رواية يتيمة في قبضة صعيدي الفصل الخامس والثلاثون بقلم نرمين حمدى
البنت كانت واقفه علي نهايه السلم مصدومه... ملامحها اتبدلت، الصورة وقعت من ايديها، سندت علي سور السلم وبصدمه: عز؟!!!
عز ابتلع ريقه ببطئ أول مسمع إسمه منها، وقف متجمد، لا عارف يقرب ولا يبعد، ليعقد حاجبيه باندهاش: انتي... انتي ح ح حقيقيه؟!.. وقولتي عز ولا انا بحلم؟!
ردي عليا لو سمحتي انا هتجنن
ثم نظر للست الكبيره: طيب ردي عليا حضرتك هي موجوده قدامي صح؟! يعني انا مش بتخيلها مش كدا؟!
الست: انا مش فاهمه حاجه خالص
البنت قربت ناحيته، وقفت قدامه مباشره، عيونها بتدمع: عزز
عز بانهيار: متقوليش عز وتسكتي.. ردي عليا انتي ملك؟! انا كنت متأكد انك موجوده كنت حاسس بيكي، انا دورت عليكي كتير لي بعدتي مره وحده ليه عملتي فيا كدا... كلهم افتكروني مجنون وانتي هنا
البنت: انت بتقول ايه؟! انا مش فاهمه حاجه ومين ملك؟!
عز قعد علي السلم بتعب حط ايده علي راسه: انا الي مش فاهم حاجه
الست: انت مين يابني؟ وجاي عايز اية
البنت: دا يبقي عز الجبالي ياتيتا الي حكيتلك عنه
ليقف عز مره وحده: انتي تعرفيني منين؟! انا شوفتك قبل كدا؟ اتكلمت معاكي؟ انتي مين واسمك ايه؟
البنت: ممكن تديني فرصه... انا مش مستوعبه انك قدامي كدا وبتتكلم معايا
عز: أسف.. لو سمحتي قوليلي انتي مين وتعرفيني منين؟!
الست: طيب اتفضل جوا وانا هعملكم حاجه تشربوها
عز دخل وقعد والبنت قعدت قدامه
عز لسه مش مصدق عينه: انتي بجد حقيقيه ولا لا؟
البنت: أيوة أكيد حقيقيه... سؤالك غريب
عز: احكيلي تعرفيني منين وازاي عايز اعرف كل حاجه
البنت: اول حاجه انا مش اسمي ملك.. انا اسمي نغم، انا اعرفك من زمان اوي ياعز من قبل متدخل في الغيبوبه بس انت متعرفنيش
عز: طيب انا شوفتك قبل كدا، كلمتك حتي لو بالصدفه
نغم: معتقدش انه حصل... انت عمرك مشوفتني بس انا كنت بشوفك كل يوم، كنت بروح كل مكان انت بتروحه، بفضل باصه عليك بس كنت بخاف اكلمك
عز: ازاي بس مشوفتكيش؟! طيب كنتي بتيجي اي مكان بروحه ليه؟!
نغم: بصراحه في يوم كنا قاعدين انا وصحابي في بيتنا الي في الصعيد، وحده منهم كانت بتقلب علي الفيس وشافت صورتك،وبصراحه كدا كلنا كنا معجبين بيك ... وراهنتهم اني هاخد صوره معاك، عشان كدا كنت باجي اي مكان تروحه بس انت مبتاخدش بالك مني خالص ولا حتي بتعبرني
عز قلبه كان بيدق بسرعه من الفرحه :معجبه؟!... كملي
نغم اتكسفت : لحد مفي يوم جيت لنفس المكان الي متعوده اشوفك فيه... كنت بتتكلم في التليفون تقريبا كانت مشكله وكنت متعصب جدا، وفجأه قمت ومشيت، بصراحه انا فضولي خلاني اخد تاكسي وامشي وراك، دخلت من طريق مفهوش حد نهائي لحد معملت حادث، انا قولت للسواق يوقف بسرعه بس هو خاف يلبسوه مصيبه قلي لو نزلتي انا همشي، وفعلا نزلت وهو مشي، جريت علي عربيتك، ثم افتكرت حاجه بصتلع بلهفه وقالت.. اه تصدق انت شوفتني وقتها عينك لسه مكانتش قفلت، مغبتش عن الوعي، اتصلت بالاسعاف بسرعه وفضلت معاك لحد موصلو وروحت معاك المستشفي
عز فهم ليه كان كل الفتره دي بيحلم بيها هي أخر ملامح شافها قبل ميدخل الغيبوبه عقله ربط ملامح نغم باسم ملك الي مشفهاش اصلا وبنبره هادئه: كملي..
