رواية تاج الفهد الجزء الثاني (ابناء السيوفي) الفصل السابع والثلاثون والاخير
ف اوضه ف المستشفى نورها ضعيف وصوت اجهزه شغالها فتحت عيونها الزرقاء بتعب وهي بتنادي بصوت ضعيف :فهد
اتنفض فهد من ع الكنبه اللي كان نايم عليها جمبها:تاج انتي صحيتي ياحبيبتي انتي كويسه ..
تاج بتعب:مياه..عايزه اشرب مياه
جري فهد بسرعه ع الترابيزه الموجودة في الاوضه وحطلها مياه ف الكوبايه وهو بيسندها علشان تشرب ..شربت تاج هي وبصاله وحساه نفسها ف مكان وعالم تاني .
فهد :ارتاحي هروح ابلغ دكتوره نور علشان تطمن عليكي وأبلغ العيله .
جري فهد بره الاوضه وهو بينادي ع الدكتورة نور بفرحه: دكتوره نور تاج فاقت
نور:بجد طب اتفضل هبلغ رئيس الأطباء علشان يطمن عليها بنفسه
مشيت نور بسرعه وبلغت دكتور الأطباء وراحوا ع اوضه تاج وبدأ يكشف عليها وهو مبتسم وفهد واقف جمبها ماسك ايديها: الحمدلله مدام تاج بقيت احسن وفاقت من الغيبوبة بشكل كلي .. حمدالله ع سلامتك يامدام
فهد: الحمدلله 6شهور ياتاج بعيد عني كل ده
تاج بهزيان:ست شهور ازاي دول 25سنه ..وولادي فين هما كبروا مش كده يافهد بقا ظباط
فهد بعدم فهم:25سنه وظباط اي ؟..تاج انتي فيكي حاجه ؟!ماتطمني يادكتور
رئيس الأطباء:متقلقش هي ساعه بالظبط وهتكون فاقت اكتر وبدأت تستوعب
مشي الدكتور ومعاها نور وفهد قعد جمبها وهو بيبوس ايديها :6شهور ف غيبوبه ياتاج انتي قبل ماتدخلي تولدي وعدتيني انك مش هتغيبي عني لحظه
تاج:ماما وبابا وعمي نصار وطنط سماح وحسام وسليم هما أنا شوفتهم اتق-تلوا و..
ضم فهد حواجبه بستغراب:ياحبيبتي ف اي مالك بس ..هما كلهم كويسين
تاج:أنا كنت بحلم معقول كل ده حلم ده مش حلم ده كا-بوس وحش اوي يا فهد
فهد:طب اهدي وانا هخليهم كلهم يجوا دلوقتي وتتطمني بنفسك عليهم
تاج:عايزه اشوف ولادي كمان
فهد:هخلي ورد وجميله يجبهم وهما جايين معاهم
خرج فهد بره وطلع موبيله وطلب رقم سليم:سليم بقولك تاج فاقت من الغيبوبه
سليم:بجد !!الف مبروك ياحبيبي مش قولتلك ازمه وهتعدي
فهد: الحمدلله..المهم تاج فاقت وبتقول كلام مش مفهوم وعايزه تشوف العيله كلها تعرف تجمعهم وتجيب الأولاد وتيجي ؟
سليم:اعتبره حصل يااخويا ..نص ساعه ونكون عندك
قفل فهد الفون وحطه ف جيبه واتنهد بسعاده كبيره ودخل الاوضه تاني ..
ف قصر فهد السيوفي.
جميله:الواد ايوب ده انتو اشمعنا أنا اللي بتخلوني اشيله عيل زنان
سيا:محدش بيعرف يتعامل معاه غيرك للاسف
ورد:براحه ع ايوب ياجميله علشان انتي اللي خليتي يتعود ع أننا لازم نشيله كل مايعيط
جميله:وانا اعرف أنه ماهيصدق يتعود ع كده منين خلفت أنا قبل كده ...
