رواية عشق فى قلب صعيدى الفصل السادس بقلم اسماء السيد
في صباح يوم جديد والكل علي الفطار
عشق:صباح الخير
الجميع:صباح النور .... وقعدت تفطر.. وفجأه دخل عليهم سليم
يعقوب :اهلا يا ولدي تعالي افطر....... قعد سليم
سليم : عاملين ايه..... الجميع:الحمدلله
انتي عامله ايه دلوقتي
عشق: الحمدلله
سليم:بص يا عمي انا بحب اخش في الموضوع علي طول تمام
يعقوب:اتفضل يابني
سليم:انا عاوزه اشارك الانسه عشق ونفتح شركه سوا
يعقوب:والله يبني لو هيا موافقة انا معنديش اعتراض
سليم:رائيك ايه
عشق بجديه:والله انا من يوم مدخلت البيزنس وانا لوحدي والله هشوف انتا هتدفع كام وانا كام ونسبتي كام وارباحي
سليم:والله لو عاوزه نتفق
عشق:هفكر وارد عليك بس نسبتي هتكون 50%مش اقل
سليم :تمام وانا موافق
عشق :تمام
زين:والله وكبرتي يا عشق وبقيتي بتتشرطي
عشق:بس يارخم واه صحيح انا خارجه
يعقوب:رايحه فين
عشق:مسافره القاهرة انا عندي هناك كميه شغل ومناقصه جديده لازم اكون هناك اليومين دول
فريده بحزن:يعني هتسبيني تاني
عشق بحب: متقلقيش عليا يا ماما
سليم : خلاص لو كدا نروح سوا. انا كمان كنت رايح القاهرة دلوقتي بس قولت اعدي عليكم اشوف رايك
يعقوب :خلاص روحي معاه عشان نبقا مطمنين عليكي
عشق :تمام يابابا عن اذنكم هطلع اغير وانزل ....
وطلعت عشق غيرت ولبست دريس اسود قط وتحته قميص ابيض وكوتشي ابيض وطرحه سودا وكانت جميله جدا وهيا نازله سليم كان مبهور بجمالها
عشق:هتوحشوني اوي والله
زين:وانتي كمان يا مجنونه
فريده :بس يلا انا بنتي ست العاقلين هتوحشيني يا قلب امك.... عشق طلعت لسانها لزين وسلمت عليهم ومشيت ركبت مع سليم وانطلقت
سليم : فكرتي ولا ايه
عشق :هوانا لحقت انا لسا خارجه من البيت يا بني ادم
سليم . متأثرش لانه اتعود علي كدا منها
اه صحيح انتي داخله المناقصه قصاد مين
عشق بجدية وتحدي:قصاد هشام السيوفي
سليم بصدمه :وانتي هتقدري عليه انتي لسا صغيره
عشق :انا اقدر علي اي حد بعون الله والا مكنتش قدرت عليك .. وبعدين انتا خايف ولا ايه
سليم بغضب: لا عاش ولا كان الي يخوف سليم القناوي انا بقولك بس عشان تاخدي بالك لانه غدار مش اكتر انا معلم عليه بدل المره الف وميستجراءش يقول حاجه بس هو
بيقول في الضهر بس
عشق :والله سيبها علي الله.. صحيح هوا انتا كنت ظابط مخابرات بجد واستقالت ليه من5سنين ها
سليم :.......
