روايه الاخ الاكبر الفصل السابع والستون 67 بقلم حبيبه

مرت ايام على ذلك الحادث ولم ترى روح فارس نهائيآ قررت محادثته... 

روح: الو السلام عليكم 

فارس: وعليكم السلام ورحمة الله وبركاته 

روح: فينك يافارس بقالي كام يوم مش بشوفك رغم اني في الوقت ده انت اكتر واحد كنت محتجاله جنبي يهون عليا اللي حصلي ويرد علي كلام الجيران اللي كان بيوجعني ويمس شرفي انت اكتر واحد كان لازم تكون موجود جنبي انت اللي هاعيش معاه اللي باقي من عمري كله  بس للاسف ماشوفتكش خالص 

فارس: لاء عادي انا بس مشغول شويه 

روح: عادي ازاي يعني ومشغول... مشغول في ايه ومال طريقتك معايا في الكلام بارده كده مالك يافارس...

فارس: ماليش ياروح انا بس مخنوق شويه 

روح: مخنوق من ايه 

فارس: مافيش

روح: في ايه يافارس.. فارس انا واحده بحب الصراحه لو سمحت فهمني في ايه 

فارس: روح هسألك سؤال بس لو سمحتي  ماتفهميني غلط وقدري الموقف اللي انا فيه.. 

روح: حاضر اسأل 

فارس بتوتر: ه هه هو ه هو اللي  ال هو اللي خطفك ده قرب منك

#صدمه وهبطت على تلك المسكينه التي ظنت انها وجدت الحب اخيرآ 

انت بتقول ايه انت مركز في كلام يعني عارف انت قصدك ايه 

فارس: ماقصدش حاجه 

روح: لاء تقصد وتقصد كتير كمان بص ياابن انا لما وافقت بيك فكرتك بتحبني بجد لكن بعد كلامك ده اسفه كل شيئ انتهى 

فارس: يعني ايه 

روح: يعني ربع ساعه واخويا هايكون تحت بيتك يسلمك كل حاجتك 

فارس: روح افهميني 

روح: عاوزني افهم ايه افهم ان اللي كان بيقولي بحبك وانتي اللي هنا واللى هناك شاكك في شرفي عاوزني افهم ان اللي المفروض هاتجوزه وهابقى على اسمه وكرامتي هاتبقى من كرامته وشرفي هايبقى مسؤليته هو اللي شاكك فيا يااخي دا انت ماعندكش حتى بربع جنيه ثقه فيا بعد كلامك ده خلاص قطعت كل حاجه كانت بينا سلام... 

#انهت روح المكالمه وارتمت ارضآ تبكي بوجع لم تستطع منع بكائها ولا اخرج صرختها التى رجت البيت بأكمله..

دخلت اليها سريعآ ناديه وخلفها ندى ومريم ومحمد ذهبت ناديه واخذتها في حضنها... 

ناديه بقلق وخوف: في ايه ياحبيبتي حصل ايه 

روح ببكاء: شاكك فيا ياماما شاكك فيا 

محمد: هو مين اللي شاكك فيكي ياروح 

روح: فارس ذيه ذي الناس اللي سمعتني كلام يوجع 

#ذهب محمد اليها وانتزعها من احضان والدتها: وانتي بتعيطي ليه مش ده ياروح اللي تعيطي عليه احنا بنعيط على يستحق دموعنا تنزل علشانه بس ده مايستحقهاش ياحبيبتي دموعك غاليه اوي ياقلب اخوكي 

مريم: احمدي ربنا ياروح ان كشفه قبل ماتتجوزيه 

روح: كلامه جرحني كنت مفكراه بيحبني وهايسعدني وهايفضل جنبي  ماعرفش ان من اول مشكله حصلت سابني لوحدي 

محمد: احمدي ربنا ياروح احنا اوقات بنعيط على ناس فكرنا ان. خلاص حياتنا انتهت بعديهم وناسين ان ربنا سبحانه وتعالى كاتبلنا عوض احسن منه بكتير امسحي دموعك دي وقومي صلي وادعي ربنا واحمديه 

روح: حاضر  

#ذهبت روح توضأت ولجأت الى ربها.. 

يارب لقد تألم  ذلك القلب الضعيف فالبكاء ارهقه فألهمه الصبر يارحيم 

♡♕♕♕♕♕♕♕♕♕♕♕♕♡

خرجت ناديه وجلست على المقعد وهي تبكي على حال ابنتها.

