رواية الصياد الفصل الخامس بقلم شيماء رضوان
حاولت منى الدفاع عن نوران فقاموا بتخديرها هى الاخرى وتركوها فى الشقه واخذوا نوران
بعد ثلاث ساعات عاد سليم من العمل وجد منى على الارض
سليم ركض الى والدته وحاول افاقتها
سليم..ماما فوقى ماما
بدات منى تستعيد وعيها
سليم..ماما ايه اللى حصل ونوران فين
منى..ناس صعايده خطفوها ومقدرتش اعمل لها حاجه
برقت عين سليم بغضب مخيف
سليم.انتى متاكده يا ماما انهم صعايده
منى..ايوه اللهجه اللى اتكلموا بيها صعيدى الحقها يابنى شكلهم اهلها نوران حكتلى على كل حاجه
سليم..موقلقيش يا ماما هجيبها ولو حد لمسها هيشوف منى اللى عمره مشافه
اتصل سليم بفهد
سليم ..فهد تعالى حالا متتاخرش
بعد قليل حضر فهد
فهد..خير يا سليم فى ايه
سليم.. اهل نوران خطفوها
فهد..نوران مين
سليم.بغضب متركز يا فهد
فهد..اللى انت انقذتها ميخطفوها هم اهلها
سليم بغضب ..انت مجنون ما انت عارف اللى فيها
فهد..اهدى يا سليم مينفعش كده
سليم..اهدى ازاى بقولك خطفوها
فهد..اولا مخطفوهاش ثانيا ..دول اهلها وخدوها ويعملوا فبها اللى هم عيزينه كويس انها مشيت
سليم..انت مجنون دول اخدوها من بيتى يعنى اتجراوا واخدوا حاجه من بيت الصياد وانت عارف الصياد هيعمل ابه
فهد..دى حته بن لاراحت ولا جت انا مش عارف انت مزعل نفسك ليه متروح فى داهيه هى وعيلتها كلها
امسكه سليم من ملابسه..لولا انك صاحبى كنت عرفتك مقامك كويس لو قلت عليها بت تانى انت متعرفش الصياد ممكن يعمل ايه
فهد..لا عارف يا صياد انت ممكن تعمل ايه وانا اسف مقصدش المهم انت هتعمل ايه
سليم..هجيبها من بيتهم وهم اللى هيدهالى بنفسهم
فهد ..باستغراب هيدوهالك بنفسهم ازاى يعنى
سليم..هقولك فى الطريق المهم انا لازم اسافرلها دلوقتى وانت تخلى قوه من قسم البلد دى تستنانى هناك ويكون معاهم لوا علشان ميستهونوش بالقوه دى وتحصل مشاكل انا عايز امشيها قانونى
وصلت نوران معهم الى البلده حملها وهدان ودخل بها الى المنزل
وهدان..الامانه اهى يا بوى ووضعها على السرير باحد الغرف
عثمان ..عفارم عليك يا ولدى ميجيبها الا رجالها هى هتفوج امته يا ولدى
وهدان..المفروص تفوج دلوجت
بعد قليل بدات نوران تستعيد وعيها
نوران..ااه
عثمان..نورتى يا بت المصراويه
نوران بفزع.. انتوا عايزين منى ايه
عثمان..انتى هتتجوزى وهدان الليله بس الاول لازم تتادبى على اللى عملتيه
نوران ببكاء..حرام عليك انا عملتلك ايه ده انت حتى عمى المفروض تخاف عليا
عثمان..ابوكى اللى كان انانى لما كتب كل حاجه باسمك بس انا هخلص الجديم والجديد منيكى
وهدان..انا اللى عايز اادبها يا بوى هى هتبجى مرتى وانا اولى بربايتها
عثمان..ماشي يا ولدى اعمل اللى يريحك وانا هستناك بره
خرج عثمان وبقى وهدان معها بالغرفه
وهدان..بجى تهربى يوم الفرح وتخلى سمعتنا فى الارض
نوران..انا مكنتش عايزه اتجوزك هو الجواز بالعافيه