نغم: وبعدين فضلت أجيلك كل يوم بقعد معاك بالساعات مفيش حاجه بتحصل في حياتي إلا وبتبقي عارفها اول واحد... كنت بحكيلك تفاصيل حياتي كلها... كنت برسمك وانت نايم كمان
عز افتكر لما في يوم صحي ولقي ملك بترسمه وسأل نفسه وابتسم: ممكن أشوفهم
نغم بلهفه: حاضر ثواني بس
نغم جريت علي اوضتها والفرحه مش سيعاها جابت كل الرسومات الي رسمتهم ليه: أهم
عز اخدهم وبص فيهم وابتسم الرسومات تحفه: شاطره أوي
نغم ابتسمت: عجبوك؟
عز بصلها سكت شويه ثم قال: عجبوني أوي تسلم الايد الي رسمت
نغم اتسكفت وسكتت
عز: احكيلي ياملك قصدي يانغم أكتر كتي بتقوليلي اية وانا في الغيبوبه
نغم ضحكت: ياااااه... دا انا كنت بحكيلك حاجات كتير اوي
عز ابتسم: عايز اسمعك قولي
نغم ضحكت: يعني مثلا في مره تيتا عملت فيا موقف سخيف وعزمت كل قرايبها وصحابها علي الغدا ودبستني انا في المطبخ و....
ليقاطعها عز وهو باصص عليها: وفضلتي تعيطي وتقولي مش هقدر... بس قدرتي وطلع الاكل تحفه
نغم بصتله عقدت حاجبيها باندهاش: انت انت كنت في غيبوبه وقتها.. ولا كنت صاحي
عز وهو مش مصدق الي بيحصل ازاي الحاجات الي بتقولها هو حلم بيها: كملي.. كملي دا انت حكايتك حكايه
نغم: مع اني مش فاهمه حاجه بس حاضر
في مره جيت عندك كنت ساعتها ناجحه بمجموع كبير وقولتلك انت اول واحد... وقعدت افكر معاك ياترا اطلب مكافئه ايه من تيتا ساعتها قررت اطلب انها تسفرني ال....
ليقاطعها مره اخري: الجونه عشان نفسك تشوفيها مش كدا؟!
نغم سكتت وبصتله بخوف: هو انت في اية؟! عرفت الحاجات دي منين هي المستشفي دي كانت بتسجلي ولا اية؟!
عز بسرحان: ياريتهم عملوا كدا مكنتش هتعب كل التعب دا عشان ألاقيكي
نغم: تلاقيني؟! براحه عليا عشان بجد مش فاهمه.. انت كنت بدور عليا ليه وازاي عرفت مكاني
عز: دا موضوع يطول شرحه... بس قوليلي الاول اختفيتي ليه فجأه بعد مفوقت؟! مبقتيش تظهري قدامي ليه
نغم بزعل: بصراحه... لما جيتلك أخر يوم، كنت فوقت ساعتها وانا كنت بتابع من بعيد لقيتك بتكسر ومتعصب وبتقول فين مراتي أنا بحبها ومش هقدر أعيش من غيرها..فمشيت لما عرفت انك متجوز وبتحبها كل الحب ده ربنا يخليكم لبعض...أه صحيح هي حصلها اية؟
عز بصلها بابتسامه وقال لنفسه:أه لو تعرف مراتي دي تبقي مين
:هي موجوده...ونفسي أخدها في حضني،وحشتني أووي
نغم ملامحها اتبدلت وبتمثل انها مبسوطه بابتسامه كاذبه:واية الي مانعك؟!
عز ركز في عنيها:انها مش مراتي حاليا
نغم بفرحه وبتلقائيه : طلقتها؟!... قصدي يعني حصل اية بينكم
عز: مش لما اتجوزها الاول
نغم مسكت دماغها بإيديها: انا هتجننن هي مراتك ولا طليقتك ولا انت اصلا مش متجوز ولا اية؟!
عز ضحك: صدقيني انا نفسي مش عارف كل الي اعرفه اني بعشقها
نغم رجعت تزعل: عموما يابختها.. حضرتك راجل مفيش منك، كفايه ان الصعيد كله بيعملك ألف حساب
عز: حضرتي بيشكرك وبيستأذنك نخرج ساعتين زمن وهرجعك
لتدخل عليه جده نغم«نعمه»: تخرج فين ياحضرت؟!
