رواية كوميديا سوداء الفصل الثامن و الثلاثون والاخير بقلم ليل ادم
وفجأة حصل تشنجات مرعبه في جسم مس غاده والقلب بدأ في التوقف العام
الدكتور راشد: دكتور علي بسرعه جرعه دوبا ستيكس
الدكتور خالد: مس سلوي حملي جهاز الانعاش
الدكتور راشد: راقب القلب يا علي
الدكتور علي: مفيش تحسن الدوبا ستيكس مجبش نتيجه يا دكتور راشد
الدكتور خالد: يا جماعه تعاملوا مع الأمر على أنه تشنجات من فضلكم
الدكتور علي: صح علشان كده خلينا نديها جرعه سيتوسفيد يا دكتور راشد
الدكتور راشد: معنديش مانع طالما في مصلحة المريضه
الدكتور خالد: خالد خلي الصاعق في ايدك خليك مستعد
الدكتور علي: تمام
احمد : مش هتتحسن خدوها على العمليات
الدكتور راشد: بس يا احمد اسكت عمليه اي اللي ندخلها واحنا مش فاهمين حاجه
احمد: قصور قلب حاد أنا متأكد من كلامي
الدكتور خالد: مفيش تحسن خالص
الدكتور علي: وبعدين
الدكتور خالد: دكتور راشد خلينا ناخد غاده على العمليات
الدكتور راشد: مفيش وقت يا خالد
احمد : لو لحقتها الوقتي هيكون فى وقت اكتر من كده هتموت في أيديكم
الدكتور علي: (بص ل احمد ) انت قادر تدخل معانا العمليه الوقتي حالا
احمد : قادر
الدكتور راشد: لا طبعا يدخل يعمل اي في حالته دي ما احنا كلنا موجودين
الدكتور علي: احمد مش هيعمل حاجه أحمد هيكون وقف معانا لانه حافظ الوضع التشريحي للقلب شريان شريان علشان كده محتاجه وسطنا
احمد : (بدأ يقوم وكان غير متزن) الوقت اللي بيضيع على حساب عمرها ممكن نتحرك
الدكتور راشد: تمام ماشي مس سلوي جهزي غرفه العمليات حالا
وفعلاً دخل الجميع غرفه العمليات وبدأ الدكتور علي في نشر الصدر عن طريق منشار الصدر وكان الدكتور خالد والدكتور راشد في محاولة سريعه للسيطره على وضع القلب مستقر و أول ما وصلت الفحوصات مع معتز تأكد الجميع أن غاده تعاني من قصور قلب حاد و تم السيطرة على الموقف وخروج غاده من غرفه العمليات بعمليه ناجحه
في جانب آخر كان أحمد رجع غرفه العزل وكانت جميله أسترد الوعي الكامل
احمد : حمدالله على السلامه يا جميله
جميله: حمدالله على سلامتك انت يا احمد أنا حاسه اني كنت في حلم مش عارفه اطلع منه كنت سامعه صوتك طول الوقت جمبي كنت مطمنه انك هنا
احمد : الحمد لله انك بخير
جميله: مس غاده عملت اي
احمد : دخلت غرفه الافاقه وأن شاء الله هتكون بخير والحمد لله خفت من الفيرس خالص
جميله. : يعني الحمد لله كلنا بقينا تمام
احمد : الحمد لله
جميله: انت ماسك ايدي كده ليه انت مالك كده منحنح مش عاجبني
احمد : الله ما خلاص بقا عملنا معاهده صلح انتي مش اعترفتي انك بتحبيني
جميله: ينهار اسود أنا قولت كده
احمد : اه والله
جميله: (بدأ وشها يحمر والكسوف يظهر عليها )
احمد : تتجوزيني يا جميله
جميله: انت بتقول اي
باب الغرفه اتفتح
الدكتور علي: بيقولك تتجوزيني يا جميله ما تقولي اه ما انتي بتحبيه
الدكتور خالد: وفرحكم عليا كله
الدكتور راشد: هو أنا موت ولا اي يا عم خالد
الدكتور علي: خلاص شهر العسل عليك
استاذه ريهام: وأنا رغم اني مش بحب الاجازه والكل عارف بس ليكم عندي شهر اجازه اي خدمه
الدكتور راشد: قومي بس انتي يا عروسه علشان نقعد مع بابا ونتكلم معاه
جميله: ما أصل أنا
الدكتور علي: أنا والد جميله يا دكتور راشد
الدكتور خالد: جميله عملت حادثة من اربع سنين مع أهلها وللأسف مفيش حد طلع من أهلها حي ومن وقتها واحنا أهل جميله
احمد : (بص ل جميله) انت عمرك ما قولتي حاجه عن الموضوع ده
الدكتور راشد: مش مهم يا حبيبتي انتي عندك الدكتور علي و الدكتور خالد و الدكتور راشد أختاري منهم الأب اللي على مزاج مزاجك وخلي بالك ام احمد هتحبك جدآ جدآ جدآ
استاذه ريهام: دي اختي الصغيره هو أنا كنت هسيبها كده دا انا اللي هسلمها ل احمد بأيدي
احمد : بتعيطي ليه يا بومه
جميله: مفيش
الدكتور علي:(حضن جميله ) بس بقا هو ده يوم تعيطي في
احمد : خف ايدك انت كمان متحضنش اوي كده
الدكتور علي:(بص ل احمد و باس جميله من رأسها )
احمد : ياعم عيب كده
وسط ضحك الجميع
الدكتور علي: ياض دي بنتي بجد زاي ما أنت ابني بجد
الدكتور راشد: ربنا يخليكم لبعض يا ولاد
وبعد مرور شهرين ونص كان ليله زفافي على جميله
والوقتي فات من زواجنا سنتين عيشت فيهم اجمل ايام حياتي مع جميله
النصيب ممكن يكون قصاد عينك بس انت عمال تروح وتيجي تلف شمال ويمين بس نصيبك قصاد عينك امتا تشوفه دي حاجه في علم الغيب بس الأكيد انك هتشوفه وتتعرف عليه كل شيء بقا مثالي في المستشفى الدكتور خالد أتغير مليون درجه بقا دكتور بجد وعنده قلب مس غاده بطلت تشتغل اي دكتور امتياز وتاخد منه السندوتشات وتضحك عليه و ساره اخت ريهام جالها فرصه عمل بره وفعلاً سافرت تشتغل بره وكمان مريم قدرت تقدم الملف بتاعها في مستشفى كويسه وبقيت دكتوره كبيرة أما جميله ف خلاص بقيت دكتوره مخ و اعصاب وبقا معاها كارنيه وانا بقيت دكتور جراحه قلب والدكتور علي بقا مكان الدكتور خالد نائب مدير المستشفى بعد ما الدكتور خالد طلب منه ياخد مكانه لانه يستحق المكان ده اكبر منه وبعد كل اللي عملته دي بس خلاص مبقتش قادر ارجع القاهره رغم اني عندي عروض كتير جدا وجميله معاها عروض هيا كمان بس أنا و جميله و ريهام والدكتور علي والدكتور خالد اتفقنا مهما كانت المغريات محدش فينا يسيب ايد التاني مهما حصل
تمت