سيا:هو الواد فهد ابني فين بقاله ساعه مختفي
ضحكت جميله بسخرية:فهد ابنك مابيصدق أن فهد يروح لتاج المستشفى ويطلع يقعد مع اسيا ويلعب معاها
دخل سليم وهو مبتسم وسامع كلام جميله:شقي زي ابوه بيضمن حقه من دلوقتي
جميله:هما بيطلعوا أمته دول ..مش تعمل صوت قبل ماتدخل ولا أنت هتفضل همجي كده كتير
سليم:اهي علشان طولت لسانك دي مش هقول الخبر اللي كنت جي علشان أقوله وافرحكوا
سيا:خبر اي سليم؟
سليم وهو بيغمز بعينه:هاتي بوسه وانا اقول
جميله :انت بجح ..ماتحترم نفسك بقا هتفضل طول عمرك قليل الا-دب
سليم:أنا ومراتي انتي مالك ..هو فاروق مش هيربيكي شويه بقا
نادت جميله بصوت عالي ع فاروق فاطلع من مكتب فهد:ف اي ياجميله بتزعقي بصوت عالي كده لي بتخانقي مع مين المره دي
جميله:هو انت مش بقيت خطيبي ؟
فاروق بهمس:للاسف بقيت خطيبك علشان أشيل مصا-يبك
جميله:يبقا تخدلي حقي من سليم
فاروق :ياسليم أنا مش قولتلك ملكش دعوه بجميله علشان خاطري أنا ياأخي
سليم:هي دي حد بيكلمها دي هي اللي بتقول للمشاكل تعالي
فاروق بهمس لسليم:معلش تعاله ع نفسك شويه مش كل شويه هقعد أحل ف مشاكلها
سليم بنفس الهمس: علشان خاطرك انت بس هعديها المره دي
جميله:انتو بتتهامسوا تقولوا اي ؟!!!!
فاروق :ولا ياحاجه احنا زي الفل
سيا:طب اي بقا ماتقول الخبر الحلو
سليم وهو بيبص لكل بحماس:تاج فاقت من الغيبوبة النهارده وعايزه تشوف الكل
شهقت جميله بفرحه:احلف انك بتتكلم بجد انت بتعمل فينا مقلب صح
سيا:سليم الحاجات دي مينفعش فيها هزار خالص
سليم:هو انا عيل وبحب المقالب ..بس اكيد مش هعمل مقلب ف حاجه زي دي .
فاروق:طب يلا يجماعه نروح نطمن ونبارك لفهد
ورد :هكلم حسام ابلغه يحصلنا ع المستشفى
سيا:وانا هبلغ ماما وانكل نصار لانهم مع بعض ف الشركه
جميله:وانا هبقا اكلم ماما وبابا وزين ف الطريق يحصلونا ع هناك ..يلا بسرعه يافاروق
فاروق:اهدي طيب اطلعي هاتي اسيا وعيسي وانا هخلي بالي من ايوب لحد ماتنزلي
طلعت جميله وهي بتجري ع فوق علشان تجيب الأولاد ..وورد معاها وهي بتكلم حسام ف الموبيل ..وسيا بلغت سماح
فاروق:كده بقا هقدر اعمل فرحي ف اسرع وقت
سليم:مستعجل انت ماصدقت
فاروق:ماانا صبرت كتير ..وف خلال الست شهور دول عملت كل حاجه علشان جميله تغفرلي أخطائي يبقا من حقي بقا اتجوز ولا اي
سليم:يعم نطمن بس ع مرات فهد وتخرج باالسلامه وليك عندي اعملك فرح متعملش زيه ده انت ابن عم الغالي
بصله فاروق بابتسامه شكر ورجع يلعب مع ايوب تاني ..لحد مالعيله نزلت وركبوا عربياتهم ومشيوا ع المستشفى
*ف ڤيلا مصطفي الدالي*
وقف زين بفرحه وهو بينادي ع أمه ابوه ينزلوا وماسه واقفه جمبه .
نزل مصطفي من ع السلم:ف اي يابني عامل صداع لي
صفاء:حرام عليك يازين مخلي مراتك واقفه وهي خلاص ع وشك الوالده اقعدي يابنتي متقفيش كتير
ماسه:ياماما ف خبر هتحبي اكتر من كل ده اوي
زين:تاج فاقت اخيرا وعايزه تشوفنا كلنا
صفاء:ياحبيبتي يابنتي ربنا قومها بالسلامة الحمدلله
مصطفي:مش قولتلك يصفاء هتقوم وترجع لاولاده
زين:طب اي هتقفوا تتكلموا كده كتير اطلعوا أجهزو لحد ماشغل العربيه ..
