رواية احببت من لا يراني الفصل السادس 6 بقلم سحر السحرتي

*كانت السياره مسرعه و تنح-رف يمينا ويسارا 

*كادت ان تص-طدم سماح لولا ان سماء فدتها و اص-طدمت هي بدلا عنها 

*هرب السائق ولم يهتم أن يلقى ولو نظرة أو يطمئن على من صدمها

*كان ادهم و عمار يشاهدان من بعيد فاسرعا اليهم 

*كانت سماء تص-رخ من الالم  ...حاول عمار حملها لكن ادهم دف-عه وحملها هو 

:في ايه يا ادهم انا كنت بلحقها 

:ما يصحش انا في مقام ابن عمها ... شوف خطيبتك من-هاره و بتعيط 

:خطيبتي اختك على فكره

: ما تزودش في الكلام هات العربيه خلينا نوديها المستشفى  ...سماح اخذتي رقم العربيه 

:ما لحقتش من الخ-ضه قولي انها هتبقى كويسه دي اتخب-طت بدالي

:ما اعرفش ادينا هنشوف 

*بعد ذهابهم للمستشفى تم وضع قدم سماء في الجبس و خرج الطبيب 

ادهم :خير يا دكتور 

:شويه كدمات وكسر في رجلها احنا جبسناها بس بلاش تمشي عليها ... ممكن تستخدم عكاز انا اديتها مسكن نيمها عشان الال-م 

*حملها ادهم وعاد بها الى المنزل 

*ص-رخت اميره عند رؤيتها نائمه و مك-سوره

: بنتي ... مالها يا ادهم 

:مفيش يا طنط عربيه خبطتها واحنا ماشيين هتبقى كويسه أن شاء الله 

: انا كنت حاسه الله يسامحك يا ام زغلول ... هي اللي جابته لنفسها ما كانت نجحت وسكتت لازم الهليله اللي عملتها

: واحده تعبت وفرحانه بنجاحها

:اهو طلع على جسمها الحمد لله انها جت على قد كده دايما مش بتلحق تفرح ... قلب امك يا بنتي 

:قدر ولطف انا جبت الدواء و العكاز عشان ممنوع تدوس على رجلها 

*في اليوم التالي ذهب ادهم ليطمئن على سماء وجدها تربط راسها بطرحه وتغني ( هنمشيها بتغني)

:جت الحزينه تفرح ما لقتلهاش مطرح ... يا صغيره يا سمسمه مش هتلحقي تعالجي برص حتى ... ده اللي حصل لك بعد توديع اول يوم للثانويه ... يا عيني يا اختي ....يا اختي ...يا اختي

: هههههه بتعملي ايه 

:اسكت بسلي نفسي و اندب حظي 

:ده انت حظك احسن من العربيه دي اتطبقت والراجل عايز مننا تعويض هههههه 

 :انت مسكته ابن بسبوسه ده انا هعمل منه كفته واخلي بسبوسه تقرقشه او اسيب عليه عنتر 

:لا لسه بس مش هسيبه انا روحت عملت مح-ضر و هيراجعوا الكاميرات و يقب-ضوا عليه 

:كل ده عشاني 

:لا عشان كان هي-خبط اختي 

:اختك يا ريته كان خبط البعيد ....طب شكرا عشان شلتني تعبتك معايا 

:تعبتيني قوي 

: نعم 

: اصل انت تقلتي قوي عن من سنتين لما وقعتي من على العجلة خسي شويه

: هو انت جاي تزور مريض ولا تج-لط مريض مع السلامه كفايه زياره كده كفيت و وفيت

*دخلت سماح ومعها عمار 

:حمد لله على السلامه يا سمسم عمار جاي يشكرك بنفسه و جايب لك شوكولاته من اللي بتحبيها 

عمار : انا مش عارف اشكرك ازاي انت انقذتي خطيبتي وحبيبتي و انقذتي فرحنا اللي قرب 

:دي اختي انا اضحي بحياتي عشانها بس تعبت نفسك ليه وناس ثانيه داخله بايديها فاضية

بقلمي سحر السحرتي 

*نظر لها ادهم بذهول وضحك

سماح :بس انا زعلانه انك مش هتقدري تلفي معايا نشتري باقي حاجاتنا

 :سماح خذي اخوك و روحوا يا ماما سيبي لي باشمهندس عمار الراجل ده ذوق هتتجوزيه ازاي انتم مش شبه بعض 

