رواية عشق مابعد الطلاق الفصل الرابع عشر بقلم ساره فاضل
قيصر
اليوم الخميس يوم حنتي
طبعآ ماعزمت احد غير شكم صديق مقرب
وطبعآ ع رأس القائمه حسين هوه واكف وياي تقريبآ صار يومين نفتر حجزنه القاعه ونصبنه غرفتي الجديده كمل وياي كلشي خطيه اخذ اجازه ع مودي كملنه شغل الضهر وكتله نرجع للبيت نتغده ماقبل بس كوه اخذته ورحت للبيت
لكيت سيارة عمو عصام بالباب نعصر كلبي وحسيت الدنيه ضاگت بعيني اني صح جاي اجهز واركض بس علمود امي لااكثر اني ماقابل بهاي المهزله هاذا الزواج بالنسبه الي اعدام وحته البنيه الجابته امي احسهه راح تشيل ذنب موذنبهه اني مارايد هاذا الزواج وصراع بداخلي بين الراضي والماراضي كلشي عاجبني بناي بس موهيه الكلبي يحبهه ولاهيه الأتعرف ع عطرهه بين الف بنيه ولاأحس بداخلي شيء ينجذبله اااااخ ياربي
حسين
هااااا قيصر ننزل لوتضل بحسباتك يااخوي ياحبيبي انته جبير وعاقل لاتخلي الماضي يهدم الحاضر انسه سمر وعيش حياتك البنيه موقسمتك صار سنين تحاول تخليه من نصيبك بس الضروف معانده وياك والاأهل مامتقبلين هاي العلاقه من اساسهه كل ضنك ترتاح اذا اخذتهه
3 ت
قيصر
مااكدر حسين ماأكدر اني هسه من شفت سيارة عمي روحي نقبضت حسين حبل المشنقه منتضرني بالبيت اني هاذا الزواج رافضه بس اااااخ وامي شلون بيهه مااعرف شسويت بنفسي وشسويت بالبنيه اني ورطت نفسي وورطتهه حسين دبرني انطيني حلني يخلصني من هاي الورطه
خسين
مالهه أي تدبير بعد خلص البنيه زوجتك ع سنة الله ورسوله وزوجتك بالقانون بعد شنو اليدبر ياحبيبي كافي انسه والله بس تتعرف عليه وتعيشون ابيت واحد راح تحبهه وحسب حجيك البنيه طيوبه وكل الصفات الزينه بيهه بعد شنو اليمنع من التقرب اله بس شيل سمر من بالك ولاتزعل مني وهاي اول مره احجيهه انته من وادي وسمر من وادي تره سمر مومن ثوبك انته ماجاي تشوف حبك السمر عاميك
4 ت
قيصر
ماأعتقد اكدر اتقبل بنيه غير سمر روحي معلكه بيه ياناس ياعالم فهموني وماجاي اشوف شي من التشوفونه انتم
سمر بعيني ملاك مااضن اشوف بنيه مثلهه
23 ت
حسين
انته مغيب ماجاي تشوف بس مصير الايام تثبت الجاي نحجي وانصحك بي وانته لاحياة لمن تنادي حسبالك ميت كل الكلام ماجاي يبين بيك ع العموم ننزل لواروح للبيت لان تعبان وجوعان وانته تريد تسولف حته ماتنرل
قيصر
ههههه اعتذر نسيت اني جايبك نتغده يلا تعال ننزل تره اني مسطور شيبدر مني اعذرني
1
حسين
معذور دكتور والله يكون بعونك التمر بي موشويه صراع العقل والقلب يتعبون صاحبهم ويوصلونه لمرحله الهستيريا بس القوي والمؤمن يكدر يسيطر ع الوضع خلي اتكالك ع الله وادعي الله يهديك ع درب الصحيح ونشالله تهون
قيصر
نشالله