"ف المستشفى"
تاج:هتفضلي باصصلي كده كتير
فهد:مش عارف اشبع منك ياتاج ..ست شهور وانتي نايمه قدامي ومش بسمع صوتك
تاج:قولتلك أن مهما حصل مش هسيبك ووعدتك واديني اهو بقيت كويسه
فهد:لما دكتوره نور طلعت من اوضه العمليا-ت وقالتلي أنك بقيت ف وضع خطر ..نزلت المسجد وفضلت ساجد وانا بدعي ربنا يقومك ليا بسلامه
تاج:أنا اخر حاجه فكراها اني كنت بكلم دكتوره نور وقولتلها خلي فهد يسامحني أن هسيبه كنت متخيله أن خلاص نهايتي دي بس كنت فرحانه اني خليتك اب وسبتلك حته مني ..سمعت رئيس الأطباء وهو بيقول أنه لو شال الر-حم هيكون ف خطورها ع حياتي وأنه لو سابه برضو هكون ف خطر ..لحد مادكتوره نور قالت أن مهما حصل لازم نحاول ونشيله وقتها بس غمضت عيني وغبت عن الوعي ...بس لما غبت عن الوعي شوفت كابو-س وحش اوي يمكن بدايته وحش وصعب ..بس نهايته كانت جميله لما شوفت ولادي كبار
فهد :طب ماتحكيلي شوفتي اي ف الحلم ..
قطع كلامه صوت خبط ع الباب فادخل سليم :جبتلك جيش الروم كله هنا لدرجه ان الدكاتره قربوا يطردونا
دخلت جميله وهي بتزعق لسليم:اوعا من قدامي خليني اطمن ع اختي
جريت جميله وهي بتحضن تاج :ست شهور وانتي مريحه دماغك وسيباني مع ابنك ابن الزنانه
قربت سيا وورد وهما بيحضنوا تاج:هو ده وقته ياجميله المهم اننا اطمن عليها وحشتينا اوي يا تاج
ورد:القصر مضلم من غيرك نورتي ياحبيبتي الدنيا كلها
تاج:انتو اللي وحشتوني اوي ..
سليم:حمدلله ع سلمتك ياأم عيسي
تاج بابتسامة:الله يسلمك ياسليم
فاروق:حمدالله ع سلامتك يا مدام تاج
بصت تاج لفاروق بستغراب ورجعت بصت لفهد بعدم فهم فااتكلمت جميله بفرحه:متستغربيش كده فاروق أصله طيب ..فهد جوزك حل الموضوع ورجع لعشق الز-فته كل ورثها باالارباح كمان وفاروق لما أنا خيرته بيني وبين الفلوس اختارني انا صحيح قعد شهر كده متردد بس ف الآخر اختارني انا عملنا حفله صغننه كده بس تلبس دبل مش اكتر لحد ماانتي تقومي بالسلامه..وعشق الحمدلله غارت ع انجلترا بلا رجعها
اتنهدت تاج بارتياح : الحمدلله فاروق فعلا كويس وده اللي أنا شوفته
ضم فاروق حواجبه بستغراب:شوفتي فين يامدام تاج؟
تاج:ف الحلم
سيا :حلم؟!!!!
فهد: اهي من لما فاقت وهي مفيش ع لسانها غير الحلم
جميله:حلم اي ده بقا
تاج:طب اشوف ولادي وبعد كده هحكيلكوا كل حاجه
قرب فاروق وهو بيدي ايوب وعيسي لتاج ..وفهد شال تيام وآسيا
تاج وهي بتاخدهم ف حضنها:يروحي عليهم..هما كده بقا عندهم ست شهور
جميله:اها ده عيسي هادي ف نفسه وجميل اويي ..وده بقا استاذ ايوب زنان ومش بيفصل عياط
تاج وهي بتبوسهم ف أيديهم الصغيره:ماما جت ياحبيابي وعد مش هسيبكوا تاني
فهد:طب اي مش عايزه تشوفي تيام ودكتوره اسيا
خدت جميله ايوب وسيا شالت عيسي ...وفهد حط اسيا وتيام بين ايدين تاج ..فابتسمت تاج وهي بتبوس اسيا:ياخو-في اقولك هطلع اي لما هتكبر ..
