رواية أرض الخناجر الفصل السابع والخمسون بقلم ايلول
ما دامَتلي فَرحة
ولا دَمعتي ترُوح
مدري شعندهَ وكتَي
وياي مِتعاند
صِرت حتى مِن أنَام
أحلامي مو حلوات
لو مَكتول أفز لو كاتل وشَارد..
══━━━━✥◈✥━━━━══
مــاسه :: كضيت بــدور من ايدها حيل مرتبكه حجة بقلة صبر
-اصعدن.
اخذت بــدور وفتحت الباب صعدت هيه بالاول وانه وراها صارت بالنص وكاضتها من أيدها خايفه جن شفت صــيهد مو ســليم.
حرك السيارة ساكت، يمشي على كيف وحجه بهدوء
ســليم:: وين چنتن؟
عصرت ايدي بــدور بأيدي اسكتها خاف تحجي تحمحمت وحجيت كبلها
-هنا خويه بالمحل اشتريته غراض.
شال عيونه بالمرايه يعاين لبدور وهيه تعاين گبل وجها ما يكصه السيف خفت من ضل يعاينلها من المراية البالنص وكف السيارة يم مدرستها وقفل البيبان عاينتله مرتبكه
ســليم:: ست بــدور!
عاينتله بــدور بخزر وهوه من المرايه بس عيونه مبينه گالها
ســليم:: هواي حجي واصلني اذا طلع من هالحچي شي صح، رجليج احشهن حش، واذا لگيتج النوب دايحه مناه مناه ظهرج افصمه سمعتي؟
ووي حچايته بــدور فتحت عينها حيل ومدت أيدها تصيح
بــدور:: ياهو انتَ وتحش رجليَّ اشايف رووحك؟
جريتها بخوف اريد اسكتها مالحكت دار علينه وبظهر ايده طكها على حلكها متسودن وانه روحـــي رايحه جريتها الحضني ساده حلكها وهيه مفرفحه بس تريد تفرغ روحها من عدي وتغلط خازرها بغضب ويحجي من بين اسنانه
ســليم:: علي صوتج النوب وشوفيني شسوي.
يحجي وبدور متسودنه تجر بأيدي تريد تحجي وانه بأثنين ايدي كاضتها وساده حلگها ارجف واحجي وي ســليم
-ابن عمنا على عيني وراسي بس اخوتي يكصون اديك لو دروا مديتها على وحده بينه لا تعيدها!
احجي وياه وهوه خازر بــدور ما يعاينلي بطني مردت روحـــي من الوجع كد ما بــدور تدفع بيه وكلساع تحط عكسها ببطني تريد توخر من عدي وتغلط عليه.
ســليم:: هديها خل تنزل المدرستها .. عاينــي بــدور وروح عمي شامل لو سمعت حچاية عليج النوب أنحرج، وكل يوم تلكيني بباب مدرستج اريدن اشوف شلون ترحين اتخمين بعد.
وبدور تغلط وصوتها مكتوم جوه ايدي نزل هوه يحاجي الشرطي لان باب المدرسة مسدود، هديت بــدور دفعتني تبجي وتغلط متسودنه شفتها مشكوكه، جريتها من ايدها حييل
-سددي حلكج بس خل نرد للبيت لو ما سولفت الوهب عليج عاتبيني انزلي وحرف ماتحجين لا يخابر صــيهد.
نترت ايدها من ايدي حييل تبجي
بــدور:: ابن القنادر ابن النعل يمد ايده علي الحيوان ابن الحيوان.
1
تغلط بحرگه وتمسح بوجها وشفايفها هوه رد للسيارة وهيه نزلت طبت المدرستها عيني وراها مختنگه حرك السيارة ســليم يوصلني المدرستي مسحت دموعي ايدي على بطني عاينتله من المراية اعصاب
-خويه شسامع على اختي؟
ضل ساكت وانه روحـــي رايحه لمن وصل يم مدرستي وگف السيارة وگال
-ماعدها شي، بس الجاي تمشي وياهن مو خوش ومصاحبات هل يرحلهم وهيه مرافگتهم خل تصير ادميه لا تجبرني اسولف الاخوتج
-لا لااا والله العظيم هيه بس تروح للمحل تشتري وتجي والله العظيم.
حط ايده على عيونه ودار علي يأشر بأيده ويشرح محترگ گلبه
ســليم:: خويه اسكتيي اسكتي يرحم اهلج وولج انا مريت من يم المحل وياي صاحبي نزل يشتري ورد يحجي عليهن گال بنات وره المحل يحجن وي صحبانهن تالي المح بت عمي واكفه على صفحة تحرسلهن. انتِ صدددك تحجين انا مو زين مني وساااكت، بالحسين لو كضيت عليها شي النوب الا اگطعها.
فاتحه عيني كلها مصدومة وهوه بحرگه يحجي ميت من آلقهر، شلت ايدي ارجف مسحت دموعي ومديت ايدي ليدة الباب اريد افتحه، حاجيته مختنگه
-لا تحجي الصيهد فـــدوه!
مسح وجهه ودار هز راسه اي ونزل گبلي نزلت من السيارة روحـــي رايحه حچه وي الشرطي فتحلي الباب طبيت للمدرسة مختنگه وزادنها عليَّّ بالادارة من رزلتني المديرة لان متأخرة، وكوه كضه الدوام كل فكري ببدور شلون تسوي هيج، كله مني لو ما ساكته المره الاولى لو حاجيه الامي متوبتها جا ماعادت هالسالفه.
للحلة بباب المدرسة تلاكت وياي رنـــه سلمت عليها وهي تدردم وتحجي على المدرسة
رنـــه :: هذا شني الرابع صدك يحجي عمي رجعوني للثالث.
-هههه ليش ولج سهل.
-يا سهل يمه يشلوط
دنكت ساكته نمشي بهوسة البنات نريد نطلع للشارع كضتني من ايدي درت عليها عاكده حاجبها مستغربه
رنـــه:: بيج شي مــاسه؟
-تعبانه خيه حمّل ومدرسة وهموم البيت ومشاكل طلعانه روحـــي .
-شكو صاير شي؟ عليمن مشاكل.
تحسرت ساكته تمنيتها ضاله وي بــدور بنفس المدرسة، هيه راحت العبود وانه رحت للسيارة مرينه على بــدور صعدت دايره وجهي منها حرف ماحجيت وياها لحد ماوصلنه نزلت هيه مشت للبيت گبلي نزلت وراها طبيت لبيت اهلي رغد وندى بالمطبخ وهوسه يتعاركن وي سعاد بس طبيت الغرفة امي بستها ورحت لبيتي، صارت ماريا بوجهي طالعه من الحمام العيون مورمه مدري ليمت تبطل بچي.
صفنت بوجهي بحيره ذبيت الجنطة وعبايتي وكعدت بالهول بهدوم المدرسة محتاره، شوي وماريا مدتلي كلاص ماي عاينت لوجها واخذته من أيدها متحسره
ماريا:: باين عليكي تعبانه، نهارك ماكان منيح؟
ابتسمتلها اهز راسي لا ومديت ايدي اكض ايدها حتى اوكف، جرتني تساعدني وكفت على حيلي
-مابيه شي انتِ شلونج عيــونج حمر عليمن تبجين؟
دنگت ساكته عافتني وراحت الغرفتها بدلت وطبيت للمطبخ محتاره بالغده اجت وراي مبينه ما مرتاحه قلقانه عليَّ من شافتني تعبانه وكفت بباب المطبخ تعاينلي بس هيه بالقرية لابسه اللوان عاينتلي فاتحة المجمدة واعاين بيها گالت
ماريا::فيني ساعدك بشي؟
-راح يجون اخوانج وانه بعدني ما مسويه غده شنسوي شتگولين؟
احجي واسأل بلكن تتعود علينه، رفعت اجتافها ما تدري كتلها
-نسوي تمن ونگلي سمچ وياه؟
:: متل ما بدك؟
طلعت السمچ وهيه طبت يمي للمطبخ گتلها
-تعرفين تطبخين تمن؟
واكفه على صفحة خجلانه لفت شعرها كبايه هزت راسها اي
ماريا:: وين لاقي الطنجرة والرز؟
طلعتله التمن غسلته واطيته الجدر وكفت يم الطباخ
-ليلى هسه اجيج انه!
دارت علي مقهوره لان گلت ليلى دنكت ساكته طلعت من يمها خابرت على وهـــب ماكلني القلق خايفه احجي وخايفه ما احجي واتندم بأخر دكه يله رد
وهـــب:: ها حبيبي.
-ها وهـــب شلونك؟
-هلا يابعد روحـــي شلونج؟
-زينه، اكلك وين انتَ؟
-توني طبيت للبيت كولي؟
-ما تجي شويه اريد احجي وياك؟
-جايج.
سديت التلفون وطلعت للهول حيره تجيبني وحيرة توديني شويه وداك باب الحوش مشيت للمطبخ احاجيها
-ليلى اخوي اجه ترحين للغرفة لو تضلين هناه؟
دارت عليَّ مدري شتحمس بالجدر بعدها ماكاضيه التمن گتلها
-يله ضلي هوه شويه ويروح.
مشيت بساع فتحتله باب الحوش وطبوا شايل رضا على اجتافه يضحك وياه مارضى يطب للبيت وكفنه بالفي نزل رضا وهوه راح يركض يتلمس الوردات ويبوسهن يصيح
رضا:: الله، بابا شوف.
ووهب يعاينله الضحكه شاكه حلكه
وهـــب:: اخذ وحده الامك بابا.
ورضا شال اصبعه ماراضي يگله
-لااا هيج شم
ودنك للورده يشم بيها مكيف ضحك وهـــب ودار عليَّ تلاشت ضحكته هز راسه يسأل
-شني شبيج؟
عاينتله متردده واطكطك بأصابعي وهوه يعاينلي عاكد حاجبه
-وهـــب فـــدوه كون من اسولفلك مو تصيح وتخبص الدنيا .
-سولفي جا هوه من تضلين تجرجرين تحرگين گـــلبي.
يعاينلي متاني احجي وانه مدري منين ابدي
-عاين اكو محل شايفه هذا اللي يم السده شوي عن مدارسنه.
-اي؟
-اي عاين بــدور گبل لا تطب للمدرسة تروحله هيه وصاحباتها وهذن صاحباتها ما اريدن اظلمهن بس ما ارتاحلهن يضحكن بصوت عالي وشسمه خايفه على بــدور حاجيتها گبل حلفت ماتعيدها وعادتها حرت شسوي.
بساع ضاج يعاينلي بشك ثواني حسيت روحـــي تندمت بيهن لان حجيت
وهـــب:: شعدها تروح؟
-ما ادري وي صاحباتها يشترن.
-شتشتري؟ شني عايزها شي؟ يوم كالت اريدن للسوك وما اخذتها يوم رايده شغله وما جايبها شو كايمه تمسلت بــدور .
حجه بعصبية ينتر جريت ايده اتوسل
-وهـــب فـــدوه لا تخليني اتندم لان سولفت انه مالكيت حل هل حجيتلك انتَ حاجيها بهدوء حتى تبطل تروح لان لو هالمره هم ضليت ساكته تضل ماتخاف من اكلها احجي للولد.
دار وجهه من عدي بعصبية
-وهـــب فدوه!
عاينلي بقهر هز راسه خوش
-هاي هيه انا احاجيها لا يضل بالج
-مو تطكها.
-لا.
-مو تحجي الصيهد.
-لا يابه شبيج.
-عاين خاف هيه تضوج ضاله وحدها هم جيبوها يمي لو تودونها يم رنـــه، بدور تحس محد منّكم يحبها صايره حتى ويانه ماتحجي.
هز ايده ضايج
وهـــب::هاي هيه يابه هاي هيه انا احاجيها وانتِ لا تفكرين ولا تضلين ضايجة، سهله.
مد ايده على خدي ودار عينه الرضا
-يله بابا رضا تعال.
ورضا كاض الورده ويعاينلي ماينطيه گلبه يشلعها باسها واجه يركض لوهب شاله وباسه طلعوا سديت الباب وراهم حسيت شوي گـــلبي ارتاح من سولفت الوهب حتى لو ماحجيت السالفة كلها بلكي من يحاجيها تعرف غلطها وماتعيدها.
رديت للمطبخ يم ماريا ساده جدر التمن وصافنه بالفراغ
عدلت وكفتها من مريت گدامها وكفت يم السنگ واحجي وياها
-اليوم اخوانج ياكلون من إيدج
احجي وياها مبتسمه وهي هزت راسها لا وعاينت لوجهي مقهوره
ماريا:: بيكرهوني.
