رواية سلسلة العالم الاخر الفصل الخامس 5 بقلم اسلام الامير

 "قبائل الجن/قبيلة الكثبان" 

يا مساء الفل يا مرعبين في الجزء اللي فات اتكلمنا عن اشهر شخصيات الجن واتكلمنا عن بنات ابليس وكمان اتكلمنا عن اشهر ملكات الجن، وفي الجزء دا هنتكلم عن اشهر قبائل الجن وتحديداً قبيلة "الكثبان" 

ولكن قبل ما نبدأ وزي ما اتعودنا

مكانك الهادي

مشروبك المفضل

طفي النور ويلا بسم الله نبدأ 

في البدايه يامرعبين احب اقولكم اني انهارده انا هحكيلكم قصه هي ممتعه اكتر من انها مرعبه قصه كانت ملهمه لروايات رعب كتير وتم بناء احداث الروايات دي من خلال قصة بطل قصتنا انهارده 

في البدايه كدا يامرعبين خليني اعرفكم ان الجن دول مش مخلوقات مشرده بدون اي روابط او قوانين بتحكمهم لا بالعكس دول مترابطين اكتر من البشر في بعض الاوقات، وعالم الجن عالم فيه القوي وفيه الضعيف، فيه ملوك وفيه امراء وفيه خدم، عالم بتحكمه قوانين وقبائل وانهارده هنتكلم عن اهم قبيله من القبائل دي وهي قبيلة "الكثبان 

قبيلة الكثبان سيدها هو الملك "مازع ابن شيحابيل ابن الملاس" وهو جني با*طش قوي لأبعد مما تتخيل ويعد مارد قوي من مرده الجن  وهو طا*غيه العالم السفلي 

يبغض ويكرهه بني البشر مش بس كدا لا دا بيع*ذبهم وبينكل بيهم في اي فرصه تتاح ليه 

وخليني اقولك يامرعب ان قصة مازع وقبيلة الكثبان هي قصه قويه جدا حرفيا ملحمه عند عالم الجن، ومن قوه القصه، القصه فرضت سيطرتها علي معظم روايات الادب وتم ذكر القصه فيها بشكل مميز وتعالوا نكمل قصتنا يامرعبين 

مازع سيد قبيلة الكثبان عنده ابن وابنه والابن هو الامير "جسار" والابنه هي الاميره "جند" 

وجسار دا هو امير قبيله الكثبان ووريث عرشها بعد ابيه 

وده ليه حكايه كبيره جدا وهحكيهالكم كمان شويه 

والقبيله دي هي واحده من اقوي ممالك الجن علي الاطلاق، متفوقون جداً في القوه والعدد عن باقي قبائل الجن وهم من سلاله قويه ذات نفوذ عاليه في عالم الجن 

وتشكل بنسه 25% من عدد الجن، يعني ربع الجن ينتمون لقبيله الكثبان ونسبه المسلمين فيهم لا تتعدي 5% والمسيحين واليه*ود يشكلون 10% من اهل القبيله

والكاف*رون نسبتهم تقارب علي 85% 

هتيجي تسألني يامرعب وتقولي طيب ايه اللي يميز القبيله دي ويخليها هي سيدة قبائل الجن...؟! 

هقولك القوه يا صديقي القوه والب*طش هما اللي فرضو نفوذ القبيله، ودا علشان قبيلة الكثبان بتضم عدد عظيم من مرده الجن ومجر*ميهم ودول جن ميعرفوش الرحمه ومجانين وبيخلوا قبيلة الكثبان تتفوق في اي معر*كه بتدخل فيها ودا اللي عمل للقبيله هيبه عظيمه 

وكمان القبيله عندها عادات وتقاليد صارمه وحرفياً اللي بيتخطي العادات وميحترمهاش بيتم طرده ونب*ذه من القبيله دا لو متق*تلش يعني ومن اهم عادات وتقاليد القبيله انه مثلا

▪︎ممنوع الزواج من خارج القبيله 

▪︎مممنوع ارتداء الملابس للاطفال الي ان يصلوا الي مرحله البلوغ، يعني العيال هناك بنات وولاد بيمشوا ملط لحد سن البلوغ انت متخيل.؟!! 

