رواية انتقام ال شهم الفصل الخامس بقلم أمينة
شهم : شالتها وطبيت اول ما طبيت جدي يحجي ع عمام يمامه هاذ الكواد حامد سلمت وكعدت كال جدي
الجد مهاب :بويه شهم هاذ عمها يريد ياخذها وينطي فصل بدون فصليه راح ع شيخ أحمد كايل له
يمامه : صفنت استوعب لي كاله معقوله يقبل يرجعني لهم كال
شهم :دخلي ياكل نعل ماله اي شي يمي مو هوا جابها وكال بدال بنكم هاهيه بعد ماله مره يمي
ابو شهم :يي بويه ماله حك يحجي ويكول
يمامه :حسيت الدم مشه بجسمي من الخوف اخاف يقبلون يرجعوني لهم وارجع مثل قبل محبوسه
شهم:هيه بحضني لاحضت رجفتها باوعت عليه اطمنها وكالت خيولي والله نجوم السماء أقرب لهم والله اضفر منها مااخلي يلزمون
يمامه :باوعت له وضحكت فرحانه ما راح ينطيني وكلهم ماقبلو ابد صبت عمه اكل لي جانو مسوين باجه من شفت رجل كبل سديت حاكي بيدي وصفنت عليه باوع عليه وضحك وطلع منه مثل الجلد خلاله بلخبزه وقربه يريد اكل كبل طفرت من حضنه ركضت وكالت ما ما ما ماكل شنو هاذ
شهم :ههههه ولج تعالي لا تخافين هاي باجه بابا
يمامه :ما ما رجلين المعيه خطيه
شهم : يي تعالي اكلي ولج
يمامه :ماا هسه خطيه ما بي يكعد بعد ليش اخذتَو رجله
شهم :ههههههههه لج بويه شهل لسان ولج تعالي طيب تعالي حبيبتي
يمامه :لا مطيب ماا
شهم :تعالي لعد تاكلين غير شي
يمامه :يي جوعانه هواي
شهم :تعالي يمي يمان بابا
يمان :ها ابو الشوم
شهم :بطلي سوالف اوس ولج
يمان :غير يخبلن سوالفه
؛شهم :ها ولج مو اجي اكص لسانج
يمان:اتشاقه حبيبي كول
شهم :تريدين لفات راح ادز ال يمامه
يمان :لا هستوني كالت واوس خطيه هم اشترالي هواي وكومه جابلي جيلاتين وحلويات
يمامه : اريد
شهم : شتردين يروحي
يمامه :حلويات
شهم :لا بابا مو زين عليج انتي
يمامه :ليش ويمان
يمان :اني مو مريضه انتي مريضه ميصير تاكلين حلويات
يمامه :يعني اذا اكل اموت
شهم :اسم الله لا بابا ما تموتين تعالي والله كسرت خاطري يمان حبيبتي جيبي لها شي تأكله بين ما يوصل الاكل
يمان :يي هسه اجيب
شهم : مااكدر امنعها من شي كلها طفله واي طفل يحب الحلويات قابل بس هيه اجتي يمان شايله علبه مال جلي وجبس سندريلا وانطتهن لها اباوع فرحتها بيهن كعدتها ع رجليه وفتحت لها الجلي اخذت وحده واكلتها مكيفه عليه طلعت وحده ثانيه وقريتها لحلكي اكلتها منها والله حلوه شكر بس شوي خطيه اخذت العلبه وسديته حيل حته متكدر تفتحها كالت بابا مو اكلتي كافي مو زين هواي حلوو والله
يمامه :بس جوعانه
شهم : وتاكلين هاذ بابا لا هسه يوصلن والله دزيت لج لفات ثنين وعصير ليمون
يمامه : يي ليش أخرت كومه
شهم : والله بابا لن ضليت يم صاحبي
يمامه :واني ماكالت هسه اشتاقلك
شهم :يروحي يي كالت هسه مشتاقه لي حمامتي
يمامه :اهبك ميه ميه اني
شهم :اموت عليج ام لسان سولفيلي شسويتي
