رواية عشك أل فراس الفصل الواحد والأربعون بقلم زينب نور
أمير : من بعد وفاة علي انغلقت الدنيا بـ عيني وانتهت حياتي بـ كل معنى الكلمة
رحت لـ طريق خاطئ اللي هوَّ أدمان المخدرات
اي نعم ادمنت المخدرات صرت مدمن مخدرات ما اكدر بدون المخدرات اخوي جان يحاربهم لكن من مات اخذتهم حتى انسى اتناسى حتى اترك الواقع اروح بعيد عن كلشي
لكن دمرت نفسي ودمرت مستقبلي ودمرت حياتي بالكامل
بـ وقتها كنت خاطب ريماس وكفت وياي وكفت زلم وكانت سند الي بـ كلشي تتحمل عصبيتي وتقلب المزاج وكُلشي تحملت مني
ومن عرفت مدمن ما تركتني بالعكس صارت وياي وتحاول تخليني اتركهم
لكن ابوها عرف بالموضوع وسحب ريماس مني سحب التيلفون منها وضربها وكان مصمم انُ نطلك
تركت المخدرات ورحت اتعالج ورحت توسلت بيَّ توسل حتى ما نطلك لكن ما وافق ورفض رفضًا قاطع طردني وكلي ما نتشرف بيك اطلع برا بيتنا ومالك مراة يمنا
اكثر من مره ارجعلة ومايفيد ماضل لا شيخ ولا سيد ولا خير ما راحولة لكن مافاد شيء أبدًا
بيوم اربعين عليَ رجعت من النجف دكت عليه ريماس كالت باجر تجي للمحكمة اطلكني يعني اطلكني شئت آم أبيت
انهنت كلش هواي رحت وطلكت تلاث جلسات انتهى كلشي بيني وبين ريماس من افترقنا رجعت للدمان رجعت اشرب اخواني تعبوا وياي حيل
لكن ماكان يفيد شيء وياي أبدًا
الادمان دمرني دمار تركت كلشي وسكنت الغرفة اذا ياخذون مني الحبوب اتخبل راسي احسة يريد ينفجر
غلطت وغلطة جبيرة كلفتني الحاضر والمستقبل ريماس تزوجت بعد ما اطلكنا من صديقي وسام اللي كان ابوي يحذرني منه
ضربتين على راس توجع
خطيبتي واخذت صديقي
ووفاة اخوي
قبل لا يتوفى علي أنا كنت ادرس كلية قانون بس محد عندة علم غير الشيخ وياسر وعلي جنت اريد اكمل يلا احجي كنت راسم خيال واسع بـ راسي لكن ما اكتمل وسام كان يدرس وياي
صرت كل يوم اشوفهم بالجامعة هوَ وريماس يمشون ويضحكون ويسولفون وقصة حب عظيمة وأنا جنت اوكف مره ابتسم ومره اضحك ومره اضرب الدوام واطلع من ضيم كلبي
هذا أنا امير عشت قصتين حب فاشلات
وثنينهن انخذلت من الطرف المقابل
صرت مدمن مخدرات بسبب شيء اسمة حب
تعبت اهلي فوك تعبهم بسبب غلطة وصديق سوء
وسام كان سبب وصولي الى المخدرات
وسام غلطة وغلطة جبيرة
حياتي صارت اشبهه بالجحيم حياة مملة حزينه كئيبة
موت علي كسرني حيل
نرجع ونكول الحمدلله على كُل حال
(علي الحلفتلي بيك ادكلي مابيك)
قصة ثانية انتهت بالخذلان
لذلك لا تنطون الناس اكبر من حجمها ولا تثقون بالعلاقة زايد اول وتالي ممكن تنخذل من اقرب الناس صديق او حبيب
.........................
وردة:من بعد وفاة علي انصدمنا انُ امير مدمن مخدرات شكد حاولوا ويا انُ يتعالج ويترك هذا الشيء لكن ماكان يفيد
الشيخ :تررريد اخليككك بمصحة يعنييي شسويلك سوايتك هاي محد مسويها مطي انتَ مطي تريد تموتني الله خلاك طركاعة على راسي لكك دمرت حياتك ودمرتنا وياك
ابو اسيد:كافي عوفه مو وكت هذا الحجي
الشيخ :وشوكت الوكت المناسب من يطيح حظه هذا حال شاب شوف شصاير بيَ شوف شسوا بنفسة لشوكت اضل ساكتلك شوف لك اقسم بالله اطيح حظ حظك سكتتت كلش هواي وتحملت افعالك واكول ميخالف يستعدل عمرك راح يطخ الـ30 وانتَ بعدك بهاي تصرفاتك اقسم بالله ادفنك بكاعك وهذا الخرا اذا تشربة بعد والحسن اموتك موت
طلع من الغرفة وهوَ عبارة عن نار وأمير مثل كل مرة بكل برود حط راسة على المخدة ونام وكال
امير:اطلعوا برا وسدوا الباب
اسد :والله موبس رزالة تستاهل حتى كتل
نزلنا لجوا كان خوفنا من شغلة وحدها ودعينا ربنا انُ متصير شما كانت الضروف لكن اللاسف صارت هاي الشغلة الي دمرت حياة اشخاص ورممت حياة اشخاص وطلعت ناس على حقيقتها!
