رواية عشق مابعد الطلاق الفصل الخامس بقلم ساره فاضل
فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ماصـخ مسـتحاهم وآني مالـح طيــب
اليتبده وي غيــري بـروحـي مالمـه
بيها آعــناد روحــي وي الهـوى من يفوت
اذا يثـكل علـيّ لو مــوت مــا شمه
*****
عصام
الووو
- قيصر
الحمدلله
قيصر
الووو هلوو عمو شلونك شخبارك الحمدلله ع سلامتك
عصام
انته موزين تعلمني بيك اعرفك من صوتك واعرف شنو المضوجك بس موهسه نحجي تجي. البغداد وألي كعده وياك
بابا امك اشو اخابرهه من الصبح ماهيه وين اليوم ضل بالي
قيصر
هاا
لاماكو شيء بس نايمه من التعب تعرف السفر يتعب
عصام
اشو ماجاي اصدكك. احس اكو شيئ
ع العموم من تكعد خل تخابرني
وانته مثل ماكتلك نكمل كلامنه من تجي
2 ت
قيصر
ان شالله
ام قيصر
هاذ منو الخابرك عمك عصام
قيصر
اي عمو يسال ع تليفونج ليش مغلق
قيصر
ماما باجر اني رايح لبغداد تروحين لوتبقين بعد اكثر بكيفج
ام قيصر
لااروح اريد اجهز للخطوبه واشتري فستان الخطوبه لناي لأن تعرف محد الهه
كام قيصر بدون ميجاوب امه طبك الباب وهوه طالعه روحه مايعرف شيسوي وشلون يسد الموضوع ومن غير جه يخاف ع امه وع صحتهه ضل محتار حيره
راح للغرفه يحضر اغراضه وبنفس الوقت
يسأل ناي ع الجنطه
دگ باب الغرفه وطلعتله ناي لابسه جادر صلاتهه وجنهه ملاك ويضوي
وكلله ناي من رخصتج اريد افوت للغرفه اجهز اغراضي باجر من الفجر نطلع البغداد
هاا وامي تكول جهازهه بالجنطه النطتجياها ياريت ادزينهه الهه
ناي
قيصر
ممكن سؤال
قيصر
وبتردد
سألي
ناي
شمعنه اني وليش موغيري
لاحسبالك اني مصدكه بموضوع بنات بغداد
كلهن ماتارسات عينك
اريد جواب منك وع اساس جوابك راح اوافق
رغم اني انطيت موافقتي بس هم اريد اسمع منك حته ادارك قراري قبل لاانصدم بشيء
-قيصر
احجي بداخلي واكول
شحجيلج وشكلك اخاف اكلج انتي لايم كلبي ولاروحي واجرحج وخاف اكلج مارايدج مرتي وامي تنجلط من الصدمه وخايف ارفض كل كلام امي واخسرهه
جاوبهه وكال
لامنو كلج اني محد عاجبني بلعكس حبيت ونحبيت ومصار نصيب عاد أمي اختارتلي بت خالي وبت خالي مسنعه وشاطره ليش موهيه الاختارهه
ناي
يعني جاي تشوفني اكدر اعيش وياك ونأسس عائله بدون مايجي يوم وتكلي مستواج العلمي مويم مستواي ولابيئتج تشبه بيئتي
تره راح حيل انغث اذا تقارني بااحد
واني كلت اكلك حته نتفق احنه قبل اتفاق الكبار
قيصر
لاانشالله الله يقدم البي الخير
ناي
خلص كلامه وياي وهوه يتجنب يباوع لعيوني غيري يفسرهه خجل بس اني موهيج تفسيري
خلصت حجيي ويا ذبيت جادر صلاتي وطلعت
اخذت الجنطه ورحت العمتي دكيت الباب فتت وسلمت
مساء الخير عمه شلون صرتي بشري
ام قيصر
الحمدلله يروحي زينه بخير بس شوي تعبانه
تعرفين تعب والسفر مينحمل للبعمري
1 ت
- ناي
يييي عمه بعدج شباب وينج وين التعب بس يمكن مشتاقه العمو عصام وتدلعين علينه هههه
ام قيصر
هههههه ولج هم طلعتي لوتيه وعندج السان يمكموعه
ناي
هههههه جاشعبالكم خوفج من المؤدبين. جوه السواهي دواهي ههههه
ام قيصر
ههه لاأني هيج اريدج هيه الدنيه تريد المؤدب وبنفس الوقت لوتي وجايب حقه تره الفقير ينوكل
وانتي بعد اعرف ماحاجه اعلمج انتي ناي ام عقل الجبير وتفهمينهه وهيه طايره
ناي
والله ياعمه اني فقيره وبس السان لايغرج اليجرحني بحجايه يوكف كلبي من القهرجان سجاد الله يذكره بالخير دائمآ يغثني
وحته وصلت بي يمد ايده عليه ولهسه جرحه بكلبي بس بعمري مادافعت عن نفسي ابد ذابتهه ع الله هوه الياخذ حقي
- ام قيصر
