رواية زواج إنقاذ الفصل السادس بقلم جمانه السعيدي
ياس بديت اطبخ وقررت اسوي برياني ودجاج شوي ومقبلات هي بقت كاعده ولافه الشال على خشمه
كتله خلاص ارفعي الشال الليمون ضيع ريحة الدجاج
رفعت الشال وكالت اساعدك بس انت علمني واني اساعدك
لان اني ما اعرف اي شي
انطيته البتيته وكتله كطعيها مكعبات وخليلها ملح
بدت تشتغل وهي ساكته
واني نكعت التمن وخليت الدجاج بلفرن
هي كلت البتيته وحضرت الحشوه واني اعلم بيها
الساعه ١٢ كمل الغدا
كتله اصلي ونرجع نتغدا بين مايهدر التمن
كملت صلا ورجعت لكيت الدجاج صاير احمر يخبل وريحته فد شي
صبيت وكعدنا نتغدا كالت عاشت ايدك كلوش طيب
....بلعافيه
...وين تعلمت تطبخ طبخ مال محترف موطبخ واحد يتعلم
....بلقسم تعلمت اطبخ وهسه اليوتيوب كلشي يعلم
واعرف بعد طبخات اشكال
....الصراحه استحيت منك انت تعرف تطبخ واني مااعرف
....اتعلمي كلش سهل الطبخ وحلو وممتع
...احاول
كملنا غدا وساعدته بتنضيف المطبخ لان وصخنا هواي مواعين
وهي راحت الغرفته
واني طلعت الحاسبه اجمع مصادر للبحث مالتي
جمانه السعيدي
بليل تعشينا عشى خفيف وهي دخلت تسبح واني اتفرج على التلفزيون
من ردنا انام رحت فتحت شباك المطبخ بلكت تدخل بزونه وتجي تنام يمي
شويه وطلعت من غرفته تفرج أسنانها وشافت الشباك مفتوح راسا سدته
فشلت هاي الخطه
كعدت افكر بخطه ثانيه اجيبها يمي
اجتني فكره رحت جبت كم حصوايه من الحديقه
شمرت اثنيين على باب غرفته والثالثه بلشباك هاي الي
بلشباك صوته قوي صار
رجعت بسرعه كعدت على القنفه سويت نفسي كلشي مامسوي خليت كرزات يمي وباوع على التلفزيون
شويه وسمعت باب غرفته انفتح
هله هله نجحت الخطه تمام
اجت كعدت
كعدت قريبه عليه على نفس القنفه
كالت هم سمعت صوت
...لا كولشي مسمعت
...اني سمعت صوت ضربه بلشباك
اني سويت نفسي مندمج ويه التلفزيون وما منتبه اله
اكل كرزات وهي كاعده ولافه نفسه بلروب وساكته
شويه اندمجت ويه الفلم جان فلم اكشن حلووووو
التفتت عليه لكيته مرجعه راسه على القنفه ونايمه
الصراحه كسرت خاطري حسيت جاي ااذيه
بس حيل بيه تستاهل ليش ماتكعد يمي
رحت جبت مخده وبطانيه
نزلت راسه على كيف وغطيته
كملت الفلم ونمت
كعدت الصبح على صوت التليفون يرن
اخذته وطلعت برا ما ردت ازعجها
امي متصله بيه
ياس الوووو هلو يوم شلونج
ام ياس....هله حبيبي شلونك اشتاقيتلك
ياس اني اكثر يا اعز الحبايب
ام ياس هذا ثالث اسبوع وانت ماكووووو اشتاقيتلك
ياس يمه احضر للبحث ومشغول
ام ياس...يمه هاي عطله حتى بلعطله ما اشوفك
ياس انشاء الله اجيكم اخر ايام العطله ابوي شلونه
ام ياس الحمد لله زين عمك شلونه
ياس...عمي اليوم عمليته
ام ياس...الله يشافي ويعافي انشاء الله
سديت التليفون ورجعت خابرت على عمي
ردت عليه ام شمس وكالت بعد ساعتين ويدخل العمليه
شمس من سمعت احجي ويه امها كعدت واجت بسرعه
اخذت التليفون وكعدت تحجي ويه امها
رجعته اليه وشكلها حيل ضاجت
ياس....لاتضوجين انشاء الله خير
تريكنا وبقينا كاعدين على نار
عمليته طولت اربع ساعات واحنا القلق اخذنا
شمس ماكعدت ابد تروح وترجع
وكلساع تكول ياربي حيل طولت عمليته التفتت عليه
برائيك هسه خلصت العمليه لوبعد
...عمليه بلقلب خطره وتحتاج دقه اكيد تتاخر
...يارب طالبه بابا منك الاهي ماليه احد غيره
شويه ودك التليفون ام شمس كالت نجحت العمليه وطلع من صالة العمليات
شمس كامت تبجي من الفرح واني حمدت ربي وشكرته الف مره
لان انقهرت على شمس صعبه لمن يكون الاب والسند بخطر تحس حياتك كلها بخطر
جمانه السعيدي
طبخت تبسي على السريع وكتله تعاي شوفي شلون اطبخ وتعلمي
واكفه يمي وكلساع تلزم راسه لمن كملت
شمس شبيج
...راسي يوجعني
...يجوز ضغطج صعد بسبب الخوف والقلق بدلي خل انروح
انقيس ضغطج
...لامايحتاج
...لا لازم نتاكد هسه حتى نجيبلج علاج خاف يزيد الوجع عليج بعدين
صار الوكت قبل المغرب بشويه طلعت لابسه ثوب سمائي وبي ورد ابيض ولابسه طوك سمائي
طالعه مثل الملاك كان ابودي تلبس حجاب لان اخاف عليه
بس وضعه مايسمح وماحبيت اضغط عليه
قفلنا الباب وطلعنا اكو مضمد قريب نتمشى شويه
ياس...ااجر سياره لوتكدرين تمشين
شمس لا اكدر امشي
جمانه السعيدي
انتبهت هي من جهة السيارات سحبته من جهة الرصيف واني صرت من جهة السيارات
وصلنا للمضمد قريب عليه جان تلزم راسه واجت توكع
اني راسا سندته خليت ايد على خصرها وايد الثانيه لزمت ايدها
.....الله الله لاتوكعين دختي
...راسي يوجعني
وصلنا كللها المضمد اكعدي وقاس ضغطها طلع صاعد درجتين
انطاها حبايه كال هسه اخذيها بعدين وصاها تشرب ليمون طبيعي وتصير زينه
مرينا على المحل اشترينا كيلوين ليمون ورجعنا نتمشى للبيت هي دخلت تبدل واني طلعت المعصاره وبديت اعصر بليمون خففته شويه بمي بارد وخليلته شكر
اخذته ودكيت الباب عليه شمس يله هذا عصير الليمون
اطلعي اشربي حتى ينزل ضغطج
شويه وطلعت لابسه تراك بنفسجي فاتح ضيك ورافعه شعرها
حتى وهي مريضه تخبل
اخذته وكعدت على ميز الطعام تشرب
...عاشت ايدك طيب تعبتك وياي
...تعبج راحه اهم شي ينزل ضغطج