يمامه :كعديت يم جده وعمه وعمه كالت لي اسبحي جان ماعندي هدوم وكالت لبسي من يمان بس كالت لها عيب تخاف ما تكبل البس منها وجده كالت تعالي ابوسج وباسني منه واني هم بستها وعمه سحبتني وبدلت لي وحته مشتطلي وضليت كاعده يم الصوبه انتضرك صبو اكل بس ما كليت واني جوعانه لمن سمعت عمو اوس كال اجه شهم واجيت اركض عليك حته اشوفك هلكت ما شاقيتلك
شهم :يمه يمه للسان ولج انتي شنو شهل حجي الحلو
يمامه :صدك
شهم :تخبلين فدوه لعينج تعالي تعالي بين ما يوصل الاكل خلي اشوفج شجبتلج غراض
يمامه :شجبتلي
شهم :أشكال مال بنيات حلوات امشي اخذج بلغرفه وتشوفيهن كلهن
يمامه :يي اخذ الأغراض كلهن صعدهن فوك بلغرفه واني وره امشي كعد يم الجربايه وطلع لي تراك لون اسود وابيض شلون البانده وبي كلاو حلو هواي ضحكت من شفت الكلاو بيها اذان مال دب يخبلن وعيون طلع تراك اصفر ثخين هواي وبي برتقالي ثنين كال
شهم :هاذ لج ول يمان
يمامه :هواي اشياء طلع قراصلت وعطوره أشكال جايب وقبوطات وكالوات ولفافات كال
شهم :هاج هذني مالات يمان رديهن لها
يمامه :يي اخذتهن منه وطلعت وديتهن لها بغرفتها جانت كاعده كيفت طلعت رحت يم شهم حته ستريجات وجواريب جايب كوه اشياء دك التلفون كام طلع وراح يجيب الاكل ضليت كاعده وعيني ع قراصات لي جايبهن لاستيك وفيونكات وطوك أشكال جايب اهتمامه يخبل دخل وبيده الاكل شالني وكعدني بحضنه فتح لفه وقربها لي هيه وبيده اكل كلش طيبه رفعتها له ماكل ضليت الح لمن اكل منها رجعت اكل وهوا كوه يله ياكل فتح لي بطل مال عصير ليمون لونه اصفر شربت منه حامض رفعته له هوا وبيده حته يشرب منه شرب شويه رجعت اكل طلع الفله الثاني هم كالت منها نص وبعد شبعت أكلها هوا شربت عصير شويه باسني وكال
شهم :سبع عوافي يعمري ع كلبج هيج جوعانه يابابا واني مادري
يمامه :يي جعيت هواي
شهم :وهسه شبعيتي
يمامه :يي شبعيت
شهم :تنامين لو نرتب هدومج
يمامه : لتب هدومي
شهم : يله لعد تعالي
يمامه :كعدني يمه وفرغ خانه من الكنتور كعدنه مرتب بل هدوم تعبت اني نمت ع رجله بلكاع كال
شهم : كومي بابا بطنج تكوم توجعج من البرد كومي حبيبتي
يمامه : ما دانام
شهم : تنامني بلكاع واج
يمامه : لا ع رجلك
شهم : تعالي لعد دنكت شلتها بحضني نومتها امسح ع خدها وع الشامه لي جوه عينها تحبل وهواي ضعيفه بساع نامت شلتها وخليتها ع جربايه وكملت هدومه وقراصاتها وعطوراتها بلجراره كملت كل شي كمت بدلت واجيت انام وخابرني محمد كال
َمحمد:هلا ضلعي بس لا نايم
شهم :لا والله كاعد
محمد :جا شوف يخَييي لكيت عرف ودبرت بس كمل لفايل مالها واخذها للمدرسه
شهم :خير نشالله حبيبي ابو جاسم ماانساه وكفتك خوي
محمد :بعد عيني وماي عيني شعدنه غير اشهمنه والله يخوي وكفتك هواي وياي
شهم :حبيبي لغالي ابو جاسم عيني الله يوفقك سديته منه وطبيت نفسي يمها نمت
