرمنا من اهلنا انتو كدا-بييين كلكوا كد-ابين .
فوق ف جناح سيا...
ورد بفزع :اي الصوت ده؟!
ماسه وهي بتغطي سيا بعد ماغيرولها لبسها :ماانتي عارفه جنان الأولاد هتلقيهم بيتخانقوا كالعاده.
صوت اسيا بدأ يتكرر تاني ف بصت ورد لماسه بقلق :لا ده صوت اسيا وبتعيط.
ماسه :هتعيط لي.....
قطعته صوت اسيا تاني فاجريت ورد ع تحت ووراها ماسه ..
غزل :اهدي يااسيا
موج وهي بتحاول تسيطر ع حركتها :اهدي اللي انتي عايزه هيحصل
اسيا :طلعوهم بره ..أنا عايزه فاروق انااا عايزه فااااااروق
دخلت ورد وهي بتجري ع اسيا ومتجاهله كل اللي واقفين :اسيا مالك يابنتي ف ايييي
اترمت اسيا ف حضنها وهي منهاره فاحضنتها ورد بحنان ام :مالها ف اي مين اللي زعلهاااا
اسيا :خلي يطلع بره علشان خاطري .
بصت ورد اتجاه مااسيا بتشاور ..ف شافت فهد السيوفي واقف وواضح عليه التعب ضمت حواجبها بستغراب :عملك اي ومين ده ؟
بصتلها جميله بستغراب :طب لو انتي ناسيه أو عقلك رافض يصدق أنه واقف قدامك علشان شخص محسوب أنه مي-ت ده عادي ..إنما أنا انتي عارفه أني مش مي-ته واعتقد ملامحي متغيرتش كتير ياورد.
سابت ورد اسيا ف حضن غزل وموج وقامت وقفت من الأرض وهي مصدومه :ج ...جميله !!!!!
جميله:نستيني ياورد ؟
ورد :مش معقول انتي رجعتي بعد السنين دي كلها ؟؟؟!
ماسه بخفوت:فهد السيوفي .
لفت ورد وشها اتجه فهد وهي بتبصله بتشوش ..فابصلتها فجر :ماما هو ده عمي فهد السيوفي مش كده ؟
فريده بتأكيد:هو ياماما هو بابا اكيد معاها .
بصت ورد ع فريده وهي سامعها بتكلم ..بصت للكل بهزيان وصدمه ووقعت ف الأرض اغمي عليها ..جريت فجر وفريده عليها وهما بيعيطوا ..قرب تيام وفهد شالوها وحطوها ع الكنبه .
فهد السيوفي مكنش حاسس بااللي بيحصل حواليا مكنش شايف غير اسيا وهي مش مصدقه وجوده ورافضه اي كلمه ف حق فاروق .
قربت تاج من ورد وهي بتمسح وشها بمياه وبتحطلها برفيوم ..فاقت ورد بتعب وهي حاطه ايديها ع راسها شافت جميله قدامها :انتي مريتي بحاجات كتير وصعبه ودلوقتي احنا قدامك اهو المفروض تفرحي ؟
ورد :فهد السيوفي عايش ازاي حسام .
وقف فهد السيوفي قدامها :ارجوكي تماسكي شويه وانا هحكيلك كل حاجه بس اهدي.
ورد بلهفه:حسام معاك مش كده ؟
بصتله فريده بترقب فابصلها فهد السيوفي بتوتر: محدش عايش منهم غيري ..
رجعت فريده لورا وهي بتغمض عينها
فهد السيوفي:أنا مكانه هعوضك عن كل اللي فات لو بتحبي حسام ابوكي خليكي قويه أنا عارف انتي متعلقه بي قد اي بس لو لسه بتحبي خليكي قويه علشان تجيبه حقه علشان يفتخر بيكي .
قامت اسيا وقفت وهي بتزعق :تاني هيقولي حق ومش حق ..انت جي تخر-ب حياتنا انت واللي معاك ؟!!
فهد السيوفي:أنا مش جي اخر-ب أنا جي اصلح اللي اتكسر من 25سنه حتي لو مش هعرف ارجع اللي راحوا بس ارجعكوا انتو.
