رواية ملاكي المجهول الفصل الرابع
مراد بصلها بصدمه وهو مش مصدق نفسه:ا انتي
ملاك بصتله وبقت ترجع ل ورا بخطوات بطيئه وبخوف وهو بيتقدم ناحيتها لحد ما وصلت لآخر المطبخ وقرب منها مراد وهو مازال مش مصدق
ملاك بخوف:ل لو لو سمحت ابعد شويه مينفعش كده
مراد فضل باصصلها وساكت ومره واحده شدها مراد ل حضنه جامد وكأنه بيدخلها جوا ضلوعه واستنشق ريحة شعرها الجميل واتكلم بصوت هامس:انتي متعرفيش انا قعدت قد اي عشان الاقيكي انتي ليه مصممة تعذبيني في الحقيقه وفي الخيال.
ملاك كانت مصدومه اتسمرت مكانها من التوتر لكن فاقت وبعدته عنها بسرعه:ا انت اي الي انت عملته ده
بصتله بدموع وخوف منه:ا ابعد عني ابعد عني بقولك
مراد بعد وهو رافع ايده عشان ميخوفهاش:اهدي اهدي انا بعيد اهو اهدي
ملاك رفعت صباعها ف وشه:ا اوعا اوعا تقرب مني بالشكل ده مره تانيه انت سامع يا اسمك ايه..
مراد ببتسامه جذابه:مراد+لا مش سامع يا ملاك
ملاك بصدمه:انت عرفت اسمي منين
ضحك مراد على منظرها:ليا طرقي الخاصه يا..ياملاك وغمزلها
اتوترت ملاك وحاولت تداري ابتسامتها:ابعد عني عايزه اخرج
مراد:ولو مبعدتش!
وابتدا مراد يقرب منها مره تانيه
ملاك بتبعد وهو بيقرب هو مش مصدق انه لقاها هو نفسه يخبيها ف حضنه خايفه تضيع منه مره تانيه وميعرفش يلاقيها!!
اول ما قرب لقا قلم نازل على وشه من ملاك الي اتصدمت من الي عملته
بصلها مراد بنظرات مرعبه خلتها تطلع تجري على الي قاعدين برا بسرعه
استغربوا كلهم وبصلها ادم وقام وقف لما لقاها خارجه عليهم بالشكل ده:مالك ياملاك في اي
راح مراد وقف وراها ولحقها قبل ما تتكلم:مفيش اصل دخلت المطبخ مره واحده ف هي اتخضت بس
زين بستغراب:وهو الي بيتخض بيطلع يجري بالشكل ده
نغزه مراد في كتفه:اخرس انت
ادم:اتكلمي ياملاك في اي
ملاك بتوتر:ها ل لالا مفيش انا طالعه
جريت ملاك على فوق
وكتم مراد ضحكته على شكلها
زين ضحك:لا بس مزه اوي فعلا يا ادم
ضربه مراد جامد:لم نفسك ياحيوان
استغرب ادم وزين ونهاد من ردة فعله ف ارتبك مراد:ع عيب يعني قصدي عيب تتكلموا كده على بنت…يلا يازين نمشي احنا بقا
زين:طب والقهوة
مراد بغيظ:امشي يازفت
نهاد:مستعجل ليه ياواد انت وهو
زين:والله يانونا مش مستعجل هو…
خبطه مراد بغيظ من غبائه ف كمل زين:ا قصدي اه عشان الشغل بدري بقا
مشيوا زين ومراد بعد ما سلمو على نهاد
عند ملاك فوق
طلعت بسرعه على اوضتها ودخلت وقفلت الباب وراها ووقفت تتنفس وهي حاطه أيدها على قلبها تهدي ضرباته السريعه:اهدي ياملاك اهدي محصلش حاجه
سكتت للحظات وهي بتفتكر حضن مراد ليها وغصب عنها ابتسمت بخجل ولما حست ببتسامتها كشرت بسرعه:اي الهبل ده انتي لازم تنامي دلوقتي قبل ما تتجنني ياكوكي
عند زين ومراد راح مراد مع زين على شقته وطلعوا
زين ممكن بقا تفهمني في اي
مراد ببتسامه جميله:لقيتها يازين
زين بنظرات مضحكه:مين دي ياخويا
مراد:الحورية الي بتجيلي في أحلامي..