:ليه هو ايه اللي حصل

:انت زعلانه عشان مش هلف معاكي و اخوك يقول لي خسي وطبقت العربيه متأكدين انكم جايين تخففوا عني 

: هههههه بهزر معاكي و هردها لك في الافراح

: لا مش محتاجه افراح بس خلي خطيبك ياخدني معاه 

*تعص-ب ادهم 

:ياخدك معاه فين

: اتمرن عنده في المزرعه على البهايم

: ليه

:ما انا هدخل طب بيطري و محتاجه اتدرب ومش هلاقي احسن من المزرعه 

:نعم بتجيبي مجموع كليه الطب وعايزه تدخلي طب بيطري

:اه انا بحبها وعايزه اعالج الحيوانات 

*دخلت اميره تقدم لهم العصير 

:هب-له بتضيع نفسها عشان تعالج بسبوسه و عنتر .. ده انا هحط لهم س-م في الاكل واخلص منهم 

*ضحكوا جميعا عليها 

:اوعي يا ماما هسيب البيت ومش هتعرفي تلاقيني الا عنتر ده حبيب قلبي اللي طلعت بيه من الدنيا 

:يا بنتي الناس بتكلمني بتقولي الحقي بنتك ماشيه مع كل-ب افتكرتهم بيشتموا واحد يطلع عنتر بتاعك 

ادهم : هههههه انا صدقت انها ماشيه مع حد في اول الجمله

سماء :مش احسن ما امشي مع حد فعلا 

اميره :كنت هق-طم رقبتك بس كان هيبقى احسن عندي من عنتر بتاعك ده 

:لعلمك بقى عنتر احسن من البني ادمين مش بتشوفيه بيرقص ازاي لما يشوفني و بيسمع كلامي ولما يلاقيني زعلانه يلحسني في وشي

*جزت اميره على أسنانها وضمت قبضة يدها لتكتم غي-ظها

: انا خارجه بدل ما ارقد جنبك هتنق-طيني 

*خرجت وجلسوا معها قليلا يضحكون ووعدها عمار ان ياخذها معه الى المزرعه تحت نظرات ادهم الملت-هبه 

*عاد ادهم لشقته ودخل معه عمار الى غرفته

:في ايه يا عم ادهم مش طايقني وانا بتكلم مع سماء كأنك بتغ-ير عليها 

:نعم انت هت-هبل في الكلام

: اصل حسيت بكدة لما كنت هشيلها لما العربية خبطتها

: هي بس زي اختي مش اكثر 

:بس تصدق فعلا دمها خفيف ومسليه غير انها جميله جدا

: ولا هقول لسماح تتخ-انق معاك

:ما هي عارفه ما انا بقول لها كده وهي نفسها بتشكر فيها يا بخت اللي هتكون من نصيبه 

:طب روح بقى عشان لمياء بتتصل بقالها كثير مشغوله في امتحانتها ودي اول مره من فتره تتكلم

: كلمها بعدين هو انا بزورك كل يوم من الشغل وتجهيز الشقه

: ما تبقاش غل-س بقى اطلع

*خرج عمار لانه يعلم أنه لا فائدة من الجدل مع ادهم فهو يفضل لمياء عن أي شخص 

*تحدث ادهم مع لمياء وروى لها كل ما حدث حتى اصابه سماء

:نعم يعني بابا رقص في الشارع و ذب-ح عجل كمان عشان خاطر الست سماء لا كده زياده عن حده قوي 

:في ايه يا لمياء ما عمل كده معاكي لما نجحتي انا غلطان اني حكيت لك

:انت كمان عايز تخبي علي وعمل كده معايا لاني بنته دي بقى تطلع ايه ... ده حتى غ-بيه حد يجيب مجموع طب ويدخل طب بيطري اما مت-خلفه صحيح

: لمياء مش ملاحظه ان مؤخرا كل كلامنا مع بعض خ-ناق ..  هو تقريبا من يوم ما سافرتي للدراسه

: اعمل ايه اذا كان كل اخبارك مست-فزه مفيش مره تقول لي اخبار كويسه

:عندي خبر كويس فرح سماح قرب

: ازاي توافق انها تتجوز قبل ما تخلص دراسه 

:هي حره هي وخطيبها غير ان كليتها مش محتاجه تفرغ زيك ....وبعدين عقبالنا هانت كلها سنه وتخلصي و نتجوز

:ما انا بتصل بيك عشان اقول لك اني رسبت في كام ماده و هيبقى فاضل سنتين على ما اخلص

