رواية حطام امراءه الفصل السادس بقلم جمانه السعيدي
فاتن كمت اشتغل خير من الله
اني صح ما جاي احصل مبالغ هواي
بس بعد الضروف الي مريت بيه
كمت احس هاي الشقه جنه لان لامتني اني واطفالي
ومادام ينامون بليل شبعانين
هاي اكبر نعمه من رب العالمين
الحد ما فد يوم اجتني وحده موضفه عن طريق وحده من المعلمات
المعلمه الي ويه امل موصفتله شغلي وطبخي
هي موضفه بدائرة حكوميه
والسنه جايبه توم وولد
وما تكدر تراعيهم وتهتم بيهم وبشغل البيت لنفس الوقت
مخليه خبر يم الموضفات تريد وحده امينه وثقه
تجي تساعده بلبيت
البنات رشحني اله
جمانه السعيدي
وفعلا دزت عليه ورحت اشوف الشغل واتفقنا اني ويه على مبلغ معين
وعلى ساعات العمل
الصراحه قدمتي خوش عرض
ماكدرت ارفضه ابد
الصبح الساعه ٨ اروح الهم وارجع العصر الساعه اربعه
صحيح هواي عليه هذا الوقت
بس راح اخذ منه مبلغ محترم
الصبح ابدل للجهال وادز حمودي ويه امل
وجنه تبقى يم خاله ام امل
ومن يخلص الدوام امل ترجع حمودي وياها للبيت منا لمن ارجع
الصراحه اني ما اكدر اجازي امل ابد
وكفتلي وتحملتني اكثر من اهلي ورياض
انشاء الله اكدر اردله ولو شي بسيط من وكفته وياي
بديت الشغل ام البيت اسمه سمر
كانت هي تعتني بلاطفال واني انظف واطبخ
واكمل شغل البيت كله
من اول يوم تعجبت من شغلي
وتفاجئت بطريقتي بلتنظيف
والطبخ حيل عجبه
اول كم يوم ماشفت زوجها ابد الي اعرفه موضف
بس وين يشتغل ما اعرف
كنت اوصل للبيت هو طالع للدوام
والعصر عندا شغل ثاني اسمع سمر تكول
ما يرجع اله المغرب للبيت
جمانه السعيدي
اول ما اوصل البيتهم ادخل للحمام انزع ملابسي
والبس ملابس الشغل
مرات البس تراك ومرات دشداشه قصيره علمود اتحرك براحتي
اني كلش سريعه بلشغل
خلص الاسبوع الاول كنت كلش مرتاحه بلشغل ابيتهم
إلى ان يوم اني لابسه دشداسه قصيره
ورابطه شعري ربطه زغيره
كنت مدنكه وامسح و بلاستقبال
حسيت واحد واكف وراي
التفتت اريد اغسل الوصله جان اشوف واحد واكف وراي
ويباوع عليه
راسا عطت بصوت عالي
سالم زوج سمر كان بهذا اليوم ماطالع للشغل لان تعبان
واني دخلت وبدلت واخذت راحتي كنت متوقعه
طالع ما موجود بلبيت
لان هو الصبح بلشغل واني ماحسيت بوجوده ابد
فاتن يمه انت منووو ليش هيج واكف تباوع عليه
سالم عضيت شفتي خرب يومج شني هاي الرجلين الي يخبلن والخلفية دمار
اني راسا فتحت عيوني حيل وعطت طلعت اركض
من يمه اريد استر نفسي
لزمني من ايدي وين ترحين
فاتن عوفني انت ماتستحي
على صوتنا طلعت سمر من الغرفه
جمانه السعيدي
سمر هااا شكو سمعت صوتكم
فاتن رجعت للحمام ولبست ملابسي
سالم لا ماكو شي بس اريده تنضف زين من جوه القنفات
فاتن بقيت لابسه الشال والرداء واطبخ
وماطلعت من المطبخ ابد
وهو كل شويه جاي ياخذ شي من المطبخ ويخزر بيه وبجسمي
خلص شغلي بس بهذا اليوم شكد ضجت
ضجت من حجي سالم
بعدين كلت ليش اخرب على نفسي اكيد بس اليوم وراح يرجع الشغله مره ثانيه
رحت ثاني يوم الصبح ماكو بلبيت بس سمر موجوده
لبست التراك وبديت اشتغل
كملت تنضيف
واكفه بلمطبخ اشوف الاكل استوه لو بعده الساعه ثنتين الضهر
ما احس اله واحد لازمني من ضهري
كمزت
جمانه السعيدي
سالم هاي شبيج ليش هيج خوافه شنو طابخ النا الحلو اليوم
ابتعدت عنه ورحت السمر كتله اني كملت كلشي
اريد ارجع للبيت
بنتي مريضه اليوم