-لا عاينــي لآن انصدموا اعذريهم وعلي بس يتعودون عليج النوب يضلون يتسودنون عليج.
تحسرت ساكته رادت ترد للغرفة ماخليتها ضلت يمي انه اسولف عليها وهيه بس ساكته ما تناقش، سوت زلاطه وانه اگلي سمچ، بس كملت اندك باب الحوش من راح وهـــب قفلته درت عليها
-اجوا لو مــيثم لو بريا، افتحيلهم باب الحوش.
ضلت تعاينلي بقلق هزت راسها لا مشيت انه بساع فتحت باب الحوش طبوا اثنينهم بريا يحجي شلون قافله باب الحوش وميثم باسني براسي يسأل عن صحتي درت لبريا شايله ايدي
-لا تصيح عيني ماعاجبك روح لبيت عمي شامل.
ضحك نمشي سوه للهول
بريا:: اروحن أفتك منكم .
ابتسمتله وميثم يجاملنه ماله واهس بأي شي طب مــيثم يغسل وبريا بالهول يحجي وياي
-هم شفتيها؟
-منو ليلى؟
سألت متقصده راحت ابتسامته دار وجهه من عدي يتحمحم
بريا:: اريدن اهدومي من الغرفة جيبيهن الي.
-اختك بالمطبخ جاي تسوي غده روح الغرفتك انتَ.
مسح رگبته وطب للغرفة اجه مــيثم يعاين وراه لمن بريا سد الباب جرني الحضنه يبوس راسي وكصتي
مــيثم:: شلونج؟
شلت راسي اعاين لوجهه مبتسمه
-زينه تدري منو سوالك غده اليوم؟
عگد حاجبه يعاين لوجهي
-ليلى
جر ايده مبتعد
-مــيثم !!
عافني ومشه للغرفة مشيت للمطبخ والكه ماريا يم الحايط بصف الباب عاينتلي عيونها متروسه دموع دارت وجها مسحت عيونها وحجت مختنگه.
ماريا:: خلصت، انا رايحة عالأوضه.
حجتها ومشت بساع لغرفة بريا توها تريد تفتح الباب وفتحه بريا صارت وجه بوجهه وياه شالت راسها تعاين لوجهه ودموعها تجري وخر بساع وهيه طبت للغرفة وسدّت الباب ضل واكف كاض هدومه يعاين لباب الغرفة ظهره عليَّ وانه وي روحـــي احجي، "كون يطب يحاجيها بجاه الحسين"
دار وجهه عاين علي واكفه بباب المطبخ ومشه للحمام ساكت، رديت للمطبخ اصب الغده وگلبي يمها شلون وياها البنيه راح تتسودن اتخيل روحـــي بمچانها جا ماضليت هناه اموتن.
رتبت الصينية وميثم بس كضه صلاة اجه يمي للمطبخ شال الصينية للهول اخذت ماي ورحت وراه بريا بعده يصلي كعدت يم مــيثم يعاينلي وانه مسويه روحـــي ما فاهمه اريدن همه يهتمون ويشفونها اكلت شربت، بريا كضه صلاة لف السجادة وكعد يم الصينية كباله تصير الغرفة يعاينلها ويرد يعاينلي وميثم هم لمن تحمحم گال
مــيثم:: ما وديتي للبنيه غده؟
شلت راسي اعاين لوجهه محتار ابتسمت
-روح صيحلها تجي تتغده ويانه مو بس تقهرون بيها ترى عيونها راح تعمي من البجي ماتمر ساعة اذا ما بجت بيها.
درت على بريا من هز ايده ضايج
بريا:: شمسويلها عليمن تبجي؟ چن احنا الچنه عايشين بين امنه وابونه وهيه العاشت يتيمه.
عاينله مــيثم خازره وبريا ضايج ذب الخاشوكه من ايده يريد يگوم
مــيثم:: اكعد.
عاين لميثم ساكت وضل كاعد بمچانه كام مــيثم راح يحاجي ماريا، وانه وبريا نعاين وراه، دك الباب وفتحه بساع، جانت كاعده بالگاع ووكفت تمسح بوجها صفن بوجها ساكت وهيه دارت تدور الشال خلته على اجتافها تحمحم مــيثم فاتح الباب وضال كاض اليده
مــيثم:: تعاي تغدي
لمت الشال على صدرها تحاجي بصوت يرجف مرتبكه
ماريا:: يسلموا.. ما بدي.
ضل يعاينلها محتار
مــيثم:: تعاي سمسم ما ترضى تاكل الا تجين.
شالت راسها تعاينلي وانه رافعه روحـــي حتى اشوفنها ابتسمتلها اجت متردده وبريا يعاينلها ضايج، اجت وميثم وراها سويتلها مچان بيني وبين بريا اطيتها خاشوكه مكيفه بيها، دنكوا ياكلون ساكتين وهي تخلي تمن شويه بالخاشوكه وتاكلهن كوه على روحها اثنينهم يعاينولها من جوه ليجوه، مــيثم فلس سمچ من العظام خلاه على التمن گدامها وعاينلي يحاجيني
مــيثم:: ليش ما تاكلن؟
-انه اكل بس ليلى ماجاي تاكل
درت لليلى احاجيها
-خاف ما تحبين السمج؟
توها تحاجيني وشرگت تكح غاصه بالتمن دكيت على ظهرها وبريا بساع صبلها ماي بكلاص ومد ايده وي ايدي بخوف يطك على ظهرها وهيه انتهت تريد تجر نفس ماكو، مــيثم كام من مجانه متخرذل بس نريدها تجر نفس ماكو الشحطه خنگتها كوه فكت شربت ماي روحها رايحه درت عيني الهم اثنينهم عايفين مچانتهم وخايفين عليها.
كاموا يغسلون وانه وياها ضلينه بكعدتنا
-بعدج مختنگه؟
هزت راسها لا عيونها مدمعه من الكحه، صحت لبريا شال الصينية للمطبخ وماريا مدتلي ايدها تگومني بس تريد تغسل وتشرد للغرفة وانه چلبتلها
-ليلى تعاي صبي چاي خل اغسل المواعين انه.
اجت وراي للمطبخ البنيه ما مرتاحه حتى وياي احسها متقيدة تقهر ضلت يمي لمن كضيت غسل مواعين يله شالت صينية الچاي ومشينه سوه للهول بريا وميثم يسولفون على التحاق بريا وره العاشر يلتحق مد ايده مــيثم اخذ الصينية من ماريا حطها گدامه هوه يصبلنه چاي ومستمر يسولف وي بريا، كعدت وكضيتها من أيدها كعدت بصفي مدنكه وبريا يعاينلها بطرف عينه، اخذت چاي من مــيثم وحطيت كوب گدامها
كضت الكوب مدنكه ماتحط عينها بعين واحد منهم لمن بريا گال
بريا:: ليش اجيتي؟
شالت راسها تعاين لوجهه تبلعم وميثم خازر بريا يريده يسكت وهوه مايشيل عينه منها تلفتت بينه وبين مــيثم مرتبكه ومن مــيثم ماحجه ردت عاينت لبريا
ماريا:: مجبوره متل ما انتو مجبورين فيي.
ضحك بريا مستهزئ
بريا:: اي بله شني الجبرج؟
دارت وجها تداري دموعها لا تنزل وهوه ولا تنازل رد گالها
-سولفي بت روزا احجي المن اجيتي هناه؟ شني غايتجن انتِ وهيه؟
عاينتله عيونها متروسه دموع مدت أيدها لامه اصابعها تأشر وتحجي بغصه
ماريا:: لك والله مافي غايه.. هيه تركتني متل ما فلتّ عنكن.
صفگلها بريا وميثم جر رجله يعاينلهم ساكت وانه أأشرله واكرص بيه بس اريده يسكت بريا، وبريا يحاجيها باستهزاء
-ترديني اصدگج ؟عفتي عيشتج بالخارج واختاريتي القرية السواد عيونه؟ عادي اذا هيه ماتريدج چنتِ تگدرين تعوفينها وترحين وين ما تردين شمعنى رضيتي تجين ليجاي ؟
اختنگت وكفت ترجف تريد تروح للغرفة وكف بوجها بريا يصيح
بريا:: ليشش اجيتي؟
وهيه ترجف وبس تريد تعبّر للغرفة تشهك جراها من أيدها كضها حيل دفعته متسودنه وصرخت بوجهه
-اترررركني.
هداها بريا رجعت ليوره وكف مــيثم وهيه عيونها فاتحهن على وسعهن خازره بريا والدموع تمطر على خدها شايله ايدها بغضب تصيح
ماريا:: شو مفكّرني انتَ؟؟؟ فاكرني عشت متلي متل اي بنت ؟ فاكرني تربيت وكبرت بين الفحش والثراء ودلع الأبوين يلي مافي احن منن؟
طكت رجليها تصرخ بكل صوتها متسودنه وتحجي بحرگه تتراجف
-مفكّر حالك إنت الوحيد يلي عانى اليُتم والخذلان؟ ولك ما أنا متلي متلكُن... عشت طفولتي بيد المربّيات، أتعنّف وماحدا داري عني
ولمّا كبرت شوي، تركوني! لحالي وفلوا عروسيا من شان ينبسطوا ما حدا منن فكّر فيي، ما حدا خاف عليّ! يتركوني لشهور أتخبط لحالي وأيمتى ماخطر عبالهم بيجوا لعندي.
انتَ شوو بدك شو فاكِر حالك الوحيد المظلوم هون؟ الوحيد يلي تيتم من أول ما نولد؟
الوحيد يلي بيحقله يصَرخ ويكسّر؟
ما حدا منكن عاش يلي أنا عشتُه...
عالقلة، إنتو ربيتوا بين أهلكن...
أنا كنت وحيدة، وحيدة، سامعني؟؟؟ كنت وحيدة.
دفعته من ايده وطبت للغرفه وهوه يلوب بحرگه ميت من القهر مــيثم شال ايده بوجهه يحذره
مــيثم:: اخر مره تحجي وياها هيج!
بريا دار وجهه وطلع من البيت وميثم كعد على القنفه ايده على راسه وانه حايره بينهم وبينها الاثنين حقهم لا هي متقبلتهم ولا همه متقبلينها كام مــيثم مقهور طب للغرفة .
شويه وخابرتني رغد تريد تجرجرني بالحجي
-اكلج شني شبيها بــدور؟
-شبيها؟
-جا اندري غير انه اسأل شبيها مساع وهـــب صعد لغرفتها حاجاها وهاي صارلها بالساعتين بس تبجي.
حلفتها ماتحجي يم امي وحجيتلها السالفة كلّها انقهرت محتاره
رغد:: خاف النوب سليم يتعارك وي صــيهد ويعيره ببدور.
-لا ما اظن يسويها.
رغد:: خيه يا ما يسويها لو احترك گلبه من سالفة مايشوف گدامه.
-رغد انتِ هم اكعدي وي بــدور سولفي شاقيها لا تخلنها دوم وحدها
-خيه وعلي ماعايفتها حتى شغل بالبيت ما اخليها تشتغل على ابو ثالث ودراستها صعبة، وبالليل اصيحلها تنزل تنام يمنه انه وامي.
-الله كريم، اكلج عليمن متعاركات وي سعاد اليوم.
-ختوولي هالچلبه والله كتلتها كتله ارتاح گـــلبي، ولج شلون رضا يكول الوهب بابا متسودنه وكلساع توز بجدي وجده عليهم تكلهم هالنغل يصيح الوهب بويه شنهي منين اجاه ابوه، بس طلعوا جدي وابوي كتلتها.
-والله چلبه.
ضليت احجي وياها شويه اسأل على كلّ الأخبار سديت التلفون من سمعت بريا طب للدوانيه تعال الله جابك گمتله توه يتمدد يگلب بتلفونه وكفتله. بالباب
-اجي لو تريد تنام؟
كعد على حيله
-تعاي خويه.
كعدت گدامه بعده ضايج
-بريا كلي البنيه شني ذنبها؟ انتم زلم وفراگ اهلكم أثر بيكم، شلون وهيه بنيه؟ اقلها انت جان عدك مــيثم خلاك بعيونه وانتَ وميثم جان عدكم ناس حنينه تدير بالها عليكم، عمتي رباب وعمي شامل ماعافوكم ولا امي عافتكم، وكل ولد عمكم وكفوا بصفكم، بس هيه ضلت عايشه وحيده محد الها وهسه من اجت يمكم اجت تدور اهلها حتى تخلص من الغربة انتم ما تريدونها؟
احجي محترك گـــلبي عليها وهوه مدنك ساكت
-والله البنيه مظلومة.