هبط اليها محمد وقبل يدها بحب وازال دموعها .. 

محمد: دموعك دي بتوجعنا ياست الكل 

ناديه: اختك ماتستحقش اللي حصلها  ده دي مابتكرهش حد ولا عمرها اذت حد ليه يحصلها كده سيرتها بقت على لسان الناس 

محمد: اخص عليكي ياماما واحنا من امتى بنعمل قيمه لكلام الناس سواء عملنا حلو او وحش الناس مش هاتبطل كلام وبعدين انا اخواتي مربيهم كويس وكويس اوي وواثق فيهم وانا اختي ماغلطتش واللى هايفكر بس يجيب سيرتها بالغلط انا هاعرف اسكته كويس 

ناديه: ربنا يخليك لينا ياحبيبي يارب 

محمد: ويخليكي لينا ياقمر يلا بقى امسحى دموعك دي ده مش نصيبها ياماما الحمدلله ان ربنا سبحانه وتعالى كشف معدنه دلوقتي روح هايجيلها عوض هاينسيها كل وجعها اللي عيشاه دلوقتي بس تصبر والله هايعوضه خير 

ناديه: الحمدلله الحمدلله 

محمد: انا هاروحله اديله حاجته واجي مريم ندى ادخلوا لروح هاتوا الدهب ولو في هديه تجيبها بس الفستان خليه انا هادفعله خقه 

ندى: دهب ايه يامحمد انت ناسي انها دبله صيني 

محمد: حتى لو صيني دي تبعه وهي لبستها علشانه هو يبقى ترجعله اما الفستان لاء اختي لبسته انا هادفعله حقه وخليكم معاها حتى لو هي مش عاوزه خليكم معاها برضوا 

مريم وندى: ماشي حاضر 

ناديه: محمد بلاش خناق يابني انهى كل حاجه بهدوء 

محمد:حاضر ياامي بعد اذنك 

#اخذ محمد الهدايا والديله  وذهب الى فارس واعطاهم له بهدوء تام ونهى كل شيئ غير سامح له بأي تبرير ثم تركه وذهب 

#هنا وانتهت قصة فارس. 

♡♕♕♕♕♕♕♕♕♕♕♕♕♕♡

ﺗﺮﻳﺪ ﺣﻔﻆ ﺍﻟﻘﺮﺁﻥ؟

ﺑﺒﺴﺎﻃﺔ:

ﺳﺄﻋﻄﻴﻚ ﻣﺜﺎﻻً ﺑﺴﻮﺭﺓ (ﺁﻝ ﻋﻤﺮﺍﻥ)، وهي ٢٠٠ ﺁﻳﺔ..

 ﻛﻞ ﻳﻮﻡ ﺍﺣﻔﻈ ١٠ ﺁﻳﺎﺕ ﻓﻘﻂ، وﻓﻲ ﺧﻼﻝ ٢٠ ﻳﻮﻡ ﺳﺘﺤﻔﻈ ٢٠٠ ﺁﻳﺔ !

ﺃﺟﻞ ﺳﺘﺤﻔﻈ ﺳﻮﺭﺓ ﺁﻝ ﻋﻤﺮﺍﻥ ﻛﻠﻬﺎ ﻓﻲ ﻇﺮﻑ ٢٠ ﻳﻮﻣًﺎ ﻓﻘﻂ.

 ﻛﻴﻒ _ ﺗﺤﻔﻈ _10_ ﺁﻳﺎﺕ _ ﺧﻼﻝ _ ﻳﻮﻡ _ ﻭﺍﺣﺪ ؟ ⁦ ⁩

ﺑﺒﺴﺎﻃﺔ:

- ﺍﺣﻔﻈ ﺑﻌﺪ ﻛﻞ ﺻﻼﺓ ” ﺁﻳﺘﻴﻦ “ ﺍﺛﻨﺘﻴﻦ ‏( ٢ ‏) ﻓﻘﻂ، ﻟﺪﻳﻨﺎ ٥ ﺻﻠﻮﺍﺕ ﻓﻲ ﺍﻟﻴﻮﻡ ﺳﺘﺠﺪ ﻧﻔﺴﻚ ﻗﺪ ﺣﻔﻈﺖ ١٠ ﺁﻳﺎﺕ ﺧﻼﻝ ﻳﻮﻣﻚ.

