رواية بنات سهر الفصل الخامس بقلم فراقد حسن علي
مخنــــــوگة الســـــوالف تطــــــلع من الـــــروح
مـا أدري إشعجـب ؟ و شصـار ؟ و شذنبــي ؟
يــــــلوموني لأن ربـّيــــــت حزنــــــي ويــــــاي
المفــــــارگ محــــــب متگلــّـــي شـــــــيربّي .؟
صـــح تعـّبــني كلــش .. صــح سهــرت ويـــاه
بـــــس والله أصيــــــل و مـــا نكــــر تعـــــــبي !!!!
================================
أتريكنا اني وخواتي وياها على الواهس
أساور سألتها / خاله شبيج شو مو طبيعيه
خو ما مريضة ؟؟
4 ت
هي هنا بسرعة بجت وكالت / كون مرض منتصر
يندار بيه ولا أشوفه طايح كبالي
منتصر مو بس ابني
هو سندي وتجيتي بهاي الدنيا
12 ت
سوار بسرعة كالتلها / اسم الله خاله شبي عمو منتصر
خالتي هي تبجي حجت وكالت / بعد الطبيب
ما مشخص حالته زين ،
البارحه الطبيب المشى عليه
يكله عندك تليف بالرئة
وكلبك تعبان
13 ت
وحيدر ابن عمه يكله / هذا الطبيب زمال حشى كدرجن
تشخيصه غلط ،
تحاليلك والاشعه والأيكو
يوضحن عندك التهاب بالرئة
وتضخم بعضله القلب أكيد بسبب ارتفاع الضغط عندك
وهذني الهن علاج شغلتهن سهلة لا تخاف
وتقدمت عليه وكامت اتعتعت بيه من هدومي
وتصيح بصوت عالي وتبجي/ اطلعن بره
5 ت
وخالتي كامتلها استلمتها كفخات
وتصيح عليها / شبيج كعدتي مجلوبه من الصبح
7 ت
وهي استلمتني ضرب وتفال وشتم وغلط
ودفع بيه بكل حيلها
والله اني استحيت من خالتي
اضربها لو اسويلها شي
والصراحه ما متعلمة اعارك واغلط وافشر
من دفعتني بقوتها عثرت بطرف أسلاميتي
ووكعت على وجهي
صدك أنهضمت وبجيت بقهر على حالنا
زعطوطة تبهذلنا وتذلنا
كلت الخواتي الواكفات يتباجن امشن جيبن
جنطة هدومنا واغراضنا نروح نرجع البيتنه
15 ت
اساور هي الركضت وجابت الجنطة
وهاي السمينه متخوصرة واكفة باب المطبخ من داخل
وخالتي دخلت جوة واسمع صوتها تصيح /
همام ،، لمى ،، منتصر
يمعودين و ينكم الحكو
بيتي أحترك من وره الخايسه تبارك
6 ت
اخذت جنطه هدومنا من ايد أساور
وفتحتها وطلعت عبايات الراس
وشمرت على خواتي كل وحده عبايتها
لبسنا وطلعنا نمشي لباب الشارع
وهاي السمينه تبارك تمشي ورانه
وتصيح / درب الصد ما رد
عساجن بالموت الكرفجن دايحات بنات الدايحة !!!
