رواية تاج مصر الفصل الخامس بقلم ليل ادم
الصياد: ( أول ما وصلت تجاه باب الكنيسة خدت وضع الاستعداد خلف الباب كان العنصر داخل وفي ايده جهاز التدمير و القي الشهاده وقبل ما يفعل المفجر كنت واخد من ايده جهاز التفجير و حاتط في ايده الكلبش)
الصياد: وحيات امك فاكر نفسك لو موت هنا هتدخل الجنه
العنصر: سيب ايدي يا عدو الله
تاج : فارس فارس لو سمعني رد عليا
الصياد: تمام يا تاج الواد معايا
تاج : هبعتلك عربيه من القطاع سيب الواد وارجع
الصياد: تمام يا تاج ( وبصعلى كل الموجودين) ياجماعه بعد اذنكم محدش يصور حاجه محدش يطلع وشي انت كده بتأذيني
واحد من أفراد الكنيسة خد التليفونات من الناس قبل ما حد يسجل حاجه وقفل باب الكنيسة
الصياد: من فضلك مش عايز حد معانا خالص خلي المكان فاضي لحد ما حد يستلم الواد ده من القطاع
في جانب آخر
ابو القاسم:ابو الحسن بلغ جماعه حلون تلغي اي مهمات عندها وترجع الحدود بأي شكل
ابو الحسن: تحت امرك يا أمير
في جانب آخر
الصياد: تاج الواد راح القطاع
تاج : بقولك اي في حاجه غريبه بتحصل في شقه العيال دي
الصياد: في اي
تاج : مش عارف بس كل واحد بيجهز حاجته بسرعه شكلهم خدو خبر يخلوا
الصياد: انزل يا تاج أنا تحت
تاج : جايلك
تاج : (بعد ما نزلت كان القطاع باعت مع العربيه اللي اخدت العنصر حجات كنت طلبتها تساعد على دخولنا الشقه ومع التنسيق مع الوزارة انقطعت الكهرباء عن المنطقه كلها علشان نقدر ندخل ونخرج بدون اي خسائر )
تاج : جاهز
الصياد : أنا هنزل من على السطح وانت مكانك لحد ما أديك الاشاره الباب لو عليه أستك هنموت لو فتحنا الباب بلاش تهور يا تاج
تاج: معاك ١٥ دقيقه وبعد كده النور هيرجع في المكان
الصياد: أول ما أنزل من السطح هفتح الباب من جوه
تاج : ربنا معاك
الصياد:( فعلاً طلعت السطح ومن السطح على غرفه نوم داخل الشقه اول ما دخلت كنت سامع و حاسس أد اي مرعوبين خايفين يكون النور ده كمين كان في عنصر داخل الغرفه اللي كنت فيها كتمت بوقه خالص و كان معايا لكل فرد منهم ابره تخدير مجرد ما تختلط بالدم يصبح الإنسان شبه ميت لحد ما ياخد الابره اللي تدب فيه الروح من جديد وفعلاً كان العنصر فقد الوعي سبته على السرير وبدأت أتسلل الي باب المنزل أتحسس باب الشقه أن كان عليه استك تفجير ولا لأ وفتحت الباب بكل هدوء دخل تاج ومن هنا كل واحد فينا خد طريقه كان متبقي من الوقت ٨ دقائق وفاضل ١٠ أفراد في الشقه الخوف حد منهم يقرر مره واحده يفتح كشاف أو حاجه يكشف منها مكان حد مننا وفعلاً بدأنا التعامل معاهم بكل هدوء محدش حس حت الآن بوجود حد فينا بس )
تاج : (آخر تلات أفراد كانت المهمه اصعب معاهم لأنهم كانوا في غرفه واحده مع بعض انتظرت الصياد لحد ما ينهي أمر المكلف بيهم وخرج عرفته أن في تلاته جوه في الغرفه قررنا ندخل نخطف اتنين والتالت هيكون أمره سهل بس عامل الوقت كان اسرع مننا فاضل دقيقه وحيده كنت أنا خدرت واحد و الصياد خدر الاخر تبقا واحد فقط وقبل ما نصل إليه كان النور رجع من تاني)
العنصر: (اول ما النور رجع لقيت الاتنين في وشي كل واحد منهم ماسك سلاحه و للاسف كنت قالع حزام التفجير و سلاحي بعيد عن ايدي)
تاج : جمب اخوتك بهدوء بدال ما افرتك دماغك
الصياد: (أول ما العنصر لف وشه تجاه الباب وبقيت أنا في ضهره حقنته من نفس المخدر)
تاج : تسلم ايدك
الصياد: شكلهم يفتح النفس كلم حد من القطاع
تاج : في الطريق متقلقش