هز راسه خوش وابد ما حجه لمن عفته وگمت، رحت لماريا رغم تعبانه ونعسانه بس خايفه اعوفنها، كعدت يمها اشاقيها واهون عليها
-اعلمج تحجين عراقي مثلنه؟
- بعرف شوي .
-هههههه شتعرفين بله
صفنت عيونها من البجي منفخة گالت
-شلونج شلون صحتك، بيي هيك كان يحاكيني.
-باعي خيه للزلمه تگولين شني شلونك شخبارك للبنيه شلونج شخبارج.
احجي وهيه مبتسمه وجلبتلها من الولد طلعوا اخذتها كعدنا بالحديقة افتر عليها الا تحجي عراقي ملت من عدي تحجي كلمة عراقي وتلزگها بثانية لبناني
"""
رنـــه :: كاضه أوراق الامتحان وكاعده بالهول متانيه طــروادة حتى اتباها عليه لان يگلي خربتي صرتي كسولي ومابيج خير، جبتله ميه ميه كامله محد من شعبتي جايبها وبأصعب شي بالرياضيات شيريد بعد عفراء
-اصبلكم تتغدون؟
وريمه من يمها عاينت للساعة وگالت
ريـــمه:: راح يوصل ماضل شي.
راحن اثنينهن للمطبخ وانه ضليت مكابله باب الهول مناه لمن اجه طــروادة اول ما طب شلتله اوراق الامتحان ورافعه حاجبي، جان ضايج وتعبان، اخذهن من ايدي عاين بيهن وضحك مكيف وانه متخوصرتله
-ها ياهي المابيها خير؟
-ههههه عفيه
ردلي الاوراق وفتح محفظته انطاني خمسه اخذته منه وعفراء واكفلته بباب المطبخ تضحك، بس صله وتغدينا لكيت عفراء بالمطبخ تگل الريمه
-بس تقرأ عليج خوش علويه والله.
وريمه مدنكه تغسل مواعين وتگلها
-مابيه شي انه.
-مو هل تنسين.
ضلت مدنكه تغسل ساكته وعفراء محتاره بيها اخذت الچاي من يمهن ورحت للهول اجت وراي عــفراء هز راسه يسأل وهيه هزت راسها لا تحسر ساكت صبيتله چاي اراقب بيهم لمن ريمه كضت مواعين واجت يمنه للهول كعدت بصف عفراء هادئه وطرواده يعاينلها بحيره ضايج وعفراء بس كضت چاي گالت الطرواده
-يله خل نمشي گومي ريـــمه !
عاينتلها ريـــمه وهيه ما اطتها مجال جرتها من أيدها للغرفة وطرواده خابر صــيهد وراح جاب سيارته گمت وراهن للغرفة ريـــمه ابد ما راضيه بس عفراء جبرتها اخذوها وراحوا.
تمددت بس ريدن اناملي شويه وشمس كل ما اغمض عيني تطگني
-حاله.
-ها حاله ها؟
-دمدمدم
ماده اديها اثنينهن وترطن جريت اديها ابوسهن واعضهن شلون ادين بحنصن، ماخلتني انام تلغي تلغي مناه لمن كعدت العب وياها شويه واجه عبود
عبود:: شني اهلنه وين؟
-راحوا للسحاره.
فتح عينه كلها واتلفت
-شمالج؟
-خاب والله شبيك علويه مدري شني تقرأ على ريـــمه.
غماني ما راضي شال شمس يبوسها ويلعب وياها ضلينه بالحوش لمن اجوا طبك السيارة بباب الحوش كلش نزلت عفراء كاضه ريـــمه ساندتها وربمه روحها رايحه كوه تمشي وكفت بخوف
-شبيها؟
وعفراء ما مهتمه بس تريد توصل ريـــمه للغرفة مشيت وراها نومتها بفراشها غطتها تطكطك بأصابعها، عاينت الريمه بخوف وجها أصفر ومخلوبه روحها، طلعت عفراء الغرفتنا وانه افتر وراها ذبت عبايتها
-شني شبيها.
-شبعانه سحوره مدري شلون ضاله بعقلها الهسه
تحجي بحرگه عيونها حمر جرت دشداشتها من صدرها ونشغت من كل گلبها مختنگه
-اللهي يكون حوبتها وحرگت گـــلبي ما تتعداهم.
مسحت عيونها وطلعت للهول افتر وراها ساكته خفت، طــروادة بس طب للبيت عاين لحسين
-كضيت دراسة.
حسين:: اي بالحسين.
-تعال وياي للگاع.
وحسين ركض مكيف، وكفت بم عفراء بالمطبخ تفور اعشاب ومشت لريمه كعدتها شربتها ورجعت نامت عبالك مو بوعيها طلعنه من يمها عفراء جنها طــروادة من يضوج تضل تفتر عاينتلي گالت
-مساع گلتي شغتي فرح راحت الاهلها؟
هزيت راسي اي
-شفت ســليم وداها.
راحت للغرفة لبست عبايتها
-وين رايحه
-هسّه اجيج، راح اودي هاجر يمجن لا تخلينها تشوف ريـــمه كليلها نايمه.
-يمه رايحه لميلاد؟
تعدل بردن العباية ودارت علي خازرتني عيونها حمر
عــفراء:: وشني ميلاد؟ ما تهز شعره من راسي.
سكتت خايفه عليها، طلعت من بيتنا لبيت عمي شاكر وانه گـــلبي يلوب ضليت واكفه بباب الحوش واعاين وراها دفعت باب الحوش وطبت روحـــي راحت خايفه لا ميلاد تطكها النوب محد بالبيت، والمح هاجر طلعت من حوشهم جايه علينه وعفراء تعاين وراها لمن هاجر طبت لبيتنا يله عــفراء ردت طبت لبيت عمي شاكر.
تستمر القصة أدناه
سلمت على هاجر وزهره اجتها تركض شبگتها تبوس بيها، كتلها
-هاجر ريـــمه نايمه، روحـــي شوفي طيوري بين ما تكعد
سكتت وهم تعاين لباب الحوش خايفه مثلي، جرتها زهره من ايدها اخذتها للحديقة وانه ضليت مكابله باب الحوش واعاين لبيت عمي شاكر الوب وميته من آلخوف ومدري شمالني حيل خفت على عفراء.
طبيت للغرفة اركض جريت عبايتي لبستها وطلعت امشي بساع لبيت شاكر وريت عمــري كله مارحت ريت انكسرت رجلي وما رحت.
دفعت باب الحوش وطبيت ما الهن صوت گـــلبي انخمش يمه وين اختي، طبيت للمطبخ ارجف واسمع صوتهن جاي من غرفة ميلاد وهيه تصيح وتغلط بصوت عالي تنعل وتصيح على عفراء
ميلاد:: اذبحها اگطعها ماااالج غرض ببتي
مشيت بخوف يم باب الغرفة مردود وما مطبوك كلش والمح ميلاد بالگاع وعفراء فوگها خانگتها حيييل
عــفراء:: والله اموتج ترررردين تسودنينهااا؟
دفعت عفراء ووكفن اثنينهن يتمالخن وانه اعاين بطرف عيني واحجي وي روحـــي بخوف اذا ميلاد ماگدرت لعفراء ما اتدخل بس اذا تطكها اطبن اساعد عــفراء ونكتلها، ميلاد تهدد وتصيح
-باجر اخليهم يطلكونها واردها يمي.
دفعتها عفراء حييل وشالت ايدها بغضب
عــفراء::والله تحلمين.. تحلمين ريـــمه تردلج ولو ما كفيتي عنهاا وروح اهلي لاخلي موتج على أيدها
وميلاد تضحك بشر وتخوصرت ما مهتمه
-عفيره خايبه انه ميلااااد جايه تهدديني خايفه اسودنج.
-وانه بت رباب ومو بت ابوي لو ما حطيتلج حد، يشهد الله عليَّ لو ما كفيتي من ريـــمه اطيبها من سمج واحجيلها كل سوالفكم اخليها تكحل عيونها بدمكم وانتِ تعرفين قصدي!
گـــلبي يدك بساع وخوف ما فاهمه شي وما مهتمه الشي بس اريدن اخذ عفراء واردن لبيتنا، ميلاد نزّلت ايدها خازره عفراء ونترت بوجها
-شتحجين؟
عــفراء:: سوالفكم هواي ماينعدن بس الريمه مستعده تذبحكم علمودها ااامي والسويتوه بيها!
مسحت عيوني رجليَّ رجفن حانيه ظهري واعاين بتك عين گـــلبي انعصر وي حچاية عفراء وهيه رجفت ودموعها جرت شالت اصبعها بوجهه ميلاد تهدد من بين شهكاتها
عــفراء:: احچيلهاا احچيلها شلون خليتوها تشرب امي سحورتكم.
فتحت عيني على وسعها وشهگت مصدومة اريد اجر نفس ما اگدر التفتن على الباب اثنينهن واجت عفراء تركض جريت ايدي منها وين اروحن وين اطي وجهي نار حركتني طلعت من الحوش اشهك رجليَّ يرجفن ما ادري وين اروحن ركضت لبيتنا ما اشوف دربي عيوني احسهن عمن ريـــمه هيه الموتت اهلي.
طبيت للبيت ارجف
-ريـــمه ررررريمه.
واحس بأيد عفراء جرتني حيييل ساده حلكي ملختها روحـــي مفرفحه وهيه ماتهدني سحلتني الغرفة اهلي ساده حلكي حييل
-اششش اششش اموتج سدددي حلگج.
صرررخت ابجي حسيت نار تحرك بگلبي وهيه كاتمه صوتي حيل جرتني الصدرها شابگتني
-ولج يييمه
-رنـــه فدوه اروحلج صوووتج، ريـــمه لو درت تموت رنـــه فـــدوه .
شلون سكتت شلون گدرت تعاين الريمه وهيه تدري شلون رضت طــروادة يتزوج كتالت اهلي دفعتها بس اريدن افلت روحـــي منها اريد املخ ريـــمه، وهيه ما تهدني
عــفراء:: احجيلج السالفة كلها اسمعيني رنـــه .
-شسمع شسمع كل الصار بينه بسبب ريـــمه موت اهلي بسببهاااا
ابجي واصرخ وهيه سدت حلكي حييل وتعاين للباب بخوف
عــفراء:: معليها معليهااا لا تخلّيني اطكج.
جرتني الصدرها حييل وساده حلكي بجيت اشهك نار بگلبي
عــفراء:: حاسه بيج رنه انه سويت مثلج واكثر من دريت بس لا امي ولا ابوي رضوا لان هيه چانت صغيرة كلشي ماتعرف! تنفذ اللي امها تريده ماجانت تدري شني غاية ميلاد، ريمه من وهيه طفله مسحوره، امي تگول جانت لو اجت يمنه نوبات صاحيه ونوبات جنها مو بعقلها، وماجانوا يدرون بيها مسحوره ماعقلوها ام تسحر بتها، ريـــمه عزيزه عدهم ولو يمر يوم وهيه ماجايتهم يكضون باب الحوش بلكن من تمر للمدرسة يشوفونها وميلاد وشاكر يحرمونها تجي متقصدين على ابو ها شوي كبرت النوب فجأة خلوها ترد تجي وهيه كل ما تجي تجيب عصير الامي وامي تكيف تشرب عدها عيد ريمه عزيزتها مسويتلها عصير وجايبته، مناه لمن امي تمرضت واخذها ابوي للساده گالوله مسحوره ابوي بساع فطن وحاجيلهم على ريـــمه ودروا ريـــمه مو بس مسحوره ريـــمه تطيع ميلاد لدرجة اذا كالتلها احركي روحج تحرگها.
ابوي ضل يفتر بأمي على الساده وبكل مره يجيب علاجات وياه الريمه كل ما تجي يمهم يشربونها لمن شوي شوي ريـــمه استوعبت وهيه السولفت الامي كالتلها امي ودتني اخذت من غراضج هدوم داخليه ومشط بيه شعرج والعصير الاجيبنه الج تحط بيه شي، وتدرين من سولفت الامي تبجي وامي شابگتها تبجي وياها جيه خلو اكثر بت تحبها هيه التسحرها، وراها ما ندري شصار ريمه من راحت الاهلها شسوت وحرموها بعد تجينه، امي السحر اثر على صحتها والقهر اخذ من حيلها وفراگ ريـــمه حيل قهرها جانت تگل للولد يجيبونها الها تگب عركه الها اول ما الها تالي شاكر وميلاد يحيرون شيسوون بيهم من يجيبون ريمه النه لمن امي بطلت كامت ما تگول اريدن ريمه، تضل مگابله باب الحوش وتعاين للدرب وحتى من تعالجت من السحر هيه ضلت توهوس وصحتها ما ردتلها تعايشت وي مرضها سنين لمن المرض أكل جسمها، رنـــه امي ماتت مريضة مو مسحوره.
