رواية الفصلية هدير الفصل الرابع بقلم مرج البحر
اني توقعت الاكل مطيب كلت اكيد متعرف تطبخ بس تفاجئت من ضكت طعمها اويلي ...😍😘 كعدت علئ الاكل لحد مخلصته ليشوفتي عبالك مماكل سنه بس خرب يومها طبخها يخبل يوميه اكتشف شيء حلوه بهاي البنيه كعدت تاكل ويانه والگل يمدح بالطبخ مالها ابويه انطاها ورقه وهيه تشكرت منه بس هيه بس تصفن ومن تحس علئ نفسها تحجي ويا رنا اني اكل واباوع عليها واحد من يباوع عليها شهيته تنفتح ياسبحان الله كملنه اكل وشالوو الاماعين ابوي كلها بنتي سوينه جاي اذا متصير عليج زحمه طلعت هيه مخليته قبل متاكل وراحت تصب واني اجيت من ورها مديت ايدي واخذته وهي فزت ندارت عليه رحت صعدت بغرفتي حتئ اخذلي غفه وصدگ نمت بعد مااحسيت بالدنيا الا الساعه
5:10
العصر من هدير كعدتني وجانت سابحه وشعرها من دنكت تكعدني نزل شعرها علئ وجهي شميت عطر شعرها افيش 😍
* احلة مابيها شعرها اشطولة حسبالك عباية 😍
واحلة مابيها گصيرة ولاحت بروحي النهاية 🙊🙈*
كعدت كتلها حضري اهدومي بنطرون وقميص واذا يحتاج اكويهن راح اطلع ويا اصدقائي هيه محجت شيء هزت راسها وراحت طلعت الهدوم وكوتهن وعطرتهن وخلتهن علئ الجربايه وطلعت بس ماشفتها عرفت العروس زعلانه علمود الصبح لان محجت كلمه وحده بس تهز راسها عبالك خرسه 😅 المهم من اجي اجيب الها حلويات وترضئ اعرفها زعطوطه بساع ترضه 😌 لبست اهدومي ومشطت شعري ونزلت جوه امي كاعده علئ السجاده تقرا قران وابوي طالع ورنا بغرفتها وهي بالمطبخ جاي تسوي كيكه جاي تخلي الطحين اخذت شويه وحطيت علئ خشمها بس هيه خزرتني ومسحته واني كاعد بالمطبخ طلبت منها تصبلي غده اكل واتصل عليه صديقي يعني وصل طلعت وكتلها راح اطلع تعاي اقفلي الباب انتو بس نسوان
ماجاوبت بس هزت راسها وطلعت.
هدير: رادوا اسوي غدا تمن وباميه وكعدت اقلم الباميه وعمتي دزت جاسم يجيب لحم اجه انطانياه اخذت منه بدون ماباوع عليه وركبت التمن والباميه وهدرت الچاي علئ نار ناصيه ورنا اجتي يمي ساعدتني وسوت زلاطه اجي عمي من الصلاه وكالو جوعانين صبو غده صبينه اني ورنا الاكل حطينه علئ الطاوله وصيت رنا تصيحهم علئ الاكل اجوي كعدوا ياكلون ويشكروني علئ الاكل الطيب وعمي طلع ورقه انطاني ياها كال انتي بنتي وچنتي الله شاهد وحالج حال رنا بستها من ايده وراسه وتشكرت منه وكام من الاكل وضلينه اني وجاسم واني كل ساع اتصفن بمكان جاسم كمل اكل بدون مايحجي ايي كلمه بعد احسن .