عشق:سلييم لارد.... سليييييم
سليم بغضب: ايه عاوزه ايه
عشق: بنده عليك مترد
سليم :ولا بيتهيألي ملكيش فيه ووقف العربيه ونزل بغضب
عشق نزلت وراه
عشق: خلاص يا استاذ سليم انا مش عاوزه اعرف حاجه ممكن تتفضل نمشي عشان شكلها هتمطر والجو برد ولا هنفضل واقفين .. وراحت ركبت تاني وهو ركب بهدوء من غير كلام.. بعدين بشويه تليفون عشق رن وكان عز
عشق : الو
عز : عشق عامله ايه
عشق : الحمدلله يا عز
عز : ها جبتلك كل حاجه عن المناقصه الجديده
عشق : اسمعني كويس اوي ياعز
عز : سامعك قولي
عشق : انا عاوزه كل المعلومات الي تخص االمناقصه الجديده بتاعت شركه السعوديه
عز: ليه في حاجه
عشق:من غير ليه اسمع الي بقولك عليه عشان اناالي هشتغل عليها لانها كبيره
عز: هتشتغلي علي المناقصتين ياعشق
عشق : وهاخدهم . وقفلت
سليم بسخريه :ايه الثقه دي .. عشق اكتفت بنظر وبس وتليفونها رن تاني وكان مارك ودا من امريكا
(هما هيتكلمو انجليزي بس انا هترجم اوكي 😊)
عشق:اهلا مارك
مارك :اهلا سيده عشق. كيف حالك
عشق : انا علي مايرام
مارك :هل انتي متي ستأتين لاخذ ثفقه الحديد
عشق :قريبا مارك ... بس ياريت اللعبه الي بتخططو لها تلغوها اوكي
مارك بتوتر :لعبه ماذا سيدتي
عشق بغضب : انا عشق الجبالي اعرف اي حاجه يا مارك
مارك:لايوجد اي مخططات سيدة عشق
عشق: ان سعر الحديد الاصلي هو مليون دولار انتا بقا عاوز تحط في العقد عشره ملايين دولار وتغفلني بتزويد صفر صح
مارك بتوتر شديد :ما هذا الهراء
عشق : انا هاجي وهاخد الحديد بنص مليون دولار يا مارك
مارك بعصبيه : كيف هذا يا سيده عشق
عشق بجديه : انا قولت الي عندي... وقفلت وسليم مصدوم
سليم بصدمه :ايه دا يابنتي انتي ايه
عشق بغرور :فيه ايه مالك انا جديه في شغلي جدا وهما عاوزين ينصبو عليا وسكتت..... اه صحيح انا موافقه
سليم :اشمعنا موافقه دلوقتي ملحقتيش تفكري
عشق :خلاص يا عم موافقه وبس.. وبعدين نزلنا ناكل اي حاجه الطريق لسا طويل
سليم : يبنتي انتي عندك انفصام
عشق: نننننننن بس ياعم انا جعانه اوي
سليم ضحك جامد.. ولحظه عشق تاهة في ضحكته وبحلقت
سليم :متبحلقيش انا عارف اني واد عسل وامور
عشق بتوهان :اوي
سليم بخبث:بتقولي ايه
عشق: بقولك محصلش يلا ياعم انا جعانه انا معرفتش افطر
ونزلو مطعم يفطرو .. وهما قعدين يكلو جت بنت اسمها كارولين : اهلا يا سليم
سليم قام يسلم عليها : اهلا كارولين جيتي امتي من امريكا
كارولين :والله بقالي شهر هنا اهو
سليم :بتعملي ايه هنا
كارولين :انا كنت في رحله هنا في الاقصر وكنت راجعه القاهره
سليم :نورتي الصعيد
كارولين :بنورك ياحبيبي...... اه صحيح مش تعرفنا دي مراتك
كل دا وعشق كانت مضايقه ليه مش عارفه بس لما قالت مراتك قلب سليم دق اوي
سليم بتوتر :لا دي الانسه عشق شركتي
كارولين : اهلا يا انسه عشق ... عشق قامت سلمت وقالت
عشق: اهلا بحضرتك
كارولين :طيب ياسليم انا همشي انا بقا سلام هنتقابل في القاهرة ماشي..... وبعدين
سليم :تمام... وهيا مشيت وعشق قاعده مش طايقه سليم خالص
عشق بغضب :مين المزه
سليم برفعه حاجب :مزه لا عمتا هيا كانت عميله عندي عادي بس في امريكا
عشق :تمام يلا نمشي.... وبعدين مشيو وعشق متكلمتش خالص وبعد شويه عشق نامت وفجأة نزلت علي كتف سليم وهو اتصدم ومرضاش يديقها وكمل طريقه وهوا مبحلق فيها
