رواية أسرار الهاربة الفصل الثالث بقلم موفا
تانى يوم صحيت نجاة من بدرى وقعدت تحضر حاجات كتيرة هتاخدها معاها لزيارة بنتها
سما واقفة قلقانة متوترة
نجاة متقلقيش عمك هيوصلنى ويجى قبل الليل
سما توصلى بالسلامة وربنا يطمنك على عبير
نجاة يارب أنا مش هوصيكى خلى بالك من البيت وبهمس وخلى بالك من بدر هو زى ما أنتى شايفة مافيش منه خوف
سما حاضر
نجاة يحضرك الخير يا أميرة
هلال هاااا خلصتى ولا لسة العربية وصلت
نجاة أيوة أنا جايا اهو
وبصت لسما زى ما وصيتك بقى
سما حاضر
خرج هلال ونجاة ووقفت سما تبص عليهم لحد ما العربية مشيت
قعدت سما تبص للبيت واتنهدت بصوت مسموع
فجأة شافت بدر قدامها سما الفزعة قامت وقفت مرة واحدة
بدر في إيه
سما بتوتر في إيه
بدر مالك قاعدة كدا ليه
سما مافيش قاعدة أنت عايز حاجة منى اعملهالك
بدر بصلها وركز فى وشها
سما بتوتر بتبصلى كدا ليه
بدر مافيش وبعد عنها كام خطوة ورجعلها تاتى بسرعة
سما في إيه
بدر ممكن تعمليلى شاى
سما حاضر من عينى ودخلت بسرعة المطبخ
سما خرجت من المطبخ تدور على بدر
سما استاذ بدر الشاى
بدر بصوت عالى تعالى أنا هنا
سما مشيت ورا صوت بدر وكان فى اوضته
سما دخلت بتوتر الشاى
بدر شكرا
ممكن تخرجيه على الطرابيزة برا وشاور على طرابيزة قصاد شباك الأوضة من برا
سما حاضر وخرجت الشاى
بدر حاول يخرج لكن الكرسى غرز فى الطين
بدر لسة ييحاول لكن الكرسى مش عايز يتحرك
سما بسرعة زقت الكرسى وخرجت بدر قدام الطرابيزة
بدر كتر خيرك مش عارف الكرسى زنجر ليه كدا
سما معلش أصل الأرض مبلولة
بدر ااه عشان كدا
سما اتفضل الشاى
بدر تسلم ايدك
سما بالهنا والشفا مش محتاج متى حاجة تانى
بدر كتر خيرك
سما كانت هتمشى
بدر ما تقعدى معايا شوية
سما اقعد معاك
بدر ااه اقعدى معايا ولا مش عايزة تقعدى معايا
سما بسرعة قعدت
بدر مسك الشاى وشرب شوية
الله الشاى طعمه حلو أوى
سما ابتسمت بالهنا والشفا
بدر مبسوطة في بيتنا
سما الحمد لله مبسوطة أوى
بدر أنا عرفت من بابا أنك كنتى عايشة مع جوز امك
سما بتوتر ااه
بدر مشيتى ليه من عنده
سما بخوف مشيت عشان ماينفعش
بدر هو إيه إللى ماينفعش
سما بتوتر وصوت مخنوق ماينفعش اقعد معاه عشان هو بقى غريب
بدر ااه قصدك عشان لوحدكم يعنى
سما ااه
وبسرعة عن اذنك ومشيت بسرعة
وخرجت من قدامه
بدر بيكلم نفسه يا ترى مخبية إيه
وأنا مالى مخبية ولا مش مخبية انا فيا إللى مكفينى واصلا مش هقعد معاها تانى ولا أكلمها
وقعد يشرب الشاى
سما قعدت في المطبخ خايفة وبعدين يا سما هتعملى إيه لو سألك أكتر من كدا دا كأنه بيحقق معايا لا أنا مش لازم اقعد معاه تانى أيوة أنا مش هقعد معاه ولا أكلمه تانى
وفجأة سمعت بدر بينده عليها
سما قامت بسرعة أيوة حاضر وخرجت تجرى على أوضة بدر
سما نعم عايز منى حاجة
بدر أبتسم أنتى روحتى فين وسبتينى لوحدى
سما أنت عايز حاجة
بدر ابتسم أيوة عايزك تقعدى معايا بدل ما كل واحد قاعد لوحده
سما واقفة متوترة
بدر اقعدى يا سما
سما قعدت بتوتر وخوف
فضلوا قاعدين ساكتين شوية
بدر احممم مقولتيش انتى معاكى إيه
سما باستغراب معايا إيه فى إيه
بدر أبتسم قصدى معاكى شهادة إيه...