وخرت من صدرها ابجي بحرگه
-منين تمرررضت منين تمرضت مو من السحررر؟
-عالجها ابوي من السحر وألله عالجها، رنـــه تخيلي روحج بمچان ريـــمه لو انتِ امرج مو بأيدج مسحوره وتجين تشربيني سحر واتمرض بسببج لو دريتي شيصير بيج؟
تحجي وانه أذني تصفر كوه اتنفس وحلكي ناشف وخرتني من حضنها بخوف
-رنـــه .
هدتني وكامت تركض تجيب جهاز السكر اعاين وراها عيوني مغوشات من فتحت باب الغرفة هاجر جانت واكفه بالباب غمضت عيني ايدي على گـــلبي ودموعي تجري
تستمر القصة أدناه
قاستلي السكر خايفة، وبس شربت الحبايه ضليت متمدده هيه تحجي وانه احس بروحي ما اريد اسمع شي تمنيت روحـــي مادريت ولا رحت وسمعت، شي بيه يتمنى يذبح ريـــمه يتمنى يعاتبها ويطردها وارد اتذكر حالها ومواقفها وبچيها على آمي بفاتحتها، بجيت الحد ما تعبـــت غفيت بدموعي.
كعدتني عــفراء ويَ الصلاة تعاينلي بخوف دنكت تبوس راسي
-رنـــه عليج بروح امي لا تحجين خل ريـــمه تصير زينه وانه احجيلها كلشي.
اعاينلها ساكته احس عيوني مورمات جرتني من ايدي كومتني هاجر رايحه لبيتهم وريمه بعدها نايمه، غسلت وكعدت بالحوش على گن الدجاج اسمع الاذان ودموعي على خدي مختنگه گـــلبي يوجعني، مسحت عيوني من انفتح باب الحوش وطبوا حسين وطرواده ، وطرواده بس غسل اديه شغل ضوه الحوش واجه يمي يعاين لعيوني عاگد حاجبه وانه مدنكه اخافن لا ينشدني عليمن باچيه.
مد ايده جوه حنجي يرفع راسي وحجه بخوف
-شبيج رنـــه، ياهو وياج؟
وخرت ايده مدنكه اهز راسي ماكو شي ودموعي تجري
-وولج ياهو وياج؟
-ماكو شييي مختنگه.
مسحت دموعي بظهر ايدي مدنكه كعد يمي وجرني الصدره ضميت وجهي اله ابجي بصوت وهوه يبوس براسي وحسين مكابلنه
طــروادة:: فـــدوه اروحن لعيونج بسج هسه غير اعَرف عليمن هالبچي ياهو مضيك خلگج؟
-محدد.
حسين:: خاف عفراء محاجيتها.
1
وخرني طــروادة من صدره يمسح بعيوني ضايج واجت عفراء عاينت وبهتت من شافتني عبالها حجيت لطرواده نزل من گن الدجاج گالها
طــروادة:: ياهو وياها؟ شني محاجيتها على شغل البيت.
وعفراء تعاينلي بخوف ساكته وهوه لان مره رزلتني گدامه على شغل البيت وبجيت عباله هسه هم هيه محاجيتني گالها
طــروادة:: انعل ابو البيت لا تحاجنها لحدّ يحاجيها
عــفراء:: يابه والله ما محاجيتها، رنـــه!
مسحت عيوني كوه احجي الغصه خانگتني
رنـــه:: محد محاجيني انه مختنگه وحدي.
سكت محتار طبينه جوه سأل على ريـــمه گالتله
-بعدها نايمه.
-ما كعدتيها؟
-كعدتها تعاين بوجهي وترد تنام.
مسح وجهه متحسر، وعفراء جرتني من ايدي وياها للمطبخ تتلفت وتحجي بخوف
-رنـــه مو تحجين عليج بروح اهلي
ضليت ساكته اعاينلها وهيه حيره تجيبها وحيّره توديها،
عاينت الطرواده يصلّي بالهول تطكطك بأصابعها زفرت نفس بحسره
-ما احچي بس طلعي ريـــمه من بيتنا طلعيها مثل ما جبتيها.
صفنت بوجهي هزت راسها لا
عــفراء:: اذا ردت الاهلها تموت.
-خل تموت
-رنـــه!!
شهكت فاتحه عينها حيل مصدومة عفتها ومشيت للغرفة واسمع من طــروادة صاح عليها وراحت وياه الريمه.
ربع ساعة عدت وسمعت ريـــمه تصرخ هاي الگلت عليها خل تموت ما تهمني من سمعت صوت صريخها ركضت ما اندل الباب منين ألخوف آكلني واشوفنها بأيد طــروادة تصرخ وهوه شابگها حييل وعفراء تغسل بوجها وتقرأ عليها اعاينلها ابجي حالها مرد گـــلبي مجلبه بطرواده كل حيلها وتبجي بصريخ وحرگه لمن طاحت بأيده تسودن يريد ياخذها للمستشفى وعفراء ما ترضى نمرد گلبه وعفراء ترش عليها ماي بارد وتطك بوجها فتحت عيونها ذبلانه كوه فاتحهن مدت أيدها ترجف الايد عفراء وتهمس بصوت مبحوح
ريـــمه:: يمه!
جرتها عفراء الحضنها شبگتها تبجي وريمه عاگده حاجبها تستوعب وتعاين بخوف تريد بس توخر من حضن عفراء وتتلفت غمضت عيونها كاضه بأيد عفراء زفرت نفس طويل
ريـــمه:: مابيه مابيه شي!
وخرتها عفراء من حضنها تمسح بوجها
عــفراء:: تعاي تعاي غسلي حتى تصلين.
كومتها وخرت من الباب طلعت هيه وياها، وطرواده ضل كاعد اديه على راسه مسحت وجهي احاجيه مختنگه
-لا تنقهر.
شال راسه يعاينلي متحسر
-هسه تصير زينه لا تضوج.
وكف حط ايده على جتفي يردد
-الله كريم.
طلعنه من الغرفة سوه، شما يحترك گـــلبي من ريـــمه لمن اشوفن وضعها انسى افعالها واحيرن بحالها.
غسلت وتوضت وعفراء طبت وياها للغرفة وما عافتها بس كضت صلاة كالتلها اريدن انام وحتى عشا ما تعشت،
كوه فتحت الكتب ودرستلي شويه ما اگدر اركز ما صدكت صار الليل بس حتى أرد انام.
"""
ريـــمه :: احس من وسط نومي فجأة فتحت عيني صاحيه ارمش بثگل، ايدي على معدتي جنت احس مثل الحجار بيها ويوم عن يوم احسه يخف، جريت الغطا علي زين التف بيه وبدون ما افكر بأي شي احس گـــلبي يدك بخوف معصور غمضت عيني اذكر حجي العلويه من تتهامس وي عفراء وتكلها سحرها قديم وكل مره يتجدد وينعگد، وعفراء تكلها امها التسحرها مو؟
لفيت الغطا على روحـــي حيل، امي أمّي تسحرني، احس روحـــي بحرب كلشي بيه رافض يصدك حجيهم واحس هيج بصيص صغير يقنعني بكلامهم وبشر اهلي، گمت من فراشي مختنگه طلعت من الغرفة كلّها نايمه، فتحت باب الحوش وجريت نفس اترس ريتي .
طلعت للحوش هاسكي مربوط وبس شافني وكف على حيله يزير، عبرت من يمه بصف الحايط لمن وصّلت للحديقة كعدت بالمچان الاحبه جوه الشجرات، نسمات هوه بارده جبرتني امسح بجف ايدي على زندي واحضن روحـــي متحسره اتذكر حجي ابوي وهوه يحاول يقنعني يحب عمي شامل ويقنعني امي الماخذه گراب الخنجر مو هوه، كله جذبه كل حجيهم جذب بجذب.
مسحت دموعي احجي وي روحـــي، ابوي عزيز روحـــي بس بعمره ما جان اعز من عمي شامل، غمضت عيني اذكر كل سوالف ابوي وامي ضد طــرواده وكلهن انه الچنت اسويهن انه الخلوني احرك گيعانه وانه الرادوني ارد اضيع تعبه مره الثانية، ورادوا يحرگون گلبه على هاسكي.
حطيت ايدي على راسي اذكر افعالهم وآحد واحد وحقدهم وكرهم البيت عمي شامل كلهم، وشكد ابوي حرض اخواني ينهون على عفراء من خطبها منذر، حتى حسين وزهره يكرهونهم.
ماراح يبرد گلبهم ولا يكتفون الا ينهون عايلة عمي شامل كلها، هزيت راسي لا ابجي واحلف بصوت
-هالمره ما اكسر گلبكم عمي، عمه. والله هالمره ما اكسر گلبكم وانه الاوكف بوجه اهلي وما اخليهم يجيسون واحد من اولادكم.
ضليت كاعده بالحوش لمن بدأ خيط الصبح يتعلى على الظلام ويفرض نفسه وكأن كل ذرة ضوه تخترق ظلام روحـــي وتراويني انه وين رايحه ويا درب رجليَّ سالكه ليش عايفه النور وتابعه الظلام، جريت نفس بقوة رفعت راسي للسما وغمضت عيني، النسمات البارده تحاوطني وصوت الطيور من اول ما صحت ترست مسامعي
التفتت على فتحة باب الحوش طبّ للحوش كوه يمشي من النعاس ما منتبهلي وهاسكي نبح عليه شال راسه شافني هاسكي ينبح. يريده يجيه ، غسل اديه بالحوض واجه وكف يم هاسكي منطيني ظهره وهاسكي كعد ماد رجليه ويدنك براسه يريد طــروادة يلعب وياه ماجاسه عافه واجه يمي كعد گبالي يعاين لعيوني ساكت وانه صافنه بعيونه
-شلون صرتي؟
سكتت أعاين لعيونه بياضهن مشخط بشرايين حمر من آلتعب مد أيده مسحها بقميصه نشفها ومدها يحضن خدي، غمضت عيني وملت براسي على أيده بارده لأول مره احسها بارده وخدي الحار
-ريـــمه.
فتحت عيني بعينه يحرك ابهامه على خدي
-شبيج؟
-مابيه شي.
زفرت نفس متحسره وخرت ايده من خده نزلها وبعده يعاينلي
-ليش كاعده.
تستمر القصة أدناه
-ما ادري فزيت
هز راسه خوش درت وجهي من عده اعاين للحديقة گـــلبي يدك حيل رديت اعاينله صافن عليَّ ورمش بثگل يعاين لعيوني
-اريد أكلك شي.
شال ايده مسح وجهه متحمحم رفع شعره بين اصابعه وهز راسه اي
-گولي
بلعت ريك بحيره صوتي مختنگ
-انه.. خايفه
الغصه ذبحتني گوه احجي، عگد حاجبه مستغرب ومد اديه يكض ايديي اثنينهن جراهن لامهن بين أديه
-منين خايفه.
دنگت راسي عيوني مغوشات من الدموع
-ما مرتاحه، احس بروحي راح اسوي شي يأذيك بس مو بأيدي خايفه على كل الموجودين من عدي.
جرني من ايدي الصدره
-بس لا تعانديني ولا ترحين الاهلج وكلشي ما يصير ريـــمه عيوني.
وخرني من صدره كاض وجهيّ بأثنين اديه
-شو عاينيلي ريمي.
شال راسي يمسح بدموعي بأبهامه
-مانعوفج تردلج عافيتج وصحتج وكتها تميزين وين الغلط ووين الصح اردج ريمه الصغيرة الاحبنها ريـــمه اللي ياما وياما نامت على صدري وبين ايديي ريـــمه العاقله اللي يحبونها امي وابوي وهيه تموت عليهم
وذاك الوكت متأكد انتِ ماراح تغلطين.
هزيت راسي لا ابجي
-ريـــمه التحجي عنها انا ما اذكر شي منها.
-جنتِ صغيرة، المهم انا اذكر كلشي واذكرج.
مسحت عيوني ساكته وهوه يعاينلي مبتسم كرص خدي بين اصابعه
-لا تبجين امشي وراي ومالج غرض انتِ بس لا تعانديني وتسوين شي بدون علمي وهيه تصفه.