سمر اي عادي اذا خلصتي شغل روحي
اتحججت وطلعت الصراحه كنت مرتاحه بلشغل بيتهم
وسمر حيل كريمه وياي
دائما تنطيني اكل وملابس جديده
من غير اليوميه الي اخذه منه
بس هذا سالم منيين طلعلي ما ادري
ثالث يوم اترددت اروح هذا زوجه مبين مو راحه
اتاخرت على الموعد
ساعه اكول اروح وساعه اكول لا ما اروح
اتصلت بيه سمر
سمر صباح الخير
فاتن صباح النور
...ليش اتاخرتي منتضرتج
...الصراحه ما جاي اخذ راحتي بلشغل لان استاذ سالم موجود
...انتي شعليج بي
..لا قصدي اني ما اكدر اشتغل وهو موجود
...طلع للشغل ومراح يجي غير المغرب يله تعاي بسرعه
منتضرتج
البيت هوسه والجهال يبجوون
جمانه السعيدي
بدلت ورحت فعلا لمن وصلت قبل لا انزع ملابسي اتاكدت هو ما موجود
رحت للحمام بدلت لبست دشداشه طويله وخليت الشال على راسي خاف يجي فجئه
وبديت اشتغل
نضفت بسرعه وخليت الملابس بلغساله
ورجعت للطبخ
وكل شويه اكول حسبي الله ونعم الوكيل على كل ضالم
ابدال ما اشتغل خدامه ببيوت الناس
جان هسه كاعده بيتي
معززه مكرمه بس شكووول الله ياخذ حقي منهم
مرن يومين وما شفته ابد
كلت خلص رجع الشغله وبعد ما يضايقني ولا راح اشوفه ابد
وبيوم كملت تنضيف وطلعت تكرمون انضف التواليت البرا
خفت ثوبي يتنكس رفعته وكمت اغسل بلتواليت
ضهري للخارج
واني مدنكه وانضف
ما حسيت اله واحد حاضني من وراااا
سالم ياربي دمرتني هاي الخلفيه والرجيلن مثل الزبد
راسا التفتت ودفعته وبيدي صوندت المي كمت ارش علي حتى يبتعد عني
واصيح انت فعلا ماتستحي ولا عندك غيره ابد
هو بس شافني كمت اصيح وبللته بلمي راسا ابتعد
عني خاف زوجته تشوفه
اني راسا دخلت للحمام بدلت وطلعت كلت السمر اريد حسابي
وبعد ما اكدر اشتغل عدكم اعذريني
سمر ليش لا عفيه تعودت عليج
شغلج حلو ومرتب حتلو تردين ازودلج اليوميه مستعده
ماعندي مانع ابد
فاتن لا اعذريني ما اكدر اجي اخذت اجرتي وطلعت
ماكدرت اصعد خط من العصبيه
امشي وامسح بدموعي
اني ليش مكتوب عليه العذاب
إلى متى راح اكدر اتحمل ياربي افرجه من يمك
امشي بسرعه وعصبيه
ما اعرف شلون وصلت للبيت ما اذكر اي شي
غير حقارت سالم
جمانه السعيدي
اخذت جهالي وصعدت للشقه
اتمددت وكمت ابجي ليش ماعندي احد يحميني ويدافع عني
ليش اني ضاله ملطشة للرأيح والجاي
بمته ارتاح من هاي الدنيا الغبره
قررت بعد ما ارجع البيت سمر لو كل يوم تنطيني مليون
مستحيل اقبل واحد مثل سالم يتحرش بيه
اايجوز بيوم يستفرد بيه وما اكدر اصده ابد
بعد ما اروح الهم نهائيا ارجع اطبخ وابيع
وبعد ما اشتغل خدامه بلبيوت
ماكدرت احجي الي صار وياي الاي احد
وحتى امل ما حجيت اله
بس بليلته نمت ودمعتي على خدي
شكد مقهوره على نفسي
الصبح كعدت تعبانه حيل مو تعب جسمي
تعب نفسي احس نفسي عايشه بحرب ويه هاي الدنيا
لازم اكون كل الوقت مستعده وجاهزه للمواجه
مو عيشه ضيم
اتصلت امل وكالت وين جنه شو بس حمودي نزل
فاتن اني اليوم ما اروح للشغل راح ابقه بلبيت لان تعبانه شويه
امل انتي مريضه ااخذج للطبيب
فاتن لا بس شويه تعبانه هسه اصير احسن ديري بالج
على حمودي
بس سديت التليفون اتصلت سمر
سمر وينج عيوني ام حمودي منتضرتج
فاتن ما اكدر اجي
سمر لا عفيه ليش ماتجين
فاتن ما اكدر اعذريني
سمر زين يومين اتلاثه الحد ما الكه وحده بمكانج
ولو انتي ما تتعوضين شغلج يخبل
فاتن اني مريضه ما اكدر اجي شوفي وحده غيري