بصتله اسيا بغضب وطلعت ع القاعه الكبيره وهي بتاخد مفاتيح عربيتها وبتجري ع البوابات الداخليه ..مسكها عيسي وهو بيوقفها :رايحه فين يااسيااا
اسيا وهي بتزق ايده:رايحه اشوف الراجل اللي رباني فين يجي يشوف اللي وقف ف ضهرهم وهما بيبعوا مع اول واحد يتكلم عليه.
فهد نصار :بس دي الحقيقه يااسيا وده اللي حصل وحاولت كتيير أقوله بس ورد ديما بتنكر كلامي أنا وفيروز وبتقول أننا بيتهيلنا .
اسيا بعياط :قول اي حاجه غير أنهم اتق-تلوا أو فاروق لي دخل ف كل اللي حصلهم يافهد .
فهد نصار :كل اللي فكره أن فعلا اتقت-لوا بس والله وغلوتك عندي أن اللي واقفين قدامك دول ابوكي وخالتك
هزت اسيا راسها برفض فااكمل فهد نصار :أنا عمري حلفت بحياتك كدب ؟
هزت اسيا دماغها وهي بتمسح دموعها ..فهد نصار :يبقا لازم تصدقي أن ده ابوكي احضني يااسيا عوضي السنين اللي فاتت بحضن منه انسي خالص مين اللي عمل ف كده ولي يبقا اسمعي بعدين بس احضني.. قلبك مش حاسس بي يا اسيا ؟
اسيا بعياط:حاسه بس مش قادره اصدق ان عمي يعمل كده مستحيل .
فهد السيوفي:بتحبي فاروق ولا فهد السيوفي ابوكي ؟
اسيا :أنا عمري ماشوفت ابويا بس ديما بفتخر بااسمه لان الراجل اللي يوصل لمكانه كبيره زي فهد السيوفي يبقا يستحق الحب أنا بحب فهد السيوفي اللي ديما فاروق بيحكيلي عنه كل خير ..بس بحب فاروق لأني مشوفتش منه غير حنيه وسند وديما معايا .
جميله وهي بتمسح دموعها وبتكلم بثبات:مهما كانت درجه حبك لفاروق مش هتكون اكبر من حبي فاروق ده كان أول راجل يدخل قلبي برغم المشاكل اللي كانت بينه وبين فهد ابوكي ف الوقت ده بس القلب حبه حتي بعد ماعرفت أن هو والحيه عشق قت-لوا اهلي برضو فضلت احبه اصله مش زراز هدوس عليه اخلي قلبي ينسا ؟!!حتي لما خدني وحبسني ف اسكندريه ف ڤيلا لوحدي طول السنين دي برضو فضلت احبه بس حبي مع الوقت كان بدأ يقل كر-هته ورغم كر-هي لي لما بشوفه قدامي بميل لي ...فااتخيلي انتي بقا مشوفتيش منه غير كل خير هتكر-هي ازاي ؟!!
تيام بصدمه:انتي اللي فاروق حكي عنك ف مره لينا؟!!
جميله:اها ياتيام ...أنا م عايزكوا تكر-هه بس ع الأقل يتعاقب ع أنه اتسطر ع عشق كل السنين دي ..
بص الاولاد كلهم لبعض بذهول من كميه الصدمات اللي بيسمعوها ..
قطع صدمتهم صوت فاروق وهو داخل بيتكلم ف الفون :خلاص ابعت ورق الصفقه لعيسي وتيام هما ......
#تاج_الفهدج2*ابناء السيوفي*
تكمله البارت ال33
قطع صدمتهم صوت فاروق وهو داخل بيتكلم ف الفون :خلاص ابعت ورق الصفقه لعيسي وتيام هما ......
قطع كلامه وهو شايف جميله واقفه قدامه وبتبصله بتحدي وقع الفون منه ع الأرض وهو بيبلع ريقه بخوف ..
جميله : مفاجاه مش كده يافاروق ؟
فهد نصار :لا ومش مفاجأة واحده كمان دول اتنين.
مشي فهد نصار خطوه لورا فا طلع فهد السيوفي من ورا وهو بيبصله بغل واضح ..
فتح فاروق عينيه بعدم استيعاب وهو بيهمس بعدم تصديق :فهد ..
فهد السيوفي :كويس انك لسه فكرني ياابن عمي .