▪︎يحظر علي الجني العادي ان يتزوج بأكثر من واحده لان التعدد مباح للملوك والامراء فقط 

▪︎وايضاً اذا دخلو حر*وب وذهبوا الي المع*ركه فأنهم يأخذون نسائهم واطفالهم لضمان انه يجب عليهم ان ينتصروا والا قت*لت نسائهم واطفالهم وهذا يحفذهم 

▪︎وايضاً اذا دخلوا معركه يربطون ارجلهم بسلاسل من حديد لضمان عدم الهر*وب من الع*دوا وانه يجب ان ينتصروا والا هل*كوا جميعاً 

واهل القبيله بيتغذوا علي جمر الحطب بعد اشعاله 

وكمان بياكلوا العظام وليس اللحم 

وبيشربوا الماء لكن المالح وليس العذب 

والقبيله كانت (وركز علي كانت دي علشان هنرجعلها بعدين) ترتكز علي ثلاثه اضلاع مهمين جداً وهم

▪︎الامير مازع 

▪︎وابنه جسار 

▪︎وابنته جند 

وهم يعيشون في التلال والجبال والكثبان الرمليه 

واتخذوا من جبال الاطلس بالمغرب العربي مقرا لهم 

والقبيله دي عندها قواعد صارمه جدا دوناً عن باقي القبائل 

ويحظر علي اي ساحر ان يتجرئ ويستدعي احد الامراء الثلاثه، وان اراد ان يستدعي فرداً عادياً من القبيله فهناك ديه يجب دفعها اولاً والديه دي بتكون حسب طلب الجني نفسه والساحر ملزم ينفذها والا هيفقد حياته 

وافراد هذه القبيله مميزين جدا في اعمال السحر والتسليط والتفريق بين الازواج 

والعدو الاول لقبيله الكثبان هي قبيلة "الميامن" ودي هنتكلم عنها في الجزء القادم بأذن الله 

وقد وقعت حر*وب طا*حنه بين قبيلة الكثبان وقبيلة الميامن ودائماً ما كانت الغلبه للكثبان الا من بعض المرات التي كان النصر فيها حليفاً للميامن 

فاكر يامرعب لما قلتلك ان قبيلة الميامن كانت ترتكز علي ثلاثه اضلاع وطلبت منك تركز علي كلمة "كانت" علشان هنرجع ليها اهو احنا رجعنا 

وانا قلت القبيله كانت بترتكز علي ثلاثه اضلاع لأنها بعد كدا فقدت ضلع من اضلاعها وهو جسار ودا طبعا بعد ما انشق عن قبيلته وتعالي هحكيلك قصته يامرعب بس الاول قوم اعمل كمان كباية شاي علشان تصحصح معايا 

وتعالي يامرعب احكيلك قصة الامير جسار مع ابوه وسبب طرده من القبيله وانشقاقه عنها والقصه دي تم ذكرها في كتب كبيره من كتب السحر زي " شمس المعارف" لأبن البوني وكتاب "العزيف" لعبد الله الحظرد 

وانا هذكر القصه كما وردت وهي قد تكون قصه حقيقيه وقد تكون غير ذلك 

القصه دي حصلت مع امير قبيلة الكثبان وهو "جسار ابن مازع ابن شيحابيل ابن الملاس ابن قاذان ابن مرياسيل ابن الباقور ابن جهيم ابن سمياؤل ابن كثبان" 

وهو امير نشأ مرفه وهو وريث عرش ابيه علي قبيله الكثبان وفي يوم من الايام جسار شاف اجمل فتاه رأتها عينه، اعجب بها جدا ولكن كان فيه مشكله بتمنعه انه حتي يقرب منها والمشكله دي هي ان الفتاه دي مش جنيه لا دي انسيه، بنت من بنات البشر 

ولو جسار تخطي حدوده ولمسها ابوه هيعرف ووقتها هيطرده من القبيله وهيكون منب*وذ دا ممكن توصل لق*تله 

