رواية غيث الحنيين الفصل الرابع بقلم جمانه السعيدي
حنيين داومت شهرين واكو ولد دائما انتبهله يباوع عليه
الصراحه هو خوش ولد
مودب وشخصيه وعندا كارزما وانيق
اسمه وسام
الحد مآ يوم اجا صارحني وكال اريد اتعرف عليج
حنيين اني جايه ادرس ما جايه الهاي الخرابيط
وسام اني ماعندي اي خرابيط اني صار فتره مراقبج وكلش عجبتيني
اريد بس فرصه نتعرف على بعض
واذا اتفقنا اتقدملج
بقه يلح عليه ويحاول يحجي وياي
وكل شويه يدزلي بنيه تحجي وياي
الصراحه اني عجبتني شخصيته حيل
ابد ما يحاول يستغلني او يضغط عليه
كان محترم جدا بكل تصرفاته
جمانه السعيدي
انطيته فرصه وبدينا نكعد ونحجي سوا
تعلقت بي وهو تعلق بيه كان انسان محترم بمعنى الكلمه
خلصت السنه الأولى معهد وبقا اكو تواصل بينا
اني ويااااا
غيث بس خلصت حنيين معهد سنه اولى رجعت خطبتها من ابوها
بس هو رجع رفضني وهددني ابتعد عنها
واشيلها من قاموس حياته نهائي
والا هلمره راح يشتكي عليه
بس ولله ما اعوفه لازم يجي يوم ويقتنع بي
واخذ حبيبتي كدام الناس كلها
بس بدت المرحله الثانيه معهد قرر وسام يخطب حنيين
حتى علاقتهم تكون صحيحه ويكدر ون يطلعون ويدخلون كدام الناس كلها
فاتح اهله بموضوع الخطبه وماكان عدهم مانع ابد
بس طلبو منه يسئلون عن حنيين واهلها
كل الناس كانت تحمد بأخلاقهم
وتربيت بتهم وسمعتهم الطيبه بلمنطقه
عن طريق السوال عن أهل حنيين وصل الخبر الغيث
وهنا جن جنونه تخبل
حنيين محد ياخذها غيري
طلب اجازه ورجع البيتهم
راح يسئل عن وسام بلمعهد وطلب منه يكونون وحدهم لان يريد يكوله سر مهم
اتفقو يلتقون خارج المعهد
وسام خير صاير شي انت تعرفني
غيث احب اعرفك بنفسي اني غيث جيران حنيين لا ما اعرفك بس اعرف البنيه الي تريد تخطبها
جيرانه واعرف كلشي عنها
وسام وشتعرف عنها
غيث عوفها ما تفيدك هاي البنيه سمعته مو تمام
وسام شلون يعني مو تمام
غيث يعني جانت صاحبتي واني وياها على علاقه
وسام وبعدين
غيث اني احجي هيج المصلحتك عوفها من البدايه احسن الك
وسام زين وبعد اكو شي
غيث اكلك عوفها شنو بعد ما تفيدك
وسام انشاء الله يصير خير
غيث بقيت اراقب وسام كنت متوقع بعد هذا الكلام وسام راح يعوفها وترجعلي
جمانه السعيدي
وسام هلو حنيين
حنيين هلووو
وسام اريد اسئلج سوال
حنيين تفضل
وسام تعرفين ولد اسمه غيث
حنيين ارتبكت شبي
وسام كلام واحد تعرفني لو لا
حنيين اي جيرانه اجا خطبني اكثر من مره بس بابا رفضه
وسام وليش ابوج رفضه
حنيين امه وأبو منفصلين وعايش بيت خالته ومآ مكمل دراسه ويشتغل عامل
وسام بس هيج
حنيين اي
وسام اني راح اصدك كل كلمه تكولينها لان اني اعرفج
صار سنه ونص واكثر واعرف اخلاقج زين
انتي عندج علاقه بي
حنيين لا ولله ما عندي اي علاقه بي ولا طالع ويااا
ولا منطيته مجال
وسام اجاني يكول عوفها سمعته مو تمام جانت صاحبتي
حنيين الله ياخذه صدك لو كال المثل الي ما يلوح العنب يكول حامض
تكطعت رجلي وهو رايح جاي بخطبني ويهدد ويتعود
ولان رفضته
كام يشوه بسمعتي الله ياخذه ويخلصني منه
وسام على العموم اني ماصدكت كلامه لان اعرفج زين
غيث خلصت اجازتي ورجعت الشغلي واني كلي امل يصدك كلامي ويعوفها
وسام قررت اخطبها ونعقد والزواج يكون بعد التخرج
اني حالتي ميسوره كلش
وعدنا املاك وحالتنا الماديه ممتازه