: ليه كده يا لمياء ايه اللي خلاك رسبتي ده انا بعد الايام عشان نتجوز 

:اعمل ايه يا حبيبي كانت مواد ص-عبة قوي والدكتور حاططني في دماغه

: ليه مفكراه دكتور من شبرا يعني ايه حطك في دماغه هو الكلام ده عند الأجانب كمان 

:اصله كان معجب بيا و بيلمح وانا صديته و اديتله على دماغه

: الحاجه الوحيده اللي فرحتني في كلامك اني سايب راجل يوقف كل واحد عند حده 

:طبعا يا حبيبي انا لي غيرك  ... ممكن تكلم بابا يزود المصروف شويه

: يعني اقول له انك سق-طتي ويزود المصروف في جمله واحده 

:لا اجل موضوع سق-وطي ده ومش لازم يعرف هنقول مواد زادت عليا 

:عموما لو احتاجتي حاجه قولي لي ابعت لك على ما يزود المصروف

: ما اتحرمش منك يا قلبي باي بقى عشان عندي مذاكره 

بقلمي سحر السحرتي 

*في مكالمه اخرى بين والد ادهم ووالدته

: اسمعي يا فوزيه عايزك تقترحي على ادهم و تزني في نفس الوقت لما انزل مع لمياء عشان فرح سماح يكتب كتابه عليها 

:ليه السربعه دي وهي لسه بتدرس ده انا بتمنى انهم يفس-خوا

: انت عارفه ابنك مجن-ون بيها يمكن لما يتجوزها تبقى عادي زي اي انسان نفسه في لعبه قوي ولما تبقى عنده يلعب بيها شويه و يسيبها 

:وانت مستعجل ليه على كتب الكتاب فهمني

:عايز اربطها عشان ما تغيرش رأيها 

:ما تغير دي مصلحه نخلص من الشبكة السودة دي 

:ابنك قلبه هيتك-سر لو سابته 

:انا حاسه ان في حاجه ثانيه مخبيها عليا انا فهماك من نبرة صوتك والتوتر اللي فيهم

:عرفت انها مرتبطه بواحد زميلها

:نعم وهي مخطوبه لابني

: اه وطبعا مستمره في الخطوبه عشان ابوها يفضل يصرف عليها لغايه لما تخلص دراسه

:وانت عرفت ازاي 

:سمعتها بتتكلم مع واحده صاحبتها انها طايقاه بالعافيه و مكمله بس عشان ابوها لو عرف هيخليها تنزل من غير ما تخلص دراسه وانها ناويه تقول له انها سق-طت و هتطول كمان سنه على ما تقف على رجلها وتقدر تستغنى عن فلوس ابوها

:وانت بتكلمني وانت في البيت عشان تسمعك 

:لا طبعا واخد بالي انا في الشغل

 :يعني عايزه تك-سر قلب ابني الهي تتك-سر رقبتها

:طول عمرها ما يهمهاش غير مصلحتها 

:هتقولي بعد اللي عملته في سماء بنت اميره اتوقع منها أي حاجه 

 :ايه اللي حصل 

: انت ما تعرفش فكرت سلطان حكالك

: انت عارفه سلطان مش بيقول اخبار بيته

*بعد ان روت له 

:يعني كل همها يطلق مراته على حساب مستقبل بنتها و تسيبه قاعد لوحده مش كفايه كان مستحمل امها اللي كانت دائما مشغوله عنه باهلها  ... ده طاير باميره و شايلاه شيل وكل اما اكلمه يشكر فيها ويحكي هو قد ايه مبسوط وأنها عوضته عن حاجات كثير استحملها زمان 

:بصراحه دي ست اميره اسم على ما يسمى اول ما تعرف اني تعبت تبعت صينيه مليانه اكل واقول ده كثير تقول ده من خير المعلم غير سؤالها دايما على صحتي وبتعمل كل ده بمحبة مش نف-اق 

: المهم اوعي تقولي كلمه على  اتفاقنا لحد او سماح تعرف سامعه خلينا نستغفل لمياء زي ما هي مفكره نفسها مستغفلانا