بلع فاروق ريقه بتوتر:ازاي ؟
فهد السيوفي:اممم ماانت لازم تسأل ازاي ماهي دي الحاجة الوحيدة اللي عشق خبتها عليك ومشاركتش فيها
فاروق بص للاولاد بدموع وهو شايف ف عيونهم نظره اللوم والعتاب والخذلان ..بص لآسيا فاجريت عليه وهي بتحضنه ..بصلها فهد السيوفي وغمض عيونه بحزن كبير وهو بيضغط ع ايده .
اسيا بعياط وهي ف حضن فاروق:انت ملكش علاقه بااللي بيتقال ده مش كده قولهم انك مظلوم وان عشق هي اللي ورا كل ده انت متعملش كده انت مستحيل تق-تل روح أو تشارك في قت-لها انت اطيب واحن عم وصاحب واخ واب انت كل حاجه يافاروق..حتي لو ده فعلا ابويا زي ما بيقولوا مستحيل تكون انت السببب ف مو-ت اهلي ..انا بحبك اويييي يافاروق .
فاروق بعياط و وهو حضنتها:وانا محبتش قدك يااسيا انتي وأخواتك وكلكوا ولادي محبتش زيكوا عوضتوني عن كل حاجه رغم اني السببب ف حرمانكم من اهلكوا .
فاروق حس بجسم اسيا اتجمد ف حضنه ف خرجها من حضنه وهو وبيمسك وشها مابين ايديه :أنا مقتلتش حد يااسيا صدقيني ..عشق اللي خطط لكل ده انا مكنتش اعرف انها هتق-تلهم هي غيرت الاتفاق اللي مابينا ..أنا مكنتش عايزهم يمو-توا أنا كنت جشع طماع عايز الفلوس والأملاك ..بس من اول يوم شوفتك ف انتي وأخواتك وانا ندمت وحاولت اعوضكوا عن كل اللي عملته أنا ندمت ع كل اللي فات .
زقته اسيا باايديها بقر-ف وهي بتبعد عنه وبتجري ع حضن تيام ..
عيسي بدموع :ولما انت ندمت لي مسبتش جميله لي فضلت حبسها طول السنين دي !!
ايوب :كنت خايف تعرف توصلنا وتحكلنا كل اللي حصل واللي عملته؟
فاروق وهو باصص لجميله بنكسار :أنا مكنتش خايف أن الحقيقه تبان أنا كنت خايف تبعد عني وتسبني مكنتش عايز اتحرم من وجودها ف حياتي ونظره عيونها .
جميله : ده كلام اللي بيحب يافاروق مبياذيش وانت اذتني ف اهلي وف قلبي اللي حبك
فاروق بصوت عالي مكتوم بالعياط:لا أنا حبيتك اكتر من نفسي انتي اول ست احبها لا اعشقها ولحد اللحظه دي بحبك يا جميله .. علشان خاطري متخلهمش يكر-هوني أنا اها حبستك طول السنين دي بس عمري مابصتلك بصه مش كويسه أو جيت عليكي ديما شيلك ف قلبي أنا عارف ان رصيدي الكويس عندك قليل او يمكن مش موجود بس متخلهمش يكر-هوني ياجميله أنا مقت-لتش حد بس كنت غلطان لما طمعت ف اللي من د-مي ..غلطت لما اتسطر ع واحده زي عشق بس مقت-لتش والله ماقت-لت .
جميله دموعها كانت نازله وهي بتسمع كلامه ونبره صوته اللي كلها ندم واضح مشاعره كانت مطضربه قلبها بيقولها اجري وخدي ف حضنك ،وعقلها بيرفض وبيفكرها أنه شريك ف مو-ت أهلها كانت ف صراع كبير مع نفسها قطعه صوت كف ع وش فاروق .
فريده بعياط:لو كلهم سمحوك أنا مش هسمحك انت ادتني كل الحب والأمان اللي ف الدنيا بس ف المقابل خدت ابويا مني ..القلم ده ميجيش حاجه قصاد الوجع اللي أنا حساه بي دلوقتي أنا بكر-هككككك ،عارف يعني اي بكر-هك وبكرهه كل لحظه عشتها معاك وانت ايدك مليان بد-م ابويا .
فاروق وهو حاطط ايده ع وشه مكان القلم :مش زعلان حقك تعملي فيا اكتر من كده بس كل اللي مفرحني أن الصدمه دي كانت سببب ف انك تتكلمي واسمع صوتك ..