تقدمتلها وحصلت الموافقه وقررنا نعقد
نسوي حفله حلووه ونعقد عقد شيخ
ابو حنيين قرر يعزم صاحب المعمل الي يشتغل بي
يحضر المهر يعني كشخه كدام اهل وسام
لان اهل وسام ناس واصلين وكشخه
وهمه ناس على كدهم
جمانه السعيدي
حجزت حنيين عد أرقى صالون وجابت بدله سماكي
مفتوحه من الكتف
والشعر مفتوح ولابسه تاج فضي
ووسام لابس بدله رصاصي وطالع يخبل
عقدو عقد شيخ وكان الذهب الي جابه الها فد شي فاخر
وراقي
والمهر الي حددو كان مهر عالي
تمت الحفله وكلشي على خير
ابو زيدون صاحب المحل الي يشتغل بي ابو حنيين
جايب هديه الحنيين كلاده ذهب
وطلب من ابوها يسلم عليها بنفسه ويبارك الها
خلت حنيين شال على اكتافها وطلعت تسلم علي
ابو زيدون اهلا وسهلا مبروك
حنيبن شكرا عمو الله يبارك بيك ويحفضك
ابو زيدون ما شاء الله شنو هلجمال
حنيين انحرجت حيل منه ومن كلامه
ابو زيدون اتمنالج حياة سعيده اي شي تحتاجينه
اني بلخدمه
حنيين الله بحفضك عمووو ما قصرت وكفتك ويانه تسوه كلشي
ابو زيدون ولو وووووو ما سويت شي ابوج اخ عزيز على كلبي ويستاهل كل خير
حنيبن شكرا جزيلا
انتهت الحفله وكانت تخبل بمعنى الكلمه
وصل خبر الخطوبه الغيث
طلب اجازه ورجع راح كبل للمعهد وبقى ينتضر وسام
بس شافه هجم علي وكاله اني موكتلك عوفها
انت ما تفهم عوفها
وسام ما اسمحلك تحجي عليها هاي زوجتي صارت
غيث اني سمعته كال زوجتي واني تخبلت بلزايد
هجمت على ونزلت بي ضرب
هو يضربني واني اضربه
الناس تريد تفكنه واحد من الثاني ما تكدر
منا لمن تعبنا كلش
واحدنا وجه ورم من الضرب
الناس فكتنا واخذونا للمركز
اضطريت ادفع غرامه واكتب تعهد بعد ما أتعرض الهم
يله طلعوني
رحت البيتهم ودكيت الباب اريد ابوها اريد احجي ويااا
بس طلعلي وشافني كال اهوووو هم انت
غيث ليش كلي شبي هذا وسام بيش احسن مني
لان يدرس وعندا اهل
ولله مو ذنبي ماعندي اهل واذا على الشغل اني اشتغل
ولله مستحيل يحبها بكدي
اني اشتغل ليل نهار علمودها ذبيت نفسي بلنار علمودها
بيش احسن مني وسام احجي
شنو ناقصني ليش تحرك كلبي عليها
جمانه السعيدي
احجي بعصبيه واحس كلبي راح يطلع من صدري
من كد ما انفعلت
بس اكلك شي واحد الله لايسعدها ولا يهنيها
انشاء الله تطلك وترجع عليك
واني اجي ادك الباب شامت
الله يحرك كلبك وكلبها مثل ماحركتو كلبي
اني يتيم وعمري ما اذيت احد
ومآ اريد شي من رب العالمين غير يحرك كلبك وكلبها
انشاء الله ترجع عليك
ياضالم حرمتني منها بدون سبب
دخل ابو حنيبن للبيت وقفل الباب
واني كمت اصيح بعصبيه
الله لايوفقك ولا يوفقها عسى حوبتي ما تتعداكم
رجعت للبيت واني منهار فد مره
ووجهي مورم من العركه
عقلي ما جاي يقبل يصدك حنيين صارت الغيري
المن اشتغل وذابح نفسي بعد
حنيين راحت من ايدي
تمرضت حيل ووكعت بلفراش مصخن ومآ تقبل الصخونه تعوفني ابد
احس عضامي كلها مكسره
ومآ اكدر اكوم من مكاني ابد
عمي وخالتي تخبلو عليه واخذوني دكتور اختصاص
وجابولي علاج
مداريني ثنيبنهم وينامون يمي يخافون يصير بيه شي
المشكله اني احس نفسي ما اريد اطيب
اريد ابقى مريض
اريد ابقى بلفراش بس نايم فقدت الأمل بلحياة
كل طموحي بلحياة جان تكون حنيين زوجتي وبس
هسه شنو طموحي وشنو هدفي
استسلمت للمرض كلش والدنيا صارت سوده بعيوني