بينت منو الحبيب ومنو الصديق ومنو العدو ومنو السند !
اللي هي انُ ابو ريماس ميعرف بالموضوع لكن عرف وصدمنا من كمية الحقارة اللي شايلها تصرف تصرفات مو طبيعية أبدًا
ابسط شيء بيوم ما انفصلوا ريماس وامير قدم لـ ريماس بـ باب المحكمة باقة وردة !! من رجع امير ضربه سكر وكان بينه وبين الموت شعراية
من بعد ما انفصلوا كال امير انُ أنا تركت الادمان وبدا يتعالج وخلص تركت كُلشي
ثاني يوم العيد جان الكُل موجود دك تيلفون الشيخ ! رد عليَ كله اي جايك بس مسافة الطريق
ابو جاسر:وين بوية
الشيخ :شغلة عندي اخلصها وارجع
طلع تقريبًا ربع ساعة ورجع كال سيارتي مدري شبيها مجاي تشتغل صعد بسيارة امير وهوَ كان كاعد بغرفتة ورا ساعة رجع الشيخ عبارة عن نار ويمشي !
وردة :شكو فهد شبيك
الشيخ:وين هذا الخراا كوم صيلحهه لا اصعددد ادفنهه بمكانههه
اسد:غير نفتهم شكو
الشيخ:واحددد منكم يصعد يصيلحهه
كان عبارة عن نار اول مره نشوفهه بهل العصبية هاي ! كُلش عصبي بشكُل مو طبيعي نزل امير ابين كان نايم
امير:شكو شبيكم
طلع حبوب من جيبهه شمرهن بوجة دنك عليهن شالهنن
امير:شنو ذني
الشيخ :انا اسئلك شنو ذني رجعت لسوالفك ؟
امير:مو الي ذني من ذيج السالفة انا بعد ما جبتهن
الشيخ: چاا المن ذنييي بسيارتك لكيتهن ما اتوب انتَ
امير:بشنو احلفلك مو الي مو الي ما شارب انا من ذيج الطركاعة
الشيخ:شلون لكيتهن بسيارتكك
امير:ابن حرام شمرهن !
الشيخ:لككك لا تخبلنيي ابن حرامم شدخلهه للبيت
امير:مادري المهم الحبوب مو الي
الشيخ:اعرفك اكثر من روحي من تجذب ذني الحبوب المن تحجي لا اقسم بالله اجنزكك تجنززز
امير:العندي كلته تريد تصدك صدك متريد براحتك حبوب مو الي كطعتهمم
الشيخ:خوش چا ناخذ تحليل دم
سكت محجة شي كان الوضع جداً متوتر بينهم الكُل كان ساكت يستمع الهم لكن الشيخ كان كُلش عصبي
الشيخ:تروح وياي تاخذ تحليل دم
امير:مااروح
الشيخ:اشمركك بمصحة وحق دين محمد وانعل يوم يومك
ام اسيد:على كيفك ويا مو هيج
الشيخ:احجييي وياك لا تخليني اتصرف وياك غير تصرف
امير:شتريددد اسوي كتلك مو الي ليش ماتصدك
الشيخ:لان اكبر جذاب اعرفك من عيونك من تجذب تروح تاخذ تحليل دم
امير:ما اروح وشتريد تسوي سوي
محسسينة غير ضربة راشدي من قوتهه راد يوكع بالكاع لو ما لزمهه
جاسر :يخوي اذكر الله مو هيج مو صغير هوَ حتى هيج تتعامل ويا شيل ايدك عنه لا يصير بيَ شي
من حجه هيج جاسر مسح وجهه وصاح جيبوا علاجة وجهاز السكر دفعة كعدة على الكرسي وقاسلة السكر وانطا علاج وكُل هذا امير ساكت
الشيخ :يلا كوم ولا صوت
ابو شاهين:وين ماخذة؟
الشيخ:تحليل دم ولحد يدخل !