بص فاروق لفهد السيوفي وهو بيتنهد بتعب :أنا ربيتهم وحافظه عليهم وبما انك موجود هما ف راقبتك من النهارده...بص للكل الأولاد بحب واضح وكمل وهو بيمسح دموعه بكم قميصه :ودلوقتي أنا جاهز لاي عقاب ومستعد اتحمل حتي لو هسلم نفسي
تيام كان حاضن اسيا وهو بيعيط وايوب وعيسي بيبصوا لبعض بدموع ان بعد كل اللي عرفوا مش قادرين يتخطوا الحاجز ده ويعقبوا أو يسوء لي ..فهد نصار كان واقف جمب فيروز وباصص لفاروق بثبات ..وفجر ف حضن ورد وبتعيط ..وغزل وموج وتاج واقفين بيبصوا لفاروق بنظره شفقه وعتاب .
قطع الصمت اللي بينهم ف المكان صوت كعب عالي بصوا كلهم اتجاه الصوت كانت عشق ..جريت اسيا عليها بغ-ل وهي بتجبها من شعرها..
عشق:اااااه ابعدي عنييي ده انا ...
قطعتها اسيا وهي مسكها من شعرها : هتعملي اي هتقت_ليني زي ماقت_لتي اهلي ؟ولا هتحبسيني زي ماحبستي ابويا تحت الارض ؟
رفعت عشق دماغها وهي بتبص ع فهد السيوفي واقف قدامها ومبتسم ع اسيا ..
عشق بذهول :مستحيل لاااا
ايوب وهو بيقرب منها : مستحيل لي تفتكري مش هنعرف نوصل لابونا حتي لو كان ف بطن الحوت ؟!!!
عيسي:تبقي غبيه ياغبيه لو فكرتي ان ولاد السيوفي ضعاف .
تيام :ده انا هشرب من د_مك وهندمك ع اليوم اللي فكرتي تاذي حد من عيلتي
فهد السيوفي بابتسامة فخر : جه وقت العقا_ب بس مش انا اللي هعقبك دول ولاد السيوفي وولاد نصار وولاد المحمدي وولاد الدالي تخيلي أن حسابك مع كل دول ؟!!
جميله وهي بتقرب منها وبتسمكها من شعرها :ده انا هخليكي تتمني المو-ت ومطولهوش .
عشق وهي بتبعد جميله عنها :اوعي انتي وهي ...
مسكتها اسيا مش شعرها وبكل قوتها خبطت دماغها ف الحيطه..فا صرخت عشق بكل صوتها ودماغها بتجيب دم .
اسيا :خلي الصريخ ده للي جي احنا لسه بنبتدي .
عشق بهستريا وصويت :مش هسيبكوا هقت-لكوا هخلص عليكوا.
قربت فريده من اسيا وخدت منها عشق ورمتها تحت رجلين فهد السيوفي :هي دي اللي قت-لت ابويا واهلي هي دي العقل المدبر والشيطا-ن مش كده ؟
فهد السيوفي :هي السببب ف كل اللي احنا ف ده
فريده برجليها الاتنين فضلت تضرب فيها لحد ماعشق طلعت د-م من بوقها ...
فيروز :لا يافريده كفايه كده دي مينفعش تمو-ت بالسهوله دي لازم تتعذ-ب الاول بس نشوف هنعمل اي مع فاروق.
فاروق كان واقف مش شايف غير جميله كان بيحفر ملامحها ف قلبه ناسي كل اللي حواليي ومش شايف غير جميله .
عيسي :بلغ الشرطه ياايوب يجوا .
تيام بغضب :اي الجنا-ن ده ؟! انت كده بترحمهم مش بترجع حقك
ايوب :تيام عنده حق ...حقنا هناخده من غير شرطه ياعيسي
فهد السيوفي بغموض :اسمع كلام اخوك ياايوب وبلغ الشرطه
فهد نصار بعصبية وصوت عالي:انتو بتقولوا اي الشرطه مش هتدخل بينا وزي ماتيام قال احنا كده مش بنجيب حقنا
فهد السيوفي :أبوك كان ذكي وناصح عيب لما يكون ابنه غبي .
ضم فهد نصار حواجبه بستغراب وبعدين ابتسم لفهد السيوفي :أبوك عنده حق كلم الشرطه ياايوب
ايوب :انتو ناويين ع اي ؟
فهد السيوفي اتنهد بتعب :ناوين نرجع حق اهلك بس ع نضافه .
