رواية الشيخ سلطان الفصل الرابع بقلم زينب نور
شمس
كعدت العصر على حركة هيا كعدت وتريد تنزل من الجربايه
كعدت وياها غسلت كولتلها ابدل وانزل
طلعت ثوب ميديم طوله لونه احمر بدون ردن ولبست فوكاه ستره كابوي ولفيت شعري عالي وكدتها وطلعنه من الغرفه اول ماطلعنه صار سلطان بوجهنه جان طالع من غرفته لابس دشداشه بيجي ولاف راسك بشماغ مثل ماهمه يسمونه لونه جوزي وسبحته بيده. وعطره القوي نفسه باوع عليه من فوك ليجوه ودنك على هيا باسها وشالها
سلطان/هلا بحبيبت ابوها
يبوس بيها ويمشي كدامي وهي حاضنته من ركبته
نزلت طبيت للاستقبال لكيت الحجيه كاعده كعدت يمها ورا شويه كامت تصلي اباوع عليها اتذكر بابا جان يصلي هم بس مااعرف شلون يصلون ولا مره كولتله علمني يمكن لو كايلتله علمني جان علمني
ومشى اليوم هم طبيعي مثل كل يوم كعدنه نتعشه والكل موجود كاعد جان مسوين تمن. ومركه. وهم تشريب بقيت اكل شويه واحس نضرات ايه اليه مزعجه حسيتها علمود لبسي يمكن
كولت للحجيه
خاله اكو مركز تسوق قريب عليكم
غسان/باوع على سلطان. وابتسم
الحجيه/ شمحتاجه يمه
شمس/محتاجه ملابس
زينب/ياخيه گـِْـِْلِْ هل ملابس العندج كومه ترستي الكنتور ومحتاجه بعد
شمس/لا اريد اخذ شي قريب على لبسكم يمكن لبسي مدا يناسبكم وباوعت على ايه
الحجيه/يمه الملابس ناخذهن من السوك. مومن الاسواق
يمه غسان اخذها باجر مادام جمعه وماعندك شغل
ايه/خاله موتدرين باجر اريد اروح لاهلي وغسان وياي
الحجيه/جا يمه سلطان اذا ماعندك شي اخذها لبت عمك
سلطان/اذا ماعندي شغله تطلع عود الله كريم
شمس/حسيت بثقل عليهم
زين عًـًـًآدًيً انطوني العنوان ع الجي بي اس بس انطوني سياره واني اروح
سلطان/باوعـ👀ـت عليها ورفعتلها حاجبي ومن شوكت عدنه نسوان تسوق سياره
شمس/اسفه بس حسيتكم مشغولين كولت عادي اني اروح
سلطان/كملت اكل كمت كلت سفره دايمه انشالله
وحجيت وياها بدون مااباوع عليها
باجر العصر تحضري اخذج
شمس كملت العشه وصعدت لغرفتي اتصلت ب انس
بقينه نحجي سـَـــاعْـ⌚ـــٰه
بعدها تفرجت تلفزيون ونمت
كعدت ثاني يوم نزلت لكيتهم كولهم كاعدين بالمطبخ
شمس/صباح الخير
الكل/صباح النور
الحجيه/ها يمه اليوم كاعده متاخره يله اكعدي اتريكي ويانه
شمس/شكرا مااشتهي بس كوب حليب اريد
زينب/اي هسه اسويلج
شمس/لاحبيبتي ابقي مرتاحه اتريكي اني اسوي بس ﯙيـن الحليب والشكر
اشرتلي دلتني مكانهم
خليت مي بالدله والحليب والشكر ردت افتح الطباخ ماعرفتله كامت زينب فتحته ورجعت خليت ع النار جبت كوب وصبيته
حمزه/عمه صبيلي وياج حليب
شمس/اي حبيبي تدلل
صبيتله كوب وشويه كاسرته. بمي كولتله لان حار اهاف تنجوي خليته كدامه. وبسته. من خدمه اخذت كوبي
ووكفت اباب المطبخ اشرب واباوع على الحديقه
حمزه/شرب الحايب والله طيب هذا الحليب مسويته
شمس/ابتسمتله وكوتله عافيات ع قلبك