سحلة من ايدة وطلعوا وكُل هذا ساكت يربي ساكت لو اني انتحر راحوا ساعة او اكثر وراجعوا
اسر:ها شصار
الشيخ:التحليل بليل يطلع بس اذا طلع مو سليم الي غير تصرف وياك اشوفك الامهات شتجيب بسيطة خل يجي اليل وانا الك
صار الوضع جداً متوتر وهوَ عبارة عن نار يروح ويرجع الكُل كان منتظر اليل لا احد اكل ولا احد. شرب حتى الجهال الخوف بين على وجهم ويخافون حتى يتحركون من مكانهم الشيخ اول مرة يعصب لهاي الدرجة اول مرة !!
صارت الساعة 7:30 اتصل على الولد ابو المختبر يكون صديقة
_شيخنا بـٰ9 التحليل يمك ان شاء الله
فرح:بهل السرعة يطلع التحليل !
الشيخ :اي بهل السرعة ياسرعة هاي من الضهر لليل يلا طلع وانتَ خل يطلع مو سليم بالمصحة اشمرك ورمتت كلبي بسوالفكك لو واحد بالمية ما ارحمك واشوفك الامهات شتجيب
حضنه عمي وكله
ابو شاهين:اذا تشمرة تشمرني ويا افتهمت
الشيخ :كووم اطلع من وجهي حتى اذا طلع التحليل مو سليم ما اموتك ما اتخذ قرار موزين اطلع برا خليني ما اشوفك
ميحجي يباوعلة ويسكت
الشيخ :شاارب ولك دافع عن نفسك احجيلي شبيك ليش سكتتت احجيلي كلي ما شارب وكعن بالغلط ليش ما جاي تبررر ولككك سوي شي بررر نفسك منه
يباوعلة ويسكت
ام اسيد:اذا تاخذة لذاك المكان اروح ويا
الشيخ:وانا قابل يروح غير لمصلحتهه ولك انتَ ابني تعرف شنو ابني تعبت عليك اكثر من ابوي سهرت وياك ودرستك اجي من الدوام اذا ما اشوفك اتخبل لك انتَ اكثر واحد تعبت عليَ اذا تتمرض اسندك بروحي ولك كم عقوبة اجتني من وراك واسكت واتحمل ومحد يدري لان عندي واجب ومسوؤل جايني واني مكابلك وكاعد لان حضرتك شمرت نفسك بطريق غلط اخابر للخارج اريد احسن علاج من ذيج السالفة اجيت اشمرك بالمصحة وكفت كدامي عيون اهلي ومستقبلك وشبابك راح ادمر نفسكك ابسط شي من ورا هذا خسرت حب حياتك دمرت نفسك وشوف هسة هاي اخر افعالك راح تموت نفسك ليش ما تفتهم افتهمنييي يابوية افتهمنييي
ابو شاهين:عوفه حتلو طلع التحليل مو سليم شما طلع ماتاخذه
الشيخ_ خوش بس تعال يوم واحد وشوفة بليل شنو حالتهه من يفز مرعوب ومختنك خنكك شوفة من يعصب شيصير بيَ شوف تحليل الدم شلون اسود باعوا بعيونهه عدل وشوفوا شلون حمررر شوفوا ايده شلون ترجف شلون الكحة شلون لازمتهه شوفوا حالتهه فوك المرض البيَ ياخذ بهل السم خايب ليش فهمنييي ليش شوداك لهل الدرب صلاتك وصومك وصخامك ويننن تولي لهذا الدرب ليششش دمرت نفسك دمرت عائلتك دوامك راح تخسرة راح تخسرنا كلنا واذا طلع التحليل مو سليم حتى ثقتي بيك تخسرهه
امير:اذا روحتي للمصحة تريحك كوم هسة وديني
الشيخ:چازيتني بتعب كلش غميج
بهل الاثناء اندك الباب كلنا كمزنا شهد كانت كاعدة ع الدرج والتوتر والخوف على وجهها ابين الكلُ كان خايف ويدعي سليم راح صهُيب فتح الباب وبالفعل التحليل
فتحة صهُيب وكال
صهُيب:شيخ اهداء
الشيخ:احجي ترا اعصابي تلفت
قبل لا يحجي صهُيب سحب التحليل من ايدة وللاسف كان مو سليم راد يضرب امير صار بينهم عمي
ابو جاسر:اذكر الله وتهداء يابوي
الشيخ:اخذووووا من وجهي لا وحق لا اله الا الله اموتة ادفنه هنا
ياسر سحب امير للاستقبال وسد الباب مرت ايامنا تحت توتر وخوف والشيخ عبارة عن بركان لكن بعد ايام رجع كعد يمه وحجه ويا بـ حنيتة المعتادة
الشيخ:ليش هيج سويت احنه نحارب ذول وانتَ اسوي هيج ليش دمرت نفسك
امير:غلطة
الشيخ:وهاي الغلطة جبيرة شوف شسويت بـ نفسك شلون دمرت نفسك باخوية الادمان مرض شنو حصلت هسة خسرت صحتك وحبك وخسرت هواي اشياء وحتى ممكن تخسرني
امير:لا كلشي ولا انتَ لا
الشيخ:چا كوم وياي واخذ الكلام وخلينا نعالجك احسن ما يلزمك ويشمروك بالسجن
امير:أي اتعالج
من بعد فترة بدا امير بالعلاج ومستمر لكن الجرح هوَّ هوَّ
اجه يوم الكعده ويَّ الولد اللي دعم علي
..............................