زين بغباء:لقيتها فين دي
مراد خبطه ف كتفه:صحصح معايا يازين هو انا روحت فين انهارده غير عند نونا
زين بنفس الغباء بصله بصدمه:اي قصدك نونا هي الحورية!!!!
مراد ضربه على دماغه:نفسي افهم امك كانت بتتوحم عليك ف اي ياخي مش معقول الغباء ده
زين سابوا من اصل الموضوع وبص ل فوق بتفكير:مممم اعتقد كانت بتتوحم على كوارع…ممم لالا بامية باللحمه….تصدق مش فاكر!!!
مراد ضرب على دماغه بفقدان أمل:يعني يوم ما اطلع بحاجه في الدنيا اطلع بالبني ادم ده ياربي…اللهم لا اعتراض….ياغبي افهم الحورية الي قصدي عليها تبقا ملاك
زين شهق بصدمه: هههءءءء ايييه!!لا لحظه ملاك مين؟
مراد قام وقف بسرعه يمشي قبل ما يحصله حاجه
زين شده:اقعد بس اقعد قصدك ملاك الي ادم اتكلم عليها
كشر مراد بغيرة:اه الي الحيوان ده اتكلم عليها بس والله لاربيه
زين بعدم تصديق واتكلم بجدية:بس مستحيل يامراد ازاي مخدتش بالي وافتكرت الصور الي ورتهالي ورسمك ليها هي فعلا نسخة من ملاك
مراد بنبساط:مش مهم المهم اني لقيتها ومش هسيبها تضيع مني تاني ابداً
زين خبط على كتفه بفرحة عشان صاحبه واخوه:ربنا يبسطك ياحبيبي بس ازاي هتعرفها كل ده وهي ازاي هتفهم
أتنهد مراد بحيرة:مش عارف يازين بس هتتحل انا متاكد المهم عندي اني لقيتها
روح مراد بيته وغير هدومه ونام على سريره وهو باصص للسقف ببتسامه:لقيتها تاني القدر مصمم يجمعني انا وانتي يا ملاك
عند خالد كان قاعد في مكتبه وماسك صورة ل ملاك وهي بتضحك بعفوية وواقفه جنب حصان شكله جميل:ليه مشيتي ياملاك ليه
كمل وهو بيبص للصوره بحقد وتعلُق مجنون:ياتبقي معايا يا مش هتعيشي ياملاك هقلب الدنيا عليكي ومتأكد اني هلاقيكي
في مكان جديد
شخص 1:هنفضل لحد امتى هنا
شخص2:مش عارف…انا مش فارق معايا نفسي انا الي خايف عليه هو انتي
شخص1 اتكلم وهو بيبكي:احنا لازم نخرج من هنا كفايه الي حصل كفايه أننا خسرنا كل حاجه ف حياتنا
شخص2:متخافيش هانت هانت بإذن الله
تاني يوم عند ملاك صحيت من النوم على صوت حد بيخبط على الباب اتعدلت من مكانها:ادخل
دخلت الدادة نوال مبتسمه:صباح الخير ياملاك هانم
ملاك ببتسامه جميله:صباح النور يادادة
نوال طلعت موبايل وادته ل ملاك:اتفضلي
ملاك بستغراب:اي ده ياداده
نوال:ده موبايل يابنتي
ملاك:عارفه انه موبايل بتاع مين يعني
نوال:خدي بس في حد على التليفون ردي وهتعرفي
مسكت ملاك الموبايل وخرجت نوال وقفلت الباب وراها
ملاك بصوتها الرقيق:الو
مراد ببتسامه عاشقه:والله احلى الو بسمعها
ابتسمت ملاك لما عرفته من صوته:نعم
مراد:نعم اي
ملاك بتمثيل للجديه: اتصلت على فكره يعني اكيد في سبب
مراد بتوهان:ها اه اه انا قدام البيت ياريت لو تلبسي وتنزليلي نتكلم شويه
ملاك وقفت بسرعه بصدمه وراحت ناحيه البلكونه تبص لقته واقف وساند على عربيته وهو لابس نضارته الشمس وشكله جذاب:انت اي الي جابك
مراد رفع حاجبه بستغراب:نعم!!