عز وقف ونغم برضو: دا بعد إذنك يعني
نعمه: هو أينعم البت دي كان قرفاني بسيرتك كل يوم بس انا بنتي متخرجش مع راجل غريب عنها كدا وانا اقف اتفرج
نغم: ياتيتا...
نعمه: اخرسي انتي واطلعي أوضتك
نغم بصت لعز: تيتاااااا
عز: اطلعي يانغم
نغم بصتله بزعل: حاضر
نعمه بصتلها بقرف: بتقوليله حاضر يابنت ال****
عز ضحك: اهدي بس مش كدا
نعمه: بص يابني متزعلش من كلامي بس حط نفسك مكاني انا مينفعش اسيب بنتي كدا تعلق نفسها براجل متجوز وعنده أسره
عز: انتي الي بعدتيها ومخلتهاش تظهر قدامي تاني؟
نعمه: كان لازم اعمل كدا لما قالتلي انك متجوز
عز: عندك وقت تسمعيني؟
نعمه: اتفضل
&&&&&&&&&&&&&
في غرفه نغم
نغم كانت رايحه جايه هتموت وتعرف بيتكلموا في ايه
نغم: معقول ياربي... معقول يجي لحد عندي بعد كل دا.. دا انا فقدت الامل انه يبصلي حتي، معقول هو موجود تحت دلوقتي، وكان بيكلمني وبيهزر كمان.. انا بجد مش مصدقه
قعدت علي السرير كلمت صحبتها المقربه
منه: اية ياحبي
نغم: منه الحقيني انا مش مصدقه الي انا فيه
منه: في اية بس
نغم: عز الجبالي يامنه
منه ضحكت: لسه بتهلوسي بيه... ولا رسمتيلو رسمه جديده
نغم: لا يابنتي عز الجبالي عندنا وقاعد مع تيتا تحت
منه: ياعيني عليكي يانغم.. انت حالتك بقت صعبه عزالحبالي مين الي عندكم يابت
نغم: انتي مش مصدقاني طيب استني
نغم طلعت من اوضتها وصورته من بعيد وبعتت الصورة لمنه: شوفي الواتساب
منه: يابنت اللعينه بيعمل اية عندكم دا يابت
نغم: مش عارفه هو قلي انه كان بيدور عليا بس يافرحه ماتمت جاي يحرق دمي ويقولي قد اية هو بيحب مراته
منه: مراته مين دي؟
نغم: مش عارفه هو قلي انه بيعشقها وكان انا اخر مره روحتله فيها كان فاق من الغيبوبه وبيقول فين مراتي
منه: يابنتي عز الجبالي مش متجوز
نغم: يعني اية؟
منه: يعني اكيد في حاجه غلط
&&&&&&&&&&&&&&&&
نعمه: ياااااه معقول الي انت بتحكيه ده
عز: دا الي حصل
نعمه: يعني انت كنت متجوز نغم بإسم وحده تاني... والي كنت بتدور عليها في المستشفي دي تبقي نغم بس بإسم تاني
عز: بالظبط... وانا عايز اطلب ايديها منك وتبقي مراتي بحق وحقيقي
نعمه: بس قبل موافق انت لازم تعرف كل حاجه عن نغم
عز: حاجه اية؟
نعمه: نغم مش بنت بنتي.. ولا بنت ابني، نغم يتيمه كانت في ملجئ، شوفتها اول مره كان عمرها تقريبا 6 سنين جبتها تعيش معايا واهو تونسني بدل مانا عايشه لوحدي.. ومن وقتها وانا بعتبرها بنتي الي مليش غيرها
عز ابتسم: وانا هكون ليها أب قبل مكون زوج...انا ميهمنيش كل دا أنا عايز نغم وبس
نعمه ابتسمت: أنا عن نفسي وافقت...بس واجب نشوف رأيها
عز: سيبي الموضوع دا عليا... خليني اسألها بنفسي
نعمه بسخريه وبصوت واطي: ع اساس هترفض دي بت واقعه
ليضحك عز: اسمحيلها بقي تخرج معايا وهرجعهالك لحد عندك متقلقيش
نعمه: مش فاهمه يعني عايز تقولها ايه ومش عايزني اسمعه
لتنزل نغم وتسمعهم: ياتيتا وافقي بقي
نعمه: لما نشوف أخرتها بس أخركم ساعه عشان راجعين بلدنا
عز: يلا اطلعي البسي
نغم راحت اوضتها ولبست ونزلت علطول
وعز اخدها وقعدوا علي البحر
نغم: هو حضرتك عايز مني اية؟
عز: بلاش حضرتك دي قولي عز بس
نغم: طيب ياعز مراتك مش هتضايق.. لو عرفت انك قاعد مع بنت علي البحر
عز: يووووه دي مجنونه لو عرفت هتخليني أنام علي الكنبه
نغم قامت وبزعل طفولي: ممكن تروحني؟
عز: طيب مش عايزه تشوفي صورة مراتي؟
نغم:....