15 ت
هنا أساور ما تحملت كلامها
ولان غلطت على ماما
رجعت عليها وكفشتها من شعرها
وتبجي بصوت عالي تكلها / ماما ميته
حرام عليج تغلطين عليها
16 ت
وهي تبارك حنفشت على أساور
تكولون متحمله عليها كطعتها تكطع
سوار فزعت لأساور وهم نامت بشعر تبارك
وصارت عركة مال نسوان
والعياط وصوت البجي يجيب التايهه
وتبارك تغلط وتسب وتفشر
اني حاولت افك العركة واصير حاجوز
ويه خالتي ولمى الأجن يركضن
6 ت
تبارك الخبيثه أستغلت موقف اني وخالتي ولمى
حجزنا بينها وبين خواتي
مااعرف شلون غافلتنا
و بسرعة طفرت للحديقة كلش قريبه علينا
وجابت كربه مال نخل ،،ماادري قاعده مال سعفة
وهبطت أساور على فخذها
من جهه أيدها اليمنى بكل قوتها
وهي أساور وكعت بالكاع
وكامت تعيط بصوت عالي /
رجلي أنكسرت ولج ماما لحكي عليه
20
اني أنثولت حرت با أساور اريد اشوف رجلها شبيها وكنبصت كدامها اريد اشوفها
ولمى استلمت تبارك كفخات
5 ت
اني الصراحة هنا فار دمي
زعطوطة لعبت بينا طوبه
كمت عليها وجريتها من شعرها
وهي هم جرتني من شعري
وحجابي اجى بيدها شمرته مااعرف وين
والخبيثه نامت بشعري
لمى وخالتي يردن يفكن شعري من ايدها مايكدرن
5 ت
هنا واسمع صوت رجال رج البيت رج
تباااااارك اليوم انعل والديج
12
هي بسرعة عافتني وركضت ختلت وره خالتي
وتصيح /والله عمي هن الدايحات كتلني
7 ت
اني من الخجل أتفرعت
وشعري انفل وتكفش
حرت وين اضم روحي
كمت اتلفت حول نفسي ادور على حجابي
عاد لكفت عباتي من الكاع وسترت حالي بيها
3 ت
وهذا الرجال دخل من باب الشارع
شنو عاصفة ، شنو اعصار
سحب تبارك من وره خالتي كطعها تكطع
حتى جلاق ضربها ، خبزها خبز
هي راحت تركض جوة
وتبجي تكول / الا أروح الماما بعد مااريدكم
15
هو رد عليها / من أنعل ابوج لابو حتى ماما وياج
الماعرفت تربيج وتضبج شويه
6 ت
رجع باوع على خالتي وكال / مو كلنا
محد اله دخل بالبنات غير عمامي ومنتصر
شكو مشرداتهن برة البيت
احرك البيت هسه على روسكم
4 ت
باوع علينا وصاح بصوت عالي /
فوووووتن جوة لا احركجن ويه هذا المهجوم
من عساني لا لفيت ولا اجيت على الضيم والقهر
14 ت
اني خفت من صوته يزار مثل الاسد
ومعصب صاير نار بقيت ساكته
4 ت
سوار كالتله / عفية عمو اختي رجلها كلها دم
شوفها متكدر تكوم على حيلها وتمشي
لا تصيح هسة افوتها جوة .
بس شنو يمكن مافهم شنو حجت
لان تحجي بالكوة أتعت من الخوف والارتباك
هو عافنا وفات جوة للبيت
ما شاء الله دنكة ويمشي
7 ت
خالتي ولمى كومن أساور ويايه من الكاع
مااعرف رجلها شبيها كامت تنزف
وكلش توجعها
وسوار مكمشه بعبايتي وترجف من الخوف
2 ت
بالكوة مشينا أساور ورجعنا لداخل البيت
وكعدناها على التخم
ولمى رفعت دشداشتها واني سترتها بعبايتي
كالت / يوم عزة وصخام البنيه مكسورة
سلايتين بفخذها
9 ت
خالتي / اتخربطت احوالها مااعرف شبيها
شكلها راح تتخربط وتوكع
بالكوة كعدت على الكرسي
كالتلها / خابري على حيدر خلي يجي يشوف البنيه
ويشوف اخوج الليل كله مصخن
ولمى حارت بخالتي ركضت جابتلها علاج ومي
وانخبصت تخابر على حيدر يجي علينا
يمكن هو طبيب او معاون طبيب بعد مااعرف