الشيخ : يوم الاربعاء العصر الساعه 5 كاعد بالمستشفى وكان يمي اسد وجاسر واسيد وثنين من اصدقاء علي. كان الهدوء سيد الموقف دقايق والدكتور اجه بكل سرعة ويا ثنين ممرضين وممرضات ثنين دخلوا للغرفة اللي بيها علي بدون ما نفهم شي
اسيد : يارب دخيلك
اكثر من نص ساعة احنه ننتظر احد يطلع يكولنه شنو صاير جوا طلع الدكتور كان وجهه يتفائل بخير ومبتسم على ابتسامة الدكتور كلنا ابتسمنا
جاسر :ها دكتور
الدكتور :ابشركم تعدى مرحلة الخطر وكعد وحالياً نكدر نكول زين حالتة كلش تحسنت
كلنا رددنا الف الحمدالله كانت فرحة كُلش جبيرة طلع واحد من الممرضين كال
_منو بيكم اسمة الشيخ
الشيخ :انا بوية
_المريض جوا يريدك تكدر تدخل
هزيت راسي ولبست ملابس خاصة ودخلت لكيتة كاعد بس تعبان شافني ابتسم رديتلة الابتسامة
الشيخ:الحمدالله على السلامه يبعد طولي
علي:ياماي عيني فهد راهب موجود
الشيخ:لا رجع للبصرة
علي:اريد اشوفة ضروري
فرق بين المحافظة اللي احنه بيها وبين البصرة اكثر من 7ساعات كان يحجي بتعب هزيت راسي وكتلة ان شاء الله دخلوا يمه كلهم وحجوا ويا جانت حالتة جداً مستقرة والدكتور كال تلاث ايام وتكدرون تنقلوا لغير محافظه
الشيخ:ان شاء الله خوية
علي:شيخ
الشيخ:ها بوية
علي:وصيتي أيمن وردينا امانة عدكم وجهال اسمر لا تنسونهم علي وفاطمة وام علي الاكبر علاجها الى هذا اليوم مستمر لا اتركونهم
ابتسمت وكتلة
الشيخ:امانتك ثچيلة بس صار بعيوني
علي:ديروا بالكم وخلي عينك على راهب
الشيخ:بـ فص عيني
علي:الله يقويك ابريني الذمة
الشيخ:مبري الذمة ياخوي مودع بالله شفيعك الحُسين
بستة براسة لزمت دموعي حتى ماتنزل هوَّ كان يباوعلي ويتبسم
جنت اعرف انُ صحوة موت كعد حتى يودعنا حتى يشوفة ونشوفة لاخر مرة بهاي الدنيا نسمع صوتة وصوت ضحكتة وابتسامتة طلب انُ يشوف بقية اخوانة ويشوف راهب لكن انصدم من كتله انُ احنه بأحد محافظات اقليم كردستان مو البصرة ! سكت كانت نضراتة نضرات وداع يباوع بينه كلنا واحد واحد
لـ 10:15بليل اتخربط علي بشكل مفاجئ! اباوع لدكتور حاول بكلشي انُ يرجعه للحياة لكن ما كدر بـ10:53توفى علي
بهاي الساعة وهاي الدقيقة وهذا اليوم توقفت الحياة بعيني انكسر ضهري راح اخوي اللي جان وياي بكلشي
اتصلت على راهب حتى اكلهم لا تجون لان هوَ وامير يردون يجون حتى يرجعون جاسر واسد
راهب:هلا ابو صكر
الشيخ :راهب لا تجون
راهب:ليش شنوووو صحى علي
حسيت كلمتة سجين بكلبيي سكتت
راهب:شيخ شكوو راح تجون علي شلونة
الشيخ :علي توفى !!!