 ﻃﻴﺐ: ﻫﺎ ﻗﺪ ﺣﻔﻈﺖ ١٠ ﺁﻳﺎﺕ ﻟﻬﺬﺍ ﺍﻟﻴﻮﻡ، فما الخطوة التالية؟

 أهم شيء قبل أن ﺗﺤﻔﻈ ﺍﻟﺠﺪﻳﺪ، أن تراجع ﻣﺎ ﺳﺒﻖ.

ﻛﻴﻒ ﻟﻲ ﺃﻥ ﺃﺭﺍﺟﻊ ﻣﺎ ﺣﻔﻈﺘﻪ.. ؟ ! 

أسهل_ﻃﺮﻳﻘﺔ_ﻟﻠﻤﺮﺍﺟﻌﺔ:

أن تصلي بالآيات التي قمت بحفظها ﻓﻲ ﺻﻠﻮﺍﺗﻚ.

وهكذا ستحفظ سورة آل عمران في ٢٠ يومًا فقط، ولو طبقت نفس النظام مع كل سور القرآن بإذن الله ستجد نفسك حفظت القرآن كاملاً بعد فترة قليلة♥️

♡♕♕♕♕♕♕♕♕♕♕♕♕♕♡

توربيني: السلام عليكم 

ايمان: وعليكم السلام ورحمة الله وبركاته 

توربيني: عامله ايه 

ايمان: الحمدلله بخير 

توربيني: وصديقتك اخت محمد عامله ايه 

ايمان: تعبانه اوي من ساعت اللي حصلها تخيل الجيران كلها بتسأل خالتي ناديه اسئله غريبه اوي شاكين فيها واللى تقولها اكشفي عليها واللى تقولها يمكن قرب من ها وهي مغمي عليها اسئله بجد توجع اوي اوي

واللى ذود الوجع اكتر واكتر اللي ربنا يسامحه خاطبها كان شاكك فيها وانفصلت عنه.. 

توربيني: استغفرالله العظيم يارب للدرجه دي الناس تفكيرها من ح ط وخطيبها ده تحمد ربنا انها انفصلت عنه قبل مايتجوزو

ايمان: ليه 

توربيني: الراجل اللي يشك في خطيبته وهي لسه مابقتش علي اسمه يبقى لما يتجوزها وتبقى علي اسمه وفي بيته وام لعياله لو حصل اي حاجه مش هايتردد انه يشك فيها والشك ان في اي علاقه بتنتهي 

ايمان: عندك حق كلنا بس قلقانين عليها ياروحي شكلها مت د مر ه 

 توربيني: ماتقلقيش البنت دي قويه وهاتخرج من الازمه دي ان شاءلله  ربنا معاها خليكم جنبها ياايمان وجود الاهل والاصدقاء في الاوقات دي بيفرق اوي اوي 

ايمان: كلنا جنبها وان شاءلله خير 

توربيني: ان شاءلله بعد ماتخرج من ازمتها هاجي اقعد مع خالتك نتفق على الجواز 

ايمان: جواز 

توربيني: اه جواز انا بس اخرجته علشان الظروف اللي حصلت عند محمد ان شاءلله تعدي على خير واجي نتفق 

ايمان: ربنا يقدم اللي فيه الخير.. 

توربيني: ان شاءلله صحيح بقولك ايه 

ايمان: نعم

توربيني: هي انسه روح بتدرس ايه 

ايمان: طب بس ليه بتسأل 

توربيني: بصي هو انا مش محتاجها الصراحه في الشركه بس ممكن تستغلي فكرت اننا بنساعد الطلاب اللي لسه بيدرسوا وخليه تيجي معاكي الشركه اهو يمكن لما تبقى مشغول وتتعامل مع ناس طول الوقت تنسى اللي حصل وماتفكرش فيه 

ايمان: ايه ده بجد هو ينفع بس دي بتدرس طب يعني بعيد عن مجال شركتك خالص 

توربيني: اه طبعاً ينفع انا عارف انه دراستها بعيد عن مجالي بس ماتنسيش ان الهدف من الفكره دي هو اننا نساعد الطلاب اللي محتاجين يتعلموا ويشتغلوا بجانب دراستهم وكمان يبقوا اصحاب خبره وكمان احنا بندربهم كويس قبل مايبتدوا شغل فاممكن.ده يساعدها ممكن تبقى مترجمه وده مش هايبعدها عن دراستها ولا حاجه 

ايمان: بجد  انا مش عارفه اشكرك اذاي على مساعدتك دي شكرا بجد وكمان انك ساعدتنا اننا نلاقي روح شكرا  

توربيني: اي حاجه تخصك تخصني واهلك اهلي وطبعآ مش هاقعد ساكت لما حد من اهلي يختفي والحمد لله قدرنا نلحقها قبل ماتضيع... 