نزلنه من السياره وفتنه للبيت رفل بالمطبخ تحضر بالزلاطه وناي كاعده ع كرسي ومطيه وجهه للحايط منتجيه وشكلهه تعبان كلت السلام عليكم
الكل وعليكم السلام
دخلت جوه تحمدت لرفل بالسلامه وفتت سلمت ع ناي وتحمدله بالسلامه كامت بخجل ردت السلام وجانت عيونه وخشمهه حمر دم ومورمات
يمكن جانت تبجي سلمت عليه وعفتهم ورحت صحت لحسين حسين اخوي وعادي يدخل جوه دخل وسلم الكل رد السلام ماعدا رفل يمكن تستحي دخل باس امي من راسهه وسلم عليه طبعآ امي حاسبته بمعزتي ع كولته اخوك الماجابته بطني فات وسلم ع ناي ترخصنه ورحنه كعدنه بالاستقبال
حسين
هاذا الجمال والادب والاخلاق كله وانته متحير والله انته متعافي شتريد بعد بس صدك لوكالو الحض عد الزركات ههههههه
قيصر
هيه مال شقه حسين والله بطران
عصام
اهلآ عمو حسين لودكتور حسين أهلآ وسهلآ عاش من شافك
حسين
بالمهلي
لاعمو حسين قابل نكبر عليكم الحمدلله انته شلونك صحتك شلونهه
عصام
الحمدلله من الله بخير بس تعبان من السياقه ولو رفل ماقصرت نص الطريق هيه تسوق تدري اني هستوني كايم من العمليه يرادلي فترة نقاه بس لخاطر قيصر وناي سافرت للعماره
حسين ا
الحمدلله انشالله مابيك غير العافيه هيه مضاعفات العمليه تختلف من شخص لشحطخص اكو التعب يروح بوقت قصير واكو يتأخر انته بعد هاي السفره ارتاح وانتبه الادويتك ونشالله تتحسن
عصام
ان شالله
دخل قيصر
قيصر
هلوو بابا الحمدلله ع السلامه انشالله ماتعبت
عصام
تعبكم راحه باباتي شعندي غيرك بالعكس جانت الرحله ممتعه برفقة رفل تعرف رفل مرحه ومتضوج الطريق كله اني وياها سوالف وغنه ههههه بصراحه يرادلنه سفره وره عرسك نتجمع ونتونس واهم شي رفل ويانه هههه تزرف اذاناتنه بااغانيهه مال هلوكت
قيصر
انشالله عن قريب نسويلنه رحله حلوه ونتجمع وحسين انته ويانا هاا موتكول
حسين
انشالله
قيصر
اني اترخص ابدل وانزل اخذو راحتكم
عصام
واني هماتين اروح ابدل اخذ راحتك يابه البيت بيتك انته موغريب هسه دقايق واجيكم
حسين
اخذو راحتكم
رحو وخلوني بحسباتي اااخ يارفل ماادري يمته تصفين من ناحيتي وتصدكين ماعندي شي ومحد بكلبي غيرج بس والشيطانه صديقه دكتوره سمر ساعة السوده الاجت بيه يمي
نرجع ليوره
حسين
جانت بنت عم قيصر. واخت رفل الجبيره عده ولاده متعسره بقت يومين بالمستشفئ وجانت سمر مكلفهه قيصر حته توكف وياهم بس كالعاده سمر اي شي من طرف قيصر تكره ماقامت بواجبهم وشوي واعتذرت طبعآ اني عندي دكتورة زميله بصالة الولاده امون عليهه رحتلهه وماقصرت وره ساعات البنيه ولدت بسلامه رحت حته اتشكر من الدكتوره لكيت الجماعه يردون يطلعون كملو أجراتهم وطلعوو بقت بنيه لازمه الجنط وتسحل بيهن بنيه ايه من الجمال بس موجماله الجذبني لااا الجذبني خفة دمهه وروحهه المرحه