عز طلع اللابتوب بتاعه وفتح صورة ملك ووراها لنغم، نغم بصتلها: اية ده؟! دي انا
عز: تخيلي اني كنت متجوزك وبدور عليكي وكل دا وحضرتك قاعده في الجونه بتصيفي
نغم قعدت تاني: انت جننتني... بالله عليك فهمني
عز حكالها كل حاجه عن حلمه
نغم: انت بتتكلم بجد؟! يعني انت كل الفتره دي كنت بتحلم بيا
عز: وكنت هتجنن لما اختفيتي فجأه
نغم عيطت: يعني معقول كل حبي ليك وصلك من خلال الحلم
عز: تتجوزيني يانغم؟!
نغم اتجمدت مكانها حست ان العالم كله وقف، مش مصدقه الي بتسمعه، بقالها كتير اوي اوي نفسها في نظره بس منه وفي لحظه يقولها تتجوزيني؟: انا.. انا موافقه... موافقه ياعز
عز: كتب كتابنا الخميس الجاي... مناسب معاكي؟
نغم بفرحه: مناسب
بينتهي مشهدنا هنا وهما ماشين علي البحر ونغم بتفضل تحكيله علي المواقف الي كانت بتحكيهاله في الغيبوبه وهو كالعاده بيكملها
&&&&&&&&&&&&&&&
عدا يومين من الي حصل وعز لسه مش فاهم هو ازاي كان بيحلم بالي هي بتحكيهوله فراح للدكتور
عز دخل العياده وقابل الدكتور
الدكتور: يارب يكون خبر كويس
عز ابتسم: أنا بشكرك جدا انا لقيتها.. لقيتها وانت سبب خلاني الاقيها
الدكتور بفرحه: كنت متأكد انك هتلاقيها
عز: بس في حاجه غريبه
الدكتور: اية هي
عز: هي كانت بتزوني وانا في الغيبوبه وكانت بتحكيلي مواقف.. المواقف دي انا كنت بحلم بيها
الدكتور بابتسامه: البنت دي مش بتحبك وبس دي بتعشقك.. ومكانتش عارفه توصلك حبها.. من كتر حبها الصادق عقلك كان بياخد كلامها وبيعملها مشهد في حلمك.. عقلك خلاك تحس بحبها من غير مجهود منها
عز ابتسم وقال: أشكرا جدا... وحضرتك معزوم طبعا كتب كتابي وفرحي عليها بعد يومين
الدكتور بابتسامه: هتلاقيني أول الحاضرين طبعا
&&&&&&&&&&&&&&&
في قصر الجبالي الكل مش مصدقين ان أخيرا لقي البنت الي كان هيتجنن بسببها وان عز الجبالي لقي الحب الي بيدور عليه، القصر كان زحمه وكلهم مشغولين في تحضيرات الفرح
سليم: انا مش مصدق انك خلاص هتبقي عريس ياعز
فياض: ياريتني انا الي كنت في غيبوبه
جليله بضحك: وحياتك كنت هتنساها وتدور علي غيرها يافياض هههه
الكل بيضحك والفرحه رجعت للقصر من تاني
اما في اوضه رقيه كانت معاها رضوي وبيختاروا فساتين للفرح وفجأه رقيه جريت علي الحمام ورجعت كتير
رضوي وراها وبقلق: في اية يارقيه انت كويسه؟
رقيه: كلمي الدكتوره يارضوي، انا مش كويسه
الدكتوره جات والعيله اتلمت وماهر كان قلقان جدا
الدكتوره بفرحه: ألف ألف ألف مبروك رقيه حامل في الشهر التاني
ماهر الفرحه مكانتش سيعاه كان هاين عليه يشيلها ويلف بيها
وحليله زغرتت والكل فرحلها من قلبه اما رقيه كان عايزه تقوم تتنطط، ماهر قعد جنبها: ألف مبروك يانور عيني
رقيه: الله يبارك فيك ياحبيبي أخيرا ربنا هيعوضنا علي كل الانتظار ده
ماهر:قولتلك ربنا مبينساش حد
عز: بشاير العروسه وشها حلو عليكم اهو
جليله: والله شكلها وشها حلو علينا فعلا ثم قالت للخدم.. اعملوا شربات ووزعوا علي القصر كله
سليم بص لرضوي وبابتسامه: عقبالنا