: انت ازاي مستحمل القعده معاها بعد اللي عرفته 

:عشان خاطر اخويا وابني الاهب-ل 

:عندك حق ربنا يبعدها عنه 

*بعد عده ايام دخلت سماح على ادهم غرفته فامسكها من شعرها 

:مفيش باب تخبطي عليه كلها كام يوم ونخلص منك

: يا عم مش هوحشك

 :عايزه ايه

: اديني اللاب هروح عند سماء نكتب الرغبات وعمار كمان هيجي يسهر معانا

: نعم ليه

 :عادي نسليها عشان مك-سوره وقاعده مت-ضايقه تيجي تسهر معانا 

:هو ينفع

: اه ما عمي كمان هيقعد معانا هو و طنط اميره 

*ذهبوا جميعا وجلسوا في الصاله اتت سماء وهي تمشي على العكاز

 :اخص عليكم كلكم هنا بربطه المعلم امال طنط فوزيه فين

 سماح : ايه ده نسيت اعزم عليها تيجي

 :طب روحي نادي لها وانا هعمل فشار 

ادهم :فشار ايه برجلك دي

 :تعالى ساعدني لو تحب اصل ماما مش بتعرف تعمله

 اميره: فشار ايه يا هب-له مش لما يتعشوا الاول

: ايه ده هو العشا مش الفشار دى انا كنت هنوع شويه بالجننة وشويه بالكرامل وقضيت

:صبرني يا رب اقعدي اكتبي اللي اسمه ايه ده الرغبات بس ينوبكم ثواب عقلوها على ما اعمل العشا وخلوها تختار حاجه تانيه غير دكتوره بهايم 

:يا ماما انا محدده هدفي وعارفه انا عايزه ايه

 :بقى دكتوره به-ايم ده هدف جتك خيبة

:اعرفكم امي رافعه معنوياتي جدا ... ما تقول حاجه يا بابا

 :انت عارفه دكتور البه-ايم  ... قصدي دكتور المزرعه بياخد كام عندنا 

:يعني بيكسبوا كثير قوي

: لو الدكتور شاطر طبعا بيكسب حلو قوي 

:لا وانا بنتي شاطره مع الحيوانات بس 

سماء :ايوه كده شهيصيني و هخدمك في الحمام اللي انت مربياه فوق وشويه الارانب كمان

: اخيرا هستفاد منك بحاجه

: انت زي القطط يا مرمر تاكلي و تنكري مش انا لسة واقفة على رجلي المكسورة الم لك الغسيل 

: كنت بتلمي الغسيل ولة بتلاغي في عنتر بتاعك وقلتي تعملي نفسك بتلمي الغسيل بدل ما ازع-ق لك

*كانت سهره مليئه بالضحك و المناكفه بين سماء وباقي افراد الاسره

 *كانت تلعب مع سماح وعمار وادهم و تتعمد سماح ان تبقى مع عمار فريق واحد ضد سماء وادهم 

بقلمي سحر السحرتي 

*هل كانت خطه لتقريبهم من بعض؟

 عمار: سماء انا في رقبتي دين كبير لك عشان انقذتي حبيبتي وبقيتي اختي الصغيره اي حاجه تطلبيها عمري ما هقول لا

 :ما تقولش الكلام ده انا انقذتها عشان هي اختي مش عشان خطيبتك بس هستغل كلامك واعتبر نفسي اختك الصغيرة بجد لان ماليش اخوات

سماح : كويس انك هتفكي الجبس قبل الفرح

 عمار :خلاص هبقى اوصلك عشان تفكيه

 *ادهم بغي-ره :ما تتعبش نفسك انا هبقى اوصلها وانت مشغول في ترتيبات الشقه والفرح

 *نظر عمار نظره خب-يثه الى سماح 

:اللي تشوفه كنت عايز اساعد 

سماء : مفيش داعي هبقى اروح مع ماما المستشفى قريبه 

ادهم :كلامي يتسمع 

*استأذن الكبار للذهاب الى النوم 

سماح :مش كان في مشروع فشار يا سماء

 :اه هقوم اعمله 

ادهم :تحبي اساعدك

 :انت بتعرف تعمله 

:لا بس ممكن اتعلم اصل لمياء بتحبه 

*نظرت له سماء باستغراب وغيظ في نفس الوقت 

:لا ما تتعبش نفسك عشان اعرف اتحرك في المطبخ بالعكاز 

*وحدثت نفسها وهي تلوي فمها يمينا و يسارا 

: وانت عايزني أعلمك عشان لمياء بتحبه عجبي

*همست سماح لعمار 

:هو ايه ابو جهل ده ضيع مجهودنا على الفاضي

 :انت مفكره انه في يوم وليله هينسى لمياء افكارك دي مش هت-ضر غير سماء هتتعلق بيه وهو نايم قايم يحلم بالست لمياء و باليوم اللي هيتجوزها فيه