تضحك ويه هاذ وتصنف ويه ذاك كل الممرضات لكيتهم حابينه ويسلمون عليهه عاد عرضت اشيل الجنط وياها بالبدايه مااقبلت بعدين وافقت وصلت الجنط للسياره عاد من راحو وتحركت السياره شفت جنطة زغيره بالكاع اخذته وفتت انطيه القيصر كالو طالع اخذتهه للمكتب وجنت متردد افتحهه فتحتهه ولكيت بيهه شغلات مكياج وعطر اول ماشميته تذكرت البنيه الساعدتهه بالجنط نفس العطر مخليه عاد بنهاية الجنطه شفت جهاز عاد لزمته واني مستحي بس كلت اشوفه تعرفون القضول فتحته طلعت صورة البنيه نفسهه خلفيه للجهاز لابسه فستان قصير ومسويه شعرهه كعكه ومخليه مكياج خفيف كلش عجبتني استغفر الله البنيه محجبه واني اتمعن بصورتهه وبعدين هيه بنت عم صاحبي كلش عيب الجاي اسوي رحت للسجل شفت رقم مكتوب ماما اتصلت طلعت بنيه كتله عفون قبل شوي وصلت الجنط وياكم للسياره وبقت جنطه زغيره وبيه هاذ الجاز عاد كالت اي هاذ جهازي شكرآ الك همزين وكع بيدك ولابيد غيرك هسه بس انوصل اختي للبيت اجي اخذه شكرآ جزيلآ منا وصارت العلاقه بالبدايه تعارف بعدين حبينه بعض وجنه متفقين بس تتخرج اتزوجه بس بيوم جانت جايه ويه امهه للمستشفئ ورادت تجيني لغرفتي نتشاوف قبل لاتجي بشوي اجت دكتوره وسن صديقة سمر كلش نفس الطينه ثنينهن موسهلات ويدورن مشاكل دخلت تريد مني الزم خفر يومين بكانه عاد اني وافقت بحكم اني مقيم بالمستشفئ لوسكن الاطباء ماعندي مكان ثابت عاد هاي تعاي ولزميني من ياختي وبوسيني اثناء مااحنه بهلحاله دخلت رفل دخلت وهيه عيونه مليانه دمع مااعرفت شحجي لوشلون ادافع عن نفسي كل الكدرت اسوي من طلعت دفعت وسن ورحت ركض وراه لزمتهه من ايدهه جرت ايدهه بقوه وهيه تبجي وكالت خلص البيناتنه انتها دير بالك تتصل لوتشوفني خلقتك انته خاين وغشاش بس الله كشفك.
راحت رفل واني الا شوي جان انجلطت.
من القهر ومن المستحه وسن خلتني بموقف لااحسد علي اخذت اجازه ورحت كعدت يم بيتهم بست الكاع وهيه ماانطتني فرصه نست عشرة سنه كامله وصدكت اني اخونهه هاي صارلنه 5اشهر واحنه من نتواصل بس مايمنع دائمآ اتبعهه من بعيد اكول خليها براحته شوكت ماتهداء هيه تجي ونحجي بالموضوع بس مااعرف ليش من شفتهه هسه احس كلبي طار وراح يحوم فوكاها اتمنه لوبس تباوع لعيوني شيصير لوبس تباوعلي بعيونهه
6 ت
قيصر
الووووو وين رحت تضحك عليه وتصنف ماتكل لنفسك هههه اتجر صفنات وانته صنف عليه ماشي حسين
( 2 )
حسين
هههههه باب النجار مخلوع شسوي ماكو كلب صافي بس جيب اليحس بيك
قيصر
اني احس بيك
عصام
يلاا بابا تعالو نتغدا سوا تعالوو
حسين
بعدين نسولف بس خاف بيه احراج للبنات نتغده يمهم بلا امك متعود عليها بس البنات شلون
قيصر
