رواية الضحيه الفصل السادس بقلم زينب نور
-بقينا اني وزوجي على هاي الحالة اسبوع هو بس يتحجج علية واني اتستر منة اخاف اسالة ويكون الجواب محرج الي مر الاسبوع وهو ينام بغرفة واني بغرفة بعدين كلت خلي اواجهة والي يريد يصير يصيراذا ميريدني اروح واذا يريدني لازم اعرف شنو ابالة وفعلا بليل دخل للغرفة الي ينام بيها لحكتة تمددت يمة اعرف هو منايم بس محجى شي خليت ايدي على خدة مشيتها بقى ساكن ما تحرك بس حسيت انفاسة تصعد وتنزل كمت رحت كعدت وراه خليت راسة على رجلية بقيت ادلك كتافة الى ان غفى وهو بحضني ماعرف شلون اني هم غفيت حسيتة يحركني من رجلي سحبني مددني يمة كتلة حبيبي اريد احجي وياك خلى ايدة على حلكي ....
-اشششش خلينا ننام بس اريد احضنج وانام ....
-نمنا كعدنا الصبح اشوفة معصب علية كتلة اريد احجي مخلاني اكمل اشرلي بيدة يعني سكتي وطلع سويتلة اكل ما اكل واني هم ما اكلت مشى هذا اليوم طبيعي ما رجع لليل بقيت انتظرة على نار بس اريدة يجي وفعلا صارت ساعة ٨ بليل رجع تعبان فات ما سلم كتلة اصبلك اكل ....
-أي صبيلي واكلي وياية...
- استغربت بس ما ردت اعاندة رحت صبيتلة اكل وكعدت....
-تعالي اكعدي بصفي...
- ماعرف جان انسان غير عادي اكلنا وخلصنا....
-شنو عندج احجي ....
- اريد اعرف ليش هذا الجفاء شنو السبب اني مسويتلك شي جنا كلهم يغارون منا ليش تغيرت سحب نفس عميق باوعلي عيونة صارت نار...
- ماكو سبب بس اني جنت اعاملج معاملة انتي متستحقيها هسه اني دا انطيج قيمتج اطباعي قبل وياج جانت اكبر من قيمتج....
- ليش هشكل تحجي اني ما اذيتك ولا كسرتلك كلام بغيابك وبوجودك حافظة اسمك ضحك باستهزاء...
-تعرفين ايمن...
- بس كال ايمن عيوني دمعت ودخت حاولت ما ابينلة كتلة منو ايمن كام يضحك....
-متعرفين منو ايمن ايمن الي تريد تتركيني وتتزوجيه ...
- مستحيل اني ما اتركك ما اعرفة كام وكف سحبني من ايدي دخل للغرفة طلع صندوك صغير بي رسايل هذا الصندوك ايمن جايبلياه ومن انفصلنا رجعتلة هو طلع رسايل كام يقرة كلها حب وغرام ووعود بس هاي مجانت رسايلنا رسايلنا اني حركتها هاي رسايل جديدة ايمن كاتبها علاساس اني اريد اترك زوجي وباقرب فرصة حتى نتزوج هو يقرة واني دموعي تنزل طلع كومة رسايل كمت احلفلة ميصدكني.....
- تريدني اكذب عيوني واصدكج شنو هاي الرسايل...
- طبعا اني سابقا كاتبة رسايل لايمن فهو حاول يقلد خطي وكاتبها بنفس اسلوبي وفعلا نجح اني لو مو متاكدة من نفسي جان كلت هذا خطي واسلوبي وكلها كاتبها بلقلم الاحمر واني ما اكتب الا بلقلم الاحمر
خلص الرسايل ووكف كبالي...
- عرفتي ليش تغيرت وياج لان اني حبيتج بس انتي متستحقين وهسه كولي شنو تريدين اني حاضر...
-والله ما عندي شي وياه رفض يسمعني اذا تريد اطلع من البيت اطلع بس خلي اسولفلك شنو قصة ايمن حجيتلة بس مصدكني .....
-مثل محجالي عنج كال راح تدورلها سالفة وتطلع نفسها وفعلا اهنيج على هذي الجراءة الي عندج .....
-كمت طلعت من يمة رحت لغرفتي لملمت ملابسي كلت كافي اهانة ومذلة ميصدك لا يصدك هذا الي عندي اذا هو ما عندة ثقة بية هو الخسران طلعت جنطتي خليتها بلمطبخ انتظر الصبح اروح لاهلي جاا وكف يمي....
- قررتي خلص ....
-اذا ما تصدكني شنو عندي باقية يمك اني حجيتلك السالفة وانتي صدكت الغريب وكذبتني وانت تعرف اني ما عندي شي بس ماعرف ليش سمعت كلام الي رادو يخربون بيناتنا رحت تمددت بغرفتي بس طول الليل منمت الصبح قبل ميطلع للشغل كال ....
-ابقي اني عندي شغلة اخلصها وارجع اوصلج ...
-لا شكرا اني اروح ...
-دا اكولج ابقي ما اطول شوية وارجعلج...
- طلع تقريبا ساعتين ورجع شاف الجنط...
- بعدج مقررة ترحين...
- اي مقررة اخذ الجنط خلاهم بلسيارة وطلعنا ....
- لاتحجين لاهلج شي خليها سالفة بيناتنا....
- واذا سالوني ...
- كوليلهم اني مسافر وراح تبقين يمهم....