يمان:كعدت من صبح بدلت ملابسي لملابس المدرسه وشال ابيض نزلت وهوا هم جان كاعد كال
اوس :صباح الخير
يمان :صباح الخيرات
اوس :اكلي شي حته اخذج ونطلع للدوام
يمان :تمام هاي بس اسوي لفه رخت سويت لفه مال جبن لي وله حته ياكل وياي وطلعت وره انطيتها لفه ماخذها بلكوه أخذها مني أكلها اني هم اخذني للمدرسه مالتي واشترلي كروسان و عصير اخذتهن منه ودخلت الصفي مشه يوم دوامي عادي كادي دوام لمن طلعنه للبيت طلعت بره انتضر احد من اهلي لو السايق ماشفت احد شويه وكفت سيارت اوس ونزل منها بهيبه لابس ملابس كلهن سود وع كتقه نسر وتلث نجمات كلش حلوات تمشيت مبتسمه لها هوا هو ضحك وكال لي
اوس :همزين اجيت كالت هاي هسه رايحه وحدها
يمان :لا بعيد هواي مابيه
اوس:اصعدي بويه اصعدي نروح للبيت
يمان :صعدت ويا شغل قصيده حسينيه كلش هوا وصار يرد وياها شويه وكال
اوس : جوعانه
يمان : يي والله
اوس : ها هسه بويه اخذج اشتري لج منه
يمان : لا عندي بلبيت
اوس: لا بويه هيه شني حته وذا عادي شكو بيها خليهن وياها
يمان : يي سكت واني طايره من الفرحه يمه وقريبه منه وهوا يحجي وياي كلش حلوو هوا باوع عليه وكال
اوس : شتحبين
يمان : كلشي هههه
اوس : ادلييي يابه كلشي اجيب شعدنه غيرج احم
يمان :شكراا كوه خفيت فرحتي عيب اضل بس اضحك نزل واجه جايب كومه ويا حلويات واشياء حلوو وطيبه طلع لي نمبر وان اخذتها منه فتحتها وقدمتها له اكل منها عضه بس وكال ماريد كالت منها وكملتها انداريت عليه شفته صافن عليه وعاض ع شفته صافن عليه قدملي كلينس مسحت حلكي وايدي وصلنه للبيت تشكرت منه هوا رجع للدوام واني دخلت للبيت
يمامه : انكلبت ماحس بنفسي له وكعت ع وجهي عطت بوجع
شهم : نمت ما حسيت له ع صوتها وهيه عاطت كمزت ع صوت انداريت لكيتها واكعه بلكاع كمت رفعتها من الكاع وهيه تبجي راسها معنجر من الركعه شالته امسح ع شعرهاتها وهيه تبجي كوه يله سكتت شويه شلتها وأخذتها غسلت لها كالت بضوجه وزعل
يمامه :ليش صاير ما نومني بحضنك
شهم :يابويه َالله ليوم نمتي قبلي وعفتج نايمه واني هم نمت
يمامه :لا وكعت ليوم لبارحه بردت ليش
شهم :هاهيه بويه بعد له بحضني يله انومج
يمامه:يي
شهم :صدك احزوي باجر شنو
يمامه :شنو
شهم :اسجلج بل مدرسه
يمامه :شنو هيه
شهم : بويه تتعلمين تقرين وتكتبين شلون يمان هسه
يمامه :والبس مثلها
شهم :يي يحلوه
يمامه :شكرا اواي
شهم :اروح فدوه لحلكج ام لسان يله كومي ننزل
يمامه :شالني ونزل بيه خلاني ع قنفات و طلع بره
شهم :طلعت بره اتوضه ع مغسله الجو بارده وهوا لدنيه تبرك توضيت ورجعت بل صاله اصلي كملت وكعدنه كله واوس هم اجه مشتري ليمان ويمامه لعابات كيفن عليهن يمان رغم راح تصير 15 سنه بس هم تكيف ع هل شغلات راحن بغرفتي جدتي يلعبن صار صوت رعيد حيل قوي وعبالك وكع قريب علينه ويا الرعيد طفت الكهرباء .