سلطان/اباوع عليها تسوي حليب وابني يكلها عمه وياج كوب ولنوب يكلها والله طيب بكلبي ايا لوكي هو حليب شـنــ😳ـي ولك حمزاوي اول مره تشرب حليب
وتبوس بي
مستفاد بويه هسه لو بعمرها جا اخذتها الك
كملنه ريوك وطلعنه انه وابويه رحنه لواحد من الشيوخ. مسوي عمليه ورحنه نسلم عليه
ايه/يله غسان راح اصعد اتحضر واحضر الجهال حته نروح
غسان/يله ماشي
زينب/بقت تنضف بالمطبخ وتغسل مواعين اشوفها على طوب بالمطبخ هي الي تطبخ وهي الي تنظف وتغسل المواعين ايه كولشي متسوي او تسوي شي قليل انقهرت عليها كولتلها اساعدج
زينب/لاحبيبه منريد انتعبج
شمس/بس انَـَتي دا اتعبين هواي وتقريباً گـِْـِْلِْ وقتج بالمطبخ ليش
زينب /متعوده خيه هاي صار اسنين على هالشغل متعلمه
شمس/انتي اقاربهم لوغريبه
زينب/انه غريبه تزوجت الشيخ سلطان بسنه 2007
ابوي انطاني هديه الهم
شمس/فتحت عيوني هديه شلوون يعني
زينب/حجيتلها كولشي شلون انهديت وشلون سلطان مااتقلبني وصار سنين وياه مايوم كلي كلمه احبج ولاحبيبتي اكثر شي يكلي باسمي لو عيوني بس ومن يكلي عيوني اكيف افرح
سلطان من لبدايه اول يوم زواجنه كال اني وياج مانتوالم كلت حقه هو مهندس وانه حته اسمي مااعرف اكتبه اميه
وسولفلي شلون يحب وحده ومارادته لان اخذني بس امه هم شنو ذنبي وابوي الله يرحمه انطاني هديه الهم
بقيت بخدمته وخدمه الشيخ والحجيه لان كلش يحبوني ومايوم سمعوني حجايه تغثني
وخصوصاً انه ماعندي احد بعد ابوي وامي توفو واخوتي كلمن حاير بعيشته وبعائلته اخوات ماعندي
وسلطان ممقصر وياي بشي الله يحفضه بس عازل نفسه عني هو يحب ينام وحده ميحب احد يشاركه بفراشه ولابغطاه هو هيج كلي واني اتقبلت هالموضوع
مرات كل شهرين او اكثر يجي ينام يمي بالغرفه والحمدالله عايشه بـﺨـيـﺮ اهم شي اشوفه سالم وفوك راسي وراس جهالي
شمس/اسمعها ودمعت عيوني عليها كولش انقهرت اني حته مااشوفها تكشخ او تمكيج عكس ايه 24 سـَـــاعْـه كاشخه وامكيجه
يجوز اذا كشخت وبدلت راح يغير مشاعره اتجاها ويعاملها طبيعي كأي زوجين
هي 24 ساعه بالمطبخ لو تطبخ لو تنضف حته ملابسها كولهن ريحة طبخ وزيت
و24ساعه لافه روحها بالحجاب مبينه اكبر من عمرها
كملت التنضيف بلشت تسوي غده
كولتلها
خلي اساعدج ع لاقل اسوي سلطه يعني مو قويه بالطبخ بس اعرف اسوي اكلات يعني مو مثل الي تطبخيهم انتي بس اعرف اسوي سلطات ومعجنات وحلويات فطائر وبيتزا وكيك هيج شغلات اعرف اسويهن
فتحت الثلاجه. طلعت خيار وطماطه ولهانه. وجزر وبقيت اسوي سلطه
وهي طبخت تمن احمر وسمج. بالفرن سوت وطرشي ولبن نصبنه الاكل واجوي تغدو. الكل موجود بس ايه وغسان. واطفالهم ماكو
كملنه غده السمجه حہآ☀️رهہ حيل بقيت اكلها بالخاشوكه
سلطان/اباوع عليها شكد نازكه وحته السمج. بالخاشوكه تاكله ولكمها اصغر حته من لكم هيا
عبالك طفله
كملنه غده كلتلها
شمس تحضري بعد ساعه نطلع اخذي احتياجاتج
شمس/تمام اصعد اتحضر وانزل