- وصلنا لبيت اهلي نزلت نزل وياية دك الباب ونزل الغراض طلع ابوية سلم عليه طب جوة طبب الغراض وياه كانما ماكو شي بقى كاعد ويانا طبيعي فعلا هذا الرجال راح يجنني وياية شكل وكدام الناس شكل كام يريد يطلع كال لاهلي....
- بنتكم امانة يمكم مسافر عندي شغل ضروري وماعرف شوكت ارجع احتمال ايام قليلة احتمال اطول اشهر ...
-اهلي طبعا صدكوو اجه وكف يمي باسني من راسي ...
-ديري بالج على روحج وانتبهي لابني الي ببطنج ....
-مر شهرين لا شفتة ولا خابرتة ولا هو خابرني كل يوم بليل اخذ التلفون وياية بلغرفة اكول يجوز يخابر بس مخابرني ولا مرة واهلي كل ميسالوني اكول يخابرني ويسلم عليكم طلعنا فد يوم اني وامي للسوك طبعا هاي اول مرة اطلع من اجيت لاهلي فتحت الباب شفت ايمن كبالي خزرتة ومشيت من يمة رحنا وجينا وهو واكف بمكان وحدة امي حست بي ....
- منو هذا الولد هاي مو اول مرة اشوفة يمنا ...
-ماعرفة دخلنا للبيت بليل دك التلفون رفعتة بسرعة اني عبالي زوجي طلع ايمن كلت الو واخيرا تذكرتني....
- ليش اني نسيتج حتى اذكرج...
- عرفتة هو كتلة يا نذل يا حقير شتريد مني اتركني بحالي كام يضحك ....
- شلون ترضيها على نفسج انتي تتزوجين وتعيشين مرتاحة واني ما انام الليل اتذكر سوالفنا وايامنا....
- انت خسرتني وانت عفتني وبعدين انت متوقع اذا زوجي تركني راح ارضى بيك....
- ترضين مترضين المهم تتطلكين ما تبقين على ذمة رجل غيري...
- تعبت سديت الخط شلت الفيشة مال التلفون من الكهرب حاولت انام ما كدرت مر شهر واني احس روحي تعبانة ما الي واهس بحياتي خابرني زوجي كام يحاول ارجعلة ويقنعي تقريبا قتنعت بس كال...
- اذا علمود هذيج الرسايل احركها واسامح مع الايام ثقتي راح ترجع بيج...
- يعني ممصدكني وتريدني ارجع واني عبالي صدكتني ووثقت بكلامي لا عيني ما ارجع مستحيل مع السلامة وسديت التلفون اووف شكد كام كلبي يلعب من دكت التلفون مر شهرين واني على هذا الوضع صار موعد ولادتي الدكتورة حددتلي موعد للعملية قبل العملية بيومين خابرت زوجي كتلة بعد يومين عمليتي تريد تجي تشوف ابنك اهلا وسهلا متريد براحتك ....
- لا راح اجي ....
-بكيفك سديتة من يمة ونمت كعدت الصبح رحنا للمستشفى بقينا بلمستشفى صار ثاني يوم ولدت بنوتة حلوة امي كالت زوجي ما تركنا وطلعتها لابوها شافها وتخبل بيها فرحت بيها بس جنت اتمنى نفرح سوة
ضليت يومين بلمستشفى وطلعنا هو رجعنا للبيت وطول الطريق ساكت دخلنا للبيت سندني ودخلني جوة مددني بلغرفة وكعد بصفي امي طلعت وعافتنا...
-الحمدلله على سلامتج...
- باسني من راسي كتلة الله يسلمك بس مو من كل كلبي كام يعتذر مني...
- اني اسف واعتذر شكيت بيج وما صدكت كلامج اني غلطان بس الحمدلله بل وقت المناسب عرفت الحقيقة...
- يا حقيقة شنو تقصد....
-قبل ٥ ايام اجاني ولد للبيت كال هو من طرف ايمن منطيه العنوان ودزة علية...
-ليش دز ولد مو هو بنفسة اجاك صفن....
-لان ميكدر يجي ايمن توفى ....
-شنوو بصراحة ما زعلت عليه بس فكرت شنو موقف اهلة هسه....
- قبل شهر ونص مسوي حادث بماطور اثر الحادث رجلة نكطعت ودمة تسمم ما طول شهر واسبوع ورة الحادث توفى قبل لا يموت عرف نفسة ميت قرر يصلح غلطتة وصى ولد صديقة منطيه عنوانة واسمي واجاني الولد وانطاني رسالة كال من ايمن وحجالي بيهه كلشي صار ويانا قبل وانتي ماعندج شي ويا ...
- صفنت على كلامه اني صحيح جان يحبني واحبة بس قبل لا انخطب واتزوج وهذيج الرسايل كلها هو كاتبها علمود زوجي يتركني يعني هسه يللا صدكت ليش من حجيتلك الحقيقة مصدكتني....
-اني اسف اني اغار عليج وسمعت حاجية وياه والرسايل جانت بخط ايدج هذا الي خلاني اصدك وهسه اريد ترجعين لبيتج...
-خليني انسى وبعدين ارجعلك بقيت يم اهلي شهر هو طبعا كل يومين يجينا ويحاول يرجعني بس ارفض بعدين انكسر كلبي عليه ورجعت وياه يبقى زوجي وحبيبي وابو بنتي وهسه الحمدلله عايشين ومرتاحين عدنا طفلين بس النتيجة الي اخذتها من تجربتي مع ايمن انه ما اصدك باي ولد شكد اسمع بنات يحبون ويوعدوهم بلزواج كمت ما اصدك صار عندي ردة فعل قوية كمت اكره كل الشباب ......
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