يمان :اشتره لنه اوس لعابات رغم جبيره بس كلش حبيتها رحنه اني يمامه نلعب بغرفت جدتي ماحس له رعيد قويه حسل َطفت الكهرباء يمامه صرخت بكل صوتها اريد بس الكاها ماكو يمي وهيه تصرخ ماحس له طبو يركضون اوس وشهم
شهم : صرخت بكل صوتها كمت واوس وراي شغل فلاش طبيت الغرفه مال جده واشوفها كاعده جوه الشباك وتبجي وترجف مشيت شلتها اسكت بيها الله مثل السعفه ترجف حيل وتبجي شلتها وطلعت
يمان :طلع شهم هوا شايل يمامه اجاني اوس كال بكل هدوء
اوس :خفتي
يمان :يي والله خفت ومن يمامه لن عاطت
اوس :كومي كومي امشي يمههم بويه مغيمه ليوم لا تكبين نوب ضلي كاعده يم شهم
يمان :يي كمت كعدت يم امي وشهم يريد بس يمامه تسكت ما تقبل اسمعها تشهك وتكول
يمامه :م م ماريد اسم اسمع صوت هاذ م م ماريد حب حباب
شهم :ياروحي هيه قايل بيدي بيد الله سبحانه وتعالى انتي ليش تخافين هيج ليش ترجفين هيج بابا طبيعي ميخوف والله
يمامه :م مره ا اني ج جنت بالمخزن وصار ص صوت حيل حيل قوي وصوتهم همه وييعيطون لن حي حيل قريب ع ع مدرسه صارت ماريد ماريد اسمع اخاف فدوه شهم اخاف والله مااريد اسمع حباب
شهم :لا تخافين يعمري اش اش كطعت كلبي تشهك وتبجي ورجفتها فدنوب ساعه وربع تقريب يله هدئت جابولنه العشه اريدها بس تاكل ما تاكل ومجلبه بيه وهم نتكست احسها والله كوه جبرتها تاكل ماتقبل والله كوه له عطت بيها يله كامت تاكل مبين سكرها صعد من الهابطه لي اكلتها طلعت لها العلاج شربت منه وكعدت يم جدتي زعلانه شلون عطت بيها نامت ع رجل جدتي وغمضت واوس ياشرلي كعد وكالت لجده
يمامه :مر هنه
الجده :يي يمه الله يعينج هوا شحاله دوه السكر يمه اني كوه متحملته مو انتي عاد
يمامه :ضليت كاعده بعيده منه ونفسي تلعب احس راح استفرغ بس كوه لازمه نفسي لحد ما بعد ماكدرت ركضت بره حافيه وصرت استفرغ كل لي اكالته للعلاج هواي مر مااكدر حسيت بيدين تمسح ع ضهري وهوا يكول
شهم :اسم الله اسم الله
يمامه :انتهيت كلبي يخفك حيل احسه راح يطلع من مكانه والله شالني بين اديه يغسل وجهي ويمسح ع ركبتي اخذني جوه كعدني يم جدتي كبل نمت ع رجها وغفيت بدون اكل من التعب
شهم :كبل نامت وغفيت وتون بصوت ناصي كلهم سمعوها عبالك شي يوجها جدتي تقره عليه وامي كاعده وتتحسب عليه صار صوت رعيد قوي بس مو مثل قبل شويه كبل كعدت فازه كعدت صفنت عليه باوعت لي وشفايفها يرحفن مستهضمه مني شالتها بحضني لفيتها بلفروه وانطيتها التلفون تبارع لتهت وحته من يصير رعيد صارت ما تهتم لو تعودت مادري مادري ضلينه نتعلل ل11 وهيه تبارع للتلفون الدنيه تمطر يمان لازمه بابويه تخاف لمن نامت ع يده شالها ابويه بيت ادييغطي بيها بلفروه لي لابسها يموت عليه ابويه وهيه اَلله يحفضه حياله هواي