رضوي: يارب ياسليم يارب
&&&&&&&&&&&&&&
في بيت نغم
كانوا بيعملوا تجهيزات الفرح وصحباتها بيرسمولها حنه
وفجأه بتدخل عليهم نعمه وبتبص ل بزعل: يعني خلاص كلها يومين وتسبيني؟
نغم راحتلها: انتي بتقولي اية ياتيتا انا هنطلك هنا كل شوبه
نعمه: هتوحشيني يانغم
نغم عيطت وحضنتها: انا مش عايزه اتجوز خلاص
منه: نعم ياختي انتي عايزه عز الجبالي يجي يدينا عيارين
نعمه ضحكت: انتي صدقتيها يامنه؟! دي بت بكاشه، دي هتموت عليه
نغم ضحكت في وسط عياطها وقاطعه عز وهو بيتصل علي نغم
وفي اقل من ثانيه جريت علي اوضه تاني وفتحت
نغم: ألو
عز: وحشتيني
نغم بكسوف: ربنا يخليك
عز: ربنا يخليك؟! معلش كلها يومين وتبقي عندي ولو سمعت ربنا يخليك دي تاني هقسمك نصين
نغم بت تر: عديها ياعز انا متوتره لوحدي ومش عارفه انا بقول ايه
عز: حوار الجواز دا هيبقي جديد عليكي بس مش جديد عليا «وطبعا فاهمين قصده اية»
نغم: عززززز... ياريتك محلمت بيا بجد اية قلة الادب دي
عز ضحك: معلش بعد يومين الحلم هيبقي حقيقه وتعيش كل الي عيشته
نغم: والله انت سا*فل
عز: سا*فل؟! ماشي طولي لسانك ذي مانتي عايزه بس مترجعيش تعيطي
نغم:بحبك
عز:ياربي علي نفس الطريقه بتلحقي نفسك انتي ههههه
نغم:ههههه
عز:يلا سلام
نغم:سلام
&&&&&&&&&&&&&&&&&
عدا يومين..وجيه اليوم المنتظر
الجنينه كلها متنزينه،المعازيم كلهم حاضرين،صوت الاغاني مالي المكان،الكل فرحان وبيرقصوا
ونغم بفسانيها الابيض الانيق الي جذب انتباه الكل ماسكه ايد عز وداخلين،وقفوا علي الاستيدج بدأوا يرقصوا علي أغنيه قابلتك امتي شوفتك فين وليه نحسبها ونفكر في مليون حاجه تستاهل نفكر فيها بقي أكتر والي عز اختارها مخصوص
منه كانت واقفه وبتبص عليهم ودمعتها نزلت هي عارفه أدي اية نغم اتعذبت عشان توصل للحظه دي، منه مشيت من قدامهم وهي ماسكه بوكيه الورد وفجأه خبطت في فياض والبوكيه وقع
فياض: أسف
ونزل جاب البوكيه ومد ايده عشان يديهولها، وطبعا أحد الصحفين أخد اللقطه دي
فياض بصلها تنح فيها، ملامحها دخلت قلبه من اول نظره، حس ولاول مره قلبه يدق ناحيه بنت، ومنه بصتله كانت لسه الدموع في عنيها
منه مدت ايديها عشان تاخد البوكيه بس هو سحبه ليه: اكيد انتي تبع العروسه صح؟
منه وهي بتمسح دموعها: أه
فياض: طيب انتي بتعيطي ليه؟
منه: مفيش بس صحبتي خلاص هتبعد عني
فياض: هي سافرت؟ مهي قاعده انتو حساسين بزياده
منه: طيب ممكن تديني البوكيه
فياض: ولو رفضت هتعيطي؟
منه: انت اكيد مجنون
فياض: هنقل أدبنا؟
منه: طيب لو سمحت ممكن البوكيه
فياض مد ايده بالبوكيه: البوكيه والي ماسك البوكيه
منه ضحكت غصب عنها
فياض مشي من قدامها وهو بيغني: ضحكت يعني قلبها مال وخلاص الفرق مابينا اتشال
اما نغم بقت بتحط راسها علي كتفه وتعيط وهو حاضنها جامد لما جات حتة، "حلمنا كتير نكون مع بعض وأدي الحلم حققناه جيه اليوم الي انا وانتي بقالنا كتير بنستناه"
بجد لو ربنا كاتب لقلبين يتلاقو هيتلاقو.
شكرا لزيارتكم عالم روايات سكيرهوم