ملاك:قصدي يعني اي الي جابك دلوقتي وليه عايز تتكلم معايا انا مش فاهمه انت ليه مركز معايا اوي كده ومش سايبني في حالي
مراد:عشان كده عايز نتكلم عشان افهمك.
ملاك باستسلام:طيب هلبس وهنزل
قفلت ملاك ودخلت اوضتها لبست بنطلون جينز فاتح وشيميز ابيض ورفعت شعرها بشكل عشوائي جذاب ولبست شوز ابيض ورشت برفانها الساحر ونزلت على تحت
قابلت ادم ف وشها واستغربت ليه جاي بدري كده:ادم..صباح الخير
ادم ببتسامه وتوهان من جمالها:صباح الجمال
ملاك بصت للأرض بخجل وهو كمل:لابسه كده ورايحه فين
ملاك برتباك:ها اه رايحه مشوار كده وراجعه على طول
ادم بياخد مفاتيح عربيته وبيقول:طب يلا اوصلك
ملاك بسرعه:لالا شكرا انا حابه اروح لوحدي
ادم بستغراب:طيب الي تشوفيه
خرجت ملاك وبيبص ادم ل طيفها ببتسامه:شكلي حبيتك ياملاك…
عند مراد بيبص في ساعة ايده ورفع عينه لقا الحورية الي خطفت قلبه في أحلامه ودلوقتي بتخطف قلبه وعقله وكل كيانه في الحقيقه
ملاك ببتسامه لطيفه:صباح الخير
مراد ببتسامه تايهة:ده احلى صباح اقسم بالله
ملاك بخجل:ط طيب ممكن نمشي عشان ادم جوا ومش عايزاه يخرج يلاقيني واقفه معاك كده
مراد بغضب وغيره:ما يخرج ويشوف هو ولا ولي امرك ولا حتى يعرفك…
ملاك بستغراب من هجومه الي بدون أسباب:على فكره مش قصدي بس هو قالي اوصلك وانا قولتله لا ولو خرج لقاني واقفه معاك هيزعل وهيفتكر اني رفضت عشان انت توصلني
مراد عقد حواجبه بغيره شديده:و دي الحقيقه على فكره يلا اتفضلي على العربيه
راحت ملاك ناحية الباب وفتحلها مراد وقعدت وهو قعد على كرسي السواق واتحرك
على كافيه وسط النيل قعدت ملاك ومراد قعد قصادها ركز مع ملاك الي بتبص للنيل وسحبت نفس وهي بتغمض عيونها وبتستنشق ريحة النيل والهوا الي حواليها
ابتسم مراد على شكلها الجميل وهي مستمتعه بالمنظر والأجواء بصت ملاك لقته مركز معاها ببتسامه ف خجلت ملاك من نظراته:ممكن بقا تقولي عايز تكلمني ف اي
مراد مش عارف يبداء كلام منين وازاي وهيفهمها ازاي وهل هي هتفهمه وتصدقه وتفهم مشاعره ولا لا هو خايف يقولها كده تبعد عنه ويبقا خسرها للابد
على ترابيزه تانيه قدام ملاك كان حد قاعد ورافع موبايل بيصور ملاك فيديو وبعد ما قفله بعته ل حد ورن عليه:لقيتها ياخالد باشا