دخلت صفاء ومصطفى وزين وماسه وسلموا ع تاج ..وبعد شويه دخلت سماح ونصار وحسام واطمنوا ع تاج وع صحتها
جميله:الكل متجمع حلم اي ده بقا اللي شوفتي وحلمتي بينا
اتنهدت تاج وهي حاضنها اسيا:من لما غمضت عيني وغبت عن الوعي ف العمليا-ت وانا حلمت أن دكتوره نور قالت اني مُت شوفت حاله كل واحد فيكوا وهو زعلان عليا ...بصت تاج لفهد وهي مبتسمه وكملت:شوفتك وانت تايهه وحزين ع فراقي شوفت تعبك وانت كل يوم بتروح تزورني ف قبري كل المسافه دي حتي ف احلامي معايا يافهد ..شوفت الاصعب من مو-تي شوفت كابو-س شوفت العيله دي بتنهار وبتتفرق بس ولادنا جمعهوها ف الآخر ...اتنهدت تاج بدموع وهي بتفتكر الحلم وبدأت تحكي والكل واقف مصدوم من اللي بتقوله ..خلصت تاج وبصت لفهد: علشان كده ارتاحت لما عرفت انك اديت لعشق كل حاجه وبعدتها عننا ..
حسام:انتي مو-تينا ف حلمك يامدام تاج !!!!
سليم:أنا مقدرش امو-ت واسيب سيا لوحدها
حسام:مش وقته رومانسيك دي خالص ياروميو
جميله بتفكير:اممم يعني أنا فاروق حبسني 25سنه ده انت نهارك اسو-د يافاروق
فاروق:وانا مالي بتقولك حلم والله حلم
زين:الاجمل من كله ده اني هبقا اب لتلات بنات وهناسبك كمان ياابو نسب
تاج:ده مجرد حلم يازين محدش يعرف الغيب غير ربنا
سليم:وانا هناسب فهد للمره التانيه
فهد السيوفي:ده ع جث-تي بنتي تبقا لابنك
سليم:مراتك خلاص حلمت أن فهد ابني هيتجوز بنتك ومشاء الله بنتك متربتش بربع جنيه
فهد:يعني انتي نايمه بتحلمي بالعيله وبتمو-تي فيهم ومقدرتيش تربي بنتك ياتاج
تاج: مانا كنت مي-ته يافهد وبعدين ورد هي اللي كانت بتربيها
ورد:لابقا ماانتي قولتي أن فريده بنتي كانت متربيه !
حسام:بس هي برضو قالت إن فجر متربتش
فهد السيوفي:سيبكوا من الهزار ده بقا عايزين نفرح شويه الحمدلله الدكتور سمح لتاج بالخروج من المستشفى وصحتها بقت احسن ..من دلوقتي هنبدا نحضر لفرح فاروق وجميله والفرح هيكون بعد اسبوع
ابتسم فاروق وهو بيبص لجميله وبيغمزلها..فابصلته جميله بسخرية:انت بتغمزلي كده لي ..لا بص أنا اصلا لو عليا هبوظ الجوازه دي مش كفايه انك حبستني25سنه ياابن الغد-اره
فاروق:لي بس يامدام تاج تقولي قدامها اني حبستها دي هتفضل تذلني بيها العمر كله
تاج: الحمدلله انك برضو كنت رحيم بالعيله شويه ف الحلم
ابتسم فاروق ابتسامه هاديه:المهم حمدالله ع سلامتك لبيتك وولادك وجوزك
تاج:الله يسلمك كلك ذوق
خرج الكل من الأوضه وفهد وقف مع تاج يساعدها علشان تخرج
تاج:وحشتني يافهد
فهد وهو بيلبسها حجابها:أنا مفرقتيكش لحظه ياتاج ديما كنت معاكي هنا مكنتش بروح غير بس علشان اطمن ع الأولاد والشركه كان سليم وفاروق هما اللي بيتبعوا كل حاجه فيها
حضنته تاج :أنا بحبك اوي يا فهد ..وكرم ربنا علينا وبقا عندنا اربع اولاد زي القمر وبقيت أنا أم ..متزعلش مني ع اي حاجه عملتها أو قولتها غصب عني .