غلقت التيلفون مباشرةً وبعدد ما ادري شصار عدهم ما بچيت ولا صرخت ولا لطمت لكن كلبي كان ينزف راسي احسة راح ينفجر كانت صدمة قبل ساعات جنت احجي ويا مابي شي جانت صحوة موت مو شفاء اباوع لاسد وجاسر واسيد واصدقائه شلون يبچون حاضنين علي ويبچون الا انا الوحيد
اللي كنت واكف بعيد عنه واباوع عليهم
شنو الصلابة اللي صابتني مااعرف
الحمدلله على كُل حال وهذا حال الدنيا هم السابقون ونحن اللاحقون
اجه يوم الكعدة ويَّ اهل الولد طلبت من راهب انُ يحضر الكعدة
طلب احد الشيوخ من طرفنا 40 مليون وصار الاتفاق على الشيء لكن
الشيخ:وين ابو الولد
_أنا يابوية
الشيخ:بس هذا الولد عندك
_اي والله هالوحيد هذا
الشيخ:متزوج ابنك
_لا والله عمرة 26 سنة وندورلة على مراة وصارت بعد يشتغل بسيارة هاي
الشيخ:الله يحفظة الك شوف خوية احنه خسرنا زلمة ماتعوضة مليارات الدنيا كلها لا فلوس ولا شيءٍ يعوضة لا الثار ولا كلشي ماكو اخونا غالي عدنا كلنا لكن الفلوس احنه مو بـ عازتها لذلك 20 مليون ذني يردن الك تصرفهم توفي بيهم ديونك تصلح السيارة تزوج ابنك انتَ حر براحتك ذني الكم اما الـ 20 مليون فـ ذني طايحات لـ وجهه الله والله يسامحكم والله لا يفجعكم بـ شاب وعمامنا وتاج راسي أنا اشكركم واشكر حضروكم وكفتكم ويانة بـ ايام الفاتحة ومن جان بالمستشفى
لكن علاوي مايتعوض بالفلوس راح يبقى بكلوبنا والله يرحمة ويجعل داره الجنة وأنا ممنون منكم عمامي البومحمد من الجبير لـ صغير وربي يحفظكم
انتهت الكعدة رجعنا للبيت جانوا الكل موجودين يمنه يوم جمعة
ابو اسيد:الحمدلله على كُل حال هاي حياتنا
الشيخ:احنه احسن من غيرنا والحمدلله على كل حال وعلى كلشي صار وراح يصير هاي حياتنا وهذا اللي عشنا واللي شفنا اليوم كُل واحد من احفاد فراس عاش قصة حب مختلفه بينا الحلوة وبينا المرة ورثنا الحب ورثنا اذا نحب نقفل بعددمانشوف غيرة هذا حبنا وهذا هوَّ عشك ال فراس
بعض القصص انتهت نهاية سعيدة
والبعض الاخر مرضية
والبعض متعبه وحزينة
فـ الحمدلله على كُل حال
.....................................
ريم
وهاي أني كاتبة القصة وهاي قصة عشك ال فراس
انتهت وانختمت القصة مو كُل قصة تكون نهايتها سعيدة
ولازم نتقبل الواقع
قصتنا من ارض العراق من واقعنا مو من خيالي الوردي البعيد
هذا اللي صار ويانة وهذا اللي عشنا
اسيد بعده يهتم بـ ابنه ورفض الزواج
اما محمد وامير فـ بعدهم تحت الماضي
اما فرح فـ تزوجت لكن رفضت انُ تنذكر قصتها ادعولها فقط غلطت مراهقه وانتهت
راهب وشهد بعدهم مخطوبين
اما ياسر فـ خطب مرح وكذلك رفض تنذكر القصة ومااكدر اضغط عليهم
اما البقية فـ الكُل حياة استمرت لكن بعدنا عايشين تحت الحزن
أما راهب
فـ بعده مكسور وماكدرت اخذ اخر الاحداث منه بسبب حالتة الصحية
فـ ادعولة ربي يصبرة ويكون بـ عونة اللي صار أبدًا مو سهل
كنت اتمنى النهاية اسعد من هيج ونختمها وياكم بـ نهاية جدًا سعيدة
لكن هذا امر الله وهاي حياتنا وهذا واقعنا والحمدلله على كُل حال
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
