رواية قصة زهراء الفصل الثالث بقلم زينب نور
لسان حال زهراء...
.
.
مااقبل احبك وانته مامرتاح...
ومامرتاح احبك وانته ماتقبل...
بكيفك من اجيت وماجبرتك يوم؟
وبكيفك مااجبرك لو ردت ترحل...
مامليت منك واگدر ابقى وياك...
بس المشكله خاف انه راح انمل؟
حبيتك حبيبي وادري كلش زين؟
الحب من طرف واحد وانه راح افشل!!😢
زهراء:دفعته ودرت ماشوف بس
ياسر واكف
سيف راد يطلع احس ياسر صار
طلقه لزمه من ياخت قميصه ودفعه
للحايط انه جمدت بمكاني
ماادري شسوي
سيف:ياسر شبيك هدني
ياسر:شوف قسما بالله اذا شفتك
تحجي ويه زهراء مره الثانيه
موتك على ايدي
هسه اكدر اطلع وسويها جبيره
وكلهم كاضبها
بس عرضي يالخسيس لك عرضك هاي
وجهك ماريد اشوفه
زهراء:سيف وجها صار احمر خنكه
دفعه طاح بالكاع. وكام بسرعه
بس شرايين ياسر مبينه بركبته
درت اطلع واذا اذبحوني ماتلكون قطرة دم بيه
ياسر: اااووووگفي
زهراء:جمدت بمكاني
مادرت عليه اجه عليه
ياسر:لزمتها من ايدها حيل
زهراء:احس ايدي راح تنكسر
ودارني اله حيل وهوه ضاغط على
اسنانه
ياسر:شنو بينج وبين هاذا هااا
احجي
زهراء:شكله وهوه عصبي
يخوف الكلمه بالكوه تطلع مني
كمت امتمت وابلع ريگي
هااا
ياسر:هزيتها احجيييي
زهراء: ووواالله مابيني وبينه شي
والله
ياسر:شعندج وياه بالمطبخ وحدكم
هاي شتفسرينها كولي
عايفه الناس جوه واكفتلي وياه
طول بطول احجي
زهراء:يحجي ويهز بيه حيل اخر شي دفعته وفلتت ايدي منه
كتله..... كتلك مابينه شي
ياسر: لج صوتج لتعلينه عليه
لا قسما بالله اكسر راسج فاهمه
زهراء: الزلمه مايمد ايده على مره
انه كلت هج وهذه كضبني من شالي احس شعري ادكطه بيده
ياسر:زلمه واكسر راسج وراس اليطلع وراج كلبه الظاهر انتي مامتربيه بسيطه اربيج على ايدي
زهراء:دفعني حيل صار ظهري على ايد الباب احس دخلت بظهري وهوه طلع
دموعي كامت تصب وحدها ليش
حبيته ليش
كعدت بالكاع وابجي والوم بروحي
لئن حبيته
طلع مايستاهل ذره من حبي اله
سمعت صوت كمت غسلت وجهي وطلعت من المطبخ للصاله خلصو
والبنات شالن الماعين
صاحت امي صبيت جاي للنسوان
خذته انطيتهن
وگعدت بصف امي اريد اكلها حتى نرجع للبيت
همستلها
ياله يمه ساعه ٩ خل نرجع
امي:بعد وكت ماشوفين العالم كاعده فشله
زهراء:ماعليج بالعالم قابل غربه
گومي ياله
لا والله ارجع وحدي للبيت
امي:گوه لا بارك الله بيج
زهراء:دارت للنسوان ابتسمت
وكالت نترخص احنه
كمت لبست العبايه وفاطمه صحتها
وسميه واسماء هم
وطلعنه من باب الكراج
لئن زلم مناك
امي:كمتي تلحين ماصبرتي شبيج
زهراء:يمه تره طاح حظي من مساع ليهسه وهنه گاضياتها يدگن سوالف
سكتت امي دخلنه للبيت
رحت للغرفه ذبيت العبايه ونزعت الثوب الابسته
