 |
رواية اجهاض حب الجزء الثاني الفصل الرابع بقلم اميره موسي
بعد ما ادهم خلص مع المحامي و قوات الامن و استلم ارضه و نص الدوار اللي قاعد فيه راضي و قمر
ولف ادهم حوالين الارض و عرف نصيبه اوله اي واخره اي
و بعد كدا راح الدوار و لف حوالين منه و عرف يخصه اي
ونصيبه اي في الدوار و الجنينه اللي قدامه و الاستراحه
وبعد كدا دخل ادهم لدوار و قابل راضي في وشه
ادهم : ازيك يا راضي عامل اي الحمدلله ان جت فرصه نتقابل و اشكرك على موقفك ووقفتك اللي عملتها معايا زمان .. و معرفش انت عملت كدا جدعنه منك و لا توجيهات من ابوك و اخواتك .. بس انا هتعامل معاك بحسن النيه و هفترض لك حسن النيه .. انا دلوقتي المفترض مالك لنص الدوار ده .. ف شوف انت واختك عايزين الدور الارضي و لا الدور اللي فوق
راضي : انت بتقول اي ازاي هتسكن معانا في نفس الدوار واختي معانا كيف يعني هتعيش معانا في نفس البيت و في حُرمه هو مفيش نخوه عندك !!
ادهم : نخوه !
و كانت فين النخوه و الشهامه لما اخواتك قتلوا نور
كانت فين النخوه لما ابوك و اخواتك حبسونا هنا
كانت فين النخوه لما كان كل همكم الارض بس اقولك انا كنت محترم و طيب بس للاسف الطيب مينفعش معاكو الطيب دوستوا عليه و معملتوش اعتبار لدم و لا للقرابه ولا حتى دين ورحمه .. فمن هنا ورايح هعاملكم بمعاملتك مش عندكم في الصعيد اللي له تار و حق بياخده ! ولف ادهم وشه و بص نحية قمر : اللي اخواتك عملوه ف نور انا هعمل زيه و اسود يا ولاد شرف
راضي :واضح اني كنت مخدوع فيك .. و عموما كويس ان نواياك واضحه من الاول
قمر : يلا بينا يا راضي متعصبش نفسك
ادهم : استني ي حلوه انتي وهو لسه مخلصناش .. شووفو هتختارو الدور اللي فوق ولا اللي تحت
ولا اقولكم هختار انا .. هاخد الدور الارضي بتاع ابوكم
راضي : انت بتتعدى حدودك وبدخل نفسك في طرق و حورات انت مش قدها .. بس تمام انا عذرك و بقول الحق معاك .. لكن وربي لو اتعديت حدودك تاني لكون ناسفك من على وش الارض
ادهم قرب من راضي اوي وقاله : تنسفني انا !! كويس و الله بس قبل ما تنسف وانسف انا بحكم المحكمه ليا نص الدوار دا و ٢٥ فدان غير الاحكام النقديه اللي على ابوك واخواتك و التعويضات و مش هسيب منهم جنيه و الارض انا استلمتها و حر فيها و هكمل زرعتها وانت من بكرا اللي ماجر لهم او مشاركهم خليهم يشيلوا اديهم
راضي : انت بتتعدى حدودك اوي ودا هيزعلك مني!
ادهم : هو اللي يطالب بحق ف الزمن دا يبقى بيتعدى حدوده عموما .. اللي عندك اعمله ويلا من غير مطرود سيبوني ارتاح ف بيتي
..
طلع راضي و قمر لدور التاني و راضي كان دمه بيغلي و بيفور وقمر حاسه بده
راضي : شوفتي ال كنا بنقول عليه طيب
قمر : متزعلش نفسك هو بيحاول يستفزك عشان يوقعك ف الغلط .. انا مشوفتش حد غتت ومستفز كدا هو في كدا كدا
راضي : الواضح اني كنت مخموم فيه
قمر : هو شكله رخم اصلا و غتت بس انا برضو عذؤاه اللي رضوان عمله فيه كان صعب
راضي : طيب من هنا ورايح خودي بالك ان الزفت دا معانا ف البيت و شكله جاي و نيته وحشه
قمر : و الله دا يبقى بنادم معندهوش دم لو يقبل على نفسه انه يعيش معانا
راضي : سيبيها على الله
على جانب اخر . ..
جابر : شوفت ال حصل يا ابوي
سلمان : في اي
جابر : النهارده جت قوات الامن و سلموا ارض عمي لواحد من مصر اسمه ادهم
سلمان : ادهم ادهم مين ده
جابر : جوز نور بنت عم محمود اخو عمي شرف
سلمان : كيف يعني ازاي يعني ابن المركوب دا لواحده بلع اكتر من ٢٥ فدان و نص الدوار ازاي يعني !
جابر : بيقولوا معاه حكم محكمه و نفذه و استلم
سلمان : ابن المركوب دا ضيع علينا ٢٥ فدان
جابر :و مين قالك اني هسيبهم له انا هشفط ارض شرف و بعدها اتسلى بده و يبقى يقابلني لو اتهنى بشبر واحد منها
سلمان : المهم دلوقيت تروح لراضي ابن عمك و تقوله يرسى هو واخته على ميعاد عشان نعمل الفرح تمام
جابر : حاضر يابوي ومشى جابر راح ل راضي
وصل جابر الدوار : وخبط محدش فتح رن على راضي و نزل له راضي يفتح له
راضي : اتفضل يا جابر موضوع اي المهم
جابر : يذيد فضلك و دخل لدور تعالى نتكلم جوه
دخل راضي و قعد مع جابر في الصاله تحت
جابر : ها يا راضي فرحنا امتى
راضي : تاني ي ولد عمي احنا مش اتكلمنا قبل سابق
جابر بصوت عالي : واضح انك بتنسى انا قولت اي بس لو بتنسى افكرك انا اخر مره قولت الموضوع انتهى و عشان تبقى عارف اختك محدش هياخدها غيري ولا هتتجوز غيري ولا طالعه من البيت غير بامري وانا قدرتك من الاول بس واضح انك مينفعش معاك تقدير و حلال فيك اللي كان بيعمله رضوان فيك و سهله انت وقعت مع اللي اسود منه واختك هاخدها ولو على موتك
راضي : لا بقولك اي انا المره اللي فاتت سكت و قولت ساعة غضب و هتراجع نفسك و تهدى انت اي يا اخي مبتفهمش قالت لك مش عايزه
جابر : هي تقول انت تقول انا كلامي معاك منتهي يناسبك اول الشهر ولا هتنسى دي كمان
راضي : انسى واضح انك مبتفهمش
جابر بضحكه مستفزه : هعديها يا ابو نسب
قمر نزلت من فوق على صوت جابر و راضي
قمر : في اي يا راضي صوتكم عالي
جابر : فهم عروستنا يا راضي
قمر : عروسة اي في اي يا راضي
راضي : ابن عمك جي يهددني و عايز الفرح اول الشهر الجاي
قمر : فرح اي انت مبتفهمش ي جدع انت مش عايزك قولتلك نيتك واضحه وباينه انت لا حاببني ولا عايزني انت بدور على الارض و بس
انتوا اي يا اخي مفيش دم خالص حل عني و خلينا اخوات واهل احسن
جابر : طيب حلو اوي انا قدمت الخير و اتعاملت بالاصول بس من هنا و رايح مفيش اصول
قمر : اصول هو انتوا تعرفوا حاجه عن الاصول
على جانب اخر ..
ادهم كان نايم و سمع دوشه و صحى على صوت زعيق جابر مع راضي و قمر وطلع لهم ادهم ..