سليم في نفسه: يخربيت حلاوتك ملاك نايم بس لسانك مبرد ياشيخه وبعدين كمل طريقه ومشي لحد موصل القاهره علي الساعه 5العصر وعشق لسا نايمه فسليم بعد دماغها النحيه التانيه وصحاها
سليم بهدوء: عشق يا عشق. وفجأة صحيت
عشق بنوم:وصلنا تمام. وديني الفيلا
سليم: هيا فين . وعشق قالتله وطلع جمب فيلة سليم بحاجه بسيطه جدا . ونزلت عشق
عشق :شكرا ياسليم عن اذنك...وطلعت وهوا مشي وطلع اوضته اخد شاور وقعد يفكر فيها ونام وعشق كمان اخدت شاور ونامت
تاني يوم سليم نزل ركب عربيته وراح علي الشركه ودخل وهوا لابس نضاره شمسية وداخل بكل هيبه ووراه اتنين حراس واول مدخل كل الانظار اتوجهت ليه ومحدش يستجراء يعدي من قدامه وهوا ماشي ودخل
سليم بجديه:مني مواعيد النهارده ايه
مني:.......... وقالت قائمه المواعيد
سليم :هاتيلي قهوه والغي اجتماع بناء المول النهارده
مني:تمام يا فندم.. وخرجت
عند عشق كانت بتفطر ودخل عليها وليد
وليد :صباح الخير
عشق:صباح النور
وليد :يلا
عشق: يلا... ومشيت واتجهت للشركة ودخلت بكل هيبه ووقار ووراه اربع حراس ووليد علي يمينها واول مامنه شافتها جريت عليها والموظفين وقفلها احترام
منه : صباح الخير يا هانم النهارده عندك اجتماع مهم بخصوص المناقصه وكمان عندك معاد هتلفي علي المصانع وكمان............ ودي كل مواعيدك النهاره يا هانم
عشق بجديه : هاتيلي قهوتي حالا وورق المناقصه واعمليلي اجتماع للشركة حالا واطلبيلي عز خليه يجي يلا
ودخلت المكتب وبعد عشر دقايق منه دخلت بالقهوه والورق كله حضرتك الاجتماع كمان نص ساعه
عشق:تمام كلمتي عز..
منه :ايوا حضرتك... بس انا. انا
عشق: قولي عاوزه ايه.
منه:لا مش عاوزه حاجه
عشق:عاوزه ايه يامنه
منه بتوتر :حضرتك عاوزه سلفه عشان امي تعبانه وعاوزه عمليه ممكن
عشق:كام
منه:100الف والله هتدفعهم........ عشق طلعت دفتر الشيكات وكتبت مبلغ 150الف خدي ده شيك ب150الف مني للوالده اتفضلي علي شغلك يلا
منه بفرحه :بجد شكراا يا عشق هانم والله ماعرفه اقولك ايه عمري مهنسالك جميلك دا
عشق: علي شغلك يامنه ومتشكرنيش دا رزق وربنا بعتهولك يالا... وخرجت منه...... وعشق كملت شغل وعدي اسبوع منغير احداث وكان اليوم دا يوم ظهور نتيجه المناقصتين
وليد دخل علي عشق في المكتب
وليد بفرحه:عشق كسبنا المناقصه
عشق بفرحه:بجد انهي واحده
وليد :الاتنين المناقصتين رسيت علينا
عشق:الله اكبر الحمدلله يارب وطلعت برا المكتب وقالت بصوت عالي
عشق:10%زياده علي مرتبتكم كلكم بفرحتنا بلمناقصه والموظفين كلهم فرحو. وعشق دخلت تاني والموبايل رن وكان سليم
عشق:الو
سليم :مبروك يا عشق
عشق:الله يبارك فيك .. هنعمل اجتماع كمان ساعه نتفق عشان نفتح الشركه الجديده
سليم: تمام.... وقفل .. وبعد ساعه في مكتب عشق دخلت منه:يلا الاستاذ سليم وصل ومنتظرك في اوضة الاجتماعات رقم 5يلا
عشق :تمام.وقامت اتجهت نحيه الغرفه ودخلت وهيا جمبها وليد ومنه .. عشق سلمت علي سليم وكريم وقعدت في النص وسليم علي يمنها
سليم:بص يا انسه عشق انا يشرفني اني اشارك شركتك
عشق بجديه:موافقة بس انا نسبتي وارباحي كام في الشهر