الصياد: اي المفجر ده أنا أول مره اشوف الحجم ده
تاج : ولاد الكلب كانوا عاملين حسابهم يفجروا القاهره ولا اي
الصياد: خلي بالك كل عيل من دول جوه منه كنز لو عرفنا ناخد منه اللي عايزينه
تاج : استنا استنا ( وأشار إلى الصياد بالسكوت )
الصياد: في ناس طالعه على السلم
تاج : ( قفل الباب ) لم العيال دي جوه الغرفه هنا واطلع من مكان ما جيت يا صياد
الصياد: تمام ( وفجأة انفتح ضرب النار من كل مكان الشقه بقت عباره عن حقل تدريب لإطلاق النار)
تاج : اي مش هنعرف نخرج ولا اي ( وبيضحك)
الصياد: شكلها شهادة ياعم تاج
تاج : طب نموت هنا
الصياد : لا طبعاً نموت في الرسبشن تعالي ورايا
تاج : على فين
الصياد: نشوف طالعه من الشباك ده
تاج : ياله اهو حتا ناخد في سكتنا تلاته أربعه
الصياد: ( فتحت الشباك مكنش في اي حل نقدر نوصل منه الي سطح المنزل بس كان في حل ننزل طابق تحت عن طريق النزول الي الشقه اللي تحت اللي احنا فيها نزلنا الشقه فعلاً ودخلنا من غير ما حد يشعر بينا فتحت الباب بعد ما تأكدت أن مفيش حد وقف بره وكان تاج في ضهري يأمن ضهري وأنا طالع على السلم وبدأ أطلق النار ما بينا وبين العناصر وقع منهم اللي وقع وفي منهم هرب عن طريق سطح المبنى كانت عربيه القطاع وصلت وتدخلت معانا في الأمر وهرب اخر اتنين من العناصر عن طريق السطح دخلت رجاله القطاع فتحت باب الشقه و نزلت العناصر على العربيه ومن هناك على القطاع
في جانب آخر
ابو الحسن: عندي خبر مش هتحب تسمعه يا أمير
ابو القاسم: مجموعة حلوان وقعت كلها
ابو الحسن: فعلاً
ابو القاسم: مين قالك أن هيا دي المجموعه من الأساس
ابو الحسن: يعني اي
ابو القاسم: يعني كل دول كبش فداء للمجموعه الأساسية اللي محدش يعرف طريقهم غيري افتح التلفزيون وخلينا نتابع الاخبار وانت تفهم
في جانب آخر
تاج : يابني انت هتستهبل يعني اي انت اول يوم ليك النهارده
العنصر: والله أنا مش عارف اي حاجه أنا من اسبوع كنت في بيتنا وكنت كويس لحد ما تعرفت على بنت وخدت منها ميعاد نتقابل ولما روحت اتقابل بيها لقيت نفسي بتثبت وبدخل في حوار مش بتاعي وناس عماله تدرب فينا ازاي نضرب نار من ضمن الناس دي واحد كان معانا في السكن اللي حضرتك خدتنا منه
الصياد: تاج اطلع بره عايزك
تاج : أنا طالع وجاي تاني وخلي بالك والله ما حد هيرحمك من تحت ايدي لو طلعت بتكدب
العنصر: والله العظيم هو ده اللي حصل مش مصدقني دخل كل الشباب اللي كانت معايا وانا اقولك مين الشاب اللي كان فعلاً تبع الناس اللي خطفتنا
تاج : صوركم كلكم اهي مين في دول
العنصر: اهو هو الواد ده
تاج : (خد الصورة وخرج ) سمعت
الصياد: الواد ده مش كداب شكلنا كده كنا في كمين
تاج : مش ده الواد اللي كان رايح يضمر الكنيسة
الصياد: اه هو ده
تاج : يعني في مجموعه تاني في حلوان
الصياد: لازم نتحرك على الكنيسه فوراً يا تاج في كارثه هتحصل الوقتي
سيف : تاج فارس تعالوا بسرعه في مصيبه
تاج : في اي ( وراح ورا سيف هو و فارس كانت كل الاخبار بتتكلم عن تفجير نفس الكنيسة اللي جاب منها فارس العنصر قبل ما يفجرها )
تاج : (رفع سلاحه ودخل على ابو صهيب وكان في قمه غضبه دخل ورا الصياد كان تاج حاتط سلاحه في رأس ابو صهيب و ينوي قتله )
الصياد: تاج اعقل انت بتعمل اي
تاج : اوعي ايدك يا فارس دا خاين ابن كلب
ابو صهيب: والله ما اعرف حاجه تانيه اللي أعرفه قولتلك عليه