لان حسين يكول عليه كصاب بشري
5 ت
لمى سلمت عليه بسرعة
وكالتله / فدوة تعال بسرعه
امي تخربطت
والبنيه توته الأدبسزز كسرت سلايات الكربه برجلها
11 ت
اني ركضت للطرمة دورت على ربطتي
لكيتها ولبستها عدل ورجعت للمطبخ
كعدت يم أساور تشهك وتبجي تكول / والله
رجلي انكسرت هواية توجعني
4 ت
هنا دخل علينا هذا الرجل
هسه يلا ركزت بشكله
يالله عبالي المطرب عقيل موسى
نسخة طبق الأصل من عنده
21
انوب باوع على أساور وكال / هااا أخذج للمستشفى
مبين رجلج فرد نوب تلفانه
3
لمى جاوبته / خطية السلايات مكسورة بفخذها
هو كال / اليوم اذا منتصر ما سوة حل الهاي بنته السكط
والحمزة ابو حزامين الا اكسر ظهرها بعدها بكد الفصمه وهيج وكحة
11 ت
دخل علينا حيدر سلم على الرجال
طلع اسمة طارق أخو منتصر
هو رجال عسكري
ويصيرون أولاد عم حيدر
11 ت
حيدر بس دخل خالتي كالتله /شوفلي رجل البنيه
لا تسكط من السلايات
6 ت
أساور تستحي من عندة
ماقبلت يشوف رجلها بالمطبخ
عاد اخذناها تمشي على كيفها
ودخلناها بغرفة خالتي وغطتها لمى
و هو شاف بس مكان الجرح
كال / سالفه سهلة
هسه اخدرلج المكان وأسحب السل
وأنظفة حتى لا يلتهب
حيدر بس دخل خالتي كالتله /شوفلي رجل البنيه
لا تسكط من السلايات
أساور تستحي من عندة
ماقبلت يشوف رجلها بالمطبخ
عاد اخذناها تمشي على كيفها
ودخلناها بغرفة خالتي وغطتها لمى
و هو شاف بس مكان الجرح
كال / سالفه سهلة
هسه اخدرلج المكان وأسحب السل
وأنظفة حتى لا يلتهب
22 ت
هو جايب جنطة اداوات طبيه وياه
بلش يسحب مخدر
وضرب اساور بمكان الجرح
وهي ماتت من البجي متوجعه
2 ت
عود خالتي كاعدة يمنا
ولمى لازمة أيدين اساور ويايه
وسوار ختلت بزاوية الغرفة خايفة
وهو بدة ينظف بالجرح
وماانشوف غير لمى تخربطت وكعت بالكاع
14 ت
وخالتي كامت تخرط بوجهه وادعي على تبارك
شوية ورجع علينا
عقم ايدة ورجع يعقم مكان الجرح
وضمد رجل أساور ،
وزرقها ابره مال التهابات
وطلع هو وخالتي من الغرفة
واحنا شنو وحدة حظنت الثانيه
وشبعنا بجي مهضونات وكتلنا القهر
13 ت
للظهر اندكت علينا الباب
بس ماكو صوت كامت فتحتها سوار ....
سوار / كل المواقف المرت علينا اني وخواتي
اني بيها أموت من الرعب والخوف
احنا ما متعلمات على هيج تعامل
وتصرفات مو حلوة
يعني حياتنا هاديه ماعدنا مشاكل وعرك
وحتى ما جنا نطلع للشارع
يادوب جنا نتلاغه بيناتنه أحنا الخوات
وماما ما تقبل على الزعل اليصير بيناتنه تجي تصالحنا
،،هنا صارلنا يومين شفنا العجب
11 ت
دكت الباب وكمت فتحتها
لان أساور شبعت بجي متوجعه
نومتها مسرة بحظنها ،
فلازم اني الافتح الباب
بس فتحتها شويه وصار بوجهي
هذا الولد طارق سبحان من خلقة
كلش يشبه المطرب عقيل موسى
والله اذا عقيل ماموجود وياخذون طارق بداله
ما يفرقون بينهم عبالك توأم
20 ت
هو شافني وصفن بوجهي
وفتح عيونه على وسعهن
مدهوش حاله حال الباقين اليشوفوني
كال بصوت ناصي / خرب شيب الخلفوج على هذا الحسن .
56 ت
اني شنو كمت ارجف من كلامه
وشلون صافن بوجهي
كلش اخاف من الرياجيل
واذا كاموا يصيحون أتخبل من الخوف
مو عاد انوب صفن بوجهي
و مااعرف يمدحني لو يذمني !!!