بصت اسيا لفهد السيوفي بدموع وجريت ع حضنه ..حضنها فهد السيوفي وهو بيبوس راسها ..
فهد السيوفي:صدقتي اني ابوكي ولا لسه برضو يااسيا ؟
اسيا بعياط:حقك عليا ..أنا كنت مش مستوعبه مصدومه مش قادره اصدق أنا متلغبطه حاسه اني ف حلم ف يوم وليله اعرف انك عايش واعرف ان اهلي اتق-تلوا واللي قت-لهم المفروض من د-مي واهلي أنا ..أنا بحبك اوي يابابا .
حضنها فهد لي اكتر وهو مبتسم ع جملتها الاخير :أنا مقدر كل اللي انتي ف ومش زعلان منك يااسيا وانا اللي بحبك اويي يانور عيني ..
الكل كان بيبص لفهد وآسيا بدموع وابتسامه حب كبير ..قامت عشق براحه وهي بتشد السك-ينه اللي ع الترابيزه من غير ماحد يلاحظها وبتحطها ع رقبه فجر
صرخت فجر بخوف، وعشق حاطه ع رقبتها سك-ينه الفاكهة :هد-بحها قدامكوا هحصرك عليها ياورد .
فاروق :سيبها ياعشق اوعي تاذيها هي ملهاش ذنب ف كل ده
عشق والد-م نازل من بوقها وشعرها مبهدل :كل ده بسببك انت ،علشان غباءك لو كنت سمعت كلامي زمان وخلصنا عليهم كلهم مكناش وصلنا لنقطه دي بسبب عاطفيتك وحبك الفاشل ضيعت كل حاجه وضيعتني
فهد السيوفي :سيبها ياعشق هي ملهاش دعوه باللي بينا
ورد بعياط:حرام عليييك انتي شيطا-نه كفايه اللي عملتي زمان سيبي بنتيييي
عشق وهي بتقرب السك-ينه ع رقبه فجر اكتر:ودعي الدنيا هوديكي لابوكي أهو تشوفي علشان تعرفي اني طيبه .
الكل كان ف لحظه خو-ف خايفين يقربوا من عشق تنفذ كلامها وخايفين يقفوا مكانهم تنفذ كلامها برضو ..بص فهد نصار ورا عشق شاف زين وهو داخل وماسك طفايه صغيره وبيقرب من عشق براحه ..لاحظ ايوب نظرات فهد نصار فااتنهد بارتياح وهو شايف زين ..
قرب زين وهو بيخبط الطفايه ع دماغ عشق لحد ماوقعت ف الأرض وفهد السيوفي شد فجر لي ..
فهد السيوفي:انتي كويسه متعيطيش
فجر وهي بتمسح دموعها :أنا مش بعيط علشان كنت همو-ت لاني عارفه ان مش هيحصلي حاجه وانتو موجودين.
حضنها فهد وهو بيلمس ع شعرها بحب..
قرب زين وهو بيحضن جميله بشتياق :وحشتينيييي ياجميله
جميله بدموع:كنت فكراك ديما ياحبيبي ...وحمدت ربنا انك مكنتش موجود زمان معانا ولا كنت هخسرك انت كمان زي بابا وماما.
مسحلها زين دموعها :متفكريش ف اللي فات كل حاجه بتتحل أهي والمهم انك انتي وفهد رجعتوا
بصتله جميله بستغراب فا كمل زين وهو بيبص لفهد السيوفي :أنا سمعت كل حاجه من اول مادخلت القصر بس الصدمه لجمتني مقدرتش أتحرك من مكاني وانا شايفك قدامي وشايف فهد بعد كل السنين دي مفوقتش غير ع صوت فجر والحمدلله اني فوقت .
حضن زين فهد وهو بيرتب ع ضهره: حمدالله ع سلامتك ومبروك رجوعك لبيتك وولادك ولينا .
فهد السيوفي: الله يسلمك يازين ...
قطع كلامهم صوت سرينه عربيات الشرطه ف القصر ..
ايوب :بابا البوليس وصل هنعمل اي ؟!!
فهد السيوفي بتفكير :نزلوا الحيه دي ف اي مخزن هنا واربطوها كويس وحط عليها حراسه مشدده علشان لو فاقت ف اي لحظه متحاولش تهرب ...بص فهد السيوفي بغموض لفاروق وهو بيقول :........
