رواية قضية شرف الفصل الرابع بقلم زينب نور
بابا ابتسم اليه وكال اعرف ريحانتي
ضحكت فرحت واخيراا بابا صدكني
اني/// منو اليه بعد ارجعلي فدوووه لنعالك ياتاج راسي
ابويه// ماكدر بس راح اضل يمج دووم ومسح علئ راسي وراح
فزيت عركانه واصرخ بابااااااااااا
اجت امي وفتحت الباب
شبيج????
كتلها ماما هجي حلمت ماما وروح ابووي اني بريئه
امي// اعررف يمه بس شسووي مابيدي شئ. عمج وعلي راح يتذابحوون علئ الشيخه
اني// ماما خل احضنج
حضت امي حيل مشتاقه الها ضليت انحب بعلوو صوتي
اجه علي اخذ امي وطلع وضل يصرخ عليه
. وكال لامي /// الليله نذبحها عرفنه منو الولد هووو خابر علينه بنفس الرقم الي لكيناه بجهازها وكال اني حبيبها واني وياها متفقين وهيه قابله بلي صار واخذتها منه برضاتها
اني// علي سد الباب حيل وضليت اصرررخ علي والله جذب
علي اسمعني يااااخويه ياسندي بعد اببوووي
علي كاعد يم الباب ويبجي عليه وعلئ حالتي
علي/// وحق روح ابووي جذب
واذا صدك كلامه ليش شمرني مربطه يمكم
علي// هذا الي قاهرني خابرني يضحك ويكوول متفقين اني وياها هجي نسوي حته محد يشك بينه
اني// والله جذب ياااخويه دوروو علئ المره الي بالمزرعه وتاكدووو
علي// الناس اكلت كلبي محد كام يتباوعلي من امشي كلها تأشر عليه انتي فضحتينه وهووو هم فضحج الي سووه بيج عمتله
خلص قررت قرار يريحج ويريحنه وعمي قبل بيه وحته حسن قبل. وخلص ماكووو رجعه بعدد وبليل جهزي نفسج
وطلع ....
خلص اكيد قرووو يذبحووني. 😞😞😞
للحكايه بقيه
يتبع
بعد ما كالي علي انوو قرر قرار وخلص اكيد راح يكتلوني ويشمروني بالزبل
خلص راحت حياتي وخلصت خلص انتهت رحلتي بالدنيا
اه ياااايمه بعدد ضاعت احلامي وشبابي
بعد راح اروح للقبررر ... لا ماكوو قبر راح يذبووني بالزبل
محد يزورني
وينك بووووويه تعال ساعدني
علي لا تقتل اخيتك علي اخاف من المووت حرام عليك
طلبت من امي اتوضئ وفعلا توضيت وبقيت من الصبح لليل بس اصلي
ياااارب انت تعرف بيه يااارب لاتحاسبني علئ شئ مااسويته ياارب سامحني اذا اخذت غيبه اوو نافقت يااارب اخذ حقي من الي ضلمني يااااررب اوكف وياي وساعدني
صار الليل خلص قرب موتي خلص راح اودع لحياة
اجت امي انطتني اكل وماي بارد
اني تريد تشبعني قبل لا اموووت بقيت اضحك يمه هاي انتي هجي تسووين شلوون قبلتي
امي حضنتي حيل وصلت تبجي باعلئ صوتها
مااكلت شئ بس شربت ماي قبل لا اموت وتشاهدت
اجاني علي واخذني
لبسني عبايه راس مالت امي
صعدوني سياره.... اخذووني لطريق بعيد ماعرف وين
طريق فارغ لا شجره لا بيت لا اضويه بيه
اني// علي
علي// ساكت
اني// شلون راح تموتني
علي// سكته
اني// علي لا تذبحني ارميني فدوووه
اخاق من السكينه توووجع
علي/ سكته
اني// علي فدووه ادفني خاف تعرف برائتي بعدين حته تجووني
علي فدوووه ارميني رمي موتنسه
علي تذكر من كنه زغار من بابا يذبح خروف كدامنه ونضل نبجي اسبوع عليه لان نكول خطيه ذبحووه هجي وماناكل من اللحم مالته
علي اني بريئه مااعرفهم
علي والله كنت مخدره ... وحق المنيه الي بيها اني
علي لاتنسوني واخذووو حقي من الي ضلموني
علي احبك يااخوي دير بالك ع امي روحي راح تضل يمكم دوم .. دير بالك ع حسن ماودعته ياعلي بوسلي راس جدتي وخليها تسامحني
علي ضل يبجي بكل قوووته ماتحمل كلامي واني ابجي حيل
علي احبك ياااخوي يانظر عيني
وصلنه البيت عادي كلش بس جبيرر يمكن مبني من طين مدري طابووك عادي مفطر
نزل علي وعمي
علي فتحلي الباب ونزلني ضليت اصرخ كلش صرت جبانه كلش
علي لااا فدووه علي ماريد امووت علي حرام عليك
علي خليني خدامه عندك بس لاتذبحني مااريد اموت
علي دك الهورن طلع اله واحد شكله يخووف كلش ضخم
مبين هوو هذا الي راح يكتلني
فدووه عمووو لاتذبحني ماسويت شئ والله حرام عليكم
روحي بركبتكم مااسامحكم ليوم الدين
لاتتهمون شرفي حرام عليكم ربي يتولاكم
علي احلفك بحليب امي لاتفرط بيه
علي ضل يحجي وي الرجال ودخلووني جووووه
دخلوني غصب رحت للموت برجليه تعرفوون لولا شعوري شنوة بالكووه يسحلوون بيه
لان مااريد اموت .... دخلووني غصب داخل غرفه بيها رجال واحد جبير دخلنه عليه اني وعمي وعلي والرجال الي طلع النه بالباب ... كعدووني
كال هاي العرووس
لحضه عروووس منوووو
علي// اي شيخنه اعقد وخلص
اني// يعقد المن
علي// اششش
الشيخ ضل يقرااا ايات وسور ويسال علي والرجال
واني مااعرف شئ يمكن علي وكيلي بس علئ شنووو
خلصووو وراح الرجال الشيخ
علي// يله رايحين احنه
اني// وين علي
عمي// بويه انتي تزوجتي هسه وذووله اهلج هسه بعد هاي حياتج.. وهذا الرجال طلبج لاخوه الزغير وماقبل نسوي شئ ثاني الج......???? يقصد يذبحني
اني// تزوجت
علي// اي ويله مع السلامه دبري نفسج وراح نكوول لناس ريحانه ماتت بعد ولاتسوين شئ يغضب عيالج ترئ هم يقتلونج اقسم بالله
اني تقريبا نفس الي غركان ولكه شئ يمسك بيه
ماصدكت الي سمعته الحمدلله مامتت
بس اني وين هسه وبيت منوو مااعرف
كتله /// عموو والله اني ماسويت شئ
الرجال// مو مهم المهم ماريدج تموتين واكسب بيج اجر
اني// الله يخليك انت نقذت حياتي
الرجال// دخلي جووه
اخذني الرجال جووووه وابااوع عالبيت نصه طين نص بلوووك بيت جبير يمكن بيه 20 غرفه
بيت مو مرتب كلشي بيه وصخ مو مرتب كلشي بيه مشموور
دخلنه جووه صاله جبيره كلش
بيها كومه نسوان