6
هو بس كال/ تعالن تغدن الحجية تنتظركم
بقى يمشي ويتلفت عليه
واني ثوله جمدت بمكاني مااعرف من الخوف
لو بسبب نظراته اليه
4 ت
الصراحة ما طلعنا نتغدة
اساور نايمه
ومسرة بس تبجي مهضومه
لان تكشفت كدام الرجال
وهم كتلتها هاي السمينه
واني اصلا اخاف منهم
رجعت وهم تمددت بصف خواتي
شوية ودخلت علينا خالتي
سوينه نفسنا نايمات
1 ت
للعصر اجتي علينا لمى
طلعنا وياها
بس أساور كلش متوجعه
كعدنا بالصالة،
وهي لمى خطية جابت صينية الاكل ليمنا
وبقت تتعذر من غدر هاي البنيه السمينه تبارك
وشلون تهجمت عليها
4 ت
عاد أساور كلتلها / حبابة كولي لهذا الدكتور
رجلي هواية توجعني
ردت عليها لمى/ هسة هو ومنتصر وطارق على جيه
راحوا من الظهر للطبيب علمود حاله منتصر
مسرة / اني سألت لمى
شلون صرتي بالي يمج ،
تعذريني ما سألت عليج
احتاريت با أساور
هي خطية أبتسمت وكالت / اني جبانه
بس اشوف الجروح والدم وشخص متأذي
أخرب كبله ،،روحي تموع
ما أتحمل أشوف هيج مناظر مؤذيه
12 ت
بلشنا نتغدة
واجتنا هاي هدى الوكحة
وكعدت كدامنا ،
زوهرتنا بالغدة
حارت شنو تكول وشنو تحجي
وانوب أخوها همام فات من يمنا
وكال / كملت السبحة
عافنا وصعد فوك
مبين خشمة يابس استغفر الله من ذنبه
8 ت
هدى كالت / اكلج انتي ام عيون العمي ( تقصد على سوار )
ليش تاكلين تشريب بيدج
مو اكو خاشوكة أتزقنبي بيها ،
اهمداجن يالمعدان ......
23
بعدها ما كملت كلامها
ومانسمع غير صوت طارق رج البيت رج
هدددددددى أاااااامشي البيتج
كفيني شرررررج ترى البينا مكفينا
6 ت
ودخل وراه منتصر بالكوة يمشي
وراهم حيدر ، صاح مرتين ،،ثلاثه /يا الله
1 ت
منتصر هو يمشي طلع تلفونه من جيبه
واتصل على رجال اسمة مهند
بس كاله / مهند تراني موات تعال اخذ مرتك
خليني اعيش باقي الساعات من عمري بهدوء
14 ت
هي هدى الوكحة تخبلت
شلون تطردوني من بيت أبويه علمود هذني الدايحات
هيج اسوي بيهن وهيج افعل وهيج اعمل
حارت شنو تكول وشنو تحجي
2 ت
طارق كام عليها ودفعها من جتافها
وكاللها / اطلعي برة لو اخلي ضيم البشر بيج
وهسة احركج انتي وأ١هلج
8 ت
خالتي فاطمة ماأهتمت الها
راحت كعدت يم منتصر
وتسأله شبيك وشعندك
وأشكالك الطبيب
هو بس يحرك راسة ويكول / يوم مابيه شي
خير ان شاء الله
4 ت
حيدر جلب بطارق بعد مايشوف من عصبيته
طرد هدى بره البيت وطلعها للطرمة
وكاله / عيب من مهند عوفها اني أوصلها البيتها
2 ت
وطارق يصيح/ الله لا يرحم ابويه
البركس مهند الخير
بهيج مراه حيه ركطه وخبيثه تنكط سم
21
طارق عاف حيدر ياخذ هدى الوكحة
يوديها البيتها
وهي صوتها يلعلع تصيح بالطرمة /