سما اتنهدت بصوت عالى
بدر مالك في إيه .
سما مافيش حاجة
بدر طيب مقولتيش معاكى شهادة إيه ليه
سما ااه معايا اعدادية حاجة وحشة صح
بدر أنتى ليه مكملتيش تعليمك
سما اتنهدت بصوت مسموع.
بدر مالك في إيه
سما بحزن أنا فتحت عينى لقيت نفسى يتيمة ابويا مات وأنا صغيرة وكملت بسخرية وأمى كمان كانت صغيرة
بدر وبعدين
سما بحزن وأنا فى تالتة ابتدائى فجأة كدا لقيت امى بتتجوز
بدر اتجوزت الراجل اللى مشيتى من عنده
سما بتوتر أيوة
بدر وبعدين
سما وبعدين أمى اتجوزت عمى راضى
بدر كان بيعاملك ازاى
سما بصتله باستغراب أنت ليه سالتنى السؤال دا
بدر عادى لو اديقتى بلاش تجاوبى
سما لا هجاوب عمى راضى كان بيعاملنى كأنى بنته بالظبط كنت بحس أنه ابويا بجد لدرجة انى كنت عايزة اقوله بابا بس أمى مرضتش عشان هو مكنش بيخلف
بدر وبعدين
سما فضلت اتعلم لحد ما دخلت تالتة اعدادى ووقتها عمى راضى قال لامى كفاية تعليم لحد كدا
بدر باستغراب اشمعنا
سما بسخرية مااعرفش بس اللى أمى قالته أن كفاية مصاريف عليه لحد كدا وبعدين أنا هحتاج الشغل فى إيه ما أنا قاعدة أهو مافيش حاجة نقصانى
سما اتنهدت بصوت مسموع
ودموعها نزلت
بدر بيبصلها وساكت
سما بتعيط من غير ما تحس عارف الدنيا اسودت عليا يوم أمى ماتت وكنت ممكن اموت وراها لولا وجود عمى راضى معايا فضلت قاعدة معاه وبيعاملنى أحسن معالمة لحد ما
وسكتت وبقت تعيط بهستريا
بدر بحزن كفاية عليكى لحد كدا
سما بصتله
بدر إيه رائيك تقومى تعملنا حاجة ناكل
سما بصتله وهى بتمسح وشها
بدر ابتسم إيه هتجوعينى ولا إيه
سما حاضر من عنيا
بدر ابتسم تسلم عينك يا سما بس إيه رائيك ناكل هنا ولا برا
سما زى ما أنت عايز
بدر طيب ناكل هنا أحسن بس اعملى حسابك هناكل سوا
سما حاضر خليك قاعد وأنا هجيب الأكل على طول
بدر ابتسم بحزن ما انا قاعد هروح فين يعنى
سما بصتله بحزن وخرجت على المطبخ حزينة على حالة بدر
بعد لحظات رجعت سما ومعاها الأكل
بدر أول ما شاف الأكل ابتسم تسلم ايدك
سما بالهنا والشفا وكانت خارجة
بدر رايحة فين
سما بتوتر اانا
بدر بصلها أنتى إيه مش أنا قولتلك هناكل سوا
سما بس
بدر ابتسم مابسش اقعدى
سما قعدت وبقت تبص لبعيد
بدر مالك مش عايزة تاكلى ولا ايه
سما هاا لا هاكل وقعدت تاكل وهى متجنبة نظرات بدر
بدر ابتسم تسلم ايدك الاكل طعمه حلو أوى
سما بجد عجبك طبيخى
بدر بيبصلها بتركيز عجبنى أوى