وهدان..بس انا بحبك يا بت عمى
نوران بصراخ ..وانا مبحبكش انت ايه مبتفهمش جشع زى ابوك مش بيهمك الا الفلوس
وهدان..طوله لسانك ده انا لازم اربيكى عليه
ضربها وهدان بشده ولم يتركها الا عندما فقدت وعيها واصبح وجهها مليء بالكدمات
عثمان..ادبتها يا ولدى
وهدان ايوه يا بوى الماذون هييجى ميته
عثمان..اتحددت معاه وجالى هياجى بالليل
وهدان..ماشي يا بوى
اتصلت انعام بحكمت
انعام..تعالى يابت بسرعه لجوا بت المصراويه ووهدان هيكتب عليها الليله
حكمت..يادى الوجعه السوده حاضر يا خالتى جايه دلوجت
حضرت حكمت ولم يرها وهدان وصعدت الى نوران وكانت قد استعادت وعيها
حكمت..ايه اللى رجعك تانى
نوران ببكاء..خطفونى ارجوكى هربينى من هنا زى المرة اللى فاتت
حكمت..يا ريت ينفع المرة دى الحراسه كبيره جوى
نوران ببكاء..حسبي الله ونعم الوكيل فيهم يا رب ساعدنى انت فين يا سليم
نزلت حكمت الى الاسفل وكان يجلس وهدان وعثمان
عثمان..ايه اللى جابك اهنه يا بت انتى
حكمت..جايه لوهدان
وهدان..ايه اللى جابك يا حكمت
حكمت..صح اللى سمعته يا وهدان هتتجوز بت عمك النهارده
وهدان..صح يا حكمت
حكمت..وانى يا وهدان انت مبتفكرش غير فى نفسك انا ازاى مكنتش شايفه عمايلك وانانيتك دى
وهدان..لمى لسانك يا حكمت بدل ما ادبك انتى كمان
حكمت ..انا فين من اللى انت بتعمله ده عايز تتجوز عليا
وهدان..ومين جالك انك هتجوز عليكى
حكمت..ازاى يعنى
وهدان..انتى طالج يا حكمت غورى من اهنه مش عايز اشوف وشك تانى
حكمت..احب على يدك ردنى تانى وانى موافجه انك تجيبلى درة
وهدان..لا يا حكمت وامسكها من يدها ورماها خارج المنزل
فى المساء
وصل سليم وفهد الى البلده وتم تجهيز قوه للذهاب معه عندما عرفوا بما حدث وذهب معه ايضا لواء بمدريه الامن عندما عرف انه ضابط مخابرات حتى لا يسوء الوضع وتجنبا لايه معارك قد تحدث وتوجهوا الى منزل عثمان القناوى
فى منزل عثمان القناوى
عثمان..فزى جومى الماذون تحت
نوران ببكاء..حرام عليك بقى سيبنى امشي
عثمان..جلت جومى انتى طرشه عاد وجذبها من يدها الى الاسفل
عندما راى الماذون الكدمات التى فى وجهها احس انها مغصوبه على الجواز
الماذون..مالك يا بنتى ايه اللى عمل فيكى كده
وهدان..ناس جطاع طريج ضربوها وسرجوا الفلوس اللى كانت معاه
الماذون..ده اللى حصل يا بنتى
عثمان..فى ايه يا شيخ انت جاى علشان تكتب الكتاب مش علشان تحجج فى اللى حصل خلص واكتب الكتاب
الماذون..انتى موافقه يا بنتى
عثمان..ايوه موافجه اكتب الكتاب يا شيخ
وهدان..اكتب يا شيخنا عروسه بجى ومكسوفه
نوران..لا مش موافقه
عثمان..بتجولى ايه يا جليله الحيا
وهدان..انتى اتجنيتى اياك بتجولى مش موافجه وانا وابوى واجفين اختشي على دمك يا جليله الربايه
الماذون..مينفعش كده يا جماعه انتى مغصوبه على الجواز ده يا بنتى
نوران..عايزينى اتجوز وانا متجوزه اصلا يا عم الشيخ
عثمان..واه يا جليله الحيا بتكدبى علشان متتجوزيش