اني كمت لميت السفره وعمي راد جاي اني صبيتله هو وعمتي ومااحس الا ايد انمدت واخذت كلاس الجاي اندار جان اشوف جاسم سويت نفسي ممهتمه كملت غسل اماعين ونضفت المطبخ وغسلت الحوش صارت 2:30 الضهر كملت شغلي وصعدت لكيت جاسم نايم اني هم نمت حسيت الساعه 4:30 نزلت جان عمتي كالتلي كعدي جاسم عنده طلعه ب5:00 ويا اصدقاء كتلها حاضر عمه صعدت فوگ شفت بعد وكت كلت خلي اروح اسبح ومن اطلع اكعده والله سبحت وطلعت مشطت شعري وشفتها 5:10 صخاام😱😱😱 نسيته رحت وشعري مفتوح يمه كتله جاسم اكعد ساعه بالخمسه دكت احركه حتئ يحس جان يوكع شعري علئ وجه وفتح عينه وكعد وطلب مني احضر هدومه واكويهن حضرتهن وعطرتهن وعطرتهن ونزلت جوه اسوي كيكه هو ورئ اشويه نزل ورايه واجه شافني جاي اسوي كيكه اخذ شويه طحين وحطه علئ خشمي رحت مسحته وكال
جاسم : هدوره فدوه سويلي اكل جوعان كبل لااطلع
هدير ;شتريد 😏
جاسم : صبيلي باميه وخبز
هدير : حاضر
اكل وكمل وشلت الاماعين وغسلتهن وهو دكوا عليه جماعته وصاحني اسد الباب ورئ
طلع جاسم ورحت علئ رنا طبعا معرفناكم برنا
رنا: هلوو اني رنا اخت جاسم الصغيره اني بنفس عمر هدير وصرنه صديقات واحبها وتحبني اني وجهي ابيض وعيوني شهل وشعري طويل اني عندي اخ ثاني عايش ب دبي يدرس وجنه اني وامي وابوي
امي : اسمها حمديه عمرها 56
وابوي : محمود عمرها 58
واخوي : علي 22
رنا : ولج هدير هاي شنو الريحه التخبل بالمطبخ
هدير : سويت كيكه وحطيته بالفرن ومن تستوي انزينها اني وياج زين
رنا :زين
بعد مرور ساعه ونص
هدير :رناا ولج رنا تعاي صارت الكيكه خلي نزينها سوه
رناا:يي ولج انتضريني مو تبدين
هدير :يله تعاي بديت
احنه جاي نزين الكيكه ورنا كل ساعه مخليه بوجهي گريم وتلعب اخر شيء كتلها رناا كافي خلي نكمل شغل هيه سكتت 😂😂
رنا ;جنه مندمجين وكملنه وجاي ناخذ صور وماانحس الا واحد حط علئ وجهنه گريم احنه خفنه وهدير تكول انتي انداري واني اكلها لا انتي اخر شيء اتفقنه نندار سوه وجان نشوووف جاسم عاد باوعت لهدير بارتياح وعلنه الحرب اني لزمت جاسم زين وخليت هدير تخليله بس هوه اقوه من عدنه وجاي يعضني من ايدي وعفته وراح هجم علئ هدير سوها كلها گريم وانوب اجه عليه بس انه شردت للحمام .
هدير :جنه نزين اني ورنا الكيكه وكملناها وضلينه نطك صور الها وماانحس الا ايد اتخلت علئ وجوهنه گريم اني ورنا واني اكلها انداريوهيه تكلي لا انتي انداري اخر شيء اتفقنه نندار سوه اندارينه وشفنه جاسم اهنا رنا غافلتنه وراحت من ورئ لزمته واشرتي بمعنئ اهجمي واني ماقصرت خليت لكريم بوجهه بس هو قووي عض ايد رنا ورنا راحت للحمام واني بقيت بالمطبخ جاي اطلع لزم ايدي
جاسم :هدير اني اس😔ف
هدير: جريت ايدي منه كتله مشكور بس اعتذارك مرفوض وصعدت فوك سبحت وكملت جان جاسم ينتضر اطلع حتئ يطب اني كمت ونزلت جوه احضر العشا الهم محد راد رحت طلعتلهم الكيكه وديت لجاسم ونزلت جوه
جاسم :من طلعت من البيت طلعنه اني وجماعتي تونسه ورحنه اكلنه لفات وجبت لهدير وياي لفه وحلويات لان مقرر اليوم نسهر علئ فلم رجعت للبيت جان اسوف هدير ورنا جاي يزينون الكيك وعلئ وجهم كريم وطاسه الگريم علئ الكاونتر وهنه علئ الميز يطكن صور للكيكه رحت اخذت الگريم وخليت علئ وجوهن شو ضلن جامدات بمكانهن بعدين اجتي رنا لزمتي وهدير هجمت عليه ترست وجهي كريم اني كيفت كلت يجوز مزعلانه بس بعدين عضيت ايد رنا وكمت رنا شردت للحمام وضلينه اني وهدير كلت هاي فرصه حتئ اعتذر الها واكيد راح تقبل اعتذاري هيه جاي تطلع من المطبخ لزمت ايديها ورجعتها يمي كتلها اسف كالت مشكور بس ممقبول اعتذارك وصعدت للغرفه حتئ تسبح اني ضجت يعني اني منزل نفسي الها واعتذرت وهيه ترفض صعدت فوك وراها حتئ اسبح هيه طلعت من الحمام مرت من يمي يالله ريحتها تسطر سطر طبيت للحمام وطلعت ملكيت احد عفتها منزلت عبالها جاي الاحكها هيه شويه واجتي جايبتلي ماعون كيك.
هدير :جاسم تريد عشه لو لاع
جاسم :لامشكوره متعشي وهاي العلاكه جبتها الج ورنا روحي انطي علاكه رنا واخذي علاكتج
هدير : مشكور
جاسم : ولوو تـــ✺ٍَُِّﮩٍَُ₰ﮩــ✍ــدللين
صدك عاشت ايدج الكيك يخبل وكولي رنا راح نجي يمها لان راح نطلع فلم رعب وخل تسوي شاميه وترتبنه الكعده واني جاي وراكم زين ....
شكرا لزيارتكم عالم روايات سكيرهوم