هزيت راسي اي أعاين بوجهه جرني من ايدي وكفني يمشي للبيت طب للغرفة ويجر بأيدي للچرباية تمددت غطاني وطلع غمضت عينيّ أفكآري متناقضه وفجأة اتذكر موقف وي عمه لو وي عمي مواقف عاديه ماكو شي مهم اذكره.
عاينت للباب من رجع طب طــروادة متوضي مد السجادة يصلي اعاينله افكر بالمره اللي سمعته گال العفراء ضميت صور ريـــمه عدي، كعدت على حيلي لمن كضه الصلاة لف السجادة
تستمر القصة أدناه
-كهلان.
وكف السجاده بأيده
-هاه عيوني.
خلاها بمچانها نزلت من الچربايه الم بشعري وكفت گدامه شلت راسي اعاين لوجهه
-تتذكر من مره كلت العفراء انه ضام صور ريـــمه عدي.
-اچذب عليها
حجاها مبتسم
-لا ما تجذب أريد اشوفهن .
ابتسم ومد ايده يكرص خشمي
طــروادة::عيب
صفنت بوجهه مرتبكه وهو يضحك
-بس اشوفهن.
-مصاليخ زحمه
فتحت عيني حيل ضحك ومد ايده على رگبتي جرني لصدره يشبگني، حطيت ايدي على بطنه شبيه كلساع وجارني الحضنه دفعته اريد اوخر
-شبيك كهلان.
هدني مبتعد ومبتسم
-شتردين؟
-لا تشبگني شبيك؟
-جا شسوي؟
درت من عده امسح برگتبي گـــلبي يدك حيل رجعت عاينتله
-راويني الصور.
رفع حاجبه
-بشرط.
سكتت اعاين لوجهه متانيه يحجي
- الصورة التشوفينها تقلدينها، يعني اذا جنتِ بالصوره ضاحكه تضحكين، اذا جنتِ بالصور تبجين هم هسّه تبجين واخليج تشوفينهن وحده وحده وياهي التشوفينها تقلدينها.
-شنّي السآلفة؟
-بكيفج وخري خلّ انامن، ها وبيهن صور لو شوفتيهن يجوز تذكريهن.
سكتت وهوه راح تمدد بالفراش كام كلش مايحترمني گبل من يلكاني بالغرفة يعوفني ويروح ينام بغرفة اهله هسه صاير مدري شماله.
تمدد ومد ايده فرشها على مخدتي يعاينلي
-تعاي الفج بحضني.
-شبيك؟
احجي مرتبكه وهوه مبتسم
-شبيه غيّر اريدج.
-والله ما تكضني شنّي السآلفة.
جر الغطا فوگ راسه ينام فتحت كنتوره اعاين بيه ادور الصور طلع راسه من الغطا
-ما تلگينهن.
درت عليه ضايجة
-اقلدهن.
ضحك ونزل من الچربايه بساع، وخرت من يم الكنتور فتحه وطلعن من جوه هدومه مديت راسي اعاين وياه، وخر ضامهن.
-لا تغشين.
-بس خل اشوفهن.
-وحده وحده تشوفينهن وياهي التشوفينها تقلدينها.
-اي يله هل اشوفهن.
مديت ايدي الايده اريد اجر الصور شال ايده ليفوك ويعاينلي يضحك
-اكعدي .
خزرته مقهوره انه وين وهوه وين، كعدت بالگاع راح للچربايه جاب مخده واجه كعد كدامي يعاين بالصور مبتسم وأنه الوب مايخليني اشوفهن گلب بيهن وعزل وحده من نصهن
-نبدي بهاي، تسوين الاگوله يله تشوفينها.
-ترى ذليتني هنه صور!
نترت شايله ايدب بوجه طكني على ايدي
-لا تنترين لا اكصص اديج بت ميلاد.
يحجي بس مو بحرگه كوه كاض ضحكته وانه المحترك گـــلبي وخازرته
ضحكت اهز بأيدي
-گتلي تعاي عدنا وبعد ما اگلج بت ميلاد
-صح حقج هاي وحده عليَّ، يله بعد اكلج بت رباب، شبيج تنترين بت رباب.
يحجي وضحكته تارسه وجهه برد گـــلبي من گال بت رباب ابتسمت مسحت وجهي
-خل اشوفهن شلعت گـــلبي والله.
ضحك وجرني من زندي عليه حيل شهگت مصدومه وجهي جا نردم بوجهه استندت بأيدي على رجليَّه اعاين لوجهه وهوه مبتسم بمكر قرب وجهه لوجهي اكثر نفسه بوجهي ويحجي همس
-بوسيني.
فتحت عيني حيل وجريت ايدي منه اريد اوخر ما يهدني يجرني عليه اكثر
-اذا وخرتي تحلمين تشوفينهن بعد
وانه بس اريد افك اصابعه من زندي جرني عليه اقوه
-ريـــمه
حسيت شاربه طخ بشفتي شلت عيني خازرته ويحرگ گـــلبي بابتسامته
-اذا تردين انا الابوسج، صايره جبانه فد نوب.
-مو جبانه أكره تستغلني.
تستمر القصة أدناه
-ههههه استغليني انتِ هم.
عاينت بعيونه وجريت ايدي من عده
-وخر انه ابوسن لا تجرني.
هد آيدي يعاينلي مبتسم جريت ردن دشداشتي مسحت شفايفي
-لا تمسحين.
-مالك غرض.
-بوسي يله.
بلعت ريك گـــلبي احس يدك ببطني تدنيت يمه رفعت روحـــي على اركبي قربت وجهي لوجهه وكل ما اتدنه الخده يتحرك ويخلي شفايفه گبال شفايفي، مديت ايدي
لوجهه كضيته من لحيته ضحك ثبتت وجهه وتدنيت الخده ارجف توني احط شفايفي على حده ومد ايده فوگ خصري يجرني عليه اكثر
-كهلااان.
حطيت ايدي على ايده ابعدها من عدي عافني وخرت من عده مسح رگبته مرتبك جر الصوره ودارها عليَّ جريتها من ايده اعاين بيها، الصوره بالهول مالتهم هوه كاعد يم الصينية بكد حسين لو اصغر منه وانه بعمر الثلث سنين، كاضته من وجهه وبايسته بخده شلت راسي اعاينله.
-كلهن هيج؟
ساكت عيونه كوه فاتحهن هز راسه لا
مد ايده الايدي يحجي بهدوء
-تعاي
مشيت بأيده ما ادري شني اليريد يسويه جرني الحضنه كاض ايديي اثنينهن عبرهن على رگبته همس بأذني أنفاسه دافيه
-اشبگيني.
عيوني غمضن من وحدهن قربني عليه اكثر شبگته من رگبته جسمي يرجف وهو شابگني من خصري بقوة اديه محاوطاتني يلغي كل مسافث بين جسمي وجسمه ، دفن وجهه برگبتي وانفاسه على جلدي، ملت برگبتي متقشعر بدني من ملمس شاربه اللي احسه احتك بكل جزء من رگبتي احس دفو شفايفه طغى على كل شعوري واخذ كلّ تركيزي وهو يمشي على رگبتي.
حرك راسه بدون ما يوخر رخيت ايدي ذبلانه دار بوجهه لجهة رگبتي الثانية وهمس
-لا تهديني گتلج اشبگيني.
بدون اي تفكير رجعت ايديي الرگبته احضنه بنفس ألقوه عيوني ما كادره افتحهن غارگه وسط شعور دافي حلو مابيه آي خوف ، اديه تمسح على ظهري بلمسات ترجفني رفع شفايفه الاذني نفسه ثگيل يبوسني وهمس بأذني
-ريمه! تشوفين ألصوره؟
فتحت عيني بساع صاحيه جريت روحـــي من عده مبتعده جسمي يرجف مسحت رگبتي روحـــي رايحه
وهوه يعاينلي گوه فاتح عينه مسح شفايفه بأبهامه، والتفت للصور شال صورة منهم مدها الي اخذتها من ايده ورجعت ليوره مستنده على الچرباية
عمــري بالخمس سنوات، الصوره قريبه على وجهنه شابگته من رگبته وهو شابگني وحاط وجهه برگبتي، بالصوره وجهي مبين ووجه ما مبين، شلت راسي اعاينله خيط الضوه يدخّل للغرفه من الفتحة اللي بنص البرده
عيونه ذبلانه وانه حسيت كل الصور نفس الشي
-ما اريدن اشوفن بعد.
زفر نفس متحسر شال الصور عافهن گدامي وگام للچربايه ينام، احذتهن اگلب بيهن كل الصور تجمعنه وكلهن لو حضن لو نايمه وبايسني براسي لو شايلني. ضميتهن وطلعت من الغرفة من سمعت صوّت عفراء وشمس
-صباح الخير.
عــفراء:: صياح العافيه هلاااا، شلونج؟
شلت شمس ابوسنها
-الحمدلله زينه.
-جا شني طــروادة بعده ماجاي.
-اجه من زمان نام.
ابتسمت رافعه حاجبه جنها اخوها
عــفراء:: يمج؟
-جا يم خالتج؟
طكتني على ايدي تضحك هي ضلت تشنگ العجين وانه طلعت للحوش حطيت حطب بالتنور وشعلته لمن جابت العجين شايلته على راسها وكاضه شمس من أيدها اجت هيه تخبز وانه كاعده يمها اتشاقه وياها واضحك نفسيتي مرتاحة، سمعت دجاجات رنـــه يتزاعگهن.
-ابوگ بيضه من دجاجات رنـــه ؟
عــفراء:: النوب تزوعج العافيه اكعدي عدنا بيض احمر.
ضحكت لمن كضينه خبز وطبيته للبيت هيه كعدت رنـــه واخوانها وانه ضليت اعاين للغرفة توه نام شيكعده شلون يروح للدوام وهوه بعده ماشبعان نوم، عفته لمن كضينه الريوك يله كعدته عيونه حمر وكوه فاتحهن طلعوا هوه ورنه اثنينهم مطنگرين راحوا للدوام.
ضلينه بس انه وعفراء كضينه شغل وكعدنه نسولف لمن اندك باب الحوش كمت فتحته صار بوجهي ابوي تلاشت ابتسامتي اعاين لوجهه
-شلونج بويه؟
-زينه.
حجيتها ودرت وجهي للبيت اجت وراي عــفراء وكفت بباب الهول
شاكر:: ريـــمه بويه تعاي ليغاد اريدن اشوفج.
عــفراء:: ما تجي تعال شوفها هناه بالدوانيه.
تستمر القصة أدناه
شال ايده بحرگه يغلط على عفراء
شاكر:: انتِ مالج غرض سودنتي بتيي چلبه بت الچلاب.
دفعته من ايده اسكته
- كااافي كافي هسه اجي بس البس عبايتي.
سديت الباب بوجهه وطبيت للبيت وعفراء ماراضيه
-ماترحين.
-بساع اجي.
-ريـــمه تردين تتمرضين.
جريت عبايتي لبستها واعاينلها مديت ايدي على أيدها
-لا تخافين.
سكتت ما راضيه طلعت من يمها ابوي ضال واكف بباب الحوش مشيت بصفه لبيت اهلي يحجي عليَّ
-شني بويه هيج هيه لا تجين لا تنشدين لا تكولين اشوفن ابوي.
امشي وياه ساكته لمن طبينه للحوش سد الباب يعاينلي
-شلونج بويه؟
-زينه، ليش جبتني صاير شي؟
عاينلي مصدوم جرني من ايدي للدوانيه طبينه من الباب الخارجي كعد وكعدني بصفه كاضني من ايدي ويحجي على كيف
-بويه انا ما اريدن اخليج غاد ببيت شامل، وكل ماردت اطلكج من طــروادة اخوتج يوكفون بوجهي، انتِ تعاي كليلهم ما اريدنه يطكني وموش زين وياي خل يطلكونج وتفض هالطلابه هاي لعبت رواحنه.
حطيت ايدي فوك ايده جريتها من ايدي الكاضها هزيت راسي لا ورفعت عيني اعاين لوجهه
-بس رجلي ما طاكني ولا غالط عليَّ وزين وياي.
عگد حاجبه ضايج
-بويه ما يريدج.
-لا يابه يريدني وانه مرتاحه يمهم ومدلليني ليش تريدني اتطلك؟
سكت يعاين لوجهي بصدمة
-انا علمودج بويه جيه جنتِ ماراضيه.
مسحت على أيّده متحسره
-لا يابه مرتاحه لا تفكر بيه.
-هاي هيه بويه الله يهنيج ويسعدج جا انه شأريد.