وشوف طگت الباب بظهري مجروحه طالع منها دم الله ياخذك ياسر
والله ماتستاهل انه غبيه جنت اشوفك ملاك بعيني
بس گلبي طايح حظه شلون بيه
لبست وتمددت بالفراش ماطلعت
شويه وغفيت تعبانه
ياسر:طشت العالم ودخلنه للبيت
گعدنه بالصاله
كال جدي
الجد:بويه ياسر اخذلك اجازه للعرس خل انخلصها بسرعه مانطولها وهنه بنات عمك
ياسر:مااگدار شغل هواي يومين وارجع لبغداد
الشيخه:يمه ارد افرح بيك وبخيك
گبل لا اموت تره العمر يمشي
ياسر:لا انشاءالله عمرج طويل
هاهيه سوو التردونه ماضلت على هاي
وگمت
الجد:شتقصد يويسر اذبلك حجايه وتنهض
ياسر:مو يمك جدي مااقصد شي
صعدت للغرفه واجت ابالي وگفتها هي وسيف
انه من الله ماارتاحله هل سافل
واگفه وياه طول بطول
حتى لو ماحبها بس تنحسب عليه مره
بدلت ونزلت طلعت ويه صحباني من الديره
مارجعت للساعه١ باليل دخلت البيت صنطه كلها نايمه رحت للغرفه نمت
زهراء:مارحت بعد لبيت عمي من هد من شفته بالمطبخ مر ١٠ايام
ماشفته بس اسمع من البنات هوه بغداد
وسعد يمرلنه كل يومين
وانه ماحسيت روحي مخطوبه نفس اي بنيه ماحسيت هذا الشعور
جنت اتمنه من انخطب
يجي يشوفني مثل سعد وفاطمه
الله يسعدهم .
بالليل ابوي راح لبيت جدي هوه وخواني من رجعو كايل لمي محددين موعد العرس
الظاهر راجع من بغداد
صار الصبح راحت امي وعمتي ام ياسر وخالتي يجهزن
رجعن محملات السوك كله
وكعدن طلعن الغراض ملابس طالعه ملابس نوم عبالهن. راح البسهن
احذيه جنط مكياج وهوسه
كلها فرحانه والجهال تتراگص راح يصير عدنه عرس ويهوسون
فرحانين
ثاني يوم ودن الغراض
اجه يوم الحنه رحنه انه وفاطمه وخالتي وطيبه للصالون
وبدن تنظيف وتقشير ووووو
خلصت انه كبل فاطمه لبست البدله
لون احمر غامض
وفاطمه لونها وردي زهري هج لون
كملنه طلعنه لعبات خالتي كامت تقره المعوذات ونضحك عليها
اجانه حسين اخوي رجعنه للبيت
ومالك محط رجل بيه شنو شگد نسوان وجهال وووو لغوه وعلي
گعدنه بالاستقبال واجن يسلمن وبيبي اطش چكليت علينه اجت وحده بگصتي
هههه
وعمتي تهوس
على عناد خالاته لعبن لعب عماته
هههه وردتها خالاتي
خالاته هواي والشارع يسدنه
وكلها تهوس بصفحه
هاي الرادها وهاي التمناها بنت الشيخ لبن الشيخ جبناها
اييي جذب لا رادها ولا تمناها
اجت عمتي ام ياسر گاعد راح يدخلون يحنونهن
ياسر:بالمضيف وگال ابوي گوم ادخلو لنسوانكم
سعد طفر اول واحد
صالح:ياله ياسر
ياسر:لا بويه انه ماادخل
عاد ابوي لح راد اخر شي كال گوم سعد انته راح سعد وانه ماگمت
زهراء:جنت منتظره صدك يدخل ويحنيني بيده بس لا ماصار التمنيته خلت امي عبايه على راسي ودخل سعد احس هاني بحركتها هاي من مادخل
بس واحد يسويلي بززز ابجي
گعد سعد بصف فاطمه