وقعدو يتكلمو عن شغل كتير ودام الاجتماع 2ساعه وبعدين خرجو
كريم بصدمه:هيادي عشق الي كانت في الصعيد
سليم :هيا جديه في شغلها بس فيه ايه
كريم بضحك:يبني دي كانت بتتشرط وبتحكم علي الكل بجديه كبيره
سليم:يلا يا كريم يا اهبل يلا
واتفقوا يتغدو سوا
في المطعم
سليم :ايه رايك في الاكل
عشق : طعمه حلو
سليم : انتي هتروحي الصعيد امتا
عشق : لا مش دلوقتي خالص انا ورايا شغل كتير جدا وانا مسافر الاسبوع الجاي
سليم:راحا فين
عشق: هسافر امريكا اتمم الصفقه الي هناك وبعدين هروح السعودية عشان في كذا حاجه في الشركه محتجاني انا
سليم :انا كمان هسافر امريكا اليومين الجاين عشان الشركة الي هناك فيه مشكله
عشق : ربنا يحلها
سليم :ايه رايك نروح سوا
عشق:مفيش مشكله بس انا هروح بطياره بتعتي عادي
سليم :لا خلاص هنروح مع بعض
عشق:تمام...... وخلصو وقامو روحو واليوم عدي حلو
في مكان تاني عند هشام السيوفي دخل عليه احمد المساعد بتاعه(هشام السيوفي يبلغ من العمر 37سنه اناني وكلب فلوس ومش سهل وشغال مع مافيا كبيره اوي)
احمد:الحق ياباشا خسرنا المناقصه
هشام بغضب:نعم ياروح امك ومين الي كسبها
احمد بتوتر:شركه العشق بتاعت
هشام:مين صاحب الشركه دي انطق
احمد:عشق الجبالي
هشام:مين عشق دي كمان
احمد:بنت يعقوب الجبالي صاحب شركات الجبالي
هشام : والله اه ودي مالها بقا
احمد: ياباشا دي مش سهله دي لغايه سليم القناوي اخدت منه المناقصه الشهر الي فات
هشام بصدمه :كسبت مين. سليم القناوي والله واحلوت اوي
تمام والله لوريكي يابنت الجبالي
تاني يوم الساعه 1الضهر كانت عشق في مكتبها بتكلم يعقوب وفريده وفجأة دخلت منه
منه :في واحد بره عاوز يقابل حضرتك
عشق:تمام دخليه معلش يابابا هكلمكم تاني سلام وقفلت وفجأة دخل هشام عليها وانبهر بجمالها
عشق : اتفضل اقعد.... هشام قعد وعشق رجعت بضهرها لورا
هشام :انتي عارفه انا مين
عشق بجديه:هشام السيوفي 37سنه بتاع نسوان وكلب فلوس ونصاب وشغال مع اكرم كورفالي صاحب اكبر مافيا في افريقيا واوربا
هشام بصدمه:انتي عرفتي كل دا ازاي
عشق بثقه: مش مهم جاي ليه
هشام بخبث : جاي عشان نبقا شركا ونحط ايدنا في ايد بعض يا عشق هانم
عشق: اسمع يا هشام انتا جاي عشان شركتك متفلسش مش كدا
هشام بتوتر:لا قصدي نتشارك زي مشاركتي سليم القناوي
عشق:لا انا مش موافقه
هشام :ليه انشاء الله مش موافقه
عشق ببرود :مش عاوزه اشتغل معاك اصلك واطي وملكش امان وكمان نصاب ههه
هشام بغضب: اسمعي يابت انتي انا هشام السيوفي فاهمه ياروح امك... فجأة عيونها احمرت واتعصبت جدا
عشق بغضب: اسمع يالا روح امك دي عند ساميه امك فاهم واذا كنت انت هشام السيوفي ف انا عشق الجبالي
هشام بصدمه انها عرفت اسم امه :وانتي عرفتي اسم امي ازاي بقولك ايه يابت انتي انا الحوت بتاع السوق كله
وهبت واقفه ورزعت بإيدها علي المكتب
عشق بغضب جحيمي : لو انتا الحوت ف انا البحر يالا فاهم انا الي ممكن اعكر الميه واموتك يا شاطر انتا حتت قرش صغير برا ... وهشام وقف وقال
هشام:لسا مخلصتش يابنت الجبالي... واتحرك وقبل مايوصل لباب ندهت عليه عشق فلف
عشق ببرود:هشام صحيح هوا السيوفي الكبير لما اتسجن في قضيه الاختلاس والسلاح مات جوا علي طول ولا قعد شويه