صعدت فتحت الكنتور طلعت ثوب شويه جوه الركبه طوله كابوي وفوكاه ستره ثاث ردن
وحذاء رياضي ابيض وشديت شعري عالي خليت مكياج. خفيف و اخذت جنطتي ونزلت كاعده بالمطبخ يم زينب شفتها كملت كولتلها ليش متجين ويانه
زينب/يااا خيه وين اطلع انه مااطلع
شمس/وليش متطلعين شنو مو بشر انتي يله روحي بسرعه بدلي وتعالي حابه اخذ ملابس على ذوقج
هنا طب سلطان لابس بنطرون اسود وقميص ابيض
بقت زينب تباوع عليه وشكلها خايفه
شمس/يله. زينب تحضري وتعالي بسرعه
سلطان/شنو وين زينب تتحضر
شمس/اريد اخذها ويايه
سلطان/باوعت على زينب مكيفه تريد تروح انقهرت عليها كلتلها يله صعدي بدلي وتعالي
زينب/ياا صدك شيخ اروحن وياكم هسه مااتخابربسرعه البس عابتي واجي
شمس/ابتسمت. كمت دااطلع. وسلطان. كال لحضه لحضه
سلطان/اباوع اللبسها هسه بدون حجاب وكلنه. ميخالف ممتعلمه بس طالعه وياي ومطلعه رجليها ولنوب جنهن كيمر يجذبن النضر
ماعندج غير هالبس هَََـٰـّذْٓا👈
شمس/باوعـ👀ـت على ملابسي وكولت ليش شبي لبسي
سلطان/مو كصير ورجلج طالعه
شمس/راح البس بنطرون لعد
صعد طلعت بنطرون ازرق وتيشيرت ربع ردن اسود وي الحزام ولبست ستره كابوي ثلث ردن فوكاهن
نزلت لكيت زينب نازله لابسه عبايه على راسها وواكفه يم سلطان
سلطان/اباوع عليها لنوب شلبست بس تتحرك يطلع ضهرها
كلت استغفر الله ربي شراح يفضها وي هاي اول تالي اني اطلع. وي بت وهيج لبسها
شمس ارجعي لبسي الي جنتي لابسته بويه خلي رجليج ولاضهرج يطلع
شمس/ضجت حيل ولامعوده احد هيج يتحكم بلبسي
كوتله صار امرك.
صعدت رجعت على لبسي ونزلت طلعنه صعدنه بالسياره كعدت ليوره وزينب يمي صعدت كولتلها اصعدي ليكدام يم زوجج
سلطان/اباوع عليهن بالمرايه واشوفها فتحت عًـٍُُيُِِِِونها لزينب تكلها اصعدي يم زوجج هنا صحت ام حمزه تعالي يمي اكعدي
زينب/فرحت حيل يعني هذا ابسط شي ويفرحها شكد خطيه قررت اغيرها واخليها تهتم لنفسها
صعدت يمه ليكدام
طلعت مناضري ولبستهن اباوع على الشوارع اول مره اطلع بالبصره
سلطان/كلت بكلبي هاي لبسها مو مال سوك خلي اخذها للمول أحـسًٓـن
وصلنه للمول نزلنه
طبينه طلعت فلوس كولت لزينب هذني شوفي شمس شمحتاجه تاخذ وانتي اذا ردتي شي الج او للجهال اخذي
شمس/شكرا اني عندي فلوس اشكرك
فتحت لمحفضه طلعت 200 دولار كوتله وين لصرف هنا لان ماعندي عراقي
سلطان/ضمي فلوس واخذي هذني هسه
شمس/بس كوتلك عندي وممحتاجه احد يصرف عليه
عفته. ومشيت باتجاه محل مال ملابس
سلطان/رفعت حاجبي وطلعت عنيده هم وعافتني وراحت خووش والله
زينب اخذي هذني اذا عجبج شي اخذي وانه راح اصعد فوك اشرب نركيله كملن وخابرني
زينب شلون اخابرك
هنا اجتي شمس. كالتلها زينب عود من نكمل ونخابر على الشيخ من تليفونج
شمس/تمام بس ماعندي رقمك
سلطان/رديتلها الرقم مالتي كولتلهم شويه مو تتاخرن
صعدت فوك نزلت جاي ونركيله بين مايخلصن
شكرا لزيارتكم عالم روايات سكيرهوم