ايمان: الحمدلله هاقفل دلوقتي علشان اصلي 

توربيني: تقبل الله يلا سلام 

#اغلق توربيني الهاتف وهو يبتسم بحب: اه لو تعرفي بحبك قد ايه ياايمان بس مش مهم هاصبر وهاستنى تحبيني بس نتجوز الاول واتطمن انك مش هاتضيعي مني .. 

ياحسناء الوجه اعشقك واعشق جمال خجلك اعشق تلك العيون  الساحره التي تأسرني وتجذبني اليها وكم اشعر بدفئ تلك العيون وكأنها تضمني اليها لتذيب ذلك الجليد الذي يحاوطني ياحسناء الوجه اعشقك. 

♡♕♕♕♕♕♕♕♕♕♕♕♕♡

عز: وبعدين بقى لسه زعلانه يابنتي الموضوع عدى عليه ايام خلاص بقى ياجميل فكها... 

روان: لاء بجد زعلت معقوله ياعز تخبي عليا ان اختي اتخطفت وماعرفش غير لما ترجع اخص عليك 

عز: انا مالي انتي عارفه اني مش بخبي عليكي حاجه ياعيوني بس اعمل ايه اخوكي اللي طلب مني ماعرفكيش علشان ماتقلقيش وبعدين ما ماما ناديه كانت ماتعرفش ومازعلتش من محمد انتي بقى عندك بوظ  الست المصريه الاصيله منين 

روان: يعني ايه مش فاهمه 

عز: هو في غيره عرق النكد اللي بيطلع في اي وقت على اي حاجه وبسم الله ماشاء الله حتة بو ظ مش بيتفك غير بعد فين وفين او بهديه صح

روان بأبتسامه ملأت كامل وجهها:انت صح 

عز: والقمر يحب ايه ولا انا هاجيب على ذوقي 

روان: لاء انا عارفه 

عز: والله جدعه طيب قولي 

روان: عاوزه كشري 

عز بصدمه: كشري 

روان: اه عاوزه كشري في مانع

عز: لاء ياروحي طيب عاوزه كشري بس طب والله انتي عس...... 

روان: وعاوزه بيتزا الحجم الضخم لو سمحت وعاوزه وعاوزه عاوزه ايه تاني يابت ياروان اه شيبسي مش عاوزه نوع معين عاوزه كذا نوع بس عاوزاه 🇪🇬مصري احنا دلوقتي في مق طعه وهاتلي كام نوع شيكولاته حلو كده والحلوا بقى عاوزه قشطوته ورز بلبن ولا اقولك هاتلي كشري حلوا من عند بلبن وهاتلي مدلعه بس 

#ظل عز ينظر اليها والصدمه تلمئ وجهه

روان: مالك يابني 

عز بصدمه: هو انتي متأكده انك هاتاكلي ده كله 

روان: لا إله إلا الله النهارده خمسه 

والخميس بعد بكره صلي على النبي في قلبك 

عز: هههههههه متخافيش عيني مش بتحسد عيوني ياقلبي هاجبلك كل اللي تحبيه 

روان: وممكن حبة تسالي معاك الله يباركلك 

عز: هو مش الشيبسي والشكولاته والحاجات دي تسالي برضو ولا انا بتخيل 

روان: لاء طبعاً بتتخيل هات شوية فسدق على بندق على حبة عين جمل على شوية لب وسوداني وكده يعني 

عز: هههههههه كده انا هافلس بدري اوي 

روان: اخص عليك يازيزو مستخصر فيا شوية نأنأه 

عز: نأنأه كل ده ونأنأه بس يلا مش مهم عيوني ليكي 

#اخرجهم من سعادتهم جرس الباب 

عز هاروح اشوف مين لحد ماتفكري يمكن نفسك تهفك على نأنأه تاني

روان: هههههههه ماشي 

#فتح عز الباب: استاذ عبدالله