اي وانته اجتك من السما الله كريم بس خل افرغلك اني تضم عليه حسين وبعدين يابنات رفل تعرفهه من قبل سبورت مااله شغل وناي تعتبر اختك مابيه شي انته صاحب بيت
حسين
والله جاي تخجلوني بكرمكم
قيصر
دكوم كوم نخجله هوه عوف الرسميات مالايكتلك تعال نتغده لان راح نموت من الجوع
ناي
طلعت السياره واني عيوني يصبن مثل الشلالات منضر ابوي ووالي ورضا ماجاي يفاركون بالي ومنا اني رايحه ابحدي لاأم ولاأخت رايحة مثل الفصليه بطرك روحي
9 ت
عمو عصام ورفل طول الطريق يهونون عليه خطيه ماقصرو وياي عمووو صارلي مثل الاب وجان كلامه كلش عاقل ومريح ورفل حلوه ومرحه طول الطريق تسولف وتضحك بس العجبني تسوق طريق خارجي ويه عمهه بدون ماتخاف هاذا الحلو ابنات الولايه جريئات اخذت الطريق كله ساكته واباوع للشارع
شوي شوي الطريق فقد حلاوته واجه الطريق العباره عن صحرا راح خضار ولايتنه وراح ريحة ديرتنه لحد ماوصلنه البغداد ب11الضهر جانت بغداد ضجه ومتعبه
بس منطقت بيت عمتي راقيه وهادئه تخبل
وصلنه وتلكتني عمتي هلاهل وواهليه حضنتهه وكمت ابجي وهيه خطيه هونت عليه الموضوع وصبرتني دخلت الجوه وكل ضني الكه قيصر بس اتعذرت عمتي وكالت راح يجيب اغراض للبيت فتنه جوه سبحنه وبدلنه عمتي ورفل يحضرون للغده واني كاعده يمهم كلش تعبانه ومحتاجه انام لان صار ايام مانايمهانتجيت وخليت راسي ع السيراميك اباوع للبيت ماشالله قصر كلشي بي حلو وفخم وغالي وحته خدامه عدهم ناس راقين وينفس الوقت متواضعين فات قيصر وكالعاده سلامه بارد ونضرت عينه بارده وبعدين فات صديقه ورا وتعجبت اشلون الولد يفوت عادي احنه بالعماره ماعدنه هيج شي بس الله شاهد الولد محترم وماشال عينه
عمتي عرفت دكتور حسين ع انو هوه اخو قيصر وفهمتني شنو نوع علاقته بيهم والصراحه الولد مبين علي محترم بس رفل ماحسيته مرتاحه بوجوده عاد صبو الغده وتجمعو ع الطاوله الجبيره المخصصه للخطار صار كعدتي يم قيصر وهوه ولااتفاعل بل جان مدنك ع ماعونه ولااتحرك اني جنت متقيده ومامرتاحه مامتعوده اكل ع ميز رفل كاعده بصفي تاكل كوه والابتسامه راحت تعجبت من منضرهه ماجنت متوقعتهه هيج كلت اكيد صاير شي الولد الخطار كبال رفل كعدته وجان مدنك وهم كوه ياكل عمو وعمتي يسولفون ويضحكون حلوو جوهم الله يديمهم يمكن تكولون شكد ادققين ع العالم بس هوه بطبيعة الانسان من يروح مكان جديد يحب يستكشف كلشي المكان واطباع العالم الراح يعاشرهم
5 ت
الولد كملو اكل وكامو وعمو ورا شوي لحكعم عمتي كامت تحضر الجاي عاد اباو لرفل دمعته وكعت بماعونهه ودنكت وهيه مخنوكه تعجبت من منضرهه شنو الصاير ماادري
رفل شبيج بيج شي صاير شي وضعج ماعاجبني هستوج الصبح خابصه الدنيه شقه وونسه
رفل
، ،،،،،،،،،،،،
شكرا لزيارتكم عالم روايات سكيرهوم