ابتسمت اعاين لوجهه احجي وي روحـــي انتَ الكلش حنين شلون گدرت تكسر بأخوك كضيت ايده بأثنين ايديي مدنكه اعاينلها وامسح عليها
-يابه.
شلت راسي أعاين بوجهه
-ليش خليتني ابوگن گراب خنجر عمي شامل؟
فتح عينه حيل يعاين بوجهي هزيت راسي اي
-اتذكر شلون وديتوني واتذكر حتى حجيكم.
جر ايده من ايدي بنتر دار وجهه من عدي
-مالج غرض بهالسالفة
-الي يابه انتم حطيتوني بنصها وخليتوني انه الابوگن الگراب شلون هسه صار مالي غرض؟
دار عليَّ عيونه متروسه دموع حط أصبعه وسط اسنانه عضه بقهر
-اااخ لو ما ماشي بحچي امج كله منها هيه السودنتني على اخوي.
جريت ايده امسح. بأصبعه وهوه حسرته تهد الحيل
-سودنتني عمّت عيوني وخلتني انغش وامشي بحجيها.
-بعدك بويه بعدك تمشي بحجيها وراح تضر ولد عمي مثل ما سويت بيه.
-لا لا وروح عمج هسه هم امشي بحجيها بعد، ولا تشوفيني اتعارك وي طــروادة بس يضل ابن اخوي وشحد وأحد يحاجيه الظفر ما يطلع من اللحم، انه اعاركنه جيه مايعرف يتصرف ودوم يمشي غلط.
يحجي ويمسح دموعه بچفيته
-يابه، انه اموتن لو صار بيك شي وتدري بروحك عدي اعز من الهوه، بس لو ضليت تعادي طــروادة وتحاربه بگيعانه لو توز جديّ عليه راح اسولف الاخواني على گراب الخنجر.
فتح عيونه حيل مصدوم وانه گـــلبي يدك بقوة نزلت عيني منه مرتبكه وانفتح الباب طبت هاجر تضحك وتركض شبگتني جريت تفس اشمها
-يابعد روحـــي هجوره
تستمر القصة أدناه
شاكر:: روحن غاد بويه.
گمت وي هاجر للبيت تلاكت وياي امي طالعه من المطبخ وكفت بلعت ريك بخوف عاينتلي وجها مزلغ
-شلونج يمه.
-هلا بيج.
دنكت ماحطيت عيني بعينها وهاجر تجر بايدي تريد نصعد فوگ صعدت وياها للغرفة طلعتلي لوحة راسمها بيها غيث رسمها صاير قوي كلش
-الله يرحمك يا روحـــي غيوثي عمه.
أشرتلي بأيدها تسأل حلو رسمها لو لا
-يخبل شراسمه بعد؟
درت عيوني للبوفيه للدفتر سدت البوفيه تأشرلي براسها ماراسمه شي
-رسمج صاير كلش حلو وقوي متعلمه.
ابتسمت تهز راسها اي
-هجوره يله انه اروحن طــروادة ما يرضى اجي هناه، واذا تضوجين خلي الولد يجيبونج يمي خوش؟
هزت راسها اي ضمت اللوحه قفلت البوفيه واعاينلها المفتاح بيه خيط وتشده بملابسها وتضمه جواهم ضحكت
-چنج جده.
حطيت ايدها على راسها تأشر مسودنه، اخذتها ونزلنه جوه امي وابوي بغرفتهم ومحد من الولد موجود بست هاجر ورديت العفراء تعاينلي بخوف
-والله مابيه شي شسالفه خيه؟
سكتت محتاره خابرت رجلها يريد يجي ياخذها وهيه ما ترضى كالتله
-اريد اكضي الحجه وي البنات
اضــحك وياها سدت المكالمه منه وخابرت جــويريه حجينه وياها اثنينا
-ولج جوري تجين لو ازوجه الوحده عيونها ملونه؟
جــويريه:: يمه رجلي!
-جا وحمس رجلج ليش ما ترديله؟
-ههههه عفراء عليج الله احمي رجلي منّ الحلوات
ريـــمه:: لا تخافين محد تاخذه مو زين انتِ رضيتي بيه.
جــويريه :: ضحكت اسولف وياهن كاعده بالقاعة وحدي حجيت شويه وياها وسديت التلفون، نزلت جوه للكافتريا، افكر بيه وابد بعد مارحت عليه ولا راسلته مغثوثة لمن كضيت الدوام ومشيت للبيت بالليل بوره العشا راسلني برسميه يسأل واجاوبه بنفس الاسلوب الحد ما كتب
-ضايجة؟
-اي
-اخابرج تسولفين؟
-لا مراسله احسن
-ما احبن اكتب انا.
-اني احب.
قراها ومارد عفت التلفون وتمددت بحيره ساعات اتندم شلون رضيت بقربه شلون رضيت گـــلبي يحبه مو جنت متسودنه منه مو جنت بس اريد اشرد ليش هسه حبيته ليش عشگت حتى حرف اسمه،وليش حبي اله يبجيني، مسحت دموعي من دزلي رساله وره خمسه وعشرين دقيقه كاتب
-ليش ضايجة؟
كعدت على حيلي اكتبله كلشي ببالي وكلشي بخاطري
-متندمه.
-عليمن؟
-على الصار بينا جان المفروض ما ارضى واني اعرف بيك گلبك ويامن احس روحـــي وصخة لان انت تحب انسانه وانه اعرف وقبلت تتقربلي.
اكتب ودموعي على خدي كاره روحـــي ومشاعري طول يله كتب
-بس انتِ مرتي.
-وانتَ تحب غيري واني اعرف بهالشي وقبببلت؟
-ما احبن احد جذب لا اكو نجمة ولا هم يحزنون .
قريت كلامه ما مهتمه ادري بيه جذب يحجي هيج بس حتى يسكتني، من ماردبت عليه اتصل فتحت خط ساكته والبچيه خانگتني
-جوري.
-ها
ابجي واحجي بخنگ
-هاي عليمن تبجين انتِ صدك تحجين؟؟
-لو تطلگني لو تعوف نجمه؟
-هاي شبيها؟ مو اكلج ماكو وحده اسمها نجمة كله جذب بجذب.
-انه سمعت وهـــب يحجي بيها
-جذب يابه انه اضــحك عليهم
مسحت عيوني متحسره
-صــيهد لا تجذب عليَّ ترى جاي تقهرني اكثر
ضحك وانه ميته من البجي
صــيهد:: يشهد الحسين مابحياتي مره غيرج ولا محاجي غيرج ولا ببالي غيرج ولا رايد غيرج.
-جذاب.
-ياهو الجذاب لللج؟
-بداعت أمّك العزيرة تحجي صدك؟
-وداعت امي.
مسحت عيوني اتنفس براحه بس هم بعدني أريد احقق جا نجمة ياهي وشلون جان يحجي وياها وهواي اسأله ببالي بس سكتت من گال
-يله اخذي راحتج.
-شكو؟
-عود من تردين لبيتج نحجي.
سد الخط بوجهي هزيت ايدي مقهوره تمددت بفراشي اغلط عليه بگلبي ما اريد أروح للقرية احس هنا يله ارتاحيت وحتى هو گدرت افهم مشاعري تجاهه صح اشتاق الخاله ايمان وللبنات بس مكتفيه من احجي وياهم بالاتصال.
بقيت اتگلب مقهوره جريت التلفون كتبتله
-واذا طلع صدك اكو نجمه بحياتك والله اتطلك واسافر.
فتحها ومارد شويه ودزلي صورة مال سلاح وكاتب جواه
- جديد تحبين تجربين طلقته؟
-جربها بشعلان.
شافها ومارد وره شويه ودالي
-راح اطلع وي الولد لا تراسلين
-وين رايح؟
-شلج غرض.
نزلت من الچربايه افور اكتب رسائل وامسح ربع ساعة عدت كتبتله
-الولد اهم من عدي؟
طول يله شافها كتب
-انتِ العايفه بيتج ورايحه وي ابوج اكلج تعاي ردي ما ترضين شتردين اسوي؟
-اني هنا مرتاحه.
-خوش ضلي مرتاحه .
وداها وخلاني الوب من القهر كتبتله
-تعال.
-اجي اجيبج للقرية؟
-لا تعال اشوفنك.
-لا والله ما اجي.
كعدت على الچربايه عايفه التلفون بصفي اريد بس الكه حل يرضيني ويرضيه من افكر ارجع للقرية اختنك حجي جدي ودوام الكليه هسه يطلعولي الف مشكله ومشكله ويوميه يحركون گـــلبي، وهم ما اريد اعوف ابوي احس كلبي يوجعني من افمر اعوفه وارجع وي صيهد، ضليت اكل بروحي اريد يجي واحجي وياه واسولفبه شنو المانعني أرجع للقرية، افكر بيه وبشخصيته وردوده جريت التلفون كتبتله
-متأكد ما تجي؟
شويه وودالي صورة كاعدين بدوانية بيت عمي شامل كاص روس الولد ما مبين غير جسمهم كاتب
-كاعد وي الولد
-عوفهم
-لا
-متأكد
-مليون بالميه.
-خوش.
وديتها آكل بأظافري نشوف اذا راح اگدر اكسر حجايتك عشر دقايق عدن كتبت رسالة وكلبي يدك حيل
-مشتاقه لبوستك.
فتحها شمرت التلفون من ايدي وغطيت وجهي بالمخده اصرخ كاتمه صوتي ووخرت بساع من دزلي رساله فتحتها متوتره كاتب
-خرّب اهلج.
مارديت عليه وهوه ضل كل شويه يودي
-اجي اجيبج للقريه
مو احاجيج تجين للقريه
جــويريه؟
اقرأ ساكته كتبتله
-لا، تعال اشوفك
-ما اجي روحـــي عني لا اموتنج.
قريت كلامه اضــحك واحلف بيني وبين روحـــي والله تجي ونشوف منو اللي يمشي حجايته اني لو انتَ، نزلت جوه أبوي بعده كاعد، كعدت يمه مرغت رجليَّه وگمت جبتله فواكه كوه ياكل ماله خلك وكل ظني جان مقهور على اعمامي.
لحد ما تمدد اخذت باكيت الجكاير بدون ما ينتبه وطلعت للمطبخ اخذت الجداحة صعدت الغرفتي عفتهن على الميز بدلت ملابسي ووگفت گدام المرايه متقربه مغطيه وجهي بالتلفون وصورت موضحه دك النجمة، عفتها ورحت للجگاير ورثت وحده منهن حطيتها بين اصابعي وصورت ايدي، طفيتها ووديتله الصورتين سوه عشر دقايق يله فتحهن وبساع كتب
-جايج هالجكاره اطفيها بحلكج.
-ما تگدر.
فتحها ومارد واني مدري شبيه لازمتني الضحكة عفتله البيبان مفتوحة ورجعت صعدت الغرفتي ساعة ونص مرن واني منتظرة وكل شوي اروح للمراية اباوع الشكلي وأرتب شعري وارجع اوكف يم الشباك اباوع للشارع متوتره ومبتسمه على شنو ما ادري، ثلث ساعة مرت وطبكت سيارته بباب بيتنا سديت البرده بسرعة طفيت ضوه الغرفة وخليت بس الضوه الاصفر، ركضت بسرعة فتحت باب الكنتور ودخلت كعدت كوه مكفيلي مو مثل كنتوره، سديت الباب عليّ واركز ويَ الصوت.
ضحكت كاتمه صوتي من انفتح باب الغرفة
-جوري.
بقيت خاتله بالكنتور وكاتمه صوت ضحكتي، وبنفس اللحظة فتح باب الكنتور ضحكت بصوت وهوه الضحك الضحكتي جرني من ايدي وكفني ومد ايده يحضني من خصري رفعني الطوله يبوسني، تعلگت برگبته حاضنته حيل
-ليش تگلي ما اجي؟؟
نزلني على الجربايه كعدت ووكف گدامي مد ايده يلزم حنجي
-تدخنين؟؟؟
-لا جذبت عليك.
-بيج ريحة جكاير.
جريت ملابسي اشمهن كلهن عطر وريحتي طيبه
-مابيه والله صــيهد!!
ضحك ودنك يضم وجهه برگبتي حضنته اضحك يمكن هسه يله گدرت اعرف صــيهد هسه يله حسيته يضحك من صدك وهسه يله حسيت بحنيته، متروس اخطاء وقسوة بس يحاول يتلافاهن وياي وبكل لحظة احسها غلط انبهه من شفته يغير من نفسه وتصرفاته علمودي
احس فعلاً مابحياته نجمة.
