رواية الضابط واليتيمة الفصل الرابع 4 بقلم مجهول

 (من سجن لسجن3)

اني جنت بالدورية الي اخذنا بيها مينا للمركز وبهل اثناء دك تلفوني

- السلام وعليكم 

- هلو ماما شلونك 

- هلو عيني

- شنو ماما نسيت 

- ها يمة شكو خير 

- شبيك مو عساس اليوم ام مروان وعائلتها يمنا عزيمة 

- يمة مشغول عندي حالة هسة واني مسؤول التحقيق 

- ماما ميصير عيب من الجماعة تعرفهم شكد يعزوك لازم انت موجود وانت تعرف ابوك مسافر منو يستقبلهم واخوتك صغار. ثنينهم 

- ماشي ماما احاول 

- لا لتحاول تعال 

- تامرين مع السلامة 

هاي شلون هسة دكيت على صديقي حسن 

- هلو حسوني شلونك 

- هلو عيني ماطول حسوني يعني عندك طلب كول عيني 

- بس عندي حالة سرقة مسؤول اني على التحقيق وما عندي مجال الها 

- جبيرة لو صغيرة 

- خدامة بايكة الذهب عساس ملكينة دليل غير اقوال اهل البيت عساس بس هية جانت بالبيت 

- تدلل بسيطة هاي 

- تسلم جايتك الحالة 

- ماشي بيباي 

رحت اتسوك للبيت 

- يمممة يوووم ريهام رهومة 

- ها عيني 

- هلة يابة اليوم رهومة شنو لتكلي اكويلي ملابسي 

- هههههههه اي والله اريد الدشادشة الرصاصي كتكوتتنة

- هههههههه تدلل عيني 

- هاي شنو وليد ناسي البصل 

- يلى يمة دبري نفسج راح انام واكعد بالاربعة

اجوي الناس وخلصت العزيمة اجاني اتصال 

- ها حسوني 

- يمعود وليد متقبل تعترف 

- اني كتلك تعترف كتلك حقق يجوز مو هي 

- المهم اني هم صار عندي غير قضية ولا زم اروح 

- اوك اني اليوم اروح اكمل التحقيق

وصلت للمركز وسلمت على الكل ورحت لغرفة التحقيق 

طبيت للغرفة وشفتها بالكاع ومغطية راسها بشعرها شكلها يخوف

طب الضابط نفسة الي شفتة الصبح وجان شكلة مصدوم اتقرب علي ما اعرف ليش بس كلش خفت وبديت اعيط 

لتضربوني ما بگت والله ما بگت 

من شفت هيج حالتها لزمت ايديها الاثنين 

- اشششششش اهدئي ما اضربج صدكيني بس اهدئي 

رفعت راسها وشفت وجها عبارة دم وورم وجروح عرفت حسن امسوي هيج بيها كومتها وكعدتها على الكرسي وطلعت من الغرفة 

- جيبولي اسعافات اولية 

- حاضر سيدي 

رجعت طبيتلها جانت هادئة جبت كرسي وكعدت مقابيلها رجعت شعرها ليورة وطلعت المطهر وعلكيفي احطلها راسا وخرت راسها حطيت ايدي بمؤخرة راسها وثبتتها وعقمت وحطيت لزكات الجروح 

لميت الغراض وسديت الجنطة رجعت الكرسي لمكانة وكعدت مقابيلها 

- منو سوة بيج هيج 

- هذا الضابط وبصوت ناصي الحقير 

- اوك الضابط الحقير 

- ها 

- ههههههه المهم ما ضربوج بجسمج مو 

- لا 

- تكدرين تحجين مو يعني اكدر احقق وياج هسة

- اي وفجاءة صوت بطني باوعت علي ابتسم 

طلع تلفونة 

- جيبولنا اكل لثنين لغرفة التحقيق 

انكمل التحقيق على ما يجي الاكل

الفصل الخامس من هنا