باس فهد دماغه وهو حضنها ومبتسم:تعرفي وانا كمان بحبك اوي مقدرش ازعل منك ياأم عيسي
ضحكت تاج بصوت عالي:تعرف اللقب حلو بس برضو تيام الكبير ياابو تيام
فهد:تيام عيسي الاتنين ولادنا ياأم العيال
تاج:طب يلا القصر وحشنا ولمت العيله كمان
خدها فهد من ايديها وخرجوا وسط العيله ف جو مبهج ...
وصلوا القصر وتاج شايله اسيا وفهد شايل تيام وعيسي وفاروق شايل ايوب .
نزل فهد نصار من ع السلالم وهو بيجري ع تاج :طنط تاج هاتي أشيل اسيا علشان انتي لسه تعابنه
سليم بسخرية:ياحنين
فهد السيوفي:ابعد ابنك عن البت ياسليم بدل مااعلقك انت وهو ع باب القصر
فهد نصار:أنا مش عارف انت هتفضل مش عايزني اقرب من اسيا لي؟
سماح:ياحبيبي هو بس خايف علشان هي ممكن تقع منك
فهد نصار:لا هتقع أنا هحافظ عليها كويس
فهد السيوفي بنفاذ صبر:لم ابنك ياسليم
قرب سليم من سيا وهو وبيغمزلها:سليم مش فاضي للحاجات التافه دي
حسام :امال الباشا فاضي لا اي
سليم :أنا فاضي للحلويات اللي قدامي دي ...همس سليم لسيا ف ودانها ..فاضحكت بصوت عالي ..
جميله:الاتنين دول متربوش ..ماتبطلوا قله ادب بقا وتعملوا احترام لينا
سليم: أنا متربتش ها حاجه تاني؟
نصار: بس كلكوا بقا ..مفيش قدامنا وقت ع الفرح والتجهيزات اطلع يافهد مع مراتك ارتاح شويه وانا والباقي هنتابع كل حاجه
هز فهد دماغه بمواقفه وخد تاج وولاده وطلع ع فوق ..
سليم:وانا كمان هستاذن اخد مراتي علشان عايز اقولها حاجه سر
نصار:لاياظريف انت هتسيب مراتك مع جميله والبنات علشان يبدوا يحضروا نفسهم وانت بقا والشباب ومصطفي باشا هتتفضلوا معايا علشان نشوف هنعزم مين ونبلغ الصحافه .
فاروق:أنا هكلم الصحافه والاعلام واظبط الدنيا
حسام:تؤ انت لا انت عريس تقعد كده ترتاح وتظبط نفسك علشان ننزل نشوف بدله فخمه كده واحنا هنعمل كل حاجه
فاروق :أنا مش عايز اتعب حد فيكوا خلوني اساعدكوا
زين: ده مش تعب ولا حاجه دي فرحه واحنا بنشاركك فيها علشان احنا عيله واحده
سليم:خلاص يجماعه ساعدوا انتو وانا اطلع انام
فاروق :ده انت بالذات بقا اول واحد عايزك تقف جمبي وانا بجيب البدله
سليم:أنا عارف اني هتمرمط ف ام الليله دي .
ف جناح فهد وتاج
كانت واقفه قدام السرير وبتبص لتيام وعيسي وايوب وآسيا بتوتر :معقول أنا هتحمل مسئوليه كل دول ؟!!!
فهد:انتي مش كنتي عايزه كده اتحملي بقا ..ده انتي هتصوتي من عياطهم وزنهم وخصوصا ابن الكل*ايوب ده عيل زنان بشكل فظيع ياتاج
تاج:شكلنا داخلين ع ايام هباب
فهد:هو لي حاسس بنون ف الآخر وجمع ...أنا مليش دعوه مش انتي اللي كنتي عايزه تخلفي
تاج بضحك:ع قلبي زي العسل دول ف نور عيني
فهد:خلاص بقوا هما نور عينك وانا راحت عليا
قربت تاج بدلع ع فهد وهي بترجع شعرها الطويل لورا:ده انت نور عيني وسبب كل حاجه أنا فيها دلوقتي
فهد بابتسامة واسعه:يانهار ابيض ده انتي اتجراتي اوي ..