الله ياخذك يا طارق
وان شاء الله اسمع علمك اليوم قبل باجر
كون بالطلقه التايهة
بس يبشروني بصوابك الا البس أحمر
والطش أيدة بالحنه
36 ت
هو من فات كعد على القنفة
ومن سمعها ادعي عليه كام عليها
ومنتصر وكف بوجهه كاله / خليها تولي الخاطري
ترى مابيه اجر النفس
هو دفر الطبله الكزاز خلاها تصير نمنم
طشر كزازها علينا
طارق عاف حيدر ياخذ هدى الوكحة يوديها البيتها
وهي صوتها يلعلع تصيح بالطرمة /
الله ياخذك يا طارق
وان شاء الله اسمع علمك اليوم قبل باجر كون بالطلقه التايهة
بس يبشروني بصوابك الا البس أحمر والطش أيدة بالحنه
8 ت
خالتي بقت تسمي بسم الله
وكامت جابت تربه خلتها بدولكه المي
وكامت ترش على وجهه طارق ومنتصر
وتسمي بوجوهم وتصلي على النبي وال بيته
وتكول / يمه طارق عوفها تولي
صحتك اهم عندي منها ،
تراها مورمه قلبي من يوم يومها
4 ت
شويه صار هدوء
ولمى كامت تلم بالكزاز
عود اني كمت اساعدها طارق ماقبل
كال / أنتن خطار تنخدمن مو تخدمن من رخصتج اختي ارجعي بمكانج ارتاحي
5 ت
هنا دخل علينا رجال مبين جبير بالعمر
وفد أنيق ومداري روحه
ومبين صابغ شعره اسود
ومهندم حاله طالع شكله اصغر عمر
كام بوجهه منتصر وطارق وسلموا عليه وهو دنك باس راس خالتي
4 ت
من وكف يمنا بقى يباوع علينا
وكال / حتى مابيهن شبه من عدنان الاغم
يشبهن امهن !!!!
10
مد أيدة يسلم على أساور
هي اول وحده كاعدة على القنفة ،
بس هي ما مدت ايدها ولا سلمت عليه
هو كال / ترى اني عمج اخو أبوج العار !!!مو غريب يصير تسلمين عليه مو حرام
10 ت
أساور بس حركت راسها يعني لا
ودنكت راسها وبجت مهضومه
لان يغلط على بابا
وهو هم مد ايده عليه وعلى سوار
ما سلملنا عليه
هو ضحك وكال / حقجن تعتبرني غريب أنتن وين تعرفن عدجن عمام لو خوال بفضل دكت أبوجن الاغم !!!!
7 ت
باوع على طارق وكال/ كوم يخوي
تراها وصلت حدها لا اجرملي بروح وحدة منهن
4 ت
طارق كاله / أبو جواد ترى منتصر تعبان وماله خلك هسة أجينا من الدكتور
مااكدر اطلع اليوم
هو بسرعة باوع على منتصر وكال / مرضك يندار بيه يبعد اخوك خيرك
8
عاد سولف طارق وكال / الدكتور يكول عندة التهاب رئوي حاد ،
وبادي عنده نقطتين تليف بالرئه اليمنى، وتضخم بعضلة القلب
وعندة شريان تعبان لازمة قسطرة
6 ت
خالتي فاطمة كامت تبجي وتتنخى
برحمة الله والنبي وال بيته يباوعون لصحة منتصر
1 ت
شو ما حسينا غير تبارك السمينه
هي وتراكها الحصر نزلت من فوك
عبالك جانت تسمع على الحجي
وكفت كدام هذا الرجال عساس عمنا حاتم
وكالتله / اخذ بنات اخوك وياك
احنا ما نلفي ساقطات بيتنا ...