الصياد: (بصوت عالي) ولا انت قولت أن آخر عناصر دخلت القاهره هيا العيال اللي جبناهم القطاع من ساعه و طلعت كداب وفي ناس غيرهم
ابو صهيب: والله ابدا أنا هكدب ليه وانا تحت ايدك وعيالي معاك هو أنا مجنون
تاج : لا انت كداب وابن كلب وحيات امك ما هتشوف الشمس تاني ولا هتشوف عيالك هخليك تتمنى تموت ومش هموتك
الصياد: تاج شيل سلاحك بقا خلينا نفكر بالعقل علشان نوصل لحل
تاج : عقل اي انت عارف في كام واحد مات في الإنفجار ده ولا عارف الناس في بيوتهم بقيت تحس انها عايشه في غابه واحنا ولا لينا تلاتين لازمه
الصياد: علشان كده لازم يكون في حل
ابو صهيب: والله أنا كل اللي أعرفه قولتلك عليه
الصياد: تاج ممكن تيجي معايا
تاج : على فين بس يا فارس
الصياد: هجبلك العيال دي تحت رجلك تعالي معايا
تاج : تعالي يا فارس اتمنى نوصل لهم
الصياد: (خد تاج مكان ما جابوا المجموعه من حلون وبدأ يفرغ كاميرات المراقبة في محل قهوه في وجه المنزل اكتشف أن قبل وصول تاج و فارس كانت المجموعه اتغيرت نزلت المجموعة اللي فوق الأساسية ودخلت بديل منها مجموعه تانيه اللي وقعت تحت ايد فارس و تاج )
تاج: يعني العيال اللي ضربت علينا نار واحنا فوق هما دول المجموعة الأساسية
الصياد: بالظبط
تاج: (بيكلم القائد على اللاسلكي يطلب منه تنسيق كامل مع الوزارة علشان يتم تفريغ كل الكاميرات اللي في طريق المجموعة دي لتحديد مكانهم وفعلاً تم الموافقة على طلب تاج )
في جانب آخر
ابو الحسن: ابو القاسم عرفت اسم الظابط الجديد اللي مع تاج
ابو القاسم: مين
ابو الحسن: قناص سيناء
ابو القاسم: (بفرحه كبيره ) الصياد
ابو الحسن: ابن العرقي
ابو القاسم: معقول المتعه دي كلها الجيش بيضحي مع ابو القاسم ب خيره شبابه تاج بيه و الصياد كده يبقا ننزل الملعب يا ابو الحسن
ابو الحسن: (هز رأسه مستغرب مع ابتسامه عدم الرضا عن الحديث) بس يا أمير أنضمام الصياد مع تاج الموضوع بقا تقيل اوي المفروض نرجع الحدود وجودنا داخل الحدود في قلب العاصمه بقا خطر علينا كل ثانيه بتعدي علينا جوه المدينة عباره عن موت محقق
ابو القاسم: عملت اي في تأمين المزرعه زرعت العبوات
ابو الحسن: كل حاجه تمام بس البحيره مفيش فيها ولا فرد امن وقبل كده الصياد دخل وسطنا في ليبيا عن طريق البحر وبرضه مكنش حد مصدق إنه يدخل ويخرج حي اتمنا بلاش ياخدنا نفس الغرور في التفكير
ابو القاسم: ايام ليبيا كان الأمير أبو زكريا الوقتي اميرك ابو القاسم يا ابو الحسن عارف مين ابو القاسم
ابو الحسن: طبعاً يا أمير
ابو القاسم: روح شوف شغلك
ابو الحسن: تحت امرك يا أمير
ابو الحسن: ( صحيح ابو القاسم اصغر امير في تاريخ الجماعه لو مكنتش اعرف أد اي دماغه ذريه كنت توصلت مع الجماعه بخصوص وجودنا في القاهره بعد رجوع الصياد بس أنا متأكد أن لو حتى اتكلمت معاهم محدش يقدر يكلم ابو القاسم أصل ابو القاسم بالنسبه ليهم كنز دماغ قويه سنه صغير على اول التلاتين غير أنه مقاتل على أعلا مستوى مفيش موضع شبر في جسد ابو القاسم إلا وفي أثر من أثار المعارك اهم عضو في جماعه الأنصار مش ناسي ابدا عمليه دير الضبعه ولا دور ابو القاسم رغم أن مفيش امير بينزل وسط رجاله إلا ابو القاسم مش بس ممكن ينزل لا وقت الحرب هو من الأخيار لا يمكن يسيب القاهر بالذات بعد رجوع ابن العرقي تاريخ العراقي و أبنه معانا ليه سوابق سوداء علشان كده أنا متأكد أن ابو القاسم لن يبرح القاهر قبل أن يفعل بها الأفاعيل