الماذون..حتى لو مش متجوزه مينفعش تتجوز غصب عنها انا مش هكتب الكتاب ده عن اذنكم
وهدان..فضحتيا وجبتلنا العار يا بت المصراويه موتك على يدى
عثمان هم ليصفعها
فى هذه اللحظه دخل سليم
سليم..اقسم بالله لو ايدك نزلت على وشها لخليهم يصلوا عليك الجنازه النهارده
نوران بفرح..سليم
فتح سليم ذراعيه لها فركضت نوران اليه واحتضنته وظلت تبكى
سليم..اهدى يا حبيبتى انا معاكى اهو متخافيش
وهدان..بعد يدك عنيها
سليم..بس يالا
عثمان..انت ايه اللى جابك اهنه وعايز ايه
سليم..جاى اخد مراتى اللى انتوا اتهجمتوا على بيتى وخدرتوا امى وخطفتوها
عثمان..انت كداب مهيش مرتك
سليم..لا مش كداب ودى قسيمه الجواز
اللواء..مدام نوران مراته فعلا وانتوا متهمين بخطفها
وهدان..لا دى هتبجى مرتى انى لازم يطلجها دلوجت
نظر سليم لنوران
سليم..مين اللى ضربك وعمل فى وشك كده
اشارت نوران على وهدان
سليم بهدوء عكس النيران التى بداخله..ضربتها ليه يا سبع الرجال
وهدان..انى حر بت عمى وهربت وكنت بادبها
سليم بغضب ..انت اللى جبته لنفسك سياده اللوا ممكن كلمه
اللوا ..اتفضل يا سياده المقدم
سليم..عايز اضربه واخد حقى مراتى
اللواء..مينفعش يا سياده المقدم لازم كل حاجه تمشي قانونى
سليم..سيبك من القانون دلوقتى لو حد عمل فى مرات سيادتك كده هتعمل ايه
اللواء بتنهيده..هقطعه بسنانى طبعا
سليم..وانا ده اللى عايز اعمله
اللوا..تمام اعمل كده وانا هستناك بره وهطلب الاسعاف علشان تنقله المستشفى بس هخلى القوه معاك يمكن يحصل حاجه
سليم..متقلقش كل حاجه هتم على نضافه
اقترب سليم من وهدان..تعالالى بقى يا سبع الرجال
اخذ سليم يضربه بشده واقترب منه عثمان يحاول تخليص وهدان منه فلكمه سليم فى وجهه بشده جعله يترنح الى الخلف
اخذت الاسعاف وهدان الى المشفى وتم القبض على عثمان
رجع سليم الى الاسكندريه هو ونوران مرة اخرى
منى..يا حبيبتى يا بنتى حمد الله على السلامه معلش خدونى على خوانه ملحقتش اضربهم بالشبشب
نوران..الحمد لله انها جت على اد كده
منى..ايه اللى فى وشك ده مين اللى عمل فيكى كده
نوران..لا دى علقه مكلهاش حمار قبل كده وانا كلتها علشان هربت
منى..هو مين وانا اضربه بالشبشب
سليم..لا وفرى الشبشب لحاجه تانيه انا اديته علقه هترقده شهرين فى المستشفى وبعدين انا جعان
منى..حالا يا حبيبى اجهز الاكل ودخلت الى المطبخ
سليم..مش هنعمل الفرح بقى يا قلبى
نوران..قلبك مش كنت جعفر
سليم..جعفر ده انتى قمر بس قبل العلقه
نوران..وبعد العلقه
سليم..بقيتى قمرين مش هتعمل الفرح بقى
نوران..طيب لما الكدمات اللى فى وشى دى تروح
سليم..يعنى انتى موافقه تكملى حياتك معايا
هزات نوران راسها بمعنى موافقه
سليم..بحبك يا نوران
نوران بخجل وانا كمان
سليم بجد واقترب ليقبلها
جاءت منى وشهقت عندما وجدته هكذا
منى..احترم نفسك بدل ما اديك بالشبشب ايه قله الادب دى