غمضت عيني نايمه على ايده ما اريد افكر بيها وارجع انقهر، ظهري بصدره وايده حاضنتني بقوة باسني برگبتي يحجي
-گومي جوري على الچرباية.
درت وجهي عليه شلت ايدي اتلمس وجهه وبأصبعي مسحا حواجبه غمض عينه
-صــيهد اطلب منك شي؟
-اطلبي.
عاينت لعيونه مدري منين ابدي
-باوع اريد تبطل تغلط على اهلي والله جاي تقهرني، انتَ گلي شنو الاشياء اللي بيه مضوجتك واني اكلك شنو المضوجني.
-هسه انا غالط على ابوج ابوج عدل خليني اغلط.
-لا انتَ حتى على امي تغلط.
تحسر جر ايدي من وجهه نزلها على صدره يباوع لوجهي
-مو بأيدي والله هيه من اضوجن الغلط يتسطر گدامي.
-تقهرني.
-هاي هيه ما اغلط بعد بس انتِ لا تدوسين ببطني .
-مو مرات عادي يعني نتزاعل لو نتعارك عادي الا تغلط
-جا شسوي؟
-احجي بدون غلط كلي انتِ غلط انتِ شلون تسوين هييج اني شكتلج ومدري شنو بس لا تغلط.
اهتز صدره يضحك وجرني الحضنه حيل يبوس راسي
-ما اغلط بعد والله
-حلفت ترى.
-اي.
ضميت وجهي برگبته مبتمسه شويه وگال
-گومي البسي خل نردّ للقرية.
تستمر القصة أدناه
ابتعدت ألمّ بالغطا عليَّ وهو يباوعلي عاگد حاجبه حجيت بهدوء
-صــيهد ارجع بس مو هسه احس ما مرتاحه.
كعد على حيله يدخن
صــيهد:: جوري عاجبج مشلوع گـــلبي بهالدرب رايح راد؟
دنكت اهز راسي لا
-بعطلة نصف السنة ارجع.
-لا والله؟؟؟
شال حاجبه ما قابل
يحاول يحجي بهدوء
-كومي جوري لا تشلعين گـــلبي لمي اهدومج وخل نولي طولتيها وهيه كصيره
تقربت يمه الزم بأيده
-افهمني صــيهد حباب والله اني هنا كلش مرتاحه بس خليني هالكم يوم وارجع وياك.
جر ايده من عندي ووكف بعصبيه ما مخلي اي مجال للتفاهم لبس قميصه وجر اغراضه يضمهن وكفت وياه
-صــيهد.
عاينلي بخزر
-بت ليل انتِ؟ اجيج نص ليل وارد منج الفجر عاجبتج هيججج عيشه؟
-صوتك ابوي نايم.
دار وجهه من عدي جر سويج السيارة وطلع من الغرفة بحرگه ماطلعت وراه ولا نزلت قفلت البيبان كعدت بجربايتي ابجي محتاره وبين نارين ثاني يوم ابوي مالكيته الصبح رايح للدكتور، وصيهد لا خابر ولا راسل، وابوي رجع من الدكتور تعبان وحاله حال ومايگلي شبيه من اسأله يكلي ماكو شي
خفت عليه نمت يمه بالغرفة وثاني وضعه اتعس تعب اكثر
ومايقبل آخذه للمستشفى تمدد بغرفته اكل ما قبل ياكل.
بقيت مگابلته ايدي على خدي .
"
وهـــب:: الچلب عده كون ثيران ويبيع علينه بفلوس بس صــيهد كاعدله ركبه ونص گاله
-بأربع ميه تبيع؟
شعلان:: شني بايعلك طلي؟
صــيهد:: ما تريد تحصلك أجر بلكن يكفرن عن ذنوبك؟
گلب وجهه ينتر على صــيهد وصيهد يدخن يحاجيه ببرود
صــيهد:: اربعمية بالجيب وخلني اخذه اذبحه ترا انا سمعت اكو واحد حاط عينه عليه احسن ينباك من المرعى وكلشي ما تحصل.
#أرض_الـــــخناجر 🗡️
بقلمي الكاتبة ايـــلول..... #البارت٥٧... #القسم٢
تصويت وتعليق بين الفقرات لطفاً 💚
══━━━━✥◈✥━━━━══
ضحكت داير وجهي هذا ســليم اليريد يبوك الثور ويبيعه يجيبله ثلث ملايين جدّه كالتله
واشيه:: هوه الثور حلالي انه ابيعن اطني خمسميه واخذه.
ضحكلها جدي لان صدك نص الحلال بالمرعى الها وصيهد بساع حط الخمسمية بأيدها ودار عليَّ صاح
صــيهد:: گون وهب اخذ الثور وروحوا جيبوا ســليم.
نثرت الماي بوجه ابوي غاص من الضحك وصيهد گلب وجهه وطلع لحكته كضني يم باب الحوش من علباي
-اذا تكضها عليَّ اموتنك!
-لا يابه هدني شني السالفة
هدني طلعت من يمه رايح لبيت عمي شاكر وهوه يمشي وراي يريد يروح لطرواده دكيت باب بيت شاكر وهوه دك باب بيت عمي شامل صحت على ســليم
-الثور تعال نروح نجيب ســليم .
دارلي متحلف عباله اعديها اله اخذت ســليم ورحنه للمرعى جبنه الثور ربطناه بباب شاكر، حتى بليلة العاشر نذبح والصبح نوزع بالتشابيه، طبيت للبيت تلاگت وياي رغد التلفون بأيدها
رغد:: جــويريه مدري شبيها تريد صــيهد تخابره ومايرد.
اخذت التلفون من ايدها مافاهم شي مشيت البيت عمي شامل التلفون على اذني اسمع بس صوته يرجف وتهمس
-بابا، بابا حاجيني.
طبيت البيت عمي شامل. كاعد يم طــروادة يسولف
-صــيهد وين تلفونك؟
-بالبيت على الشحن.
مديتله تلفون رغم
-مرتك تريدك.
عگد حاجبه مستغرب اخذه من ايدي ووگف بس كالها الو وركض للسيارة لا كالنه شصاير لا صخام خلانه نتراكض وراه شلون المسودنين.
طاير بالشارع واحنا وراه انه وطرواده واجوا ورانه ســليم وبريا، لمن وصلنه بيت ابوها يدك الباب كل حيله طفر بريا فتحلنه باب الحوش وطبينه للبيت وره صــيهد نركض يدور عليها روحه رايحه
لمن فتح باب الغرفة واشوفن ابوها ممدد اديه مشمرات وهيه نايمه بحضنه جرها صــيهد يغطي بيها والولد ركضوا الابوها وجهه باهت. ومابيه اي نفس وهيه فاقده مجلبه بصيهد وتكله
-مابيه نفس ابووويه مابيه نفس
الولد اخذوا ابوها للمستشفى وانا وصيهد رديناها للقرية لا صرخت ولا بجت ما مستوعبه لامها الصدره وهيه بس تردد
-اجيت يمه مابيه نفس ابويه مابيه نفس.
""
ندى:: نلوب ميتين من الخوف على جــويريه من وهـــب راسلني وگال ابوها مات والبنيه ما مستوعبه راح يجيبونها، وهـــب طبب السيارة للحوش طلعلنالها انه ورغد نزلها صــيهد كاضه بأثنين اديه وهيه بس لمحتنه ولمحتنه طاحت من ايده للگاع تبجي بصريخ لمها الحضنه وجهه مطعون مايحاجيها انتهت روحها فرفحت من البجي والصريخ طببها صــيهد للبيت يم امه وطلع مختنك كوه يحاجينه
-ديرن بالجن عليها.
وراحوا هوه ووهب، گـــلبي مردته ابجي وياها وحاسه بكل شعورها يا كسرت گلبها يا لوعتها وحرگت روحها
وعمها حاضنتها تبجي وياها وتنوعيلها وهيه تصرخ متخبله
-والله ما شبعت منه خاااله ما شبعت من ابويه والله جنت محرررومه منه جنت محرومه منه.
وعمتي ايمان حاضنتها الگلبها تبجي وياها، الولد للخمسه الصبح يله اجوا، وهيه بس شافت صــيهد حاجته صوتها مبحوح وعيونها من البجي منفخه رادت تروح للفاتحة مارضى گالها
-عمامج طردونه لا يردونج ولا يردون نلفي الفاتحتهم.
بجت بحرگه جراها الصدره متحسر عافها يم عمه متمدده وهيه تقرأ على راسها غفت تناشغ. للصبح اجت ماسه ورراهلاجن بنات عمو شامل رنـــه وعفراء وريمه، وهيه شبگت عفراء تبجي اباوعلهن كل وحده تبجي على ابوها واني منهن كل وحده بينا ضايگه هاللوعه والكسره.
رنـــه :: مسحت عيوني وطلعت من الغرفة مختنگه ما اگدر اسمع حجي جوري گـــلبي ضلّ يوجعني من بچيها، وكفت وي رغد وندى بالمطبخ متانيه ريـــمه وعفراء يجن، عاينت لرغد أسألها
-جا شلون مات ابوها.
رغد:: اسم الله اسم الله، وهـــب يگول اثاري هوه اساساً بيه مرض مو زين وامس مجلوط.
-خطيه جوري كسرت گـــلبي .
سكتن مقهورات لمن اجن البنات ريـــمه وعفراء ردينه البيتنا عود اليوم الحجه وعفراء گالت نسويها ببيتنا
من ردينه للبيت گتلها
-بعد ما نسوي الحجه؟
-لا شلون ما نسويها
-حا وجويريه.
ريـــمه :: جا حتى لو لان احنا ما مسوين شي وحتى هيه نجيبها هناه.
گلبت عيوني ودرت وجهي منها وهي حاسه ومرتين نشدتني ليش زعلانه منها ما حاجيتها، مــيثم وطرواده راحوا يتسوگون للطبخ وعفراء وصتهم على غراض تريد هيه هم تطبخ علمود الحجه من يجن البنات، طنكرت بالبداية ما ساعدتهن لمن عــفراء كالت
-احنا ناخذ الاجر وانتِ تضلين.
النوب كمت اتعارك وياهن على الشغل انه الاريدن الاجر وكفنه انه وياها بالمطبخ تسوي حميسه عاينتلها هزت رايها تسأل شكو
-تدرين شكد صارلي ماشايفه بريا.
-ها رنـــه؟؟
درت وجهي متحسره هوه يجي بس انه ما احاجيه اسمع صوته واضل ساكته علمود طــروادة بس گـــلبي يضل بوجعني من اسكت وما احاجيه حيل انقهر. وره العشا الولد صارت هوستهم بالساحة التصير وسط بيوتنا، ذبحوا وحضروا للطبخ للعشرة يله البنات اجن سلمت على مــاسه وعلى اخت بريا بس طبت للحوش ذبت العبايه والشال شعرها مفتوح ولابسه بنطرون ايود وتشيرت رصاصي گالت مــاسه تشاورني
-مارضت گوه جبتها.
-زين تسوين.
طبن للبيت لمن اجن بنات عمي وليد اجن بس عمتي ايمان ضاله يم جــويريه لا هيه ما راضيه تجي.
عفت الكل ومركزه ويَّ ماريا كاعده بصف مــاسه خاتله تعاين بأستغراب والبنات من يحاجنها ويسلمن عليها يگللها ليلى وكفت مديتلها ايدي
-ماريا، تجين نطلع بالحوش؟
عاينت الايدي وعاينت الماسه مدت أيدها الي جريتها وياي وطلعنه للحوش سوه كعدنا ساكتين بس نسمع صوت الولد همه يسولفون واحد يأمر على الثاني بس صوتهم عالي عبالك جاي يتعاركون ، درت الماريا احاجيها
-بريا يضوجج؟
عاينتلي هزت راسها لا
-اذا ضوجج كليلي عليه انه اموته.
ماريا:: انتِ حبيبتو؟
بهتت وگلبي دك حييل مرتبكه من حجايتها هزيت راسي لا
-لا بس هوه يخاف مني
ابتسمت
- فكّرتك حبيبتو.
درت وجهي لباب الحوش اتأكد محد موجود ورديت اعاينلها
-هوّه يحبني.
-وانتِ؟ شو عنك؟
-مافهمت شتقصدين؟
-يعني انتِ مابتحبيه؟؟
دنكت مبتسمه احس طيور ترفرف بگلبي رفعت اكتافي ما ادري واباوعلها ابتسمت سولفتلها شسوي بيه وسلون اهد عليه هاسكي ضحكت وضلينه بره نسولف بالساعتين يله طبينه يمهن للأربعه الفجر، يله البنات راحن واحنه نمنه وهالمره مارحنه للتشابيه عــفراء عيالها ودوا عليها عدهم خطار ومشت من الصبح.