لأن يا صديقي كان من ضمن قواعد القبيله الصارمه هو انهم بيشوفوا ان د*م الجن دا د*م نقي مقدس ود*م البشر دا د*م ق*ذر مد*نس ومينفعش يختلط الد*م النقي بالد*م الق*ذر خصوصاً د*ماء ملوك الجن 

وقتها جسار كان عشق الانسيه ومش قادر يستغني عنها وفي نفس الوقت خايف من ابوه علشان كدا قرر يتقرب ليها في السر من غير ما ابوه يعرف 

وقها تشكل ليها علي هيئه بشريه واعجبت به وزاد حبها له وحبه ليها 

وقتها جسار قرر ياخد قرار فيصلي في حياته وهو انه يروح لأبوه الملك ويطلب منه الاذن بالزواج من هذه الانسيه 

وبالفعل ذهب الي ابيه وطلب منه الاذن بالزواج وهنا ابوه فرح ورحب جدا بزواج ولي عهده 

وهنا صارحه جسار وقاله ان الفتاه التي احبها مش من الجن وانها انسيه من بنات البشر 

وقتها تحول وجه مازع وغضب بشده ورفض رفض قا*طع لسببين 

الاول انه زي ما قولتلك مازع مارد من مردة الجن واصلا مش بيطيق البشر وبيكرهم وبيمقت عليهم 

الثاني انه زي ما قولتلك اهل القبيله دي شايفين ان مينفعش د*م البشر الق*ذر يختلط بد*م الجن المقدس 

ولما جسار طلب من ابوه مباركة زواجه بالانسيه غضب مازع من جسار ولط*مه لط*مه قويه وقال: اتريد ان تتزوج من انسيه يا وريث عرش الجن تريد ان تلوث د*ماء الاشراف بد*ماء العبيد وهنا رد جسار وقال: نعم 

فل*طمه ابوه لط*مه اشد من اللي قبلها وطرده وحكم عليه بالطرد خارج القبيله وان يصبح من*بوذ ولا احد يكلمه وحكم علي كل من يتحدث اليه من افراد القبيله ان تق*طع رأسه 

فأصبح جسار مشرداً بعد ان كان امير ووريث عرش اعظم قبائل الجن، الي ان اتت اليه اخته جند 

وقالت له اتريد الحل الذي يجعلك ترجع الي ابيك ويرضي عنك، ويجعلك وريث عرش قبيلتك من جديد 

وقتها رد جسار وقال: نعم بالطبع 

قالت له اذهب الي بيت الانسيه واقت*لها وائتي ابيك برائسها هي وجميع اهلها 

هنا رفض جسار رفض قا*طع ولكن مع الحاح جند عليه وافق 

وذهب الي بيت الانسيه وقت*لها هي وجميع عائلتها وقط*ع رؤسهم وذهب بهم الي قصر ابيه والقاهم تحت اقدامه وطلب السماح، هنا نظر مازع الي الرؤس والي جسار وقال لجسار لما قت*لت من عشقت.؟؟ 

قال له رضاك عني اولي يا ابي 

فنظر مازع الي الرؤس وبصق علي الارض ورفض العفو عنه مش بس دا ضر*به وطرده 

وقال له: عقابا لك لانك خالفت اوامري ان تعيش من*بوذ ما حييت ولن اغفر لك ابدا 

وقتها جسار مكنش مصدق نفسه ومش متخيل انه خسر معشوقته وعرشه في لمح البصر 

وهنا هر*ب جسار لسفوح الجبال وقرر انه يت*مرد ويصبح مارداً من مرده الجن، واصبح مشردا لا بيت له ولا قوم اصبح يسكن الكهوف المغارات بعد ان امسي ينام في احضان الجواري علي افرشه من الحرير في قصر ابيه 

وقتها جسار مقررش يت*مرد ويقطع الطريق بس علي الغرباء لا دا قرر يت*مرد علي اكتر حد اذ*اه وظلمه قرر يتمرد علي والده وكان بيناوش والده وبيق*طع الطريق علي قوافل تجارته وينه*بها لدرجة ان ابوه نفسه اه*در د*مه 

طيب هل وقف اذ*ي جسار علي ابوه وبني الجن وبس.؟؟! 