سما بكسوف بالهنا والشفا
بدر الله يهنيكى
وقعدوا ياكلوا
سما بصتله ورجعت بصت فى الأكل
بدر مالك عايزة تقولى حاجة
سما احممم يعنى
بدر عايزة تقولى إيه
سما الصراحة أول يوم شوفتك فيه كنت يعنى
بدر كنت إيه
سما مش قصدى بس كنت مش بتحب تتكلم مع حد ودايما مكشر بس انا شايفاك الوقت
بدر ابتسم شيفانى ازاى
سما مش قصدى والله بس كان باين عليك دمك تقيل
بدر بصلها بصدمة إيه دمى تقيل
سما مش قصدى والله بس
بدر ابتسم ولا يهمك على فكرة أنا فعلا دمى تقيل ودايما مكشر ومش بتكلم مع حد بس أنتى قصدى أنا
سما بصتله.
بدر قصدى أنا حاسس وأنا معاكى قصدى وأنا بتكلم معاكى قصدى يعنى يووو
سيبك منى وابتسم
سما ابتسمت
فضلوا ساكتين وبيبصوا لبعض
بدر ابتسم لها ساكتة ليه
سما هقول إيه
بدر قولى أى حاجة
سما هو أنت بتشتغل إيه
بدر إيه
سما إيه اديقت منى
بدر اتنهد بصوت عالى
سما انت زعلت
سما انا مش قصدى حقك عليا
بدر بيتنفس بسرعة
سما بخوف انا مكنتش لازم اتكلم فى حاجة متخصنيش وكانت هتخرج
بدر مسك ايديها لا استنى
سما وقفت مكانها
بدر اقعدى معايا مش عايز اقعد لوحدى
سما قعدت وبدر لسة ماسك ايديها
بدر أنا حاسيس أنى عايز اتكلم معاكى
سما بتبصله
بدر مالك
سما بتوتر مش عارفه
بدر أنا عمرى ما خدت على حد بسرعة كدا
سما لسة ساكتة
بدر يمكن عشان غريبة متعرفش عنى حاجه ويمكن عشان واتنهد بصوت عالى
لحظة سكوت
فجاه حد رن جرس الباب
سما بفزعة قامت وقفت
بدر باستغراب مين بيرن
سما بتوتر مش عارفه
بدر طيب روحى شوفى مين
سما طيب وخرجت تشوف مين
سما فتحت الباب وشافت شاب واقف قصادها
الشاب باستغراب انتى مين ؟
سما وأنت مالك انت اللى رنيت الجرس عايز مين ؟
الشاب عايز بدر هو جوا صح
سما بدر
الشاب ايوة وكان هيدخل
سما استنى أما اقوله وكانت داخلة بس رجعت تانى اقوله مين عايزه
الشاب اتنهد قوليله صاحبك مخلص
سما طيب ودخلت
سما دخلت لبدر
بدر مين يا سما بيرن الجرس
سما دا واحد صاحبك
بدر باستغراب واحد صاحبى ويطلع مين دا
سما ماعرفش بس قالى اسمه مخلص
بدر فجأة اتعصب وصوته بقى عالى بتقولى مين
سما بتوتر مخلص
بدر عصبى بهستريا وبقى يتحرك بهستريا بالكرسى
سما بخوف مالك في إيه
بدر مشيه مشيه مش عايز اشوفه
سما بخوف امشى صاحبك اللى واقف برا
بدر دا مش صاحبى دا اكتر واحد
بكرهه ....
يا ترى ايه حكايتك أنت كمان يا سى مخلص ؟؟؟