ونعم بالله والله يايمه اني حبيتج وشفتج بس انتي التنورين بيت ابني اني وعمج مادايميله ونريدله وحده مسنعه مثلج ونشالله انتي كدهه وانشالله ماتشوفين بس السعاده
ناي
عمه اني وافقت بس مااضم عليج كلبي لاجمني احس قيصر مامتقبلني ماأحس الحب بعيونه انتي مثل امي وماضن تزعلين من حجيي
ام قيصر
لايمه ماازعل والله ياحبيبتي الحب يجي وكولي عمتي كالت الله بكتابه كال وجعلنا بينكم موده ورحمه وداعتج بس تزوجون تصيرين بس انتي وبس عنده هسه بعده ممتعرفين ع بعض اكيد مايحسسج بحبه يستحي يماما شوي شوي انشالله خطبتكم الاسبوع الجاي وتنخطبون وتشوفين منه بس اليسر كلبج
ناي
الاسبوع الجاي
بس اني مامجهزه نفسي موقليل الوقت
ام قيصر
لاموقليل الفستان اني اجيبه من احلا بوتيك ابغداد
والمكياج اني اجيب بنت عم قيصر ليلئ شغلهه يخبل عدهه مركز تجميل وهيه اصلآ حابه تجي للعماره وبخطوبتكم اخليهه تجيب كل اغراضهه واطلعج ملكه بعد مابقه عليج بس جهزينه نفسج هااا حبيبتي شكلتي
ام قيصر
حبيبتي انتي
جبتي جنطتي
شوفي ناي اكو جهاز بالجنطه راح اخليله سيم كارت عندي مامستخدمته راح افعلجيا واخليلج جهازي حته اتواصل وياج واخذ رئيج بلون الفستان والحاجيات التخص الخطوبه
ناي
لاعمه شلون اخذ جهازج ميصير
ام قيصر
لايمه حبيبتي هاذ مؤقت اني من اجي اجيبلج ارقا جهاز خومااخليج ع القديم شكم ناي عندي
ناي
ولله ياعمه مااعرف شلون اجازيج
ام قيصر
مااريد منج بس قيصر دللي وعيشي بسعاده ونسي الدنيه راح اضل طول عمري ممنونه الج
- ناي
اكيد كل الكلتي واجبي اخلي بعيني
ناي
ترخصت من عمتي كبل بوجهي للمطبخ رحت جهزت العشه. وسويت عشه العمتي مشاوي لان حبيبتي متكدر تاكل اكل بي زيت والجاي صبيته الهم حته الحك اجهزلهم اغراضهم وهم شكم حاجه جايبهه ابوي العمتي خطيه يجيبلهه شغلات التحبهه من الزغر وهيه رغم الخير العدهه تحب صوغة اخوهه وتعتز بيهه الله يديم خوتهم
جاي اجهز بغراض عمتي صاحلي والدي كال شيلي العشه وفرشي لقيصر وراهم كعده من الصبح
فرشتله وطفيت الاضويه طلعت لكيت والي خطيه نايم ع السجاده فرشلته وفززته واخذته لفراشه اخ شكاسر ضهري غيرك من اروح ياهو الك فرشت لبوي بصف والي واني رحت لغرفتي وتذكرت الجهاز الانطتنيا عمتي رحت جبته من الكاونتر خليت شاحنته ع الميز فتحته لكيت صورة الخلفيه قيصر طالع بيهه يخبل لابس لبس الاطباء ونضاره طبيه سوده وتسريحت شعره تخبل السماعه ع جتفه كلش حلو طالع مااعرف احبه لولا بس الاعرفه كلش عاجبني شخصيته تجنن كلبت بالاسماء اسم عمتي وقيصر وعمو عصام واخوي سجاد وابوي خطيه مخليتلي الارقام المهمه كلبت بي صح مو كلش اعرفله بس حلو باجر من افرغ اتعلمله جاي اكلب بالجهاز وجان يغلبني النعاس ونمت
قيصر
رحت اجهز اغراضي وشفت ناي تصلي شكلهه حلو مثل الملاك وكلامهه بعد احلا وعجبني بيهه تتسائل ماتمشي ع عماهه بس اخ وكلبي المايشوف غير سمر ياربي هلبنيه متربعه بكلبي رحت اجهز اغراضي لكيت ملابسي مكويه ومترتبه بجنطتي بطريقه حلوه ماجهزت غير بس شكم شغله وطلعت كعدت يم امي وخالي وطبعآ ع كلام امي تقدمت الخالي واني احس موبوعيي شسوي ماادري وافق خالي وطبعآ حاضر ماطلب كال شتخلولهه خلو هيه بنتكم وانتم اولا بيهه والغايب جان قرآن كلش فشلنه بكرمه امي ماقبلت وكلتله مهرهه لازم يكون عالي بس خالي كال القرآن يسوه كنوز الدنيه وتمت الموافقه وقرينه الفاتحه ع نية التوفيق وره شوي ترخص خالي وكام واحنه هم ردنه انام لان ورانه كعده امي نامت واني عيني ع التليفون اريد اسمع صوت سمر شلون وشكلهه كبل كمت من فراشي وطلعت للطارمه الدنيه ليل والضلام حلو ضوه الگمر مالي البيت احس هيج اجواء تزخي اعصابي كلت اخابر حبيبتي وعسا ولعل تسامحني وتقبل تنتضرني بين ماأخلص ممن هاي الورطه خابرت عليهه مره وثنين متجاوب كلت اجرب مره ثالثه عاد جاوبت