هشام بصدمه :انتي عرفتي كل دا ازاي يابنت الجبالي بس والله لاوريكي ومشي ورزع الباب وراه.... وعشق ضحكت وسكتت وبعد مرور 4ايام وده يوم سفر عشق
في الطياره ركبت عشق وسليم ووليد كان رايح مع عشق
سليم : ايه رايك في الطياره
عشق:حلوه اه صحيح مش هشام السيوفي جالي
سليم بغضب:وقالك ايه بقا...... عشق حكتله كل الي حصل
سليم:انتي عملتي كدا بجد
عشق :اه والله زي مابقولك كدا
سليم:انتي عارفه يعشق ايه الي خلاني اشركك
عشق برفعت حاجب:ايه
سليم :انك قويه مش ضعيفه مبتقعيش بسهوله وبتجيبي حقك في ثواني وكرامتك غاليه اوي
عشق:بص ياسليم انا مش قويه ولا حاجه دا الي بحب ابينه للكل انما انا مجنونه اصلا ههههه. وسليم ضحك عليها
وبعد مرور 8ساعات وصلو امريكا
سليم:ايه رايك يا عشق تيجي انتي ووليد تقعدي عندي في الفيلا بدل متقعدو في فندق
عشق:لا انا هقعد في الفندق لان كلها اربع ايام وهمشي وبعدين ازاي اقعد معاك في مكان واحد انتاعبيط
سليم :تصدقي يابت اني غلطان انتي خساره فيكي ياوطيه
عشق :انا واطيه ماشي يا سليم ماشي
واتجهت للفندق هيا ووليد ....وسليم راح الفيلا بتاعته الي هناك
تاني يوم الصبح قامت عشق اخدت شاور وصلت ولبست بنطلون جينز وقميص ابيض طويل وطرحه سوده وكوتشي ابيض وكانت جميله جدا ونزلت علي الفطار لاقت وليد
عشق:صباح الخير
وليد:صباح النور
عشق : انتاكلمت الناس ولا شاطر تلغ بس
وليد:اه كلمتهم وبعدين دي لسا اول وجبه انتي هتبصيلي فيها اه صحيح ريهام بتسلم عليكي
عشق:الله يسلمها لما نرجع الصعيد هجي اشوفها
وليد:تمام
عشق:يلا نطلع علي الشركه... وقامت هيا ووليد وطلعو علي الشركه ودخلت بكل هيبه ووراها كميه حرس كبيره جدا ودخلت علي غرفه الاجتماعات هيا ووليد
مارك:اهلا سيده عشق
عشق بجديه:اهلا يا مارك انا اريد هذه الصفقة اوكي
بيتر:انسه عشق هل صحيح انتي تريداً صفقه الحديد بنصف مليون دولار فقط
عشق :انا كنت سأدفع مليون دولار ياسيد بيتر انما انتم كنت تخطتون لتوقيع في فخ كبير
مارك:ان هذا هراء ياسيده عشق
بيتر :هل معكي مايثبت يا سيده عشق
عشق بثقه : اكيد سيد بيتر
بيتر بتوتر: ماهودليلك يا سيده عشق
عشق فجأه طلعت جهاز صغير وشغلته وكان تسجيل لبيتر ومارك وهما بيتفقو عليها. اول مسمعو التسجيل اتصدمو
مارك بخوف:من اين لكي هذا يا سيده عشق
عشق: انا عشق الجبالي معايا اي شي في اي وقت يا مارك
وبعد كل دا هاخد الصفقه منكم
بيتر بتوتر :مليون دولار ياسيده عشق... فجأه عشق رجعت بضهرها وحطت رجل علي رجل وقالت بثقه
عشق:نصف مليون دولار فقط لا غير
مارك: سيده عشق ان هذه خساره كبيره
عشق بغضب :وعندما كنت ستأخذون مني عشره ملايين دولار كان هذا ليس خساره انا ممكن اطلع علي قسم الشرطه وابلغ بقضيه نصب كبيره مارك
بيتر بتوتر وخوف :موافقين يا سيده عشق
عشق :اوكي سلام.. وقامت مشيت
وليد:يابنت اللعيبه عملتيها ازاي دي انتي جبتي التسجيل ازاي
عشق :خليت بتاعه النضافه تحط مايكات في غرفه المكتب بتاعتهم عشان كنت حاسه بغدر
وليد : لا بجد برافو عليكي يا عشق اه صحيح سليم عزمك علي الغدا النهارده
عشق :ايوا قالي الصبح يلا نروح عشان انا جعانه
عند سليم كان خلص شغل وطلع علي الفيلا وطلع غير ونزل ركب خيل وهوا حصانه المفضل ودخلت عشق وقفت بصدمه.....