فهد كان من جواه فرحان أنه شايف تاج لاول مره من سنين تكون فرحانه والابتسامه الصفيه مرسومه ع شفايفها .
عدا اسبوع مابين تحضيرات فرح فاروق وجميله وخناقات فهد السيوفي وفهد نصار ع اسيا وشقاوه سليم ومعاكساته لسيا..وتعب تاج من عياط ولادها بس برغم التعب ده كانت سعيده أنها حقتت حلمها وبقت ام .
جه اليوم المنتظر والكل بيستعد للفرح ف قصر السيوفي الكبير كان فرح ملكي الاضواء والمزيكا الهاديه كل راجل الأعمال والمستثمرين كانوا موجودين..
ف جناح البنات .
جميله وهي واقفه قدام المرايا بتبص ع الميكاب اللي ف وشنا:شكلي عر-ه بالبتاع ده مش كده
سيا:عر-ه اي بس ده انتي عروسه قمر
ورد:يلا بس علشان تلبسي الفستان بتاعك
ماسه:والله يجميله شكلك زي القمر وعيونك مشاء الله مناسبه جدا مع الميكب
جميله بتردد:لا بقولكوا اي هاتوا حاجه امسح البتاع ده شكلي شبه البلياتشو
سيا :ياتاج تعالي شوفي أختك قبل مااتعصب عليها
طلعت تاج من الحمام بعد ماغسلت وش تيام من الشكولاته:ف اي ياجميله النهارده فرحك وعمله مشاكل برضو
جميله:أنا هحضر الفرح من غير ميكب يما اقولكوا الغوا الفرح والجوازه دي أنا مش عايزه اتجوز اصلا
شهقت ماسه :أخص عليكي يا جميله ده حتي استاذ فاروق محترم ميصحش ياتحط ف الموقف ده
ورد:هو خساره فيها دي عايزه واحد قليل الادب يطلع عينها
تاج:جميله قومي البسي الفستان بدل مااكلم ماما تطلعلك مفيش وقت وفهد بيرن ستعجلنا علشان كتابوا الكتاب وعايزينك تمضي
جميله بتأفف:أنا همضي بالرصاص علشان لو الجواز معجبنيش اغيره
سيا:هي بلوزه بتجربيها ده جواز !!!
بصتلهم جميله بغيظ وقامت وقفت وبدوا يساعدوها علشان تلبس الفستان الابيض ..ادخلت الميكب ارتست ولفتلها الحجاب الابيض بتاعها ..
وقفت جميله قدامهم وهما بيبصلها بنبهار من جمالها وجمال الفستان
جميله :شكلي نيله بالبتاع ده
تاج:جميله ياحبيبتي تعرفي تسكتي لحد ماالفرح يخلص ..
قطع كلامهم صوت خبط ع الباب فارحت سيا تفتح وهي بتظبط شعرها .
سيا:اي كل ده تخبيط براحه ياسليم
سليم وهو بيبص ع سيا بتفحص:يانهار ابيض ع الحلاوه هي مين العروسه .
جميله بصوت عالي من جوا:أنا العروسه يابجح احترم نفسك بدل ماجيلك
سليم بهمس:كلها كام ساعه وتسافر علشان شهر العسل وانا وانتي نعسل براحتنا بقا من غير ماتقفلنا كده
سيا:احترم نفسك دلوقتي وقولي طالع لي
سليم:خدي ادي الدفتر ده للعروسه وقوليلها امضي هنا علشان تودع العزوبيه
خدت سيا الدفتر من سليم ودخلت وهو منتظر بره
سيا:امضي هنا ياعروسه
جميله بتوتر: لازم يعني !! ماتشوفوا حد يمضي مكاني وانا اعمله توكيل
ورد:يابنتي هو احنا بنبعلك شقه ده جواز
تاج:امضي ياجميله أنتي مش هتلاقي حد كويس زي فاروق
جميله:طب ماتدوني عليه ضمان لمده سنه لو معجبنيش اغيره
ماسه وهي حاطه ايديها ع بطنها الكبيره بتعب:ياحبيبتي امضي بقا علشان الناس اللي تحت دي
تاج:امضي ياجميله بقا ربنا يهديكي
مسكت جميله القلم بتوتر ومضت اسمها جمب اسم فاروق ...زغرطت ورد وسيا خدت الدفتر ادته لسليم
سليم:نص ساعه والعريس هيطلع علشان ياخد جميله
سيا:تمام هي خلاص جهزت .