كمت خليت بيض ع نار حته تاكل بن ماكالت شي لهسه ترخصت منهم وشالها وصعدت خليتها ع جربايه همزين عدنه كلوبات شحن من تطفه ما يطفن هنه خليتها ع جربايه وهيه دتباوع للتلفون نزلت جبت العلاج خليته بجيبي ورحت شلت يمان من حضن ابويه لن مابي يصعدها ع درج صعدتها بغرفتها وغطيتها زين لن بارده وطلعت اخذت البيض وصعدت أريده بس تاكل حركت ابويه ما تاكل بس تهز براسها بلا موتتني كوه لزمت اعصابي طلعت لها جبس تاكل كيفت كامت تاكل منه طلعت جبس ليز ودريتوز هذني يشبعن انطيتها والله جوعانه وتاكل بس اكل وماتاكل كملت اكل كامت غسلت يديها وفرجت اسنانها راجتي اني ع جربايه ذبت نفسها عليه لميتها لحضني كالت
يمامه :مر الدره
شهم :اعد شلون تطيبين
يمامه :ماريد
شهم :انتي اكو شي يوجعج
يمامه :لا
شهم :يي لعد ما تشربين يله ولج بل12 شوكت نكعد متكليلي
يمامه :يي انام
شهم :لفيتها بطانيه ثخينه ولحاف هم نومتها بحضني طلعت بل سماعه لي عندي قرآن ونقصته وخليت ونمت مادري هيه نامت لو لا مادام ماحركت يعني نايمه
اوس :عيني عليه شلون نايمه كون انومها ع صدري شالها شهم وكلمن وراح لغرفته كمت طلعت لسيارتي اطلع جنبو مطر ملحس له سياره مسلحه رمت عليه انكسرت الجامع وصارت رصاصه بكنفي اخذت روحي بوجعها اختفت السياره هاي هيج تهديدهم حسيت روحي صارت تصعد للسمه طلعت لبيتي كوه اسوق دخلت البيت مالتي هبااب طبيت للبيت وكعت بنص الصاله واحس عيوني كامت تغفه وحدهن قفلن عيوني لعد َولا حسيت بشي .
شهم:كعدت صبح كعدتها َوياي هم الدنيه مغيمه بدلت اني وهيه هم بنطرون وفالينها ام الركبه الجو يكص كص من البروده لي بي لبستها كلاو اسود ولفاف لبستها قمصله نفخ جوزيه وطويله شويه حسبت جسمها هواي مبين من البنطلون ذبيت القمصله وللبستها قبوط نيلي كالاوته كلها فرو لبسته لها وسديت الدكة وللبستها جواريب كعدت تلبس بحذائهاتخبل صارت جنها دبدوب رشيت لها عطر وشلتها ونزلت الصاله كاعدين جدتي وامي صارن يصلني ع محمد من جمالها والله تخبل وهيه فرحانه بنفسها وكالتها بساع صعدت اخذت مستمسكاتها كلهم وحته مالاتي تخاف يعوزون وطلعنه الدنيه تمطر خفيف نزلنه للمدرسه وبلشو بفايلها طيحو حضي يله كمل الفايل ولحمدلله ل1 الضهر يله كلشي كمل وتسجلت بس بعيده عن يمان وهيه اباوع ع بنات لي بلساحه كرصتها معلمه من خدها وباست اصبعها وكالت
شكد عمرها هل حلوه
شهم :8 راح تصير
يمامه:لمكان غريب عليه هواي خفت منه شكله مخيف مدري وليش خفت رغم هواي اكو جهال بعمري هواي ضلينه هناك اخر شي كالو
باجر جيبوها تداوم وهسه هاي كتب كامله باجر تجي مجلدات ومن باجر تداوم
شهم :نشالله ست مشكوره طلعنه لمول ازياء وكوزمتك محمود بعقوبه اشتريت لها هدوم مدرسه وجنطه يخبلن وكفت كدام ابو مكتبه اشتريت لها دفاتر واقلام ومقطاطات ومساسيح وصبوره وقلم وامسحه مال صبوره كومه اشتريت لها وهيه فرحانه بيهن مبينه رجعنه للبيت اول ما دخلت تلكتني يمان تكم وتبجي بصوت عالي كالت
يمان :شهم شهم اوس ضاربي بطلقه خ خابرو ع بابا منتهيييي وماخدينه للمستشفى ......
شكرا لزيارتكم عالم روايات سكيرهوم