: انا فعلا خاي-فه من كده بس بحسها فعلا اتعلقت بيه رغم

انه ناشف وقفل معاها من قبل ما نفكر نجمعهم

:خلاص بطلي افكارك اننا نقربهم من بعض 

:طب ما شفتش كان بيغ-ير عليها ازاي ومش عايزك تشيلها وقت ما اتك-سرت

: يمكن اعتبرها بنت عمه بجد زي ما بيقول انا هبقى اجس نبضه واعرف هو حاسس ايه من ناحيتها وبعدين نكمل على الاساس ده 

:يا ريت احسن طول عمري لمياء مش بتنزل لي من زور

: ولا انا

 ادهم :بتتوشوشوا بتقولوا ايه 

:واحد وخطيبته اكيد بيقول لها كلام حب

 :كلام حب في بيوت الناس يلا بينا بقى هنفضل سهرانين للصبح 

سماح: انت مالك عمي قال البيت بيتكم ومبسوط اننا مسليين سماء وهي مك-سوره عايز تنام ارجع الشقه انت بكره اجازه 

:و اسيبك انت وهي وعمار

: هو عمار غريب ده جوزي على فكره 

:لا ما يصحش و قاعد عايز اكل فشار 

سماء: وانا جيت على السيره وعملت كثير 

*ظلا يلعبان و يضحكان و يخط-فون من بعض الفشار الى ان اذن الفجر 

سماح: بصراحه يا سماء القعده معاكي تج-نن و هفتقدها بعد الجواز

 :ليه تعالوا اسهروا معايا ونلعب مع بعض من وقت للتاني 

:هيحصل ان شاء الله 

عمار :نعم امتى بقى 

:لما نزهق من بعض 

:وانا عمري ما ازهق منك يا قلبي 

سماء :نفسي اسجل لك البوقين دول عشان بعد شهر الحوار ده هيتغير تماما 

: خليك محضر خير امال اختي الصغيره كلام بس

سماح :انت شاهده اما نشوف هيتغير ولة لا

سماء :طبعا شاهده ويفكر كده يزعلك دربت عنتر من بصه يفهم انا عايزه ايه هخليه يع-ضه

: لا ده حبيبي مهما عمل

 :خلاص يع-ضك معاه هههههه 

 ادهم :صح يستاهلوا .... شكرا يا سماء على العشاء و السهره الجميله تصبحي على خير

: وانتم من اهله اتمنى تكرروها 

بقلمي سحر السحرتي 

*مرت الايام وتم شفاء سماء تماما وكما ابلغها ادهم ذهب معها الى المستشفى وقامت بفك الجبس عن قدمها 

*تحدث عمار مع ادهم كما وعد سماح عن حقيقه شعوره ناحيه سماء

: الا صحيح يا ادهم بحسك بتغ-ير على سماء مني

 :لا بس عشان هي تعتبر بنت عمي 

: متأكد ليه حاسس انك شايفها بنظره ثانيه

 :لا ثانيه ولا ثالثه انا مخلص للمياء وعمري ما اخون-ها

: على فكره طبيعي مشاعرنا تتغير لان البعد جفا ومش عيب تحب تاني 

:بس لمياء ساكنه قلبي ومفيش غيرها

: امال رأيك ايه في سماء 

:بنت لطيفه مرحه قادره تغير مودك للاحسن في لحظه ... كنت ظال-مها في الاول و بتعامل معاها بشكل س-يء بس طلعت طيبه قوي ... بتفرض حضورها ... لها هدف .... الكلام والقاعدة معاها مريحه بشكل مش بحسه مع ناس كثير 

:كل ده ومش شاعر من ناحيتها باي حاجه واظن مواصفاتها دي عكس لمياء تماما 

:فعلا بس ده ما يغيرش شيء في مشاعري ناحيه لمياء

 :انت ايه معمول لك عمل اسمه لمياء 

:اه وعمره ما هيتفك ريح نفسك .... وبعدين انت بتحاول تقنعني بايه سماء صغيره وبعيدة عن تفكيري

: لا أصلي شايفها بنت كويسة ومستخسرها لحد غريب 

: ربنا يكتب لها الخير واكيد هبقى معاها كاخ وهي بتختار عشان تاخد واحد يستحقها

*فش-لت كل محاولات عمار للفت انتباه ادهم تجاه سماء وابلغ سماح بذلك 

*ايضا فش-لت خطه والد ادهم لان لمياء لن تستطيع حضور الفرح بحجة ان لديها امتحان

$ هل ستقوم لمياء بتدبير خطة وهي في الخارج لمنع زواج سماح كما فعلت مع سماء ؟