سليم..دى مراتى يا ام سليم
منى..برده لا بعد الفرح
تناول سليم العشاء
سليم..انا داخل انام يالا يا نوران
منى..لا يا حبيبى نوران هتبات معايا لغايه الفرح
سليم..نعم ليه ان شاء الله
منى..هو كده خش نام يالا
اتفق سليم على ان يقام حفل الزفاف بالقاهرة من اجل اصحابهم هناك
يوم الزفاف
فى فيلا مالك السعيد
اسيا..يالا يا مالك هنتاخر
مالك..انا مش عارف انا هروح ليه انا معرفش العريس
اسيا..بس نوران صاحبتى من زمان ومينفعش اروح من غيرك
مالك..طيب ريم ونور
اسيا..هيقعدوا مع رنا واسر يلعبوا مع ساره لغايه ما نيجى
مال..يالا يا قلبى انا مقدرش ازعلك علشان زعلك وحش وبقعد شهور علشان اعرف اصالحك تانى
اسيا..يالا يا حبيبى
فى منزل فارس
منه..يالا يا فارس بقى
فارس..لا مش رايح انا معرفش حد
منه..دكتور مالك هيروح يالا بقى دى صاحبتى وعزمانى مقدرش مروحش ولازم تبقى معايا يالا بقى يا قلبى
فارس..طيب والعيال
منه ..وديتهم عند بابا هيباتوا معاه النهارده
فارس..يالا يام العيال علشان اخلص
منه..بحبك يا دوك
فى منزل اياد
اياد..يعنى انتى طلعتى صاحبه العروسه
ملك..اه صاحبتنا من زمان بس دخلت تربيه وانا واسيا ومنه دخلنا هندسه وانت تعرف العريس منين
اياد..كان زميلى بس دخل مخابرات الا صحيح حازم فين
ملك..هيبات هند ماما النهارده
اياد..طيب يالا علشان منتاخرش
ملك..يالا يا حبيبى
فى منزل اروى ومعتز
معتز..خلصتى يا اروى
اروى..ايوه يا حبيبى خلصت هى سيسيل هتروح
معتز..ايوه لان ادهم وانا وسليم صحاب من زمان وكان معانا اياد هنشوفه فى الفرح يالا بقى بس سيسيل مختفيه من الصبح
اروى..وديتها عند بابا يالا بقى
معتز..يالا يا مغلبانى
فى فيلا ادهم السوهاجى
سيسيل..يا بت تعالى
اسيل..لا انا عايزه اروح معاكم
ادهم..مش هينفع يا حبيبتى
اسيل..انا زعلانه منكم
سيسيل..اسمعى الكلام واقعدى مع تيته لغايه ما نيجى وانا هوديكى الملاهى بكرة ان شاء الله
اسيل...هيييييييه يا تيته انا جايالك علشان ماما تودينى الملاهى بكرة
ادهم...هههههه يالا يا سوسو هنتاخر
سيسيل..يالا يا قلبى
فى حفل الزفاف
كانت نوران مثل الاميرات وانبهر سليم بجمالها
وصل مالك واسيا وذهبوا ليسلموا على العروسين
مالك..الف مبروك
سليم..الله يبارك فيك
اسيا..مبروك يا قلبى
نوران..الله يبارك فيكى يا اسيا وحشتينى اوى
اسيا..وانتى كمان وحشتينى اوى يا نور
وصلت منه وفارس وباركوا للعرسان وكذلك ملك واياد واروى ومعتز وادهم وسيسيل
وقف كلا من اياد ومالك وفارس ومعتز وادهم بجوار سليم
فارس..متيجى كل واحد يرقص مع مراته ونلف كلنا بيهم بوقت واحد
كلهم فى نفس واحد..موافقين
اشتغلت اغنيه انا كلى ملكك ورقص كل واحد مع زوجته وغمز كل منهما للاخر قبل انتهاء الاغنيه فدار كل رجل بزوجته معا فى وقت واحد
سليم..بحبك يا نوران
نوران..وانا كمان يا ملاذى ومنقذى
ويبقى العشق هو السبب الوحيد الذى يوحد كل هؤلاء الابطال