والولد اجوا الظهر ميتين من التعب ناموا شويه ومشوا للگيعان حتى عبود راح وياهم، ريـــمه هادئه ومن شافتني ما اريدن احجي وياها تجنبتني هيه هم عافتني على راحتي.
ضليت بالحوش طيرت الطيور وافتر بين الدجاج والبطوط والصخلة عشر دقايق واجه يحاجيني من وره السياج
-عگب باجر التحق تعاي احاجيج.
تنديت يم حايط السياج ضايجه
-انتَ ليش ما تبطل؟
-عوفج مني شلونج؟
-زينه بس كلي ليش ما تبطل ؟
-رنـــه
مسحت وجهي متحسره ومختنگه
-ها؟
سكت فترة وگال بصوت ناصي
بريا:: احبنج.
دك گـــلبي حييل ساكته واحس بوجهي صخن رد گال
-غزالي.
-شتررريد؟
نترت ما ادري شبيه مقهوره.
-شبيج؟ بله تعاي اصعدي خل اشوفنج شبيج؟
مسحت عيوني وصعدت على الدرام اعاينله شال راسه عينه بعيني مضيگهن عباله جاي ابجي
-شبيج رنـــه؟
دنكت اهز راسي ماكو شي
-حتى لو اكلك شبيه ما تهتم.
-انا ما أهتمّ آفا!
درت وجهي منه ساكته احس شفايفي يرجفن
-احجي رنـــه شبيج؟
عاينت لوجهه عينه بعيني
-اخافن من تروح .
رخت عگدت حاجبه وابتسم مكيف
-تخافين عليَّ؟
هزيت راسي اي ضحك
-هنيالي.
-عاجبك تموت انتَ؟ واحد هم يفكر المن رايح للموت
احجي واحجي وهوه بس يعاينلي مبتسم
بريا:: اموتن عليج رنـــه وروح عمي أموتن عليج.
خزرته ودرت وجهي رجليَّ يرجفن على الدرام
-يله يله ما احجي هيج بعد.
-تخليني بعد دوم ما احاجيك.
-التوبه بعد ما أحجي.
عاينتله بزعل وهوه الضحكه شاكه حلكه گال
-تطيني شي منج يضل ذكرى يمي؟
-لفه؟
-ههههههه لا
ضحكت اعاين لعيونه
-بعد ماينكسر خاطري عليك صارت عدك اخت.
-هسه شني كسبان خسران ؟
-كسبان اخت وصارت عدك شتريد اكثر.
سكت مبتسم بعد مايناقشني عليها يدري أعاركه رد گال
-اي شي منج اخذه وياي
-عدي چفيه صغيره مكتوب عليها اسمي لونها ابيض احبها وضامته وي غراضي العزيزات اطيكياها؟
راحت ابتسامته وهز راسه يسأل
-منيلج؟
-انه مسويتها وي امي من جنت صغيره.
-يله اريدها جيبيها،
نزلت وطبيت للبيت اركض ربمه كاعده بالهول تكتب بزهره طبيت للغرفة أدور عليها طلعتها شميتها مابيها اي عطر اخذتها وطلعت بساع صعدت على الدرم مديتها اله فتحها يعاين بيها مبتسم يتسلم حروف اسمي على طرفها
-صدك انتِ مسويتها؟
-اي والله وجنت صغيره ومسويتها وي امي حيل احبنها مو تضيعها.
-ابد والله ماتضيع من نتزوج اردها الج.
فتحت عيني خازرته وهوه يضحك وفزت كل ذرة بجسمي اهتزن رجليَّ بخوف من سمعت صوته وراي وصاح بحرگه
طــروادة:: رررنـــه
درت عليه متخرذله خازرني بغضب عثرت بطرف دشداشتي وطحت من الدرام توني اوكف واجه بساع ويتراجف جرني من زندي وطكني راشدي حيل طحت بالگاع يم حطب التنور واحس بعود مال شجره شخط خدي كله، وصوت بريا يصيح
-لا تطگها كهلاااان لا تطگهاا.
يصيح ويدك على باب الحوش البجهته حيييل حطيت ايدي على خدي ووخرتها كلها دم وطرواده راح البريا يركض فتح باب الحوش وجره يطكه بكل قوته صيحت ابجي واحس بريا جرتني مكومتني من يمهم طــروادة يطكه وهوه عيونه علي فتح عينه كلها مت شاف وجهي وايدي كلها دم شال ايده يطك طــروادة ويصيح بوجهه
-كتلك لا تطگهااا.
طببتني ريـــمه للبيت كعدت على حيلي ابجي والولد التموا صياح وغلط وصوتهم عالي وريمه تلوب گدامي ركضت جابت المعقم والگطن تمسح الدم من وجهي يحركني حييل
ريـــمه:: جريتها من أيدها خايفه طببتها الغرفتها وسديت الباب وكفت گدامه وهوه طب للبيت متسودن ويتراجف
-وينهاااا؟
-طكيتها حيل وجها كله دم.
خازرني بحرگه وطب سلطان جراه يتعارك وياه بالحوش هوه وسليم، لان طاك بريا حييل وغالط عليه وعلى مــيثم
تالي طرد حتى اخواني وطب للبيت ضليت واكفه بياب الغرفه شال ايده يصيح
-خااايسه شحلفتي انتِ ووولج تضحكين عليَّ؟
كعد بالهول يفور زهره خاتله بصفي خايفه منه وحسين كاعد بباب المطبخ ضايج وبس شاف طــروادة سكت وكف على حيله يگله
حسين:: مايستوجب تطك رنـــه؟ هوه نعال بريا يجيها طكه لا تطكها.
دار عليه طــروادة خازره وهوه گالب وجهه طلع من البيت للحوش وطرواده طب الغرفته بياع فتحت باب الغرفة وطبينه يم رنـــه انه وزهره ضامه روحها بالغطا تبجي بحرگه
-رنـــه فـــدوه كافي لا يصعد سكرج.
-خل يصعددد خل يصعد وكوني اصبح مييييته بجاه هذا يوم الحسين، ووولج يوميه يحلف ما يطكني بعد ويرد يطكني كون ابوي عدل جا كسر ادديه.
مفرفحه روحه وتحجي بحرگه كعدت يمها اجرها الحضني احس ماعدي شي يواسيها
- تدرين بيه يحبج بس هوه من الصبح مدري شبيه النوب شافج رنـــه لا تحرگين گلبج.
ضمت وجها بصدري تشهك بخنگ
-طك برياا ريـــمه طك بريا حييل.
-اشش مابيه شي بريا توه سلطان گالي مابيه .
احجي وهيه مفرفحه من البچي، زهره جابت كهاز السكر كوه قسته الها شربت حبايه وتمددت متغطيه وتبجي كمت اريد اطلع من يمها بس فتحت باب الغرفة لكيته واكف بالباب عيونه حمر دار وجهه جر الجفيه من الباب لفهه عليه متنگب بيها اخذ هاسكي وطلع، لوره اذان المغرب خابرت مــاسه على تلفون رنـــه رديت عليها انه گالت
-بريا اصابعه اثنين مكسرات شبيه طــروادة شسالفه جا يدري هيه رايدته وهوه رايدها؟
-والله مــاسه مدري شبيه هوه من الصبح اليوم احس بيه شي
-مــيثم خابر عفراء من تلفوني ميت من القهر شكالها على طــروادة وگالها حاجيه خلي نعقدلهم سكته هو مو مايرضى يحاجيها بالحرام خل يعقدون وعود لو رنـــه وره سنه سنتين ماردات بريا يتطلكون بدون ما واحد يدري وفضت راحت
-وعفراء شگالت؟
- ضاجت لا راضيه على طــروادة ولا على حجي مــيثم وضل يحاجيها شوي جنها اقتنعت بحجي مــيثم وبعد ما ادري
سكتت محتاره سديت التلفون منها ورديت يم رنـــه غافيه والدموع ناشفه على رمشها والزلغ يبس دمه على وجها
بالعشرة ونص اجت عفراء وحتى شمس ماجايبتها وياها ومنذر ضل متانيها بره، كعدت رنـــه تحاجيها ورنه ردت تبجي
-چم مره كتلج لا تحجين وياه رنـــه؟ اخوج ما يرضى چم مره كتلج؟
وهيه تبجي بحرگه وخابرت على طــروادة ربع ساعة واجه طب للهول وجهه مايكصه السيف
-هيج تطگها ؟
ماحاجاهع طب للمطبخ غسل وجهه وهيه تفتر وراه.
-كهلان هييج تطكها؟
دار عليها ضايج
-شتردين؟
-ليش طكيتها؟ انتَ بلسانك گتلي بويه رنـــه ما ترد رنـــه ما تسمع الحچايه جا ليشش طكيتهااا؟
لطمت على رجليها محترك گلبها وعيونها متروسه دموع
-مكرن انا؟ شعلان يجيني يصيح غصباً ماعليك بريا ياخذ رنـــه، ارد للبيت الكاها متعلگه بالسياج وتحجي وياه، ووولج دكيته بلوك شحط بعد واكض رنـــه، ما اگدرررها؟ ولج ما اگدرلهاا.
-صيحح صيح بعد أفضحها، اختك عاشگته ورايدته مثل ماهوه رايدها ارضى يعقدون وووفكني.
حط ايده على حلكه خازرها
-اسكتي اسكتييي لا تعيدينها.
-اسكت وتضلّ هيج على ساعة تطكها وتموتها، كهلان اهلي يرضون تمد ايدك عليها نسيييت ابوي شوصاك ولك عزيزة ابوي وانتَ يوميه طاكها
بجت مختنگه وهوه دار وجهه منها بس يريد يطلع ماخلته
- عفت بتّي مريضه بدال ما اخذها للمستشفى اجيتكم بگلبي النار، اعقدلهم سكته بس بيناتنا لا جدي ولا عمامي يدرون تصافوا خير على خير خلها توصل للخامس وخل كل الوادم تدري بخطبتها، ما تصافوا يطلكها ومحد يدري
-حجي مــيثم هذا حجي ميثممم؟
تعاركوا هيه تحجي بحرگه وهوه اعصاب بجت دارت وجها وطلعت من البيت مفرفحه روحها، رگع كلاص الماي بالحايط يسب ببريا وبشعلان، اخذ تلفونه وطلع روحه طالعه
ورنه حتى للمدرسة مارضت تروح كاضيتها بجي عيونها مورمه وهوه هم ماداوم البيت كله متكئب محد يحجي وي الثاني عبود هم تعارك وياه من شاف رنـــه وهوه ميت من القهر ويسألني مدنك
-شبيه وجه رنـــه؟
-من انت طكيتها طاحت على الحطب وعود زلغ وجها!
-هواي؟
هزيت راسي لا، تحسر وطلع مقهور طبيت يمه رنـــه احاجيها شويه لانت امس حيل مقهوره
رنـــه :: مسحت وجهي وگمت وياها عاينت للمرايه الزلغ بعده يوجعني وخايفه يضل اثر ومناه اثار الحبوب التطلعلي وجهي يقهر. درت الريمه مختنكه
-يگلي اخذج للدكتور علمود الحب البوجهج، تالي باعي شسوه بوجهي
-رنـــه والله مايدري لو تشوفينه شلون مقهور وينشدني عليج ميت من القهر.
مسحت وجهي ساكته طلعت للحوش العصر وريمه وياي شويه وسمعت صوت جدي يصيح
-وول ووول
وصوت هاسكي مو ينبح بس يلعب ويزير، ركضت بساع اعرين من باب الحوش، جدي وعمي شاكر ومرتضى ووياهم زلم اربعه معگلين، وهاسكي يلهب عليهم الزلم يضحكون محتميين بجدي وعمي شاكر ويكلوله
-كضوا چلبكم.
وجدي ينكث بعباته عليه وهاسكي جر عباية جدي بحلكه يلعب والله يلعب ما يريد يعضهمم، وجدي تسودن صاح مرتضى
-اطني التفكه.
-ريـــمه ررريمه راح يكتلون هاسكي.
واثنينا انه وريمه ركضنه للبيت نجيب عبينه جريت عبايتي كبل ريـــمه وطلعت اركض
توني فتحت باب الحوش وصرخت وي صوت الطلق طلقتين ثارن .
شكرا لزيارتكم عالم روايات سكيرهوم