سعد:بهمس شهل جمال هذا كله اليه هنيالك ياسعد
فاطمه:احس صخنت من كلامه
مارديت عليه
ضل كالساع يهمس كلامه يوترني
زهراء:اجت عمتي ام ياسر كالت
ام ياسر:يمه زهورة لا ازعلين تعرفينه ياسر مايحب هوست النسوان
زهراء:بتسمت جذب بوجها بس احس نار مشتعليه بيه
خلص سعد وطلع وهوه يهوس
رجعن شغلن الاغاني ويرگصن گومن فاطمه اجت عليه طيبه مارضيت اگوم
للمغرب رحنه للغرفه صبو للنسوان عشه اجن يمنه البنات وسوالف وضحك اخر شي بدلنه وجابت عمتي العشه انه كلتلها ماريد
حلفتني اله اكل گعدت اكل بالگوه
ماطلعت من الغرفه راسي يريد ينفجر لليل كلها النسوان ضلت عدنه
ماراحت انه وفاطمه وطيبه وبنات خالتي وووو كلنه بغرفه وحده بيتنه شكبره صار ضكه من گد النسوان اذا هنه ماشاءالله عشيره وكل وحده وياها درزن جهال غير جهال خواني انه ذبيت روحي غفيت
بس من غبشه گعدنه گمت
ريوگ وهوسه للساعه ١١ رحنه للصالون
مارضيت ادگص شعري بس اخذت من الطراف على مود التسريحه
كملنه طلعنه بعد احله من الحنه
اجو سعد اخذ فاطمه عمي حاتم يسوق وجدي بالصدر وسعد وفاطمه وره
اجه العريس مالي خيعوني عبالك مودينه للنجف
صعدنه احمد اخوه يسوق وعمي صالح بالصدر
انه كلشي مااشوف بس اسمعه كلساع وتنهد على شنو ماادري ورجله ماوگفت يهز بيها
ياسر:وصلنه للمصور اخذنه صور على اعصابي كملنه فترينه شويه وطلعنه للبيت
زهراء:من دخلنه نصور والبنيه ادكله سوي هيج وسوي هيج
وهوه گوه ولزمته الي بنتر لمسته احسها تكهربني خلصنه ورجعنه
و صلنه تونه نزلنه گبال بيت جدي وکامو يرمون عصرت ايده حيل كلها ترمي والصوت يخوف
ياسر:عصرت ايدي حيل خافت من الرمي انه لزمت ايده ميخالف مااريد اضلمها هم هيه شذنبها
زهراء:فاجئني من لزم ايده هوه بس انه جنت لزمه ايده دخلني وطلع وهلاهل راحت اذني وهوسات
والاغاني عالگه احس الوكت كام يركض ركض اذن وتعشو احن دخلنه بغرفه بيبي
للساعه٩:٣٠
كالو راح يزفون احس گلبي بالثانيه يدگ الف دگه مشاعر متلخبطه مااكدر اوصفها خوف فرح حزن مااعرف شنو
ياسر:الساعه٨ كال جدي ياله انزف حتى الناس اطش كلتلهم بعد وكت للساعه٩:٣٠ لح جدي ياله ماياله
زهراء:صعدنه للغرف انه دخلت وياي خالتي وامي وعمتي
الغرفه حلوه اخشابها بيها ثلاجه وبلازمه وعلى صفحه گعده
گعدتني امي على الجربايه وبدت تحجي وياي سوالف متت بدمي منها
وطلعت روب گالت البسيه
شويه وطلعن
اسمع صوتهم
هوسات ولد عمامي ودبج دخل هوه وجدي وعمامي ثنينهم وابوي انه راسي بالكاع سلمو ووصوه
محمد:ياسر مااوصيك هاي العزيزه تراها
ياسر:بعيوني عمي
زهراء:طلعو وسد الباب وراهم
وانه دگات گلبي تنسمع
اجه گعد على الجربايه بيناتنه كم شبر وگال.....
شكرا لزيارتكم عالم روايات سكيرهوم