16 ت
هي بعدها ما كملت كلامها
وسلكها براشدي دار راسها
11
هي شو هجمت علينا
استغفر الله شلون عبالك شخص يحشي براسها وهي تنفذ لزمت أساور ونامت براسها تجرها من شعرها
ومنتصر يكول / كسروا ظهرها هل جلبه هاي ولج بعدني بحيلي هيج تسوين فعايل والله الا ادبغ جلدج واطلعلج
جلد ثاني
6 ت
لمى عود طفرت تحاجزها من ايد طارق
وحتى عمتها ما سلمت من ايدها
كفخت عمتها
3 ت
عاد هنا طارق كضاها كظيان من الكتل جنزها
سحلها وشمرها بغرفة خالتي وقفل عليها الباب
2
هنا عمنا حاتم كال / كومن ويايه امشن البيتي
خالتي ومنتصر ما قبلوا نطلع وياه
1
ومنتصر كاله / ازعل عليك مثل ماهن بنات اخوك
هن بنات اخويه
لا تأخذ بكلام زعطوطة
وخالتي كالتله / والله عديتهن بناتي من ساعة
الشفتهن ، لا تخلي بخاطرك من كلام الزعطوطة
أحنا الصراحة انخاف نروح وياه ما نعرفه
عدنا البقاء بيت خالتي احسن النا
شو كلهم راضين على كعدتنا يمهم
عدا هدى الوكحة
وتبارك السمينه
ويمكن همام ابو خشم اليابس
هم ما راضي على كعدتنا عدهم
ؤالله ما صارلنا يومين بعد خلاف ماما
تبهذلنا وانذلينا وشبعنا كتل
شويه بقينا كاعدين والله حتى محد يحجي الوجوه تخرمش
عاد أجى حيدر وجايب وياه ورق مال لعب
كعد هو ،وطارق ،وعمنا حاتم ،
ومنتصر سحبوه بالكوة
كعدوا يلعبون
ولمى كعدت يمهم
وحسين اجي من برة
كالوا جان يم أمه راح يمها خطار!!!
عمنا حاتم عزمنا نلعب وياهم
اني كتله / نعرف نلعب بس دومنه
منعرف نلعب غير شي
هو كال / عفية بالحبابات
وهو خلال وكت اللعب بقى يسال بينا عن أسمائنا وشكد اعمارنا
وعن حياتنا بوكت ماما وبابا
وشنو مخلصات مدرسة
وخالتي جطتها كالت / سودة عليه مسرة أرملة
وحتى ما فرحت بعرس مثل باقي البنات
هو عقج حواجبة وكالي / عندج عقد زواج ؟؟
حركت راسي يعني اي
كال / عود شوفيلياه مو تنسيني
لحد اذان المغرب خلص الوكت بسرعة
ومنتصر وخالتي ولمى كاموا للصلاة
بقى بس طارق ، وعمنا حاتم ، وحيدر يلعبون
من كمنا انصلي مسرة بالكوة مشت
متوجعة من رجلها
شو عمنا حاتم صاح ورايه / مسرة
أنتي صدك أرملة لو هاي درب جديد من دروب أمجن!!!!!
جاوبته / اي والله عمي أتزوجت واترملت من وكت
شو هو حرك راسه
شلون الواحد الينفض فكره من باله
وكالي / روحي جيبي اوراقج وتعاي
رحت كعدت أساور بالمطبخ هي وسوار
وخالتي لكيتها بالغرفة تصلي
وتبارك السمينه ماكو يمكن صاعدة فوك
اخذت عقد زواجي مال محكمة صدقلياه المحامي
لان جان بس عقد شيخ
وشهادة وفاة زوجي
وهويتي
ورحت وديتهن العمي اخذهن من ايدي وقراهن ، وطارق وحيدر هم قروهن
شو كالي عمنا حاتم/ شو روحي امشي الباب المطبخ
وارجعي عليه !!!!!
استغربت هذا شبي ؟!
والصراحه نفذت أوامره رحت أمشي ورجعت وهو مركز على مشيتي
جان يكول/ دروب امج التعبانه خليهن يولن !!!
مو على حاتم هاي السوالف
اعرف المرأة من مشيتها متزوجة لو بنيه !!
وانتي اذا طلع زلمه طاخج
هذني شواربي أزينهن بقندرة ابوج العار ، اااامشي من كدامي لو اكوم اخلص عليج جذابه حالج حال امج !!!!!!!
لميت اوراقي من الكاع لان طشرهن بوجهي
ورجعت لغرفة خالتي شبعت بجي
ماافتهمت ليش هيج سوه ويايه
من سألتني خالتي شبيج
كتلها / تذكرت ماما ما حجيت الصدك
نمت بهذيج الليله بدون عشا
شبعت بجي وانهضمت
افتهمت كلامه طعن بالشرف اليه !!
لان الصراحة ما فهمت مغزى كلامة
لو شنو قصدة ...
شكرا لزيارتكم عالم روايات سكيرهوم