قيصر
الو
4 ت
شرايد انته متستحي موكتلك رقمي امسحه واياك تخابرني
( 2 ) ت
قيصر
سمعي سموره والله موبيدي والله امي خيرتني وجان ختياري صعب وانتي تعرفين ضرف امي الصحي والله موبيدي حبيبتي والله جاي اموت كل دقيقه ومابيدي شيء
سمر
انته مسكين وانته موبيدك وانته مورجال ولابيدك كلمه ولابيدك تقرر حياتك شكو مخابرني لوبس تريد تخلص وقت اني كتلك بعد طلعت من عيني انته موكد حجايتك صار سنين معلكني وانته تعرف اجتني عالم تشرفك بس فضلتك عليهم وماكول بس اني غبيه وصدكت بواحد مثلك مورجال خلي امك نفيدك وخلي الهمجيه الجبتهه ترفع رسك ولو شكلك هاذ مستواكم معدان لومهما تصيرون بمراكز مهمه تبقون همج
36 ت
وسدت التليفون بوجهي انقهرت وحته ماكدرت اكوم من مكاني احس رجليه تخشبت اااااخ ياأمي شلون اغير عقلج وشلون اخلص من المصيبه الورطيني بيهه جان كلام سمر سجاجين وتفوت بصدري شكد مااحبهه بس كلامهه جارح وكلشي جرحني وقهرني ضليت ع كعدتي لل2كمت اجيب اغراضي وابدل فتت للأستقبال إمي نايمه وكلش تعبان شكلهه بس كون متتخربط عندي بالطريق
جاي ابدل ولكيت ناسي حزامي بالغرفه فتحت الباب الداخلي للأستقبال شفت خالي ووالي نايمين والبيت كله بي كلوبات نوم ضواهه خفيف يعني اشوف طريقي رحت للغرفه بخطوات هادئه دخلت وشفت ناي نايمه فاتحه شعرهه جنه شعر لعابات ولابسه ثوب قصير ماانكر جمالهه جذبني بس استغفرت وكلت بعدهه موحلالي ميجوز هيج اباوعلهه وبعدين تذكرت حبيبتي وكلت موهيه الاخونهه ويه غير بنيه اخذت احزامي ورحت كملت تبديل بس منضر ناي باقي بدماغي
فززت امي وكتلهه هم يلاا طريقنه طويل كامت بدلت عاد رحت فززت خالي وكتله خالي احنه نروح خطيه ماقبل نطلع بلا ريوك وكال لازم يكعد ناي بس امي مقبلت كلتله خلهه مرتاحه سلمنه ع خالي وطلعنه صعدنه سيارتنه واتجهنه لبغداد اباوع للطريق واشكيله همي شجابني بيك لواعرف تفكير امي وشنو سبب الخلاهه ادزني للعماره جان مااجيت خذت الطريق صفنات وامي بس ساكته احس ماناويه تفتح اي موضوع حته تريح نفسهه لأن مبين عليهه التعب واني هم سكتت كلت اوصل وعمو عصام كال تعال ونسولف بلكي عمو يقنع ماما تكنسل الموضوع وصلنه البيتنه الساعه ب2الضهر اخ يالزدحامات شلعتي كلوبنه دخلنه للبيت وجان يتلكانه عمو عصام وعمتي خطيه جايه تهتم بعمو لأن تعبان ومابي يكعد بوحده سلمنه ع بعض وطبعآ كلش مشتاق العمو هاذ ابويه الثاني وصدك ينصحني ويخاف ع زعلي كلت بس نكعد بوحدنه اسولفله خلو الغده امي وعمتي تغدينه وطبعآ امي عزمت عمتي وكلتلهه تعزم باقي ألاقارب اني هناا كلش ضجت امي جاي تنشر بالموضوع واني جاي اسده عمو عصام افتهم شنو بداخلي عاد كال
- قيصر
حاضر بابا تعال انسند عليه وخل نروح
رحنه للمكتب كعدت عمو وكعدت كباله واني محتار منين ابدء
عصام
احجي بابا اسمعك
قيصر
شحجي يابابا امي ماخلت بيهه حجي شفت شتسوي وهيه تدري اني محد يدخل لكلبي غير سمر خطبتلي وحددت الموعد وخيرتني بينهه وبين سمر وطبعآ اني مأكدر اختار غير امي لان تعرف. ضروفهه الصحيه خاف اجادلهه وتوكع من عدنه واني محتار ياعمو مااعرف شسوي دبرني
-
عصام
شكرا لزيارتكم عالم روايات سكيرهوم