تحت ف القصر .
كان قاعد فهد وهو شايل عيسي جمب فاروق فابصله بندم .
فاروق :مش عارف اقولك اي انت وقفت معايا بعد كل اللي عملته واللي حصل
فهد:برغم كل اللي حصل بس احنا دم واحد وانت ابن عمي يعني اخويا والحمدلله انك تراجعت عن اللي ف دماغك مش غلط أن البني ادم يعرف غلطه المهم يصلحه ..
فاروق:شكرا ياابن عمي ع كل حاجه
فهد :ملوش لزوم الشكر ولا الكلام ده النهارده فرحك افرح بعروستك وانسي اللي فات ..لو فكرنا ف الماضي هنتعب يافاروق
حضنه فاروق وطلع مع زين علشان يجيب جميله .
سيا:بصي هما طالعين ع الباب واخوكي زين هياخدك ويسلمك لجوزك لازم تكوني هاديه و..
قطعتها جميله بملل:هو اي اللي هاديه ومش هاديه وزين يسلمني لي اوعي كده أنا هفتح الباب
طلعت جميله وهي شايله فستانها الكبيره ..وتاج وباقي البنات واقفين مصدومين من تصرفاتهم
فتحت جميله الباب فابصلها زين بحنان:يلا علشان اسلمك لعريسك
زقته جميله من قدامها وعدت وهي بتبرطم بالكلام:قال يسلمني عيله أنا ..هو فين عريس الغفلة ده كمان.
لمحت جميله فاروق واقف ع السلم بتوتر فابتسمت وقربت منه :مالك متوتر لي هو انا هاكلك
لف فاروق ورا بذهول وهو بيبص بفرحه ع شكلها الهادي ف الميكب والفستان..بتلقائيه قرب عليها وحضنها وعيونه بدمع ..للحظه جميله اتصدمت من حركته المفاجآه وحضنته وهي بتطبطب عليه بحنيه
فاروق:كنت هندم لو ضيعتك من ايدي لحظه بحبك يا جميله
جميله ضربات قلبها ذادت واتكلمت بتوتر:وانا بحبك يافاروق
ضمها فاروق لحضنه وهو عيونه بدمع .. طلعت جميله من حضنه وهي بتضربه ف كتفه
جميله:بقولك اي انت جبت تورته تحت مش كده
فاروق:تورته هو ده وقته ياجميله
جميله :اها وقته أنت متجوزني علشان تجوعني
جه زين وباقي البنات وهما بيبصوا لجميله بستغراب .
سيا:جميله هي جميله مش بتتغير
خد فاروق جميله ونزلوا تحت والكل بيبارك وبيتصورا معاهم والإعلام بيصور .
سليم وهو ماسك ايد سيا:تعرفي اني بحبك لدرجه الجنون
سيا:انت كل حاجه ليا ياسليم .
حسام وهو شايل فجر وبيبص ف عيون ورد:من يوم ماحبيتك واتجوزتك وانا الايام بنسبالي كلها عيد
ورد:وانت عوضتني عن كل الوحش اللي شوفته انت العوض ليا يا حسام
زين كان واقف جمب ماسه وماسك ايديها وبيبص ع جميله بسعاده:سعادتي مش بتكتمل غير بوجودك ياماسه
حطت ماسه ايديها ع بطنها بابتسامة:انت وغزل عيلتي الصغيره يازين
قرب فهد من تاج ومسك ايديها:اجمل لحظه ف حياتي لما بتكوني جمبي وقتها بس بحس أن الوقت بيقف ومش بشوف حد حواليا غيرك
تاج:انت السند ف كل وقت ادتني الحب والحنان يافهد .
اتجمعت العيله كلها حوالين فاروق وجميله وكل واحد واقف جمب مراته وشايل ولاده جه الفوتوغراف خد ليهم صوره جماعيه ..
صوره مليان حب وسند لعيله كبيره ..وضحكه طالعه من القلب عيله شافت ومرت بأزمات وعمرهم ماتفرقوا مع عز مشاكلهم بيكون سند ودعم لبعض،وهي العيله اي غير سند 🌸❤️
تمت بحمد الله