لا يامرعب جسار تو*حش لدرجه انه قرر يعاقب بني البشر ويأ*ذيهم وقرر ان يت*متع بكل انسيه يراها وتعجبه فأصبح يخطف البنات من بني البشر ويع*تدي عليهم ويعذ*بهم الي ان يمو*توا 

وقتها كان لجسار صديق بيساعده في اعماله واقترح علي جسار اقتراح وقاله: لما يا جسار لا تجعل نفسك ملك وتجعل لنفسك قبيله وانت تحكمها هناك الكثير من الشياطين مطرودين من قبائلهم انشئ قبيله وسوف ينضمون لك وتقوم مملكتك وتنشئ مملكه اعظم حتي من مملكة ابيك 

وبالفعل يامرعب وكأن الفكره دي نزلت لجسار من السماء ووجد فيها طوق النجاه اللي هيتعلق بيه

وبالفعل يا صديقي استقبل مرده الجن وكل من تم طردهم من قبائلهم وكون بيهم قبيله وسماها "العواشق" 

الاسم دا مش بيشبه عليكم يامرعبين.؟؟!! 

ايوه يامرعبين هي القبيله دي تبقي الجن العاشق اللي بيع*اني منه بني البشر الي الان 

واعضاء القبيله دي كلهم قرروا انهم هيخلوا جسار سيداً عليهم وبالفعل في وقت قليل بل وقياسي اصبحت قييلة العواشق احدي اكبر قبائل الجن واخطرها علي الاطلاق 

هتقولي ازاي اقواهم يامرعب ودي قبيله منشقه ازاي يا اسلام هتقارنها بقبائل كبيره زي الكثبان والميامن والاباطحه..؟! 

هقولك هي افضل منهم كلهم واقوي بكتير لسببين 

▪︎الاول هو ان قبيلة العواشق هي قبيله بتضم فقط المرده من الجن والمج*رمين والمنشقين ودول معندهمش رحمه واقوياء لأبعد الحدود ودا رجح كفه قبيلة العواشق في الحر*وب 

▪︎الثاني هو ان دي قبيله لا بتحكمها قواعد ولا قوانين حرفياً جسار قالهم اعملوا اللي انتوا عايزينه بشرط ان اكون ملككم وولائكم يكون ليا انا وبس 

وحرفيا اعضاء قبيلة العواشق طاحوا في الكل ومسلمش من اذاهم لا جن ولا بشر ولحد دلوقتي 

ومن وقتها اصبح افراد هذه القبيله يستحلون كل ما يؤ*ذي البشر ويعيشون علي اذيت*هم واصبحوا يختارون الفتيات الجميلات من بني البشر ويعشقوهم ويعذ*بوهم 

وبدؤا يقط*عون الطرق علي قوافل القبائل الاخري من الجن وينهبوها ويقت*لوا كل حراسها 

والجن العاشق من اصعب انواع الجن علي الاطلاق واذا مس فتاه او فتي فمن الصعب ويكاد يكون من المستحيل ان يتركه ويخرج الا بعد محاولات عده ويمكن ان تذهق روح البشري في محاوله من هذه المحاولات، لكن في النهايه فهو يخرج مع الايمان والاصرار 

في النهايه يا صديقي عايز اقولك ان قبيله الكثبان موجوده الي الان وتزداد قوه وشرا*سه يوما بعد يوم ، وكمان قبيلة العواشق باقيه الي الان تأ*ذي الجميع جني كان او بشري 

وبس كدا يامرعب الجزء دا يكون خلص ونكون خلصنا كلام عن قبيلة الكثبان والجزء القادم هو الجزء الاخير في سلسلة العالم الاخر وهنتكلم فيه عن ثاني اعظم واقوي قبائل الجن وهي قبيلة "الميامن"