رواية العائد الفصل الرابع بقلم اسماعيل موسي
انا هنا يا عمى هكون عندك بعد وقت قليل..
_كنت فين يا أدهم يا ابنى قلقتنى عليك ؟
آسف
كنت باخد شاور وشردت شويه هكون عند حضرتك حالا
____
داخل صالة الأفراح
... ايه الشياكه دى كلها ؟ همست مروه صديقة بتول عندما لمحت أدهم داخل قاعة الافراح، جوزك يجنن..
رفعت بتول عنيها بغيظ ،ولما أدهم وقف جنبها، همست بغضب، انت كنت فين، تأخرت ليه ؟
أدهم... اسف بتول، الوقت سرقنى
بتول بغضب __ الوقت يسرقك يوم جوازنا ؟ احمد ربنا اننا وسط المعازيم والا كان هيبقى ليا تصرف تانى..
أدهم __ تصرف ايه ؟
بتول بدهشه من سؤاله ،تصرف هيزعلك
أدهم ___ايه الطريقه دى ؟
لاحظ والد بتول التوتر، دخل وقف بينهم، افردو وشكم ،إلى يشوفكم يقول اعداء مش اتنين بيحبو بعض فى يوم فرحهم ؟
انطلقت الزغاريد والطبل والموسيقى ،وتمايلت اجساد الحسناوات على نغمات الاغانى، تلقت بتول تهانى وقبلات صديقاتها ،بينما جلس ادهم وحيد، لا صديق ولا عائله
أصرت الفرقه الموسيقيه ان يرقص العرسان فى الصاله
أدهم امتنع ،همس لبتول انه ميعرفش يرقص ،لكن بتول أصرت ان أدهم يرقص معاها، بلاش تحرجنى قدام صديقاتى ،حتى دى مش هتقدر تعملها!؟
رقصت بتول، ورقص أدهم ،لكن مش بالطريقه إلى توقعتها بتول، أدهم رقص على طريقته ورغم قسمات وشه التعيسه
العيون كلها كانت مصوبه عليه، حتى والد بتول لما قرب منه همس فى ودنه مكنتش فاكر انك عيل شقى كده ؟
ولأول مره تشعر بتول بالحماسة، وعيون صديقاتها بتراقب أدهم باعجاب لدرجة انها كانت بتحاوط أدهم وبتلاحقه فى كل مكان وكأنها بتقول دا جوزى او كأنها ترفض ان يجذب احد الانتباه سواها، رقص أدهم بأتقان وخجل وجنون فى ليلة وفاته.
انتهت الحفله وش الصبح وودع المدعوين العريسين إلى ركبو عربيه وانطلقو ناحيت شقة الزوجيه
فتح أدهم الشقه لبتول، اتفضلى !!
_بتول ايه مش ناوى تشيلنى ؟
أدهم دى كانت موضه قديمه لكن لو حابه اوك ورفعها بين ايديه ودخل بيها الشقه...
أنا هدخل اخد حمام، جسمى كله بينز عرق ،الشقه ملك
بتول بخجل حاضر
لما خرج أدهم من الحمام بتول كانت ماسكه تليفونها ،بس أدهم مسألش ولا اهتم ورغم ان ايدها ارتعشت والتليفون بعد عن وشها بسرعه مقلش حاجه.
أنا كمان هدخل اغير هدومى !!
همس أدهم بأبتسامه ماشى،خرج أدهم للشرفه ودخن سيجاره ،حس بالقلق من إلى جاى، شعر انه مش هيقدر يعمل حاجه، لما سمع باب الحمام بينفتح اخذ نفس عميق ورجع على الصاله..
بلباس ضيق خفيف استقبله عطر بتول المميز، رائحة الصندل مخلوطه مع بذور اللاوركيد ،كانت جميله، جميله إلى حد يشعرك بالحماسه ،احنا هندخل ننام ؟
أدهم... اه اكيد هنام
دخلو غرفة النوم وانغلق بابها نزع أدهم ملابسه وتسلل ضوء الشروق على السرير... ممكن نأجل الموضوع دا شويه يا أدهم ؟ حاسه انى مش مستعده؟ ابتعد أدهم عنها، مفيش مشكله، الفرح كان متعب، خلينا ننام
